رواية مجبور اعيش من بعد فرقاك -41


رواية مجبور اعيش من بعد فرقاك -41

رواية مجبور اعيش من بعد فرقاك -41

ام مشعل :ايه وابوك موافق وانتي فكري زين

جود :ان شالله تامرين بشي ثاني
ام مشعل : لا سلامتك
< جود كانت مره مستانسه بس خايفه تتسرع بقرارها وتندم >

< يوم الخميس ؛ زواج ريوف وفهد >
< كان مره فله طق ووناسه واستهبال ؛ وماصار فيه شي ؛ وريوف ماعلمتنا وش قعدوا يسولفون هي وفهد >

< يوم الجمعه في بيت ابو نايف >
< دق طلال على دانه >
دانه : هلا
طلال :الزواج وحضرتيه واتوقع انك مصختيها بحجز لك عشان تجين لاني طفشت
دانه : اعصابك
طلال :بعدين ليش ماعلمتيني انك حامل ؟؟
دانه : مين قالك ؟؟
طلال :امي
دانه : كنت ابي اسويها مفاجأه
طلال :احلى مفاجأه ؛ بعدين بحجز لك عشان تجين
دانه : مو باقي الا شهر لزواج هيفاء
طلال: ياشيخه احلفي بس
دانه : ههههههههه والله من جد اتكلم
طلال : اقول جهزي اغراضك لاني بحجز لك لانك وحشتيني
دانه : اوك باي
طلال: مستقلعه عمتي مين قالك بقفل
دانه : هههههههههههه وش تبي ؟
طلال :عجبتني وش تبي ؛ بس يحق لك تتغلين
دانه : ياحبي لك
< وقعدوا يكلمون بعض ربع ساعه >
< جت ريناد عند دانه >
ريناد : مسويين روميو وجولييت مالت عليكم
طلال : وهي وش حارق رزها ؟؟
دانه :اللقافه ماعليك منها

< بعد اسبوع دانه سافرت ؛ ووعد كانت مسويه حفلة عيد ميلادها في بيتهم ؛ وكانوا البنات كلهم موجودين ريناد وهيففاء وجود ورهف وشذى واشجان وشمس ومها ونغم وسحر >
< كانوا البنات يرقصون ويستهبلون >
ريناد : وعد ابي شوز بدون كعب هذا عورني
شذى :محد يقولك تسوين دلوعه
وعد : ارقي فوق وخذي اللي تبينه
ريناد :مافي احد في البيت ؟؟
رهف :يعني مسويه تستحين ؟؟
ريناد انقهرت من اسلوبها : خليت الحيا لك
رهف مقصره صوتها :ياثقل دمي
< كان ناصر قاعد فوق بالصاله لانه يدري ان ريناد عندهم >

رقت ريناد فوق وكان ناصر قاعد بالصاله بس ماانتبهت انه موجود لانها كانت مستعجله وتبي تكلم مشعل >
< دقت ريناد على مشعل >
مشعل : هلاا
ريناد :هلا وينك تأخرت
مشعل : 5 دقايق وبكون عند الباب
ريناد :خلاص حطها وروح
مشعل : اوك
ريناد :اوك باااي
مشعل :بااي
ريناد : الا تعال
مشعل : هلااا
ريناد :وشهي الهديه ؟؟
مشعل : سبرايز
ريناد : يلعن ابو الخكرنه اللي فيك يالله اقلب وجهك
مشعل :ههههههه بااي

< والتفتت ريناد لقت ناصر وراها >
ناصر :ياهلا والله وغلا
ريناد :هلا بك شخبارك ؟؟؟
ناصر :تمام مين كنتي تكلمين ؟؟
ريناد : هاا كنت اكلم خالي
ناصر :اااهاا انتي وشخبارك ؟؟
ريناد :الحمدلله تمام < دق مشعل عليها > خلاص الحين بنزل عند البنات
ناصر : ريناد ممكن جوالك شوي
ريناد استغربت : ليش ؟؟
ناصر :لا ولاشي باخذ اغاني منه
ريناد : خلاص شوي وبرسله لك مع وعد
ناصر : لا خلاص ماابيه
ريناد :لاخلاص خذه
ناصر : ياحبي لك
< ريناد عطته الجوال ونزلت >
ريناد :وعد ممكن جوالك شوي
وعد : اوك وين جوالك ؟؟
ريناد : نسيته فوق
وعد : خلاص خذي حقي
< دقت ريناد على مشعل >
مشعل :هلاا
ريناد : وينك ؟؟
مشعل :برا ارن الجرس ؟؟
ريناد : ايه وحطها وروح بسرعه
مشعل :اوك
< رن الجرس وحط الهديه وراح >
وعد :مين بيجي ؟؟
ريناد :مدري اطلعي شوفي
وعد تنادي الشغاله : صوفي
صوفي : نأم < نعم >
وعد : روحي افتحي الباب
صوفي : انتي روحي انا في شغل
ريناد : خلاص وعد اطلعي
وعد :طيب بس عشانك
<وطلعت وعد وانصدمت يوم شافت الهديه ومافي احد >
ريناد :اخص عندك معجبين ؟؟؟
هيفاء :مين ؟؟؟
وعد :وانا وش دراني ؟؟
ريناد : طيب اخلصي افتحيها
< فتحتها كانت قطوه بيضاء صغيره مره تجنن ؛ مشعل جاب لها قطوه لان وعد تحبهم >
ريناد : الله يلعن شكلك يامشعل وعععع
وعد : مشعل ؟؟
ريناد : هاا لا اكلم نفسي
وعد : ياحبي له ياناااس
ريناد : الله يقرفك انتي واياه اكره هذي الاشياء
وعد :وين جوالي ؟؟
ريناد :على الطالوله
< دقت وعد على مشعل >
مشعل :الوو
وعد : مره مره شكرا
مشعل : على وشو ؟؟؟
وعد : يعني مسوي ماتدري ؟؟
مشعل : ريناد يبي لها واحد يصفقها
وعد : هههههههه لا حرام
مشعل : اهم شي انها عجبتك ؟؟؟
وعد :تدري انها احلى هديه جتني لانها منك
مشعل : تسلمين ياقلبي وروحي انبسطي مع البنات واذا راحوا دقوا مع اني ادري بنت خالتي نشبه ويمكن تنام عندكم
وعد : ههههههههه ياحبي لها
مشعل : وانا ؟؟
وعد : باااي
مشعل : ههههههه باي

< ناصر انصدم يوم قرا الرسايل اللي من ياسر ومن تركي واستوعب انه ظلم ريناد كثير >
ريناد : بطلع اجيب جوالي
وعد : اوك

ريناد : خلصت ؟؟
ناصر : ريناد في كلام كثير ودي اقوله لك
ريناد :طيب قول
ناصر : لا مااتوقع الحين الوقت مناسب
ريناد : خلاص قول
ناصر: انا ظلمتك كثير معي وكنت اشك فيك وترا قريت الرسايل اللي بجوالك
ريناد : طيب خلاص انسى اللي صار
ناصر : انتي مو زعلانه مني ؟؟
ريناد : لا شي راح وخلاص ماله دااعي ؛ اهم شي اننا نبقى سواا
ناصر سكت ومارد
ريناد : بسألك سؤال ممكن
ناصر هز راسه
ريناد : مين تهاني اللي مره قلت لي عنها ؟؟
ناصر سكت ومارد
ريناد :اذا ماتبي تجاوب براحتك ؛ بس ادري انك تحبها
ناصر : انا ماحبيت ومارح احب الا انتي
ريناد : اجل قولي عن سالفتها
< ناصر علمها كيف تعرف على تهاني ؛ وانه كان معجب فيها ؛ وانها كانت تحبه ؛ وحس انه ريناد تضايقت من كلامه عنها >
ناصر :زعلتي ؟؟؟؟
ريناد : لا مازعلت انا اللي سألتك عنها
ناصر :اكيد ؟؟
ريناد: انت الحين تكلمها ؟؟
ناصر : احيانا في النت
ريناد : اهاا طيب عادي انا اكلم شباب في النت
ناصر : احلفي بس
ريناد : عاددي انت تكلم بنات انا اكلم شباب ؟؟؟؟
ناصر: غيري السالفه احسن
ريناد : ليش من جد اتكلم مافيها شي ؟؟
ناصر : اول شي البنت غير الولد ؛ البنت اهم شي سمعتها ؛ الولد عادي
ريناد : لا والله
ناصر : ريناد غيري السالفه
ريناد : اصلا بنزل تحت بااي
ناصر: دقيقه زعلتي ؟؟
ريناد : لا مافي شي يزعل
ناصر : هههههههههه الحين اسوي لها بلوك وديليت بعد
ريناد : صدق ؟؟
ناصر : واذا تبغين خذي باسوورد ايميلي وانتي افتحيه بعد
ريناد: لا خلاص واثقه فيك
ناصر :يعني مافي زعل
ريناد : لأ بنزل عند وعد لاتصفقني
ناصر : اوك

< البنات كانوا هبال ورقص وطق ووناسه وسواليف ؛ وراحوا كل البنات الا ريناد وهيفاء وجود >
ريناد : وش رايكم نطلع بكره نستهبل قبل لايتزوجون هيفاء وجود وبتكون اخر طلعه بلييييييز
وعد : ايه تكفون اذا تزوجتوا مارح نستهبل
جود :انا موافقه
هيفاء : لا بنات انا احبه ومستحيل اخونه
ريناد : ماقلنا كلمي غيره واطلعي معهم قلنا نستهبل تكفين هيفاء
هيفاء : اوك
وعد : يووه مو مصدقه كلكم بتتزوجون مارح يبقى الا انا وريناد
ريناد : تكفون اذا تزوجتوا لاتسحبون علي
جود : انا بنت خالتك مقدر اسحب
هيفاء : وانا مالي غيركم خويات وحتى لو فرقتنا الايام تأكدوا غلاكم موجود ومارح أنساكم
< ريناد تضايقت من كلام هيفاء ؛ وغيرت السالفه ؛ وقعدوا البنات يسولفون ويخططون لطلعة بكره >
ريناد : بنروح المملكه
هيفاء: ايه اوك عشان اقول لصالح عالم المرأه
جود : مع اني مااحبها بس اوك
وعد : اي واحد نشوفه بكره نبي نطيحه
ريناد : هههههه ايه فله
هيفاء : ههههههههههه تخيلوا اشكالهم هه
جود : هههههههههه منجد فله
< الساعه 2 راحوا كل وحده بيتهم >
< دقت وعد على ريناد الصباح >


ريناد : هلاا
وعد :نايمه ؟؟
ريناد : كنت نايمه بس خلاص في شي ؟؟
وعد : وش رايك نروح الفيصليه انا وانتي ؟؟
ريناد : ليش ؟؟
وعد : ابي اجيب هديه لمشعل
ريناد : اخص حركات تصدقين من يوم تعرفت على اخوك ماقد جبت له هديه
وعد : لانك مره ذوق بسم الله عليك
ريناد : كني تهزأت
وعد : هههههه المهم تروحين ؟؟
ريناد : امي مارح توافق الحين وفي لليل
وعد : انا بكلمها
ريناد : انتي كيف وافقت امك ؟؟؟
وعد : قلت لها بروح مع ناصر
ريناد : ان شالله ناصر بيجي ؟؟
وعد : ايه بيوصلنا وبيروح دوامه
ريناد : لا نروح مع السواق
وعد : عن ثقالة الدم البسي وبجيك
ريناد : اوك باي
وعد : باااي

< دقت ريناد على مشعل >
مشعل : خيرر
ريناد : الناس تقول صباح الخير
مشعل : احد يدق على احد في الصباح
ريناد : ايه انااا
مشعل : وش بغيتي ؟؟
ريناد :صورتك هاهاها
مشعل : سخيفه هاهاها صح تعالي
ريناد : نعم
مشعل : قد سمعتي صوت القطار
ريناد : انت اللي بتسمعه الحين باااي < وقفلت بوجهه >

< بعد ربع ساعه جت وعد عند ريناد >
ام نايف : وين بتروحون ان شالله ؟؟
وعد : خاله تكفين بنروح نجيب هديه لهيفاء
ام نايف : في الليل بتطلعون معها وجيبوا لها هديه
ريناد : يمه مايمدي بتكون معنا
وعد : تكفيييييييين
ام نايف : خلاص روحوا والساعه 12 تجون البيت
ريناد : وتغطوا زين
ام ناايف : انقلعي لاشوتك


< في السياره >
ناصر : صباح الخير
ريناد : صباح النور
وعد : صباح النور
ناصر : انتي احد كلمك ؟؟
ريناد : ايه اناا
ناصر: اول مره اشوف وحده تحب تفشل حبيبها
ريناد تفشلت وماردت
وعد : وش فيك سكتتي ؟؟
ريناد : هاا ولاشي ليه مارحتي المدرسه ؟؟
وعد : عندي اجازه لين بعد زواج هيفاء
ريناد : ايه حتى انا معك
ناصر : انتي تبغين تكملين جامعه ؟؟؟؟
ريناد : يس اكيد
وعد : الدافوره تبي تدخل طب
ناصر: الطب يضيع عمر البنت
ريناد : بس حلو
وعد : اصلا محد يتزوج دكتوره
ريناد : اخر شي افكر فيه الزواج ؛ وبعدين هيفاء بتتزوج
وعد : وهذا وجهي اذا بتكمل بعد الزواج
ريناد : المهم اني بدرس طب
ناصر : دانه وش تدرس ؟؟
ريناد : هندسة ديكمور او تصميم داخلي
ناصر : طيب هذا احلى من الطب
ريناد : لا الطب احلى
ناصر يدري انه ريناد عنيده واللي براسها تسويه وماعلق على السالفه لانه يدري انهم بيتطاقوون

وعد : وش فيكم سكتتوا ؟؟؟
ناصر: ولاشي
< وصلوا عند الفيصليه >
وعد : انت بتنزل ؟؟
ناصر : بنزل افطر وبروح
وعد : وبتجي تاخذنا
ريناد : عادي ادق على السواق
ناصر : لاعادي اذا خلصتوا دقوا علي
وعد : مين يدق ؟؟
ناصر : مو انتي لاني مارح ارد عليك
< ونزلوا الفيصليه وناصر فطر معهم وراح >
ريناد : وش رايك نستهبل ؟؟
وعد : وش نسوي ؟؟
ريناد : مدري
وعد : اول شي تعالي نروح الدهام بشتري لمشعل ساعه
ريناد : اوك
< اشترت وعد لمشعل ساعة ماركة فيندي ؛ وتمشوا شوي ورجعوا البيت >

< المغرب تجمعوا البنات في المملكه استهبال وضحك ووناسه وفلوها بزياده والساعه 11 طلعوا من المملكه وراحوا تعشوا في ماك ورجعوا كل وحده بيتهم ؛ ووعد عطت الهديه لجود عشان تعطيها مشعل >

< بعد يومين >
< جت دانه من لندن هي وطلال >

< بعد اسبوع كان زواج هيفاء >

< انزفت على اغنية ابتدي ياحب لحسين الجسمي >

ابتدي يا حب وارسم
في سما هاليله قلبين
اكتب هيفاء بالاول
واكتب الثاني لصالح
او يجيلك راي وأكتب
ماله داعي ترسم اثنين
اكتب الاسمين لاكن
حطهم في قلب واحد....
يالفرح طرز مساهم
وانثر الاحسااس ما بين
حب وأشواق وتهاني
ود وأنغام وقصايد
دام هذا اليوم تاجه
عرس آل ذوق والزين
عرس نسل العز نسل
مجد والتاريخ شاهد....
يا ألاه الكون سلم
حبهم من شر كل عين
بالهنا طول عمرهم
واعمي عنهم كل حاسد
واحفظ هيفاء وصالح
مثل ماهم احلى رووحين
صوونهم بالخير واجعل
بيتهم بالعز شارك
وابتدي يا حب وارسم

< في الزفه كانت هيفاء مره مستانسه ؛ لانها لقت حبها الاول والاخير وتزوجوا >
< ريناد قعدت تتذكر هيفاء وايامهم الحلوه مع بعض وكيف هيفاء صارت اعز صديقاتها ؛ وتذكرت وعودهم انهم مارح يفترقون مهما صار ؛ وكانت خايفه ان هيفاء تصير زي رهف ويقدر صالح يتحكم فيها >
< دانه كانت مستانسه لصديقتها واختها بنفس الوقت ؛ وتمنت لها السعاده >
< وعد تذكرت كيف تعرفت عليهم وكيف علاقتهم تطورت وتمنت ان الله لايغير عليهم >
< رهف كانت مستانسه مره لهيفاء وتتمنى تكون هي وسعود مكانهم >

< بعد الزفه طلع صالح عشان يخليها تسلم على خوياتها لانهم بيسافرون ماليزيا الساعه 5 >

ريناد وهي تصيح : انتبهي على نفسك
هيفاء :هههههههه مارح يطقني
ريناد : والله منجد بفقدك
هيفاء : لاتخافين والله كل يوم بكلمك وبتشوفيني بعد
وعد : نخاف تسحبين زي بعض الناس < وناظرت رهف >
رهف : وشقصدك يعني ؟؟
هيفاء: خلاص ولاشي نبي نستانس مو نتطاق
دانه : انتيهي لاتسمعين كلامه بكل شي خلي لك رااي
هيفاء : ههههههههههههه لاتوصين
رهف تضايقت من كلامهم : مبروك وانا بروح ياقلبي وانتبهي على نفسك
هيفاء :الله يبارك فيك وعقبالك ولاتقطعين
< طلعت رهف من عندهم وهي متضايقه من كلامهم ؛ وقامت دانه تبي تكمها >
دانه : رهف
رهف وهي تصيح : هلاا
دانه : وش فيك ؟؟
رهف : ولاشي متضايقه شوي
دانه : امانه وشفيك ؟؟
رهف :مدري احس تقصدوني بكلامكم
دانه :والله مو قصدي شي بالعكس ؛ بس انتي غلطانه انك خليتيه يحكم بكل شي
رهف :اخاف انه يزعل
دانه : رهف انتي ماقد كنتي ضعيفه كذا
رهف :دانه انا احبه واخاف يخليني
دانه : لاتخافين اذا يحبك مارح يخليك
رهف : طيب وشسوي ؟؟
دانه : خليك قويه وعندك رااي
رهف :واذا زعل ؟؟
دانه : هو بيزعل بالاول لانه تعود عليك رهف اللي ماتقوله لأ ؛ بس صدقيني بعدين بترتاحين
رهف : ان شالله خير
دانه : خلاص غسلي وجهك وتعالي
رهف : اوك

< عند البنات >

ريناد : والله اني ارحمها لانه مسيطر عليها
هيفاء : ايه منجد تخاف يخليها
ريناد : من الاول غلطانه لانها خلته يسوي فيها كذا
وعد : ايه منجد
هيفاء : رهف اول ماكانت كذا كانت تحب تستهبل وتضحك وماهمها احد
جود : الحب يغير اي بنت
هيفاء : الا ريناد ماعندها احساس هههههههههههه
ريناد : هههههههههه لان مافي احد يستاهل اضيق صدري عشانه
وعد : ماتلاحظون انا في زواج
هيفاء :هههههههههههه منجد
ريناد : بس شكلك يجنن سمعت وحده من الحريم تقول ليتها كانت من نصيبنا
هيفاء : ههههههههههه فديتني
>هيفاء كانت مسيحه شعرها ورافعته بكريستال على شكل فراشه والميك اب خليجي يجنن ؛ طالع شكلها كنها هنديه تجنن >

< وقاموا البنات يرقصون ويستهبلون ؛ وبعد ساعه طلعت هيفاء >

< عند هيفاء وصالح >
صالح : هيفاء
هيفاء وهي مستحيه : هلاا
صالح : يالبى قلبها اللي تستحي
هيفاء :ايه فديتني
صالح : بمدح نفسك ماتقصرين ماشالله ههههههه
هيفاء: ههههههههههههه
صالح : دووم الضحكه يارب عساني مانحرم منك

يتبع ,,,,
👇👇👇
أحدث أقدم