رواية مجبور اعيش من بعد فرقاك -25
ياسر : ياهلا والله كيفك ؟
ريناد :تمام انت شخبارك؟
ياسر :الحمدلله تمام
ريناد :شكلك رايق ؟
ياسر :اكيد لان اللي احبها بتصير لي
ريناد :اهااا ترى يمكن مااوافق
ياسر :ليييييييش؟
ريناد : اول شي امي مو موافقه ؛ ثاني شي صديقاتي بخسرهم اذا وافقت عليك
ياسر : انا بعوضك عن كل شي
ريناد :ان شاالله يصير خير الحين تبي شي
ياسر :بس فكري زين وانتبهي على نفسك
ريناد :اوك باااااااااي
ياسر :باااي
< دقت ام ناصر على ام نايف >
ام نايف :هلا والله
ام ناصر : هلا بك كيفك ؛ كيف البنات ؟
ام نايف : الحمدلله كلنا بخير انتي شخبارك ؛ كيف العيال ؟
ام ناصر :الحمدلله تماااام
ام نايف :ريناد انخطبت اليوم
ام ناصر :ريناد توها صغيره
ام نايف :ابو نايف يقول الفرق بينها وبين اختها سنه
ام ناصر: يعني موافقين؟
ام نايف :بس ابو نايف اللي موافق
ام ناصر : اهاا مالت على ناصر لو معه شهاده كان من زمان خطبت ريناد
ام نايف :ان شالله تلقين احسن منها
ام ناصر : ان شالله
ام نايف :طيب تبغين شي الحين بروح اشوف العيال
ام ناصر :لا ولاشي تسلمين سلمي عليهم
ام نايف :الله يسلمك مع السلامه
ام ناصر :فماااان الله
< قامت ام ناصر عند ناصر >
ام ناصر :مو ناوي تكمل دراسه
ناصر :الا خلاص من بكره بداوم
ام ناصر :غريبه وش اللي غير رأيك ؟
ناصر :ولاشي بس طفشت كذا
ام ناصر :ريناد اللي كنت بخطبها لك انخطبت
ناصر :طيب وش اسوي لها ؟
ام ناصر : اذا انت تبيها عشان اعبي راس امها وامها ماتوافق
ناصر عجبته الفكره : ايه اكيد ابيها
ام ناصر : خلاص يصير خير< المغرب في بيت ابو نايف >
< رن التلفون >
ام نايف : ريناد ردي
ريناد : اووف طيب
ريناد : الو
فهد : هلاا
ريناد : اهلين مين ؟
فهد : انا عمر بن الخطاب
ريناد : استغفر الله وش تبي ؟
فهد : اتفقد احوال الرعيه عندكم مويه وعشاء وبيبسي ؟
ريناد :لا حنا نشرب ويسكي مع العشاء وبعدين الحين نفطر مانتعشى
فهد : ياشيخه ليش وينكم فيه في اندونيسيا ؟
ريناد : لا في هولندا
فهد : وانا اقول مشبه عليك ببقرة لورباك اللي بالتلفزيون والله طلعتي مشهوره وحنا ماندري
ريناد : فهد
فهد : ماشاء الله عرفتيني يوم قلت بقره
ريناد : ايه تذكرت اصل خالي
فهد : اقول وين امك ؟
ريناد : بالجانب الاخر من الصاله تتفقد احوال الرعيه
فهد : روحي بوسي راسها واساليها بالله هذه اشكال تخلفينها
ريناد : هاهاها سخيف
فهد : هاهاها عصبت
ريناد : اقول اخلص وش تبي؟
فهد : جيبي احد يفهم يكلمني
ريناد تصارخ : دااااااااانه
دانه : وجع خير
ريناد : خالي يبي احد يفهم يكلمه
دانه : اجل قفلي بوجهه
ريناد :طيب < وقفلت >
فهد : يلعن ابو الغباء
< ودق ثاني >
ام نايف :ردوا على التلفون ماتسمعون
دانه : لا هذا فهد يبي احد يفهم ومالقينا احد في بيتنا
ريناد : لاتردون عليه خلاص
ام نايف كاتمه ضحكتها : انقلعي انتي واياها
دانه : ترى عيب تكلمين بنتك كذا انا الحين مخطوبه وملكتي يوم الخميس
ريناد : من جد قلة ادب مادرستي انه لازم تحترمين بنتك المخطوبه وتقولين لها يابنتي العزيزه اذلفي عن وجهي
ام نايف : لا اللي درسته كيف اصفقكم اذا ماسكتتوا
< وردت على التلفون >
ام نايف : الوو
فهد : وجع ساعه تردون
ام نايف : وجع يوجعتس وش قايل للبنات ؟
فهد : هههههههههه اقري عليهم مره اذكياء مدري كيف انخطبت
ام نايف : هههههه حتى ريناد انخطبت
فهد : سوق المجانين ماشي
دانه تصارخ : عشان كذا مشى سوقك انت وزوجتك
فهد : اقول كم رقم طلال
دانه سحبت التلفون من امها : خير وش تبي فيه ؟
فهد : ابي اتعرف عليه واصير احبه
دانه : سبقك بها عكاشه
فهد : هههههههه اقول جيبي امك
ام نايف : هلاا
فهد : بجيب عشا وبجي
ام نايف : لاوالله مانبي نتعشى
ريناد تصارخ : تكلمي عن نفسك انا ابي اتعشى
فهد يستهبل : خلاص اصلا احسن الواحد ينام بدون عشا
دانه : حنا ماننام
فهد : ليش بومه ؟
دانه : لا خفاش
فهد : ماقد شفت اغبى منكم
ريناد : الا اذا وقفت على المرايا صح ؟
ام نايف : خلاص عيب تكلمون خالكم كذا
فهد : لا بدري
ريناد : من عمرك يالله باي
فهد : يلعن ابو الطرده
ام نايف :لاتفضل حياك كمل هبالك اذا جيت
فهد : لا خلاص هونت يوم الخميس بجيكم
دانه : ومين عزمك ؟
ريناد : بليز تروش عشان الريحه حرام اول مره يشوفك طلال
فهد : هذا وجهي ان تروشت من هنا ليوم الخميس وبجي بالبيجاما
ريناد : لاتنسى الزنوبه
فهد : اشوا ذكرتيني
دانه : الله يعطينا ويعطيك بقول هذا الشحات مزعجنا
ريناد : بس هو خالي وامي تقولي لقوه عند باب المسجد يعني بس خالي بالتربيه
ام نايف :ههههههههههههههههههههههه
فهد : لا وتضحك بعد ونعم الاخت
ام نايف : هههههههههه
فهد : خلاص اشوفكم يوم الخميس
ام نايف :ان شا الله
فهد : تبغون شي ؟
ام نايف : ايه تعال تعشى
ريناد : انا مسويه دايت ومااتعشى
فهد :خلاص بجيب عشا لي لحالي وهدية دانه عشان ملكتها بجيب لها عشاء
دانه : وش الكرم ؟
فهد : قولي ماشا الله
ام نايف :خلاص تعال ننتظرك
فهد : لاخلاص اجيكم يوم ثاني ان ش الله يالله تبغون شي
ام نايف :لاسلامتك مع السلامه
< ومر الاسبوع عادي ماصار شي فيه ؛ البنات متطاقين مع ريناد ؛ مافي الا هيفاء وساره يكلمونها ؛ دانه تكلم طلال كل يوم ؛ وسعود ورهف نفس الشي ؛ ناصر رجع المدرسه ؛ ياسر كل يوم يكلم ريناد يقنعها توافق >
< يوم الخميس ملكة دانه وطلال >
< هيفاء ودانه ورهف وريناد وجود وساره ووعد وشذى متجمعين بغرفة ريناد ودانه المغرب >
دانه : بلا ثقالة دم وين الفستان ؟
ريناد : سبرايز
دانه : تكفين ابي اشوفه
هيفاء :خلاص عشان خاطري
ريناد : طيب دقيقه بجيبه
< كانوا مفصلين فستان استهبال لونه اخضر واحمر واصفر وفضي وذهبي ومن ورا اسود وعليه ورود تركواز وموف ومن قدام طويل ومن ورا قصير >
ريناد وهي كاتمه ضحكتها :حلو صح ؟
دانه وشوي وبتصيح : الله يلعن شكلك ياسخيفه والله لالبس فستانك كيف تبيني انزل بهذا
جود :ليش وش فيه حلو ؟
رهف :ايه الوانه فيها تناسق
دانه وهي تصيح : من جد سخيفات كل لبسي جينزات شلون بطلع < وقامت غرفة ابوها >
ابو نايف :وش فيك تصيحين ؟
دانه : بنتك السخيفه مفصله فستان لو يشوفني فيه بيهون
ابو نايف : وين الفستان ؟
ريناد : هذا مو حلوو
ابو نايف :ههههههههههههههههههههههههههههههههههههههههه
دانه : وبعد تضحك
ريناد : وشو حلوو ؟
ابو نايف :البسيه بالمقلوب
دانه : لاتفكر
< وطلعت هي تصيح >
ابو نايف : ههههه من جدك مفصله هذا ؟
ريناد : هههههههههه خليها برفع ضغطها ولا مسويه واحد ثاني
ابو نايف :ههههههههههه الله يرجك ؛ متى بتعقلين مدري
ريناد : بروح اشوفها واصورها
< عند البنات >
دانه : اطلعوا ماابي اشوف ولاوحده
شذى :خلاص البسيه
دانه : شايفتني مهرج
رهف : بنات من جد سخافه
ريناد انقهرت منها : منكم نستفيد
رهف : مدري متى بتخلين عنك السخافه ؟
ريناد تبي تقهرها : اذا تزوجت ياسر
دانه : ريناد اعطيني فستانك
ريناد : لا حبيبتي هذا حلو وابوي قالك البسيه بالمقلوب
جود : ابوك يفكر ؟
ريناد : ايه
هيفاء : خلاص حرام
ساره : خلاص بنات حرام طلعوا الفستان
< جابت ريناد الفستان الثاني كان لونه اخضر وفيه ذهبي >
دانه وهي تصيح : من جد خفت
وعد : وش رايك بالمزح ؟
دانه : ثقيييييييييل كنكم صعايده
شذى : خلاص بنات تعالوا نروح عشان تسوي شعرها والميك اب
ريناد : ايه صح الزفه الساعه 9
شذى : انا بنزل تحت
رهف :وانا بكلم سعود
دانه : مسكينه انا اليوم بشوف طلال
رهف : عادي الاسبوع الجاي ملكتي
< عند الشباب >
طلال كان كاشخ : وش رايكم ؟
ناصر : ترى الساعه 6
تركي :الا اذا تحسب بجرينتش هذا شي ثاني
سعود : حط عدسات لونها اخضر يطلع شكلك احلى
طلال : والله حركه
ناصر: عن الذلاخه تراك رجال
سعود : دق على دانه الحين تلقاها تصيح
طلال : ليش ؟
سعود : دق عليها
طلال : واذا ماكانت تصيح ؟
سعود : لك اللي تبي
طلال : مافي تكلم رهف اليوم
سعود : طيب
< دق طلال على دانه >
دانه : الوو
طلال: هلاا
دانه : هلا بك < وشهقت >
طلال: وش فيك ياقلبي ليش تصيحين ؟
دانه : السخيفات هههههههههههههههههههه
طلال : دانه وش فيك ؟
دانه : ههههههه مافيني شي يالله باي
طلال : اسمعي
< قفلت بوجهه >
< دق طلال على شذى >
شذى : نعم
طلال :نعامه ترفسك وش فيها دانه ؟
شذى : ههههههههههههههههههههههههه
طلال : وش فيكم ؟
شذى : هههههههههههه من جد حنا سخيفات ههههههههههههه يالله بااااااي
طلال : شذى
< قفلت بوجهه >
< طلال قفلت معه ودق على تلفون البيت >
ريناد : الووو
طلال :هلا ريناد
ريناد : اهلا وسهلا
طلال : وش فيها دانه تصيح ؟
ريناد : ههههههههههههههه من سخافتنا
طلال :وشسويتوا ؟
ريناد : ههههههههههههه ولاشي يالله تبي شي ؟
طلال : ليش كانت تصيح
ريناد : هههههههههههههه بااااااي
< قام طلال عند سعود >
سعود : ها كانت تصيح ؟
طلال : ايه بس ليش؟
سعود : ماسألتها ؟
طلال : اخلص وقول ليش ؟
سعود : سخافة البنات
ناصر : ليش وش سووا ؟
سعود : هههههههههههههه
< طلال عصب وقام >
< سعود قال للشباب >
تركي : والله لو مكانها اصفقهم
ناصر : ومين قال مارح تسوي كذا بدق على اختي اتطمن عليها
< دق ناصر على وعد >
وعد : هلاا
ناصر : ههههههههههههه من جد عليكم سخافه
وعد : هههههههههه وش دراك ؟
ناصر : سعود
وعد : اهاا
ناصر : امانه وشسوت لكم ؟
وعد : راحت تصيح عند ابوها قالها البسيه بالمقلوب هههههههههههههههههه
ناصر : هههههههههههههههه ابوهم محشش
وعد : بزياااااده والله لو انه ابوي يصفقنا
ناصر : هههههههههههه يبي لكم
وعد : اقول اقلب وجهك بااااااي
< الساعه 9 انزفت دانه ومعها طلال على اغنية فضل ويارا خدني معك ؛ وتصورت دانه مع طلال ومع اهلها ومع اهله >
< وبعدين جاا ابو نايف وابو طلال >
ابو طلال : مبروك عقبال الزواج
طلال: الله يبارك فيك
دانه بذلاخه : عقبالك
طلال : ههههههههههههه لاتسمعك امي
ابو نايف : ههههههههه مبروك
طلال :الله يبارك فيك
ابو نايف : انتبه على دانه وحطها في عيونك ترا هي البنت الكبيره عندي واغلى وحده عندي
طلال : لاتخاف بعيوني ومارح اقصر معها بشي ؛ وخلاص عاد روحوا
دانه : عيب تطرد ابوي انا اطرده
طلال : خلاص وانا بطرد ابوي
ابو طلال يستهبل ": انا بصفق ولدي وانت صفق بنتك
ابو نايف : هههههههههه
< وقاموا ابونايف وابو طلال من عندهم >
< عند البنات >
ريناد : اووف طفش
هيفاء :تعالي نرقص
ريناد: ودي اروح استهبل عند دانه بس امي عيت
هيفاء :غريبه يعني مالها حق
ريناد :ايه من جد شكلي بطلع عند البزران
هيفاء :وش تسوين عندهم ؟
ريناد :يلعبون سوني بروح العب معهم
هيفاء :الله يكملك بعقلك
< وقامت ريناد الملحق عند البزران ؛ وكان فيه نايف ونواف وفيصل وشمس ومها وناصر >
ريناد ماانتبهت ان ناصر موجود : هيييي وخروا انا بلعب ابي مصارعه
مها : روحي مسويه فيها كبيره انقلعي ارقصي
ريناد :ماتلاحظين انك في بيتي
شمس :من متى صار بيتك ؟
ريناد :انا وابوي واحد الحمار اللي قاعد يلعب يوخر
فيصل :حمار بعينك
ريناد :لافيها عدسات هاهاها
نايف : خلاص ناصر اعطي ريناد تلعب عشان تنقلع
ريناد مااستوعبت : اللي مو عاجبه ينقلع انا في بيت ابوي
نواف : طيب روحي جيبي شي نرقص عليه واخليك تلعبين
ريناد : يرقص معك جني ان شاالله عادي روح عند الحريم ارقص
نواف :لاياشيخه
ريناد :والله يمكن احد يخطبك
ناصر وهو يناظر ريناد :هذي اختكم ؟
ريناد : لاجدتهم < واستوعبت انه ناصر >
ريناد : الله يلعن اشكالكم قولوا في احد يالله بااااااااي < وقامت تركض >
< عند طلال ودانه >
< جت ام نايف وام طلال >
طلال : ترى ازعجتونا يروح ابوي تجي امي
دانه استحت وقامت تسلم عليهم
طلال :اقولكم ليش مسويه عاقله
دانه قاطعته : طلال قوم سلم
طلال :لا عادي امي اسلم عليها بالبيت وامك سلمت عليها بس بعلمهم
ام نايف :هههههههههه عن وشو
طلال: هاا اقول ولا < وقرب منها > في بوسه
دانه استحت : لا قووول
طلال :تقول لابوي هاا اقول ولا بتسوين
دانه : لا قوول
طلال :ترا امي وامك بيعصبون اذا دروا
دانه : خلاص انا بقول قلت لعمي عقبالك هههههههه
ام طلال :ههههههههه كل هذا عشان كذا اذا يبي يتزوج انا اخطب له ؛ بس جيبوا اللي توافق عليه
ام نايف :ههههههههههههه منتم صاحيين
طلال: انتهى وقت الزياره يالله اطلعوا
ام طلال : يلعن ابو الطرده
ام نايف :طيب بنطلع بس دانه تعالي ابيك بسالفه
طلال : احلفي بس ترى هي الحين زوجتي اخذها واسحب عليك
دانه ودها تصفق طلال
< وقاموا ام نايف وام طلال من عندهم >
< عند البنات >
مي : ياثقل دمها رهف
ريناد سمعتها :خلت خفة الدم لك
خلود : المشكله انهم متطاقين معك وتدافعين عنهنم
نور : ترى والله يغارون منك
ريناد : والله شي مايخصكم وبعدين ترا الساعه 12 اذا تبغون تروحون بيتكم تنامون
مي : ههههه دمك مره خفيف
ريناد : بس مو قاعده انكت
< دخل فهد عند دانه وطلال >
< كان مشخص ولابس زنوبه وفصخ شماغه عند باب المجلس وكان مسوي شعره كشه >
دانه : الله يفشلك
فهد : اهلا وسهلا انا خالها العزيز
دانه :خالي عبسي مو عزيز
فهد : هاهاها ازيك ياراقل < يتكلم مصري >
طلال: الحمدلله كويس قدا
فهد : انا مصطفى من مصر
طلال :وانا عطيه من الصعيد
فهد : اه بتعرف طنط تفيده
طلال : ايوا بنت عم الحاج متولي
فهد :واخبار الحاج متولي ؟
طلال :لا اتقوز الرابعه
فهد : عقبالك الثانيه < وطلع لسانه لدانه > نننننننننننننننننننننن
دانه : من جد مجانين
فهد :عشان تتعلمين الادب معي واذا تبي تعرف اي شي عن دانه تعال عندي
طلال :وين بيتكم ؟
فهد : ههههههههههه خلاص خذ رقمي من دانه
دانه : ايه هين احتريني يالله انقلع برا
فهد : وين الريال اللي مره اعطيتك اياه قبل 4 سنين ؟
دانه تصرفه : ايه تلقاه بغرفتي
فهد : ايه اللي رسمنا فيه على البحر
طلال : اقو يالله براا انتهى وقت الزياره
فهد :ويننا فيه بمستشفى ؟
دانه : ايه مستشفى مجانين
طلال : تكلمي عن نفسك
< وقام فهد من عندهم >
< عند الحريم ؛ اغلب المعازيم راحوا >
ريناد : مامي بروح استهبل عندهم
ام نايف: ريناد اعقلي
ريناد : يعني ليش بس فهد ؟
ام ناصر : هههههههه روحي
ريناد : خلاص ام ناصر وافقت يالله باي
ام نايف :ريناد يامجنونه تعالي
ريناد :ماابي
< وقاموا هيفاء ورهف وريناد وجود وليان وشذى واشجان ووعد عند باب المجلس ونادوا دانه >
ليان : مبرووووووك
دانه : الله يبارك فيك عقبال عيالك
شذى :هههههههههههه وشو عيالك من جد مجنونه
< وقعدوا البنات يسلمون عليها طلع طلال وسحبها من شعرها وقفل باب المجلس >
دانه : اااي وجع ياحمار
طلال :وشو حلا هي كل شوي احد يجي
دانه : فرينداتي
طلال: ياحبي لك
دانه : مي توو
< وقعدوا يسولفون لين الساعه 2 راحوا ام طلال وابو طلال وام ناصر وابو ناصر والشياب وقعدوا هيفاء ورهف وجود لانهم بينامون عند البنات وشذى واشجان ووعد بيرجعون مع طلال لبيتهم >
< الساعه 3 في المجلس دخلوا وعد وشذى واشجان >
شذى :يالله عاد مصختها فيني نوم
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك