رواية كبرتي بالعشرين فاتنة وتغرين -53


رواية كبرتي بالعشرين فاتنة وتغرين - غرام

رواية كبرتي بالعشرين فاتنة وتغرين -53

مشاعل:مدري كيف يكلمني...أ.."تراجعت"..أممم يمكن تعباان ولا شي..بس احسه مو طايقني ابدام فهد تبتسم:على باالي عندك سالفه..
مشاعل:.......!!
ام فهد:حبيبتي مشاعل..زياد رجـآل واكيد انه يبي يثبت رجولته وشخصيته عليك
مشاعل تبلورت دمعتهاا على خدهاا..بلاك ماتدرين اني سبب اعاقته
ام فهد:انتي حاولي تطيبين خاطره بـ الكلمه الزينه..تزيني له..حسسيه انه محط اهتمامتس..ترا الرجال يحب يحس انه يزر
مشاعل:هههه
ام فهد:هو!..وش فيتس؟؟
مشاعل:يحب يحس انه بزر؟؟
ام فهد:عااد لاتجلسين تدققين...
مشاعل:ههههههه.."ورجعت لـ جديتهاا"..والله مدري هو كاان معي عسـل..بس مدري وش فيه من بعد الحاادث تغير
ام فهد:زااد انتي بعد..تبين واحدن توه مشلول يحاكيتس؟؟..حطي نفتس في مكاانه
مشاعل تنهدت:بعد انا وش اسوي
ام فهد:ادري بتجلسين تقولين وش ذبي ووش مدري وش..خلاااص ذا ارجلتس وتحملي
مشاعل عورها قلبهاا..وش ذنبي؟؟..ماتدرين يمـه انا الذنب كله علي اناا


فتحت عيـونهاا وشافته يصلح قلاب ثوبه ويناظر شكله بـ المرايه..أبتسمت وش كثر تحبـه خصوصا بـ الثوب
- وش تحلمين فيه؟؟..اكيـد فيني صح؟
ابتيسمت ملاك:ايه ماتشوفني مبتسمه؟؟..اكيد احلم فيك
قرب لهاا وباس جبهتهاا:ياجعلي مابكيتس
ملاك:ههه..الا تعـآل ماودك توديني المدرسه؟؟
ناصر يناظر ساعته:الحين؟؟..الساعه 8
ملاك:عاادي..تصير في اطلق العوايل
ناصر:يللا البسي مريولك
ملاك:اوكي ثـوآني

طلعت ملاك من غرفتهم وهي لابسه مريولهاا وهو عبـآره عن كحلي وفيه كاروهاات كحلي وعليه كاروهات احمر وزيتي بـ السخيف وابيض ورمـآدي...وقميص ابيض اما البدي فـ كانت لابسه فسوفوووري>>حركات المخالافاات..لوول

طلعت وهي ماسكه عبايتهاا
ناصر يقوم من الكنب لانه كان ينتظرها في الصاله:خلصتي؟؟
ملاك:هع..دقيقه بـ البس جزمتي..

لبست ملاك جزمتهاا اللي كانت اخضـر كلهـا اخضر وغصب الوحده لو في المدرسه تشوفها تنـزل راسها لـ جزمتهاا..يوم خلصت سفطت اكمام قميصها سفطتين وقـالت وهي تصلح البف>>لوول..:خلصـــــت!!
ناصر مطير عيوونه:حشـى!..رايحه ملاهي؟
ملاك:هههههههه..ليش؟
نااصر:وش ذا الالوان كنك اشارة مرور على ذا البدي والجرمه .."ويتفحصها"..خووش والله اسااور وسلساال..ماكنك طالبة علم
ملاك:نصووري!..سلسالـي مرره سخيف حتى مو بااين..
ناصر:مايقولون لكم شي؟
ملاك تلبس عبايتها:مسكـآت..مو داايم يكتبونا مخالفه
ناصر:لاجد ملووكه انتي ثالث ثنوي وااخاف ينقصونك
ملاك:عاادي انا مدرسه اهليه..ولا راح يقولون شي..
ناصر:اوكي..بـ كيفك
ومشـوا

أذن المغرب


قامت من النـوم وهي مو حااسه في نفسهاا انهاا ناايمه..وليه ماتناام وهي صار لها يوم كامل مانامت..
طالعت المكـان لـ لحظه ظنت انهاا في بيتهاا مع امها وحمد..بس لا هي في بيت عمهاا وزوجة عمها
تنهدت من قلبهـا..بس سؤال يحير من وين لها كل هـ القوه..يعني الحين هي زوجة مدمن وهي في حيـآتهاا كلها مو متصوره يوم من الاياام بـ تتزوج مدمن..
لو احد سألهاا عن ردة فعلهاا بتقول..بنتحر!...بنحـآش!..اقل شي بصيـح..بس هي حتى دمعـه ماتنزل لـ تذكرها انها متزوجه ولد عمهاا اللي كرهته وغير كذا مايخااف ربه..

نزلت من السرير ماتدري هذي غرفة مين..يمكن غرفة اخو فادي..ماتدري أي واحد
حطت اذنهاا ع البـآب عشاان تتسمـع تشوف اذا في احد..لانهاا تبي تطلع..بس شكل الدار امـان والمكـان فااضي..فتحت الباب بـ حذر ومشت لـ غرفتها بـ أطراف رجولها بس بـ حذر..
اول ماوصلت سكرت البـآب..ماتدري ليه كل حصونهاا انهاارت..بدت تصيـح
هذي هذي!..
هذا اللي استفادته من زواجها من فادي..وأستفادته من سوء ظنها بـ ماجد!..
دارت عينهاا في الغرفه تدور تلفون بس ماافي هي عاارفه بس وش تسـوي

"عنـد ماجد"
نزل الدرجـآت وهو يهرول..يبي يروح لـ خالد لانه مواعده صحيح ماله خلق بس الحكره في البيت ماراح تسـآعده
شااف ام حمد جالسه ومعطبته ظهره وتصلي المغرب..
قبضه قلبه عليهاا..هي من وين تلقاهاا من عمهاا ولا من اخواانهاا اللي مدري وش بيسوون لو دروا انهاا هنا..ولا اظن ان ودوها عندهم جده بيجيبونها هنا مره ثانـيه..
طلـع وهو يدعي في قلبها انه يلقـآ حل لـ مشكلتهم..ومشكلته هو بعد لانه يبي يريح نفسه ويريحهم معـه..

ناظرت مشاعل ساعتهاا بـ قلق..وش فيه ذا تأخر..ألعاده مايجلس لين المغرب..
ناظرت مره اخيره في لبسهاا اللي كان عبـآره عن فستـان حلو ونـآعم..
اصفر ويوصل لـ الركبه وبنظلون استرتش وكت هي لبسته له ..امها قالت تزيني له والله لو مانفع أبأذبح نفسي من القهر

- الســـلام عليكم
التفت مشاعل لـ زياد اللي دخل ومن وجهه باين عليه معصب..فصخ الشمـاغ ورمااه على الكنب اللي جنب البـآب..مشى لـ السرير وجلس وكأنه يرمي كل ثقله عليه..طاحت العكاازه ع الارض لـ تصدر صوت خلا مشاعل تسكر عيونهاا..بـ حكم ان الارضيه خشب الصوت كان عالي
ماد رجله المشلوله ومسكها وهو ينااظرهاا..والثانيه كان ثانيها..لـ لحظه حست مشاعل انه مايدري عن وجودها بس هو قال "السلام عليكم"
قربت مشاعل وشالت العكازه..ولما رفعت عيـونهاا كان يناظرهاا وكأنه اول مره يشووفهاا
مشاعل توازنها ع الجدار:وعليكم السـلآم.."وأبتسمت بـ نعوومه"
زياد مارد لهاا ابتسـآمتها..ولا ناظرهاا شال عينه اول مانطقت السلآم..حط يده ع الكمدينه وتوازن في وقفته فصخ ثوبه ثمن رمى نفسه ع السرير مره ثانيه بعد ماشـآل اللحااف..وأستعد لـ النوم

كل هذا صـآر ومشاعل تطالع ولا فكر يطلب مساعدتهاا..فهمت عليه وطلعت من الغرفه وخلته ناايم بس هي الى الان في الجنااح عشان لو احتـآج شي

بـ غرفتهاا جـآلسه ماتدري كم مر عليها وهي بهـ الوضعيه والحـآله هذي..لمت رجولهاا..تمنع دمعهتا تنزل يمكن ماتبي تبين لـ نفسهاا انهاا ضعيفه..

سمعت صـوت البـآب..
ارتجفت من سمعته
- افتحـي البـآب لاباارك الله فيك..أفيحـيه
دفنت رآسهاا بين رجولهاا اللي امتلت دموع..هذي ام فاادي اكيـد تبيني اطلع..من تملكت عليه ماشافوهاا..لو يدري عمها بيجي يمسكـها..وخطر يرميهاا من الدرج

ام فادي من وراه البـآب:افتحـــي..افتحـي ياجعلتس المانيب قايله..تعالي كلي لاتموتين عليناا..
رفعت راسهاا وشعرهاا على وجهها من كثر دموعهاا عيـونها صارت حمر ومتفخـه من كثر الصيـآح..ليتني امـوت وارتآآح
قامت من السرير وطلعت لـ البلكونه وام فادي تدق البـآب عليهاا..



في الطرف الثـآني طفشت ام فادي وهي تدق البـآب على دانه بس هي ماترد..
حطت الصينيه عند البـآب وراحت ان بغت تاكل بتلقى الاكل عند البـآب..

وهي نازله شاافت ابو فادي جااي ومعـه ولده فايز..كان وجهها كأنهاا وحده توهاا شايفه حشـره..
ابوفادي:وش فيتس يامره؟؟
ام فادي:والله لاتسـألني..أسـأل بنت اخوك هـ اللي ماتحشم احد
ابو فادي بـ نظره حاده:وش مسويه بعد
ام فادي تتصنع:والله اني خاايفه عليها وعلى مصلحتهـا..بس هي الله يهديهاا ماتبي احد يكلمهاا..تخيل يابو فادي اني ابيها تاكل وجايبة لها الاكل لحد غرفتهاا وتقولي مابي روحي هنـآك انتي وولدك ..وقامت تسب في ولدي الله لايوريك..
فايز:صرآآحه هي قليلة ادب..يبيلهاا تأديب..
ام فادي تسوي نفسهاا وكأنها بتصيح:على اخر عمري بكري تيجه زوجه تتعبه..هذا بدآل لاتصير له زوجه واهله وتنتظره وتفقده..تسوي بـه كذا..وهو وعليـآ سااكت ولاقـآل شي
ابو فادي بـ عصبيه:خلاااص..انا بشوف شغلي معهاا..
روقـأ لها فوق

فايز:صدق يمه؟؟
ام فادي:وانا أكذب؟؟
فايز:ههه..مشكلة اللي شاك بـ عمره..انا اقول صدق فادي ساكت؟
ام فادي ارتبكت:ا..أيه.."تغير الموضوع"..امش امش فوق خل نشوف وش بيسوي فيها ابوفادي..وشلون بيطقهاا..
فايز:ليش؟
ابوفادي:اببرد حررتي

فآدي/34
فايز/30

"عند دآنـه"
سمعت البـآب يندق بـ شكل قووي التفتت غصب هذي مو ام فاادي
- افتحـي يادأأنه لاتشوفين شي ماايسـر
ماأهتمت له داانه ورجعت تطـآلع في البيوت اللي حولهـا..الريـآض صاارت موحشه من بعد حمد..الكـون كلـه
ابو فـآدي:دآآآآآآنه..ترا ان مافتحتي البـآب ابجي اكسره فوق رااسك..افتحي
ماأهتمت له ولا رااح تفتح خلاااص زوجتوني ايااه وش يبون بعد...خلاااص
هدا الدق شوي لين وقف مما خلاهاا تستغرب وتنااظر البـآب وكأنها تنتظر المصيبه الثـآنيه..
ثمن سمعت صوت تخبيط في البـآب يخووف..بدت اوصالها ترتجف..بيجي الحين يكسر البـآب فوق رااسي..
مامرت دقيقـه الاالبـأب ينفتـح..
ودخل ابو فادي وفايز..اللي شكلهم كانوا متعاونين على كسره.. فايز يوم شافهاا طلـع على طول وحلت محله ام فادي اللي تناظرها بـ شمااته
ابوفادي في قمة عصبيته:ليش اقولك افتحي البـآب ولاتفتحين؟..هـآآآآه؟؟
دانه تنهدت وكأنها تستعد له..ماراح ترد خلاااص
ابوفادي:احكي يادانه والله ان تكون نهايتك على يدي...تكلمـي!!!!
بس هي سـآكته..
ابوفادي:ماراح تتكلمين؟؟.....
ددانه:......"لارد"
قرب لها وكأنه فقد اخر صبره معهاا..سكوتهاا يجنـنه..مسك شعرهاا بس اللي يفـآجأ انهاا ماتحركت ولا صرخت كل اللي صـآر..أنهاا نزلت دمعتهاا..
ابوفادي:ان كلمتك.....ردي...ليش ماتردين؟؟
دانه:..............."حتى مابينت له انها تتألم"
ابو فادي فكها بـ قوه وخلااهاا تطيـح ع السرير:ماراح تتكلمين؟؟؟؟
دانه ماتكلمت ولا حتى هزت رااسهاا..السكـوت هو سلاحها او بـ تعبير اصح..دفاعهاا..


طلع ابو فاادي...وام فاادي تنـاظرهاا بـ سخريه..اما هي حتى نظرة خوف او انكسـآر مابانت عليهاا..تسأل نفسها من وين هـ القوه بس ماتدري..مو مهم اهم شي اني قـويه..ماصـآر على روحة ابو فادي الا خمس دقايق بس كأنهاا عشر سنين عليهاا

"صوته من برا الغرفه"- لااا يبـه يرحم امك لالالا..
ابوفادي:اتركني يافـآيز..اتركن عليهاا..ابوريهاا شلون تحكي ولا القطو اكل لسـآنهاا
فايز: يايبه مايعذب بـ الناار الا رب النـآر..خلها في حالهاا
ابوفادي:اقوول وخر لايجي دورك
فايز:خلاااص الحين يجي زوجها ويتفـآهم معهاا..اتركهاا

بس محاولات فايز فشلت دخل ابو فـآدي..ومعـآه سكينـه بس كانت اطرافهاا مولعععه..
هنـآ دانه ماقدرت طااح قنـآع القوه اللي كانت تدعيـه..قرب لهاا ابو فاادي..
ابوفادي:ان ماربااك لااخوك ولا رجلك.....أربيك انـا!

عـم الهدوء والدهشــه...ألا من صرختهــــا!!!

طلـع سعـود من دواامه وهو الى الان يفكر من وين يجيب وريف..هو خلاااص غلط بس ماتسوى عليه كلمـه قالهاا..
اللي يقهـر انها استقـآلت ولا تركت ولا رسـآله..

رســــآله؟؟..لحظه ريما؟..وش صاار عليهاا.."ضرب جبهته"..لاحوول..انا لهيت معهاا ونسيت ريمـآ..لازم لازم الحين اروح لهاا في باريس

طلع من شغلـه ورايـح نيته يبي يحجز لـ اقرب رحلـه لـ باريس عشاان يروح لـ ريماا

"عنـد وريف"رجعت ناريماان من شغلهاا اللي هو في شركـه في قسم نسـآئي..بعد ماسلمت
وريف:وعليكم السـلآم..
كانت جالسه ولابسه بيجـآمه ومعهاا ليز وببسي وتنااظر تلفزيون
ناريمان:وريف!..وش تسوين؟..لازم تشتغلين
وريف:احنا ضايعين ضايعين..وش له اشتغـل..بعدين لاتنسين اني داخله معهد تمريض..ولاابي اشتغل في المستشفيـآت..خلاااص
ناريمان:طيب وش ليه تركتي العياده اللي كنت يتشتغلين فيهاا..
وريف تنهدت وحطت الليز:قصه طوويله
ناريمان:اوكي اغسل وحهي واغير واجي اسمعهاا
وريف:اوكي

-عـزام غن لي أي شي..مشتهيه اسمع صوتك
عزام ينغز اختـه:ماطلتبي شي ياعووووووووومري
رغد:ههه..يللا ولموو بعد تبي تسمع
عزام متحمس من البداايه: أنا ماخنته تبلاني... والله ما خنته تبلاني وراني العذاب أمرار ..وماجيته ووداني ...وحيد الفكر بليا درب
دخلت ملاك وهي ماسكه كتـآب كيمياء..وابستمت يوم شافته:ههه..أشتغل الزيران
عزام طنشها:عـآشوا.. تحملته حيل أشقاني..أنا لي صاحبٍ جبار.. أنا لي صاحبٍ جبار
وقـآم يهز..أخذه الطرب..لوول..:عـآشوا..عليهم..عليهم..عاشت ام العريس
رغد وملاك:هههههههههههههههههههه..
ملاك تكمـل: بعيدٍ شطك الثاني ... بعيد جرحني فيك أكثر
عزام وقف:اقوول ملاكووه!...محد طلب منك تغنين معااي
ملاك:مالك دخل..هذي موب اغنيتك
عزام:لاوالله؟؟..من زين صوتك..انتي طقة اليسا ونانسي..حقاات لمو شاطر ومدري وش..انا علي هي خاربه وخليلوو
ملاك:لاوالله؟؟..يعني تبيني اقول شاطر شاطر؟؟
عزام:عليسسسس نوور
ملاك:اممممم..اوكي..يللا كمـل
عزام:لاااع..خلاااص موب حلا انتي خربتي
رغد تحط لمى:اقول انا بروح اغير..ملاك ولمى انتبهـوا لـ لمى
ملاك:وين؟
رغد:بروح لـ سمر..
ملاك:ومن بيوديك؟؟..ناصر بيشوف المباراة
رغد:يقول بيوديك بين الشوطين..ولا كانه جاا بدري بيوديني
ملاك:اوكي
وطلعـت..

عزام:تدرين ان امي كانت تعيي عليها تروح لـ بيت صديقاتهاا
ملاك:بس اظن هذي سمر تصير اخت تركي مو؟
عزام:لا ياغبيـه!..بنت اخوه مدري اخته
ملاك:ههه..طيب بسم الله غلطت


>..:..الجزء الثـآني..:..<

صحت لقت نفسهاا نايمه ع الارض او مرميه جنب السرير..الدمـوع الجافه على وجهها وشعرها المهمل ومتناثر بـ الارض..يدها على يدها الثـآنيه ماسكه من فوق..تحت كتفهاا..
من هنـا حرقهـا عمها الظـآلم..
جت بـ تقوم بس كانت تألمها:أممممممم...
مسكتهاا وطلعت برا غرفتهاا..نزلت تحت المطبـخ..وحاست تبي عسسل..
بس مالقت ..طاحت بـ ثقلها ع الكرسي..:آآآآآآه..ياربي ارزقني الصبر..

سمعت صوت البـآب..بس ماتحركت اكيد فايز ولافادي ولا عمها ولازوجتـه..بس كانت الشغـآله توهاا جايه من الحووش ومغسلته..


لما شافت الشغاله شاافت شكلهاا الحزين..كأنهاا عاشت طول عمرهاا في شقـآ..ولا قد شافت خير في حيـآتهاا..
دانه:عطيني عسـل..
راحت الشغـآله لـ الدولاب وطلعت منه عسسل..ومدته لهاا..وطلعت لان الظااهر دانه ودها تحط اللي فيها في الشغـآله

وهي تدهن العسـل في يدهاا سمعته يقول
- وش تسوين؟؟

ناظرت فادي اللي كان جااي وحالتـه تبعث على "الشفقه"..كان لابس الثـوب وهو مشقق لان ناار الزقاير حارق نص ثوبه والشماغ على كتفه ولابس طاقيته بـ شكل مايل..

بعدت عينها عنه ولاردت عليه..هي تعلمت من جت هناا ان الكـلآم ماله معنى مع هـ النآآس لانهم فقدوا حاسة السمع..و"الرحمه"

طبعا فادي ماعجبه ان دانه تسكت عنه..قرب منهاا وطيـّح العسل ع الارض..شهقت من حركته لانها جت فجـأه..

يتبع ,,,,
👇👇👇
أحدث أقدم