رواية مجبور اعيش من بعد فرقاك -24


رواية مجبور اعيش من بعد فرقاك -24


رواية مجبور اعيش من بعد فرقاك -24

وعد : مين نجود ؟

ريناد : بكره اعرفك عليها < التفت ريناد ورا وكان ناصر >
ناصر : ليش قاعدين هنا ؟
وعد : ولاشي طفشنا والجو يجنن
ناصر : اهاا
ريناد كانت تناظر ناصر وساكته
ناصر : خير في شي ؟
ريناد تفشلت : هاا ؛ لامافي شي وعد تعالي نروح عند البنات
ناصر : والله لو انك شايفه جني < وناظرها باحتقار >
ريناد : طيب لاتناظرني كذا
ناصر : طيب عمتي في شي ثاني
ريناد : لا اليوم بدق عليك ورد
ناصر : اذا فضيت
ريناد : اوك براحتك
< وقاموا ريناد ووعد عند البنات ؛ وجت دانه >
هيفاء : هاا وش صار ؟
دانه : اذا انخطبتي بقولك ؛ رهف تعالي اقولك وش صار
جود : دانه بلا ثقالة دم
رهف : لو سمحتي لما تكلمين وحده مخطوبه شيلي العلكه من فمك
دانه : وكلميها بأدب اوك
شذى : ياثقل دمكم
ريناد : من جد يبيلكم تصفيق
رهف : لا لا الفاظ بزران
دانه : جد انا مقدر اتحمل اقعد معهم
اشجان : لاتكفين انتي واياها
شذى : من جد انقلعوا لاتقعدون معنا
دانه : اووووووووووف بزران < وجت تبي تقوم ؛ وقامت شذى سحبتها من شعرها >
دانه وهي تصارخ : خلااااااااااص بقولكم وش صار
اشجان : لا حبيبتي اعتذري عن الاهانت حقتك
دانه : والله اني بزر وانتم عاقلين
وعد : دقيقه بجيب جوالي نسجل صوتها
ريناد : حتى رهف يبيلها
رهف : والله اجيب سعود يصفقكم
هيفاء : لا صراحه خوفتينا
شذى : اقري المعوذات وخلاص عادي
ريناد : اللي ربي كاتبه بيصير هههههههه
وعد استغربت من برود ريناد
< وقعدو البنات سواليف واستهبال كالعاده لين الساعه 1 كل وحده راحت بيتهم >
< في بيت ابو طلال >
شذى : عندي صوت دانه هي تغني
طلال :احلفي
شذى : والله عندي
طلال : ابي اسمعه
شذى :هههههااي جيب 500 واسمعه
طلال : شذى عن السخافه
اشجان : لا لاتعطينه
طلال: من جد سخيفا
شذى : بكيفك بس صوتها يجنن
طلال : خلاص وش تبغين ؟
شذى : 500
اشجان : لا انا ابي اللب توب حقك
طلالك لا خذي ال500 احسن
اشجان : بكيفك بس الصوت بجوالي احلى < والله لو انه هندي >
طلال : عادي هي تغني ماابي منكم شي
شذى : لا لا جيب ال500
طلال :بكره
شذى : خلاص بكره تسمع الاغنيه
طلال : خلاص خذي < ليت اخوي زيه >
< اخذت ال500 وشغلت الاغنيه >
والله اني بزر وانتم العاقلين وشذى اعقلنا
طلال : خخخخخخخخخخخ مالت هذي الاغنيه
اشجان : تعيش وتاكل غيرها
شذى :القانون لايحمل المغفلين هههههههه
طلال : هين بتشوفون
< دق على دانه >
طلال : هلا
دانه : هلا بك
طلال :هلا بالبزران
دانه تفشلت : الله يلعنها اختك
طلال: هههههههه من جد ودي اصفقها تدرين عطيتها 500 تقولي بسمعك اغنيه بصوت دانه
دانه : هين الدبه بوريها
طلال :ههههههههههه
< وقعدوا يسولفون >
< في بيت ابو فيصل >
< رهف كانت قاعده تكلم سعود وداخله جو معه >
< في بيت ابو سلطان >
< هيفاء وريوف يتطاقون كالعاده >
< في بيت ابو ناصر >
ناصر : اليوم ريناد وشسوت بعد اللي قلته ؟
وعد : ابرد من ذي البنت ماقد شفت
ناصر :ليش ؟
وعد : عادي قعدت تستهبل معنا
ناصر : هي تحب تسوي قويه
< دقت ريناد على ناصر >
ناصر :الوو
ريناد : هلاا
ناصر :اهلين
ريناد : كيفك ؟
ناصر : الحمدلله تمام انتي كيفك ؟
ريناد : تمااااااام
ناصر : وش تبغين ليش داقه ؟
ريناد : الحين ليش زعلان مني ؟
ناصر : انا مو زعلان ولاشي بس خلاص اللي بيننا انتهي وانتي قصه وانتهيتي
ريناد ناصدمت من كلامه : والله اني ماكنت اكلمه
ناصر : هالشي الحين مايهمني
ريناد : اخر شي عندك ؟
ناصر : ايه اخر شي
ريناد : اوك براحتك والله يوفقك باااااااي
ناصر : انتبهي على نفسك بااااي
< ريناد قامت تبي تنام >
< ناصر ندم على اللي قاله لريناد ؛ بس كان مصدوم منها لانه يحسب انها خانته >

< دق ياسر على ريناد >
ريناد : الوو
ياسر :هلا والله
ريناد : هلا بك
ياسر :اخبارك ؟
ريناد : تمام انت شخبارك ؟
ياسر : الحمدلله تمام وشخبار ناصر ؟
ريناد : خلاص تطاقيت معه
ياسر : انتي تحبينه ؟
ريناد : مدري
ياسر :كيف ماتدرين ؟
ريناد : بديت اكرهه من حركاته
ياسر استانس : ريناد لو اجي اخطبك بتوافقين ؟
ريناد : انت تدري اني مستحيل احبك
ياسر : اهم شي انك تكونين معي
ريناد : والله مدري
ياسر : ريناد واللله اني احبك وافديك بحياتي بس فكري زين ؛ وترى نصيحه خذي واحد هو يحبك مو انتي تحبينها
ريناد : وليش انت ماتسوي كذا ؟
ياسر : انتي تدرين اني اقدر اتزوج اللي ابيها ؛ وان اي بنت بتوافق علي ؛ بس انا ابيك انتي
ريناد : انا الحين ماافكر بالزواج ابي اكمل دراستي
ياسر : انتي تبغين تدرسين جامعه ؟
ريناد : اجل ليش دخلت علمي ؟
ياسر : وش تبغين تدرسين ؟
ريناد : طب او ادارة اعمال
ياسر : وانا عندي استعداد ادرسك باحسن جامعه براا
ريناد : جد تتكلم ؟
ياسر : ايه بس وافقي علي
ريناد :خلاص اوك
ياسر :انا بكره بروح عند ابوك اوك
ريناد : اوك
ياسر : خلاص الحين روحي نامي وبكره بكلمك
ريناد : اوك بااااي
ياسر : باااي حياتي
< ياسر كان مره مستانس انه قدر يقنعها توافق عليه >
< ريناد كانت تفكر باللي قاله ياسر وتقارن بينه وبين ناصر ؛ وطبعا ياسر احسن بكل شي ؛ لان ناصر مامعه شهاده ؛ ياسر يحاول يسعدها ؛ وناصر ينكد عليها ؛ بس اللي بقلبها ناصر >

< في المدرسه >
رهف :اذا وافقتي على ياسر بيكون اخر مابيني وبينك
ريناد : ليش ان شالله ؛ لاتقولين ناصر يحبك ؛ لانه لويحبني ماقال اللي امس
هيفاء : من جد وياسر احسن من ناصر
وعد : ريناد انا اعرف ناصر اكثر منك وناصر يحبك
ريناد : حبته القراده اوك ؛ لو انه يحبني ماقال اللي امس اوك
دانه : ريناد اعقلي وعن الهبال
ريناد : والله هذا شي يخصني وحد يتدخل فيني
< وقامت من عندهم >
رهف : اختك مجنونه
دانه : ماعليكم انا بكلمها
هيفاء : بالعكس والله معها حق
ساره : انا لو واحد يقولي كذا مارح اكلمه ثاني
وعد : انتي محد طلب رايك
ساره انقهرت منها بس ماكانت تبي مشاكل

< عند ريناد >
سحر : والله وافقي
نغم : انتي مين تحبين ؟
ريناد : اكيد ناصر
نجود : خلاص اجل لاتوافقين
ريناد : حبيبتي انا فكرت فيها ؛ ناصر حتى لو بيجيني اهلي مارح يوافقون
سحر : ليش ؟
ريناد: اول شي مامعه شهاده ؛ وثاني شي هو توه صغير
نغم : يعني لو بيكمل دراسته يوافقون
ريناد : والله مدري عنهم
سحر : فكري بعقلك مو بقلبك
نجود : طيب ليش انتي ماتحبينه؟
ريناد : لاني احب ناصر
نغم : حبك برص
غاده : من جد ودي اصفقك
ريناد : ليش ؟
غاده : مدري

< في شركة ابو نايف >
ابو فهد : انت رجال ماعليك كلام ولو تجي لبنتي بوافق
< ابو فهد يكون عم ريناد ودانه وملقوف بزياده ؛ وعنده فهد 17 ؛ وريماس 15 ؛ وعلاقتهم مو مره مع ام نايف والبنات >
ابو نايف : ان شاللله بكلم البنت وبنرد لكم
ياسر : ان شالله خير يالله تامرون شي
ابو فهد : لاسلامتك مع السلامه
ابونايف : مشكور مع السلامه

< وطلع ياسر من عندهم >
ابو فهد : بصراحه الرجال ماينعاب ومستحيل يجي لبنتك احسن منه
ابو نايف : بس لازم اخذ رأي البنت
ابو فهد : دلعك لبناتك هو اللي مخربهم
ابو نايف : بس هذي حياتها وهي اللي بتتزوجه
ابو فهد : انا لو جا لبنتي عطيته
ابونايف : وانا بكلم ريناد اليوم وانشالله خير< جت هيفاء عند ريناد >
هيفاء :اسفهيهم ماعليك منهم
ساره : من جد عيهم لقافه
ريناد : اذا بيزعلون عشان ناصر يطقون راسهم بالجدار
ساره : ياسر حلو ؟
ريناد : قد جا عند مدرستنا ايه حلو
هيفاء : يخقق ناصر ولاشي جمبه
< جت وحده عند البنات >
نوره : هيفاء ممكن دقيقه
هيفاء : اوك
< وقامت من عند البنات >
هيفاء :هلاا
نوره : هلابك بسألك
هيفاء :اوك اسألي ؟
نوره : انتي مخطوبه او متزوجه ؟
هيفاء : لا ارمله ههههههه
نوره : هههههههههه
هيفاء :ليش؟
نوره : عندي اخ وسيم جدا ويبيني اخطب له
هيفاء :اها لا ماابي اتزوج
نوره : طيب ريناد مخطوبه ؟
هيفاء :لا مافي الا رهف ودانه مخطوبين
نوره :اها خلاص شكرا ياقلبي
هيفاء :ولكمو باااي
نوره : طيب ممكن تنادين ريناد ؟
هيفاء :اوكي
< وقامت هيفاء عند ريناد وساره >
ريناد : وش تبي ؟
هيفاء : تخطبني
ريناد : ومتى الملكه ؟
ساره : اعزميني على زواجك
هيفاء : هههههههه الله يرجكم ؛ ريناد ترى تبيك
ريناد : خير خطابه
ساره : روحي انقلعي لاصفقك
ريناد : اوكي
< وقامت ريناد عند نوره >
ريناد : هلاا
نوره : هلابك اخبارك ؟
ريناد : تمام انتي شخبارك ؟
نوره : الحمدلله تمام
ريناد :تبغين شي ؟
نوره : ايه انتي مخطوبه او متزوجه ؟
ريناد : لا عزباء ههههه
نوره : ههههههههه كل شلتكم فيها خفة دم
ريناد :هههه
نوره : المهم ابي اخطبك اخوي مره وسيم
ريناد : لا ياقلبي سوري انا ماابي اتزوج
نوره : ليش طيب ؟
ريناد : لانتي توني صغيره
نوره : عادي تتزوجين بعد الثانوي
ريناد : شوفي الصراحه انا احب واحد عشان كذا
نوره : اهاا الله يوفقك ياقلبي
ريناد : تسلمين حياتي بااااااااي

< عند البنات >
دانه : لاتكلمينها بالفصل ترا ريناد تنقهر اذا احد سفهها
وعد : اختك ماقد شفت وحده ابرد منها مافي شي يقهرها
رهف : لا مو لهالدرجه بس هي ماتحب تقول انها مقهوره
وعد : ليش طيب ؟
دانه : انا اختها ومدري ليش ؛ بس اللي تقولهو اذا تضايقت او شي هيفاء او عهود
وعد :وين عهود ماشفتها ؟
رهف : في جده
وعد : مو صاحيه مو باقي شي للاختبارات
رهف :لاهي تدرس هناك
وعد : اهااا

< قامت وعد عند ريناد >
ريناد : هلاا
وعد : تدرين انك سخيفه
ريناد : والله ماطلبت رأيك فيني
وعد : طيب ليش تسوين كذا ؟
ريناد : لان اللي بيني وبين اخوك انتهى ؛ واذا انتي بتزعلين عشان اخوك هذا شي ثاني
وعد : ريناد مو قصدي كذا
ريناد : خلاص محد يتدخل فيني
وعد : بكيفك

< في ابو نايف الظهر >
ام نايف : بس ريناد توها صغيره
ابو نايف :الفرق وبينها وبين دانه سنه
ام نايف : بس الولد مانعرفه
ابو نايف :انا اعرفه واعرف ابوه واعرف خواله
ام نايف :بس
ابو نايف قاطعها : كلمي البنت وشوفي وش بتقول
ام نايف : طيب ان شاالله

< في بيت ابو ناصر >
وعد : ريناد انخطبت
ناصر بصدمه : نعم ؟
وعد :والله جد اتكلم
ناصر : متى ؟
وعد : اليوم بيروح عند ابوها يخطبها
ناصر : كانت تكلمه يعني ؟
وعد : ايه اللي اسمه ياسر
ناصر ببرود : قولي لها ناصر يقولك مبروك
وعد :تطاقيت معها
ناصر :ليش؟
وعد : حركاتها تقهرني حتى رهف ودانه مايكلمونها
ناصر :اذا عشاني لاتتطاقون معها
وعد : انت تحبها ؟
ناصر : هذي المشكله اني احبها
وعد : وليش ماتكلمها ؟
ناصر :متضايق منها ولو اكلمها الحين بتطاق معها
وعد : براحتك بروح انام

< في بيت ابو فيصل >
< دقت رهف على سعود >
سعود : هلا والله
رهف :هلابك اخبارك ؟
سعود : تمام انتي وشمسويه ؟
رهف : تمااااااام
سعود : كيف المدرسه ؟
رهف : تطاقيت مع ريناد
سعود :ليش؟
رهف :لانها سخيفه خطبها واحد وبتوافق
سعود :وانتي وش عليك منها؟
رهف: حرام عشان ناصر
سعود : لو ناصر يحبها ماشك فيها وقال خانتني وكله من تركي
رهف :لا مو من تركي من واحد حمار اسمه ياسر
سعود : والله مدري عنكم
رهف: ماعلينا منهم
سعود : من جد بتطلعين اليوم ؟
رهف :لا ليش؟
سعود :لا سؤال
رهف :اهاا
سعود : فصلتي فستان لملكة طلال ؟
رهف :ايه تخيل وش سوينا بدانه ؟
سعود : وشو؟
رهف: لعبت عليها ريناد وقالت لها بنفصل لك فستان اي لون تبغين قالت اخضر وفضي فصلت لها واحد توحفه يفقع ضحك
سهود :هههههه حرام عليكم
رهف :لا بس فصلت واحد ثاني حلوو
سعود : اشوا تخيلي لو انهم سووها فيك
رهف :والله اذبحهم
سعود :ههههههه الظاهر تحمستي
رهف :ههههههه المهم اقلب وجهك ياقلبي بروح انام
سعود :اقلبي وجهك ياقلبي اوكي انقلعي نامي ياحياتي
رهف :هههههههههههه يالله باي
سعود : بااااااااااي

< في بيت ابو ناصر >
ام نايف : المهم فكري زين وانا مو موافقه
ريناد : واااااااي؟
ام نايف :لاني مااعرفهم
ريناد :بعدين تعرفي عليهم
ام نايف :هذي حياتك وفكري زين
ريناد : ان شا الله

< في بيت ابو سلطان >
هسفاء :مامي في وحده خطبتني
سلطان : شافت ركبتك ؟
ريوف : مااتوقع لو شافتها بتهون
سلطان : وبعدين اول مره اسمع عن احد يخطب بالمدرسه
ريوف :الا في تكرونيا موضه جديده
هيفاء :هاهاها ياثقل دمكم
ام سلطان : ومتى الزواج ؟
هيفاء :لا قلت لها ماابي وخطبت ريناد
ريوف :ريناد ماكانت مسويه شعرها كشه ولاكان خرعتها
سلطان :هههههههههههههههههههه
ام سلطان : عاد ريناد احلى شي فيها شعرها
سلطان : لا والله كنه اسبوع الشجره
هيفاء :شفت وجهك بالمرايا
سلطان : ايه واقول الحمدلله يعني كيف اختي قرده وانا حلوو
هيفاء :ههههههههههه من جد
ريوف :ترى مايقصدني يثصدك
ام سلطان : عدي كلها واحد
سلطان : ههههههههههههه قويه


< في بيت ابو نايف >
< دق طلال على دانه >
دانه : هلا والله
طلال :اهلين كيفك ؟
دانه :تمام انت شخبارك ؟
طلال :الحمدلله تمام كيف المدرسه ؟
دانه : عادي مافي شي جديد
طلال : اهاا وش رايك تنقلين من مدرستكم ؟
دانه :ليش؟
طلال :لان سمعتها تجنن
دانه :بس كل خوياتي فيها
طلال :ينقلون معك
دانه : انا باقي لي هذه السنه وخلاص
طلال :وبعدين نتزوج
دانه استحت : ايه
طلال :هههههههه ياحبي لك
دانه: ههههه مارح تنام ؟
طلال :عليك تصريف لا ابي اكلمك ههههه
دانه :هههههههههه فيني نوم
طلال: لاتحاولين مارح اسكر
دانه : اجل اقعد سولف وانا بنام
طلال :ههههههههه لا روحي نامي نوم العوافي
دانه : تسلم تبي شي؟
طلال :لا مشكوره بس تحلمي فيني ههه
دانه :هههههههه ان شاالله
طلال : باي حياتي
دانه : باااااااااي

< ريناد كانت قاعده تفكر بياسر وانها لو وافقت عليه بتخسر صديقاتها ؛ وبناصر اللي تحبه ولو جا خطبها يمكن اهلها مايوافقون ؛ وثاني شي هو قاله اللي بيننا انتهى يعني خلاص مايبيها

< ناصر كان قاعد يفكر بريناد ؛ وانها نسته بسرعه ؛ يعني اكيد انها تحب ياسر ؛ وحتى لو بيروح يخطبها هو مامعه شهاده ولاشي ؛يعني اكيد اهلها مارح يوافقون >

< ناصر مادرس الا لثاني ثنوي وبعدها هو فصل من المدرسه مع خويائه ؛ لانه كان مخاوي ادشر عيال الرياض >

< دق ياسر على ريناد >


يتبع ,,,,
👇👇👇
أحدث أقدم