بارت جديد

رواية راحت روحي من محجر عيوني -13

رواية راحت روحي من محجر عيوني -13


رواية راحت روحي من محجر عيوني -13

عهود: نشاد عن قدرك يسوي لك انت,..

جمال: هلا خان ..شحالك..
الدريول: الحمدلله اربااااااب..
جمال:يحك خشمه" رب دود في بطنك..قول ان شا الله..
الدريول"يهز راسه.." الله كريم ارباااب

عهود كانت تبا تضحك بس ميوده عمرها...
جمال"اونه يرمس الدريول" اقولك خاااااان بتصلبك رد علي ضروري ..لازم انزين..
الدريول:- مافي بطاقه ..رصيد كلش خلص..
عهود اتحط ايدها ع حلجها عشان تضحك..
جمال: لاحـوووووول اوكى بطرشلك بطاقه بس رد علي ضروري اوكى..خدمه انسانيه و الله بس مكالمه وحده ابليز ..
كانت عهود تعرف ان جمال يقصدها بالرمسه..بس شو يبا منها هي مب ناقصه مشاكل..
جمال:- اوكى خـاااان بتصلبك بعد صلاة المغرب..
خـااااان"يهز راسه" مافي مشكل..
جمال"يضرب كتفه" حـياك يلالالالا فارج..
الدريول يهز راسه بمعنى موافق..

بعد ما اتحرك الدريول.. وصكر الدريشه..يلست عهود تضحك ابصوت عالي... حست انها اول مره تضحك جي من سنيـن ..

الدريول يسوق و يطالعها ع بالها صار فيها شي.. و لي ما وصلت البيت..فرت كتبها ع الكنبه في الصاله و يلست تضحك ..هههههههههههه هههههههههاااااااا امايه الحقي عليه بموت من الضحك ..

ام ناصر: بسم الله عليج يمه شفيج..لا اتسوين ابروحج جي..

و عهود ماشي ميته ضحك..بس ماتت الضحكه في حلجها يوم جافت ناصر داش البيت و ملامح ويه غييييييييير..

اول مره اجوف ناصر جي.. دش حجرته من غير ما يرمس او يقول كلمه..ام ناصر ... و عهود يطالعون بعض..خافت عهود يمكن عليا صار فيها شي.. و نفس التفكير كانت اتفكر فيه ام ناصر..
ام ناصر: بلاه اخوج.. اخاف الا علياا صابها شي..
و ابسرعه قامت عهوود و اتصلت ع موبايل ..ام عليـااااا

و ام ناصر "تدعي في قلبها" يا رب خير يا رب..

عهود"خايفه": هـلا عموه اشحالج..
ام عليا: الحمدلله يمه اشحالكم انتوا .

عهود: كلنا ابخير عليا شخبارها..صار شي..
ام ناصر حاط ايدها ع صدرها.. زايـغه..
ام عليا: عليا الحمدلله لك يا رب.. "ويلست اتصيح"..
عهود: شو صاير الـووووو عموه..

ام عليا: يمه عليا انطقت ..بنتي قامت ترمس.
عهود ما صدقت الي قالته ام عليا..يلست اتصيح..معاها من الفرح..
ام ناصر مب فاهمه شو السالفه ليش عهود اتصيح..يرت الموبايل من اييد عهود..
ام ناصر: عليا شو فيها يا شريفه..
ام عليا"تمسح دموعها" بنتي ترمس ختيه..رجعت تنطق
ام ناصر" مرتاحه" الحمدلله الحمدلله لك ربي..

عهود "ترمس ام عليا" وينها وحشني موت صوتها..
ام عليا: احينه راقده.. ترا اخوج ناصر كان هني من ساعه .. دشينا عليها كانت اتصارخ و ترمس مدري شو صاير يمه..

احينه عهود فهمت ليش ناصر جي متغير .. اكيد عليا رفضته.. ليش و سعاد وينها.. اكيد ودرها يوم عليا طاحت بالمستشفى..

عهود"اتنهدت": شو قال الطبيب..

ام عليا: بعده ما يا لو جفتي فرحت الممرضات اتصلوا به تلفون..قالهم عطوها ابره مهدئه.. و بييها المغرب ان شا الله..

عهود: ان شا الله باجر بنزوركم..

ام عليا: ما يحتاي يمكن يرخصونا هاليومين.. اتريووا انتوا..
عهود: امانه يا الغاليه.. دقي طمنينا عليها اذا نشت من الرقاد..

ام عليا: ان شا الله يمه ..بارك الله فيج.. سلمي ع امج..
عهود: يبلغ مع السلامه..

ام ناصر"مستانسه": الحمدلله
عهود"تحضن امها" عليا ما تستاهل كل الي يصير لها..

ام ناصر"تمسح ع راس بنتها" كل شي مكتـوب.. و الحمدلله اللهم لا اعتراض..
**
وقت الغدا.. سند و مايد يتغدون في المطعم..
سند: اتصلت بي.
مايد"مستغرب": منووووو...؟؟

سند: عهود...
مايد: و اللــــــه غريبه ..
سند: انا ابروحي متفاجأ ..تبا اتصلح كل شي انتهى من بينا..
مايد" عشان جي قطعتني.." الله يهنيكم..
سند: انا رفضت.. احس اني احرجتها..
مايد: يا ريال انت غلطان البنيه متصله لك تعتذر شو تبا بعد..
سند: ادري اني اتسرعت..بس خلاص فات الاوان قلتها اني خطبت وحده غيرها.. مع انها قالت لي انها خلاص نستك و تبا تبني حياة يديده..معاي...

مايد"حس بغيره و ان قلبه انقسم قسمين تم ساكت.."

سند: شو رايك ليش سكت..؟؟
مايد: مب عارف شو اقولك بس هي ما جذبت..لانها خلاص قطعت ايميلاتها.. و ما اجذب عليك.. صار بينا اتصال..بس طرشت لي مسج انها تنسحب من حياتي..

سند"متفاجا": ما كنت ادري انه قرار نهائي بالنسبه لها..حسبت مجرد زعل و بتتراضون..
مايد: انت نسيت اني معرس خلاص.. و مستحيل ارتبط بها الانسانه..
سند"فضوول": ليش خاطري اعرف ليش..
مايد"يشرب ماي" كافي انها عرفت السبب .. وخلاص..
سند: ابرايك شو اسوي..
مايد"الهم و الحزن مقطعين قلبه": اتصل بها اذا بعدك تباها ماشي حل غيره..
سرح سند و مايد مب عارفه ابشو يفكر سند..
**




الجزء الثالث عشر


دش دكتور فهد غرفه علياا... كانت امها اطالع التلفزيون.. و عليا راقده ع الشبريه اتفكر بموقفها مع ناصر..يلست ع الشبريه يوم جافت الدكتور ياي صوبها و مبتسم..
د.فهد: السلام عليكم..

ام عليا"واقفه" عليك السلام دكتور..حياك ..
د.فهد"يطالع عليا": اشحالها مريضتنا..
عليا امنزله راسها مستحيه..
ام عليا: الحمدلله اكيد خبروك الممرضات انها انطقت..
د.فهد: هي خبروني بس ابا عليا اتقولي السالفه كلها..شو رايج عليا..

عليا منزله راسها تلعب بالشرشف..
ام عليا"تضحك" ويه البنيه متلومه مدري شو بلاها..
د.فهد: امـايه الغاليـــــــه طال عمرج لو سمحتي..
ام عليا"اتقاطعه" ادري و الله بتريـا برع..

د.فهد: السموحه هـا..
تم ساكت لي ما طلعت ام عليا..
د.فهد: شخبـــــــارج عليـــــاا احسن احينه..؟؟

عليا"بتموت من المستحه" بخير دكتـور..
د.فهد: افا كل ها الصوت العذب و ما تبين اتسمعينا ..ليش بخيله.؟؟
عليا"تبتسم" لا بس ..ما ادري..

د.فهد:"جدم الكرسي و يلس جريب من الشبريه.."
عادي لو اسالج اترومين..اتردين علي ولا اخليج ترتاحين..

عليا: دكتور عادي ..جوف مافيني شي..خلاص ابا اطلع من هني..

د.فهد: افا تبين اتهدينا ابسرعه.."متعمد"ولا مشتاقه لناس في راس الخيمه..

عليا:مب مشتاقه لـ حد بس ابا اطلع و ابني حياتي من الاول..
د.فهد: و حياتج السابقه..
عليا: انا احس بعمري انولدت مره ثانيه..ابا انهي كل شي ف حياتي.. و اولهم.. "سكتت"..
د.فهد: زوجج صح..
عليا"سكتت شويه" تدري انا صج انصدمت فيه..
د.فهد: بس هو الي خلاج ترجعين و ترمسين شرات قبل..
عليا: لانه هو الي وصلني لها الحاله.. و هو الي "بدمع عيونها" ............
د.فهد: جوفي علياا .. انا ما اروم اطلعج من المستشفى.. الا اذا وعدتيني..تنسين كل الي صار لج في حياتج.. انا ما ابا امنعج من زوجج بس هالقرار لج وحدج.. بس عطي نفسج مهله و فكري زين..

عليا: يلستي في المستشفى فتره كافيه..دكتور و انا اوعدك اني ما بضايج بعمري بس انت خليني اطلع من هني..

د.فهد"يبتسم" ابسرعه تبين تفارجينا..اتعودنا عليج..
عليا"مستحيه" غصبن علي..بس صدقني بفتقدك..

د.فهد: احم خلاص عيل ..بعد يومين برخصج..عشان نطمن عليج اكثر..و بعطيج بطاقتي اذا احتجتي لشي دقي علي..

عليا: مشـكووور اوعدك اني برد شرات قبل صدقنـي..

د.فهد: هالشي انا واثق منه لانج ما شا الله عليج قويه..بس اترومين اتواجهين ناصر..

عليا: آخر مره جفته فيه واجهته ابروحي..
د.فهد:- شو كان يبا منج..يراضيج صح..
عليا: و انا رافضه هالشي ..خلاص بجوف حياتي كافي العذاب الي جفته منه..

د.فهد: الانسـان يسامح..
عليا"معانده": صح يسامح..بس يضمن انه ما يكرر نفس الغلطه و انا مع ناصر ما اضمن هالشي..موليه..

**
عهود امشغله النت تسمع اغانـــــي.. و ادور مواقع حلوه.. اتسلي عمرها ..فكرت تتصل لام عليا عشان اترمس علياا..
و قبل لا ادق رن موبايلها.. جافت رقم..
عهود"تذكر جمال" الــــــــوو..
جمال: شرطة راس الخيمه معاج..
سكتت عهود شويه..اتفكـر..
جمال:- الـووو
عهود: يعني انت هاك اليوم كنت متصل..صح..
جمال"يضحك" ههههههههههه هي انا كيف عرفتـي..
عهود"متنرفزه" جوف عندك رمسه ارمس ما عندك صكر التلفون انا مب ناقصه سخافتك..

جمال: افــــــاا اباج عون صرتي فرعون..
عهود: خيـر شو تبا..
جمال:- تعالي تعالي تذكرت شي..صار له شهور.. ودهوووور..
عهود: شو بـــــــــعد اسمعك..؟؟
جمال: انتي ليش رفضتيني يوم خطبتج..هـا انا شو ناقصنـي
عهود: انت ع شـووووو متصل تستهبل و الله اصكر التلفون ابويهك..

جمال: خلاص خلاص ول فلفل احمر..المهم انا ابصراحه..
عهود: هييييي
جمال:- انتي تدرين لو سلطان عرف اني رمستج بودر البلاد و بيي باول طياره..
عهود: يحليله سلطان.. المهم شو موضوعك..
جمال: ما قلتلج بعد ترا..هاك اليوم ..
عهود"مضايجه منه" اووووووه جمــــــــال انا ابروحي مصدعه..
جمال: خلاص خلاص..ول عليج..يا بوي السالفه و كل ما فيها..انا خاطب وحده... وجافتني البارحه اقردن وحده في المنار و احينه زعلانه شو اسوي..؟؟

عهود"ساكته شويه.. جان تنفجر ضحك" ههههههههههههههااااااا هههههههههه هههههههههه
عهود: قسم بالله انت انســـــان..
جمال: شو يالس انكت عليج انا..
عهود: حد قالك اني دكتوره فوزيه اتحل المشاكل..؟؟
جمال: لا و الله محد قال لي بس ارجوج ساعديني كافي انج رفضتيني هاك اليوم..
عهود: الحمدلله يوم رفضتك..عيل ما تستحي لويهك خاطب ..و باجر بتعرس ساير اتقردن بالمنار عيب عليك ياخي..
جمال:- اوووو انا احينه خبرتج السالفه عشان اتساعديني.. مب اتزيديني كافي الي سمعته من هدوووووه..
عهود: منو هدووووه..
جمال:- خطيبتـي.
عهود: انزين كيف تباني اساعدك...تباني ارمسها يعني..و اتفشلني و ترجع اتغازل..اسـفه..اذا صج بتوعدني وعد رياييل انك ما بتكررها انا برمسها ..ها شو قلت..

جمال: لا حـول ابتلشنا هاي طلعت اخس عن هدوووه..
عهود: لا تقعد تتحرطم شرات الخدم..شو قلت..
جمال: بفكر و برد لج خبر..
عهود"تبتسم" عيل انت ليش متصل.. يعني بعدك تبا اتغازل..؟؟صح..؟
جمال: ياخي شي يركض بدمي..
عهود: عيل السموحه ما اقدر اساعدك و تستاهل الي اتسويه فيك هدى..
جمال: خلاص خلاص اوعدج ..
عهود: وعد الحر شووووو
جمال: شو يالسين في الصف حنا..
عهود"اتعيد الجمله":- وعد الحر شو قلنـــــــاا.
جمال"يصرخ شرات اليهال" دين يا ابلــــــــــــــــــــه..
عهود تبعد الموبايل عن اذونها":- حسبي الله ع ابليسك انطرت الطبله..
جمال"يضحك" ههههههههههههههههاا يلاا بعطيج رقمها و رمسيها ...

بها اللحظه دش ناصر..
عهود: اوكى طرشي الرقم بالمسج و برمسها عقب اوكى الغاليه مع السلامه.."وصكرت التلفون"
استغربت عهود من وجود ناصر داخل حجرتها..من زمان ما دشها..ولا سولف مع عهود احينه شو يبا منها..

ناصر: اترمسين منو..؟؟
عهود: ربيعتي..
ناصر"يلس ع الشبريه" شو اخبارج عهود......؟؟
عهود "مستغربه" طيبه.. خير..؟؟
ناصر: اكيد انتي اتعرفين كيف كانت علاقتي بـ سعاد..
عهود: اعرف..
ناصر: خلاص سعاد راحت بنصيبها..؟
عهود: تزوجت !!!
ناصر: هيييي... و انا ندمان بلي سويته بـ عليا ..اباج اتفهميها انها مجرد نزوه..
عهود: ان شا الله كلنا نغلط و نعترف بغلطنا.. بس احينه ما اقدر بها الفتره لان حالتها يمكن ما تسمح..
ناصر: عيل متى....؟؟
عهود"حست عمرها مصلحه اجتماعيه" ان شا الله بعد ما تظهر من المستشفى..
ناصر"يمسك ايدها" الله يخليج احس اني صج مالها الدنيا طعم من غير عليااااا
عهود"مستانسه لان ناصر رجع شرات قبل" من عيـوني اخوي..اكيد احب لك الخير ولاختي عليا..و ان شا الله بسوي المستحيل عشان ارضيكم..

ناصر: تسلمين الغاليه و سامحيني ..اذا غلطت عليج فيوم..ترا كل ها عشان مصلحتج..

عهود:مسموح و لو انت اخوي العود..
ناصر"يبوسها فوق راسها" اعتمد عليج..
عهود"تبتسم" ما عليك..يصير خير..

**
.. قدرت عهود انها تصلح بين هدى و جمال.. بس كان صعب عليها انها اتغير راي عليااا..
بعد ما طلعت عليا من المستشفى راحت بيتهم.. و شلت اغراضها...ركبو عهود و امها سياره ناصر.. رايحات يزورون عليااااا في بيت اهلهاا..

و قبل لا تنزل عهود من السياره..
ناصر:- عهود لا تنسين الي اتفقنا عليه..
عهود: فالك طيب
ام ناصر: شو مسوين حرب..
عهود"تضحك" بعدين بخبرج..
و نزلوا من السياره..

كان البيت فاضي ما فيه الا عليا و امها.. ابوها و اخوها و حرمته شيخه مسافرين الخارج..

استقبلتهم ام عليا.. و يلسوا في الصاله.. يتريووووون علياا..ناصر يحس...بضعف في داخله.. بس ما ببيـن ها الشيء..

طلعت لهم علياا..سلمت عليهم..حضنتها عهمتها الي هي "ام ناصر" و عهود يلست تحضنها.. و اتبوسها..
و يوم وصلت عند ناصر..
""اعتذر لج و ادري ما راح تعذرين..ادري في قلبج تسببت بجروح..
بس و الله لو ظروفي تعرفين ..كان روحج عن فؤادي ما تروح..""

مد ايده يسلم عليها.. و كان يطالعها ..يبا يعرف ردت فعلها.. مدت ايدها عليا.. و اجدم عشان يبوسها فوق راسها.. بس عليا راحت بعيد عنه..حس ناصر بالاحراج من الموقف...بس ام عليا غطت ع الموقف..

ام عليا: استريحـوا ..تو ما نور البيت..
ام ناصر: امنور بوجودج الغاليه.و بوجود عليا ربي يخليها..
عليا"اتحس بنظرات ناصر عليها" و بوجودج عموووووه..

يوم حس ناصر انه ماله مكان هني.. و عليا امطنشتنه..اعتذر .. و طلع.. و قالهم بيرجع بعد ..شويه..
عليا"قبل لا يطلع ناصر" لحـظه ........ناصر..؟؟

ناصر"مستانس" لبيـــــه يا الغلالا..
عليا"باراده قويه" عندك فرصه لها الاسبوع اذا ما وصلتني ورقة طلاقي ..برفع لك قضيه بالمحكمه..

ام عليا" واقفه" شفيج عليـااااا
ام ناصر: صلي ع النبي يمه..

ناصر حس بالاحراج..تم يطالعهم و طلع من البيت...ركب سيارته امحرج..قعد يرمس عمره.. و يصرخ.."يعني الواحد ما يغلط خلاص حرام اتسامحينه.."

وشغل السياره و اتحرك يدور له مكان ينسيه كل همه..بعد ما فاجئته علياااا بقرارها..
**
عهود و عليا يالسين في الحجره..
عهود: كنتي وايد قاسيه عليه..
عليا: عهود لا اتحاولين تقنعيني انا خلاص هالانسان عفته...
كانت عهود بترد عليها.. بس رن موبايلها.. سلطان..!!
عهود: الـووو
سلطان: قصيتي علي..
عهود: شـووو بلاك بسم الله..
سلطان: قلتي بطمنيني ع عليا و انا اتريا اتصالج جذابــــــه..
عهود: اوكى جان تبا اترمس عليا..اعتذر لي بالاول..
سلطان:- بتذلينـي ..
عهود: عشان تتادب..
سلطان"يضحك" اخ منج انتي.. اوكى اسف.. يلا وينها علايه,,

عهود: شو قلت ما اسمع..
سلطان" عايبتنه السالفه" عهود ترا بيي و بعضج..
عهود: يلاا بـاي ..
سلطان"متنرفز": عهود بضربـج لا اتسوين هالحركات..عطيني عليـااا
عهود:"اتغايض فيه" عيل اعتذر مره ثانيـه..
سلطان" يضحك" هههههههههه بسج ذليتيني..
عهود:خلاص خلاص حرام قطعت قلبي..
سلطان:- فديت قلبج..و اللــــــه..تعالي تعالي تطلقتي..
عهود"كيف عرف" انت اشلك..؟؟و بعدين منو سمحلك تتفدا
سلطان: منو تفداج انا اتفديت قلبج..و بعدين انا قلت من زمان محد بتحملج غيري..جفتي طلع كلامي صج و الحمدلله..

عهود"محرجه" انت و بعديـــــــن وياك احترم نفسك..
عليا مستغربه ليش عهود جي انجلبت فجاه..
سلطان:هههههههههههههههه فديتها يوم اتحرج..
عهود: و الله اصكر التلفون ابويهك.. و اذا اتصلت مره ثانيه ع هالرقم بخبر عليك الشرطه..

سلطان"ميت ضحك" هههههههههههههههههههههههههههههههههههه
طلعتي من قوم هييل الي يشتكون بالشرطه..
عهود استفزتها ضحكت سلطان..ففرت التلفون لـ عليا..
و طلعت برع الحجره تيلس مع امها و ام عليا..
عليا: الـووو
سلطان: عليـــــــــا خالي وينج انتي..شو صار لج..
عليا"و تتيمع الدموع بعيونها" سلطـان ليش رحت و خليتني ابروحي..
سلطان"مضايج" الله يعوضج غيره وايد ناس شرات حالج يلا الحمدلله ع سلامتج..شحالج احينـه...و اشحالها اختي..صج اياااام مرت ما عرفت ارقد احاتيكم..

عليا"تمسح دموعها" متى بترجع..

سلطان: جريب و الله جريب جم اسبوع و بكون عندج..
عليا"تترجاه" سلطان اخوي و ابوي مسافرين وشكلهم امطولين برع الدار..انا انا وايد "تصيييييح" محتاجتنك..

سلطان: علياا شو مستوي !! شو السالفه..ناصر شو سوا بج..؟؟
عليا: "ترمس و اتصيح" ناصر كان يخوني ويا وحده و متفق معاها ع الزواج.. انا ابتطلق منه بس هو مب راضي..شو اسوي..

سلطان"محرج" شووووووو النذل عشان جي ما كان ايرد علي..
عليااا"اتكمل كلامها" بهدلنـي..بسببه طاح ولـدي..و ما رمت ارمس شهور من الصدمه... كنت في مستشفى الامراض النفسيه في دبي..

سلطان"مصدوووووووم" شـووووو شو هالرمسه اليديده ليش محد قالي...

عليا: عهود مستحيل بتقولك بداري ع اخوها..
سلطان: ما عليه انا براويه يوم بيي النذل..
عليا"تصيح": طلقنـي منه الله يخليك...

سلطان"يحاول يهديها" اسمعي خالي..يمكن الله راد اطيحين هالولد عشان ما يكون شي يربطج بـ ناصر..قولي الحمدلله..و لا تيلسين اتصيحين جي..عورتي قلبي..و ان شا الله يوم بيي انا بتصرف..يلا اسكتي عاد حبي..

عليا"تمسح دموعها" مشكور سلطان انا ادري انت الي بتساعدنـي..

دشت عهود الحجره..
عهود"مستغربه" بعدج اتسولفين معاه.."جافت دموع عليا" ها اكيد خبرتيه السالفه..

سلطان: منو يرمس معاج..؟؟

عليا:- هذي عهود توها دشت الحجره؟
سلطان:- عطيني ابا ارمسهـا..
عليا"اتمد ايدها" يبـاج..
عهود"متاففه" نعـم..
سلطان"يصرخ عليها" ما عليه دوااااااااج عندي
عهود: شو عندك انت ...؟؟يالس اتصارخ..
سلطان: ليش ما قلتي ان عليا جي كان حالها..ها ..انا ارويج و اراوي اخوج النذل..
صكرت عهود التلفون ابويهه..
عليا:اسفه عهود..
عهود"تيلس" ما عليج ها خالج مينوووووووون يالس يلومني انا اشلي..يلالا قومي نيلس مع امج..و امايه..
عليا: ليش عصبتي من سلطان من ساعه و طلعتي برع الحجره..

عهود: عليا تراني تطلقت من سند..
عليا"مصدومه" ليش ..؟؟
عهود"تبتسم" غبااااااااء ..قلتله اني احب مايد الشحي..
عليا: هبله انتي..
عهود: ها نصيبي..


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -