بداية

رواية مجبور اعيش من بعد فرقاك -38

رواية مجبور اعيش من بعد فرقاك - غرام

رواية مجبور اعيش من بعد فرقاك -38

ناصر مسك يد ريناد : تعالي السياره اخاف احد يشوفنا
ريناد : لااحلف بس
ناصر سحبها وطلع برا : يالله اركبي
ريناد: لامارح اركب قول وش تبي ؟؟
ناصر : يعني مافي ثقه ؟؟
ريناد :الاا في بس
ناصر قاطعها : اذا في ثقه اركبي
ريناد : بس
ناصر : خلاص طيب روحي بااي
ريناد : لا خلاص بركب
<عند طلال ودانه >
طلال :وش رايك نرجع البيت ؟؟
دانه : طيب روح البيت وانا بجي مع عمتي
طلال: وش ابي في البيت وانتي مو فيه ؟؟
دانه : تصور معه
طلال : سخييييييفه
دانه : هههههه ياحبي لك
طلالأ: طيب اعصابك لاتتحمسين ههههه
دانه : هههههه يالله بروح عند البنات باي
< طلال جا يبي يمسكها بس كانت اسرع منه >
صالح : اعطيني العلكه اللي في فمك
هيفاء ماتدري كيف بتعطيه قامت تفلتها بوجهه
صالح :ههههه تدرين انك مره ذوق
هيفاء :هههههههه

< عند ناصر وريناد >

ناصر :وش فيك ساكته ؟؟
ريناد : مافيني شي ؛ صدق بتسافر يوم الاحد؟؟
ناصر :انتي متضايقه عشان كذا ؟؟
ريناد : بالعكس مو متضايقه هذا مستقبلك
ناصر :اوعدك اني كل يوم بكلمك وش تبغين بعد ؟؟
ريناد : لا ولاشي سلامتك وانتبه على نفسك
ناصر :وانتي بعد ؛وطلعات الاستهبال ابيك تبطلينها
ريناد : اصلا كلهم بيعييون يطلعون مع مين بطلع ؟
ناصر :سؤال بريء هههههه
ريناد :ههههههه انت وش بتدرس ؟؟
ناصر :ادارة اعمال
ريناد :طيب بهديك اغنيه
ناصر :اوك
< وشغلت بجوالها اغنية راشد الماجد تسافر >
خذها من الليله وسافر
ولكن قبل ماترحل ابي تعرف
................تراني ماني على فرقاك قادر
ملكت الروح بيدينك حبيبي
............واخذت مني كل صدق المشاعر
وجروحك يا بعد روحي جروحي
.............اخذها منك بس انسى التذاكر
وهمومي يا حبيبي من همومك
..................وقلبي تراه على الهم صابر
خساره هدمت كل اللي بنيته
....................وترتكني بزمن مثلك يكابر
حبيبي كل من حولي تركني
...................وانت تجي تكملها وتسافر
ناصر زعل عشانها : ريناد قولي لاتسافر والله مارح اسافر
ريناد :انا ماودي تضيع مستقبلك عشاني بس اتمنى انك ماتتعرف على وحده ثانيه
ناصر : لاتخافين مارح اتعرف دامك تحبيني
ريناد :اهااا
ناصر :اهااا وشو ؟؟
ريناد : لا ولاشي خلاص بروح
ناصر: لا اقعدي شوي تكفين ريناد طلبتك
ريناد :خلاص 5 دقايق
ناصر :ماشالله كريمه
< وقعدت معه ربع ساعه وبعدين رجعت عند البنات >
ريناد :وعد
وعد : هلاا
ريناد :لاتعلمين رهف ودانه اني شفت ناصر
وعد :بشرط علميني عن كل شي صار
وعد :اوك
< عند صالح وهيفاء >
< هيفاء كان يزيد اعجابها بصالح وشخصيته >
< صالح كانت هيفاء هي اللي يتمناها >
< يوم الاحد في بيت ابو ناصر >
< ام ناصر كانت متضايقه وخايفه على ناصر >
< وعد كانت زعلانه لانه اخوهالوحيد وماتتخيل البيت بدونه >
ام ناصر :تكفى ناصر اول ماتقدر تكلم دق علي
ناصر : من عيوني لاتوصين
ابو ناصر :خلاص لاتصيحون وانتبه على نفسك واذا ناقصك أي شي دق علي
ناصر :ان شالله ؛وعد لااوصيك على امي وابوي
< ناصر كان مره متضايق لانه بيترك اهله وديرته وخويائه >
< دقت ريناد على ناصر >
ناصر :هلاوالله زين كلمتك قبل لااسافر
ريناد :هلا بك ؛ متى بتسافر؟؟
ناصر : الحين بطلع المطار
ريناد :اهاا تروح وترجع بالسلامه
ناصر : الله يسلمك
ريناد :خلاص اجل مااطول عليك انتبه على نفسك
ناصر :اوك تامريني بشي يالغلا ؟؟
ريناد : لاسلامتك باي
ناصر : الله يسلم بااي
< ريناد كانت خايفه اذا سافر يسحب عليها او يحب وحده ثانيه >
< يوم الثلاثاء >
< كانت ام ناصر عند ام ريناد >
وعد :ناصر مادق عليك ؟؟
ريناد : لادق عليكم
وعد :ايه دق على امي اليوم الصباح
ريناد :اهااا
وعد : يووه القرف المدرسه يوم السبت
ريناد : والله مالي خلقها
وعد : عاد انتي اخر سنه لازم تشدين حيلك
ريناد : ايه ادري
وعد : ماجتكم دانه ؟؟
ريناد : لابتجي بكره لانهم بيسافرون يوم الخميس
وعد : هي سجلت بالجامعه ؟؟
ريناد :ايه هندسة ديكور
وعد : مارح تلقى وظيفه هنا
ريناد :هي ماتبي تتوظف بس يكون معها شهاده
< عند ام ناصر وام نايف >
ام ناصر :والله البيت بدون ناصر مايسوى
ام نايف : من جد حتى انا عندي مره هادي بعد ماتزوجت دانه
ام ناصر :الخير في الباقين
ام نايف :والله ريناد قليل تطلع من غرفتها وشمس 24 ساعه مطاقات مع اخوانها
ام ناصر :الله يعين
< جت ريناد ومعها وعد >
ريناد :وش قصدكم يعني ؟؟
ام ناصر :ليش مزعله امك ؟؟؟
ريناد : افاا انا بوشو زعلتها ؟؟
ام ناصر :تقول انها ماتشوفك
ريناد : والله هي اللي ماتقعد بالبيت
ام نايف :اقول يالله انقلعي وش تبغين ؟؟
ريناد : ابي ريال ؛ نبي نطلع
ام ناصر :ماتطفشون من الطلعات ؟؟
ريناد : لا والله مانطفش
وعد :تكفين يمه
ام ناصر : لا مافي
ريناد : خاله تكفين
ام نايف :ريناد انقلعي مافي طلعه

< بعد شهر >

< وجت المدرسه وكانوا البنات مره هاديين ؛ عهود ونجود حولوا منازل ؛ نغم وسحر رجعوا مدرستهم الاولى ؛ رهف وريناد ماكانوا يتكلمون كثير بالمدرسه لان سعود مايبي رهف تكلم ريناد >
< دانه كانت مره مستانسه مع طلال وكانوا متفقين على كل شي >
< رهف كانت توافق على أي شي يقوله سعود >
< وعد كانت تحب مشعل بس خايفه انه مايحبها >
< مشعل كان يحب وعد بس خاف اذا قالها تصده >
< جود كانت مره مستانسه باالجامعه ؛ واجلت فكرة الزواج لوقتها >
< ناصر اول ماسافر كان كل يوم يكلم ريناد؛ بس تعرف على وحده اسمها تهاني سعوديه امها كنديه مره تجنن البنت ؛ وبدا يسحب على ريناد بعد ماتعرف عليها >
< هيفاء كانت كل يوم تحب صالح اكثر وتتعلق فيه ؛ وسجلت في كلية الطب ؛ وبدت علاقتها مع ريناد تتغير لانها كانت مره مشغوله>
< صالح كانت هيفاء كل حياته >
< سلطان ملك على ساره >
< ساره سجلت في معهد حاسب وانجليزي وماتبي تكمل جامعه لانها بتتزوج >
< ريناد كانت مسويه دافوره واغلب الوقت تذاكر >
< في كندا ؛ اوتوا ؛ في الجامعه >
تهاني : ناصر انت ماقد حبيت ؟؟
ناصر : الا حبيت
تهاني :والحين ؟؟
ناصر :الحين مدري وش مشاعري ناحيتها ؛ كنت احسب اذاسافرت بحبها بزياده بس بالعكس
تهاني : هي تحبك ؟؟
ناصر :ايه
تهاني :يعني الحين انت ماتحبها ؟؟
ناصر :انا ماقلت مااحبها بس حبي لها عادي مره واقل من اول
تهاني :طيب ليش وش اللي تغير بعد السفر ؟؟
ناصر :مااقولك لاني بعدت عنها هذا الشي من الاول ؛ بس يمكن في وحده ثانيه
تهاني :معنا في الجامعه ؟؟
ناصر :ايه
تهاني استانست : بس مااشوفك تحاكي بنات الا انا ؟؟
ناصر: ايه ادري
تهاني :بقولك شي وماابيك تفهمه غلط
ناصر :قولي ؟!!
ناصر :انت ماشالله عليك ولد ناس واي بنت تتمناك وغبيه اللي بتشوفك ومارح تحبك وانا مقدر اقولك انك زيك زي غيرك عندي بالعكس انت عندي غير عن كل العيال اللي في الجامعه وكل البنات يحسدوني عليك وبصراحه انا معجبه فيك ويمكن احبك ؛ وماقلت لك من اول كنت خايفه انك تسحب علي
ناصر انصدم من جراتها : تصدقين انك انتي اللي خليتيني ابعد عن ريناد
تهاني :مين ريناد ؟؟
ناصر :حبيبتي زمان
تهاني بدلع : يعني انا حبيبتك الحين ؟؟
ناصر: تقريبا ايه
< عند طلال ودانه في روما >
طلال :هاا كيف الجامعه؟؟
دانه : ايه حلوه
طلال :وش فيك تعبانه ؟؟
دانه : ايه عيني تعورني
طلال :خذي بنادول
دانه : اقولك عيني تعورني تقولي خذي بنادول اجل لو قلتلك راسي يعورني بتقول روحي عند دكتور اسنان
طلال :ههههههه لاكحليها بشوفة وجهي السموح
دانه : اقول اقلب وجهك
طلال: أي صفحه ؟؟
دانه : 32
طلال :لا مشقوقه هاهاها
دانه : هاهااها سخيف
< في الرياض >
< عند رهف وسعود >
< رهف كانت قاعده تذاكر وسعود قاعد يسولف >
سعود انقهر منها : رهف
رهف : هلاا
سعود : لا كملي ذاكري
رهف :لا خلصت ههههههه
سعود : هههه ترا اكثر شي اكرهه احد يسفهني
رهف : وانا اكثر شي احبه انت
< في بيت ابو سلطان >
صالح : خلاص بكره نطلع نتغدا
هيفاء : لا يوم ثاني ابي اطلع مع ريناد
صالح : هيوفه حياتي تكفين
هيفاء: كل يوم اطلع معك ابي اشوف ريناد
صالح : خلاص تجي معنا
هيفاء : لا ياشيخ
صالح : اذا شينه ماابيها بس اذا حلوه اوك
هيفاء : احلف بس
صالح : واذا تغار جيبيها
هيفاء : صويلح
صالح :تدرين لانك بارده اذا عصبتي مايبان عليك هههههه
هيفاء :ههههههههههههههه

< في بيت ابو نايف >

< كانت ريناد فاتحه المسن وتسولف مع ناصر >
< ناصر ماكان يبي يقول لريناد عن تهاني لانه يعز ريناد ومايبي يجرحها لانها ماتستاهل >
ريناد : ناصر في شي مضايقك ؟؟
ناصر : لا ليش ؟؟
ريناد : مدري غريبه انك ساكت مع انك من زمان ماكلمتني
ناصر : تعرفين دراسه وتعب
ريناد : اهااا اكيد مافي شي ثاني ؟؟
ناصر : شي ثاني زي وشو ؟؟
ريناد : والله مدري عنك
ناصر : لاتستهبلين وتلحسين مخي بعدين تقولين مدري
ريناد : طيب وش فيك عصبت ماقلت شي
ناصر : ريناد بقفل تبغين شي ؟؟
ريناد : باي
ناصر : تبغين شي ؟؟
ريناد : لا باااي
ناصر حس انها زعلت : ريناد زعلانه ؟؟
ريناد : لا مافي شي ازعل عشانه
ناصر :يعني مو زعلانه ؟؟
ريناد : لا
ناصر :اكيد ؟؟
ريناد : انت ماتفهم ؟؟
ناصر : ماله داعي الغلط ويالله باي
ريناد : باااي
< ناصر تضايق من اسلوبه معها وحس انه ضايقها بس دقت عليه تهاني ونسى السالفه >
< ريناد انقهرت من اسلويه بس طنشت >
< دق فهد على ريناد >
ريناد : هلاا والله
فهد :هلابك وشخبارك ؟؟
ريناد :تمام انت وشخبارك وشخبار ليان ؟؟
فهد :الحمد لله تمااام غندكم شي اليوم ؟؟
ريناد : لا ليش ؟؟
فهد : خلاص قولي لامك واخوانك نطلع نتعشى ؟؟
ريناد : اوك
فهد : خلاص ربع ساعه وبمركم
ريناد : اوك باااي
فهد : باااي
< قامت ريناد قالت لامها وتجهزوا عشان الطلعه >
< بعد ربع ساعه دق فهد على ريناد >
ريناد :الوو
فهد : يالله اطلعوا بسرعه لاننا بنمر ام مشعل
ريناد : سيارتك ماتكفي
فهد : لا اشتريت سياره
ريناد : اهاا اوك باي
< فهد كان مشتري وانيتت للتطعيس ويبي يسوي مقلب في ريناد وجود>
< في الشارع >
ريناد : ياثقل دمه اخوك لازم ننتظره براا واللحجي هذا وش يبي ؟؟ < تقصد الوانيت >
فهد فتح الشباك : يالله اركبوا
شمس : وجع هذه سيارتك ؟؟
ليان : ايه حلوه صح ؟؟
فهد :يالله اركبوا
شمس : برجع البيت
ام نايف :لاعيب مايصلح كذا
< فهد كان جايب سواق وهو راكب جمبه
ريناد : وين بنقعد ؟؟
فهد : اللي ماله مكان يطلع ورا
ريناد : نعـــــــــم !؟!؟!؟!؟!!!
فهد : يالله اطلعوا ورا
نواف : نقول للسواق يودينا
فهد : لامافي بزعل عليكم
< ريناد وجود ركبوا قدام عند السواق ؛ وام نايف وام مشعل وام ليان عالكرسي اللي ورا ؛ والباقين ورا >
< فهد شغل اغنية نانسي عجرم اللي كان ورفع الصوت ؛ وقال للسواق يروح التحليه > < ونعم الخال >
جود : يووه فشله
< جود شافت خوياتها >
جود : يووه الحين بيعرفوني من مشعل
< في سيارة خوياتها >
خلود : ههههههه شوفوا اللحوج
دلال : هههههههه كنه هذا مشعل اخو جود
خلود : لا مااتوقع جود قالت لي بتروح تنام
< دقوا على جود وماردت >
< بعد ساعه من الدوران في التحليه ؛ وقف السواق عند مطعم بخاري >
ريناد : خير ؟؟!؟!؟!
السواق : بابا فهد في قول جيب بخاري عشان روح حديقه
ريناد : أي حديقه انت ووجهك ؛ بدق على سواقنا يجيني
ام مشعل :اهجدي لاتفشليننا الرجال عازمنا
جود : الله يلعن ابوها من عزيمه
< نزل السواق جاب بخاري ووقف عند حديقه >
< في الحديقه >
فهد ياكل بيده : تعالوا تعشواا
ريناد : شكرا مانبي
جود : وانا متعشيه في البيت
فهد : ارسل السواق يجيب موكا
شمس :لاشكرا مانبي شي
جود : متى بنروح البيت
مشعل وهو يمسح وجهه ببلوزته : لا تونا نبي نلعب بالتراب
ريناد : تراب بوجهك
< بعد العشاء >
فهد :هيا بنا نلعب يااعزائي
ليان : انا قادمه ياعزيزي العميل
مشعل : هيا هيا تحركوا ياحمارات
ريناد : اقلب وجهك
جود :حماره بعينك
شمس : ترا والله بتتصفق
< وقاموا مشعل وفهد ونايف ونواف وليان يلعبون ويستهبلون >
< ومر الترم الاول عادي مافيه أي شي ؛ المدرسه مره كئيبه ؛ دانه وطلال طفشوا من لندن ويبغون يرجعون ؛ هيفاء ماتوقعت في يوم انهاممكن تحب ؛ رهف وسعود كانوا متعلقين في بعض مره ؛ ناصر ماصار يكلم ريناد وتطورت علاقته مع تهاني بس ماقال لريناد وقرر انه يقولها اذا رجع ؛ ام ناصر كانت مستانسه لان ناصر بيرجع ؛ ريناد كانت تبي تواجه ناصر وتعرف ليش تغير ؛ عهود تزوجت وسحبت على كل خوياتها ؛ نجود محد يدري عنها ؛ وعد قررت انها تاخذ رقم مشعل وتصارحه بحبها لانها تعبت ؛ جود خطبها حسن وتبي تفكر >
< في الاجازه اللي بين الترمين >
< كان ناصر بالرياض ؛ ودانه وطلال رجعوا >
< دقت ام ناصر على ام نايف >
ام نايف : هلا والله
ام ناصر :هلا بك وشخبارك وشخبار العيال ؟؟
ام نايف : الحمد لله كلهم بخير انتي وشخبار ناصر ؟؟
ام ناصر : الحمدلله تمام والله ان البيت نور بوجوده
ام نايف : الله يخليه لك
ام ناصر : وش رايكم نطلع استراحتنا ؟؟
ام نايف : والله يقول لابو نايف
ام ناصر : بس نطلع الحريم لان ابو ناصر مايبي يطلع
ام نايف : خلاص بقول لابو نايف وبرد لك
ام ناصر : خلاص اخليك عشان اكلم ام طلال وام سلطان وام مشعل
ام نايف : خلاص سلمي عليهم
ام ناصر : الله يسلمك تامرين بشي ؟؟
ام نايف : لاسلامتك فمان الله
ام ناصر : الله يسلمك مع السلامه
< وقالت ام نايف لابو نايف ووافق ؛ وام ناصر كلمتهم كلهم وكلهم بيطلعون >

< دقت وعد على ريناد >
ريناد : هلاا
وعد : ام قالت لك اننا بنطلع ؟؟
ريناد : ايه فله
وعد : ايه خلاص بكره الصبح وش رايك تجين تنامين عندي ؟؟
ريناد : امي بتعيي عشان ناصر
وعد : اهاا طيب دقي على بيتنا
ريناد : خلاص قومي عند التلفون
وعد : اوك بااي
< قامت وعد وحطت التلفون عند ناصر >
ناصر : الوو
ريناد : هلاا
ناصر : هلا
ريناد : وعد موجوده ؟؟
ناصر : مين اقولها ؟؟
ريناد : ماعرفتني ؟؟؟؟
ناصر : من متى المعرفه عشان اعرفك !!؟؟
ريناد انصدمت وقفلت بوجهه
وعد : مين اللي دق
ناصر :مدري وحده من خوياتك
وعد : وريني الرقم ؛ ايه هذه ريناد وش قلت لها عشان تقفل
ناصر : قلت لها مين انتي ؟؟
وعد : تستهبل ولامن جدك ؟؟
ناصر : والله ماعرفتها
< دقت وعد على ريناد >
ريناد : الوو
وعد : هلا
ريناد : مين رد علي ؟؟
وعد : ابوي
ريناد ماصدقتها : اهااا ماقالك شي ؟؟
وعد : لا
ريناد : خلاص ططيب بروح انام تبين شي ؟؟
وعد :احد ينام الحين ؟؟
ريناد : ايه انا
وعد : خلاص روحي واذا صحيتي دقي علي
ريناد : اوك باااي
وش تتوقعون بيصير بالاستراحه ؟؟<وتجمعوا في الاستراحه والبنات ناموا ماصحوا الا العصر >
< بعد المغرب كانت دانه قاعده مع طلال ؛ وريوف قاعده مع الحريم ؛ وهيفاء تكلم صالح ؛ وريناد وجود وغدير ووعد قاعدين يسولفون >
< العيال كان طلال مع دانه ؛ وناصر وفيصل وسلطان قاعدين يسولفون>
< مشعل كان قاعد يسمع اغنية عبدالمجيد عطني وعد >
عطني وعد انك تمر
تلقاني بنتظرك عمر
ومهما تغيب تبقى حبيب
وغيرك أبد ما أنتظر
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -