رواية كبرتي بالعشرين فاتنة وتغرين -33


رواية كبرتي بالعشرين فاتنة وتغرين - غرام

رواية كبرتي بالعشرين فاتنة وتغرين -33

رغد:ناصر...ليش؟

ملاك:حبيبتي ناصر راح لـ شغله
ضربت رغد راسهاا..تذكرت انها ماعطت ناصر خبر انها بتروح بدري..:لالا نسيـت..
ملاك:طيب وش بتسوين؟؟..
رغد:اليوم عندي امتحـان..طيب وانتي؟؟
ملاك:انا ماراح اروح..اليوم كلـه راح يكون تدريب ع الحفـل الختـامي..
رغد:اها يتجي امك؟
ملاك:والله مدري..المهم وش راح تسوين؟؟
رغد تطلع جوالها من الشنطه:بدق على أي بنت تجي تمرني
ملاك:اوكي..

نـزلوا زياد ومشاعل من السياره ودخلـوا مطار الملك خالد..عشان يركبون طيارتهم المتجه لـ فنيسياا..

ماجد:ترجعون بـ السلاآمه
زياد:الله يسلمك..يللا تامرنا على شي؟
ماجد:أيـــــه..ابغاا هذايا ادري بك ماشالله ماتقصر
زياد:هههه..ان شالله
ماجد:ههه..سلامتك وانتبه على مشاعل..
زياد يناظر مشاعل:مشاعل بـ عيوني
ماجد:الله يهنيكم.."يكلم مشاعل"..مشاعل لاأوصيك على صديقي واخووي
مشاعل:لاتوصي ياماجد..انت انتبه لـ امي وابوي..تراني كل يوم بدق عليكم
ماجد:هههههه..ان شالله


لبق نـاصر سيارته في البدروم ونزل منهاا..رن جـواله
المتصـل>>تركي

ناصر:هلاآآ
تركي:هلابك..وينك يالاخوو مادقيت ولاشي امس
ناصر يبتسم:امس كنت مشغوول تخبر امس كان عندي زواج
تركي:زواج؟..
ناصر:ايه زواج بنت عمي..
تركي:بس انت ابوك توه متوفي
ناصر:ياأبن الحلااال..ماراح نقطع فرحة البنت..وبعدين والله انهم ماقصروا العزيمه مو متكلف فيها كله عشان ابوي
تركي:بس ولو
ناصر:من زماان مافرحناا..الا انت بشرنا عنك
تركي:والله حالـي يسـرك..الا انت شلونك وشلون الاهل.."بـ طريقة ما كيف رغد"
ناصر:بـ خير..الله يسلمك
تركي:اجل شكلك مشغول..تامرني على شي
ناصر:ايه انا عازمك اليوم..
تركي:ماودي اكلف عليك
ناصر:لا مهنا كلافه..انت الحين واحد منـا
تركي:الله يسلمك..

لمـا سكر تركي من ناصر..اتصل على سكرتيره

تركي:عبد الحميد
عبدالحميد:هلا عمي
تركي:اسمـع تعـال خذ مني الاوراق..وان سأل عني احد قل اني مشغـول..
عبدالحميد:ان شالله عمي

دخل عبدالحميد على تركي واخذ منه الاورق..
تركي يعدل شمـاغه ويلبس نظـارته الشمسيـه..
عبدالحميد:عمي بتطلع؟؟
ناظره تركي ورفع حاجب....يعني"وش دخلك"..
عبدالحميد ارتاع من نظراته:أ..أقصد ان سألوا عنك عمي خالد وعمي طارق وعـ
تركي:قل لهم طالع..صعبه؟؟
عبدالحميد:بس انت قلت اقول انك مشغول
قرب منه تركي ونظـارته الشمسيـه ماتخفي نظـراته له هـ"الفقير المسكين"..الفرق واضح بينهم..لا من ناحبة طول ولا منناحيـة قوة الجسـم
تركي يضرب على خد عبدالحميد بـ خفيف:حبيبي حميد..انت من وين تفهم
عبدالحميد:أ..أنـا آسف عمي..بس ماكنت فاهم عليك
تركي:اوكي انا بطـلع...
طلع تركي من مكتبـه..
وركب سيارته الفارهه..وانطلـق لـ مكان يحفظه مثل أسمـه

طلـع سعود من البيت دوامه يبدا 9..لكن المواعيد عنده تبدا 10 ونص..فكر يروح يتقهوى في اقرب محـل كوفي..
ركب سيـارته

حس بهزات جواله
المتصل >>الغالي ناصر


سعود:هلااا والله
ناصر:هلا بك سعود..اخبـارك..
سعودالحمدالله بـ خير
ناصر:اقول سعود!
سعود:هلا ناصر .......تبي شي؟؟
ناصر:مشكلتك فاهمني..ودي اطلبك طلب
سعود:آمرنـي..انت اخوي
ناصر:الله يسلمك..رغد عندهاا امتحـان اليوم وانا رحت لـ شغلي ولا في من يوديهاا..وانا صرآآحه ماليقت احد اقوله غيرك..
سعود:أفـاا عليك..رغد اختي..الحين اروح اوديهـا
ناصر:خلاااص اجل ابدق عليها تكون جاهزهـ..

- شكلك منسجمـه مع هـ المجله..اديناا وجه طيب
التفت له مشاعل..ولانطقت ..ورجعت نظرهاا لـ مجلتهاا..
زياد:ميشوو ممكن تردين علي؟
مشاعل:اوكي اسمعك تكلم..
مسك يدهاا بـ حنـه..ورفعهاا له..باس اطرافهاا..أصبع..أصبع..رجف قلب مشاعل من حركته..صحيح مشاعل انسـانه حآلمه رومنسيه..بس ماتعودت تتبـادلها مع انسـان..

زياد قال بهـس وشفـايفه عند اذنهاا:تدرين ميشوو..مع ان ماصار لي الا فتره قليله معك..الا ان قلبي مـآل لك..
مشاعل حمـر وجهها ورجف قلبها مره ثانيه..بس مو خجـل..الا خوف..شعورها عطـته لـ شخص غلط..هي تحب فرآس وهو يحبهـا هو وش ذنبه يعيش معنـاتهاا..
لا....!
ذنبه لانه يحبني..بس انا لازم انسـى فراس لان هالشي خيـانه باطنه..

زياد:أموت واعرف مشاعرك اجـاهي
"الكره"
مشاعل حطت يدها حاجر بينه وينهاا ومن غير لاتناظره:زياد!..انا اول مره اتزوج ولاتنسـى اني بنت والحيـا مطلوب

حرك سيارته يوم شاف سياره ثانيه ناصيـه بيتهاا..

وقف سعـود قدام باب البيت ثـواني وطلعـت رغـد..وركبت معه..
رغد:السلآم عليكم
سعود وطـاحت نـظارته الشمسيـه ولا سمع رغد وش قـالت:هر غد صبـاح الخير
رغد ابتسمت عليه:صبـاح النور
سعودآسف اذا تأخرت عليك..بس الطريق زحمـه
رغد:لاعادي..تونا..واختباري 10 ونص..
سعود عقد حواجبه:ماعليك محاظره طيب؟
رغد:امممم..لا او تقدر تقول اني ماراح الحق عليهاا..
سعود:اهاا..

حرك سعـود..وتركي وراهـ..مستغرب منهوو هذا اللي ماخذ رغد من بيتهم..لاويبتسم معهاا وياخذ ويعطي بـ الكلاآم

سعود:وكيف الجامعه..متأقلمه مع الوضع؟؟
رغد:والله تمام..بس مو مثل المدرسه
سعود يبتسم:أكيـد..انا لما دخلت الجامعه كنت مبسووط..بعدين اشتقت لـ الفسحه والطلعه والمقصف..هههههههه
رغد:ههههههههههههههههه..تصدق وانا بعد..حتى يوم دخلت الجامعه كثير من صديقاتي توصلني اخبار الي تزوجت واللي جابت ولد..كل شي تغيّر
سعود:ههه..احنا اولاد ماعندناا كذا..
رغد:وفي الجامعه اشيـاء غريبه..مثل نـاس من طبقات ثانيه..واشكـال غريبه على بالي انقرضت..
سعود:هههه..انقرضت مره وحده؟..اجل لو تجين عندي بـ العياده وش بتسوين؟
رغد بـ فضول:ليش؟
سعود:مشـاكل كنت اظن اني ماراح اشوف مثلهاا الا بـ المسلسات الدراميه..بس اشيـاء فعلا في وجهك تنقـال
رغد:بس انت تخصصك صعب مره..يعني يبي له طولة بـال
سعود يهز كتوفه:انا طويل بـال..وش ورااي
رغد:ماتخاف زوجتك ترفض شغلك...."حست ان سؤالها غبي لانه شخصي"..اووب..آآسفه
سعود:هههه..لاعادي..اللي ماتبي شغلي فهي ماتبيني..
رغد عجبتها شخصية سعود..هي تتذكره يوم كانوا صغار كان هادي وخلوق..بس ماتخيلت انه حتى اليوم هذا وهو كذا...
الله يوفقك ياسعود ويزرقك بنت الحـلال..×..الفصل الثاني عشر..×
>..:..الجزء الاول..:..<


-توو مانورت فينيسـا..ليتني هي عشـان اتبـأرك بك
اكتفت مشاعل بـ رفع حـاجب..
زياد لاحظ:مشاعل حيـاني فيك شي؟؟..متضايقه من شي؟؟
مشاعل:لا بس ماودك نروح الاوتيل؟.."ولفت وجهها عنه"..لانو بـ صرآحه طفشت وانا واقفه هنا..
تنهد زيـاد باين ان خاطره انكسـر:ان شالله يابعد روحي..مالك الا اللي يسرك..
راحوا الاوتيـل..فتح لها الباب ومشـى وراها..كانت تمشي بـ سرحـان..وهو يتأملها ويحس بـ ان كل حركه تسويها مثل العسـل على قلبه المهم انها صادره من مشاعل اللي مستعد يضحي بـ نور عينه عشـان رضـاهاا..

-رحت مستشفـى المجنـــــانين؟؟
ضحك سعود عليهاا..الطريق كان طويل لـ "عليشه"..المكان الموجود فيه الجامعه..فـ دقوها سوالف مع بعض:ههههههه..ليش ...خايفه؟؟
رغد حست على عمرها:لا بس..مدري يخووف هـ المكاان..محد افترسك؟
سعود:لا..هم ضحاياا..مو لانهم مجانين صار خلاااص هم آآفة المجتمع
رغد:بس مدري احسهم يخوفوني
سعود:بسـم الله عليك..هههههههههههه..
استحت رغد منه..وفي نفس الوقت كانت مستـانسه معه..
لاحظت انه يتوجه لـ طريق مو طريق الجامعه..او قريب منه...
رغد:وين رايحين؟
سعود:ابد مشتهي قهوه
رغد:اهاا..
سعود:ابأخرك؟
رغد:لالا..شدعوه..مثل ماقلت لك محاظرتي متأخر..
سعود:حلوو..
وقف عند ستار بكس..وطلب له كوفي
سعود:رغد وش تبين
رغد:شكرا سعود مابي شي
سعود:أفـاا!...ترا ازعل منك
رغد..وش يبي ذا..:لاوالله مالي نفس..شكرا سعود
سعود:ابطلب لك على ذووقي تراا
رغد:والله اتكلم جد ماابي شي..
سعود:انا اخبرك تحبيـن الموكـا...صح؟
رغد:ههههههه..ماشالله بعيـر
سعود يضحك:لااله الا الله!
رغد حطت يدها على فمها:هههههههههههههههههههه

شرا لهاا سعود موكـا..واتجـه لـ الجامعه..ولا يدرون بـ الشخص اللي كان يغلي منهم..
أتصـل تركي على سمر..


سمر:هلا ترووكـ..
تركي:رغد طالعه مع مين؟؟
سمر:هاه؟؟.."فاهيه"
تركي:يابقره..رغد طالعه مع مين؟؟؟؟؟؟؟؟؟
سمر:طيب ليش معصب تلقـأه اخوها العلـه..
تركي:لا مو اخووها ولا سيارته..هي ماعندها اخوو ثاني غير البزر
سمر:وانا وش درااني..شوي وتسطرني..
تركي:المهم أسأليهاا
سمر:لاوالله؟؟؟..اروح اقولها رغد..عمي يسألك..من هـ اللي معك؟؟..حلووه صرآحه
تركي:اسمعـي بتعرفين لي منهوو..ولا انا بنفسي ابسألهاا..
سمر:طيب ليش معصب..يمكن واحد من اقاربهاا؟؟
تركي بـ انفعـال من رغد وسمر هـ الغبيه:اقـص ظفري من هناا كان اللي بينهم حـلال..
سمر:انت وش يهمك
تركي:رغد مو من هـ النووع....انا عاارف
سمر:اجل ابعد عنهـا..دامها مو من نوعك
تركي:سميـــّر..لا يكثر هرجك..تراهاا واصله معي..
سمر:كل هذا عشاانهاا عافتك عشاان واحد ثااني؟
تركي هنـا عصـب:سمر يا بنت الـ"......"..ترا وربي ان ماسكتي ابجيك واعلمك السنـع..
سمر:...."خافت منه..لاعصب يسوي أي شي"
تركي:المهم أسأليهاا..ولا ابروح بنفسي اشرشحها مع حبيب القلب..بعذرهاا ماتبيني...
سمر:ان شالله..

سكر منهـا..وهو يحس نفسـه يغلي مايدري ليه بس غليـااان ينهشه نهش

رجـع ماجد مكتبه بعد ماعطـا المراسل بعض الاوراق..
شاف جواله لقى مكالمتين من رقم غريب...
رجع اتصـل عل هـ الرقم

رد عليه صوت رجـال:آلوو السـلاآم عليكم
ماجد:هلا وعليكم السـلاام من معي؟؟
؟:أخ ماجد؟؟
ماجد:ايه نعم..
؟:معك ياسر من مستشفـى الـ"........"..
قاطعه:مسشفــــى؟؟.."جا بـ باله حمد"..حمد فيه شي صح؟؟؟؟؟؟
ياسر:لا ان شالله بس نبيك تشرفنا لو سمحت
ماجد:ان شالله مسافة الطريق..
انطلـــق ماجد بسـرعه لـ المستشفى


- هآآي رغوده
رغد:هلا سموره..كيفك؟؟
رغد:الحمدالله بـ خير..
مسكت رغد يد سمر..ورآحت عشان تعرفها على صديقاتها وتترك صديقات السوء اللي كانت تماشيهم..

رغد:بنــــــات...أعرفكم بـ سموووره...عضوه جديده بـ القرووب
كانوا صديقـات رغد مو من نوعية سمر..على قولتها حثـالة المجتمع...
مثلا فيـه...
تهـاني..من عائله متوسطه على قد حالهم..تتمنى تكون شي مهم في المسقبل..عشان ترفع عايلتها
غدي..هاديه خلووقه..كتوومه لـ ابعد الحدود..بس ان تكلمت كل اللي حولها يسكت..
وجدان..خبله بس شريره نوعا ما..بـ مقالبهاا الي ماتخلص..بس عليها قلب..أبيـض!

غدي:هذي صديقه جديده رغووده؟
رغد تناظر سمر:أيـه..ان شالله نعجبهاا
ابتسمت سمر..وفي نفسها تقول..."تعجبووني؟..في احلامكم ياحلواات"..
وجدان:اجلسـوا طيب..
تهاني:الظـاهر مستحياات..ههههههه
وجدان:ههههه..يمكن
رغد:لا..اما استحي منكم..لايكثر بس..
جلســـوا..
تهاني:اليوم ماجيتي المحاظره ليش؟؟
رغد:ناصر راح لـ شغله وشكله نسـاني
وجدان:ليه ماتجوبون سواق؟
رغد:مدري..ماأظن ناصر يوافق..
تهاني:المهم دبرتي عمرك..
سمر تبي تعرف عشان عمهـا:ومع من جيتي..
رغد:سعـود!..."وتحمست بـ السالفه وجلست تسولف"..جاب لي موكا..كأنه داري اني مشتهيته
تهاني:ههههههههه..طبيب نفسي..اكيـد بيعرفك من عيووونك..
وجدان:ههههه..خاقه معه تهاني..
رغد:لحظـه وش دارك انه دكتور نفسي
تهاني:انتي قد سولفتي لي عنه مره..
وجدان:حتى مره قلتي انه لو يجي يخطبك بتوافقين..

يتبع ,,,,
👇👇👇
أحدث أقدم