رواية مجبور اعيش من بعد فرقاك -26


رواية مجبور اعيش من بعد فرقاك -26

رواية مجبور اعيش من بعد فرقاك -26

دانه : روحي نومي في غرفتي

اشجان : وانا تعبانه يالله
طلال: محد قالكم اقعدوا انا مارح اطلع لين الزواج
وعد : ناصر يقولك بسرعه رجعني البيت
طلال: انقلعي انتي وناصر قوليله يجي ياخذكم
دانه : وين ريناد والبنات ؟
شذى :رهف تكلم حبيبها حبتهم القراده ؛ وريناد وهيفاء وجود يحشون في خلق الله
دانه : قوليلهم يوقفون شوي لين اجي
طلال :مارح تروحين
دانه : انت مستقعد شكله المجلس عاجبك ؟
طلال يبي يحرجها :لا والله مو المجلس انتي
شذى : ياهوووووووو حركات وانا ليش ماانخطبت
دانه ودها تصفقهم
اشجان : تنصيحن العازبات امثالنا بالملكه ؟
طلال :قولي الجنيات امثالنا

< عند البنات >

ريناد : والله لاروح مالي شغل
< وقاموا البنات لبسوا عباياتهم وراحوا >
طلال : وكملت الشله كنا ثلاثه صرنا سته
ريناد : اذا مو عاجبك انقلع بيتكم
طلال :هين هين قدها
ريناد : لا اكبر منها هاهاها
طلال : وش رايك حنا اللي نطلع بالمجلس ؟
وعد : اوك يالله دانه
طلال :وانتي وش لقفك ؟
وعد : محرم
شذى : باقي ساعتين للأذان اذا بتصومون
ريناد :ترى الصيام واجب في رمضان
اشجان : وباقي اسبوعين لرمضان
ريناد : وبعدين العيد
طلال :ياشيخه توني ادري بعد رمضان في عيد ؟
ريناد : ايه فيه بس مو عيد ميلادي
دانه : اقول انقلعي انتي واياها
ريناد :انا وعرفتها بس اياها مين طلال رجال
طلال : يبي لك تصفيق ؛ خلاص روحوا شوي وبطلع

< وقاموا البنات من عندهم وبعد ربع ساعه راحوا طلال وشذى واشجان >
< ووعد نامت عند البنات >
< دق ناصر على وعد >
ريناد : حركات مخاويه وماعلمتنا
وعد : الله يفشلك اسكتي < وردت على جوالها >
ناصر :الوو
وعد : هلاا
ناصر :مارح ترجعين البيت ؟
وعد :ايه صح نسيت قول لامي بنام عندهم
ناصر :لابدري وش قاعدين تسوون ؟
وعد : ولاشي نسولف ونستهبل على دانه
ناصر :خلاص حطي جوالك بسمع سواليفكم بس لاتعلمينهم
وعد : اوك باااي
< وحطت جوالها >
دانه : مين صاحبة فكرة الفستان الحلو ؟
ريناد : هههههههههههههه انااا
رهف :بس تناسق الالوان من اختياري
هيفاء : والموديل اناا
دانه : تصلحون مصممات ازيااء
جود : لا بس ابوك جابها البسيه بالمقلوب
دانه : بنات جوعانه
ريناد : قومي السواق يروح يجيب عشاء من ماك
وعد : مو صاحيين احد ياكل الحين
رهف :ايه المخطوبين
دانه : وين جوالي بكلم السواق
< دقت على السواق >
الياس : هلا والله
دانه : اهلين الياس صاحي ؟
الياس :ايه في شي ؟
دانه : روح ماك وجيب 8 بيج ماك
وعد :دقيقه ليش 8
ريناد : انا اكل 2
جود : يلعن ابو الشفح
ريناد : قولي له 10
دانه : جيب 10 بيج ماك تشيكن
الياس : طيب يالله بااي
دانه : بااي
وعد : من جدك تاكلين 2
ريناد : ايه عادي
رهف: حتى انا بس لاتعلمون سعود
ريناد : انا ورهف ودانه وهيفاء ناكل 2
وعد : ويلعن اشكالكم ولاوحده دبه
دانه : قولي ماشاالله لالعن شكلك
وعد : هب عليكم
< رن جوال ريناد وكان ياسر >
ريناد : اووف ياثقل دمي بنات كل وحده تقفل جوالها مانبي ازعاج
رهف :لاحبيبتي انا مارح اقفله
دانه : ولا اناا
ريناد : عن ثقالة الدم
وعد :انتي قفلي جوالك
ريناد : قفلته
جود : وانا بقفله
هيفاء : مي توو
ريناد :دانه ورهف مخطوبين وعرفنا ليش مايبغون وانتي ؟
دانه اخذت جوال وعد بس ماعلمت البنات : هههههههههه الله يرجك
رهف :وش فيها ؟
هيفاء :مدري عنهاا
وعد :قاعده اسجل اصواتكم
ريناد : اهاا تبغون اغني
دانه : ايه ايه غني
جود : بس مو استهبال
ريناد : وش تبغون اغني ؟
هيفاء :على ذوقك
ريناد : اوك
يــعــنــي مــا ودك تـجــيـنا
يــعــنــي مــتــكــبــر عـلينا
صـرت مــتــغــيــر وقـاسي
صـرت حــتــى تــشــك فينا
مـا نـسـيـنـا الـمـاضـي والله
وعــلــى جــفــاك يـعين الله
وإن نــســيــتــوا بـشكي لله
وإن هــويــتــونــا هــويــنا
حــط نــفــســك في مكـاني
كــيــف أتــحــمــل زمـاني
جــرب إحــسـاسك عشاني
قــــول والــبــاقــــي علينا
صــدق حــبــيـتك يا غالي
وأســهــر عــشــانك ليالي
كــيــف أنــسـى ذا محالي
ومــن الــعـواذل ما علينا

وعد : والله صوتك حلو
ريناد : احم احم ادري وين العشاء
دانه : الحين الشغاله بتجيبه
< ناصر اول مره يسمع ريناد تغني وصوتها كان فيه بحه ويجنن >
ريناد : انا بروح اجيبه
< وقامت ريناد من عندهم >
وعد : الوو
ناصر : هلاا انتبهي لاتشوفك
وعد : لاراحت
ناصر :ياحبي لها
دانه : ترى والله انها تقصدك في الاغنيه
ناصر : وش دراك ؟
دانه : ريناد واعرفها
ناصر : اذا جت قولوا لها تغني اغنيه ثانيه
دانه : اوك
< جت ريناد عند البنات >
ريناد : اووف جوعاااااانه
دانه : مو اكثر مني انا مااكلت شي اليوم
ريناد : بس شربت بايسون
هيفاء :اذا خلصنا عشا نبيك تغنين
ريناد : شكلي بشارك بستار اكاديمي
جود : ايه والله صوتك حلو
ريناد : تبين ابوي يذبحني
رهف :مامعه حق صراحه
دانه : ايه بس بتروح تغني
< وتعشوا البنات >
وعد : يالله غني
ريناد : اوك تبغون شي استهبال ولا لأ
دانه : لا نبي اغنيه هاديه
ريناد : اوك
< وغنت اغنية اصاله اسلي نفسي >
اسالي نفسي بالدنيا والدنيا تسلي نفسها فيني
اجاري الوقت لو عاته لوه ما يجاريني
تعلمت اني اسامح واعدي زلة الايام
تعلمت ارضي بالواقع ولا اتبع سنا الايام
ولا اتمني ولا استني ولا اتمني ولا استني
ولا ودي عنيني
اسلي نفسي والدنيا تسلي نفسها فيني
اجاري الوقت لو عاته لوه ما يجاريني

انا حبيت بس مره وخان الحب ظني فيه
وقلبي انكسر مره ولين اليوم اجمع فيه
وتبت وتاب احساسي وصرت اقسي منن القاسي
وهذا الي يخليني اسلي نفسي والدينا تسلي نفسها فيني
رهف : تقصدين احد في الاغنيه ؟
ريناد : ايه ناصر صح تعالي
وعد : هلاا
ريناد : شغلي اللي سجلتيه ابي اسمعه
وعد : هااا
دانه : لا جوالها تقفل
ريناد : نصابه وريني
وعد : والله
ريناد : فيني نوم كني بقره اكلت ونمت
جود : رحم الله امرأ عرف قدر نفسه
ريناد : وش قصدك ؟
جود : اللي على راسه بطحا يتحسس عليها
ريناد : هذا وانتي بنت خالتي
هيفاء :ابي انوم
رهف :انقلعي نامي
ريناد : حتى انا بروح انام بنات مين تسبح ؟
دانه :تكلمي عربي حبيبتي
ريناد : والله ودي اسبح كم الساعه ؟
هيفاء : 5
ريناد :الحين الجو يجنن قوموا نسبح
رهف : اقول شكلك انهبلتي انقلعي نامي
ريناد تذكرت سالفه : ههههههههههههههههههههه
جود : من جد مجنونه وشفيك ؟
ريناد : فاتكم اليوم وش صار
دانه : وشسويتي ؟
ريناد : طلعت الملحق ابي العب سوني مع البزران دخلت واثقه من نفسي واهاوش كان فيه فيصل ونايف ونواف وواحد لابس ثوب حسبته مشعل ولد خالتي دخلت استهبل طلع ناصر طاح وجهي وطلع اركض الله يفشلني
هيفاء : يوووه فشله
وعد : من جد بدق على ناصر
ريناد : لا لا تدقين يمكن نايم
رهف :وانتي وش دراك ؟
ريناد : ولاشي اي واحد الحين يكون نايم
رهف : ريناد
ريناد : هلاااااا
رهف :كيف تعرفتي على ياسر ؟
ريناد : شافني في ستار بكس ومدري من وين جاب رقمي
وعد : انتي مين تحبين ياسر ولاناصر ؟
ريناد : نااصر
دانه : اجل ليش بتوافقين على ياسر ؟
ريناد : اول شي ناصر مارح يجي يخطبني ؛ ثاني شي مارح يجيني احسن من ياسر ؛ واتوقع اي وحده منكم لو مكاني بتوافق ؛ واللي بتزعل عشان ناصر هي اللي بتخسرني
هيفاء :طيب لو دق عليك ناصر يبي يرجعلك توافقين ؟
ريناد : اصلا مارح يدق ههههههههههه
وعد : تتحديني اخليه يدق الحين ؟
ريناد : لا ماابي احد يقوله يدق ؛اذا هو يبي بكيفه ؛ وبعدين تدرون ان امي مو موافقه على ياسر
رهف :ليش ؟
دانه : لان خالتي ام ناصر تعبي راسها
وعد : ياحبي لها مامي
ريناد : اوووووووف نسبح ولابتنامون ؟
جود :انا فيني نوم ماابي
رهف :وانا بقوم اكلم سعود
دانه : وانا ابي اكلم طلال
هيفاء : وانا فيني نوم
وعد : وانا مالي خلق اسبح
ريناد : مالت عليكم بقوم انام
وعد : لامافيني نوم تعالي اقعدي معي
هيفاء : بنات وش رايكم نسحب على المدرسه هذا الاسبوع
ريناد : عندي 4 اختبارات يوم السبت
رهف :من زود الدفره ؛ تدرون ليش ابلة الاحياء لغت اختبارها
جود : ليش ؟
رهف :اخذت ثلاث ارباع من 10 وقالت للابله صح الربع ينجبر
وعد : هههههههههههههههه الله يرجك وش قالت لك ؟
ريناد : ههههههه قالت لي اختبارك محذوف
جود : يلعن شكلك كيف بتنجحين ؟
ريناد: والله مدري
وعد : ليش دخلتي علمي ؟
ريناد : عشان صقيقاتي
دانه : لاعندك طموح ماشا الله
ريناد : ايه مره
هيفاء :المهم انقلعوا ابي انوم
دانه : من جد بقره
ريناد : لايفوتكم اليوم قعدت مع جدتي ام ابوي واخذت جوالها لقيت رقم يرسلها احبك ياقمر ؛ وحشني صوتك
رهف : هي تكلمه ؟
ريناد : لا قالت لي دقت عليه بالغلط ههههههه تخيلوا لو شاف شكلها
وعد : هههههههههههه بينحاش
جود : ههههههههههههه حركات جدتكم عندها جوال
ريناد : هههههههههههههه
< وقاموا البنات ناموا ؛ ورهف قامت تكلم سعود ؛ ودانه تكلم طلال ؛ ووعد قفلت من ناصر >
< ناصر قعد يفكر باللي قالته ريناد ؛ وقرر انه يدق عليها بكره ؛ عشان مايكون عندها احد >< يوم الجمعه العصر كل وحده راحت بيتهم >

< المغرب في بيت ابو نايف >

< دق طلال على دانه >
دانه : هلاا
طلال :هلا بك كيفك ؟
دانه :تمام انت شخبارك ؟
طلال : تمام وينك ؟
دانه : في البيت
طلال :ماعندك شي ؟
دانه : لا
طلال :ذاكرتي
دانه : ماعندي شي اذاكره
طلال :اهاا خلاص بجي
دانه : يووه تذكرت عندي اختبار يوم السبت
طلال : علينا
دانه : هههههههههه لا ازح حياك
طلال : اوك تبغين شي ؟
دانه : لاسلامتك باااي
طلال :الله يسلمك باي

< جاا ابو نايف عند ريناد >
ابو نايف :اقعدي بكلمك
ريناد خافت : هاا اوك
ابو نايف :وش فيك خايفه ؟
ريناد : لامو خايفه وش تبي ؟
ابو نايف :قالتلك امك عن اللي خطبك
ريناد : ايه ليش ؟
ابو نايف :وانتي وش رايك ؟
ريناد : مدري
ّ< رن جوال ريناد وكان ناصر واعطته مشغول >
ابو نايف : عادي ردي
ريناد : لا مالي خلقها
ابو نايف :المهم وش رايك بالسالفه ؟
ريناد :انت موافق ؟
ابو نايف :ايه وفكري زين هذا زواج
ريناد : مااتوقع بيجيني احسن منه
ابو نايف : يعني موافقه ؟
ريناد سكتت
ابو نايف :موافقه ارد للرجال ولا لسه بتفكرين ؟
ريناد : لاخلاص موافقه
ابونايف :اكييد ؟
ريناد : ايه
ابو نايف :خلاص بكره بكلم الرجال تبغين شي ؟
ريناد : لا مشكور
< قام ابوها من عندها وقفلت جوالها ونامت >

ام نايف :هاا وش قالت لك ؟
ابو نايف : موافقه
ام نايف :ريناد توها صغيره
ابو نايف :هو قال بس خطبه الحين والزواج اذا خلصت دراستها
ام نايف :بس
ابو نايف :لا بس ولاشي مارح يجيها احسن منه

< دق طلال على ناصر >
ناصر :هلاا
طلال :اهلين كيفك ؟
ناصر : تمام انت وش اخبارك ؟
طلال : الحمدلله بخير بسألك
ناصر : وشو ؟
طلال :واحد بيروح لخطيبته اول مره وش يجيب لها ؟
ناصر : عصفور ههههههه
طلال :لاجد ماابي استهبال
ناصر :والله مدري كل واحد حسب خطيبته
طلال : يعني انت لو بتروح لريناد وش بتجيب لها ؟
ناصر : 2 بيج ماك هههههههههههه
طلال : ههههههههه اقلب وجهك
ناصر : طيب بااي
طلال :بااي

< دقت دانه على رهف >
رهف :هلاا
دانه : اسمعي
رهف :هلاا
دانه : وش احلى لون علي؟
رهف : اسود
دانه : جد ؟
رهف : ايه اسود واحمر
دانه :خلاص يالله باي
رهف :دقيقه ليش ؟
دانه : بعين اقولك < وقفلت بوجهها >

< طلال جاب ورد جوري لونه احمر وراح بيتهم بتروش وبيروح عند دانه >
< دانه تروشت ولبست برمودا اسود وتي شيرت احمر وشوز احمر وسيحت شعرها >

< في بيت ابو طلال >

شذى :ليش الكشخه بتطلعنا ؟
طلال : اقلبي وجهك بروح عند دانه
اشجان : بجي معك
طلال : اقلبوا وجيهكم
شذى : الله يخليها دانه اللي بتروشك كل ماتروح عندهم
اشجان : هههههههههه من جد لو تشم ريحتك اللي دايم نشمها بتموت
طلال : انقلعي انتي واياها لاتتصفقون

< في بيت ابو نايف >
< ام نايف كانت معصبه من ريناد >
ام نايف :خير ليش كاشخه وين بتروحين ؟
دانه : مارح اطلع طلال بيجي وش فيك معصبه ؟
ام نايف :اختك وافقت على اللي خطبهاا
دانه : لاتخافين بتهون
ام نايف :انتي وش دراك ؟
دانه : بعدين تعرفين
< ورن الجرس >
دانه : شكلي حلوو ؟
ام نايف :ايه روحي افتحي الباب
دانه : ميرسي سي يوو
ام نايف : الله يوفقكم ان شا الله

< في بيت ابو فيصل >
رهف : ابي روح اشوف فساني
ام فيصل : مالي خلق اطلع روحي مع ابوك
رهف : لا ياشيخه تبغينه يفشلني بالسوق
ام فيصل : خذي فيصل او مها
رهف : مو باقي الا اطلع مع بزران بدق على هيفاء ولا ريناد
< دقت على ريناد وكان جوالها مقفل ؛ ودقت على هيفاء وماردت ؛ دقت على دانه >
طلال : قفلي جوالك
دانه : هذه رهف بشوف وش تبي بعدين بقفله
طلال :طيب بسرعه ياقلبي
دانه : اوك الوو
رهف :هلاا
دانه :اخلصي وش تبغين ؟
رهف : وين اختك ؟
دانه : نايمه ليش ؟
رهف :ابيها تروح معي السوق
دانه : طيب تعالي صحيها وروحي معها
رهف :انتي روحي صحيها وقوليلها تدق علي
دانه : اقلبي وجهك وتعالي باااي
رهف : دانه تكفين
سحب طلال الجوال : اقلبي وجهك مانبي ازعاج
< قفلت رهف بوجهه >
طلال : ماشاالله كل شلتكم فيهم ذوق
دانه : احم احم لاتحسدنا
طلال : قلنا ماشا الله

< بعد ربع ساعه راحت رهف عند ريناد >
رهف : قومي وجع
ريناد : رهف انقلعي وش تبغين ؟
رهف : يمه شكلك يخرع وش فيك ؟
ريناد : اا مو عاجبك انقلعي
رهف : وش رايك نطلع
ريناد :مالي خلق
رهف :تكفين ابي اروح اشوف فستاني
ريناد :روحي مع دانه
رهف : عندها طلال
ريناد قامت : اماانه
رهف : والله
ريناد : اووف ودي استهبل عليهم
رهف :حرام عليك يالله قومي عشان نطلع
ريناد : امي مارح توافق
رهف :جربي
ريناد :دقيقه بروح اسألها وبجي
< وقامت عند امها >
ام نايف : مافي طلعه روحي ذاكري
ريناد : ان شاالله


يتبع ,,,,

👇👇👇
أحدث أقدم