رواية على هجرك نويت -4
قررت أصير حازمة معهم:خلاص كفاية عليش نوم رايحة خمس دقايق أن جيت وأنتي نايمة ياويلش مني
طلعت من غرفة سمر الحين جى دور ولاء ,, الله يساعدني أحس نفسي داخلة معركة مو داخلة غرفة ولاء.. فتحت الباب وعركت عيني كذا مره من إلا جالسة أشوفه
حطيت يدي على خاصرتي :حضرتش جالسه ومخلتني جالسة لوحدي
ولاء وهي مندمجة بالجهاز إلا قدامها:هلا ابتسام حياش حياش تفضلي
رفعت حاجبي:شنو تسوين
ولاء إلا تركت كل شي قدامها واتوجهت لي:لا أبد سلامتك أتصفح الأنترنت ,, شنو غذانا تراني ميتة من الجوع
ابتسام وهي تحك رأسها:ما طبخت مالي خلق
ولاء إلا تركت الكرسي ووقفت ماسكة التلفون:أوكي ولا يهمك خالك أمري تدللي شتبين غذاء ومن أي مطعم
أبتسام: من راح يجيبه لك
ولاء:منال جاية تتغدى بيتنا حرام نخليها تجي وتطلع بلا غذاء ففي طريقها تجيب لنا غذاء معاها
.
.
كلمت منال وطلبت منها تجيب لنا الغذاء تحججت شوي بالبداية لكني أقنعتها وطبعاً لأن اللي راح يجيبها منصور مو مهند فشي أكييييييييييييد راح يرضى
في بيت العم حسن
منال:كيفكم صبايا
الكل:بخير الحمد لله
منال:هاا منتظريني على الغذاء وإلا لا
ابتسام وهي تمثل الابتسامة: وأحنى نقدر نتغدى لو نسوي شي بدونش
منال:احم احم كل هذا حباً فيني ميرسي
ابتسام وهي تحك راسها:لا تخافيني مو حباً فيش بس ولاء تذبحنا لو نتغدى من غيرش
ولاء وهي تلصق وجهها بوجه منال:أكييييييييييييييييد وأنا أقدر اسوي شي ومنال حبيبتي وبنت عمي ورفيقت عمري مو موجدودة
.
.
.
بعد الغذاء منال وولاء يتهامسون
منال:أنا من رأيي تشيلي هالفكرة من بالك نهائياً لأن من الصعب أنك تسيطري على مهند أو تخدعيه
ولاء:أنا ولاء مو أي أحد أكيييييييييد راح أقدر عليه وبعدين لا تشيلين هم أنا حطيت خطة جديدة
منال:إلا وهي؟؟
ولاء:بعدين أقولك عليها
ابتسام:شعندكم على هالمساسر
ولاء:لا أبد سلامتك خالوه بس منال كانت تقولي أنها بتنام عندنا الليلة
ابتسام:وعلى الله بس اللاقي أحد يجلس معاي مو كل وحدة بدارها أو نايمين أو تلتهون بأشياء ماتستهويني
منال:ولا يهمك خالوه
.
.
في منتصف الليل
عند الشباب وفي أحد المقاهي
مهند كان يناظر واحد من أصحابهم بازدراء لأنه يكره الشباب إلا همهم الوحيد ملاحق البنات وبعدين بكل سهولة يجون يتكلمون عن البنت قدام الكل
ياسر:شفيك ليه تناظره كذا
مهند:وقسم بالله شخص يقرف كل يوم ومصادق له وحده وكل يوم تشوفه يكلم وحده ويجي بكل برود يتفاخر قدامنا إلا يشوفه مسوي إنجاز
عبد الرحمن:الله يهديه ويصلحه ما نقدر نسويله شي نصيحه ونصحناه ما لنا غير ندعيله بالهداية
ياسر:أنا ما أدري الشباب إلا كل يوم مع بنت هذولي ما يفكرون .. ما يفهمون أن عندهم أخوات وأهل ممكن ينلعب بهم يوم من الأيام
مهند وهو واقف بيمشي:الله يهدي الجميع
ياسر:على وين تو الناس
مهند:رايح البيت
ياسر:أخذني معاك
عند ولاء إلا ماسكة النت وتنتظر دخول مهند
منال:أنتي ما تقولي لي شبتسوين الحين امس حاضرك وحاذفك تتوقعين راح يعطيكي وجه اليوم
ولاء:أيه بس أنتي روحي جلسي عند خالتي ابتسام لا تشك بشي
منال:وطيب أبي أشوف
ولاء:أنتي قومي الحين وبعدين أعطيك تقرير مفصل عن كل الأحداث
منال وهي واقفة بتطلع:اففففففففففف زين نقوم وراح أشوف النهاية معاش
دقايق و أعلن المسنجر عن دخول أحد الأشخاص إللا المسن
رجل في زمن العولمة: مهند
قاهر التحدي:ولاء
"مهند"
مو من طبعي ولا من عوايدي إني أتعرف على أحد في النت مع إني ولد لكن في هذا الزمن صرنا نخاف من كل شي صعب نعطي الثقة لأي كان ,, لكني الحين وفي هذي اللحظة يالذات أحس بإحساس غريب أحس نفسي ابغي أسوي أي شي أخترق فيه قوانيني المعتادة أحس بضيق نفسي اسولف مع أحد أي أحد
رجل في زمن العولمة:السلام عليكم
"ولاء"
بصراحة بصراحة استعجبت مرة ما كنت متوقعة أبد أن مهند يبتدي يكلمني ,, على فكرة سويت لي ايميل جديد مخصوص لمهند
قاهر التحدي:وعليكم السلام والرحمة
رجل في زمن العولمة:من معاي
قاهر التحدي:وليد
رجل في زمن العولمة:عاشت الأسامي يا وليد
قاهر التحدي:وعاشت أيامك ,, وأنت شسمك؟
رجل في زمن العولمة:مهند
وبدينا نتكلم كلام شباب عادي جداً عن السيارات والكوره أخذنا في الكلام ما يقارب الساعة
"مهند"
أرتحت لهذا الشخص بجد وبطريقة كلامه وأسلوبه شوقني أكثر لمعرفة المزيد عنه
قاهر التحدي:اوكي أشوفك على خير
رجل في زمن العولمة :على وين تو الناس
قاهر التحدي:أي تو الناس أبي أجلس مع الأهل شوي ووراي دوم وشوية لويه تدري العيد ما باغي عليه غير أيام
رجل في زمن العولمة:اهااا الله يساعدك
قاهر التحدي:جميعاً,بااااااااااي
لمى طلع ها لإنسان حسيت باحساس مو حلو حسيت وكأن شي يدفعني للتواجد بقرب هالأنسان بصراحة للحين مستغرب أنا مو بسهولة أكلم أحد أو ارتاح لأحد
في قرارة نفسي قلت ما بافكر بالموضوع ونشوف النهاية مع هذا الشخص "خخخخ أدري بتقولون عني مكبر الموضوع بس لو تحسون باحساسي راح تعذروني"
.
.
.
"ولاء"
صكيت المسن وأنا أحس بالسعادة تغمرني اليوم حققت نجاح مع مهند أقدر أعتبره انتصرت في الجولة الأولى,, طفيت الأنوار وأستعديت للنوم متناسيه وجود منال إلا بتذبحني أن شافتني نايمة
"بعد ساعة "
فتحت عيني نتيجة للإزعاج إللي بالغرفة وطبعاً صاحبته منال إلا كانت حاطه يدها على خصرها وتنتظر مني رد
فتحت عيني بصعوبة وأنا افركها:شبغيتي
منال:نعم نعم وين وعدك يا أم وعد
ولاء:أي وعد
منال:أنتي مو واعدتني تعطيني تقرير مفصل عن إلا بيصير بينك وبين مهند
ولاء:وأنا عند وعدي شوفي شاشة اللاب توب بتلغين ا لمحادثه موجودة
.
.
.
.
اليوم هو أول أيام عيد الأضحى المبارك
بيت محمد" أبو مهند"اللي جاي الظهر من بعد الصلاة عشان يعايد على عياله دخل الصالة ولقاها فاضيه تماماً
أبو مهند وهو يخاطب نفسه:لاحول ولا قوة إلا بالله العلي العظيم هذي حاله بالله اليوم العيد والواحد يجي يبي يشوف أحد من عياله أبد ما فيه
أم مهند إلا وقفت تتأمل زوجها :تكلم من يا محمد
أبو مهند:لا ابد أكلم نفسي "وبابتسامه" عيد مبارك يا أم مهند
بادلته نفس الابتسامه:عساك من العايدين والفايزين
أبو مهند:إلا وين العيال
أم مهند:لسه فوق للحين ما جهزوا
أبو مهند وهو يناظر ساعته وبتأفف:مو حاله اليوم العيد الواحد يبي يجلس لو خمس دقايق معاهم وبعدين الأهل منتظرينا على الغذاء
أم مهند:طيب لا تشيل هم أحنى نسبقهم وهم يلحقونا مع مهند أو منصور
وإلا بدخلة مهند إلا كان لابس ثوب أبيض مع لشماغ إلا مطلعته مره وسيم
تقدم لأمه وباس راسها:عيدك مبارك يا الغالية
أم مهند:عساك من العايدين يا ولدي و عيدك مبارك
مهند:عساك من العايدين
أم مهند:يا حلاة دخلتك علي يا ولدي مو ناقصك غير زوجه وعيال
مهند وهو عاقد حواجبه:لا شو زواج تو الناس علي يمه
أبو مهند يقاطع "اللي طبعاً سبق وسلم على ولده::أخوك وين
مهند:سبقنا على بيت جدي
أبو مهند وهو يوقف:أحنى تأخرنا قومي يا أمينة لبسي عباتك وشوفي البنات اللي جهزت وحابه تجي معانا و إلا مهند ينتظرهم
مهند وهو يحك راسه :أهم للحين ما خلصوا
وتنزل لهم مروى ومنال:يتسابقون عشان يسلمون على أبوهم
أبو مهند:دام الكل جاهز يالله مشينا
.
.
.
أجتمع الكل في منزل الجدين باستثناء علي وزوجته في الحج وأبناءهم اللي للحين ما وصلوا
الجدة:تعالي يا منال يا بنيتي اتصلي على بنت عمك شوفيهم وينهم فيه
منال:جدتي توني مكلمتها جايين بالطريق بس تأخروا شوي عشان بيوصلون خالتي ابتسام البيت وجايين
الجدة:الله يهداهم كان جابوها معاهم
أمينة:مو عدله بعد عمتي تجي وتخلي أمي لوحدها
أبرار:افففففففففففففففف يعني ولمتى احنى ننتظر ولاء تشرف متنا جوع
نوال:أبرار
أبرار:اووووووووووووه كاني سكت
دخلت ولاء بمرح :هاااااااااااااااااااااي
منال:إلا وقفت مبسوطه وحضنت بنت عمها:هلا والله
سلمت ولاء على الكل و لمى وصلت لـ أبرار وقفت لها أبرار وناظرتها بنظرات كراهية ومشت مخلية ولاء مادة يدها
ولاء رفعت حاجبها مستنكره فعلت أبرار:شفيها ذي عيد اليوم ليه أتم بحقدها
منال:ما عليش منها خلها تولي ولا تحرين حالش
ولاء:على قولتش خلها تولي ما أبي أعكر مزاجي على شانها
الجدة:ياللا على الغداء لا تمون هنيه تسولفون ترى الكل ميت جوع
بعد الغداء
ولاء:بذمتش منالوه ويش هالعيشة عيد وأحنى محبوسين هنيه مي حاله دي
منال:شوفت عينش ما نقدر نسوي شي لا نقدر نسوق ولا عندنا سواق تحت أمرنا والله عطانا أخوان مو مفتكرين فينا وفي وناستنا
أم مهند:أحمدوا ربكم غيركم مو محصل حتى هالمة الحلوة وأنتون تتحلطمون
ولاء:بعد خاله كل شي له حد يعني بنقعد معاكم بنستانس شوي بس بعد نبي نطلع
في هذه الأثناء دخل أيمن وكان كاشخ بثوب العيد
ولاء أول ما شافته: أوه أوه ويشه الحركات
أيمن:أحم أحم
ولاء:بس ناقصنك الشماخ
أيمن:خاشنه للعرس مو حق وجوهكم
ولاء:أه يا لماتستحي نمدحك وأنت خاش كشختك الكاملة لمرتك
منال:سكتي عنه والله أنش مغترة فيه والله لو تشوفين مهند شان ما طلعتين أيمن ولا حتى عبرتينه بنظره
ولاء:واااااااااااااع الحين ما دورتين لا مهند من زينه
منال:أتحداش والله قمر طالع اليوم يا بختها إلا بتصير زوجته
ولاء:أيه قصدش مسكينة
منال ضربت ولاء ضربه بالكوع عشان تسكت عن الكلام عن مهند لا أحد يسمعها
ولاء تغير الموضوع:عااااد يا ولد العمة والله أن أحنى استملينا ويش رايك تطلعنا
أيمن يحب ولاء منذ صغره لكنه يخفي هذا الحب على أمل أن تشعر به ولاء في يوم من الأيام لكن ولاء تعامل أيمن على إنه أخ لا غير ولم تفكر به كزوج أبد
أيمن اللي نادر ما يرفض طلب لولاء: من عيوني قولي وين تبيني تروحين وأنا حاضر بالخدمة
ولاء:أي مكان بس نطلع
أبرار اللي كانت مستمعه لحديثهم من البداية :الحين أنا صار لي شهور أبغاك تطلعني مو عاطيني وجه والحين ولائوووه ما أمداها تنطق رضيت على طول أخوان آخر زمن
أيمن ما أعطى كلامها أي أهميه ومشى متجه للباب:بسرعة خلصوا أنا انتظركم بالسيارة
ولاء توجه كلامها لـ أبرار :أبرار بدل هالكلام قومي لبسي وتعالي معانا بنبسط
أبرار قلبت وجهها وما ردت عليها
ولاء:ترى أحنى بنطلع نتمشى يا ناس إلا حاب يجي يقوم
سمر ومروى أول ما سمعوا طاري الطلعة ما صدقوا خبر قاموا يستعدون
منال:أخذلك السبلان تقدموا
سمر:احترمي نفسش أحنى سمر ومروى مو السبلان
منال:زين زين فكينا
ولاء:سمر جيبي حمود بناخذه يغير جو
جاوا البنات بيطلعون لكن ملاك بدت تصيح تبي تروح معاهم
الجدة : أخذوها معاكم مو تخلونها تذبح حالها صياح
منال:عندنا حمود كفاية ما نبغى زحمة يهال
مروى:حرام عليش أنا بنتبه لها
وهم في طريقهم للخروج
منال تهمس لولاء:أشوفش صايرة طيبة مع أبرار شيه ويش صاير في الدنيا
ولاء: موع شانها عشان عمتيه وإلا أهيه ما همتني
في نفس الأثناء عند أيمن إلا ينتظر البنات في السيارة مهند وخليل كانوا واقفين عند الباب يتكلمون
خليل:مو كأن أيمن جالس بسيارته
مهند وهو يناظره:أيه
خليل :تعال نشوف على وين رايح
مهند:ما عليه منه
خليل:شيه ويش فيك أنت على ولد خالك
مهند:ما أدري يقهرني صاير
خليل وهو يسحب مهند :تعال بس وأترك عنك هالحركات
خليل:أشوفك مشغل السيارة على وين العزم
أيمن:طالع أمشي البنات
مهند تدخل بسرعة:ولاء ومنال؟
أيمن:يسسسسسس
مهند:ومن بأمره
أيمن رفع حاجبه متعجباً من أسلوب مهند:شفيك وكأن الموضوع مو عاجبنك
مهند:مو كأنك كبرة على الجلسة معاهم
خليل محاولة تهدئة الوضع قبل لا تصير هوشه:أخ يا الخاين طالع تتمشى وما تقول لنا
أيمن :حياك خالي تعال معانا بس في سيارتك لأن السيارة مارح تشيلنا كلنا
مهند وهو يهمس لعمه:أنت من صجك رايح معاهم
خليل:أيه من صجي وأنت بعد بتجي معانا
جاوا البنات اللي فرحوا لمى عرفوا أن عمهم راح يروح معاهم
خليل بمرح:هااه بنات من بيروح معاي في السيارة
ولاء:طبعاً وأكييييييييد مو أنا
خليل:افاااا وأنا شاد العزم ببنت أخوي وبعدين ما تبي تجي معاي
مهند اللي بيروح مع عمه بالسيارة وبيوقف سيارته:فكه
ولاء:ما راح أرد عليك احتراماً للموجودين ولأن أحنى برى
مهند بتكبر:والله وتعرف الأصول بنت العم
مشت عنه ولاء بدون أي اهتمام
أمضى الكل يوم مميز وحلو أسعد الكل وطبعاً بعد ما رجعوا البنات من التمشية راحوا بيت جدهم لأمهم عشان يعايدون على جدتهم وخوالهم
الساعة 12 بعد منتصف الليل ولاء شابكة بانتظار مهند اللي كعادته يشبك بعد الـ12
رجل في زمن العولمة:هلا والله عيدك مبارك
قاهر التحدي:أهلين عساك من العايدين
رجل في زمن العولمة:أنت وينك فيه أمس ما شبكت كنت ناوي أعزمك على العشاء
قاهر التحدي:عشاء!! بأي مناسبة
رجل في زمن العولمة:زي ما تعرف عيد وعازم ربعي على العشاء فقلت بالمرة نعزمك ونشوفك لأني ما أحب أكلم شخص ما أعرف شلون صاير
سكتت ولاء للحظات تفكر بكلام مهند وعلى أنه يبي يشوفها
رجل في زمن العولمة:وين رحت أكلمك
قاهر التحدي:خلاص ولا يهمك بكره عازمك على الغداء
رجل في زمن العولمة:لا لا ما يصير أنا معزم على العزيمة قبلك وإلا ما راح أجي
قاهر التحدي:خلاص ولا تزعل وين تبي نلتقي
رجل في زمن العولمة:في الراشد زين منها نتغدى ومنها نتمشى
قاهر التحدي:اوكي صار ,, على الساعة 2 أكون موجود
رجل في زمن العولمة:اوكي,, ,, بس أنت عطني رقم جوالك
قاهر التحدي:هااا
رجل في زمن العولمة:شفيك أبغى رقمك وإلا ما عندك جوال
قاهر التحدي:إلا عندي
وعطته رقم لها ما تستخدمه
قاهر التحدي:المهم الأهل يبغوني أسمح لي
رجل في زمن العولمة مسموح أخوي
طلعت ولاء من النت وجلست تفكر في طريقة تروح فيها بكرة الراشد لازم تشوف مهند وهو ينتظرها جات على بالها منال فقررت تتصل لها على الجوال اللي رن ورن وما أحد رد عليها فا اتصلت على البيت
"مهند"
كنت على النت وانبسطت لمى أخذت موعد مع وليد بصراحة هالرجال دش قلبي فحبيت أتعرف عليه عن قرب أكثر حسيت بجوع فنزلت المطبخ أدور لي شي أكله فرن التلفون ناظرت الساعة من المتفرغ إلا متصل علينا مثل هالوقت
مهند:الووووو
ولاء حطت يدها على السماعة وقالت في نفسها بلل توه على النت أمدااااه يقوم افففف عليه
مهند:الوووو
ولاء:وين منال
تبون الصراحة مو شي حلو سماع صوت ولاء في مثل هالوقت
مهند:أعوذ بالله وأنتي ما تعرفين الأدب
ولاء:أولاً أنا مو شيطان تتعوذ مني,, وثانياً خليت الأدب لك لأني ما أحتاجه
مهند:ولاء بخاطري سؤال نفسي أسئلة لش
ولاء إلا حطت يدها على قلبها خايفة يكون شك بشي: نعم خير شعندك تراني مو متصلة عشانك
مهند باستهزاء:أنتي أنثئ؟
ولاء إلا ضايقها سؤالها بس ما حبت تبين هالشي :عندك شك بهذا الشي
مهند:افكورس لني ملاحظ حركاتك كلها على بعضها ما فيها أنوثة
ولاء ما أعطته مجال عشان يكمل وقفلت الخط بوجهه
"مهند"
أنا شصار لي عشان أقول لها هالكلام شكلي خرفت رسمي وإلا رجال وبشنباته يحط باله من بال وحده مثل ولاء وبديت أكلم نفسي من غير ما الأحظ هذا الشي
جات منال إلا حطت يدها على جبهة مهند تتحس:اسم الله عليك اخوي مصخن
مهند بانفعال:خير بغيتي شي
منال:لا أبد ولا شي بس أستغربت جالس تكلم نفسك فكرت مصخن وتهلوس
مهند:إلا يسمع صوت بت عمك هذي مو بس يصخن يجن أنا ما أدري أنتي شلون مستحملتنها
منال باستفهام :من ولاء
مهند:وفي غيرها يعني اتصلت تبيش وصكته بوجهي صج قلت أدب
عند ولاء إلا صكت الخط بوجه مهند وهي متنرفزة من سؤاله
صج قلة أدب الحين أنا ما فيني أنوثة الحين أهو كلش مره إلا مسكت رجال لكن الشرهة علي إلا أعطي مثل هالأشكال وجه لكن أرويك يا زفت أن ما خليتك تموت فيني ما أطلع أنا ولاء بنت علي
رن تلفوني إلا قطع علي حبل الشتايم والتوعد في الزفت مهند
ولاء وهي رافعة صوتها:نعم
منال:بل بل شفيش طقيني أحسن لش
ولاء:مو بس أطقش أكسر راسش بعد عشان لمى أتصل تردين
منال:طيب شصاير كنتين تبغين شي مهم
ولاء:عادي بس أخوك فور لي أعصابي تخيلي يقولي انتي أنثئ قهرني هالحمار
منال:هههههههههههههههههههههههههههههههههه مهند يقول كذا
ولاء:ايه ضحكي يحق لش تضحكين
منال:ههههههههههههههههههههههههههههههههههههههههههههه هههههههههههههههههههههههه
ولاء:وبعدين تبين اصكه بوجهش أنتي الثانية بعد
منال:زين زين خلاص بسكت
ولاء:المهم أتفقت أشوفه بكرة في المجمع لازم تجين معي
منال باستغراب:تشوفين من؟؟
ولاء:من يعني فيه غيرة أخوش العلة مهند
منال:وكيف بتشوفينه وهو يفكرش ولد
ولاء وهي تضرب الطاولة قدامها:فتحي عقلش معاي شوي
منال:هااا ويش مو فاهمة
ولاء:أهو بيروح وأحنى بنروح نتمشى ونشوفه ينتظر وطبعاً هذي فرصة لا تفوت حق الشماتة والضحك عليه
منال:اهاااا الحين فهمت عليش ,, متى بنروح
ولاء:بكرة ومن الساعة 3 العصر أشوفش في البيت عشان ندبر سيارة
منال:اوكي
في اليوم الثاني وفي إحدى المجمعات كانوا البنات يتمشون وهم يتبادلون الضحكات
ابتسام:أنا أبغى أفهم هالضحك الحين لويه ضحكوني معاكم
ولاء:عاااااااااااد مستانسين ونضحك ممنوع
ابتسام:الشرهة علي إلا طاوعتكم وجيت معاكم
ولاء وهي تلتفت يمين وشمال تدور مهند:تعالوا موه ذيلين من أول ما دخلنا المجمع وهم لاحقينا
منال:أيه
ابتسام:لا تطالعونهم تالي يصدقون حالهم وما يخلونا في حالنا
ولاء:خل نجلس أجل أفضل عشان يملون ويروحون
ابتسام:مع إني ما اعتقد هالأشكال تمل بس يالله ما عليه
مرت عدة دقائق على البنات وهم جالسين بالمجمع
ولاء وهي تتظاهر بالصدمة:يووووووه مو كأن ديه مهند من معاه
نهاية الجزء الرابع
توقعاتكم وارئكم
الجزء الخامس
ولاء وهي تتظاهر بالصدمة:يووووووه مو كأن ديه مهند من معاه
ابتسام:وين؟؟ ما اشوف
ولاء:اكوووووووووووه
منال:هيييييييييييي أنتين فشلتينا لا تأشرين كذا ويش بيقولون الناس عنش
ولاء:يقولون إلا يقولون ويش عليه منهم
ابتسام:أيه والله مهند ومعاه ياسر
منال إللي بدى قلبها يزيد دقاته عطت نظره لولاء عشان تخبرها بسعادتها
ابتسام طلعت جوالها
ولاء:وين بتدقين
ابتسام:بدق لهم يجون يسلمون
ولاء:مرة عااااااد ويش نبغى فيهم
ابتسام:أنتين ما تبغين أنا أبغى ولد أختي وولد أخوي وعن قلة الأدب ترى ما يعجبني اسلوبش
ولاء :زيييييييييييييييييين
ابتسام بابتسامة:هلا وغلا بولد أخوي
ياسر:أهلين من وين طالعة الشمس ابتسام بجلالة قدرها متصلة لي
ابتسام:من الشرق طالعة وبعدين ويش فيها لمى أتصل على ولد أخوي
ياسر:لا ما فيها شي بس يعني غريبة
ابتسام:ما غريب إلا الشيطان.. المهم وين أنت
ياسر:ههههههههههه قولي من زمان وين أنت وأنش تبين شي
ابتسام:ياااااسروه أحترم نفسك ترى عطيتك وجه أنا بس أسالك عشان تجي تسلم عليه أنت ومهندوه مو أمس جيتون تسلمون وماشفتكم
ياسر:ويش نسوي بعد ما لحقتين علينا بعدين إن شاء الله نمرش الحين أحنى طالعين ما نقدر
ابتسام:أدري أنكم في المجمع أنا بعد أشوفكم يالله تعالوا سلموا
ياسر وهو يتلفت يمين ويسار:هههههههههههههههههه يا حليلش ياخالتي وينش ما أشوفش
ابتسام وهي ترفع له ايدها:ها أنا يالله تعالوا
ياسر:اوكي
وصك التلفون والابتسامه على وجهه
مهند باستفهام:خالتي ابتسام؟؟
ياسر:أيه تقول نروح نسلم عليها
وعلى طاولة البنات
ابتسام:وأنتون ويشت سون هنيه
ياسر:أبد مهند عازم وأحد من الشباب وننتظره تأخر
ولاء إلا دزت منال بكوعها:ههههههههههههه
منال:شفيش
ولاء:سمعتين يستنوني
منال:منهم
ولاء بهمس:لا البنت مو معاي من يجي حبيب القلب تنسى الدنيا ومافيها
ابتسام:طيب اتصلوا عليه وإذا ما بيجي قعدوا معانا والله مشتاقه لكم
مهند:اتصل عليه كل مغلق ما ادري شسالفتة
ابتسام :الغايب عذره معاه خلاص قعدوا وإذا جى روحوا له
ياسر:مو إذا شافنا معاكم ما بيعرفني
ابتسام باستغراب:ويش
مهند عطي ياسر نظره عشان يسكت وأما ولاء ميته ضحك على شكل مهند إلا ينتظر من صج
على المسن
رجل في زمن العولمة:أنت شلون كذا تقص عليه وما تجي
ولا إلا بدت تتكلم بجديه
قاهر التحدي:مهند أسمح لي لو غيرت أتجاه الموضوع بس أبغى اسألك سؤال
رجل في زمن العولمة:ويش تفضل اسأل
قاهر التحدي:شرايك يشخصيتي
مهند إلا استغرب السؤال المفاجىء حط وجه مستعجب
رجل في زمن العولمة:وليد شفيك صاير لعقلك شي
قاهر التحدي:بليييييييييييييييييييييييييز جاوب محتاج لجوابك عشان يساعدني على إلا باقوله
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك