بداية

رواية سعوديات بعروق ايطاليا -75

رواية سعوديات بعروق ايطاليا - غرام

رواية سعوديات بعروق ايطاليا -75

الإستراحة
بدر : براحة ام جيرانكم بس ابي عروستي
بندر بدلاخة تنح شوي : رجعت لك ابتهال
بدر : ههههه مالت عليك بس كلن على همه اقول ابي بنتي روز
عروستي و برنسيستي ابتهال راحت خلاص الله يا رجال البنت رافضة مجرد التفكير في
التجاوز بتاتا البته
بندر : هههههههه ياحليلكم عاد احس انها خاقه معك
بدر : لا خاقه ولا شيء لو انها لو 1 % تقدرني كان على الاقل ما تعاملت معي بنتي
بطريقة قاسية شوي
بندر بحيرة : وش السالفه ؟
بدر بضيقة : مالي خلق استرجع سالفة سخيفة انا تعبت وانا اترجى و انتظرها و هي
ساحبة
طلقتها قبل فترة و اسمع طراطيش حكي انو طلال بن ..... خطبها و وافقت
بندر بدهشه: اووووما ذي
بدر : عشان كذا احس الدنيا تساوات معي و شكلي والله اعلم بوافق انفذ خطتكم اللي
مدري لوين بتودينا
بندر : ههههههه الله يكتب اللي فيه خير يارجال
بدر : آمين
في إيطــــــــــــــاليا
نواف اخذ على الشغل و اجتاز الدورة ....
مرت فترة اسبوعين بهدوء و محاولة ضبط المشاعر من قبل نوافـ
ابو بدر : يالله عاد الحين بدأ الجد يا نواف
نواف : اوووما ذي كل ذالكرف ياعمي وتقول الجد مابعد بدأ للحين
زينة : هههههه توك يا نواف على بالك كل شيء سهل هنا العكس تماما
نواف : انا مافيه شيء صعب علي قلت لك من ذاك المرة يوم انا بالملاهي خفتِ تركبين
اللعبة و انا لعبتها
زينة : ههههههه أي ادري ركبتها بس وش صار بعد ما نزلت هههههه كل ما تذكر احس بضحك
نواف : هههههههه احسن من اللي قمط ام العافية ولا ركب عاد
زينة : سوري يعني بس انا ماحب اجازف بهيك شيء
نواف : وش قصتك صايرة ترطنين لبناني على شامي على نجدي
زينة : عشان احمد التركي اللي معي بالمعهد يحكي عربي مكسر و شامي بعد منشان
هيك هههه انا ينقالي أجاريه عرفت كيف
( هذا اللي كان يتابعها بالنظرات بكل مكان تروح له )
نواف رفع حاجب و ابتسم : تصدقين توقعته يمني ماتوقعته تركي ابد ابد
زينة : هههههه اوووما ذي ليش طيب
نواف : ملامحه كأنه يمني بالله من جدك تركي ذاكـ الولد
زينة : أي والله و حتى ماشاءلله مرجعه الديني كويس
نواف : و عزاه بس كأنك مسويه فاهمه قدامه و ينهل من معارفك خخخخ
زينة : ههههههه عادي ترى لو معك علم مافيها شيء لو تعلم غيرك اللي يكتم علم يلجمه الله بلجام من نار
نواف : ملح ملح والله يا بنت عمي منتب سهله ....
زينة بحماس طفولي : اخيرا احد اشاد فيني ههههه اقولك بما انك راح تسحب علينا من بكرة وش رايك
تطلعنا الليلة نبي نروح غاليري او متحف هيك شيء
نواف " ياجمالها سبحان من خلقها " : ابشري ولا يهمك يالله لو تبين الحين نطلع طلعنا
زينة بحماس " رجعت لها الحيوية و النشاط " : واااااااااو من جد ترى بصدق
نواف يـتأملها : الله يسامحك ومن متى وانا اكذب
زينة : يالله اجل
نواف : وش يالله اول درعمي على ابوك اخذي منه الاذن انا مدري وشذالسيطرة حتى هنا
يمارسون سطوتهم علينا
زينة : هههه الله يخليهم لنا
نواف : آمين يالله بس استعجلي
زينة تبتسم : يالله بشوف بايي بس و اجي
نواف : لا تتأخرين يالغلااا
زينة تناظره بدهشه برفض بحيرة : معليش نواف
نواف قاطعها بتضجر : انتظرك تحت
طلع يجر خطواته جر
زينة استأذنت من ابوها اللي عطاها للساعه 10
زينة نسقت حجاب ازرق بسكري رايق مره و طلعت
و اثناء ماهي تنزل تفكر في نواف و مشاعره لها
( إنسان حبوب و قلبه من ذهب ، يحبني و مشاعره راقية و غيرني من حال لحال )
شافته واقف بطولة الفارع و شموخه المتعالي بتقاطيع جماله العربية الآخاذ ة
من وراء تناظره بدون ما يشعر
زينة ( كيف اجازيك يامن علمتني معنى الضحكة من جديد ؟ كيف اجازيك يامن غيرت
حياتي من حال لحال ؟ كيف اجازيك يامن رجعت لنفسي ثقتها و حيويتها ؟ كيف اجازيك
يا من رجعتني زينة القديمة ؟ )
زينة : احم احم
نواف يناظرها : وليش تأخرتِ وش عندك طينتيها ههههه
زينة : ولا شيء بس تعرف من هنا وهناك يالله ويالله على الساعه 10
نواف : قايل لك شكل جدي الله يرحمه كان سلطة عليهم بس والله ياهو طلع رجال ما شاءالله ههه
زينة : هههه
نواف : ضحكة دايمة يالشوق
زينة تناظره : نواف انا فهمتك كذا مره بليز لا
قاطعها نواف : زينة
زينة " لاول مره احد يناديني باسمي غير بندر واحس بذالشعور "
نواف : زينة شجعي نفسك لها حق عليك ترى مايصير تسجنين نفسك بزنزانة الماضي
زينة تنهدت بعمق ..... : نواف معليش خلاص أنا مابي اخسرك
قطع توتر الموقف
شخص من الجالية المصرية يبيع زهور
البائع : الورد للورد يا باشا دي اقمل بوكية ورد لاقمل قميلة مراتك او حبيبتك القميلة
نواف ناظر زينة بدهشه جملت ملاحمه
و زينة اغتاظت من البائع و ناظرت نواف بحرج
زينة : لااااا موو
قاطعها نواف : عطنا احلى و اكبر بوكية ورد
البائع << يحب السوالف : ايه يا باشا دي مش مراتك ولا حبيبتك امال ايه
نواف يناظر زينة و يبتسم بعذوبة : مراتي
زينة تحس بحرج و موقف ماتوقعت تنحط فيه ..... كتمت ضيقتها
نواف قدم الورد
زينة بعصبية بعد ما راح البائع
زينة : خير إن شاءالله وش اللي قلت نواف ما تحس انك زودتها وبقوة
نواف مستغرب من عصبيتها اللي زادتها جمال : اعصابك ههههههه
زينة : أي اعصاب يانواف انت مستوعب وش قلت المشكلة اني حطيتك بالصورة و فهمتك
نواف : طيب وش قلت انا هو اللي قال و سمعتِ وش قال وإلا
زينة : احلف بس وش قالوا لك صقهاء ايه سمعتك انت اللي اكدت له ذالشيء
نواف : هههههههههه ااكدت له واذا طيب تراه مجرد حكي يعني سلكت لك السالفه عشان يذلف
زينة حست بخجل من نفسها يوم عصبت و سكتت شوي
نواف يكتم مشاعره بقهر " وش اسوي معها كل شيء سويته " : واذا على الورد ولا يهمك
شاته بقوه
و زينة تتابع حركته
و دعس عليه برجوله من قلب و قهر
نواف يناظرها بنظرات كسيرة شوي : ارتحتِ كذا ههههههه
زينة تناظره بخجل : نواف معليش بس اذا عصبت انا اتكرن ولا ادري و ش اقول أي موقف انا
ما اتقبله ردة فعلي تكون عنيفة شوي
نواف : وسعي بالك هههه ترا كله كلمة و طلعت عفوية ليس إلا أنا فاهم موقفك و محترم ردة فعلك
زينة : نواف الله يخليك الله يوفقك مابي اخسرك
نواف بدون ما يناظرها مسك حصاه و شاتها في البحيرة بغير إكتراث : انتِ تعرفين و ش اللي ابيه منك
زينة بحماس : نواف والله العظيم اني حاولت اتغير و فعلا تغيرت من كلامك انت عطيتني امل و تفاؤل
ما تحس بالفرق بيني اول ماجيتنا و الحين بذمتك مو بفرق ملاحظ
نواف يناظرها : ماشاءالله اشو ف الضحكة شاقه الخشه ذاليومين هههه
زينة : أي لاحظت انت بعد هههه
نواف : ادري كل ذا عشاني انا صح ههههههه
زينة بحرج : بكذب لو انكرت يا ولد عمي
نواف يناظرها بتفاؤل : شيء طيب
زينة : نواف انت لازم تفهمني لازم انا احبك واغليك كأخ بس مابي اخدعك و اعشمك بشيء
نواف مسك رمل بين يدينه و هاهو ينساب : أنا في حياتي ذي كلها يكفيني اني امتلكت مشاعر و
كنيتها لك هذا أجمل شعور وهو بحد ذاته جنة مشاعر و حياة جنونية صحيح صاخبة بس شاعرية
زينة بقلة حيلة : نواف انا والله العظيم لو على كيفي و اقدر اغير احاسيس قلبي كان غيرتها و عطيتك
اياها بس مو بيدي والله
نواف يبتسم : مشكلتك للحين ماقدرتِ تطلعين من اوهامك القديمة ....؟
زينة بحزن : مصيري بطلع و بتغلب على كل الاوهام
نواف : اتمنى تعرفين تتصرفين و تستفيدين من الماضي
زينة تناظر الأجواء : الماضي ولى خلاص
نواف : بالطاري ما قلت لك دقيت على اهلي والله يانا مشتاق لهم حجرف و نايف و سلمان و خصوصا
الملحوس رامي خخخ
زينة : رامي ولد نسرين _ بدهشه _
نواف يقلد صوتها : ولد نسرين ولد خالد طال عمرك
زينة : هههههههههه وش دراني بس والله يانا مضيعه اذكره بزر صغنن يدنن
نواف : مدري وش فيك مضيعه العالم كلهم اللي داليا تقولين تغطت هههه
زينة بحزن : من اللي جرى لي
نواف يناظرها : ا ي والله ما تنلامين يالغلااا اللي صار لك موب شوي
زينة " ياهمي لا يكون كلهم يدرون اني كنت مريضة نفسيا وان ذالمرض بياثر علي مستقبلا"
زينة بحزن دمعتها تلمع بعينها : ليش انت تعرف وش اللي صار لي ؟؟؟
نواف يناظرها يحس انها مجروحة : لا بس يعني احكي عن ظروفك بشكل عام طلاق و زواج امك و سفر
بدر ...!!
( دهشه على وجه نواف )
زينة تناظره : نواف انت يمكن ما تدري وش منحتني بجلستك معنا ، منحتنا انا وابوي
اشياء فاقدينها من شهور الضحك و الوناسة و الحياة الحية عشان كذا انا مقدرة شعورك
بس مقدر اجازيك
بشيء انا بخدعك فيه ماابي اخدعك لانك غالي و عزيز
نواف : كلامك ذا يدل على أنك مسجونة بسجن الماضي للحين وانو احاسيسك القديمة
للحين عايشه
زينة تناظره : سوري بس مايحق لك تسألني كذا
نواف بعقلانية : ذا موب سؤال قد ماهو إستنتاج ياعزيزتي
زينة تناظره بحيرة : لا تكون غامض بليز احنا ثنينا مانبي نخسر بعضنا خصوصا واننا بديار غربة
نواف بصمت مريب : اتمنى تتغلبين على جروحك كلها و ترفعين راسك فوق فوق جروح و ذكريات
الماضي المهزوم
زينة تبتسم : بحاول صدقني وانا باول المشوار و صدقني انا بحاجة لكلامك ذا شفت مع ان ما بعد تم
لك شهر إلا أنك قدرت تغير شيء من هامشيتي القديمة
نواف : العاشق المجنون صدقيني ترى يسوي اشياء مايدري انه سواها
زينة : نوووووووووووووووووواف
نواف : مادري وش قلت ترى ههههههههه
زينة بشدة : لا بس معليش ياليت نكون متحضرين شوي و نفهم بعضنا المشاعر ميب بالغصب
نواف " انجرح من كلمتها " : عمر المشاعر ماكانت بالغصب و يمكن انا و انتِ بنكون اكثر 2 فاهمين وش
معنى ذالحكي ؟؟؟
زينة حست بحالها " لانها تملك مشاعر بحجم السماء ولكن بندر بنظرها متجاهلها آآه يابقايا غرامه لم لا
تزالين هنا متشبثة بقلبي ارحلي ارحلي كي اتنفس الصعداء و احلم بحياة واعدة مع الغير "
بعد صمت
زينة : يمكن بعد نجرح بعض بدون ما ندري وانا مع اني محب اتأسف لاحد بس اقولك اسفة
نواف و قف : ومن قال ان جرح القلوب دواه الأسف يا بنت عمي
زينة بخجل من موقفها : نواف بليز مابي اخسرك انا بحاجة اني اتغير و ارجع اقوى من قبل بليز ساعدني
نواف واققف : هذا يعتمد على قراراتك و قناعاتك مو معقول اذا كل وقتك ماسكة الصورة و تسمعين الاغاني اللي
تذكرك بالماضي انك بتجتازين عقدتك او ازمتك لا
يتبع ,,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -