بارت جديد

رواية راحت روحي من محجر عيوني -10

رواية راحت روحي من محجر عيوني -10


رواية راحت روحي من محجر عيوني -10

وقفت عهود ابمكانها يوم سمعت صوت مايد من وراها ..

مايد"ابرود" كنت متوقع بترجعين لي حتى و لو طافت مده..

عهود" امنزله راسها حست بندم لانها يت هني.. مب قادره تجوف مايد ولا اتحط عينها بعيونه.. خايفه ان مشاعرها و احاسيسها..تحي مره ثانيه..

مايد:- شو مب رايمه اطالعيـــــــن ويهي..

حرجت عهود اتذكرت جذبه لها باي حق يتحكم بمشاعرها.. ضغطت ع عمرها و رفعت راسه اطالعه..

مايد"يمد ايده يسلم عليها" شحالج عهود و الله أيـااااااام..

رفعت عهود ايدها و صفعته صفعه قويه ..حتى مايد تم امبطل عيونه مب متوقع ردت فعلها..

عهود"ترتجف من داخلها" قصـــــــيت علي..؟؟

مايد"منحرج يطالع يمين و يسار وحاط ايده ع خده"

عهود:- لعبت بمشاعري ..خليتني اذل عمري و اصيح و اترجاك انك تخطبني بس طلعت خاطب من قبل..يا الخاين..

مايد: ياي اتصفين الحساب..
عهود: لاااااا ابا اعرف ليش قصيت علي تنتقم مني..

مسكها مايد من ذراعها.. و يرها برع المطعم.. وخذها صوب مكتبه..جافت مكتبين بس صاحب المكتب الثاني مب موجود..

مايد: قلتلج مب ترتاحين معاي..
عهود"شويه و بتصيح" عيل ليش غيري تقدر اتريحه و انا لاا..

مايد: انتي ما تفهمين و انا مب قادر اشرح لج ظروفي..
عهود"تطنز" شو عندك مرض غير القلب..

مايد"يتافففففف" مب وقته عهود خلاص عرفتي اني كنت اقص عليج..

عهود:- بس ما عرفت ليشششششش......؟؟
مايد"يهمس" ما توقعت علاقتي فيج جي بتكون نهايتها..

عهود: ولا انا ما اتوقعت انك بطرش ربيعك عشان يتقدم لي..

مايد: كنت ابا اريحج من ناصر..
عهود: مب ع كيفك تختار لي منوه بريحنـي ..للحين ما قلتلي ليش سويت جي..

حست عهود ان مايد متردد بس شويه و فتح درج المكتب .. وطلع منها جريده ..بطلت عهود عيونها..
عهود"اتخربطت في الرمسه" ها ها... حادث اخوي عبدالله.." واطالع مايد مب فاهمه شو السالفه" ..

شويه و مايد عطاها ورقه ..فتحتها باييد مرتجفه.. جافت ختم محكمة راس الخيمه.. و عليها تعويض مالي يدفعه مايد ديــــــــه بسبب تسببه بموت شخص فـ حادث سياره..

كانت الدموع تنزل من عيون عهود .. من غير ما اتحس بعمرها.. يعني مايد هو الي تسبب بموت عبدالله ..مستحييييييل لا مو معقوله كله جذب و خرابيط..

كانت عيونها امعلقه ع الورقه الي بايددها..
مايد: امج لو جافتني بتعرفني..خمس سنين وايد بس مستحيل تنسيج اخوج او حد من اهلج ينسونه..

عرفتي الحينه صعب اني ارتبط فيج..

قامت عهود من مكانها و جنها مخدره.. مب عارفه وين تاخذها ريولهااااااا..


دشت عهود حجرتها... و يلست اتصييييييييح حست حرقه في قلبها.. اشمعنى الانسان الي حبته طلع ..سبب فـ موت اخوها..

اشمعنى الانســـــــان الي ارتاحت معاه و اتمنى اتعيش معاه طول عمرها..طلع هو نفسه الشخص الي تسبب في تعاسه امها..

كرهت الدنيا و كرهت حياتها و كرهت الظروووف الي جمعتها بـ مايد..

مايد الي حبته و للحين اذا جافته..اتحس ان قلبها يطلع..من ضلوعها..ليش الدنيا قاسيه جي عليها..

ليش الدنيا دوووم اتفرق بينها و بين من اتحب...ليش دايما الظروف تفرض رايها عليها..
ليش و ليش..؟؟

تمت اتفكر لي ما رقدت.. قامت ع صوت الموبايل..
ردت بصوت ناعس:- الـووووو

سلطان:- انتي كل ما ادق لج اتكونين راقده صبح ولا مسى...

عهود"امبطله عيونها" منو سلطاااااان..؟؟
سلطان:- هي سلطان الي كان يتمنى يرتبط فيج بس انتي ودرتيه..

عهود: جوف ارمس زين ولا بصكر عنك ..نسيت اني معرسه..و ما يجوز ارمسك احينه..

سلطان:- اوكى اوكي بس بغيت اسالج عن عليااااا وينها كل ما ادق لها ما اترد حتى قوم اختي ما يردون..وينهم..

احتارت عهود شو اتقوله...
سلطان:- الـووووو ..
عهود:- نعم..
سلطان:- شو نعم.. وينها عليـاا لا يكون اخوج سـواا فيها شي و الله لادوسه في بطنه..

عهود: عليـااااا مع ناصر.. هي من جم يوم تشكى من موبايلها مافيه ارسال..

سلطاااااان:- انزين قومي عطيها موبايلج.. ابا ارمسها..

عهود: اووووه طالعه مع ريلهاااااا..
سلطان:- اعصابــــــــج يلاااااا باي يا يا حرمة سند..

صكر التلفون..طالعت عهود الموبايل جافت خمس مكالمات و كلها من سند..و الحينه افتكت من سلطان ياااااه دور سند شو اتقوله..جابلت مايد.. بجتلهاااا


طرشلها مسج.."وينج ما اتردين ما بتزورين علياا اليوم..""
كتبتله مسج"لا ما اقدر توني ناشه من الرقاد و تعبانه.."

امجرد ما صار تم التسليم..اتصل سند..
عهود"من غير نفس" الووووووو
سند: صباح الليل...؟؟وينج حبي ادقلج ما اتردين خفت عليج..

عهود"تبتسم" بتيي بيتنا ابا ارمسك فـ موضوع..

سند: ان شا الله من عيـوني..اصلا كنت ناوي ايي بس جفتج ما اتردين قلت اكيد مب متفيجه..

عهود: لا و الله بس كنت راقده..

سند: اممممم زوجتي كسوله..
عهود:- نصيبك عاد تحمل..

سند: "يضحك" اوكىىى حـبي خلاص بعد ساعه و نص بكون موجود عندج..

عهود: اترياك يلاا باي..

و قامت تتغسل.. و اتبدل ثيابها تتريا سنـد..
**

بعد ما شربوا العصير و تعشواااااااا ..فكرت عهود تفتح الموضوع لـ سند..
سند: اشفيج سرحانه جنج في عالم ثاني..

قامت عهود من مكانها و يلست حذال سنـد..
عهود:- احم ..خاطري اتعرف شو سويت انا اليووووووووووم؟؟

سند"يتطنز": ذبحتي ..ولا جتلتي..

عهود"بدلع" سنـــــــد ارمس جد..
سند: اوكى حبي سمعيني..عشان اقرصج من اذونج..
عهود: لااااا ما اباك تزعـل الله يخليك قدر موقفي..

سند"متشكك يوم جاف الحاح عهود" شو رمستي مع مايــــــد..؟؟

عهود"سكتت شويه" لاااا..جابلته...

سند:- نعم..شو قلتي..
عهود: الله يخليك اسمعنـي بالاول..
قام من مكانه..ناوي يطلع برع الميلس..عهود تمسك ايده: من حقك تسمعني اترجاااك سند..اعرف اني غلطانه..

سند"يقاطعها" بس عهود انا تعبت معاج من ملجنا ما جفت معاج الراحه يا اتكونين بعالم ثاني يا سرحانه يا مضايجه..و انا ما اتحمل هالشي..

عهود"اطالعه بنظره تتوسله": سنـــــــد..

بس سند طلع برع الميلس .. و صكر وراه باب الحوي..دشت عهود حجرتها..ما كانت اتعرف اذا هي غلطانه او استعيلت في صراحتها..

اتنهدت شو هالحيـــــــااة كله عذاب و هم و غم..
شويه و رن موبايلها جافت المتصل سند..فردت ابسرعه.

عهود"اتحس بالذنب" سنـــــد..

سند: ليش سرتي له..؟؟
عهود:عشان اعرف ليش قص عليه..

سند: ليش يهمج..وايد اتعرفي .. و انا ما فكرتي فيني ما سويتي لي اعتبار..

عهود"عضت ع شفايفها ..انا اسفه اعترفلك اني غلطانه..

سند: وبعـــــــــد..
عهود"شويه بتصيح" انا اسفه..

سند: اتعرفين يا عهود ان هالشي اثبت لي شي واحد انج للحين اتحبين مايد..

عهود ساكته ..سند صادق في كل كلمه بس هي الحينه زوجته و مايد ..ارتبط بالانسانه الي اختارها..

سند"يرمسسها" صح كلامي...؟؟ردي ابصراحه..ما ابا حياتي معاج اتكون جحيم..

عهود: مايد تزوج خـلاص...و انا الحينـ
سند"اول مره يصرخ عليها" سالتج سؤال ردي عليــــــــه للحين تحبين مايد هي ولا لاء..

عهود"كانت بتقوله انه اتحب سند عشان تنهي السالفه بس ما قدرت اتجذب.."

سند: حتى لو تزوجتج بعد بتم اشك فيج دام الحينه اتقابلتي معاه..

عهود:- ها جزاتي اني اعترفت لك..

سند:- يا سلالالالام عيل انا بسير احينه اواعد وحده و بيي باجر اخبرج و بقولج حبي عهود تراني البارحه كنت مواعد وحده..

عهود: سند انا تعبانه..
سند: و انا شو بلاني عهود قد مره سالتيني شو بلاني يا عهود..

عهود: خلاص اوعدك ما راح اكررها..
سند:- وعدتي قبل..و شو سويتي ..

سكتت عهود خلاص حست ان الابواب متصكره بويهاا..

سند: لاخر مره اسالج للحيـــــن تحبينه عهود...؟؟

عهود" منفعله" هي للحيـــــن احبه و بتم احبه طول عمري زين جي ارتحت..

تم سند ساكت..فتره قصيره..
عهود"متندمه" سنــــــــد..

سند:- انتي طالق عهود..روحي للي اتحبينه..

وصكر التلفون..بويها



في الجزء الياي..

**
سعاد: حبي بعد شهر بكون خطيبتك شو تبا اكثـــــــر..
**
سلطان "يرمس جمال بالتلفون" جمال دخيلك ابا اعرف اخبار اختي و بنتها مب رايم اوصل لهاا..
**
مايد "منفعل" ليش سويت جي انا مب قايلنك انا و عهود مستحيل نرتبط فـ بعض..


الجزء الحادي عشر


سعاد: ليش ما اتزور زوجتك..؟؟
ناصر: ممنوعه عني الزياره...؟؟
سعاد: كنت اتحبها..
ناصر: انا احبج انتي ابا اتزوجج.

سعاد: باجر بسافر و برد بعد شهر و بكون عندك..

ناصر:- صدقيني محتاج لـــــج وايــــــد.. صح ان عليا حرمتيه..بس الله كاتب و صار الي صار.. و الي في بطنها ..مقدر عليه و بيطييح لان عليا جسمها ضعيف ما تتحمل الحمل..

سعاد: الله يعينك حبي..بس مستحيل اتزوجك و انت ع ذمتها ما يصير اهلي ما بيرضون..

ناصر:- من حقج حبـــــي..حتى انا اجوف من حقي اعيش حياتي عليا ما اتييب عيال...و البركه فيج..و بعدين الفتره الاخيره صارت مشاكل بينا.. بس ان شا الله اوعدج يوم بتقوم بالسلامـه بعطيها ورقتها..

سعـاد:- يمكن للحين اتحبك..

ناصر"يتنهد" لو اتحبني ما كانوا منعوا زيارتي لهاا لانها تتعب وايد اذا جافتني..

سعاد: الله يعينك حبي..

ناصر: لا اتسافرين ابليز
سعاد: امايه امصره الا اسافر ما يهمك شهر و الايام اتمر ابسرعه صدقنـي..

ناصر:يعني اودعج ..
سعاد: حبي بعد شهر بكون خطيبتك شو تبا اكثـــــــر..

ناصر يبتسم و يحس ان يعيش حياته من يديد..


حضنت عهود موبايلها و يلست اتصيح ما توقعت ان سند ..جي بسوي فيها بس معاه الحـق..

هي غلطانه بس هو استفزها خلاص صارت مطلقه..يلست تمسح ادموعها.. قامت و شغلت الكمبيوتر..فتحت صفحة الهوتميل و يلست اطرش ايميلات لـ مــــــــايد..

ملت من العذاب و ملت من البكااااا و ملت من كل شي..ع الاقل الايميلات بتريحها شويه..بتفضفض كل الي في داخلها..

مر اسبوع .. وعهود مستغربه ليش سند ما ياب ورقه طلاقها..و هي للحين ما خبرت امها و شكله بعد ناصر ما يعرف السالفه..

حست عهود ان حياتها رجعت شرات قبل..لا تلتقى بـ مايد.. كانت مكتفيه بالايميلات..ردت الجامعه..و عرفت ان سعاد وقفت و سافرت قطر عند اهل امها من اسبوع..

كل شي بحياتها رد شرات قبل الا عليا..كانت تفتقدها..

و للحين حالها مثل اول..الله يعينها..وسند ما فكر يتصل بها او حتى يطرش لها مسج..

سلطان للحين في الخارج.. عايش بين نارين ..يفكر بـ عليا..و بـ حياة عهود يبا هالانسانه له ..بس راحت فـ نصيبها..فكر انه ينزل الامارات..

بس ما قدر ..قالوا له يمكن بعد شهرين لكن الحين مستحيل..

و جمال..عايش حياته..شرات قبل بس شل من باله عهود..و رضى بالواقع انه مستحيل اتكون له..و كانت اتصالات بينه و بين سلطان..

و ناصر يتريــــــــاا سعاد اترد من السفر.. كان كل يوم يكلمهااا.. و تقريبا نسى وجود عليااااااا.. بس كان يسال امه او عهود عن اخبارها..

**
و في دبي و داخل مستشفى الامراض النفسيه..دش د.فهد ..و جاف عليااااا اطالع السقف..
د.فهد: شحالج عليا تسمعيني..
عليا جنها سرحانه اطالع بس السقف..للحين متاثره بالصدمه..

ام عليا:- "تصيح" دكتور بنتي خلاص ما منها فايده..

د.فهد:- افا عليج امايه..

ام عليا"تصيح" صار لها زمان جي حالتها و انتوا ما اتسون لها غير هالمغدي..

د.فهد: هدي يا الطيبه.. و اوعدج عليا بتكون.. احسن عن قبل..بس ممكن اتخليني ارمسها شويه..

ام عليا: الله يهداك اترمس منو ولا جنها موجوده فـ الدنيـاا

د.فهد: بليز ممكن تترين برع ..شويه..

ام عليا: ان شا الله..
اتريا د.فهد ..لي ما طلعت ام عليااااا..

فهد"يطالع عليا" حرام بنت بها الحلا و جي حياتج..و صج ريلج مب ريال..

فهد"مسك ايدها و حطها ع بطنها وتكلم شويه شويه..": ..عليا هني كان ولدج تذكرين..

حركت عليا اصابعها..استانس فهد..رجع يرمسها.
فهد" مسك الايد الثانيه وحطها ع بطنها" تذكريـــــن ولدج الي ما ياه من سنيـن..

نزلت دموع من علياااااااا..و تابع فهد كلامه..

د.فهد"يرمس بصوت واطي":- ترا رجعنا و سوينا لج تحاليل.. و عرفنا انج اترومين اتيبييييين عيال..و الدكتوره الي قالت لج ما بتيبين تراها طلعت غلطانه..

تمت عليا اتصيح..بدون صووووووت .. طلب الدكتور من الممرضه تضربها ابره مهدئه..

و طلع من الغرفه..جاف ام عليا يالسه برع..
د.فهد:- ما قلتلج بتكون احسن..
ام عليا:- شو صــــــــار نطقت..

فهد"يبتسم" حركت ايدها و بعد يلست اتصيح يعني تسمعنا و اتحس فينـا .. الحينه كل الي اباه منج.. اذا صحت من النوم .. لا اترمسينها عن اشيا اضايجها.. و خاصه ريلها..

ام عليا:- يعني ما اضايجهاا ..

فهد:- تمااااااام..
ام عليا: فالك طيب مشكور يا دختور.."ودشت الحجرة"

**
ناصر:- خير يا ريال بغيتني ضروري..

سند"يعطيه الورقه" اسمحلي يا ريال..الظاهر ماشي نصيب و هاي ورقه الطلاق..

ناصر:"مصدوم" شو السالفه يا ريال..اختي قالت لك شي..

سند"مضايج": السموحه فتره الملجه كانت كافيه..و عرفنا إنا ما اناسب بعض..

ناصر:- خلنا نتفاهم يا ريال..

سند"يركب السياره و يشغل" كل شي قسمه و نصيب..

دش ناصر البيت محرج..جاف عهود و امها يالسين يطالعن التلفزيون..

ام ناصر"مستانسه": يمه عليا و الحمدلله صار حالها احسن..

ناصر: و الله اتكلمت قالت شي..؟؟

ام ناصر:- و الله ما ادري بس قالوا صار حالها احسن ان شا الله العصر بنزورها بتيي..

ناصر: تراني ممنوع من زيارتها الا اذا طلب مني الدكتور..ع العموم ها مب موضوعنا.."يطالع عهود" شو صاير بينج و بين ريلج..

عهود"من غير ما اطالعه": ما صار شي..

ناصر"يصرخ عليها" ارمسي زين معاي .. اسالج شو صار بينكم..

عهود: ما تفاهمنا..
ام ناصر: خير شو صاير يمه..

ناصر: امايه ترا هاي ورقه طلاق عهووووووود الريال عايفنها..

عهود"متفاجاه" ورقة طلاقي..

ناصر: هي ورقه طلاقج..ابا اعرف شو صار بينكم..

ام ناصر"مصدومه و اتصيح" ليش يمه ليش..

عهود"منفعله" اوووووه انا تعبت بسكم ان شا الله اموت و الحق عبدالله اخوي تعبت من هالعيشه..

سارت و دخلت حجرتها..و قفلت عليها الباب..

**
سلطان "يرمس جمال بالتلفون" جمال دخيلك ابا اعرف اخبار اختي و بنتها مب رايم اوصل لهاا..
جمال"ياكل تفاح" اتصل بريل بنت اختك..

سلطان: هالسبال ما ايرد علي حرقت تلفونه.."يعصب" ياخي بسك اكل قوووووم اطالع اخبار اهلي..و رد عليه خبر..

جمال: لو صار شي شو بتيي باول طياره..


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -