رواية شهد الفهد -13
شهد:انت قلت تم وماخصي انت رجال خلك قد كلمتك
فهد ابتسم بوجهها ابتسامه تذبح:خلاص فالك طيب
شهد"بذوب انا بهالابتسامه":فالك مايخيب ...(وكانها تذكرت شي) ووووووو بعد؟؟
فهد ضحك:ههههه بعد ماتخلص شروطك؟؟
شهد ابتسمت:كيفك ماوفقت بتروح الحفله
فهد"فديت انا روحي راعيه الابتسامه الي تذبح":لا لا خلاص موافق وشو شرطك؟؟
شهد بنظره وبنبره حزينه ونزلت راسها:لا تبكي علشان خاطري يزعلني اشوفك تبكي
فهد"فديتك ياعيوني يبكيك قلبي قبل عيني":طيب يالغاليه
شهد وقفت:لا تنسى تاكل طيب
فهد ابتسم في وجهها:طيب
شهد:يلا سلام
فهد:في امان الكريم
شهد كانت تمشي الين المزرعه
شهد مبسوطه:نجحت الخطه Aوالحين حان وقت تنفيذ الخطه B ......(ورفعت يدها فوق علامه حماس وصرخت) باشاااااااا.......<<<"كلمه كوريه تعني كشخه او شي يحمس" خخخخخخخ حتى كوري اعرف
شهد نجحت في انها تطلع اهلها من حزنهم بسبب مرضها
لكن وش هي الخطه B الي شهد بتنفذها؟؟
الحفله شرح يصير عليها؟؟
وفهد مرح يحضر الحفله ولا بيحضرها؟؟
وباقي عصافير الحب في العيله شصار عليهم؟؟
احداث كثيره تحملهـــــــــا الاجزاء القادمه
**الجزء 27**
شهد كانت تمشي الين المزرعه
شهد مبسوطه:نجحت الخطه Aوالحين حان وقت تنفيذ الخطه B ......(ورفعت يدها فوق علامه حماس وصرخت) باشاااااااا.......<<<"كلمه كوريه تعني كشخه او شي يحمس" خخخخخخخ حتى كوري اعرف
فتحت باب المجلس الي ورى المسبح
شافت البالونات الي معلقه والقلوب المنتشره والي فيها مرسوم حرفها ومكتوب اسمها بالانجليزي والكيك والحلويات والاكلات والدي جي والاغاني الي كانوا بيحطونها وشافت كرتونه كبيره قربت منها وطلت
شهد تتامل العلبه:اممممم شكلها الكيكه الرئيسيه مدري احس كذا......(دمعت عينها)الله يخليكم لي يااحلى واغلى اهل بهالوجود ولا يحرمني منكم ادري اني سبب تعاستكم بس قد مااقدر بقاتل وبصبر علشانكم
سمعت ضرب على الباب
محمد وهو مبتسم:كل سنه وانتي طيبه وعقبال المليون سنه يااغلى بنت عم بهالدنيا
شهد وبابتسامه عذبه:وانت طيب ابو نايف جعلني اشوفك معرس يارب
محمد يرفع يده للسماء:يااااااااارب من بؤك لباب السما
الكل:ههههههههه
علي ونواف وسالم:كل عام وانتي بخير يالغاليه
شهد:وانتم بخير
فارس دخل ومعاه فراس اخوه
فارس والعبره خانقته:كل سنة وانتي طيبه يااحلى اخت بهالوجود لا عدمت ريحتك يالغاليه.....(وضمها بين ايدينه)
شهد تمت في حضن اخوها:لا تخاف يالغالي انا معاك دووووم ومرح يفرق بينا الا الموووت...(وابتعدت عن اخوها وناظرت توأمها الاخوي)...وانت مابتبارك لي؟؟
فراس نزلت دمعاته:لا تتركيني ياشهد...الله يخليك لا تتركيني انا من دونك ولا شي
شهد بكت وحضنت اخوها الصغير:انت رجال وعن ميه رجال فديتك يالغالي الرجال مايبكي .....امسح دموعك انا ماعلمتك على كذا
وتم فراس يبكي بحضن اخته والكل دمعت عينه من موقف فراس وشهد وكلهم يعرفون شقد فراس متعلق بشهد واجد فهو يعتبرها المحلل النفسي له والي يعلمه كل شي ويوجهه اذا اخطا ويساعده في كل امور حياته
شهد ابتسمت:يلا فراسي سويناها فلم هندي خليتهم يبكون يلا امسح دموعك فديتك
فراس ويبتسم غصبا عنه:فديت الي تتفداني
وبعدهـــا دخلوا بنات عمها وباركوا لها فردا فردا وكلهم كانوا كاشخات بس الي كانت نجمه الحفل هي شهد
شهد كانت لابسه قميص ابيض كم وفيه مثل الشرايط الفضيه الي تكون مربوطه مثل الربطه ونازله على اطراف القميص والكم في اخره ضيق على اليد وبرمودا ابيض فيه شرايط بعد في نهايته ويكون مثل الي ينشد لين فوق ولابسه بوته طويله لين اخر الركبه فيها سلاسل على جنب بنيه وعاطيه حركه حلوه في البوت وماكان مرتفع ولا منخفض كان كويس بالنسبه لطول شهد وحاطه مكياج وردي خفيف بناتي وراسمه عينها العربيه بكحل اسود داخل العين الي عطاها افتنان وجذابيه اكثر وملمع وردي على شفاهه الكرزيه وشويه قلوس على خدودها ولافه عليها شيله بيضه مكتوب عليها من ورى كلمة احبك بالكوري(Tangsinul sarang ha yo)
العمام وحريمهم سلموا على الجميع وعلى شهد وباركوا لها وطلعوا علشان يخلون الشباب لوحدهم
ينبسطون
الكل سكت وساد الهدوء في المجلس والجميع جالس ويحاول يلتهي بشي واذا سولفوا جيب هذا وخذ ذاك
شهد شافتهم جالسين والجو كأيب ووقفت توجه كلامها لهم:شدعوه حنا في حفله ولا عزا ماتعرفون حتى تجاملون...(والتفت على بنات عمها في الجهه الثانيه).......يلا اشوف ابي حماس ابي احس اني في حفله عيد ميلادي....(وراحت جهة الاستيريو وشغلت الاغاني وحطت يادار لرابح صقر والتفت على الاولاد)....اشهد ان الي مابيرقص مهو سعودي.......... ابي عرضه كذا صح
الاولاد طالعوا بعض:....
نواف عجبته الفكرة وحب يغير الجو بالرغم انه متكدر من داخل:وانا اول من بيرقص
شهد امبسطت:عاش نواف سعودي الاصل
علي:وانا بعد
سالم ومحمد:وحنا بعد
فارس مسك يد فراس ووقفوا:وحنا بعد
شهد:لحظه لحظه اجيب الكميرا الفيديو مستحيل افوت شي كذا
البنات امبسطوا لانهم اول مره يشوفون ولاد عمهم يرقصون ويعرضون العرضه السعوديه
وبدت الاغنيه وشهد جابت الكميرا الفيديو وصورتهم وهم يرقصون
شهد:عاااااااااشوا عيال عمي
كانوا صافين مع بعض ويرقصون مع الدقه كلهم كانوا يرقصون حلو بس الي كان حلو فيهم هو نواف كان ابدع واحد فيهم لانه مشاءالله طول وعرض مناسب وسماره ومن زمان هو يرقص في االعراس ويعرض
فرس تشجع اخوها:عاش نواف عاش
وشهد صورت كل شي وهي طبعا تصورهم مرتبشه تبي ترقص خصوصا انها احسن بنات العيله في الرقص
ساره كانت منهبله بسالم الي كان يرقص بحماس
ساره في قلبها:فديت قلبك ياسالم ياانك مبدع
الريم كانت تناظر ولاد عمها وبالخصوص علي وفي خاطرها:ااااه ياعلي متى تعرض بعد في عرسنا....يارب اجعلني من نصيبه واجعله من نصيبي
سالم كان حاس بنظرات ساره له واعجبه الوضع وكّيف عليه وعلي احسن منه كان مبسوط ان الريم معاه بعد ماعرف بموافقتها ولولا مرض شهد كان كلم عمه بموضوعهم بس حب يأجل الموضوع شوي الين ماتخف شهد وتصير احسن او لين يرجعون السعوديه
نبتعـــــــد عن جو الربشه الي سوته شهد بمكابرتها على حزها وهمها علشان اهلها ونرجع لمكان ثاني في عالم اخر بس مب بعيد لانه كان في بحر شهد
فهد ودمع عينه يهل مثل غيمه يهل منها مطر شتوي:احبك احبك ياشهد بكل مافيني حبيتك شلون اقدر اكابر على نفسي وعلى جرحي وانا ......(وتذكر مرض شهد وزاد نحيبه اكثر وفجأه طرى الحلم الي شافه على باله)...... منو البنت الي شفتها؟؟.....وش معنى انها مرح تاخذها مني؟؟........محد يقدر يفرق بيني وبينك ياشهد حتى لو الموت بيفرقنا بشاركك حتى في موتك لاني مااتخيل اني اعيش بعدك يوم اصلا....
تذكر ان الليله حفله عيد ميلادها وانه مابيحضره.....تذكر شلون انه كان متحمس لهذا اليوم..تذكر الهديه الي شراها لها....تذكر شلون كان يتخيل شكلها ليله عيد ميلادها وهي متفأجاه بالحفله....شلون كان يفكر ان يخليها اسعد انشانه في هالليله ومن بعد هالليله......فكر في امور واجد كان يبني عليها في هاليوم وكان يظن ان هاليوم بيكون اساس علاقته بشهد.......تذكر لما جته هنا وطلبت منه انه يحضر الحفله شلون كانت بسمة الامل ترتسم على وجهها وهو بعبوسه ورفضه يحطمها....حس ان آماله في هاليوم انهارت بدل مايكون حجر بنايته كان لبنه تهديم حياته........ظل يفكر في حياته
فهد بصوت فيها تفائل محطم:حتى لو....(انربط لسانه ماقدر يقول انها مريضه ونزلت دمعه يتيمه على خده)...لو مهما صار مرح اتركك ياشهد انتي حياتي وعمري وقلبي وكلي........ وحتى لو ماتحبيني مرح اتخلى عنك لو مهما صار....لازم اروح لها......لازم اوقف جنبها في فرحتها وحزنها..(واختتم كلامه بكلمة)......يامن زرعتي في قلبي الشوق والحب.....احبك ياشهد...
واخذ نفسه وابتعد عن شريك وحدته دائما البحر وهذا شي يشترك فيه شهد وفهد لانها يعتبرونه الملجئ الوحيد
لشكوى همومهم فهو بعمقه يقدر يحملها.......تذكر الهديه رجع المزرعه وصعد لقسمه ودخل جناحه وعلى طول لغرفة نومه واخذ الهديه الي شراها لشهد وبدل ملابسه ورتب نفسه وغسل وجهه من اثار الحزن والدموع وطلع بسرعه من دون محد يحس بوجوده.......
في المجلس"مكان الحفله"
جى وقت فتح الهدايا وكلن قرب من شهد علشان يعطيها هديته وتفتحها ويشوفها الكل وكانت شهد كل شوي تطل على الباب وكأنها تنتظر شخص يجي
فرس كانت تنتبه لنظارات شهد للباب وحست بفقد فهد وتاكدت وقتها ان فهد يحب شهد وشهد تحسه ناحيته بشعور بس شهد من النوع المتكتم واجد ومب أي شخص يلاحظ عليها شي لانها بامكأنها انها تحب شخص ووتولع فيها وفي ظاهرها ترفضه وتكرهه وتخلي الكل يصدقون هذا الشي
تقدم فارس علشان يقدم هديته:عقبال المليون سنه يالغاليه
شهد حضنت اخوها الي اكثر من هو اخو:مشكوور يااغلى الغاليين...(ومسكت الهديه وفتحتها وصرخت).......واوووو فارس شدراك اني ابيه؟؟؟......"الهديه كانت لاب توب جديد كانت شهد شافته وتبي تشتريه لانها مدمنه نت وعلى قولتها الاب توب الي عندها انتهت صلاحيته"
فارس:شفتك ذاك اليوم تبين تشترينه وقلت ماخليه في خاطرك
شهد لمت اخوها:فديت اخوي الي فاهمني ماتقصر
فارس:قليل بحقك يالغلا
شهد:عساني ماانحرم منك وازفك انشاءالله معرس يااااااااااارب
فارس:ههههههههه
محمد تقدم:احم احم جى دورنا؟؟!!
شهد ابتسمت لولد عمها:يالله انتحيه ابو نايف
محمد ضحك:ههههه علشاني ولا علشان الهديه
شهد بخبث:ان كيدهن عظيم
الكل:ههههههه
محمد ناظر فرس:صدقتي تفضلي يابنت العم
شهد مدت يدها واخذت الهديه وفتحتها وكانت شكولاته فرنسيه من النوع الفاخر الي تحبه شهد ولانها مدمنة شكولاته فهاذي بالنسبه لها اثمن الهدايا
شهد:واااااي فديتك يامحمد من وصلنا وانا ابي شكولاته كذا فله وتعدل المزاج
البنات بصوت واحد:تطير فوق فوق فوق<<<<جملة شهد المعروفه لما تاكل شكولاته وتعدل مزاجها
الكل:هههههههههههههههههههه
شهد التفت لبنات عمها:حافظات الدرس اشوف
البنات:نعجبك
وباقي ولاد عمها عطوا هداياهم الي جابوها لها وكانوا يضحكون ويسولفون ومشغلين الاغاني الي ارتبشوا عليها البناتوالاولاد يصفقون لهم.........فجأه سمعوا صوت احد فاتح الباب
......:اقدر اشارككم هالفرح والضحك؟؟
كلهم التفتوا لمصدر الصوت وطالعوا بعض بااستغراب
شهد بفرحه من قلب:ياااااااااااااااااااااااااااااااهلا ومرحبااااااااااااا........(وراحت جهة الباب)
فهد بابتسامه كلها الم:كل سنة وانتي بخير وعقبال مليون سنة يالغلا
شهد "فديتك غلاتك يافهد ولله انت الغالي ماتعرف شقد فرحتي بوجودك الحين كملت فرحتي":وانت بخير جعل عمرك طويل
فهد شاف فرحتها وارتاح وحمد ربه انه جى الحفله:عمرك اطول........(وكان يتأمل جمالها لانه ماشافها زين لما طلعت له لانها كانت بالكوت الطويل وفي الليل فما شافها زين وقال في قلبه)......ملاك ياقلبي فديت عيونك الذباحه
شهد قربت منه وبصوت واطئ:كنت بزعل لو ماجيت
فهد ابتسم ابتسامه عذبه ذوبت شهد
شهد بالرغم من مكابرة فهد الا انها كانت تشوف الحزن في عيونه مثل مايشوف هو الامل في عيونها
فهد التفت على عيال عمه:ها فاتني شي؟؟
محمد بصراخ:تعال بو فيصل فاتك من شوي الرقص
فهد:جايك بو نايف
رفعت شهد على صوت الاغاني ومن اغنيه لاغنيه الين جت اغنيه اجنبيه تحبها شهد ولها ذكرى حزينه على قلبها من تتسمعها تتذكر الذكرى الحزينه وتدمع عينها وهي اغنية(I remember the time) حق المغني "NaNa"
من سمعتها تذكرت لانفرس كانت ماخذه سيديات الي عند شهد لان فيهم كل الاغاني الي تحبها شهد لانها هي الي تنزلها وفرس بالرغم انها ماتسمع اغاني اجنبيه الا انها تعرف ان هاذي الاغنيه لها معزه خاصه بقلب شهد فمن سمعتها على طول طالعت شهد لقتها صاده جهة الجدار وتناظره عرفت انها تبكي وراحت تبي تقدمها علشان شهد لا تبكي
فرس ضغطت علشان تقدمها الا يصرخ عليها علي
علي:شله غيرتيها الاغنيه مره حلوه رجعيها
فرس:ماابي اجنبي ماافهم له بغيرها
علي:خليها
شهد ناظرت فرس بنظره معناتها معليه
فرس اغتاضت في داخلها من علي ولوت بوزها وبقهر قالت:زيــــــن
شهد مشت لين البلكونه الارضيه الي في المجلس وحدها ونزلت دموعها لما مر على بالها طيف ذيك الذكرى
خالد:شهد انتي ماتملين من هالاغنيه؟؟
شهد ناظرته من فوق لين تحت:وشله امل منها؟؟
خالد ابتسم:احسك تحبينها اكثر مني
شهد بتحدي:ومنو قالي اني احبك اصلا؟؟
خالد اشر على قلبه:هذا ياقلب هذا
شهد نزلت عينها خجل وفي قلبها:فديتك ياخالد
خالد يفكر:شرايك دامك تحبين هالاغنيه وانا اغار منها نسميها اغنية غيرة الذكريات بما ان معناها انا اتذكر الوقت
شهد تفكر :امممممممم حلو
خالد يناظرها بشوق:احبك يااغلى من روحي
شهد نزلت ينها بحيا ووخدودها صاروا حمر:.....
قطع عليها طيف هالذكرى صوت الي احيا ذكرياتها الي تسمعه كاانه صوت الحب الحي الي في قلبها
فهد:شفيه الحلو يناظر شبيهه؟؟
شهد التفت بعد مامسحت دموعها:شبيه الحلو على قولتك زعلان منك
فهد شاف اثار الدموع في عيونها وناظرها بحنان:اراضيه واشتري زعله
شهد بنبرة حزينه:فديتكم يااحلى اهل
فهد بحب طالع من قلب:وفديتك يااحلى شهد وبنت عم بالكون
شهد ناظرته"لا تتعلق فيني يافهد انا مادري متى يومي ماابيك تتحطم يالغالي": الله يخليكم لي.......الحين شرايك ندخل I want to do something for me and all.....
"الترجمه:ابي اسوي شي لي وللكل"
فهد بنظرات تساؤل:What is it؟؟؟؟
"الترجمه:وشو؟؟"
شهد بابتسامه:You will know soon
"الترجمه:بتعرف عن قريب"
دخلت ووقفت الاستيريو والكل التفت لها
شهد بصوت عالي:احم احم عيال عمي الاعزاء.......بنات عمي العزيزات ابي اسوي شي معكم .......شي اسمه جلسة مصارحه ابي اتكلم مع الكل اتمنى انكم كلكم تجلسون على الارض علشان نتكلم
الكل سوى مثل ماقالت شهد وعلامات الاستغراب على وجوهم اصطفوا على شكل نصف دائرة لان شهد طلبت منهم وهي جلست قدامهم وكانت تقدر تناظرهم كلهم
شهد بصوت حزين:طبعا الكل عرف اليوم بسر مرضي الي كنت مخبيته عليكم اللهم فرس وبيتنا الي كانوا يعرفون بالموضوع والباقي اظن انهم عرفوا من القصه بس اني ابي اقولكم القصه من البدايه لين اخر شي وهو اليوم و بكل صراحه انا كنت متوقعه ان ممكن....(سكتت شوي وعلى طول كملت)...ان ممكن يصيبني سرطان لانه كانت من اعراض مرضي بس يصيب 30% من الي عندهم مرضي
ناظرت وجوه الكل لقتهم حابسين دموعهم والي دافن وجهه بين رجلينه وفهد كان منزل راسه ودموعه تتجري على خده الناعم
بلعت ريقها وكملت كلامها:من قبل سنتين جتني حالات اغماء وكنت اعاني من الكحه دائما وكنت اظنه تعب وارهاق من السهر والمدرسه وبعدين تطورت وصرت اشوف مع كحتي دم ماكنت اقدر اقول لاهلي لانهم يعرفون ان معاي انيميا حاده وشي طبيعي تجيني حالات دوخه واغماءات بس اني كنت اعرف اعراض من هذا المرض قبل لاني كنت اقرأ قصص وكتب طبيه عنه وكنت ادور في النت عن هذا المرض وقتها تأكدت ان المرض الي معاي هو التهاب في الرئه بس سكت لان ابوي قال انه رح يسفرني برى علشان يتطمن علي لان حالتي على قولته زادت عن حدها وانه مو مجرد انيميا حاده وقلت يعرفون من الدكتور احسن من انهم يعرفون مني انا وكنت متأمله اني اكون غلطانه بس المشكله انه طلع صح....
فراس وفارس تفاجأوا ماكانوا يدرون ان شهد كانت تدري قبل ماسافرت علشان تسوي الفحص
شهد كملت كلامها ودموعها نزلت لانها ماقدرت تقاوم اكثر:وجينا هنا بريطانيا وتحديدا في لندن وكان ذاك اليوم المشؤوم الي طلعت فيه نتيجة التحاليل الي اكدت ان فيني التهاب في الرئه الي يتكون بواسطه ارتفاع في نسبة الكلسترول في الدم والي ممكن يسبب ذبحه صدريه في أي وقت......طمنا الطبيب ان مرضي في بدايته ولحقنا عليه قبل لا يتطور اكثر وصف لي دوى اشربه كل يوم وقدر مااقدر اقلل الانفعالات النفسيه ومن ذاك اليوم الين يوكم هذا وانا اشرب هالدوى الين اليوم لما طلعت نتيجة التحاليل ان فيني سرطان .........مااقول الا الحمدلله على كل حال............(ومسحت دموعها ورفعت راسها شافت حالتهم اعظم من حالتها)
شهد في بالها :الحين اني اعترفت لهم وتونست معهم يعني حققت نص الخطه "B" باقي النص الثاني ابي اعترف للكل واطلب السماح من الكل وبخلي هالحفله ذكرى في بالي وبالهم حلوة وجميله حتى بعد ماامووت
شهد:الحين بدت جلسة المصارحه مع الجمهور
الكل مسح دموعه وانتبه لكلام شهد:هههههههه
شهد:بعطي رايي في كل شخص فيكم وبطلب منه السماح اذا غلطت عليه واطلب منه الحل لان محد يدري متى يومه
فارس:فديتك لا تقولين هذا الكلام
شهد ابتسمت لاخوها بحنان:هذا يوم كل واحد فينا وانا مقدر لي اموت بهالطريقه
التفت عليهم وتقربت وكان اول شخص بالصف هو نواف
شهد طالعت ولد عمها:نواف شقول عنه......غير انه رجال وينشد فيه الظهر صدق انه يقهرني لما يضايق فرس وينرفزها لانه ينرفزني انا بعد بس بصراحه شخص وسيم ورجال وقت الشده والرخاء........ الله ينوله مراده وينسيه الناس الي خذلوه.."تقصد نورة بنت خالة نواف "...ويرزقه بالي احسن منهم .......نواف السموحه يالغالي اذا غلطت عليك بكلمة ولا جرحتك ترى انت عزيز وغالي......ومااوصيك على فرس تراها بعيونك يانواف مالها بعد الله الا انت تسندها
نواف مسح دموعه وفرح بدعواتها لانها شالت هم بدعاها له عن قلبه:مسموحه يابنت العم وانتي اخت وماعليك زود وفرس بعيوني وانتي بعد سندها
شهد ابتسمت لنواف والتفت لعلي الي كان جنب نواف:هههههه علي الرجال الي صبر ونال والحمدلله انه اعترف ولقى على قد صبره جزاه الي من حقه ....(وكانت تناظر الريم)...الله يوفقك ويسدد خطاك مااوصيك على بنت العم خلها بعيونك احرص على رضاها
الريم سمعت كلام بنت عمها وتوصياتها لعلي عليها ونزلت دموعها وفي قلبه:فديتك يااغلى شهد الله يشافيك
علي:بعيوني وقلبي لا تخافين
شهد ابتسمت:هذا العشم فيك ياولد عمي
التفت لسالم وابتسمت
شهد:ياهلا بالعاشق الولهان الجديد في العيله الله يوفقك تستاهل الي تسواك....سالم انت شخص اوصفك بكلمه غامض وصريح في نفس الوقت متفهم ومخلص وفيك صفات اشرف الرجال مايحملونها.......بسميك رجل المصاعب لانك رجل بكل مالهذي الكلمة من معنى والله يعطيك الـS الي تبيه انشاءالله والسموحه منك لو بدر مني أي غلط عليك
سالم:ولله انتي العظيمه يابنت العم ........(وقرب من شهد وبهمس)....ومشاءالله عليك كاشفه العشاق كلهم في العيله .......(ورجع لمكانه)...وماصدر منك قصور يابنت العم
ناظرت محمد
شهد ضحكت:ههههههههههه يمكن محمد هو اكثر ولد عم غلطت عليه بس بصراحه احيانا تقهرني وتقبلها مني(ناظرت فرس) تزوجها وريحنا منها تراها حشرتني
محمد ضحك:اما اني اكثر واحد غلطتي عليه فهاذي صادقه بس كلها كانت بسبت غلطاتي وماالومك.....(ناظر فرس الي انحرجت من نظراته) وعلى الزواج يارب يسمع منك هي بس تقول توكلنا وانا من الحين املك عليها
فرس انحرجت من كلام شهد ومحمد ونزلت راسها والكل كان يناظرها وهو مبتسم وهي انحرجت زود من نظراتهم
شهد نزلت دموعها:تراها غاليه يامحمد مااوصيك عليها هي اختي ونصف مني المها يالمني وجرحها يجرحني وفرحها يفرحني وزعلها يزعلني......وصيتك عليك يامحمد انها تكون بمعزه عينك لك وبغلات نفسك عليك
فرس قريب من شهد وحضنتها وبكوا الخوات في احضان بعد
ابتعدت عن حضن فرس والتفت على اخوها وابوها وصديقها والي كبرها وسهر عليها
شهد جلست تطالع اخوها ودموعها تنهمر وحطت يدها على وجهها وكانت تحاول تكتم شهقاتها:فارس الاخو والابو والصديق الوفي الي رباني كبرني سهر علي وعلمني الصح من الغلط عطاني دافع....... شجعني وكان مدرسي في جميع مراحل حياتي اشوف فيه .......المثال الاعلى للاخوه والرجوله والمثاليه ......هو كان لي سندي يوم حاجتي.....الشخص الي يفهمني من نظرة عيوني وهمس صوتي......
فارس كان يسمع كلام اخته وقلبه يتقطع عليها واطلق العنان لدموعه المجروحه انها تنزل بحريه ومن دون قيود
شهد تكمل:يمكن لو وصفت فارس بتقولون تبالغ او لانه اخوها....وربي اني ماابالغ وان كلامي فيه قليل.......(ماتحملت قربت من اخوها وارتمت في احضانه)......فارس انت اغلى ناسي
فارس وهو يبكي ويمسح على راس اخته:فديت قلبك ياشهد فارس من دون عسولته ودلوعته ولا شي... انتي تدرين انك قلب اخوك وروح اخوك وانك بنتي مب اختي.....(وفجأه شهق مثل الطفل)......ااااااااه لا تتركيني ياشهد لا تتركيني
شهد بكت في حضن اخوها مثل طفل يبكي في حضن امه يشكي لها همه ببكاه وهي تفهمه من دون مايتكلم
في شخص كان يناظرهم ويناظر علاقتهم ودموعه وحزنه يهد جبال
فهد لف وجهه وعينه تنزل بحار بدل الدموع وفي قلبه:ياليتني مكانك يافارس اضمها واحطها بين يديني واحس برعشت اطرافها واقولها عن حبي وحزني والامي وانها بلسم جروحي بس صعبة يتحول البلسم لشي يذبح يوم من الايام
شهد ابتعدت عن فارس وشافت ولاد عمها شقد كانوا متأثرين بالموقف والتفت على توأمها الي على راسها والي يشبهها في كل شي شكلا بس على رجوله وطبعا وحتى احيانا اصواتهم يشكلون بينهم فيها لانها تتشابه
شهد توها بتتكلم قاطعها فراس وهو يبكي ويتحسر ويااشر على نفسه:شهد تعرفين منو انا؟؟؟......انا فراس الصغير الدلوع الشبيه لشهد في كل شي....اذا رحتي منو بيقولون تشبه شهد؟؟؟.........اذا تذكرت ذكرياتي وشفت صور طفولتي منو بيكون معاي في كل صورة؟؟؟.......منو بلحقه؟؟؟.....منو الي يقولي يافراس هذا غلط الي تسويه؟؟.....منو الي يتطمن علي كل ليله قبل لا ينام؟؟....منو لما احتاج احد يحل لي مسأله الرياضيات يحلها لي؟؟؟......منو بيساعدني في امتحاناتي؟؟؟......منو بيقولي اهتم في دراستك؟؟؟.....منو بيختار لي ثيابي لما يكون عندي حفله ولا طلعه؟؟؟...... منو بيختار لي سيارتي ؟؟؟؟؟.....منو بيسمعني لما احزن ويصيبني هم؟؟؟.....منو الي يعرفني شبي من نظره عيني؟؟؟... منو الي بيقولي انا وانت من طينه وحده ونفهم بعض؟؟...
شهد كانت تسمع كلام اخوها وماكانت تظن انها مهمة بحياته لهاذي الدرجه بالرغم انهم توأم بس مختلفين في الاعمار
فراس يكمل:شفتي شفتي ياشهد؟؟؟.....انتي"ويأشر على نفسه"حياة فراس...فراس من دونك يضيع...من دونك يروح..مايلقى من يسمعه...مايلقى من يوجهه وينتبه له........وبينسوه الناس لان الي تتذكره بتروح..... بترووووووح.......(ودمعه زاد وكان يشهق بين دموعه وكل كلمه يقولها كانت تطلع من قلب)
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك