بداية

رواية سعوديات بعروق ايطاليا -86

رواية سعوديات بعروق ايطاليا - غرام

رواية سعوديات بعروق ايطاليا -86

داليا : اذا رحتوا برجع معكم هه خل نجلس و نتعشى و نصكه بفاتورة قوية بندر بالذات ماسبق و
سويناها فيه
بندر يبتسم : مع اني ناوي اطلع " جورجيو ارماني " بشتري لك كذا قطعة لاني بسافر ايطاليا
" صمت على البنات "
داليا : اووما ايطاليا وش عندك ؟
الهنوف : ايطاليا عند نواف هناك ياحظك هههه
داليا : طيب تقدر تروح لارماني اللي بطريق العليا الملك عبدالله و انى معك
بندر : لا ثامر و عبود خاطرهم يلعبون حرام اجحدهم
قطع عليهم ذاك الشاب
 هلا بندر
بندر التفت و ابتسم بقوة : هلاااااااااا والله هههههه وش جابك
ابعدوا نوعا ما و الصبايا ماعاد يسمعون حوارهم ...
صدمة تخيم على ملامح الصبايا و بالاخص الهنوف
" مين ذا صار يعرف بندر "
الشاب بنظرة خاطفة كذا لمح الهنوف و البنات و عرفهم
ناظر الهنوف و رفع حاجبه و ابتسم ببراءه
الهنوف تناظر ريم اللي تناظر داليا بصمت مذهل
ريم : بنات تشوفون اللي اشوف
داليا : يمممه يالدنيا ضيقة من جد
الهنوف خارج التغطية : اموت واعرف مين
بعد مرور 5 دقايق
بندر : يالله طلعنا
ريم + هنوف : بنروح حنا مع السايق
بندر : وش مجلسكم اجل خخخخخ امزح لا من جد بعشيكم بمطعم
داليا : اقول بندر مين اللي سلم عليك
بندر بنظرة جدية شوي : وش دخلك
داليا : مالي دخل اكيد بس احس انو من عيال " الراشد " عيال عم ابوي الخالق الناطق بناتهم مثل هذا
بندر يناظرها : لا موب منهم يالله الحقوني بالسيارة
ريم : ثامر يا ثامر
ثامر : هاه
ريم : هويت بحفرة وش هاه قلت سمي
ثامر : اخلصي وش تبين تراي معصب باقي بالكارد العاب و عمي بندر طلعنا
داليا : سبحان الله ما تترك طبعك انت و اخوك لو من الصبح للليل هنا ما تطيب خواطركم
ثامر : لا تاخذين علي فيس بليز
الهنوف : ثمور حياتي قلي
ثامر : خير ترا منيب بزر عندك
الهنوف : ابك تسيف خخ افا يذالعلم خلاص يا رجال انا ابخص بك رجال و تعرف الرجال
قلي اللي كان يسلم على بندر توم ين
ثامر : ليش تسألين
داليا : ياليل خير لا تتمنن و ترفع ضغطنا تعرف قل ماتعرف خل نمشي رزعنا بندر ترى
ثامر : اسمع عمي بندر يقوله سلطان
"صدمه على الصبايا"
( سلطان ما غيره خوي العيال )
الهنوف يدينها بردت من الفشيلة هو الصبايا
ريم : ياخزياه تهقين عرفنا يوم انا واقفات مع بندر
داليا : يافشلتي خخخخخخخ من جد فشلة و طيحة وجه
الهنوف : والله شفته يناظرنا مستغرب و يبتسم براءه وكأنه مستغرب يعني يوم لمحنا
ريم : ههههههه يافشيلتي عسى ما يقول لبندر بس
الهنوف : شوفي مش راح يحكي لبندر بس ممكن يقول لنايف
ريم : كلي تبن إلا نايف عاد ههههههههههههه بعدين وش دخلنا الزقارة جت على دماغك
داليا : اشوى اللي ما شافنا و احنا نهزيء السكيروتي
الهنوف : هههههههههه ماعتقد بيقولهم والله يستر تخيلوا من الصدمة نسيت اغراضي اللي من " شارلزز اند

كيث "
ريم : عاد كل شيء ولا ذالمحل ترا ذكرياته بتقعد معن كلنا بإذن الله ههههههههه
داليا : يؤ يا بندر داريه بيسويني شاروما يالله صبايا ما ودكم تغيرون رايكم و تتعشون معنا
ريم و الهنوف : سوري يالغلااا بنروح البيت حاولي تسحبين من بندر هاه اذا سلططان قايل له شيء او لا
داليا : من جدك تبين سلطان يقول له شيء وبندر بيشق له الضحكة لا مستحيل يالله بس سي يو
ريم و هنوف : سي يو ....

( 4 )
>><< ســاعود يوماً لأقطع غمد سيف القطيعة المسلول >>><<<
بندر يبوس راس ابوه : انا طالع مسافر كم يوم و راجع بإذن الله
ابو تركي بوجه عابسـ : وش عندك وين بتهف ؟
بندر سحب نفسـ : بغير جو شوي احس اني مكتوم من الديرة
ابو تركي : يعني ما تصبر عن حركاتك النص الكم لو تكبر ماتعقل و تتركها انا مدري ليش انت كذا
كل الشباب يمرون بهالمرحلة و يتركونها و انت للحين
بندر تنهد : يابعد راسي وش سويت انا ترا السالفه اني طالع كم يوم اغير جو وبس
ابو تركي : بتغير جو اطلع مكة و اخذ لك عمرة لو فيك خير بس سبحان الله ابو طبيع ما يخلي طبعه
بندر يمسك اعصابه : حبيت احط عندك خبر يعني
ابو تركي : انا قايل لامك ما يركدك إلا العرس كلها شهر شهرين بالكثير و نزوجك بإذن الله
بندر " ياليل هالطاري اللي ذبحني " : يبه ماعليش خلاص انا ضحيت بما فيه الكفايه عندك نايف
زوجه و افرح بضناه
ابو تركي : نايف بنخطب له و بنزوجه و بنشوف عياله بإذن الله كل اخوانك تركي و محمد و نايف
مافيهم اللي غثني غيرك انت
بندر يسحب نفس و راسه بدأ يصدع : الله يسامحك يبه
ابو تركي : اها طيب دام انك مقرر و حازم شنطتك وش له جاي تتسحب للمزرعة و مكلف على
نفسك
بندر بألم : بسلم عليك قبل اروح يابوي الواحد مايدري هو يرجع او لا
ابو تركي و هو يقرأ الجريدة : والله عاد كل نفس مقدر لها كل شيء ولا احد ميت قبل يومه
بندر يحس الكلمات تصوبت على قلبه ماقد انجرح مثل ذالجرحـ
بندر بوس راس ابوه اللي مهمشه تماما
بندر : مع السلامة و اشوفك على خير يبه
ابوه : وانت سالم حياك الله .... ضبط راس المعسل يا رزاق
بندر بخيبة امل يسحب خطواته لحد ما وصل سيارته
اخذ نفس عميق و دق على سلطان
سلطان : هلا بك وينك ادق عليك من تو و لاطعني
بندر يمسح شعره : انا بالخرج عند ابوي بالمزرعة يالله بالطريق بإذن الله
سلطان : وينك يارجال الطيارة خلاص باقي عليها شويات بس
بندر : يالله عسى خير يالله سلام عليكم
سلطان قفل و تكأ راسه على الكرسي بالكافي اللي المطار
" مستعجل كثير اشوفها شوقي لها بحجم السماء و أكثر "
بندر الأوهام تضغط عليه و يفكر " ليش ابوي يعاملني بهالاسلوب ليش ؟؟ "
بعد مرور 45 دقيقة تقريبا بندر يتخطى الخطوات بالمطار
سلطان : اهلين بدري ادق عليك معلقة الشبكة
بندر عقد حواجبه : والله شكلي انا اللي بعلق ام هالشبكة
سلطان : ههههه امش بس يالله ماعاد إلا دقايق
بندر يناظر سلطان : اخس اخس يارزة والله منتب سهل وشذالشياكة
سلطان : بالله جاز لك ههههههه احس اني انعمي و اضيع اذا خشيت أي محل مدري وش اخذ
بندر يتأمله : صحيح ان " الكراف " لونها غبي شوي بس حلو هههههههههه
سلطان : من جدك خخخخخخ بالعكس اعماني ذاللبناني لحد ما خذيته
بندر : أي يغثونك يقنعك باشياء مدري كيف يتفنون ....المهم يالله بدأت الرحلة
راحوا و لزموا مقاعدهم بصمت
بندر يفكر " ياكبر حجم المشاعر اللي بتنفجر بشوفتها ... ياترى وش بيتسوي ! "
سلطان يفكر " مشتاق لها بكثير ... مشتاق اخذها و ارجعها عشان تشوفها امي و
تتعافى بإذن الله "
-


( 5 )

في ايطاليا

زينة ترسم بدفتر صغير .... و تشق الورقة ...

نواف توه صاحي يتسحب : لحول ولا قوة إلا بالله وانتِ على حالتك ذي من البارح

زينة : هههه وش اسوي عجزت اضبط الرسمة اللي ببالي

نواف يرشف قطرات من الكافي الإيطالي الساخن : مشكلتك عاد شكل عندك نقص إحساس بالطفولة

و تعوضينه الحين بذالخرابيط ههههه

زينة : نواف بلاش تريقة
نواف : فاضي لك اتريق عليك انا ماعندي غيرك هاه ناظري كل ذالاوراق اللي كبر راسك مابعد
قريتها ولا ادري وش فيها من مافيها وابوك ذا بس يجيب من ذالأوراق ويا نواف شف شغلك
زينة بحماس : تبي اساعدكـ انا اقرأ لك وانت تكتب باللاب
نواف : احلفي بس ليش عشان يمسكني عمي الباب باقرب وقت
زينة : هههههههه لا من جد احكي تراني اعرف كنت اساعد ابوي انا و بدر الله يرحمه
نواف يحرك الكافي : الله يرحمه .....و مع ذا ارفض خدمتك الكريمة الممنونة و اقول لو ترزي زولك و تشغلين
التي في بكون لك ممنون بحياتي
زينة : هههههههه بالطاري ترا سجلت في دورة ميك آب
نواف يهز راسه : لحول ولا قوة إلا بالله من جدك انتِ لا بكرة ما ناقص غير تقولين لنا سجلت بدورة

فروسية
زينة : هي الوحيدة اللي مابعد فكرت فيها هههههههه بس ولا يهمك
نواف : ميك آب ايه بكرة يجينا واحد لبناني بعد يجي يرتز يسلم ذا اللي ناقصنا
زينة : ههههههههه ياحرام كلكم منقهرين من " ادمث " احمد التركي وش حلاته يجنن
نواف : الله من شين النفس يختي نفسه " هنا" بطرف خشمه ما تقولين له ازحف وراك
زينة : بالعكس شخص متحضر و راقي جداً
نواف : والله انا شخصيا ما ارتحت لعويناته ابد
زينة : نواف بالله عليك من ترتاح له انت ههههه
نواف يبتسم : ذكرتيني بامي الله يخليها لي ههههههه دايم تقول لي بتتعبنا اذا بندور لك على زوجة
مايعجبك شيء
زينة بحماس : ههههههه لا زوجتك انا بختارها انا بطلعها لك اعرف ذوقك وش رايك بهويدا العراقية
اللي معي بدورة الكورس الإيطالي
نواف يرفع الكافي : اانا ما الخمك بذا الكأس لين تعرفين ان الله حق
زينة : خخخخ ليش وش حلاتها تجنن
نواف : مايهمني الشكل << احلف بس ..... قد ما يهمني الاسلوب
زينة : كل الشباب يقولون كذا احس انهم نصابين خصوصا عيال ديرتنا
نواف : يالله بدأ الهياط وو وين سامعه ذالحكي ياحلوة صار اللي يسوى و لا يسوى يجيب سيرة
شباب ديرة ابو متعب الظاهر انها موضه بينكم السعودي ماعاد يملي عيونكم
زينة : انا بالعكس صحيح كنت افكر هيك بس تغير تفكيري تماما لاني نضجت و كبرت
نواف : أي كبرتِ و أي نضجتِ وانتِ تغردين كانك ديك مزنوط
زينة بعصبية : نواااااااااااااااااااااف
نواف : اشششش جوالي يدق .....خالد هههههههههه اوووص : سم
خالد : حيا الله القاطع اللي ما يعرف يقول بغلط لو مرة وادق على اخوي الكبير
نواف : ههههههه وش دعوة ياخوي وربي بالقلب بس تعرف الشغل و الغربة مشاغل ياخوك
خالد : الله لا يشغلنا إلا بطاعته انا منيب بقولك كلمنا بالساعات كلها دقيقة طمنا عن احوالك وبس
نواف : ادري اني مقصر ياخوي والله يعين بس انتم شلونكم كيف امي بشرني عنها
خالد : ياربي لك الحمد و الشكر ابشرك انها بخير
نواف : و سعود و بدر و عيالهم شلونهم
خالد : كلنا بخير ياعساك بخير ..هاه وصلكم بندر !!
نواف بدلاخه نزل الكافي : أي بندر ؟

( انجذبت زينة )
خالد : بندر ولد عمي فهد و صديقه طلعوا ايطاليا اعتقد
نواف عقد حواجبه : يعني جايب روز بنت بدر
يتبع ,,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -