رواية سعوديات بعروق ايطاليا -112


رواية سعوديات بعروق ايطاليا -112


رواية سعوديات بعروق ايطاليا -112

 بندر : من جد رحمته والله ما ينلام ترا اللي شاف موب شوي بس عاد المفروض قدر كيف يتجاوز
 
هالصدمة بس مو بهالشكل
 
سلطان : الله يعينه يارب
 
دق جوال سلطان
 
بندر : خلاص اسبقني اجل البيت شوي بجيب اوراق من السيارة
 
سلطان : احلف بس بيتك يوم انك تعزم ههههههه
 
بندر : هههههه ايه بيتي عندك مانع
 
سلطان : هلا زينة
 
بندر ( وشذا الجرح اللي بدأ يلطم كل معالم و ملامح الصداع اللي براسي )
 
سلطان : ابشري يالغلااا بس على الله ولا تغيرين رأيك
 
بندر مستغرب بقوة من اللي يسمع
 
سلطان مبسوط و شاق الفيس : اقول بندر
 
زينة ( بدت تشعر بمشاعر غريبة جدا تنبض بقلبها من طاريه )
 
بندر : حاضر داري وش بتقول ....؟؟؟؟
 
سلطان : هههههههه يازين اللي يفهمون
 
بندر : اوكي الوعد الإستراحة الليلة طيب بإذن الله
 
سلطان : والله مدري يمكن جايز اجحدكم ههههههههه هاه زينة وش رايك نتعشى مع بعض
 
زينة بخجل و خوف : لا مابي ازعجك بس بشوف امك بتطمن عليها
 
سلطان بعصبية شوي : بتشوفين مين ماسمعت
 
زينة استوعبت : ايه بشوفها
 
سلطان : مين
 
زينة بمشاعر حزينة : امي
 
سلطان بهدوء ابتسم : رحمتِ عمرك ههههه يالله اختي تجهزي شويات و بجيك
 
زينة : لا لا تتعب عمرك انا بجي مع السايق بس ودي تكون معي هناك
 
سلطان : لااا يالله اتجهزي بمرك و بآخذك وحتى ام عبدالله بقولها بعد نمرها
 
زينة بدلاخه : زوجتك ؟
 
سلطان : ههههه أي زوجتي الله يرحم والديك اختي اختك يالهبله
 
زينة بخجل : هههه معليش نسيت طيب يالله انا بتجهز
 
سلطان : لا تتأخرين ترا بمر كانتِ قبل بحكم انو بيتكم على طريقي زين
 
زينة بحماس : طيب بدر ماقلتِ لي متى بيجي ؟
 
سلطان ناظر بندر : والله على حسب يمكن في الليل اظن في الليل
 
زينة : ماراح يبيتون فيذاك يعني
 
سلطان : لا ما اعتقد وين يبيتون هناك حلا هي
 
زينة ابتسمت : طيب اوكي يالله سلام
 
سلطان : سلامات ههههه
 
بندر يناظره : مبسوط congratulation
 
سلطان : ههههههه ياحبني لها عسل اشوا قدرت تتجاوز الصدمة
 
بندر : ايه امي البارح كانت عندها هرجت عليها و اقنعتها و عمتي هيا يعني كلهم قالوا لها
 
سلطان : الله يجزاهم خير ...بس غريبة انا مستغرب ابوك ما صارت له وقفة كريمة بذالموضوع هههه
 
بندر : ههههه ابوي مشغول الحين بالعيال بيزوجهم كلهم ولا بعد فصل بلسالفه
 
سلطان : طيب عمي سعود وشلونه
 
بندر : يقولي تركي انو بخير و في رجاء خير و بيجي الرياض خلال الكم يوم الجايين بإذن الله
 
سلطان تنهد : الله يعينهم يارب
 
بندر : طيب لا تتأخر عليهم يالله
 
سلطان : عليهم اجل ههههههه ياخي قل عليها وريح بالك
 
بندر يبتسم : عليهم عليها الاهم ان مقصدي واضح هو بالاخير شخص واحد
 
سلطان : احممممممممم كح كح لا تنسى انها اختي
 
بندر : ذي الغبينة انها اختك لا تذكرني بس هههههه
 
سلطان : هههههه احمد ربك بذلك على ذالمصاهره لين اموت
 
بندر بخيبة ناظره : أي مصاهره يا بابا هذا شيء كان ..يعني ماعاد يمديك ههههههه
 
سلطان : ههههه هنا قمة القهر بس يالله مب مشكلة ماندري وش مخبية لنا الايام
 
بندر تنهد : الله يكتب لنا كل خير يارب
 
سلطان : يالله اجل اشوفك بالليل بإذن الله
 
بندر : عاد هاه شف ان بغيت تجحدنا قلنا عشان ما يتكلفون بأاباريق الشاهي خل نذير يرتاح الليلة
 
سلطان : خخخخخخخخخ وش اسوي كل اللي يدخنون يحبون الشاهي مع الدخان
 
بندر : لا تعمم رجاء << ياهوه يا ذووق ^_^
 
سلطان : لا تروج اشاعه انك ماعاد تدخن خلاص
 
بندر : والله اني احاول ولانيب مثل قبل الحمدلله
 
سلطان : وش عليك اللي ببالك صار حولك خلاص ( غمز عينه )
 
بندر ( لا يمكن اظلمها وارجعها لو ايش ) : انت اللي لا تروج اشاعات بليز وانت اقرب شخص
 
تدري باللي براسي خخخ
 
سلطان ( معقول من جد يكون خلاص ماعاد يفكر بزينة بس انا باخصه وخابر اللي بقلبه ليش
 
كذا مرة يلمح لي انو مستحيل يرجعها بيوم )
 
بندر : يالله بالاذن بروح لابوي انا لي فترة عنه
 
سلطان : ايه صح تو قلت انو بيزوج العيال ..مين بالضبط
 
بندر يتذكر : اللي عليهم الدور
 
سلطان : احلف بس بالله من جد اللي عليهم الدور خخخخ يعني انت اولهم
 
بندر بتضجر : لا انا خلاص ماعادني بتزوج وش لي بالغرابيل خخخخ
 
سلطان : وش دعوة غرابيل وانا اللي ابيك تقنعن اني اتحرك و اخطب خخخ
 
بندر يناظرهـ فهم تلميحه : وش وراك اللي بعمرك معهم ولد او ولدين او 3 جرب حظك
 
سلطان : إن شاءالله بس لين تتحسن امي
 
بندر رفع حاجبه : معناتوه فيه احد براسك صح ؟
 
سلطان << ياملح اللي يلمحون : والله موب احد احد يعني تقدر تقول براسي عائلة معينة
 
عرفت كيف ؟
 
بندر فهمه ابتسم : شكلنا بنصمم اننا نذل بعض هههههه
 
سلطان : هههههههه و يلوموني فيك
 
بندر ابتسم : طيب يالله الله يكتب لك اللي فيه خير بس تراك تأخرت
 
سلطان : ياليل اللي تأخرت عليهم خخخ
 
بندر : يالله سلام
 
سلطان : سلامات
 
بندر ابتسم و هز راسه و حرك سيارته ...
 
-
 

 
بندر يفكر وهو يسوق ( احبها و اموت فيها ، بس منيب مستعد انها تذوق الشقى و الاسى
 
غير اللي ذاقته معي قبل ، لكذا الله يسعدها يارب و منى عيني تكون سعيدة و مبسوطة )
 
وها هو يستعيد ذكريات وجهها الصبوحـ
 
و عشقها العذب
 
و خلجات قلبها الي توطنت بقلبه المرهق الجريح للأبد
 
تذكر عيونها ...نبضاتها ...عصبيتها ...جنونها ....ضحكها
 
و الحسرة تقطع قلبه لعدة قطع
 
و نوال الكويتية تواكب الحدث بـ
 
( ايام حلوة كانت ايام حبكـ ..... كنت في روحي تسري كنت بجنون احبكـ
 
قاسي القلب لكن كان قلبي في قلبكـ .....)
 
بندر يجتاح السيارات حتى مسك خط الخرج بيروح لابوه بالمزرعة
 
-

 
زينة ركبت مع سلطان بعد ما سلمت عليه
 
سلطان ناظر روز : ويلكم ويلكم ههههههههه
 
زينة تبتسم : تعالي ماما لا تخافين تعالي
 
روز ماسكه عباية زينة و ركبت جنبها
 
سلطان : لا ذا اللي مانبيه ثنتين قدام وينى فيه قراوه او ايش هههه
 
زينة تبتسم و استدركت : يؤ اصلا بنمر ام عبدالله الحين صح
 
سلطان : مين
 
زينة : ام عبدالله
 
سلطان : مااسمع ارفع صوتك ؟؟
 
زينة تبتسم : اختي ام عبدالله
 
سلطان : اييييه توني سمعت ههههه ايه بنمرها
 
زينة : طيب نرجع انا و رو زورا عشان اهي تجي قدام
 
سلطان : لا ياشيخه عشان اول جمس هيئة يكلبشنا وينى فيه تعالي قدام لحد ما نوصل
 
وجيبي باربي قدام ميب مشكلة
 
زينة : هههههههه اوكي
 
روز جلست ورا بكل ادب و ذوق .. و تتأمل مع الشباك
 
زينة تناظره ( تتذكر قبل كانت تشوف له صور مع بندر و كثير بندر يحكي عنه )
 
زينه : ما دق عليك بدر ؟
 
سلطان : ياليل بدر ازعجتينا فيه هههههههه تراي حتى انا اخوك اوما لو عندي اختي تقلق علي كذا
 
زينة ابتسمت : وانا بعد انبسطت كثير انو عندي اخت تمنيت من زمان تكون لي اخت والحمدلله
 
سلطان : كح كح احمممم
 
زينة تبتسم : وبعد انبسطت فيك بعد
 
سلطان : وش عقبه ههه الظاهر لو عندي مؤشر ضغط كان خرب من كثر مايرتفع و ينزل بسببك
 
زينة بخجل سكتت ..
 
سلطان : يالله امي بتجحدني الحين
 
زينة تبتسم : الله يخليك لها
 
سلطان : الله يخلينا كلنا لها ماتصدقين وش كثر تغيرت و تحسنت بشوفتك
 
زينة بحنية : الحمدلله و الشكر يعني تعرفني الحين
 
سلطان : تستهبلين انتِ صح قولي انك تستهبلين ! اقولك كل ما تشوفني وين بنتي وين بنتي
 
مدري وش اقول له رفضت تنكرت عيت عجزت دورت صياغات كثيرة الظاهر لو معي رقم شوقي ضيف
 
دقيت على احفاده يعطوني صايغه فصيحة محبكة
 
زينة : ههههههههه كل ذا
 
سلطان : واكثر بعد ....
 
وقف بسيارته : عاد ذي مين بيطلعها الحين ؟؟
 
ضرب بوري و علق عليه
 
زينة : ليش كذا ازعجت الجييران و الناس
 
سلطان : ليش وش على بالك بروما هههههه اللي يضرب بوري و يزعج الناس يصكونه بغرامه
 
لا هنا بالرياض يالغلا و بالمروج بعد خخخ
 
زينة تبتسم : طيب خلاص بيخرب البوري من سيارتك
 
سلطان : ههههه بلاك ما بعد عرفتِ ام عبدالله فطوم اذا ما لطعتني ساعه برى ماتصير مره
 
زينة : هههههههه هذا اهي طلعت ومعها بزر
 
سلطان : لا بيبي سيتر لبزراينكم اليوم الظاهر
 
سلطان فتح الشباك ويحكي مع فاطمة : رجعيه لو ايش منيب مركبه
 
فاطمة : وهـ بس بتركبه وانت رجال طيب !!
 
نزلت زينة و سلمت على اختها بمشاعر حانية تكللت بالدموع اكيد
 
سلطان : فضحتونا اقل شيء كان سويتوا ذالفيلم المصري بالبيت جوا مو قدام امة لا إله إلا الله
 
فاطمة : سليطين ماتركت خبالك حتى و زينة معنا ياخي اركد لو شوي بس
 
سلطان يناظر زينة : خلاص جهدنا من الركود معها ههههههههه
 
زينة : الله يخليك يارب هههه
 
راحوا المستشفى ..
 
زينة و هي بالطريق تمشي بتثاقل : اقول سلطان
 
سلطان : سمي
 
زينة : ترى بمر على امي امضاوي بعد
 
سلطان كشر شوي : اوكي براحتك يحق لك لازم بعد تشوفينها من حقك
 
زينة ارتاحت شوي و هي بالطريق : وش رايك اشوف امي مضاوي قبل
 
سلطان : لا اول شيء امي قبل وبعدين تروحين لمضاوي
 
زينة و الخوف يعتريها بقوة
 
فاطمة : وش به يدك بارده بالحيل ؟
 
زينة : بصراحة خايفه منيب متصورة ذاللحظة ابد
 
فاطمة : امشي بس و تشوفين اذا ما اشغلتينا بنجلس ماابي نروح
 
انفتح الباب
 
سلطان : السلام عليكم لاحلى و اغلى ام بالدنيا كلياته<< وش عنده الشامي
 
امه : وعليكم السلام
 
سلم عليها وبوس راسها
 
و فاطمة سلمت عليها : يسعد لي مساك يمه
 
سلطان : يالله اليوم مين قدك جبنا لك بنتك ... تعالي
 
زينة و الدموع بعينها و حالتها صعبه مره ما تشوف من تجمع دموعها بعينها
 
سلمت على امها و ضمتها بقوه حضنتها امها وهي تبكي
 
فاطمة شاركتهم البكاء يعد
 
سلطان : ماسكة معكم فيلم هندي شكله ههههه خلاص عاد
 
ليلى تناظر وجه زينه عن قرب : كيفك يمه
 
زينة دموعها بعيونها هماليل و تبتسم : بخير .....<< استحت
 
نزلت راسها : انت كيفك ؟؟
 
ليلى تتذكر كل اللي مر فيها ببعد زينة : بشوفتك طيبة
 
زينة تحس برجفة و مشاعرها ترعد في سماء خواطرها
 
يتبع ,,,,,
👇👇👇
أحدث أقدم