بارت جديد

رواية كيف تريد ان تموت في حبي -16


رواية كيف تريد ان تموت في حبي -16

رواية كيف تريد ان تموت في حبي -16

بو حمد : جواد ..

جواد : سم عمي ..

بو حمد : انا مدري شلون ابدأ ..

جواد : قول عمي خذ راحتك ..

بوحمد : الحين زوجتك ماعندها اهل ؟؟

جواد بستغراب : ليان .. لا .. بس ليه تسئل ؟؟

بو حمد : بصراحه انا ناوي اخطب اخت زوجتك لحمد ..

جراح : شنووووووووووووووووووووووووووووو ؟؟

بو جراح : اجلس انت شفيك ؟؟

جواد : الصراحه الي اعرفه ان لهم اخو كبير بس مدري وينه ..

حمد : مافي وسيله تعرف هو ينه ..

جراح : قال لكم مايعرف مكانه وحتى لو يعرف مافي بنات لزواج .. وخلاص غيروا الموضوع ..

بو جراح : جرااااااااااح .. لا تقل ادبك اكثر من كذا ..

جراح : ماني ساكت انا سكت كثير .. حمد روح دور لك عن وحده ثانيه هذاي البنت ماخوذه ..

جواد : لو سمحت جراح لا تتكلم عن اخت زوجتي ..

جراح : لا بتكلم وبتكلم وبتكلم ..

وجراح بعطي جراح كف ..

جراح : اضربني اقتلني سوا الي عجبنك .. بس انت وعدتني اذا سكت راح تكون البنت لي انا ..

بو جراح : انت شنو تقول ؟؟

جراح : شفيك يايبه اني متزوج .. وبصراحه احب زوجتي ولا ناوي اتخلى عنها ..

بو جواد : متزوج !!

بو جراح : اسكت .. مافي احد بياخذها منك خلنا نتكلم في الموضوع بعدين ..

جراح : لا بتكلم في الموضوع الحين .. ياحمد انا مو مستعد اتخلى عن زوجتي لك ..

حمد : زوجتك !!

جراح : اي مها زوجتي .. عندكم مانع ..

بو حمد : ممكن تفهمنا الموضوع يابو جراح ..

بو جراح : انا ماكنت اعرف ان الي زوجتها له تكون اخت زوجت جواد .. وهو ماتكلم ولا قال شي ..

جراح : لانك انت قلت لي ماتكلم عن الموضوع .. بس الحين الكل يدري .. فممكن يايبه اخذ زوجتي ..

بو جراح : ..................


(( بعد ساعات ))*



ليان : كيف ماتقولين لي انك تزوجتي كيف ؟؟

طلال : بس هي خافت انك تلومين نفسك .. لان ناصر اجبرها على زواج ..

ليان : انت تدري بعد ولا قلتلي .. وبعدين ليش ماقلتي لي كان ممكن اقدر اساعدك ..

مها : يمكن ماقلتلك لاني ماابغي احد ياساعدني ..

ليان : شنو ؟؟

مها : انا احب جراح ياليان .. مااكنت ابغيك تعرفين لاني ماكنت ابغيكي تفكرين اني بعت نفسي مثلك علشان اساعد اخواني .. انا بعت نفسي علشان نفسي ..

ليان : .................

مها : انا اسف ياليان .. كان ودي اقولك بس كلما جيت افتح الموضوع معاكي اخاف ..

ليان : السوال المهم الحين انتي تحبينه ؟؟

مها : انا اموت فيه ..

ليان : اجل الله يوفقك معاه ..

وليد : لياان .. جواد يقول يلا ..

ليان : مها جراح يبغي ياخذك اليوم جهزي اغراضك علشان تروحين معاه ..

طلال : وتتركنا ..

ليان : لازم الحين تروح لزوجها .. لا تخاف انا بكون معاكم ..

طلال حضن مها : انا بشتاق لك حيل ..

مها : وانا اكثر بس راح اخلي جراح يجيبني كل يوم .. وانت تقدر تزوني متى ماتحب ..

ريم : احديني معاكي ..

ليان : وتخلين وليد لوحده ..

ريم : انا ابعي مها ..

ليان : وانا ابغيكي .. شرايك اليوم تجون تنامون معاي في الغرفه ..

وليد : اي اي .. بنجي ..

مها : مع السلامه ..

طلال : مع السلامه ..


(( في اليوم الثاني بيت بو سيف ))*



نجمه : وين بتروحين ؟؟

ملاك : بنزل تحت ..

نجمه : من جد تتكلمين ..

ملاك : اي ..

نجمه : يعني خلص الحداد ..

ملاك ببتسامه : اي خلص ..

نجمه : يلا مشينا ابوي بيفرح لما يشوفك ..

ملاك : ههههههههههههههههههه ..

ونزلوا .. اول ماوصلوا الصاله شافوا في وجهم سيف ..

ملاك ببتسامه : صباح الخير ..

سيف انصدم لما شافها .. بس هي بسرعه مشت عنه ماعطته فرصه يتكلم .. بس بمجرد ماراحت عنه ادمعت عيونها .. كانت تتمنه انها اذا شافته تكون اقوى من كذا وتقدر تكلمه بكل حريه .. بس يبدوا ان جرحها ما بعد يشفى عدل .. علشان كذا راح تستنى .. يمكن يجي اليوم الي تحب فيه شخص ثاني يكون مثل سيف مع انها تشك في هذا الموضوع بس مالها الا الامل ..

نجمه : فيكي شي ؟؟

ملاك : لا مافيني شي .." وحبت تغير الموضوع " الا غريبه ماشفت صقر ..

نجمه : صقر مع ابو ي..

ملاك : حلفي .. غريبه شنو الي غير الاحوال ..

نجمه : صقر تغير كثر في الفترى الخيره صار يجلس معانا ويسولف .. حتى بعد يضحك ..

ملاك : يضحك .. ليه هو يعرف كيف يضحك ..

الا يدخل صقر ويشوفهم .. في البدايه جلس يطالع ملاك بعدين تجاهلها وصعد لغرفته ..

ملاك : دقيقه بروح اجننه واجي ..

نجمه : هههههههههههههههههههه ..

ولحقته وكان بديخل غرفته الا رن جواله فدخل وماسكر الباب فقربت تسمع من يكلم ..

صقر : الوووو ..

: هلا ..

صقر : اهلين .. مين معي ؟؟

: وحده ..

صقر : اهلن انسه وحده بس شنو تبغين ..

: ابغي اتعرف عليك ؟

صقر : لا موممكن تتعرفين علي ..

: ليش .. بصراحه انا محتاجه واحد يحبني .. واحبه ..

صقر: طلبك مو موجود عندي لاني اصلان احب وحده .. وهي الوحيده الي لها مكان في قلبي .. ملاك حبي الحقيقي ..

وسكر في وجها ..

ملاك كانت مصدومه من كلامه .. لانها كانت تعتقد انه اول لما كان يعترف لها بحبه مان يكذب عليها يقولها كذا علشان ينتقم من سيف .. بس الحين ..

في هذا الوقت انتبه عليها صقر ..

صقر : انتي ....... من متى وانتي هنا ؟؟

ملاك صار قلبها يدق بسرعه : انا اسفه ..

وراحت تركض عنه ..

صقر : هاا .. انتي وقفي ياغبيه .. الحين ليش انت تركضين ..

ملاك : لانك تركض وراي ..

صقر ملسكها ..

نجمه : شفيكم ؟؟

صقر : مافينا شي .. ملاك ممكن اكلمك

ملاك : ماابغي اكلمك ..

صقر : اجل بقول الي بقوله هنا .. ملاك انا احبك .. وابغي اتزوجك .. شنو قلتي ؟؟

ملاك انصدمت ..

صقر: ردي علي ..

في هذا الوقت كان في شخص يراقبهم .. سيف سمع ازعاجهم وراح يشوف شنو صاير ..

ملاك : انا ...

الا تشوف سيف واقف .. فنقلب وجهها احمر وسحبت يدها من صقر وراحت تركض لغرفتها ..

صقر : ماعليه انا اورك .. كذا تجاوبين على عرض لزواج .. " ويلف " .. سيف ..

قبل ما يقول اي كلمه لف سيف ومشى عنه ..

صقر: وانتي ماتبغي تمشن ..

نجمه : لا .. بجلس اواسيك ..

صقر : لا والله ..

نجمه : هههههههههههههههههههه ..


(( في بيت بو جراح ))*



جراح : يمه ..

أم جراح : لا تكلمني ..روح لابوك الي زوجك بدون مايقول لنا ..

جراح : يمه انا اسف ..

أم جراح : مو حرام عليك تحرمني من حضور زواج ولد الوحيد ..

جراح : سامحيني يمه .. كان ودي اقول لك وافرحك .. بس ..

أم جراح : لا تجيب اعذار لك .. خلاص انتهى الموضوع .. بس اذا تبغيني اسامحك .. تنفذ الي اقول ..

جراح : اي شي تقولينه ..

أم جراح : اولا روح ناد زوجتك ابغي اعرف الانسانه الي ختارها قلب ولدي الوحيد عدل .. ثانيا ابغيك توديها السوق وتشتري لها احلى فستان وتجهزها الليه بسوي حفله بهذي المناسبه .. وياريت يكون الفستان ابيض .. ولا اقولك انا مااثق فيك انا بروح بنفسي معاك ..

جراح : الي تامرين عليه .. ياست الحبايب ..

أم جراح : يلا روح نادي زوجتك .. بسرعه ..

جراح وهو يضحك : حاضر ..

وهو صاعد ..

شجون : عشنا وشفنا حتى البزران يتزوجون ويحبون من غير مايقولن لاحد ..

جراح : لاحول ..

شجون : على كل حال مبروك ..

جراح : الله يبارك فيك ..

شجون : لو كانت غير مها كان تبريت منك ..

جراح : ههههههههه .. اجل الحمد لله انها مها ..

شجون : روح بسرعه نادها لا تغير رايها امي ..

جراح : طيران ..

شجون : الله يكمل بعقلك .. مدري متى بتكبر ؟؟

جراح : اذا جبت عيال ..

شجون : ماضني انك بتعقل حتى لو عيالك جابو عيال ..

جراح : هههههههههه .. مقبوله منك ..

وراح لغرفته وشاف شما جالسه مع مها ..

جراح : اوووووف .. الحين انتي من قالك تعالي هنا ..

شما : مها قالتلي ..

جراح : طيب تسمحين تطلعين ابغي اجلس مع زوجتي ..

شما : لا مااسمح ..

جراح : اجل خلك جالسه احنا بنطلع ..

شما نطت : وين ؟؟

جراح : امي طردتنا من البيت .. فباخذ زوجتي وبمشي ..

شما حطت يدها على فمها : لا لا تقولها ..

جراح سحب مها وطلع ..

مها وعيونها تدمع : انا اسفه اني سببت لك كل هذي المشاكل بس انا ماابغيك تتخانق مع اهلك علشان كذا رجعني لخواني ..

جراح : ههههههههههه .. صدقتي ترى كنت اكذب على شما علشان تفك عنا .. مستحيل امي تسوي كذا .. امي قلبها كبير ..

مها : يعني ..

جراح : يعني امي بتوسي لك حفله بناسبت قدومك للبيت ..

شما سمعت كلامه : جراحواه يالكرررررريه .

(( بيت بو سيف ))*

ملاك كانت منحرجه لان سيف شافها مع صقر وسمع كلام صقر وماكانت تدري شنو تسوي ..

اما سيف فكان يطالع صورتها وهي طفله ..

سيف يكلم نفسه : حتى لما اشوف صورتها قلبي يدق بسرعه شنو راح اسوي ياربي ..

نهاية البارت




الرصاصه الخامسة والعشرون


(( بيت بو جواد ))*



جواد : اليوم الجهزوا بنروح بيت بو جراح ..

علياء : وليش بعد ؟؟

جواد : مسوين حفله بمناسبت زواج جرح ..

علياء : يع مالت على وجههم .. فرحانين لانه تزوج من الحثاله .. المفروض يطردونا من البيت .. مو يسون له حفله ..

مشاعل : حرام عليك ياعلياء الولد يحبها .. علشان كذا اهله متفهمين الوضع ..

علياء : اقول رحمينا يالمشلوله من حكمه ومحاضرات ..

جواد : علياء وبعدين معاك .. مو مخليه احد في حاله .. متى بتتعدلين ..

علياء : شفيني شحلاتي .. كامله ومكمله .. مو مثل بعض الناس الي تزوجوك علشان فلوسك .. ولا مثل الي يتزوجونهم شفقه عليهم ..

ليان : مشاعل شرايك تجين معاي نختار شنو بنلبس اليوم ..

علياء : انتي مايحتاج تخذين رايها جريها .. ولا انتي ناسيه انها ماتمشي ..

جواد : عليااااااااااااء ..

علياء تقاطعه : اسكت ولي يرحم والديك .. مايهمني تهديدك .. وبعدين تراني ماني رايحه ..

جواد : بتروحين ولا مالك جلسه في هذا البيت بعد كذا ..

ومشى ..


(( بيت بو سيف ))*



صقر كان طالع من غرفته وشاف ملاك تنتظره ..

صقر : ليه واقفه هنا ؟؟ غريبه مارحتي تجهزين للحفله ..

ملاك : بصراحه انا ابغي اتكلم معاك في بوضوع ..

صقر : قولي الي عندك ..

ملاك : انا جيت اجاوبك على طلبك .. انا قررت ..

صقر : ملاك ..

ملاك : انا اسفه .. بس مااقدر اتزوجك .. انا الي الحين احب سيف .. علشان كذا مااقدر اتخيل نفسي الي الحين مع احد غيره .. وانت ياصقر كايد بتلقى البنت الي تحبها وتحبك وتقدر تسعدك وتكون احسن مني ..

ومشت عنه .. وخلته شبه مقتول من الداخل .. رجع لغرفته بهدوء .. وصدى لكماتها تنعاد في اذنها .. ماقدر يصدق انها اخاترته حتى مع انه صار لوحده غيرها .. حتى بعد كل الصياح الي صاحته اختارته سيف وماختارته ..

هو يدري ان ملاك من البنات الي عندهم الحب كل شي .. واذا تعلقوا في احد صاروا مخلصين له بس هل هذا يعني انها راح تحبه للابد ..

اما عند ملاك فكانت خذت قررها حتى لو اختبت عن العالم مليون سنه مستحيل راح ينمسح حب سيف من قلبها .. هي تدري ان تفكيرها غبي لان سيف خلاص صار لمشاعل ..

الا تفاجئ بلي يفتح الباب ويدخل ..

صقر : حتى لو رفضتيني مليون مره ارجع واقولك انا احبك .. وعيدها لكم مره ثانيه ملاك تتزوج ؟؟

ملاك بصدمه : شنو ؟؟

صقر : سنه وحده .. انا ابغيك تعطيني سنه وحده من الزواج .. اذا مانسيتي سيف .. واذا ماحبيتيني في هذي السنه .. راح ارجع حريتك لك .. بس اذا بعد هذي السنه حسيتي لو بميلان بسيط اتجاهي في هذي الحاله هل راح

تضلين معاي ؟؟

ملاك كانت خجلانه منه حيل ..

صقر : بعد ماترجعين من الحفله راح اكون منتظرك في الحديقه اذا ماجيتي راح اعرف انك مازلتي رافضتني ..

وطلع ..

ملاك : صقر اسمعني ..

بس كان الباب تسكر واختفى صقر من قدامها ..

راح وخلاها متدري شنو تسوي .. مافي بنت في الكون توافق على هذا العرض الغريب ..

بس صقر ماكان يفكر نفس تفكيرها .. كان كل همه يشوفها تبتسم من جديد ..


(( في الليل ))*



كان بيت بو جراح .. يعم بالحركه والضحك والكل مستغرب من هذا الحدث الغريب الي صار .. الكل ماكان متوقع زواج جراح في مثل هذا السن .. ومن مين من وحده ماحد سمع عنها ..

ام سلطان : احد يصدق الي صار فجأه تدق علينا ام جراح وتقول انها بتحتفل بزواج ولدها ..

ام خليل : يمكن يكون الولد غلطان مع البنت علشان كذا زوجوه اياها سريع سريع ..

أم عمر : لا ماضنتي .. تذكرون زواج جواد من هذا الي اسمها ليان .. كان بدون مااحد يدري ..

ام سلطان : بس لا تنسين ان جواد تزوج عليها بنت عمه ..

ام عمر : بس يقلون انه تزوج بنت عمه غصب مو برضاه ..

ام سلطان : الا وينها بنت عمه ؟؟

ام خليل : شوفيها ذيك الجالسه ..

أم سلطان : هذي الي جالسه تطالع الناس من طرف انفها ..

ام خليل : لا تلومين البنت تراهي حامل ..

ام عمر : ولو شوف ذيك القمر الي جالسه يم العروس هذي ليان .. حامل وشوفيها شحلاتها ..

ام سلطان : والله انك على حق . الله خلق وفرق .. مو كان العروس تشبها ؟؟

أم عمر : هي اخت العروس ..

أم سلطان : اجل العيب مو من الرجال العيب فيهم يمكن مايبغون احد يحسدهم .. بصراحه جمالهم ماينوصف .. ماعندهم اخت ثالثه ..

أم عمر : ههههههههههه الا عندهم .. شوفي هذي البنوته الصغيوره الي ماسكه ثوب ليان .. هذي اختهم ..

أم خليل : ههههههههههههههههه ..

بعد ساعات دخل جراح وهو طاير من الفرح وهو يشوف مها بالثوب الابيض .. صحيح انه ثوب متواضع بعض الي بس صايره فيه كانها اميره من الاميرات .. وهل فرحه ماكانت تخصه هو بس لان حتى مها كانت الفرحه ماليه قلبها ..

وبشكل عام الكل كان فرحان ومبسوط حتى مشاعل مااهتمت لاصابتها وضحكت ونبسطت .. وماتوا من الضحك لما دخل طلال وجلس يرقص ..

ملاك بعد كانت مبسوده معاهم ولاول مره من اربع شهور تنسى سيف .. بس نسته علشان تفكر في صقر الي ينتظر منها جواب حاسم اليوم .. بس شكل مشاعل خلاها تقرر نهايئن شنو راح تسوي ..

اما الي اما مو مبسوط فهي علياء .. لانها كانت جالسه على طاوله لوحدها ولا كلمت احد طول السهره .. وحقدها مالي قلبها .. وكان في شي ثاني مضايقها .. كانت تحس بالم مو طبيعي بس كبرها ماكان مخليها تقول لاحد .. بس كل

مامر الوقت كل مازاد .. كانت تدعي في قلبها ان الحفله تخلص ولا احد يحس عليها وفي نفس الوقت تدعي على كل الموجودين بالموت .. بس تقريبا لما جات الحفله تنتهي ماقدرت تتحمل هنا عرفت انها بتولد في اي دقيقه وصرخت صرخه سكتت

كل الموجودين .. اول من راح لها كانت ليان الي خافت عليها .. وعلياء من الالم مانتبهت لها ..

ليان : شفيك ؟؟

علياء : بولد .. ابغي امي .. الم وطبيعي ..

ليان : احد يطلب السعاف .. علياء تحملي الحين نروح المستشفى ..

علياء : مااقدر بموووووووووووووت ..


(( في بيت بو سيف ))*



الكل رجع ومن التعب ناموا .. حتى ملاك من الي صار في الحفله نست موضوع صقر وراحت نامت .. بس بعد ساعتين جلست من النوم على صوت المطر .. حست انها ناسيه شي بس ماتدري شنو حاولت ترجع تنام بس احساسها انها ناسيه

شئ خلا النوم يطير من عيونها .. في النهايه فتحت النافذه تراقب المطر وسرحت وهي تطالعه وهوا ينزل بغزاره ويقطي كل شي من حولها راقبتها وهو يتساقط على الاشجار في الحديق .. بس فجأه حست بشي يتحرك في الحديقه في البدايه خافت

وكانت بتروح تنام بس رجعت تناظر فيه كان في احد في الحديقه ماقدرت تعرف مين الان ظلام مو مخليها تشوف ملامحه .. هنا تذكرت صقر .. خافت يكون هو بس مستحيل راح ينظرها طول هذا الوقت وتحت المطر .. في النهايه قررت

تنزل وتشوف .. وبهدء فتخت الباب الحديقه ومشت وهي حامله المظله .. وسرت رعشى في جسمها من البرد .. بس الي وقف قلبها عن النبض منظر الواقف قدامها ومنزل راسه بحزن وشعره مغطي وجهه وقطرات الماي تنزل من كل جسمه

..

ملاك بهمس : صقر ..

صقر ماتحرك من مكانه بس رفع راسه ببطئ وجلس يطالع فيها واكانه ينلظر في سراب .. فجأه تحرك وحضنها ..

ملاك : صقر ليه جالس الي الحين تحت هذا المطر ؟؟

صقر: خفت انك ماتجين .. او اذا مشيت تجين وماتشوفيني كنت ناوي انتظرك الي الصباح ..

ملاك : صقر ..

صقر : عيونه قلبه روحه ..

ملاك : انا موافقه ..

صقر : صدقيني ماراح تندمين ..

ملاك : صقر خلنا ندخل جسمك ينتفض من البرد ..

صقر يبتعد عنها : اسف بللتك .. تعالي لا تمرضين ندخل ..


(( في المستشفى ))*



ولدت علياء وجابت بنت تهبل وتجنن ..

جواد : الحمد لله على سلامتك ..

علياء : ...........

جواد : كيفك الحين ؟؟

علياء : ماني ببخير .. ولو سمحت اطلع برا ماابغي ازعاج ..

جواد : الله يسامحك .. طيب ماتبغني ماتبغين تشوفين بنتك ..

علياء بصراخ : لا ماابغي .. اطلع برا انت وياها ماابغيها ..

جواد : علياء بسك جنون ..

علياء : انا مجنونه مالك دخل .. عاجبني اصير مجنونه يلا اطلع ..

وطلع وهو شايل بنته .. شافته ليان وجات تسرع له ..

ليان : شفيك ؟؟

جواد : ماتبغي البنت ..

ليان : كيف ؟؟

جواد : اطردتني .. وقالت ماتبغيها حتى مارضت تشوفها ..

ليان : طيب تسمح لي اشيلها ..

جواد : ماتعبين ..

ليان : جواد من جدك هذي النتفه الحين بتعبني اشوف جيبها خلصني .. ياربي تجنن تهبل .. تصدق تشبهلك كثييييير ..

جواد : شنو نسميها ..

ليان : لازم تسئل امها ..

جواد : اقولك امها ماتبغي تشوفها ..

ليان : .............

جواد : شرايك باسم أمل ؟؟

ليان : حلووو .. كيفك يالحلوه ؟؟ شرايك بسمك أمل ؟؟ ان شاء الله تزرعين الامل للبابا والماما ..


(( في اليوم الثاني ))*



صقر : يبه ابغيك في موضوع مهم ..

بو سيف : شنو تبغي قول ؟؟

صقر : انا ... انا ابغي اتزوج ملاك ..

بو سيف : شنو قلت ؟؟

صقر : انا ابغي اتزوج ملاك ..

بو سيف : انت تتكلم من جدك ؟؟

صقر : اي .. ليش ؟؟

بو سيف : الحمد لله ان واحد من عيالي طلع صاحي .. مو سيف الي يبغي تزوج وحده بس شفقه عليها .. وانا كنت حاط امل عليه انه يخذ ملاك ..

صقر : طيب ماينفع اني انا اخذها ..

بو سيف : اكيد ينفع اهم شي تكون يمي وقبال عيني .. هذا امانه عندي .. بس خلني اسئل البنت .. اذا موافقه ولالا ..

صقر : طيب ..


(( بعد يومين ))*



ملاك وافقت على صقر وتحددت ملكت مشاعل مع ملكت ملاك في يوم واحد .. والكل صار يتجهز لهذا اليوم ..

قمر : احس يوم الخميس بعييييد ..

ملاك : ليش ؟؟

قمر : مدري ..

شمس : انا خفت لما خطب سيف مشاعل انك ماتصيرين مرت اخوي بس الحمد الله بتتزوجين صقر ..

نجمه : شمس سكتي ..

شمس : وانا شنو قلت !!

ملاك : انا صاعده لغرفتي ..

نجمه : جلسي مكانك لا تتحركين .. ترى صقر فوق جالس في الصاله الفوقيه .. مانبيه يشوفك ..

شمس : والله حرام خليها تروح لحبيب قلبها ..

نجمه : شمس .. ماتعرفين تبلعين لسانك هذا الطويل ..

شمس : لا ..



نهاية البارت


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -