رواية سعوديات بعروق ايطاليا -45
بندر : راحت رهام اللي كنت احقق معهاا ودخلت غرفة صاحبتهاا مسكوها ممرضات وشاتوها بقوووه على
الجدار انفلق راسهااا وناظرت فينا ومسكتني استنجدت فيني وقالت لي السالفه..
نايف انشدت اعصابه : وش السالفه
بندر : بربك الكريم ماتقول لاحد
نايف : ان شالله بس اهرج يااخي حرقت دمي الظاهر بتجيني صدمه خخ
بندر : أأأأأأخ الصدمه والله بتجيك الحين بس اصبر ... المهم دخلت وفتحت الباب ولقيتهم تخيل بدون انسانية
بسوون لها غسيل مخ عشان يثبتون انها مجنونة لان المرضات متهمات رهام انها خبله فقررن يغسلن مخ
هالمريضه ورهام ...
نايف بتعاطف : الله ياخذهم عساك منعتهم بس
بندر : آآآآآه دخلت ومنعتهم وصارت المريضه تصرخ يوم سمعت صوتي وتنادي باسمي
نايف مو مستوعب : أي وبعدين .............
نايف بسرعه : هااااااااااااااه قلت تنادي اسمك
بندر : أي وانا انصدمت...
( وناظر فووووووق بحزن)
احس اني عرفت الصوت بس شككت حالي لين قربت وشفتها مربطه على السرير وحالتها حالهااا قاصين
شعرها ومافيه مكان ماهو ازرق من كثر الطق....عيال كلب والله قال صحة نفسية حسبي الله عليهم
( دموع بندر تلمع بعيونه)
نايف تأثر من عيون بندر : ياحرااااااااااااااام طيب كيف عرفت اسمك ..؟
بندر عجز يكمل ونزلت دمعته ،،،
اول مره نايف يشوف اخوه بندر يبكي ..قرب له وقال : افا عليك يابندر انت رجال كيف بس تنزل دمعتك
............. مين ذاللي لينت قلب الاسد وخلته يبكي؟
بندر رفع عيونه بعيون اخوه : زينة ...
<<<<>>><< صـــــــــــدمة <<<>>><<
على وجه نايف
نايف جته حالة دلاخه : زينة .. زينة ماغيرها زوجتك بنت عمي سعود
بندر بحزن فتك بمشاعره : أي زينة زوجتي او بالاحرى اللي كانت زوجتي ......
نايف قام من مكانه وصار يمشي يحاول يفهم السالفه وبعدين طق على كتف بندر وقال : الله يكون بعونك وش
سويت يوم شفتها بذالحال
بندر : ماقدرت اتصرف احس اني انشليت بس قلت للدكتور يفك رباطها غصب وجت تركض تقول فكني منهم
بيذبحوني وقعدت تبكي بقووووه
نايف دمعت عيونه ،،،،،،
نايف : عساك ساعدتها وين وديتها زوجتك وينها فيه الحين
بندر : ماطلعتها
نايف بإحساس فزعه : للحين تاركها هناك كبيرة يابندر بحقهااا امها وين طيب ؟ عمي وين ؟ بدر وين
بندر : مادري مادري عنهم ( تنهد بحسرة ) عجزت ماشالتني الارض اول شيء طاحت علي وارتمت تقول
خذني معك لاتتركني هنااااا...بس بعدين انقلبت 180 درجة وقالت وش جايبك اكيد بتذبحني تعرف مره نفسيتها
زفت وقعدت تصرخ لين جتها رهام اللي انا اصلا رايح احقق معهاا وطلعتني رهام ورهام ذي مجنونة رسمي
من الغرفه رفضت اول بعدين خفت على زينة لانها استخفت مره وفقدت عقلهااا وطلعت خفت يجيها شيء
بسببي بعد
نايف طلعت في صوته بحة الحزن وقال : مهما يكون المفروض ماتتركها
بندر : كنت بطلعها بس اغمى علي وفقدت الوعي ... بعدين وين اطلعهااا وين وين اوديها الحال ما يخفي عليك
ياخوي ....
نايف بحزن : رجعهاااا لذمتك
بندر بحزن و حيرة : تهقى توافق .........
نايف بإقناع : أي تحبك بتوافق .......
بندر : مين قالك انها تحبني بعد كل اللي سويته فيهااا بعدين الحين اهي مو في وعيهااا مضطربة نفسيا
نايف : ماسويت لها شيء انت .......
بندر : آآآخ اهي تقولي انا السبب اللي دخلتها مستشفى المجانين وانا وانا وانا وفعلا انا اللي هدمت
حياتها ليش نكذب على بعض
نايف : لا يابندر انت مالك ذنب بالعكس انت انفذتها
بندر : تدري ان امها اهي اللي حااطتهااا هنا
نايف : امها مو طبيعيه خير شر المفروض اهي اللي تتعالج نفسيا
بندر : الدكتور محمد قال لي هات زينة في عيادتي وانا اعالجهااا ان شالله
نايف : صحيح حلوو طيب ...
بندر : بس الوضع محرج بالنسبة لها ولي بعد تعرف الحين اغراب عن بعض
نايف : أي اغراب واي نيلة بندر اسمع اذا تركتها تراك رخمه صراحه يعني تحبهاااا ولازم تضحي عشانها
ساعدهاا طيب اذا كنت تشك انك انت اللي هدمت حياتها ساعدها الحين وذا بيكون جميل لك على راسها من
فوق ...
بندر : قلبي تفطر وانا اشوفهاا كذى بعدين اهي تتحسس من وجودي بشكل فظيع
نايف : والله مدري وش اقولك الله يكون بعووونك
بندر : ياخوي لا تطلع الموضوع ........
نايف : افا عليك ياكوتش بس
(27)
حجرف جالس في الإستـــراحـــه ...
و مازالت " العــنود " تزعجه بكثر إتصالاتها ...
حجرف : هههههه ياليل وش اسوي معها تعبت والله ما تمل المشكلة اني البارح مهزيء ربعها
نواف : لا تكون اللي لزقت فيك بس
حجرف يبتسم : ماغيرهاا ههههههههههه
نواف : اجحدها بس
حجرف : ياخي مدري بس احس ا ن وراها شيء بس مادري ايش
نواف : هي ماقد شافتك صح
حجرف : لا
نواف : لو هي شايفتك كان قلنا تعلقت ومن هالحكي بس المشكلة انها ماتدري عن هواء شكلك يعني مثلا
افرض لو انك كويحه
حجرف : خخخخخخخخخ الظاهر قرار الإبتعاث اللي من تحت راس الحكومة ابوي و اخوانه لحس مخك
نواف : أي والله قاهريني هههههههههه تقول على راسهم انا
العنود تدق للمرة العاشرة يمكن
نواف : يااما ترد او تقفل جوالك ترى عجزت اركز بالمباراة !
حجرف : برد بشوف وش تبي بس غثتني لها شهر تقول بشوفك بشوفك
نواف : طيب شفها فكنا منها يمكن يطيح مابراسهااا هههههههههه مع اني ما اظن
حجرف : هههههه احم احم مشكور طال عمرك ادري اني حلوو ....
نواف : يجاملونك ترى وياقلبي المرجلة ميب بالأشكال
حجرف : خخخخ بس رحمتك والله يالله بالاذن
حجرف : هلا
العنود وطبعا وهي متسنده على طارق : اهلين قلبو وينك ماترد
حجرف بإمتعاض : والله موجود بس مالي خلق
العنود : افااااااا مالك خلق تحاكي عنودهـ
حجرف بملل : والله بيني وبينك متضايق مالي نفس
العنود : افا وش فيه الحلو متضايق طيب خلينا نشوفك ونبسطك إن شاءالله
حجرف ( ياليل التبن وشذا اللزقة ) : نشوفك نشوفك
العنود تناظر طارق اللي يقولها بإشارات : اوكي قلبه يوم الأربعاء الجاي وش رايكـ !
حجرف ( وربي إن هالبنت وراها شيء بس مدري وشو ) : الأربعاء الأربعاء بإذن الله
العنود : بشتاق لك قلبو
حجرف : مي تو
مرـرـرت الأيام تجر بعضها ....
يوم الأربعاء ....
سلمان جالس عند حجرف ويبدو ان حالة الإستسرسال بالشعر ماسكه معه ...
حجرف يفكر في العنود ...؟؟؟
فجاءة ولعت فوق راسه لمبه " جته فكرة يعني "
مسك الجوال و دق على محمد اللي بالخبر
حجرف كلم محمد و وضح له السالفة
محمد : ابوك يالولد اقوول اسكت بس لا تدري زوجتي تزنطني
حجرف : بعدين تعال ترا ملاحظ انك خاق وبقوة مع زوجتك لا يكون بس السعودية كلها محد تزوج غيرك
محمد : اعوذ بالله منكم قل هو الله أحد البارح نايف و اليوم أنت
حجرف : أي وش علي تزوجت وانت صغير نايف تؤأمك مابعد تزوج للحين
محمد عصب : ياليل التبن اسمع ضف وجهك
حجرف : سوووري اسف
محمد : ناس ماتجي إلا بالعين الحمراء
حجرف : فيك خير هالعين الحمراء مدري التركواز طلعها على زوجتك
محمد : لا ابوك ولا ابو من عطاك وجه يالـــ..
حجرف قاطعه : هههههههههه امزح وربي امزح
(( اقنعه حجرف أنه يروح يشوف العنود على اساس انه حجرف .. ووصاه يكشخ على آخر ستايل و يكون
راقي جدا ... ويبيه يشوف وش آخرتها معه ..))
محمد و علامات الرهبة بينت عليه لانه ياقلبو مو متعود يودي زوجته لاهلها من دون ما تطلب هي
عبير : يا سلام أي قول انك بتروح البحرين قول
محمد : غبي هانتِ ياقلبي لو بروح البحرين اخذتك ورحنا سوا اروح لوحدي هناك وش اسوي يعني
عبير بنظرة شائكة : اللي مطمني اني خابرة قلبك ومشاعرك بس
محمد عصب من الرهبة : يالله بس انجزي عشان ما نتأخر ترى صديقي على وشك مابقى عليه إلا نص ساعة
عبير نزلت عند اهلها .....
حجرف دق على محمد
حجرف : هههههههه خلك عادي ريلاكس
محمد : وش قالوا لك وجه ابن فهره مثلك متعود منيب متعود مثلكم المهم وين خويتك ذي ..؟
حجرف : يالله دقت علي من شوي تقول انها عند بنـدهـ
محمد بعصبية : ياليل التبن بنده قدام الهيئة عاد وربي لو يصير لي شيء لا ألعن شكلك
حجرف : ههههههههههه لا تخاف يامحلاتك والهيئة ماسكينك عني انا عبير بتجحدك والروحة لاهلها هي
الروحه
محمد : اهب يا وجهك تدري كيف يالله اذلف خلاص
حجرف : لا تنسى المهم واضبط الوضع ومثل ما خططنا بالحرف الواحد واذا شفت معها برجل او رجال لا
تقرب لها خير شر
محمد : تراك صدعت براسي من زود هالبربرة عرفت خلاص يالله اقلب وجهك
محمد بدأ يضبط نفسه
طبعا حجرف دق عليها .. ويحاكيها و يقول لمحـــمد عن مواصفتهااا
العنود : حياتي وربي والله العظيم نورت الخبر
حجرف ( ابوك يالنصب كيف تنور وانا بالرياض اصلا) : ههههههه الله يسلمك بوجوك منورة
حجرف دق على محمد وقاله انها وصلت خلاص
لحد ما بدأ العد التنازلي يبدأ لمحمد
فتحت باب السيارة ...
العنود بدلع متصنع : هاي
محمد << مرتبك : هايات
العنود تناظره بتمعن ( يجنن ما توقعته كذا اجل لو شايفه حجرف بجد وش بتقول خخ) : كيفك نورت الخبر
والله
ابتسم محمد وهو يلعن حجرف وساعته : بوجودكـ ...انتِ كيفك علومك
العنود بدلع : بخير بشوفتك حبيبي ( وينك ياعبير وربي راح تزنطيني لو تدرين خخ)
محمد يناظرها ( وتذكر تعليمات حجرف قايل لها لو انها تكرونية امدحها خخ ) : ماشاءالله عليك قمر
العنود تضحك بدلع : ثانكس ....اقولك حياتي وش رايك نروح الإستراحه ...؟؟
صاعقة
( هذا اللي والله ما كنت عامل حسابه ))
محمد : عفوا
العنود : وش فيك قلبو صاير كول ودمك راكد اليوم محترم يعني
ابتسم محمد ( ملعون ابو الظرف اللي حدني عليك ) : الله يسلمك بس وينها فيه ذالإستراحة تدلينها
العنود : طبعا ادلها كل ليلة نسهر فيها
محمد ( الله لا يوفقك يا حجرف جايبني عند حفلات خليطية ) : انتِ ومين
العنود تبتسم : انا و الصبايا و الشباب كل وحدة و صديقها و نفل ابو السبحة هناك وااو اجواء كريزي من جد
محمد ( الله لا يوفقك يا حجرف على هيك عمله فيني ) : طيب عيوني شويات وبجي بنزل السوبر ماركت بغيتِ
شيء
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك