بداية الرواية

رواية مجبور اعيش من بعد فرقاك -40

رواية مجبور اعيش من بعد فرقاك - غرام

رواية مجبور اعيش من بعد فرقاك -40

< ثاني يوم المغرب >
< كانوا البنات قاعدين مع الحريم يسولفون الا ريناد قاعده ساكته >
ام نايف :تصدقون اول مره اشوف بنتي ساكته
ام ناصر :ريناد وش فيك احد مزعلك ؟؟
ريناد : مافيني شي بس تعبانه وطفشانه
ام طلال :بعد يومين بنرجع وبتملين اكثر
< شذى واشجان ماكانوا موجودين لانهم مسافرين جده عند عمهم >
< البنات صرفوا السالفه لانهم يدرون وش فيها ريناد >
هيفاء :وش رايكم نلعب كوره ؟؟
وعد :غريبه هيفاء اللي مسويه دلوعه تبي تلعب كوره
ريوف :هذا التصنع الله لايبلانا
هيفاء :تصنع بعينك انقلعي
ريوف :في دلوعه تقول انقلعي
دانه :اجل وش يقولون ؟؟
ريوف :اغربي عن وجهي
غدير :واللي يرحم امك اسكتي وقوموا نلعب
< البنات قاموا يلعبون وريناد قعدت تتفرج عليهم >
< طلال يوم شافهم استغرب لانه اول مره يشوف ريناد ساكته >
طلال :ريناد
ريناد :هلا
طلالأ: ليش ماتلعبين معهم ؟؟
ريناد : مالي خلق
طلال :مدري من متى الاخلاق
< دانه شافت طلال موقف عند ريناد ورفعت الكوره تبي تشوتها عليه >
طلال :خلاص خلاص بروح
< قام طلال عند ناصر >
طلال: انت متطاق مع ريناد ؟؟
ناصر :ليش السؤال ؟؟
طلال: لاني اول مره بحياتي اشوف ريناد ماتضحك
< طلال مايحب يشوف احد زعلان >
ناصر : بعدين اقولك بس وينها فيه ؟؟
طلال: عند البنات تتفرج عليهم
< عند البنات >
دانه : تعبت
ريوف :وانا بعد
جود :تعالوا نقعد شوي
< وقعدوا البنات يسولفون>
< ناصر انصدم يوم شافهم كلهم يضحكون ويستهبلون وريناد قاعده ساكته وتلعب بجوالها >
< ارسل ناصر لريناد >
حرت وش أكــــــــتب لانسان عزيتـــــــه
على كـــــــــل الناس والدنيا بديتـــــــــــه
ضاع الكلام وضاع الشــــــــــعر وبيتــــه
أدري اني لو بعت لخاطـــره عيني ماوفيته
سكــــن خـــــــفوقي وتربــــع فيه ويالــيته
يـــــدري اني من بد كل الكون اغليتــــــــه
كل الكلام اللي قلته كذب بس كنت ابي اعرف وش ردة فعلك لو اسوي كذا ؛ والله انك حبي الاول والاخير ومارح احب غيرك
< ريناد تضايقت يوم قرت الرساله لانها ماتدري صدق ولاكذب ؛ وقامت من عند البنات >
ناصر :ريناد دقيقه
ريناد :نعم
ناصر :قريتي الرساله ؟؟
ريناد :ايه تجرحني بعدين تقولي كنت ابي اشوف ردة فعلك
ناصر: والله ماكان قصدي شي
ريناد: خلاص خلي نصبك ينفعك
ناصر : ريناد حرام عليك اللي تسوينه فيني
ريناد : انت اكثر واحد تدري وش كثر احبك ؛ بس انت اللي اخترت انك تبعد عني وبراحتك
ناصر :طيب بطلبك طلب قبل لااروح
ريناد :وشو ؟؟
ناصر : تكفين اذا قعدتي مع البنات سولفي واضحكي لاتضايقين نفسك عشاني
ريناد :اي بنت اذا انجرحت بتصير كذا
ناصر :طيب دامك ماتبيني لاتزعلين عشاني
ريناد :ناصر انت مارح تفهمني
ناصر :انا اكثر واحد فاهمك
ريناد :تلعب على نفسك حبيبي
وعد :تعالي اقعدي معنا
ريناد :اوك

< البنات تحجبوا وقعدوا مع العيال >
طلال: وش رايكم نلعب اي شي ؟؟
دانه : اوك
فيصل :نلعب لعبة الصراحه
غدير :ايه يالله
< ريوف تسأل دانه >
ريوف : وش احلى شي بحياتك ؟؟
دانه : وجود طلال فيها
طلال :ياحبي لك ياناس
مشعل : تغزلوا بعد
< مشعل يسأل ريناد >
مشعل :مين اقرب وحده لك ؟؟
ريناد :كلهم احبهم واعزهم بس اقربهم وعد
وعد :تسلمين ياقلبي
< جود تسأل فيصل >
جود : وش رايك بالحب من اول نظره ؟؟
فيصل : يصير احيانا وينجح
< غدير تسال ناصر >
غدير :احسك دايم زعلان ليش ؟؟
ناصر ناظر ريناد : والله مدري وشقولك بس يمكن لاني احب وحده ماتحس
< البنات كلهم صاروا يناظرون ريناد >
< هيفاء تسأل طلال >
هيفاء : وش اكثر موقف محرج مر عليك ؟؟
طلال : يوم كنا بشهر العسل ومسوي كاشخ قدام دانه طحت على وجهي هههههههه
دانه : هههههههههههههههههههه
هيفاء : ههههههههههههههه فشله
< دانه تسأل مشعل >
دانه : وش احلى لحظه بحياتك
مشعل يستهبل :اللي اشوفك فيها ههههههههههههه
دانه : ياثقل دمك لا من جد
مشعل : يوم اشوف حبيبتي < وناظر وعد >
دانه :حبتك القراده انت وحبيبتك
مشعل :ليش تغارين
دانه : من زينك اقلب وجهك
ريوف :لا طقوا بعض احسن
سلطان :احس اللعبه سخيفه
ريناد :من جد
وعد :وش رايكم نلعب كوره البنات فريق والعيال فريق
مشعل: ايه قدام
دانه :والله مالي خلق
مشعل :سودانيه الله لايبلانا
< دق صالح على هيفاء وقامت من عندهم >
ريناد :انا بروح اقعد عند الحريم هنا طفش
دانه : وش رايكم نسوي مسابقه شي
جود : نختار حرف واللي بعده يقول شعر او اغنيه
فيصل :ايه حلو كذا
ناصر : حرف الراء
ريناد :ردتك الايام يامغرورد يامدلع ...ياللي علينا من اول شايف حالك
فيصل: ماشالله صوتك حلو
ريناد :ادري
طلال : طيب غني
ريناد :طيب وش تبغون طق ؟؟
مشعل : اي شي بس اخلصي
دانه : ايه طق
ريناد :طيب مين يعرف يطق ؟؟
غدير: انا
< غنت اغنية رابح صقر انا احبك >
أنا أحبك أنا أعزك أنا باقي على ذكـــــراك
وإذا الله ماكتب تتحقق أحلامك ولا أحلامي
صحيح يحز في نفسي بعد ذاك الوفاء فرقاك
ولكن من عمر محسوب بيامك وبيـامـــــي
مثل ماكنت تتمنى وصالي كنت أنا أتمنـاك
ولكن من ردات الحظ حلم الحب مادامـــــــي
سوالفنا سرت مثل النجوم بدورت الأفـــــلاك
سرى بالشوف لكنه ترى مايروي الظــــامـي
حبيب إنت بس اللي وسط قلبي أنا أهــــــواك
كثر مافـاد من وقت وكثر ماباقي أعوامـــي
ولكن هذا حال الحب والعــــــشاق مايخفـــاك
كثر مافيه من فرحه وكثر مافيه آلامــــــي
وأنا لو لاك وش بيصر في عمري أنا لو لاك
لك أحلى ذكرياتي عشق وأجمل حلـم قدامــــي
وأنا أوعدك ما أنســــى ليــالي حبـنا وأنســــــاك
على صــدري بعــد لقيـــــاك حبيبي حبـك وسـامي
ناصر فهم انها تقصده
دانه :وش رايكم نسوي مسابقه مين احلى صوت ؟؟
طلال: لا تكفين في اصوات ماالها داعي
ريناد : بروح اقعد عند الحريم
وعد :حتى انا بجي معك
< وقاموا وعد وريناد من عندهم >
وعد : ريناد ليش تسوين كذا ؟؟
ريناد :وشسويت ؟؟
وعد :تدرين ان ناصر يحبك ليش تسوين فيه كذا ؟؟
ريناد : مدري يمكن ابي اجرحه زي ماجرحني
وعد :لاتصيرين كذا لانه بيكرهك
ريناد :طيب وشسوي ؟؟
وعد : ارسلي له رساله ولا روحي كلميه ؟؟
ريناد : اوك
< ارسلت ريناد لناصر >
حسمت المسأله والحين أبصدر لك قراراتي
وهي حاصل تشاورنا بعد تكرار غلطاتـــــــك
أنا وجروحي وقلبي تعاهدنا على الآتــــــــــي :
( نحب حتى الغلط منك لانه جزء من ذاتــــــــك )

< ناصر استانس يوم شاف الرساله ؛ وقام دق عليها >
ريناد :هلاا
ناصر :هلابك
ريناد :اعصابك وش فيك متحمس ؟؟
ناصر : ريناد تكفين لاتخليني
ريناد : اوعدك اني مارح اخليك يالله روح بروح اقعد عند امي
ناصر :اوك حياتي باااي
ريناد : باااي
< وقاموا البنات وقعدوا عند الحريم ؛ بس جود ماكانت موجوده >
فيصل :جود ممكن اخذ من وقتك دقيقه ؟؟
جود :تفضل
فيصل : لو اجي اخطبك بتوافقين ؟؟
جود انصدمت : انا ؟؟
فيصل :ايه انتي
جود هزت راسها وراحت تركض ؛ وقامت عند الحريم ترقص وتستهبل
ثالث يوم في الاستراحه >
< كانت غدير قاعده تسولف مع فيصل >
غدير :انت متأكد انك تبيها ؟؟
فيصل :ايه
غدير :انا اليوم بكلم امها واذا رجعنا نروح نخطبها رسمي
فيصل :اوك
غدير :الله يوفقك ان شالله
فيصل :تسلمين

< وعد كانت قاعده لحالها ؛ ودق رقم على جوالها >
وعد :الووو
مشعل :هلاا
وعد :مين ؟؟
مشعل :افا ماعرفتيني ؟؟؟
وعد : لا والله ولا ابي اعرفك
مشعل :ههههههه انا مشعل
وعد :اها هلا معليش ماعرفتك
مشعل : ههههه لاعادي
وعد :طيب ليش دقيت تبي شي ؟؟
مشعل :بس ابي اهديك اغنيه وبقفل
وعد : اوك
< شغل اغنية فضل شاكر ضحكت الدنيا >
ضحكت الدنيا واخيرا لقيناك حبيبي وحياتي كل عمر فداك
والله ما ينسى اني في يوم حبيناك حبك في قلبي على طول ما انساه
يا اغلى الحبايب اللي دوم عني غايب
انا ملك ايديك انا ملك ايديك
نفسي بقربك وطيبة قلبك عمري انا ليك
اه يا حياة الروح اها
تفداك الروح اها
حبي وعمري كله فداه
وينك نصيبي يا عمري وحبي
والله اشتقنا والله اشتقنا
دايما في بالي يا حبيبي الغالي
وين اروح القاه
يا حياة الروح اها
تفداك الروح اها
حبي وعمري كله فداه
مين يقول العشق في الدنيا حرااام منحنا عشقناه
حبينا وتحبينا وانسينا وتنسينا ودوبنا
يا حياة الروح اها
تفداك الروح اها
حبي وعمري كله فداه

< وعد كانت مستانسه مره ؛ لانه اللي تحبه طلع يحبها >
< كان الكل مستانس ومبسوط بالاستراحه وماودهم يرجعون ؛ الا هيفاء وريوف >
< بعد اسبوع في بيت ابو ناصر >
< ابو ناصر كان بالمستشفى لانه عنده جلطه >
ام ناصر :انت متى بتسافر ؟؟
ناصر : كيف اسافر وابوي بالمستشفى ؟؟
ام ناصر : ناصر لازم تسافر هذا مستقبلك وانت مو صغير
ناصر : ولو صار شي لابوي
ام ناصر: ابوك مافيه الا الخير ان شالله
ناصر : شكلي بكمل هنا او انتساب او بكمل الترم الجاي
ام ناصر: الله يوفقك ياوليدي وين ماتكون
< دقت وعد على ريناد >
ريناد :هلاا
وعد :اهلين
ريناد :وش فيك زعلانه ؟؟
وعد : ايه
ريناد :ليه وش فيك ؟؟
وعد : احس ان ابوي بيصير فيه شي
ريناد: ان شالله مارح يصير شي وبيطلع من المستشفى
وعد :حتى هو قالي انه بيموت
ريناد :وعد لاتقولين كذا
وعد : لو انك مكاني كان قلتي اكثر
ريناد : وعد ادري انه ابوك وتحبينه بس لاتقولين كذا وتفاولين عليه
وعد :خلاص بعدين اكلمك بروح المستشفى
ريناد :اوك باااي
وعد : بااي

< في المستشفى >
ابو ناصر: ناصر
ناصر : هلا يبه امر
ابو ناصر : اذا صار لي شي انتبه على امك وخواتك
ناصر : ان شالله مارح يصير الا كل خير
ابو ناصر : ان شالله
وعد قامت من عندهم تصيح لانها اول مره تشوف ابوهم ضعيف كذا
ناصر تضايق عشان وعد
ام ناصر قامت تصيح مع وعد
ابو ناصر :خلاص ودي امك وخواتك البيت ابي انام
ناصر :طيب تبي شي ؟؟
ابو ناصر: سلامتك واذا صار لي شي لاتصيح لانه مارح ينفعني بس ادعي لي
ناصر تضايق من كلام ابوها : توصي شي ثاني ؟؟
ابو ناصر : لا تصبح على خير
< وفي الليل مات ابو ناصر >
ناصر حاول انه يمسك نفسه عشان امه ووعد
ام ناصر حست ان المسؤوليه كبرت على ناصر وانها لازم تحاول انها تصير اقوى عشانه
وعد كانت منهاره
< البنات ماكلموا وعد في العزا لانهم يدرون انها متضايقه لان الابو مايتعوض >
< ريناد اول مره تشوف ناصر كذا وباين عليه انه متضايق >
< مشعل كان وده يساعد وعد بس مايدري وشلون ودق عليها كثير وماردت >
< بعد العزا بيومين >
< كانت ريناد عند وعد >
ريناد : وعد
وعد ساكته وماردت
ريناد :لاتسوين بنفسك كذا ؛ ادعي له كل هذا مارح ينفعه
وعد : الله يرحمه
ريناد : وعد كلنا اخر شي بنموت هذي سنة الحياة لاتصيرين كذا
وعد :ريناد خليني لحالي
ريناد : بخليك اذا تكلمتي وقلتي اي شي
وعد : والله مالي خلق
ريناد : وعد تكفين لاتصيحين عشان امك ترا تزعل بزياده اذا شافتك تصيحين
وعد :هذا ابوي تدرين وش يعني ابوي
ريناد :ادري بس هذي سنة الحياة
< وعد كانت مره زعلانه ومافي امل تتغير >
< دقت ريناد على ناصر >
ناصر :توك تدقين ؟؟
ريناد : بليز لاتزعل بس تدري
ناصر قاطعها :مو زعلان< بعد اسبوع >
< مرالاسبوع عادي البنات يحاولن في وعد انها تتغير ؛وهي بدت تنسى شوي ؛ ريناد كل يوم تكلم ناصر ؛ مشعل ووعد يكلمون بعض ؛ غدير كلمت ام جود وبيروحون يخطبونها ؛ طلال سافر ودانه باقي عند اهلها عشان تحضر زواج ريوف؛ رهف وسعود محد يدري عنهم ؛ ريوف وفهد زواجهم بعد اسبوع ؛ ناصر مارح يسافر وبيكمل انتساب ؛ هيفاء وصالح كل يوم يكلمون بعض >
< في بيت ابو نايف >
ريناد : اووف طفش
دانه : عن التلميح الزايد ؟؟
ريناد :اي تلميح ؟؟
دانه : تلمحين لطلعه
ريناد : والله فهمتيها وهي طايره
دانه : اقلبي وجهم ماابي اطلع
ريناد :ومين قالك بطلع معك
ام نايف :اجل مع مين ؟؟
ريناد : معك انتي
ام نايف :ريناد انقلعي عن وجهي عندك مدرسه
ريناد : طيب
دانه : تكلمين رهف ؟؟
ريناد :اشوفها بالمدرسه بس مااكلمها ؟
دانه : ليش ؟؟
ريناد : هي طول الوقت مع غاده وانا دايم مع وعد
دانه :طيب مو بفصلك ؟؟
ريناد : لا احسن بقلعتها تخيلوا اليوم وشسوينا ؟؟
دانه : وشسويتوا ؟؟
ريناد :كان معي جوالي وسجلت صوت ابلة الفيزياء هي تهاوشني وارسلته لها بلوتوث وسووا تفتيش بس مادروا عني
ام نايف :اللي ماتستحين على وجهك امسحيه عيب عليك
ريناد : هههههههههه بالعكس والله اني فله
ام نايف :ليش تاخذين جوالك المدرسه ؟؟
ريناد : كل البنات يجيبون جوالاتهم
ام نايف: اقول انقلعي عن وجهي
< دانه قامت تستفرغ >
ام نايف : وش فيك ؟؟
ريناد :دانه حامل
ام نايف: دانه جد ؟؟
دانه : لا يمه ماعليك منها تستهبل
ريناد :لا والله شفت اوراق التحليل
دانه : ريناد انقلعي ذاكري
ام نايف :يعني اللي اختك تقوله صدق ؟؟
دانه : ايه بس لاتعلمين احد
ام نايف :ليش ؟؟
دانه : احس فشله
ريناد :الله فله بصير خاله وين جوالي ادق اعلم البنات
< دقت ريناد على وعد وماردت >
< ارسلت لها بصير خاله ننننننننننن

< في بيت ابو ناصر >
وعد :وشعندها المجنونه ؟؟
ام ناصر :تكلمين نفسك ؟؟
وعد : لا بس ريناد مرسلة لي بصير خاله وش معناتها ؟؟
ناصر : مايبي لها ذكاء اختها حامل
ام ناصر : خلني ادق على امها ابارك لها وادق على ام طلال اعلمها
< ريناد ماخلت احد بيالرياض ماعلمته ؛ وام ناصر ماقصرت >
< دق ناصر على ريناد >
ريناد :هااااي
ناصر : تدرين وش سميتك في جوالي ؟؟
ريناد : ريناد الحلوه
ناصر :لا ال CNN
ريناد :هههههه ليش ؟؟
ناصر :انتي وامي ماخليتوا احد في الرياض الا علمتوه
ريناد : هههههههههه
ناصر : من جد احسكم نشرة الاخبار هههههههههه
ريناد : هههههههه احس انك سخيف
ناصر :هههههههه تعجبني صراحتك ؛ وين بتطلعين بكره ؟؟
ريناد :بروح المشغل اشوف فستاني
ناصر : اي فستان ؟؟
ريناد :زواج ريوف يوم الخميس
ناصر :اهااا عقبالك
ريناد استحت : ههههههههههه
ناصر: وش فيك تضحكين اتكلم جد
ريناد : لا ولاشي اكلمك بعدين اوك
ناصر :اوك باي
< ريناد اذا استحت تقعد تضحك >
< في بيت ابو مشعل >
ام مشعل : جود تعالي ابيك بسالفه
جود خافت : هلاا
ام مشعل : في واحد خطبك ؟؟
جود :جيبي شي جديد
ام مشعل : بس هذا ولد ناس ودكتور وتعرفين اخته
جود : فيصل ؟؟
ام مشعل :وش دراك عنه ؟؟
جود ارتبكت : لا بس سمعتك تقولين لابوي عنه
يتبع ,,,,
👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -