رواية شهد الفهد -12


رواية شهد الفهد -12

رواية شهد الفهد -12

فهد سمع اسم شهد وقف قلبه شفيها حبيبته:فارس فارس تكلم شفيك وشفيها شهد؟؟؟

فارس والصدمه بعيونها والانهيار الي صابه والدموع تنزل:شهد شهد يافهد
فهد:شفيها شهد اقلقتنا؟؟
فارس وهو يكتم صرخاته:فيها فيها.......فيها سرطان
فهد شهق ومسك يده على فمه:س ...سرطان .......(وطاح مغمي عليه)
والباقين مهم مستوبعين السالفه محمد وعلي تداركوا وشالوا فهد وودوه جناحه وبدوا يصحونه

نواف:فارس اهدا وقولنا السالفه
فارس بين شهقاته:شهـ...شهد اختي فيها سرطان(ورجع يصرخ ويبكي)
سالم:طيب شلون فهمنا؟؟
فارس خبرهم بدموعه عن مرض شهد وانهم لما راحوا لندن راحوا يسون لها تحاليل والحين طلعت وتبين ان فيها سرطان
نواف وسالم والدموعه مليانه عيونهم:لاحول ولا قوة الا بالله
فارس:نواف سالم لو صار لشهد شي اروح فيها.......... شهد اكثر من اخت بالنسبه لي ......شهد الاخت والصديقه والقلب الحنون شلون بعيش من غيرها......مااتحمل
نواف:انشاءالله مافيها الا العافيه يلا قوم وغسل وجهك وصلي وارتاح
فارس وتذكر فهد:وفهد وينه؟؟
سالم:علي ومحمد خذوه جناحه علشان يصحونه ويخلونه يرتاح
فارس ورجع لدموعه:ياويلي عليك ياشهد الحين شقولها ؟؟؟؟اكيد بتسألني عن نتيجه التحاليل وباقي العيله شلون بقلوهم؟؟؟
نواف وهو ماسك نفسه قدام فارس ولا هو من داخل يتقطع علشان بنت عمه واخته:قوم يصير خير ذاك الوقت

عند البنات
ساره وفرس شافوا محمد وعلي يشيلون فهد وهو مغمي عليه وسالوهم وما ردوا عليهم فراحوا يسالون باقي الشباب واسمعوا الي قاله فارس عن شهد
فرس وهي خلاص منهاره:شهـــــــــــــــــــــــــــــــــــــــــ ــد لااااااااااااااااا مستحيل.....
دخلت على قسم عيال عمها وهي منفكه شيلتها وطاحت على ذراعينها
ووقفت جنب فارس وهي تصارخ:فارس فارس بليز الله يخليك قول غير هالكلام....فارس شهد مافيها شي صح......بس هي تحتاج لدواها صح.......ليش ساكت رد ....."وهي تهز فارس من يدينه"رد قول شهد مافيها شي؟؟
اما فارس كانت تزداد دموعه كلما زاد كلام فرس يدري ان شهد غالي واجد عند فرس مثل ماهي غاليه عند الكل

نواف مسك فرس ورفع شيلتها على شعرها
نواف ودمعه خانته ونزلت من كلام اخته:فرس قومي يالغاليه
فرس وهي تصيح وصوتها راح من الصراخ والصياح:نواف الله يخليك قوله يقول شهد مافيها شي.....نواف قول شهد مافيها سرطان انا ادري انها بخير.....انتوا تسون فينا مقلب صح؟؟؟......قول الله يوفقك انه مقلب ولله بسامحكم بس قولوا انه مو صدق......(وحضنت اخوها بقوه وتمت تصيح بحظنه)

ساره من جهه نزلت على الارض وهي مكتفه ايدينها ودموعها انهار وتتعذب كل ماسمعت كلام فرس

الحريم سمعوا صراخ فرس الي من قسم الاولاد وجوا ركض يعرفون شفيها
فرس وشافت امها وام فارس
ام نواف:يمه فرس شفيك؟؟
فرس راحت ارتمت في حضن امها وهي تبكي:يمه يمه شهد يايمه شهد
ام فارس صفقت على راسها:شهـــــــــــد شفيها يافرس؟
ام فارس شافت وجه ولدها فارس شلون احمر من كثر البكاء وفرس شلون شكلها وهي تصارخ وتبكي اكيد شهد فيها شي كبير
ام فارس نزلت دموعها وراحت لفارس:يمه فارس شفيها بنتي؟؟؟؟....شفيها اختك شهد يايمه؟؟
فارس خلاص مهو متحمل نزلت دموعه وحضن امه:يمه شهد......يمه شهد فيها سرطان
ام فارس شهقت:لا لا يافارس لا تقول هالكلام؟؟؟؟.......منو قالك هالكلام؟؟....بنتي شهد مافيها شي هذا هي قدامي بصحه وعافيه ليش تقولون هالكلام
فارس ماتحمل سكت وقعد يبكي سالم ونواف شلوه وودوه غرفته وكل واحد فيهم بحاله الله العالم فيها
والحريم من درن بدوا يبكون والي منهاره والي تحضن ام فارس وتبكي معاها وانتشر الخبر والعمام كلهم عرفوا بالموضوع

(باقي شخصين ماعرفوا بالموضوع الي هم شهد وفراس اخوها الصغير وفهد الي في حاله اغماء للحين ماصحى منها وماندري شرح يسوي لما يصحى)

شهد وفراس كانوا يتمشون برى على البحر وفراس يحب شهد واجد وشهد بعد تحبه لانهم على راس وطول طفولتهم دايم مع بعض فراس دايم ورى شهد وشهد دايم فراس بعيونها

فراس:مو كان في صراخ من المزرعه
شهد:أي ولله كاني سمعت صوت فرس تصارخ.....عسى مافيهم شي بس؟؟
فراس:خلينا نروح نشوف.....
شهد:يلاااا.........(وراحوا بخطوات سريعه)

ووصلوا المزرعه ودخلوا عليهم الصاله الرئيسيه وشافت الحريم حالتهم حاله وفرس ذابحه نفسها من الصياح والريم وساره مو احسن منها
شهد بخوف:شفيكم شصاير؟؟
فرس شافت شهد راحت تركض تضمها:فديتك ياشهد فديت ريحتك يالغاليه
شهد:فرس شوي شوي وفهموني شصاير؟؟ احد فيه شي؟؟ابوي فيه شي
فرس خلاص وهي مو قادره تتماسك:لا تتركيني يالغاليه
وجوا بعدها بنات عمها وحضنوها وهي خايفه وجوههم تبين كان احد عندهم ميت وبعدها دخلوا ولاد عمها وكان معاهم فارس وشافته حالته
شهد خلاص قلبها بيوقف:فارس قولي شصاير شفيكم؟؟
فارس قرب من اخته وبنات عمها ابتدعوا عنها وضمها لصدره:شهد شهـ....ــد اليوم اليوم طلعت نتيجة تحاليلك
شهد بلعت ريقها وعلىطول مر على بالها الحلم الي شافته:وش النتيجه؟؟؟
فارس قوى نفسه هي لازم تعرف:شهد شهد انتي ......انتي
شهد ببرود:فارس خلصني؟؟
فارس وخانقته العبره:فيك سرطان
شهد قدام صدمه بالرغم انها كانت مهياه نفسها على ان ممكن يصيبها سرطان استقوت بالله: الحمدلله على كل حال
الكل استغرب منها واولهم فرس وفارس
شهد وهي تبلع غصتها وتكابر علشان اهلها:لا تطالعوني باستغراب هذا قدر الله وانا راضيه فيه والحين هذا الي ذابحكم وجالسين تبكون عليه

اما فراس ففي صدمه اخر كلمه سمعها هي"فيك سرطان" وباقي الكلام ماسمعه
فراس ودموعه:لاااااااااااااااااا مستحيل ...........(وطلع من المزرعه وهو منهار)
شهد بخوف على اخوها:فارس الحق عليه
فارس مصدوم من كلام شهد:.....
شهد بعصبيه ممزوجه بخوف:فاااااارس الحق على فراس اخاف يصير فيه شي
فارس على طول استوعب كلام اخته ولحق اخوه

اما ام فارس من شافت بنتها وهي ضامتها بحضنها وتبكي وشهد نزلت دموعها الي حابستهم علشان اهلها ماتبي تضعف قدامهم علشان لاينهارون اكثر وبنات عمها تحاوطوا عليها وهي جلست معهم وهم يبكون عليها

في السعوديه


انتشر الخبر الين وصل لين السعوديه وعرف ابوها الخبر وانصدم وبكى على بنته دلوعته الصغيره الي دوم رافعه راسه وعمرها ماعصت له امر وكل الي كان يقوله"لا حول ولا قوة الا بالله العلي العظيم"

وخواتها ماكانوا احسن حال من بنات عمها وباقي عيلتها البدور انغمى عليها وودوها المستشفى والعنود كانت حامل وضعفت حالتها اكثر

من جهه ثانيه في المـــــــــــــــــزرعه
كانت الاوضاع في منتهى السوء المكان كئيب وماله روح

في الطابق الثاني "جناح فهد"
كان واقف على البحر ويناظر امواجه ترتفع وتنزل وتلامس رجلينه ودموعه على خده حس بيد ناعمه دافيه تلمس كتفه لف يلتفت منو هاذي؟؟
كل الي شافه نور من وجه البنت وبنت من حلاها كانها من الحور العين تناظره وهي مبتسمه
البنت:تحبها يافهد؟؟
فهد:احبها وماابيها تروح عني
البنت:مرح تروح منك بس انت اهتم فيها زين وخلك قوي قدامها واذا مااهتميت فيها وبكيت باخذها منك فاهم؟؟
فهد:لالالالا لا تاخذيها مني انا احبها ومستحيل اتركها لو تركتها اموت
البنت:خلك عند وعدك يافهد
وظلت هالكلمه تتردد في راس فهد"خلك عند وعدك يافهد"

قطب حواجبه وفتح عينه بصعوبه
محمد انتبه له الي كان معاه في الجناح:سلامتك سلامتك يابوفيصل
فهد بتعب:محمد ابي ماي
محمد:من عيوني ماطلبت.......(وجاب له ماي وشرب)
فهد تذكر شهد الي ماغابت عن باله وتذكر الحلم الي شافها والبنت الجميله نزلت دمعه ساخنه من عينه
فهد:ابي اطلع يامحمد مو قادر استحمل
محمد يعرف ان فهد يحب شهد وشكله كاسر خاطره:بس انت تعبان يابو فيصل
فهد والي دمعه تحولت انهار من الدموع:مو قادر استحمل......... انا اشم ريحتها يامحمد هنا احس بطيفها وبعيونها .......مالي قوه اناظر بعينها بنهار قدامها ......اموت ولا اشوفها تتعذب
محمد نزلت دمعته الي حابسنها من اول ماعرف عن شهد:تامر يالغالي قوم معاي
فهد تماسك وتذكر البنت ونزلوا تحت وقربوا من الصاله الرئيسيه وسمعوا صوت شهد وهي تهدي بنات عمها وامها وحريم اعمامها
فهد وقف قلبه:محمد ماقدر اسمع صوتها يعذبني
محمد ويكابر على عينه وقلبه لا تنزل دموعه قدام فهد:يلا خل نطلع علشان ترتاح
ومشوا بخطوات ثقيله الين ماطلعوا من لامزرعه
فهد:بو نايف خلني بحالي
محمد:مجنون يافهد اخليك بحالك وانت كذا لا ولله ماتركتك
فهد:وغلاتي تتركني اذا احتجتك بدق عليك
محمد وهو كاسر خاطره:بس يابو فيصل
فهد:قل تم وخلني بحالي
محمد:تم بس لو احتجت شي تدق على طول
فهد ودموعها نزلت:انشاءالله

محمد لف وجهه عن فهد واطلق العنان لدموعه انها تنساب على خده يبكي على بنت عمه ويبكي على ولد عمه واخوه وصديقه ورفيق دربه

فهد وصل للمكان الي متعود اذا ضاق يجيه وتذكر الليله الي طافت انه كان واقف هنا ومعاه شهد وهي تلقي له القصيد وتسولف وتضحك وبدا يبكي بكى اطفال على حب حياته الي لما لقاه بيضيع منه
فهد وهو يشهق:ليش ليش لما عرفت الحب وذقت حلاوته تروح ليش؟؟؟..........ياربي ليه خليتني التقي فيها اذا هي بتروح وتبعد عني ماعدت اقدر استحمل افراقها دقيقه شلوت بستحمل بعدها........(وبدت ذكرياته مع شهد تسبح في خياله)
تذكر الموقف الي صابهم جنب بيت فرس

فهد:اسف اختي ماقصدي مانتبهت
شهد وهي طالع الولد مهي قادره تشيل عيونها من حلاته
فهد:اسف اختي الحين اجمع اغراضك
شهد:لاعادي اخوي حصل خير
فهد:تبيني احملهم لك لين المكان اعتذار مني
شهد:لامشكور البيت قريب
فهد:على راحتك اختي طيب السموحه مره ثانيه

وبكى على هالذكرى وبعدها تذكر لقاهم في المجمع وفي المطار والخاطره ولما وصلوا وشلون عرف انها بنت عمه كل هالذكريات بكى عليها فهد وتحسر عليها
ظل يفكر في ملامحها لما كانت بتروح لندن الصباح شلون كانت فاتنه وضحكتها الي تذبح قلب فهد وسوالفهم على الفطور وتمنى في قلبه يرجع لحظه لذيك الايام ويقولها يادنيا وقفي عندها

شهد عرفت بموضوع الحفله وامبسطت من بين احزانها الي في قلبها وحلفت انهم تخليهم يسوونها والكل عارض بس شهد عنيده وقالت بتلقى طريقه تخليهم يسوونها غصبا عليهم لا نها تبي ذكرى اخيرها تطبعها في عقلها تجمعها مع الناس الي تحبهم وهم يحبوها

المغـــــــــــرب
الكل كانت تمر عليه الدقايق كانها ساعات والساعات كانها ايام والكل اتجه لغرفته علشان يصلي وي\عوا ربه انه يرحم شهد برحمته ويشافيها من مرضها في طرفه عين

شهد اختلت في غرفتها واطلقت العنان لقلبها اول وبعدين عينها الانهمار بالدموع
شهد بين غصاتها:اااااااااه.......معقوله فيني سرطان......صحيح انا كنت متوقعه انه يصيبني بس ماضنيت القصه بتصير حقيقه......ويلي عليكم ياهلي وفكرت بفهد.......اااااه يافهد وينك محتاجه لك ابيك جنبي القى في عيونك دفى الغالي احسك تشبهه في كل شي في ضحكتك في شكلك في كلامك اشوفه قدامي لسه مامات لانك تحيي روحه فيك...(فجاه لقت نفسها تقول)........ احبك يافهد وربي يشهد علي

شهد صحت احبك يافهد:ااااه ماقلتها من بعد خالد لاحد وجيت انت يافهد تنسيني حتى خالد الي 9سنين محد قدر ينسيني اياه....(تذكرت الحلم وابتسمت).......عرفتك مهمتك يالغالي

ومسحت دموعها وصلت ودعت رب العالمين انه يقويها على هالمرض وقدر تقتله ويخلي لها اهلها ومايفرقها عنهم ولا يخليهم يفترقون

طلعت الصاله وشافتها فارغه وعرفت ان كلهم في غرفهم ومايبون يطلعون ومن اصلا له خاطر يطلع بعد هالخبر

شهد نست احزانها وهي مايهما حزنها كثر ماتحب تشوف اهلها يحزنون طرت في بالها فكره جهنميه وبتسمت ابتسامه شيطانيه
شهد تبتسم بخبث:ماعرفووووووووووووني انا شهد العنيده ومحد يكسر كلمتي حتى السرطان مايقوى علي اوريهم
وفجأه وبصوت عالي اشبه بالصراااااااخ
شهد:هييييي

وش هي الفكره الجهنميه الي طرت على بال شهد؟؟
وشلون بتطلع اهلها من حزنهم عليها؟؟
ومن وين لها هاالقوه المستمدتنها؟؟
وفهد شرح يكون حاله من دون شهد؟؟ وهل شهد بتصارحه بحبها له قبل فوات الاوان؟؟

احداث حاسمه في الجزء القادم

وانشــــــــــــــــاءالله يعجـــــــــــب الجميع

**الجزء 26**

شهد نست احزانها وهي مايهما حزنها كثر ماتحب تشوف اهلها يحزنون طرت في بالها فكره جهنميه وبتسمت ابتسامه شيطانيه
شهد تبتسم بخبث:ماعرفووووووووووووني انا شهد العنيده ومحد يكسر كلمتي حتى السرطان مايقوى علي اوريهم
وفجأه وبصوت عالي اشبه بالصراااااااخ
شهد:هيييييييييييييييييييي.....بموووووووووووووت لحقوووووووا علي
الكل سمع صراخ شهد وطلعوا مفزوعين عليها لقوها واقفه ومتكشخه اخر كشخه ومبتسمه ابتسامه عريضه
شهد:مساءالخير My Family
ام فارس وهي مفزوعه:شفيك يمه شهد؟؟
شهد:مافيني شي ...(وتاشر على حلقها)حشى المتوا حلقي من الصراخ ماتسمعون
محمد ابتسم غصبا عنه:ههه
شهد انتبهت لمحمد:اييييييه شعليك اضحك مو حلقك الي يالمك لما تتعب احبالي الصوتيه انت السبب
محمد عرف ان شهد تكابر وحب يساعدها:ولله انتي الي تصارخين محد غصبك
شهد عرفت ان محمد فهم المقصد:وانت ماتصدق على الله
والباقين مستغربين منهم هالاثنين
فرس تكلمت وهي عينها متورمه من كثر البكى:احم احم شهد كأنك طيحتي الميانه شوي تراني موجوده
شهد ضحكت:احلى احلى اشتغلت الغيرة.......غيرة الحريم
محمد كمل معاهم:حرمتي وتغار علي شمضايقك؟؟
شهد:من قال هي حرمتك لما تطلع معاك بالتابعيه ذاك الوقت قول حرمتي
الكل ضحك من رد شهد:ههههههههههه
علي حب يعطي جو اكثر:يه يه ابو نايف مو بس انت الي تبي تتزوج حتى انا
شهد:هييييي انتوا خلاص علبالكم جايبتكم علشان اصير خطابه.....انا بس بخطب لفارس وفراس ومحمد وعلي وسالم ونواف واممم ومنو بعد ............ايييي فهد بس ذولا قليلين صح؟؟
الكل:ههههههه
نواف:أي أي قليلين....... صدقتي يا بنت العم
شهد:افا عليك اعجبك

وجلسوا فتره يسولفون ونسوا شوي الهم وشافوا السعاده في وجه شهد وماحبوا يخربون عليها
ساره:شهووووده شهالحلاه؟؟
شهد وقفت ودارت حول نفسها:شرايك؟؟
ام فهد الي اعجبها اصرار شهد:قمر بسم الله عليك
شهد احتمرت:من ذوقك خالتي
فرس:بصراحه اليوم صايره عروس بالابيض وانا............(سكتت لانها لابسه اسود)
شهد:أي صح تذكرت الساعه كم الحين؟؟
الريم شافت جوالها:7 ونص
شهد:اشوه يعني ماتاخرنا المهم علــ.....(وتذكرت الحفله واكيد بنات عمها ماقالوا لاهلها انها حفله عيد ميلاد وانها عزيمه )
فرس:شتذكرتي؟؟
شهد وتحط صبعها على دماغها:بالصدفه وبواسطه عقلي الكبير استنتجت انكم مسوين عزيمه ولا قلتوا لي والحين اجلتوها بسبتي فعقابا لكم انكم ماقلتوا لي بتحضرونها
ام فارس:اجنيتي يايمه نحضر حفله وانتي.....
شهد قاطعتها:يمه انا مافيني شي وبتحضرون الحفله يعني بتحضرون الحفله وهذا اخر كلام عندي ....(وقفت) ولي لي صدق غلاه في قلبه بيحضر وانا بنتظر برى في المجلس الي ورى المسبح بشوف كم شخص لي غلا في قلبه؟؟؟؟؟؟
فارس الي كان يسمع كلامها ويتقطع قلبه على اخته:شهد محد له خاطر يالغاليه
شهد التفت على اولاد عمها الي كانوا جالسيين جنب بعض:فارس اذا لي خاطر بتجون وهذا الكلام لكم كلكم ........(التفت لبنات عمها وحريم عمها) ادري انكم تحسون اني اطلب الكثير بس ابيكم جنبي واتمنى منكم خالاتي وبنات عمي انكم تشلحون الاسود وتلبسون الالوان غيره لانه يجيبلي الكآبه اذا لي خاطر عندكم وهذا اخر كلام عندي

وطلعت عنهم قبل لا تسمع ردهم او تسمح لهم انهم يرفضون
الكل بدا يناظر بعض ينتظر كلمه من الثاني
الين ساره كسرت حاجز الصمت
ساره وهي واقفه:الريم فرس يلا علشان نبدل ونتجهز علشان الحفله
فرس والريم يناظرون ساره....!!!
ساره:لازم نكون اقوياء علشان نقوي شهد لانها تسمتد قوتها منا وحنا نسمتد قوتنا منها
فرس والريم وقفوا:يلا

والحريم بدوا يناظرون بعض
ام سالم:صح كلام ساره لازم مانزعل ونضايق شهد بحزنا ونساعده مو نبين ان اهلها ضعيفين هي محتاجه لنا
والحريم قاموا ومسكوا معاهم ام فارس وشلوها

والاولاد قاموا علشان يتروشون ويبدلون ملابسهم ويرحون الحفله الي المفروض تكون احلى الذكريات لهم بس الظاهر انها تحمل لهم ذكريات مؤلمه بالجميل فيها والسيء

شهد كانت ورى الباب الرئيسي وسمعت كلام ساره وكلام خالتها ام سالم
شهد نزلت دموعها:الله لا يحرمني منكم......انا منكم استمد قوتي وشجاعتي وعلشانكم بهزم كل شي حتى لو كان مرضي وجسدي وحتى قلبي ونفسي.........قلبي قلبي(تذكرت فهد) اااااااه يافهد شلون حالك بعد ماعرفت تاثرت ولا لا ؟؟؟وينك؟؟؟.......وين دارك ووين ارضك؟؟؟


في الجانب الاخر من المزرعه
قلب يتجرع الالم ويسقى من العذاب وينبض بروح ميته وجسد اعلن استسلامه
فهد ودموع جفت من عينيه:يارب انك ترحمها برحمتك.........وتشافيها شفاء عاجلاً كلمح البصر او هو اقرب من ذلك

ظل يعاتب نفسه ويلومها.........يكذب قلبه ويقول انت تخاف عليها لانها بنت عمك مو علشان انك تحبها......ويصدق عقله انه يقول انت من دون طيف عينها رماد
لما يغمض عيونه يلقى نور وجهها يضيء الظلام....ولما يفتحها يلقى رسمة عيونها في السما.....وضحكتها العذبه البريئه في موجات البحر
فهد:ليش افقد كل شخص احبه؟؟...........بديت احس اني وجه نحس.....من احب شخص افقده ولما حبيت اجمل بنات العالم تروح بكل بساطه من ايديني ......(في لحظه تذكر قصيدها) وظل يكتبه على الرمل لانه حفظ كل حرف منه وحس ان كل كلمه كانت متوجهه له مو مثل ماكان يفكر انها لشخص مجهول بالنسبة له وغالي عند شهد

ماذا تريد ايها الوسيم
انا فتاة عربية اصيله
عشقت رجلا عربي الاصل
صامت بكل غموض صريح بكل جرأه
ناعم اليدين وحسن الصوت
احببتك بكل مافيّ

صادفتك فجأه في طريقي
فكنت عقبه غيرت مجرى حياتي
اصبحت رؤيتي لك مثل الدواء
ان اخذته بانتظام شفيت
وان تركته تعبت
وان اخذته بكثره مت بسببه

كنت ما تتمناه كل فتاه
فارس احلام البنات
وسارق قلبي وتركت لي منه الفتات

ارجع واعد لي قلبي
وعدني بحبك الازلي
وكتب رد على كلامها:

اليك يا اغلى الغاليات
تخليت عن الباقيات
من اجلكِ انتي لم اعد ارى سواكِ من بين الجميلات

دموعي من بعد ان علمت
انكِ راحلة لدرب اخر
بدأت بالانهمار
جفت وانتهت قبل ان تصنع منها بحار

حبكِ كمجرى الدم في جسدي
وعشقكِ كالنار تحرق قلبي
وعيناي لا تشبع من النظر الى عينيكِ

حركتِ فيّ ماشاعر
عجزت جميع الفتيات عن تحريكها

كنتِ ناعمة كالماء
وحالمة كالسماء
غامضة كالبحر
ورائعه كحبات اللؤلؤ
وجذابة كالجنان
ومتداخله كالرمل
كل مافيكِ يسر الاعين

حتى امسكتي بقلبي
ووضعتيه بين كفيكِ الدافئتان

لا تتركينــــــي

ماانتبه في وقت ماكان هو مشغول مع مشاعره ان في عين تراقبه وتراقب دموعه الي تنسكب على خده بنعومه وتسمع شهقاته وتتامل ملامحه ووسامته وبس كانت تنطق:يااااربي يشبهه يشبهه

....:ماكنت اظن انك تحب لهاذي الدرجه؟؟
فهد تخرع ولف:من متى وانتي هنا؟؟
شهد تفكر:اممممم من بديت تكتب
فهد مسح الدموع عن وجهه:....
شهد:مايحتاج تمسح دموعك لاني شفتها لا تخجل من البكى يافهد.................... بس اذا شفتك بكيت عقب اليوم بسويلك شي مابيعجبك.......بصورك وبوزعه بلوتوث وبكتب عليه فهد وهو يبكي هههههههههه
فهد طالعها بعيونه العربيه المرسومه بدقه الي احمرت من كثر البكى وفي قلبه:تقوليلي لا تبكي وانا لو ابكي الدهر كله ما اوفي الي احس فيه الحين
شهد انتبهت لعينه وابتسمت:ككككك فهد اول مره اشوف عيون اصيله محمره كذا
فهد نزل عيونه ولف وجهه عنها علشان تنزل دمعاته وفي قلبه:اااااااه حتى غلاستها علي احبها واموت فيها
شهد في قلبها:اووووريك غصب عليك تضحك مو كيفك
شهد:لهذي الدرجه اخرع علشان تلف وجهك....عاد ادري ان عيوني مو مثل عيونك بس يلا امشي الحال
فهد ابتسم وفي قلبه:لك عين ربي خلقها لك مثل الغزال ماظني انخلقت لغيرك ولا القى لها مثيل
شهد:المهم انا مو جايه هنا علشان اتغزل في عيونك بالمختصر المفيد بتجي الحفله الي انتوا مسوينها لي
فهد لف وجهه مستغرب من جدها ذي:نعم
شهد:الله ينعم عليك الي سمعته بتجي ولا ابي أي اعتراض
فهد ماقدر ياشهد لا تغصبيني:اسف مرح اجي
شهد:مو على كيفك؟؟
فهد:شهد بليز لو رحت هناك مرح ارتاح خليني بحالي
شهد شافت حالته وفي خاطرها:لهذي الدرجه غاليه عندك؟؟.......فديتك يالغالي
شهد وتسوي نفسها تفكر:اممممممممممم......طيب بس بشرط؟؟
فهد عيوني لك امري:تم
شهد:ههههههه........بخليهم يجيبون لك من الكيكه حقتي وابيك تاكلها طيب؟؟

يتبع ,,,,
👇👇👇
أحدث أقدم