رواية سعوديات بعروق ايطاليا -8


رواية سعوديات بعروق ايطاليا -8

رواية سعوديات بعروق ايطاليا -8

واستأذن نواف من البنات وصعد غرفته يبي ينام بس سرى ليله خخخ لان دلال دقت عليه مره ثانيه وصارت تشكي له وتقول له انها مشتاقه لحوحو وولهانه عليه طبعا نواف حب يشوف وش نهايتهاا عشان يلحق على ولد عمه ولا يسمح له يخطب وحده بهالاخلاق....

من بكرة الساعه 7 الصبح طلع حجرف بعدما جاء محمد اخوه اللي مسح البلاط في ابو المسؤولين هناك ....

حجرف سلم على امه اللي ضمته شوي وسوت له فطور وبعدين صعد غرفته يرتاح

دق على دلال حصل معاها مكالمه (waiting) انصعق حجرف هالوقت مين يدق عليهاا

قال اكيد مقومه الدنيا عشان ماتدري عني لاني ماكلمتها قبل انا بدق على نواف اشوووف قالها ا لاا......... دق على نواف وحصل بعد انتظار .... ؟؟؟؟؟؟؟؟

نواف شاف رقم حجرف : اوكي دلال حجرف يتصل فيني بطمنه عنك طيب

دلال : خليه ماعليك منه كمل بس بعدين احاكيه انااا

نواف انصعق من هالداشرة وش تقول .......

على طول قفل وراح كلم حجرف اللي مارد لانه نايم تعبان

من بكرة المغرب الساعه 7 قابل نواف حجرف ...

حجرف : يااخي مدري وش فيها دلال متغيره علي مره تخيل ماكلمتني ارسلت لي مسج تقول ان امها عندها وبعدين كلمتني يمكن دقيقه وقفلت وباردة مره

نواف انحرج : حجرف بقولك موضوع .......

حجرف : يوووه نواف شبعت من كلامك بتقول لا تصدقهاااا وانهااا ماتحبك ومن ذالحكي انا واثق فيها تعرف كيف سنيتن مو شوي

نواف : طيب اسمع بكمل.............. إلا وتدق دلال على نواف وحجرف عنده

حجرف عيونه طلعت من راسه يوم شاف اسمها ...

نواف ناظر فيه وقال شوووف الواثق فيها وش تقول اسمع بحط speaker

حجرف يسمع ..

. دلال : نواااااااااااااااااف اشتقت لك تصدق هههههههه

نواف يناظر في حجرف : الله يسلمك .......

دلال : وانت مااشتقت

نواف : كيف اشتاق و اخاف حجرف يذبحني بعدين

دلال : خلك منه ذالمعقد مصدق عمره انه عاشق وولهان هههههههههههههههههههههه

حجرف طارت جنونه وده الارض تنشق وتبلعه بعد اللي سمعه مايدري ليش حتى نواف كرهه صار مايطيقه .... قفل نواف وراح لحجرف اللي طلع سيارته

نواف : وش فيييييييييييك يااخي حبيت اسمعك بس عشان تتأكد

حجرف : نوااااااااااف ماقصرت وبصدق انك وضحت لي شيء مهم كنت غافل عنه انا من زمان

( راح بال حجرف ان نواف يوم كان ينصحه انه يبي دلال تصير صديقته )

نواف : لااااااااااااااااا ياحجرف وربي الكريم انك فاهم غلط ترى مااقصد اللي في بالك انت تعرف وش كثر انا احتقر هالبنات واللي يسوونه

حجرف : واضح والدليل اللي سمعت من قبل شوي ذا غير اللي ويتنق اللي اليوم الصبح واعرف انه معها

نواف : حجرف انت اكبر من ان هالتفاهات تزعلك انت ولد حموله وناس تسوى وش لك بعوار الراس ,,

حجرف رعد بصوته : لو سمحت انزل من السياره انا بجلس لوحدي

نواف بدلاخة : مانيب نازل وش برأسك

حجرف بعصبية توحش : انززززززززززززززل

نواف : معصي مانيب نازل تنزلني عشان بنت ماتسوى

حجرف دمعته شوي وتطلع : نواف الله يرحم والديك اانزل ترى خلاص سديت نفسي

نواف : مانيب نازل واذا نزلت بلحقك بسيارتي

حجرف بعصبية موحشة : يااخي نفسي عافتك خلاص مااطيق اشوفك انت اللي ذبحت قلبي وطعنته ياليتك مخليني في الوهم اللي عشت فيه سنيتن

نواف : بس هي تخونك مو معي وبس مع الف واحد غيرك

حجرف بعصبية نزل وفتح باب نواف : انزل بسرعه

نواف متكي خخخ : قلت لا يعني لااااااااااا عشان بنت هااااااااااااااااااه

حجرف شد نواف مع ثوبه ويبي ينزله بالغصب .....

نواف مسك يد حجرف ورفعها : خلاص ويا ولد عمي انا بنزل بكرامتي اللي تخليت عليها عشانك وآخر شيء اتوقعه ان بنت جزمه حشرة ماتسوى تفرق بين عيال عم لا ومو أي عيال عم اقرب اثنين لبعض ..... عن اذنك....................

حجرف طنشه وراح ركب سيارته ومايدري وين يروح ينتحر ليش بس تكذب علي سنيتن ليش ؟ حسبي الله عليها ان شالله ...قفل جواله ومايدري ليش مسك خط الشرقية متجه واهو مايعرف وين بيروح ..


العالم كلهم مختبين حجرف اختفى لها يومين مايدرون وين وجواله مقفل

ام محمد في المستشفى من جراء الصدمه ..

والبيت مايسر الكل مختبص ويدور الف سبب وسبب والاهم هو وين ..؟

الوحيد اللي كان ميت قهررر وندم اهو نواف ليش بس ياحجرف كذا وش سويت لك انا حبيت اساعدك وانت اللي طلبت مني ادق عليها المشكله هي اللي بلتني وصارت تدق علي كل شوي

نواف شغل سيارته وطلع ................

خالد بعصبية وقفه : وين ........... تعال وقف انا احاكيك

نواف وقف : بروح لااي مكان ان شالله انتاركتيكا

خالد بعصبية : صار امركم عجيب والله تطلعون على وجيهكم والمشكله ماياكلها إلا الامهات المسكينات

يالله انزل وخلك رجال واترك حركات المراهقين

نواف مايقدر يعصي كلام خالد اخوه وبنفس الوقت يلوم نفسه اذا صار لحجرف شيء اهو المسؤول......؟

نزل نواف واهو تعبان مررررررره وقرفان مافي مستشفى إلا وشيك على اسماء اللي فيها حتى مراكز الشرطة بعد ....

ابو محمد :هشااااااااااام هاه عمم عن اخوك في كل المملكة ؟

هشام بإنكسار : ايه يبه ويقولون ان في واحد بالشرقية بنفس المواصفات بس للحين مو اكيد

العالم مرتجين .........

نواف بعالم آخر من الضياع والدموع والدعوات على دلال

بندر دخل مسرع ووجهه يبشر بالخير : ابشركم حجرف دق علي ؟

الجميع : الحمدلله وينه اهو ...

نواف ناظر : وينه فيه

بندر : في الشرقيه

ابو محمد : ورى ماحط عندنا خبرررر واهو يدري اننا تعبانين ومخبين عليه

بندر : ياعمي يقول انه وصل متأخر وسكبها نومه واول ماصحى دق تعرف هالشباب ينامون ثلاث اربع ايام عادي

هشام متنرفز : الواحد ماينام كذى إلا اذا كان متضايق مرررررررره وفال ابوها بـ....

بندر غمز لهشام يعني انطم مو وقتك خير شرر....

نواف مسك بندر : وينه فيه ابي عنوانه لازم اطلع له بسرعه لا هنت

بندر منلخم : نواف وش السالفه تراى زي الاطرش بالزفة ؟؟؟؟؟ وش فيه وش سالفته ليش انحاش وزعل..؟

نواف : ولا شيء بس سوء تفاهم بيني وبينه ....

مسكه بندر واخذ نواف معه السياره وطلب منه يشرح كل شيء

نواف : لاتحااااااااااااول يااخي لاتحشرون عمركم وربي طفشان واذا صار له شيء بلحقه تبي تعطيني وين اهو فيه او كيف ؟

بندر بعقلانية : بس اهو وصاني بس اطمنكم وامني مااعلم احد وين اهو فيه

نواف طلب بندر: تكفى الله يوفقك ... الله يخلي لك زوجتك يدري انها يحبها موت.....

بندر : امانه يانواف السماوات والارض رفضت تشيلهااا تبيني انا يهالضعيف اقولهااا صعب

المهم اضطر نواف انه يعلم بندر بالسالفه ... اللي انصعق وقال : معقوله ذا من جده يحب وحده بهالجنون اللي حنا وحنا متزوجين ماحبينا زوجاتنا بهالجنون ...

نواف : ساعدني وامانه لا تقول لاحد شيء

بندر : ابشر صار توكل على الله وانا بقول لخالد اني مرسلك تجيب لي اوراق من جده بعدا للشبهه

طلع نواف الشرقية طيررررررران ويمشي بقوة بنشر مرتين في الطريق من السرعه وتعوذ من الشيطان وصار يمشي بهدوء.......

حجرف كان في شقة في الخبر لوحده .... طق الباب

حجرف : اكيد الطلبية اللي من المطعم

فتح الباب واتفاجئ

نوااااااااااااااااااااااااااااف

نواف : شفناك ساحب للشرقية قلنا نلحقك

حجرف كشر ودخل ودخل وراه نواف

مين قالك اني هنا ؟

نواف : جبت العنوان لو مانتب غالي عندي كان سحبت عليك وقلت بكيفه ههههههههههههه

حجرف بصوت اعلى : مين قالك اني بذااااااااااااااا؟

ناظر تحت نواف : جبته وبس

حجرف ناظر فيه : وش باقي بعد هاه وش تبي تسمعني الحين ؟؟؟؟ تبي تكشف لي وهم جديد لاااااا عاد تكفى لا تقول اني امي مو امي هههههههههههه ه

نواف تأفف الظاهر مهمتي بتصعب : حجرف رجاء اسمعني ...

..وشرح له لسالفه ووضحها لها وان العالم مختبين عليه مرررررره

حجرف : انا ي نواف مو زعلان عليك انا زعلان من نفسي والله صدقني كيف بس طول هالوقت وانا خبر خيررررر ليش يعني

نواف : احمد ربك اللي كشفها لك قبل الزواج ولا تورطت فيها بعدين

حجرف ناظر نواف : ماتبي تقولي من قالك اني هنا هههههههههه

نواف : هههههههههههههههههه لا انا موصى اني اجيبك معي واكلبشك بعد

حجرف : آخ يانواف بس وربي اني تايه مره

نواف : لا ولايهمك لاتخاف بزوجك وحده تنسيك طوايفهااااااااااااههههههه

حجرف : هههههههههههههه ه

نواف : افا بس عليك ياحجرف حنا عيال عم والكل يضرب المثل بترابطنا وشلون نسمح لوحده زي ذي تفرق بيننا

حجرف : صدقت يانوااااااااف وربي صدقت بس تخسى لا ولامليون من اشكالهاا يفرقون بيننا

نواف : ياشينك وانت معصب هههه ههه كاانك ممثل هندي

حجرف : ياشينك انت وانت لزقة تعيي تنزل ههههه حتى يدي فيها خلع منك عجزت انزلك هههه عصاقيل بس مدري شكل امك ترضعك كانت تحط لك حديد مع الاكل

نواف : هههههههه اذكر الله لا تسمعك امي تسوي لك سالفه المهم يالله تجهز نروح عشان امك بالمستشفى ضروري تدق عليها الحين وتروح لها ان شاللهء

حجرف : يابعد عمري ياامي الله يشفيها ويخليها لنا يارب

نواف : أمين

حجرف : بندر قالك صح هههههههه ه

نواف : ايه

حجرف : لا يالنذل يابندر هين بدعي عليه ان زوجته تزعل عليه دقيقه بس هههه

نواف : عشان يفطس لا ياشيخ روقنا بس



(20)



في الرياض ومن جناح بندر و زينة كان بندر طالع في بيت عمه ابو محمد يبي يتمطن على وصول حجرف بالسلامة طبعا مافيه كلمة شينه على وجه الارض ماقالها بندر لحجرف على تصرفه الصبياني

كانت زينة بتسافر إيطاليا عند ابوها لان صار فترة ماشافته خصوصا وان امها هناك واخوها بدر بعد طلع في اجازة على ايطاليا فضروري تروح عندهم كذى يوم مثل ماعودها بندر ...

بندر اتفق مع زينة بيروح يتطمن على ولد عمه ويجي بسرعه يوصلهاااا...

زينة تنتظر بندر عشان موعد الطيارة ... دقت عليه

زينة : هلا بندر وينك تأخرنا على موعد الطيارة؟

بندر : ياهووووه مستعجله تبين فرقاي ههههههههههههههههه

زينة : يابيخك بس تبي تضايقني تعبت وانا ارجيك تطلع معي ونسافر سوى

بندر : ودي قلبي بس عاد تعرفين ماله داعي نعيد و نزيد الاسطوانه ..

زينة : اوكي حبي بس بليز عجل علي ترى احترقت من الانتظار

بندر : طيب طيب جاي ان شالله

طبعا وصل بندر زينة المطار بعدما ودعها ووصاها على حالهاا وطبع بوسه على يدينهااا وذكرها بالمده انها 10 ايام فقط لااقل ولا اكثر......

طارت الطيارة وبندر يدعي لزينة انها توصل بالسلامة

راح البيت وفتح الجناح شاف box مره رايق وعنده بطاقه فتح البطاقه شاف مكتوب فيها

Love is like a flower

Whose petals slowly unflod

And with each new petal

The fragrance spreads

Deeper and sweeter

Petal by petal

My lover: Bandr... really

I will miss for you so much

Please ..take your care....

I kiss you...with your lips

Your lover: Zina

بندر ابتسم واهو يقرا خواطر زينة فيه اشتاق لها موت وتمنى لو انه يضمها الحين لانه اشتاق لها مووووت

وفتح البوكس حصل فيه عطر بندر يموت فيه من جفنشي ..تعطر منه وبوس العطر ...

باب الجناح يطق ... بندر انت هنا ...؟

بندر : سمي يمه انا هناااااا جايك جايك.. وراح وفتح الباب وشاف امه : هلا يمه حياك

ام تركي : لا يمه انت تعالي ابيك في الصالة

بندر : ابشري يمه يالا معك انا وراك

بندر كان يتساءل غريبة امي وش عندها يعني مو من عادتها تناديني وتقول ابيك بموضوع إلا يوم كانت قبل تقنعني اخطب وانا رافض ....

بندر : سمي يمه جلسه وجلسنا وش بعد آمري تدللي ؟؟

ام تركي : مايأمر عليك عدو يمه بس انا ماودي احشر نفسي بحياتك انت و زينة

(بندر قلبه يقرقع الموضوع فيه زينة الله يستر لاتكون امي زعلانه منها او شيء )

يمه اناا حبيت استفسر منك .... وانحرجت ام تركي وناظرت تحت ....وكانت راح تغير السالفه

بندر : يمه وش فيك خوفتيني امانه عاد قولي ؟

ام تركي : يمه ابي اشوف عيالك صار لكم سنه وتسع شهور ولا بعد حملت زينة ؟

بندر : هههههه وذا اللي مضايقك يمه

ام تركي : وش بلاك تضحك انا اتكلم جد

بندر : الله يخليك لي يمه ، تونا بعد خير نبي نستمتع بوقتنا مع بعض ههههههههههه

ام تركي : لا يمه يمكن اذا حملت زينة تهجدون ولاعاد تسافرون كل شوي زي الحين

بندر : والله حاله متزوجين وحابين يعيشون حياتهم وش بلاكم ههههه هههههههه

ام تركي : الله يهنيكم يمه بس عاد ابي اشوف عيالك والله قلبي تفطر عليهم اتحلم فيهم في الحلم

بندر : ابشري يمه ان شالله يصير خير وانا بعد كنت مفكر انه قد حان الاوآن ههههههه

نسرين كانت نازلة مع الدرج : حلوة حان الاوآن هههههههههه هههههه بس عاد بجد حان الاوآن خلاص عاد طينتوهااااا اللي متزوجين معاكم معاهم ولدين او ثلاث..

بندر : ههههه ههههههه اعوذ بالله تبين زينة تصير كنها قطوة بسنة تجيب اثنين

ام تركي : هههههههههه عادي يمه الحريم من اول كانوا كذى ولا يجيهم شيء بالعكس كان الحال اصح من الحين وبكثير

بندر : ياميمتي مالك إلا طيبة الخاطر وابشري ان شالله بإذن اللي ماتنام عينه أني لااخلي عيالي يكسرون بيتك ذا واخليهم يأدبون عيالك يانسرين... بخلي خالد يجي طايره شياطينه يصفق عيالي

ام تركي : ههههههه هههههه خلهم يجون وعين لهم فراش وعين غطى..

نسرين تضايقت يوم جاب سيرة خالد ....(.لانها تحس ان اللي براسها طاح بس ينقصها انه يدق او يجي يسأل ......؟ فعلا يانسرين سنتين كثيرة مره على خالد انك تبعدين عنه ومهما كان لو انه عنتر بن شداد راح يمل ويتركك....)

بندر : يلااا انا عزوبي الليله بأخذ راحتي بروح الشباب ايام الفقر بالاستراحه هه ههههه

ام تركي : لا تتأخر وترى تركي دق قبل شوي يسأل عنك قلت له انك وديت زوجتك المطار ؟

نسرين : بندر ماصارت كل شوي زينة مسافره عيب العالم وش بيقوولون عليها مو حلوة بحقها

بندر تضايق مو متعود احد يشتم زينة واهو فيه

بندر : مو من كثر سفرياتها وبعدين اهي تروح تتطمن على عمي صار لها اربع شهور ماشافته حرام امنعهاا لا ازيدك من الشعر بيت لو معي اجازة كان طلعت معاهااا

نسرين : بندر خير مااخبرك رخمه كذىىى ورا زوجتك خلك حنش

بندر بعصبية رعد بصوته : نسررررررين

( تضايق من كلامها ) مااحب يضايق اخته عشان امه فيه و تأفف شوي وطلع..

ام تركي : وش فيك انت على اخوك زوجته واهو حر فيها خير ان شالله احنا ماصدقنا خبر انه وافق يتزوج وانت بتطيرين زوجته خلاص كفايه الكلام السم اللي تشوتينه عليها حرام كثر خيرها اللي ماتقول لاخوك شيء عن الكلام اللي تقولينها لهاا بالطالعه والنازلة

نسرين :عادي عادي يمه وش فيكم علي اناااا بس اعلمها ان أي بيت له سستم معين عشان تعرف اسلوبناااااااااااااااااااااااا

ام تركي : الله يهديك بس وبعدين اتركي الغيره عيب تغارين من اخوك وزوجته خليهم يعيشون حياتهم ولا تنغصين عليهم

نسرين : تخسى وتهبى زينووووه مابقى إلا اناا نسرين ( وقفت واشرت على نفسها ) اغار من ذالشينة زينة لا ومسمينها زينة بعد عمى بعينهم ماعندهم ذوووووق... بعدين خالد كان معيشني احسن من عيشتها مع ولدك البطران ذااااااااااا

ام تركي : لحول ولا قوة إلا بالله يايمه دام خالد معيشك بدلع وراك تركتيه هاااااااااااااه ؟

نسرين : كيفي كيفي ولااعاد احد يحشر عمره انت امي على راسي بس من فضلك بهالناحيه لا تقولين لي أي شيء ............

ام تركي : الله يهديك ويردك لعقلك بس

نسرين طنشت وراحت طلعت في الحديقة تشيك على عيالهاااااااااااا......



الجــــــــــــــزء الرابـــــــــــــــــــع



(1)







زينه في ايطــــــــالـــــيا عايشه بسعاده لا توصف بس منغص عليها فرقى بندر كل شوي تدق عليه تتطمن عليه واهو بعد يشتاق لها موت ويوله عليها....

كانت زينة جالسه على كرسي خشبي قدام بحيرة " كومو " فيها بط كثير واوراق شجر تقريبا تغطي نص الماء..

زينة لابسة جينز سماوي على تي شيرت فستقي عليه كتابات ابيض ومنسقه عليه حجاب فستقي بأبيض

طبعا زينة قبل تتزوج كانت اذا طلعت برى ماتلبس عبايه او تتحجب بس ماتعرف ليش بعد ماعرفت بندر صارت ضروري تتحجب وتلبس عبايه .....

جت ام بدر وجلست عند زينة وعطتها كافي ساخن وجلست تسولف معهاا

ام بدر : زينة قد سألت نفسك اذا بندر يحبك جد او لا؟

زينة بكل ثقه : إلا يموت فيني وضايع في بحر قلبي ههههه

ام بدر باسلوب رزين : وش اللي يخليك متأكده ؟

زينة برومانسية تتذكر عيونه : قلبه ومشاعره وحبه الكبير لي والاهم السعاده اللي احسها وانا معه يعني مثل ماعرفت من محاضراتك في الجامعه يمه ان الانسان مستحيل يكون سعيد مع احد إلا اذا كان الشخص يحبه

ام بدر : برافوو زينه بس انا قلت بعد ان فيه سعاده زائفة

زينة منبهره : هههههه بسم الله علي انا وبندر سعادتنا مو زايفه

ام بدر تناظرها وتحكي بحماس لانها تذكرت جرح الماضي و مصدر تعاستها في الماضي : زينة يالهبله اذا استمريتِ على ذالحال مصيره بيجي يوم ويتركك بندر لا تنعمين حياته بالعكس شدي عليه وخليك قوية عشان يخاف منك شوفي علاقتي في ابوك كيف يعااملني حتى ظلي له شي ووجود عنده

زينة تتأمل امها : يمه بس انت وابوي علاقتكم حيل رسميه وانا ماابي بندر يصير زي ابوي

ام بدر : يالهبله اسمعي انا امك وابخص بمصلحتك انتبهي

((زينة سبحان الله بدت تتأثر بكلام ونصائح امهاااا لان الخااله الدكتورة ام بدر تخصص إدارة أعمال وتعرف كيف تأثر على الناس خصوصا الناس اللي يقتنعون بسرعه مثل زينة بنتهاا))

ام بدر : زينة انت حلوه و ملكة جمال الكل ذا شافوك شهقوااا من زينك اسمعي انت موب مثل أي وحده من بنات عمانك انت غير لازم تشوفين حالك وترزين عمرك لا تخلتطين فيهم كثير مهما شفتِ تراهم يكرهونك ويغارورن منك لان انتِ قد خطبوك شيوخ كثير بس وقتها كنت ام 16 سنه بعدك صغيرة لكذا خافوا من انك تصيرين احسن منهم مركز واتكيت...

زينة : يمه بشويش ابي افهم حرام عليك شوشت افكاري ؟؟

ام بدر : step by step انا مااجبرك تفهمين بس ركزي شوي

زينة : اوكي يمه بس اهم طايرين فيني ويحبوني حرام اتكبر عليهم او انفخ ريشي

ام بدر : لا مو حرام انت غير انت ربي ميزك عنهم بااشياء كثيرة ومن ضمنها يالخبله اني انا امك

زينة : ههههه يابختي فيك يمه

ام بدر عصبت : زينة انا احاكيك جد وش فيك ليش مو راضيه تفهمين ؟

زينة : يمه بندر يحبني مستحيل اسوي معه زي ماقلتِ مستحيل اخاف يزعل

ام بدر : مو تقولين انه يحبك

زينة : ايه يحبني وبجنون بعد

ام بدر : خلاص يالهبله هذا اول خيط مسكناه سيطري على بندر وخليه خاتم بااصبعك كل شيء اطلبيه وتدللي عليه عشان فعلا يميزك عن غيرك .....

( تخيلوا طول السفرية وام بدر الله يسامحها تسوي غسيل مخ لزينة وحذرتهااا كثير انها تحمل حاولت زينة تستفسر عن السبب بس للاسف مالقت اجابه إلا ان امها تعصب وتسكتتها وتحذرها من موضوع الحمال )

مرت الأيام تجر ثنايا شوق زينة لزوجها الحبيب



و بـــــــــــــــــعد 6 أيـــــــــــــــــــــــــــــــــــــــــــــــا م



زينة راجعه السعودية بكرة المغرب بس كانت محتاره في انها تنفذ كلام امهااااا او تروح بشوقهاا لبندر زي ماكانت قبل تجي هنا.....

زينة سافرت ونزلت السعوديه استقبلهاااا بندر وكان معه ولد عمه سعووود...

بندر : الحمدلله على سلامتك زينه تو نورت الرياض

زينة وواضح انها معصبة : الله يسلمك

سعود : سلامة الاسفار بنت عمي

زينة بثقل : الله يسلمك

بندر انقبض قلبه غريبة زينة بهالهدوء والصمت .. بس توقع انها مستحيه من سعود..

سعود حس بالموقف والفجوة اللي صارت بين بندر و زينة وانحرج لوجوده واستأذن منهم وقرر يرجع في ليموزين ....

بندر : خير سعود وشذالحكي اقول اعقل واركد صح ان وجودك مادري وش يبي بس عادي خلاص هههه

سعود: لا ياابو فهد والله عندي شغلة وتذكرتها واهي قريبة على طريق المطار ماابي اعطلكم

زينة ساكـتـــــــــــــــــــــه ماقالت شيء ابد

المهم ان بندر كتم سعود وغصبه يركب معهم..

بندر : زينة كيف الاهل عساهم بخير ؟

زينة : بخير يسلمون عليكم

سعود : الله يسلمهم...

بندر : زينة إلا ماباركتِ لسعود على خطبته ود ؟

زينة : مبروك سعوود الله يسعدكم

سعود: الله يبارك فيك وعقبال مانبارك لكم على فهد ان شالله

زينة تفرقعت وقلبـــها صار يدق بقووووه وعصبت شوي

بندر : اقول سعود وين الشغله اللي تقول انها لك حنا بطريق المطار وإلا تصريفه ههههههههههه

سعود : عاد يابندر مايصير ترى لو شفت عندنا ذووق ونعرف نصرف نفسنا ههههههههههههه

زينة صامته وكانت كارهه الديرة كره شديد اشتاقت لامها وابوها في ايطـــــاليا وجتها ضيقة شديده اول مادخلوا الديرة ووصلوا الحي ( السليمانية )...نزلوا سعود في استراحه الشباب اللي كانت في غرناطة ....

سعود: يعطيكم العافية ولو اني كتمتكم ههههههه

بندر : هي كتمه وبس إلا جالس على قلبي من تو ههههههههه

نزل سعود وقفل الباب....

بندر التفت لزينة وقال : هاه حبيبتي مانت بجايه قدام ؟

زينة بثقل : عادي هنا او قدام اهم شيء سيارة توصل..

بندر يبتسم : لا والله اقول تعالي بس لا تفضحينا خير ان شالله ناقص فضايح كفاية سواه حجرف فيناا

زينة بتضجر : يارب تعيني يارررررررب

ونزلت وقفلت الباب بقوه .... ( بندر عصب من تصرفها ) فتحت الباب وجلست قدام ..

بندر بنظرة شامخة : لا اقوووى انزعي الباب احسن ..

..زينة ساكته ومتضايقه مره

بندر مستغرب : خير وش فيك شاخطه وشياطينك قايمه ؟

زينة : مافي شيء....

بندر : بس شكلك يقول انك تفورين من داخل... بدل ماتكونين فرحانة برجعتك لزوجك وديرتك بين هلك وناسك

زينة قالتهاا بسرعه وندمت عليها : اهلي وين وانا وين

بندر بحلق عيونه فيهااا واستغرب كلامهاااااااا

بندر قرب لها وقال بصوت خفيف : حبيبتي فيك شيء تعبانه متضايقه او شيء ..؟

زينة بعدته عنها : اوووووه مافي شيء خلاص عاد تراك طينتهاا

بندر عصب : لا احسن انزل اجيب لك عصى تضربيني وش رأيك خيررررر ان شالله اصغر عيالك انا تقولين لي كذىىى وش فيك يازينة مانيب خابرك كذى ؟

زينة رفعت صوتها بقوة : قلت لك ولا شيء خلاص عاد روقنا من بدايتهااا بتزعق علي

بندر مستغرب صوتها العالي : انا ازعق عليك من متى يا زينة شوفي انا اذا عصبت فقدت اعصابي اخاف فعلا اعصب واضايقك بكلااااااااام اذا كنت سنتين ماعرفت رجلك روحي اسالي امي وخواتي اذا عصبت وش اسوي يحق لك ماقد عصبت عليك ابد ....

زينة بدلع : وإلا ايش ناوي تعصب وتضايقني مستقوي علي لان اهلي بعيد واني احتاجك

بندر ذب شماغه وعقاله وراه ومسك راسه رعد بصوته : زينة اسكتي ولا كلمه ترى أي كلمه زيادة بفقد اعصابي واتنرفز واضايقك بجد فرجاء اسكتي خلينا نكمل الطريق

زينة : تسكتني يا بندر اناااا تقولي اسكت لا يابندر انت اللي تغيرت ولعلمك انا مو مثل أي وحده انا غير بكل شيء يعني لازم تعاملني زي اول او احسن ( سبحان الله تعليمات امها تطبق )

بندر فقد اعصابه واهي اللي جنت على نفسها رعد بصوت عالي : زينه اسكتي لااقسم بالله العلي العظيم اوقف ماعاد امشي خلاص ارحميني ماابي شيء بس نقطيني بسكوتك

زينة بنرفزة : حاضر

طول الطريق كان بندر يتساءل وش فيها وش اللي صار لها ؟؟؟

معقولة كل ذا تغير عشانها طلعت بلحالها زعلانه لاني مارحت معهاا بس سبق وان تفاهمنا وقالت لي عادي مقدرة ظروف عملي ياساتر يارب وش اللي انا فيه

زينة كانت تغلي من جوى وينك يمه فعلا اشعر بدوامه شكلي تسرعت يمه بس مدري احس انه فعلا متغير علي يمه وينك كرهت كل شيء بعدك ياربي بس .. في هاللحظة نبغ عندها شعور احتياجها لامهاا وقررت ماتعصى لها امر مهما كان وتبي تنفذ نصائحها بالحرف الواحد

بندر : انزلي وإلا تبين نفتح لك الباب بعد ؟

زينة : ووش فيها عادي انا قلت لك احمد ربك اني زوجتك لاني غيررر اناا مميزة بكل شيء

بندر عصب : اقووووووول انزلي قالت مميزة مميزة طل

قالها واهويضحك بينه وبين نفسه

انجنت زينة ليش يضحك مو شايفني مميزة يعني هين يابندر وربي لااوريك حتى تقتتنع اني غير ....



دخل بندر و زينة معه البيت .....

كانت ام تركي ونسرين واميره جالسات في الصاله الخلفية

زينة نوت تسحب عليهم ولا تسلم نوت تطلع بيتها فوق بسرعه

بندر مسكها مع يدها و التقت عيونه بعيونها ارتبكت من نظرته ..: على وين ياحلوه ؟

زينة بتوتر و خوف : تعبانه بطلع فوق داري ارتاح ؟

بندر : أي سلمي على امي وبعدين اطلعي ارتاحي امي هنااا مو مكلفك ولا نص متر عشان تسلمين

زينة : انا تعبانه مقدر الحين بعدين بشوفها لاتخاف اكيد بشوفها وانا اقدر

بندر انصعق من كلام زينة الجارح مسكها مع كتفها و سحبها يبي يدخلهاا

بندر بصوت خفيف عشان ماااحد يسمع : كلمتي تمشي فاهمه او لا ؟

زينة بصوت اخف : اتركني طيب بلاش فضايح ؟

بندر تأفف وتضايق مره وقال: يلا وراي

دخل بندر وسلم عليهم وزينة سلمت على الطاير واعتذرت قالت بروح انام تعبانه مره من الطريق

راحت زينة جناحها اللي كرهته كره عنيف تحس انه قديم وبلدي مع انه قمة الذوق والاتكيت بس تاثيرات امها ماتروح بلاش .. اخذت شاور سريع ولبست بجامه من لاسينزا مثل بجامة ألين خلف في فيديو كليب ( ريح بالي انا ) وجلست على الاريكة تكلم امها عشان تطمنها بس امها ماترد.... شوي وتسمع صوت الباب يفتح تأكدت انه بندر ....و قلبها بدأ يضرب << مشتاقه له مووت بس تجحد

دخل بندر ناظرهاا من فوق لتحت واهي تناظره

زينه : خير في شيء

بندر بصدمه منها : اسألي عمرك انت اللي فيك مو انا ؟؟

زينة تضحك ضحكة مغرية : جد بالله ههههه لا انا مافي شيء

بندر : جهزي ملابسي باخذ شور

زينة بتضجر وهو تمشي : انا تعبانه مره انت لك يدين تقدر تسنع نفسك لازم نتحضر شوي و نعتمد على نفسنا بكل شيء يعني نبي نكون ناس ذوق و اتكيت كل يسنع عمره

ومرت جنبه تبي تطلع الصاله مسكها مع يدهاااا بقوه... دار وجهها لوجهه.. ونبضاتها اسرعت

بندر بصوت عالي : قولي وش فيك .. وش اللي قالبك ..؟

زينة غمضت عيونها ( تبي تهرب من عيونه الذباحة ) : ولا شيء بس اتركني

بندر : ماراح اتركك لين تقولين لي وش فيك وش اللي مضايقك ؟؟

زينة تركته بقوه وراحت عند الباب : قلت لك ولاشيء ولا شيء خلاص عاااااااد طولتها ترى كل شوي وش فيك وش فيك مانيب بزر عندك

بندر وقف بمكانه تجمد وش فيها هالهبله مااذكر اني زعلتها بشيء.. بس دامني مااذكر اني زعلتها بالطقاق اذا طخت تجي تركض.. بس حرام ماعندها احد هنا اهلهاا برى ياربي ساعدني يارب تهديها لنفسها..............

دق جوال زينة ناظر بندر الرقم شاف رقم امها قلبه عورة مايدري ليش مايرتاح لامهاا ابد ..

جت زينة تركض وردت : هلاااااااا يمه وحشتيني( وتبكي زينة) يمه اشتقت لك والله انت واوبوي......

ا ي وصلت الساعه 9 ونص انا بخير

( طلعت زينة وراحت تحاكي امها في الصاله واهي تبكي )

بندر شافها تبكي تحركت مشاعره على رغم الجرح اللي سببته له زينة ..

بندر جاء جنب زينة ومسك يدها ... زينة رفعت راسها شافت بندر وصدت وزاد بكاهاا

بندر وقرب لهاا وفتح شعرها : هاه قلبي ماودك تقولين لحبيبك وش مضايقك ؟

زينة تبكي بشده وومسكت على يد بندر وضمتهااا واهي تقول بينها وبين نفسها ( والله احبك واموت فيك بس امي اثبتت لي غير ذا ).

بندر : قلبي اذا البكاء يريحك ابكي .. رفع راسها وقال : تبيني ابكي معك ..؟

ابتسمت من بين دموعهاا بندر : مااشتقتِ لي انا اشتقت لك يالدووبه مووووت ؟

زينة وهي تبكي : هههههههه أي صدق حتى امي تقول وزنك زاد لازم ترجعين زي اول

بندر : لا حبيبي قولي لها بندوري يبي كذااا

رفع راسه لها وقال : قلبي يمكن انك حامل ..........( زينة انصعقت وكل هموم الدنيا والاحزان عليها )

قالت زينه : اعوووووذ بالله لا ان شالله فال الله ولا فالك ..

بندر استغرب من كلامها : ليش قلبي ماودك يجينا طفل يعطر حياتنا مثل مخططنا يوم كنا على ساحل Gold plaza في تركيا ...؟

زينة : لا قلبي انا اخاف توناا بعدين بعدين انا صغيرة واخاف من الحمل وتعبه

بندر : لا ياعمري يعني امي وامك صار لهم شيء حملوا وولدوا وحملوا مره ثانيه هههههه

زينة تنرفزت وبعدت عنه وقفت وقالت : حبيبي قلت لك انا غير انا غير لازم تدرك ذالشيء انا مميزة مو مثل أي وحده من البنات ...

بندر قلبه تحسس من كلامها : طيب طيب غير غير بس عاد موضوع الحمل بنأجله بعدين نتفاهم

زينة قربت وحطت يدها بشعره : حبيبي اذا تحبني جد لا عاد تفتح ذالموضوع معاي تكفى تكفى ..؟

بندر : طيب بس خلاص ارحميني

زينة : حبيبي تدري انك وحشتني موت اشتقت لعيونك

بندر : حبيبتي خلاص ارحميني

زينة من قلب تتكلم : قولي حبي اشتقت لي طيب

بندر : ذبحني الشوق فتت كياني لك يالغالية

زينة ماقدرت تقاوم هالرومانسية

....بـــــس .......

مع كل اللي صار إلا أن

بندر طول ليله ماقدر ينام حس ان زينة متغيره مهما ضحكت ومزحت وقربت له إلا انها متغيره طريقتها في الحكي اسلوبهاااااا انانيتهاا مانيب خابرها كذا الله يستر ..؟



(2)



مرت الايام و الشهور

وصارت حياة بندر و زينة فيها مشاكل وخلافات بس يرجعون يتصالحون زي أي ازواج في العالم

.لاحظت اميرة تغير زينة حتى انها تجلس في جناحها اسبوع اسبوعين ماتشوفهااا استغربت حتى ماقالت لها مبروك على الخطبة وش السالفه بس ؟ معقولة يكون كلام امي ونسرين صدق انها بتصير نسخه من امها يارب تساعدني ياكريم ....

بندر بعد يشعر بإحراج من اهله دايم يسألونه عن زينة يتحجج لها وبعدين اذا طلع لها فوق يهاوشها على تصرفها ذااااااااااااااااا

بندر : زينة انت ماغيرك إلا سفرتك الاخيره ؟

زينة بدلع و كبرياء : لا والله جد عاد بدري ياشيخ ايه اهي اللي غيرتني

بندر قرب لها لانه لاحظ طولة لسانهاااا وقال : وليش غيرتك يعني ؟

زينة بصوت عالي كله دلع فطري : لانك مارحت معاي .......

بندر : لا لايشيخه اذكر انا اتفقنااااا وخلصنا

زينة : طيب انا كذى كيفي تغيرت اكره طبعي القديم كنت لئيمة قبل والحين رقيت شوي صرت انسانه راقيه ....

ناظرت بكبرياء و دلع وقالت :لا تنسى انا بنت مين ؟

بندر : عجيب وشذالحكي ؟ مااخبرك كذى .؟ ياحبيبتي طولنا وطولك واحد اصلنا وفصلنا واحد جدنا وجدك واحد استحي على وجهك واذا نافخة ريشك عشان امك انها دكتورة لا ياعيوني ناظري حولك كل العالم تعلموا وصاروا بعد اعلى من امك شهادة .......

زينة شهقت حطت يدها على فمها : بندوري ليش تقول كذى على امي حرام عليك امي غير امي مثقفه ومتعلمة سيدة مجتمع بحق وحقيق مو مثل غيرها ( تقصد ام بندر بس ماشعر وإلا كان مسح فيها البلاط عاد كل شيء ولا امه ) ......

بندر : اقول اعقلي واركدي وارجعي لطبعك الاول احسن

زينة تتمسخر قربت عنده : لااااااااا وع بلدي طبعي القديم كنت كل شوي في عزيمة او مسنترة تحت

بندريبتسم : ذالعقل طيب

زينة : لاااااااا حبيبي انا تغيرت وصرت غير شكل لازم تتقبل لازم

بندر : واذا ماتقبلت ههههههههه

زينة بدلع قربت له كثير : مايطاوعك قلبك ضروري ببتتقبلني

بندر: آ آآآآآخ يضرب الحب شو بيدل

( على هالحال زينة تغيرت بفعل زن امهاااااا لدرجة انهااا صارت وقحة بمثل وقاحة نسرين تجريح في الكلااااااااام علني عينك عينك ذا غير دلعها على بندر و تغليها و المشاكل اللي تصير من تحت راسها تغيرت 180 درجة بفعل إقناع امها لها واللي شجعها حب بندر الفظيع لها )

زينة جالسه في الصالة تبرد اظافرها ...دخلت عليها نسرين

نسرين : وانت ذي شغلتك ياما مرتزة في برجك العاجي او متكيه هنا لا شغل ولا مشغله ..

زينة تنفخ اصابعهاا : كيفي بيت عمي وانا حره ( قالتها بدلع )

نسرين : وجع يوجعك لا تتمعين هنا تميعي عند رجلك البيت فيه بزران ..

زينة : ههههههه ياقلبي بندوري يموت علي بدون ماتغنج وبعدين بزرانك لهم ابو ليش ماتروحين انت واياهم وإلا عاجبتك الجلسة سنتين وناوية تكلمين هههههههه

نسرين : والله مابقى إلا هالاشكال يردون علي انت ماتعرفين انا مين والله لااندمك على كلامك وبعدين على فكرة الغنج مو لايق علليك

زينة : كيفي رجلي ويدلعني وادلعه انت وش حاشرك .. إلا تعالي سمعت ان خالد خاطب صدق ؟

نسرين انهبلت طارت جنونها : مين قالك ؟؟؟؟

زينة : سمعته وبس لا وبعد خاطب وحده ( حطت يدها على خدها ) مووووت ذباحه

نسرين : مستحيل خالد يحبني ..مايسويها

زينة : يحبك ههههه هههه يحبك يتركك عند اهلك سنتين لو يحبك فعلا كان ما عافك بسهولة





بندر يرعــــــــــــد بصوت عالي : زيــــــــــنة



و اتجه صــــوبها عيونه يتطاير منها شرر ..



ماعاد يميز شيء غير زينة ..اخذ نفس عميق تنهد و عطا زينة نظرات قوية جارحة ..هزت لها كيانها



ولفت انتباهه ان نسرين راحت تبكي غرفتها عشان بندر يسنع زوجته ....

بندر التفت لزينة بقســــــــــــــــوة و قرب لها بخطوات مبعثرة وقال بصوت كله قهر و قسوة فظيعة ضغط على اسنانه و ايدينه مقبوضه بقوه : استحي على وجهك وشذالكلام وبعدين مين قالك ان خالد بيخطب ؟ اللي اعرفه انك ما تطلعين لاي احد من الاهل وش دراكـ وإلا كذى بس عشان تقهرين نسرين ..وش قصة اهلك ابي افهم ؟ انتِ تحبين النكد و تضيقين عيشة خلق الله ليش ؟ ( بلكنة تهديد )

زينة بقهـــــــر و دلـــــــع : اوووووف سمعته وبس عادي خالد مزيون ورجل اعمال و شيء طبيعي يتزوج تغريد قالت لي انه بيخطب

بندر بصوت مايسمعه غيرها صاك على اسنانه : اوريك هين يالله اطلعي فوق .... سحبها مع كتفها

زينة تضايقت كيف يعاملني بس كذى قدام اعدائي اوريك اكيد النسرة نسرين طايرة فرح والله لامسح فيها البلاط بس هين يانسرين

بندر دخل على نسرين غرفتها ومسح على راسها : ماعليش نسرين سامحيني انا أسف والله ماتعيدها وبتجيك تعتذر ان شالله ...

نسرين تسوي تبكي : اصلا زوجتك ماتحشم احد ابد كيف عادي تحشمني انا .

بندر : افا ياام رامي وانت وش فيك انت شيختنا كلناا ؟ العين ماتعلى على الحاجب و انا ااخوكـ

نسرين حست بالنقص اللي فيها : أي تقول كذى لانك تشفق علي ...

بندر بدهشه : افاا ابس وانا اخوووك وش فيك منكسرة... لا يكون جرحك كلام زينة ترى ماتقصد شيء تراها بعدها بزر على نياتها

نسرين تبكي بحسره ( ممثلة) : بندر لو سمحت خلني بروحي تعبانه ابي ارتاح

بندر طلع من غرفة ام رامي وطلع مسرع (معصب)

نسرين ابتسمت بإنتصار ....نسرين : هين يا زينة يامالك من التهزيء هههه

بندر طلع معصب و اتجه لبيته فتح الباب شاف زينة جالسه تناظر التلفزيون.......

زينة خايفه من نبرة صوته فيها اللي حاكها فيها قبل شوي بس تكابر و مسويه مانتبهت إنك فيه ..!

بندر طفى التلفزيون وقرب لهااا ووقفها

بندر بنظرات عتب قاسي : جالسه مرتاحه ولا كانك سويتِ شيء ؟

زينة بدلع تحاول تبعد عنه : ماسويت شي ادافع عن نفسي انا بس ليس إلا

بندر شدها مع كتفها وسحبها عنده بقوه : ممكن تفهميني وش عندك مستلمه نسرين ؟ صرفتِ النظر عن اخوها اللي هو انا على بالك كل البشر مثلي يتحملون عنجهيتك و غرورك هاه ( بصوت عالي )

زينة عيونها اغرورقت دموع و ضعفت ماتحب الصوت العالي : ولا شيء اهي اللي تبي تهاوش اختك وانت ادرى فيها

بندر مايزال معصب : ذالحكي لو ماكنت مانيب موجود بس ياحلوة انا كنت واقف وسمعت كل شيء انتِ متى بتعقلين ؟؟ وش فيك فضحتيني مع اختي .. يعني اذا علي متحمل سواياك فيني وساكت لي اربع شهور عايش معك بمشاكل وقرف وتافل العافيه و ماكل هوا ملينا خلااااااااص عاد ....بس عاد شوفي قسم بالله شوفي انا حلفت اذا شفتك مضايقة احد بالبيت راح تندمين فاهمه ..؟

زينة دمعت عينها وصدت عن بندر .. ( زينة حست بضعف فعلا بدت تصدق كلام امها بندر قاسي عليها )

زينة بضعف : بندر صدقني اختك هي اللي دفعتني احاكيها بذالطريقة شوف وش تقول عني على الطالعه والنازلة تعايرني اني مابعد حملت وش اسوي من ربي طيب...

بندر انكسر قلبه و ناظرها بنظرات غريبة حس انه ظلم زينة يوم صرخ عليها

جلس على نفس الاريكة اللي زينة قامت منها ......

زينة طلعت وراحت الغرفة تبكي دخلت السرير و تغطت وصارت تبكي بشويش و تشاهق

دخل بندر شغل النور ناظر فيها حس انها تبكي قرب عندها مسك كتفها بس صدت

بندر بهدوء جلس على طرف السرير : ممكن نتفاهم ..؟

زينة ساكته ....!

بندر بخوف عليها لانها يحبها موت ناظرها بحنان : اعتقد اني اتكلم .....

زينة قامت بكبرياء ونفسيتها متكدرة وجلست بدون ما تناظره : وش عندك وش تبي تقول وش بقى ماقلته؟

بندر بإهتمام : زينة افهميني انتِ طلعتيني من طوري وتعرفين اذا عصبت عصبت بس بجد خلاص ترى لي اربع شهور ماذقت الراحة كل يوم هوشة وقرف كل شيء تحملته لعيونك عشان احبك بس عاد الذوق ذوق حبيبتي خلاص..

زينة جتها حالتها تحب تتغلى : أي انا ماعندي ذوق فهمت وش غيره

بندر بعصبية : لحول ولا قوة إلا بالله انت وش فيك ماتفهمين كلامي واضح لا تفسرين على كيفك عاد و لا تأولين على كيف امك


يتبع ,,,,
👇👇👇
أحدث أقدم