رواية اسم على مسمى -10
أم طلال: شلون مرتك..؟
طلال: الحمد لله.. تسلم عليكم
أم طلال: الله يسلمها فديتها..
أبو طلال: دير بالك عليها يا ولدي تراها يتيمه
طلال: لا توصي يبه
ام طلال: أجلس ليش واقف
طلال: لا بروح أبدل بطلع مع جنان وفهد
أم طلال: يالله روح أجل بدل
طلال: أنشاء الله
راح طلال يبدل
أبوطلال: الله يحفظهم
أم طلال: آميين
في بيت أبو فيصل
كانت مروه جالسه في غرفتها متردده تتصل ولا لا بعدين أتصلت
: ألوو
مروه دق قلبها: السلام عليكم
: وعليكم السلام
مروه: شلونك فهد..؟
فهد استغرب: الحمد لله.. نعم أختي بغيتي شي
مروه: أييه.. ماعرفتني
فهد: لا .. آمري
مروه بجرأه: ما يامر عليك عدو بس..أبيك أنت..
فهد: الظاهر أهلك ماربوك ولو سمحتي لاتتصلي مره ثانيه
مروه: الظاهر ماعرفتني
فهد: ولا أبي أعرفك
وصك السماعه في وجهها
مروه: ههههههههه.. بتشوف يافهد أن ماخليتك أنت اللي تقول أنك أنت تبيني وتترجاني ما أكون مروه ههههههه
في بيت أبو طلال
جنان: يالله فهد وصل..
طلال: يالله
طلعوا بره شافت جنان مشغله سيارة طلال
جنان: ليش مو راكب معنا
طلال: طبعا لا.. بخليكم على راحتكم
جنان: تعاال بس أركب معنا
طلال ركب سيارته وفتح بوابة البيت: يالله طلعي إلى فهد
جنان بأستسلام: براحتك
وراحت ركبت مع فهد
جنان: كيفك فهد؟
فهد أبتسم لها: تماام.. شاف سيارة طلال وراه.. هذا طلال
جنان: أيه بروح معنا
فهد: حياااه.. لو سمحتي أتصلي على الجوري خليها تروح معنا
جنان عجبتها الفكره: أووكي
أتصلت جنان على الجوري
الجوري: كيفك جنو وحشتيني
جنان: هههه وأنتي أكثر.. يعني إذا مانتصل أنتي ما تتصلين ..ولا تكلمين طلال 24 سااعه
الجوري: بل بل خلااص أكلتيني بقشوري.. آسفه طال عمرك
جنان: سمااح بس هالمرره
الجوري: تسلمين
جنان: أيش عندك الحين
الجوري: ولاا شي فااضيه
جنان: معليش تطلعي معنا أنا وفهد
الجوري: وين..؟
جنان: كورنيش الدمام
الجوري: لا لا أنا أيش يوديني معكم
جنان: مافي تراجع أحنا واقفين عند الباب
الجوري: والله فشيله
جنان: أقوول بلا سوالف زايده لك خمس دقايق إذا ما طلعتي أنا بنزل أخذك
الجوري: خلاص خلاص بروح معكم
جنان: صيري مأدبه كذا
الجوري: يالله بااي ببدل وبنزل
جنان: باااي
طلال كان يلحقهم بالسياره وشافهم وقفوا عند بيت عمه لأن بيت عمه قريب منهم كثير..كلم جنان على جوالها
طلال: ليش وقفتوا هنا؟
جنان: بنجيب لك مرتك..
طلال بعصبيه: ليش؟
جنان: لأن أنت رفضت تركب معنا فأنا قلت إلى فهد يمر عليها بدال لاتجلس بروحك
طلال: لاتتصرفي من نفسك بعد كذا
جنان: أمرك طلالي
طلال: من هذا..؟
جنان: أنت طبعا..
طلال: شوهتي أسمي..
جنان: ههههههه
طلال: هههه أقول يالله مع السلامه
.
.
نزلت الجوري وأهي تركض
أم فهد: على وين يابنتي
الجوري: بطلع مع جنان وفهد
أم فهد: سلمي عليهم
الجوري: الله يسلمك
طلعت الجوري بره واتجهت على طول لسيارة فهد وركبت ولا أنتبهت الى سيارة طلال
الجوري: السلام عليكم
فهد وجنان: وعليكم السلام
فهد: أيش جابك في سيارتي
الجوري بزعل: والله مرتك أهي اللي قالت لي ..وفتحت باب السياره بتنزل
فهد: هههههههه تعالي.. تراني ما أقصد
الجوري: أيه ماتقصد
فهد: والله ما أقصد بس طلال مسكين بروحه بالسياره روحي أجلسي معه
الجوري: طلال؟
جنان: أييه طلال ورانا روحي ركبي معه
الجوري: لاااا تراني أستحي
فهد: قومي بس قومي بلا دلع
الجوري: فههد..
فهد بأمر: قومي..
الجوري بهدوء: أنشاء الله
نزلت الجوري من السياره وتوجهت لسيارة طلال اللي كان يسوي نفسه منشغل بالسيديات تبع السياره ولايشوفها بس أهو شايفها وشايفها عدل
ركبت الجوري وأهي مستحيهالجوري: السلام
طلال: وعليكم.. رتب طلال السيديات وحطهم في مكانهم المخصص وشافهم مشوا ومشى وراهم ولا تكلموا ولا كلمه
الجوري في نفسها ليش مطنشني ولا كأني موجوده ليش ما يتكلم أووف
طلال يبيها أهي اللي تكلم مو أهو
أستملت الجوري من السكوت: طلال
طلال في نفسه وأخييرا بس سوى نفسه عاادي فرد بملل: نعم
الجوري: أنت ليش كذبت على أمي وقلت أن أبوك يبيك
طلال: كيفي وبمزاجي
الجوري: أبي أعرف
طلال بعصبيه: وشنو صفتك عشان تسأليني هالسؤال
الجوري: زوجتك
طلال بعصبيه وبأستهزاء: عيدي عيدي..بأي صفه زوجتي.. ههههاي ضحكتيني صراحه..وبصراخ.. أي زوجه هذي اللي تقول لزوجها هالكلام اللي سمعتيني أياه من أول ليله.. من أول ليله يالضالمه ..خليك ساكته أحسن لك..
الجوري على طول نزلوا دموعها لأنها على طوول تتأثر وتبكي.. طبعا طلال يسمع شهقاتها.. قلبه عوره عليها بس قال أهي دايم تعور قلبي خليني انا الحين أعور قلبها وكمل بصراخ: ما أبي أسمع حسك ساامعه
حاولت الجوري ما طالع صوت
وصلوا الكورنيش
عطاها طلال منديل تمسح فيه دموعها
طلال بهدوء: خذذي أمسحي دموعك..
مارضت تاخذه
طلال: خذي المنديل
أخذته من عنده ومسحت دموعها
طلال: يا لله أنزلي
نزلت الجوري وطلال وكانت الجوري تحاول تكون طبيعيه
فهد: هلااا يالنسيب
طلال: هلا والله
فهد وطلال جلسوا يتناقشون وحددوا مكان يجلسون فيه
جنان أنتبهت لوجه الجوري في آثار دموع قالت في نفسها الله يستر
جلسوا أربعتهم وكانت الجوري مو عاجبتها الجلسه أبدا
قاموا فهد وطلال يشترون أغراض من البقاله اللي كانت قريبه منهم
وضلوا جنان والجوري لحالهم
جنان: أيش فيك يالجوري
الجوري كانت محتاجه جنان مرره على طوول جلست تببكي
جنان قامت لها وضمتها لما هدت شوي: أيش فيك حبيبتي
الجوري حاولت تمسح دموعها: مضايقه حددي
جنان: من أيش؟
الجوري قالت في نفسها مابقول لها ما أبي أعور راسها بمشاكلي بكذب: تهاوشت مع فاطمه
جنان تدري أنها تكذب لأن لما كلمتها كانت عاديه ولا فيها شي ماحبت تضايقها أكثر: طيب أعتذري منها
الجوري: ما أقدر
جنان: ليش
الجوري: كذاا
جاوو طلال وفهد انتبهت جنان لهم من بعيد: هذا أهم جاو
الجوري: عطيني منديل
عطتها جنان ومسحت دموعها
فهد: اتأخرنا عليكم
جنان: لااا عادي
طلال: زوجك أشترا لك أونو قال أيش بلعب مع مرتي
فهد: اييه بلعب معها عندك مانع.. كان أشتريت ثانيه عشان تلعب مع مرتك
طلال: محنا أطفال مثلكم.. مو صح يالجوري
فهد: لا تقولين صح
الجوري: ما بجاوب
طلال: ترديني يا
فهد قاطعه: ترديني يا أختي
الجوري: تراكم طفشتوني
طلال: ليش طفشت الجوري
الجوري: اووف
فهد: اووف ولا اوون
فهد وطلال: هههههههههههه
الجوري: تدروا أنكم بايخين
جنان: صدقتي يالجوري
قامت الجوري وقامت جنان معها
فهد: تعالووا
طلال: وين
جنان: مالكم خص
مسكوا أيادي بعض وراحوا جهة الالعاب وركبوا كل وحده في مرجحانه وجلسوا يلعبون فيهاا
فهد: الحين قايمين عنا وراحوا يلعبون..
طلال: صج أنهم مايعرفون الأصول
فهد: أييه والله.. أجل يتركون أزواجهم وروحون يلعبون
طلال: صدقت
فهد: خلنا نقوم لهم
طلال: وليش
فهد: أندفهم
طلال: قم
قاموا طلال وفهد لهم وراحوا لهم من وراء ومسكوهم من المرجحانه ورفعوهم فووق وهم يصاارخون لأنهم ماشافوهم وتركوا المرجحانه
فهد: حسبي الله عليكم فضحتونا
طلال: اييه والله
جنان: خرعتونا مافي أحد معنا ماشفنا إلا أحد يرفعنا
الجوري: صدقت جنان وقفتوا قلبي
طلال بدون وعي: سلامة قلبك
الجوري خجلت أول مرره تسمعه يقول لها كلام حلوو وقالت في نفسها يعدل على نفسه
فهد: أوووه أووه وطلعت حريف في الحب وأنا مادري
طلال تفشل من وجود فهد بعدين سوه الموضوع إيززي: ما نجي نصك يا حريف أنت
فهد: علمتني الحريفه.. وأشر على جنان
جنان: شكلي وارثته من طلال..
طلال: هههههههه
فهد: كان قلتي أخذتيه مني
الكل: ههههههه
جنان: المره الجايه حبيبي
طلال: أوووه.. والله أني ورثت صح
الكل: ههههههههههه
رجعوا جلسوا
طلال: أنااا جوعاان مرره
الجوري طالعت فيه: ما تعشيت
طلال: لااا
حست بتأنيب الضمير بعدين قالت يستاهل لأنه صرخ علي
فهد: قووم روح مارينا مول أشتري لنا عشاء
طلال: ليش أنت ماتعشيت
فهد: لا
طلال: وجنان تبين؟
جنان: أييه.. أنا بعد ماتعشيت
طلال: والجوري
الجوري: تعشيت
طلال: صحيح ولا تكذبين
الجوري: ما أكذب صحيح
طلال: وأنت ومرتك من وين تبون
فهد: كودو
جنان: وأنا كانتون
طلال: وبعد وش تبون
جنان: ولا شي
قام طلال
فهد: قومي روحي مع زوجك
الجوري طالعت في طلال
طلال يبيها من الله هز راسه بمعنى قومي<<< مسوي نفسه ثقيل مايتكلم
قامت الجوري معه وراحوا
فهد: فضى الكورنيش
جنان: اييه مافي أحد تقريبا جنبنا مافي إلا ذيك العائله ..وأشرت على عائله بعيده
فهد: أييه..تدرين من زماان ما سولفت معك
جنان: سولف
فهد أبتسم: ما في بالي سالفه
جنان: تقول تبي تسولف
فهد: حياتي ممكن أسألك سؤال؟
جنان: اسأل
فهد: كم وزنك؟
جنان: هذا سؤالك
فهد: أييه
جنان: ليش تبي تعرف؟
فهد: أبي أعرف أنك ثقيله لو خفيفه
جنان: لاااا.. طبعا خفيفه
فهد: ايش يثبت لي..؟
جنان: أهم شي أني أحس نفسي خفيفه
فهد: قوليلي كم؟
جنان: مابقول
فهد: خلاص أنا بعرف
جنان: شلوون
قام فهد وجلس جنبها ورفعها من الأرض وجلسها في حضنه: وقال صحيح ما كذبتي أنتي خفيفه مرره مثل الريشه
جنان بخجل: فهد أنت مجنون
فهد برومانسيه: بحبك
جنان قامت من حضنه
فهد: لييش.. لسه أحنا حلوين
جنان: تدري أنك قليل أدب
فهد يقلد عليها: لاااا
جنان: لا تقلد ما يليق
فهد: خلاص ما بقلد بس تعالي أجلسي
جنان: لا
فهد: مابسوي لك شي
جنان: وإذا سويت
فهد: أنا أكذب
جنان: لااا
فهد: أجل تعالي أجلسي جنبي
جنان جلست جنبه وحط يده خلف الكرسي تبعها
'' الكراسي يحطونهم على الأرض يعني المكان اللي يجلسوا فيه ملاصق للأرض وفيه مسنده''
جنان: الحين أنت مو قلت ما بتسوي شي
فهد: وأنا أيش سويت بس حطيت يدي وراء كرسيك
جنان: يالبريء
فهد غمز لها: أعجبك
جنان ما طالع فيه طالع في البحر بعد سكوت: فهد..
فهد: عيونه
جنان: تدري أني أحبك..
فهد دار لها أول مرره تقوول له جنان هالكلمه من أنخطبوا كاان ينتظرها هالكلمه منها بس ماتوقع منها تقول له الحين وبهالوقت حط يده على كتفها وضمها له بحيث تسندت على صدره: وأنا أحبك وأعشقك أكثرر ياقلبي..
والله أحبك أحبك ويشهد الله علي
لما أشوفك ابتسم صدقني ماهو بيدي
لا حاسد يقدر يبعدنا أنا وانت لو شوي
يالله احفظ حبي لي يالله ربي ياقوي..
مافي غيره سكن روحي حبيبي وأنا أحبه..
لو قالوا أتمنى أتمنى عمري قربه...
.
.
في السياره كان السكووت سيد الموقف وصلوا مارينا وكان مرره زحمه بالويل حصلوا لهم موقف بعيد
طلال: أنزلي
نزلت الجوري معه وراحوا جهت المطاعم على طوول
طلال: تبين من أي مطعم..
الجوري: تعشيت
طلال: حتى ولوو كلنا ناكل وأنتي طالعين خذي لك أي شي من أي مطعم تبين وإذا ماتبين عشاء أخذي لك من سينابون أو دانكن أو باسكن
الجوري: طلال والله شبعانه..
طلال: مايمشي معي هالكلام
الجوري: أووكي رااح أخذ لي باسكن روبنز..
طلال: نطلب بالأول بعدين نروح ناخذ لك أيسكريم
طلب طلال من كودو وقالوا له ثلث ساعه ويجي يستلم وبعدين رااح كانتون وطلب له ولأخته وأخذ الطلبيه..
وبعدين رااح باسكن
طلال: تبين أي نوع؟
الجوري: توفي
طلال: تبين أيسكريم ولا ميلك شيك
الجوري: أيسكريم
طلال طلب لها توفي أكبر شي
الجوري: طلاال حق منو هذا كله
طلال: لك
الجوري: كبييير ما أقدر أحلصه
طلال: تبين أصغر
الجوري: طبعا
طلال: تبين أي حجم
أشرت له الجوري على المقاس اللي بعد الصغير
طلال: تمزحين أنتي هذا أنا أشتريه إلى خالد
الجوري: أنا ما أشتري ألا هذا
طلال: برااحتك
طلب طلال لها اللي تبي جات أهي اللي بتدفع
طلال خزها خزه خلاها تتراجع
بعد ماحاسب: وأنتي معي لوسمحتي أنسي حاجه عندك أسمها بوك فهمتي
الجوري: أنشاء الله
حاسبوا وطلعوا
وراحوا يجلسون وهم رايحين حس طلال بيد تمسكه من زنده داار ألا أهي الجوري: أيش فيك
الجوري: مادري حسيت بدوخه مره وحده وراحت
جلسوا على الطاولات ينتضروا الطلبيه تبع فهد
كانت الجوري تاكل وطالع في أيسكريمها بهدوء لأن تحس بنظرات طلال لها
مدت له الجوري الملعقه: تبي؟
طلال: لا شكرا.. صرتي أحسن
الجوري: أييه
طلال بعد فترة سكوت: الجوري..
الجوري: نعم
طلال بهدوء: آسف لأني صارخت عليك بالسياره
الجوري: أصلا أنا نسيت الموضوع لاتحط ببالك..
طلال: أكيد مازعلتي
الجوري: لا ما زعلت
طلال برتياح: أووكي أنا بقوم أشوف إذا خلصت الطلبيه ولا لا
الجوري: أووكي
راح طلال عنها وكانت مندمجه في الآيسكريم وطالع فييه
جا واحد وجلس معها في نفس الطاوله أهي لا شعوريا قامت من الطاوله
ليش قمتي
الجوري: صج أنك قليل أدب
:تصدقين صرتي أحلى لما عصبتي
الجوري تبي طلال يطلع لها من أي مكاان
سكتت عنه وضلت واقفه لأن على الطاوله شنطتها والأكيااس ولاتقدر تروح
جا طلال: أيش فيك واقفه
أشرت الجوري على الطاوله اللي كان جالس فيها وااحد
طلال: نعم
: مايصير أنت تجلس مع الغزال وأنا لا
طلال لاشعوريا مسكه من ثوبه وعطااه كف خلى الناس كلهم يطالعون فيهم
مسكته الجوري من يده: طلال خلاص ماعليك منه
هذاك من شااف الناس يطالعون طالع فيهم وهررب
طلال: سوى لك شي
الجوري: لااا أصلا بس أهو جلس أنا قمت
طلال برتياح: الحمد لله.. مشينا
الجوري: يا لله
أخذ الأكياس من على الطاوله ونزلوا للسياره وركبت الجوري وطلال كان يحط الأغراض في دبت السياره
الجوري من لقافتها فتحت هذا الدولاب الصغير اللي قدامهاا يكون.. <<< ما أدري أيش أسمه
وكان في أوراق كثييره من بين الأوراق تتوقعون أيش شافت
شافت صورتها وأهي صغيره ومكتووب كلام من ورى الصوره كثيير وموقع بأسم..طلال الجوري.. طبعا الجوري كان ودها تقرأ الكلاام المكتوب بس طلال صك دبت السياره أهي على طول رجعت الصوره وصكت الدولاب
ركب طلال السياره وشافها سرحانه: أيش فيك
الجوري: لا ..بس راسي يعورني شوي
طلال: تبين فيفادول
الجوري: معك
طلال: أييه معي
طلع لها طلال فيفادول من جيبه
وعطاها ماي من ثلاجة السياره طلال: تفضلي
كانت بتاخذ لها 2 بس طلال: خذي لك بس وحده
الجوري طاعته وأخذت بس وحده: شكرا
طلال حرك السياره: العفوو.. تبين ترجعين البيت ترتاحين الساعه صارت 1:30
الجوري: أييه بس جنان وفهد ينتظرونا
طلال: نودي لهم عشاهم ونرجع
الجوري: طيب وأنت ماتبي تجلس معهم
طلال: ما عليك مني أهم شي رااحتك
حست الجوري بحب طلال لها وقررت بينها وبين نفسها بتتغير مع طلال مو لازم تحبه بس أهم شي تحترمه وتعامله عددل
وصلوا الكورنيش طلال: أنا رااح أنزل لهم الأكل وبرجع ..بتنزلين..
الجوري: لااا حاسه بدوخه شويه
طلال: أجل أستريحي
رااح طلال لهم
طلال: سلاام
: وعليكم السلااام
فهد: وين الجوري
طلال: بالسياره حااسه بدوخه
جنان بخوف: خذها للمستشفى أنا حاسه أنها فيها شي..
طلال بخوف: تصدقين حتى أنا خايف عليها اليوم أكثر من مره داخت علي..
فهد: أجل بتوديها أنت ولا أنا أوديها
طلال: لااا أنا بوديها
فهد: طمنا عليها
طلال: أنشاء الله.. بااي
: باااي
ركب طلال السياره وحركها:كيفك
الجوري: أحسن
طلال: حبيبتي بوديك المستشفى عشان أطمن عليك
الجوري بتعب: ما أحتاج
طلال: عشان بس أطمن عليك
الجوري حست صحيح أنها تحتاج المستشفى غمضت عينها: أووكي
أتجه طلال لأقرب مستشفى
أنتهى البارت..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك