رواية كيف تريد ان تموت في حبي -17

رواية كيف تريد ان تموت في حبي -17

الرصاصة السادسة والعشرون
(( يوم الخميس ))*
العائله كلها مجتمعه في مزرعه .. بمناسبت ملكه ..
ملاك كانت محتراره من نفسها في مثل هذا اليوم المفروض تفرح مو تحزن ..بس الفرح مو راضي يدخل قلبها .. بي لما تمت الملكه حست ان قلبها توقف عن النبض والوقت وقف والثواني امتدت لساعات .. اصبح الوضع غريب لما صار مافي امل لتراجع .. صوت الضحك من حولها تحول لصوت مرعب ..
نجمه : ملاك ... ملاك ..
ملاك : هممممم ..
نجمه : ملاك شفيك ؟؟
ملاك : مافيني شي ..

نجمه : اكيد .. ترى بعد اشوي بيخلونك تجلسين مع صقر بروحكم ..

ملاك : مااعتقد لها لزمه انا اشوفه ويشوفني دايما ..

نجمه : لازم .. هذا مشاعل راحت لسيف الحين ..

ملاك : اهااا ..

شمس : ملاك امي تقولك روحي الغرفه الداخليه لان صقر يبغيكي ..

نجمه : يلا قومي .. تبغيني اروح معاك ..

ملاك : لا مايحتاج انا متعوده على صقر ..

نجمه : اجل انا بروح اساعد امي ..

ليان : ملاك ..

ملاك : هلا قلبوو .. اخيراً جيتوا ..

ليان : عذريني كثير بس زي ماتشوفين بالموت اقدر اشيل نفسي .. ولا تنسن ان بنت علياء عندي وحسبي اخواني بعد .. سوالي ازعاج مو طبيعي ..

نجمه : الحين علياء ليش ماتاخذ بنتها ؟؟

ليان : والله مدري .. اعتقد انا انها تعبانه ولا تقدر الحين .. بس هل البنت مثل الملاك ..

نجمه : الا انتي الطيبه زياده عن الزوم ..

ليان : المهم .. الف مبروك ملوكه ..

ملاك : الله يبارك فيك .. يلا انا رايحه ..

وتروح ..

شجون : اخيرا جيتي يالخاينه ..

ليان : انا خاينه !!

شجون : اي .. انا توقعت انك اول وحده تجين وفي النهايه انتي اخر وحده .. ليش شنو عدك ماجيتي مع جواد ومشاعل ..

ليان : الي عندي الحلوين هذولي .. طلعوا الشيب من راسي على مالبستهم وعدلتهم ..

شجون : ليان بسك طيبه زايده .. وانتبهي لنفسك .. لا تنسين انك حامل .. اشوف جيبي هذي البنت ترى انكسر ظهرك من شيالها ..

ليان : حرام عليكي هذي البنوته الخفيفه تكسر ظهري ..

شجون : طيب جيبيها ..

ليان : بسكي بس شوي اشوي عليها .. انتبهي لا تجلسينها من النوم ..

شجون : وانا باكلها .. لو انها بنتك ماخفتي عليها كل هذا الخوف ..

نجمه : هذا بدال ماتخذينها وتودينها لابوها وتقولينه يرجعها لامها غصب .. ترى امها عندها امي تساعدها بس انتي مين يساعدك وانتي حامل ..

شجون : طيب لا تخافين على نفسك خافي على الي في بطنك ..

ليان كانت تسمعهم وهي ساكته وفي نفسها تقول : انا اصلا تعلقت في هذي البنت مستحيل اتخلى عنها الا اذا جات امها وخذتها مني ..

(( عند سيف ومشاعل ))*

كان الصمت سيد الموقف .. الي ان قرر سيف يبدد هذا الصمت ..

سيف : شخبارك الحين ؟؟

مشاعل : بخير ..

سيف : مشاعل .. ليش ..

مشاعل : شنو الي ليش ؟؟

سيف : ليش انقذتيني ..

مشاعل : الي الحين ماعرفت الجواب سيف انا احبك .. احبك ..

في نفس الوقت ملاك دخلت عليهم على الكلمه الي قالتها مشاعل .. هذي الكلمه جمدت جسمها هي داخلها على اساس بتشوف صقر .. بس الي شافتهم هم اخر الثنين تبغي تشوفهم اليوم ..

سيف بس شافها وقف مثل المزعور .. وحس من نظراتها انها راح تختنق .. فوق قدام مشاعل خلا جسمه مثل الحاجز بينها وبين ملاك ..

سيف : ملاك ..

ملاك بدأ جسمها يرتجف بشده وهي تشوف مشاعل مسكت سيف علشان تبعده علشان تشوفها بس هو ماتحرك من مكانه : انا قالوا لي .. انا اسفه .. بس .. انا ..

كانت تحاول تمسك نفسها بأي طريق .. تمسك دموعها الي بدأت تتجمع في عيونها .. كانت رافضه انها تبكي قدامهم ..

ملاك رسمت ابتسامه على وجهها : انا جيت بالغلط .. ماكنت ادري انكم في هذي الغرفه ..

كانت محتاج احد يحركها ويطلعها من هذا الموقف .. تبغي دموعها توقف عن التجمع .. سيف لاحظ ..

بس فجأه حست ملاك باحد يشدها لورا ويغطي عيونها بيدينه في نفس الوقت الي نزلت فيها الدمعه .. ويضمها لصدره كانه يحميها من العالم كله ..

صقر : احنا اسفين على المقاطعه .. والحين باخذ هذي الجميله للغرفه المخصصه لنا ..

وخذها وهو مازال مغطي عيونها وطلعها من الغرفه ..

سيف كان يطالع صقر وهو ماسك ملاك .. وتعبى قلبه بكل قهر العالم ..

مشاعل : سيف ..

(( عند صقر ))*

دخل ملاك الغرفه وهو معصب حيل ..

صقر بعصبيه : انتي غبيه لازم تضايقين نفسك .. تبغين تجنيني .. : بس لما طالع وجها كيف انها تحاول تمسك دموعها الي تنزل بغزاره .. رق صوته " .. طلعتي صحيح تقدرين تحبسين دموعك بس الحين تقدرين تنزلينهم ..

ملاك الي الحين وهي تتخيل صورت سيف ومشاعل .. وتحس كان سكينه حاده انغرست في قلبها .. تحس بألم فضيع وحزن ماله حدود .. وتتخيل ان لو ماجى صقر وطلعها كان بكت قدام سيف وخربت كل اليوم ..

ملاك : ليش .. ليش انا ضعيفه كذا .. انا كنت مقرره اني ماصيح ..

الا يجيها صقر ويقرص خدودها ..

ملاك : آآآآآآآآآآآي .. انت شنو تسوي ؟؟

صقر: انك تبكين بعض الاحيان هذا مايعني انك ضعيفه .. انتي مو ضعيفه فاهمه .. انت سويتي كل جهدك مو بس اليوم من يوم الحادث الي اليوم وانتي تستجمعين قوتك وقدرتي تواجهين العالم ببتسامه لوحدك بدون مساعدت احد .. حتى في الوقت الي تبغين تصيحين فيه كنتي ترسمين على وجهك ابتسامه علشان تمسح ملامح الحزن الي في قلبك .. كل هذا وتقولين انك ضعيه .. ملاك انتي قويه انك تحملتي انك تتخلين عن الحبيب الوحيد عندك لشخص ثاني ودوسين على قلبك .. " وقرب منها ومسك وجها بيدينه " ملاك انتي اقوى بنت عرفتها .. وهذا الشي يخليني احبك اكثر واكثر .. انت شجاعه ..

ملاك ماتحملت اكثر وصارت تبكي مثل طفله صغيره .. فحضنها صقر وخلاها تفرغ كل الي فيها ..

ملاك : صقر ..

صقر : نعم ..

ملاك : شكرا ..

ملاك كانت تحس بشعور غريب مع كل محاولاتها علشان تداوي قلها الجريح فشلت والحين من كلمتين من صقر بدأ قلبها يخطوا اول خطواتها لشفاء ..

(( بعد شهر ))*

ام حمد : حرام عليك الي تسوينها في ام في الدنيا ماتبغي تشوف بنتها الي توها جايبتها ..

عياء : لا تقولين اني امها .. انا مو ام احد ..

ام حمد : طيب قولي لجوا يجيبها وشوفها بس مره والله تتعلقيني ابها .. انتي حتى مارضيتي تشوفينها من بعيد ..

علياء : انتي الحين شنو تبغين مني .. قلتلك ماابغيها يعني ماابغيها .. وبعدين قومي طلعي برا انا ابغي اجلس بروحي ..

ام حمد : انا امك وطرديني ..

علياء : واذا امي انا ماابغي احد يجلس معاي .. يلا برا .. ماتسمعين براااااااااااا .. صج انك ناس مجانين ..

(( بيت بو سيف ))*

صقر يستنى ملاك تتجهز علشان يطلع معاها ..

صقر : تاخرت .. شمس روحي شوفي ليش مانزلت ..

شمس بمزح : يمكن هونت ماتبغي تروح معاك ..

صقر : تعالي ..

شمس : ليش ؟؟

صقر : انتي تعالي وتعرفين ..

شمس : قول قبل شنو بتسوي ..

نجمه : يمكن يبغي يقص لسانك الطويل ويفكنا منه ..

شمس : لا والله ..

الا تنزل ملاك ..

صقر : اووووش ولا كلمه ..

ملاك : اسف على التاخير ..

صقر : لا تاخير ولا شي انا مستعد استناكي طول العمر ..

شمس : كذاب قبل اشوي كنت بتموت علي ..

صقر : انا هل المره بقص لسامك صج ..

ملاك : لالا حرام عليك ..

صقر : اي حرام ..

ملاك : علشاني خلها وخلنا نطلع ..

صقر : هل مره سماح المره الثانيه قطع ..

شمس : يصير خير ..

صقر : تعالي اجل ..

ملاك وهي تجره : يلا عاد ياصقر ..

وطلعوا ..

ملاك : وين بنروح ؟؟

صقر : انا مشتهي اروح الحديقه .. شرايك ؟؟

ملاك : حلو ماعندي مانع ..

وراحوا الحديقه .. وكان الجوا مره روعه .. بس اصوات الاطفال وهم يلعبون ضايق اشوي صقر .. بس ملاك حبت الوضع كثير ..

ملاك : تصدق جوعانه لو ادري كان جبنا لنا اشياء نتسى فيها ..

صقر : دقيقه ..

وراح وجاب سله من السياره ..

ملاك : مجهز كل شي .. شنو جايب ؟؟

صقر : مسوي سندويشات ..

ملاك : انت الي مسويهم

تذكرت ان صقر يعرف يطبخ عدل ..

صقر : شفيك ليكون ماعجبك الاكل ؟؟

ملاك ببتسامه تاخذ العقل وضحكه لها رنا : بالعكس كل شي منك حلو ..

صقر كان يطالعها وهي تضحك وتاكل .. وهو يفكر ان الحريم غريبين بضحكه يخليونك تنسى العالم ومن فيه ..

صقر وهو يضحك : اخيرا .. اخيرا ضحكتي .. اخيرا شفت ضحكتك مره ثانيه .. هذا احلى شي .. احلى شي على الاطلاق ..

ملاك كانت تطالع صقر .. وطالع عيونه الزرق .. اول مره تلاحظهم انهم حلوين كذا .. وصافين ..

ملاك : صقر انت ليه تحبني ..

صقر: شنوووووووووووووووووووووو؟؟

ملاك : اقصد انت دايم تقول اني غبيه .. دايم تضايقني .. والصراحه انا دايم كنت اعتقد انك تكرهني ..

صقر : انتي غلطانه .. في ناس يقدورن يعبرون عن مشاعرهم بصراحه .. يعني انتي تقدرين تقولين للانسان هذا انا احبك وتعبرين عن حبك له بكل الطرق .. بس في ناس مايقدرون يقلون هذي الاشياء علشان كذا يتصرفون بالعكس يقلون اشياء غير الي يبغون يقلونها .. بس انا مامره عتقدت انك غبيه ولا فكرت اني اكرهك بس كل مره ابغي اقول لك شي تلقائين اقولك عكسه ..

هنا فهمت ملاك كل شي عن صقر .. كل تصرفاته كان يقصد ابهم العكس طول هذي الفتره كان يبغي تقرب مو منها بس الا من العيله كلها ..

صقر حس بالحراج من نظرات ملاك : انتي لا تخليني اقول هل كلام الغبي وانتي بس تطالعين .. ولا اقول خلنا نمشي احسن ..

ملاك كنت تطالع في صقر وتفكر انها طول هذا الوقت كانت تفكر في تصرفاته السيئه وهذا الشي خلاها ماتشوف حقيقته .. انه من الداخل شخص حساس جداً

طول الاسابيع الي بعدها كان صقر كل يوم يودي ملاك في مكان مع انه ماكان يتكلم كثير .. بس كانت يناظرها بنظرات خجوله .. كانت تحس انه سعيد بس لانه يناظرها .. فكانت ماتحتاج الا انها تراقب تصرفاته وعيونها الي صارت تبحر فيهم .. وترتمي في حضنه الدافئ الي بس يلامسها تختفي احزانها علشان تعرف انه يحبها ويموت فيها .. بس هي ناتدري شنو يصير لها صار تحس بشعور غريب في الفترى الخيره شعور اول مره تحس ابه بس ماتقدر تفسره ..

(( بيت بو سيف ))*

ملاك كانت تركض ورى شمس ..

ملاك : شمسوووووووه .. يلا عاد جيبي ساعتي مو فاضيه لك ..

شمس : اي اكيد بطلعين انتي وصقوري كل عاده .. وبعدين انا عاجبتني الساعه ابغي البسها اليوم ..

ملاك : روحي اخذي غيرها .. بس لا تاخذين هذي .. صقر توه شاريها لي ..

شمس : ماابي الا هذي ..

وراحت تسرعه وملاك وراها بس ملاك من السرعه طاحت قبل ماتنزل على الدرج..

صقر كان صاعد وشاف شمس تركض وجلس يطالعها ويتحمد على نعمة العقل .. وصعد وشاف ملاك طايحه ..

صقر: تعورتي ؟؟

ملاك : لا بس تعبت من الركض ورى شمس ..

صقر : طيب قومي ..

ومد لها يده ورفعها من على الارض وهو رافعها ضمها له ..

في نفس الوقت كان سيف طالع من غرفته وشافته .. مع انه ماشافهم .. بس مجرد ماشافته وخرت عنها صقر .. وتوه بيمد يده لها ضربته .. ومن قوة الضربه .. اجرحت يده بظفرها ..

ملاك حست ان صقر انقهر : اسفـ

صقر شاف سيف : اهاااا .. ماتبغين سيف يشوفنا واحنا حاضنين بعض او ماسكين ايدين بعض ..

ملاك لمحت الغضب في عيون صقر الي تحولوا فجأه للازرق الغامق في نظرها .. على انها اقهرت صقر بحركتها ..

ملاك : اسفه ..

صقر وهو ماشي عنها : انا بطلع لحالي اليوم ..

شمس : هااااي صقر شرايك بساعتي ؟؟

صقر ماعطاها وجه ومشى ..

شمس : ملاك شفيه صقر معصب .. ملاك شفيك بعد انتي ؟؟

(( في بيت بو جواد ))*

علياء رجعت من بيت اهلها ..

علياء : اووووووف احنا في حضانة مو بيت ..

جواد : والله الي تصيح بنتك .. ليش ماتروحين تسكتينها ..

علياء : ماعندي بنت انا .. روح دور لها امي غيري ..

جواد : لا تخافين اذا انتي ماتبغينها في ناس يبغونها .. انتي خليكي في جنونك ..

علياء : اقول .. مايهمني اصلا لو بلمس بنتك بخذها وبرميها على اقرب زباله ..

جواد بعصبيه : علياااااء ..

علياء : جوااااااد .. لا تصارخ ماتخوفني ..

جواد رفع يده بيضربها .. بس ليان شافته وجات تسرع وتلقت هي الكف ..

علياء : شفت الحثاله تعرف انها هي الي المفروض تنضرب مو انا ..

ومشت ..

جواد : ليان ليش .. كان خليتيني اصحيها من الي هي فيه ..

ليان : حرام عليك تضربها .. انت ماتشوف حالتها هي مو في وعيها وهي تتكلم .. انت لاحظ حالتها هذا بدال ماتعالجها تقوم ضربها ..

جواد : هذي يبغي لها طبيب نفسي ..

ليان : طيب مو عيب ودها ..

جواد : وانتي تعتقدين انها ترضى تروح ..

ليان : ...............

جواد : طيب حبيبتي ما عورتك ؟؟

ليان بدلع : على الخفيف ..

انحنى وباسها على خدها ..

جواد : انا اسف ياريت يدي انقصت ولا ضربتك ..

ليان : ابعيد الشر ..

جواد : تحبيني ..

ليان : اي ..

جواد : لا قوليها ..

ليان بخجل : اي احبك ..

جواد بمجرد مانطقت هذي الكلمه انحنى وباسها ..

(( في نص الليل ))*

صقر توه راجع ويحس انه على طول الساعات الي طالعهم عن البيت ماكفوه علشان يروح الضيق الي في صدره ..

صقر في نفسه : يعني بعد كل شي مستحيل راح تقدر تطلع سيف من قلبها ..

وهو مار من عند الصاله شاف احد فيها فدخل وشاف ملاك الي اليحن جالسه مع انى مو من عادتها .. ملاك اول ماشافته جات تسرع له ..

صقر : شنو تسوين ؟؟ ليه جالسه الي هذا الوقت ؟؟

ملاك : انا اسفه .. انا جلست انتظرك علشان اعتضر على الموقف البايخ الي صار اليوم .. انا غبيه لاني سويت هذي الحركه واذيت شعورك .. مع انك طول هذي الفتره تعاملني بلطف بس انا جيت وخربت كل شي . انا اسفه .. " بدأت دموعها تنزل على خدها الي كان احمر من الخجل " بس ما شفت اليوم سيف ماادري شنو صار لي .. وسويت الي سويته بدون ماافكر انه راح يأذيك بتصرفي الغبي جدا ..

ملاك كانت تدري انها اذا كانت يم صقر وبتعامله الطيف معاها تحس بدفئ في قلبها .. وان الجرح الي في قلبها في تحسن بطيئ بس كان يتحسن ..

ملاك زاد صياحها وحطت يدينها على يعونها علشان توقت تدفق الدموع : بس انا الحين سعيده لانك بجنبي .. انا جدا سعيده لانك تعاملني بكل لطف .. انا سعيده ..

صقر ماتحمل اكثر مسكها وجرها لحضنه .. بعد كل الكلام الي قالته عرف انه مستحيل راح يكون سعيد لو يلف العالم الا اذا كان معاها وكانت في حضنه ..

صقر : خلاص مايحتاج تقولين اي شي .. انا سامحتك .. اهم شي انك تكوني سعيده في حياتك وانا راح اكون جنبك طول الوقت والي الابد ..

ملاك حست بدفئ لما حضنها .. احساس حلو كثيير ..

صقر: انا ادري انك ماتقدرين تنسين سيف .. بس هذا مو مهم الحين مع الوقت راح تنسين بس الي ابغيه منك الحين .. انك تهتمين فيني انا حتى لو بمقدار بسيط .. بعدها راح احس اني حققت معجزه .. ولا تخافين بعدها راح انتظرك لو حتجتي العمر كله علشان تبادلين الحب ..

ملاك : ان شاء الله راح اقدر ..

الا تسمع صوت بطن صقر ..

ملاك : هلا مره انت جايع ههههههههههههه ..

صقر : بروح اكل شي ..

ملاك : لا انا راح اسوي لك شي تاكله انت اجلس ورتاح ..

صقر : طيب بروح معاك المطبخ ..

ملاك : بس بشرط تجلس على الكرسي ولا تسوي شي ..

صقر: حاااضر ..

وراحوا وجلس يراقبها وهي تسوي له ..

ملاك : تفضل اشرب حليب اول ..

صقر : انا مو بزر علشان تشربيني حليب ..

ملاك : يلا عاد بلا هذرا زايده .. اشرب علشاني .. بسرعه اشرب الغشان تاكل السندويش الي سويته لك صدقني راح تاكل اصابعك وراه

وبتسمت له الابتسامه الي يحبها .. بس لما شافت وجهه ستغربت من ملامح الحزن الي في وجهه ..

ملاك : صقر ..

صقر : انا ماكان في قبل احد يهتم فيني بعد ماطلق ابوي امي طاحت مريض وهملتني فعشت في بيت جدي الي كان يكرهمني ..

ملاك : يكرهك !!

صقر : شكلي .. يقول اني اشبه اوي الي بسببه طاحت امي مرضيه .. جدي كان فرنسي بس جدتي كانت سعوديه .. تزوجوا عن جب هذا الشي خلي جدي يدخل الاسلام بس علشانها .. وجابوا امي وبعدها بفترى جدتي توفت .. فابوي حب امي ودللها .. بس لما امي تعرفت على ابوي حبته وجدي على طول وافق .. بس بعد فترى ماادري شنو صار بس الي اعرفه انهم انفصلوا .. امي ماتحملت ومرضت كثير جدي حقد على ابوي كثير .. حتى انه ماحب يشوف واحد يشبه بس للاسف انا طلعت اشبها كثير .. علشان كان دايم يعاملني بحقد .. ويخليني في غرفتي لساعات او لايام .. فتربيت بدون اب او ام .. ولا في احد يهتم فيني او يحبني .. كنت طول الوقت لوحدي .. علشان كذا لما جيت وشفت كيف تعيشون عائله وحده كنت احس بالغضب لاني ماكانت عندي هذا العائله المحبه .. وكرهت سيف لانه في الوقت الي كنت فيه اعاني الوحده وكره جدي وتعذيبه .. كان عنده كل شي الحب الحنان .. والعائله الي حلمت ابها ..

ملاك كانت تطالع فيه بحنان وتحس انه على رقم انه قاسي في تعامله .. وجسمه اكبر منها واطول .. ويدل على القوه .. في هذا الوقت حست انه مجرد طفل صغير .. وجاها شعور لنها ودها تحميه .. وتضمه بكل حب في قلبه وتخليه قريب منها ..

وماستنت كثير مسكته ولمت لصدرها .. مثل الطفل الصغير ..

ملاك : انا ماادري اذا كنت اقدر اسويلك شي .. بس الي اقدر اسويه لك اني راح اسوي لك كل يوم حليب ساخن مع فطوروالغدا والعشاء .. ماراح تحتاج انك تاكل لوحدك لاني راح اكون موجوده يمك .. وبكذا راح يروح شعور الوحده الي تحس فيه .. ماراح تكون لوحدك راح اكون معاك ..

صقر حس ان جسمها ينتفض .. بس كلماتها دخلوا الدفئ الي قلبه لاول مره في حياته احد يقول شي مثل كذا .. احساس غريب وحلو في نفس الوقت احساس خلاه يحس ان كل شي تمناه طول حياته .. موجود يمه احين .. هذا هو شعور الحب ..

نهاية البارت ..

الرصاصة السابعة والعشرون

(( بعد اسبوع ))*

جلست ليان وهي تعبانه حيل مو قادره تقوم من التعب ..

ليان : جواد .. اجلس ..

جواد : همممممم ..

ليان : يلا جواد ترى بتتأخر ..

جواد : خليني بس نص ساعه واجلس ..

ليان : جواد بلا دلع واجلس ..

جواد : حاضر على امرك بقوم .. بس بشرط ..

ليان : بدون ماتقول هذي احلى بوسه لك ..

جواد : تسلمين لي .. حبيبتي شفيك وجهك اصفر اليوم ..

ليان : مدري بس احس بشويت تعب ..

جواد : تعبانه .. تبغين اوديك الطبيب ..

ليان : لا بس برتاح اشوي .. يلا انت روح لا تتاخر ..

جواد : مااقدر اروح واخليك كذا تعبانه ..

ليان : والله مافيني شي لا تخاف بس اشويت ارهاق اذا رتحت بيروح ..

جواد : طيب ماابغيك تتحركين اليوم من السرير ..

ليان : حاضر ..

وتوها بتقوم ..

جواد : تعالي وين بتروحين الحين اقولك لا تتحركين من السرير وتقومين ..

ليان : بروح اقول لهم يجيبون لك الفطور .. وبعدين لازم اروح اطمن على أمل .. ولا تنسى اخواني ..

جواد : انسي كل هذا اليوم .. خلي كل شي علي ..

ليان : وشغلك ..

جواد : اليوم ماني رايح بجلس معاك مااقدر اروح وانتي تعبانه .. يلا عاد لا تتحركين بروح اجيب لك الفطور ولا تخافين بتفقد اخوانك ..

ليان : تسلم ..

جواد : يلا الحين رجعي نامي ..

(( عند مشاعل ))*

صعب ان يبدأ الحب بشفقه ..

والاصعب ان يستمر الحب بشفقه ..

كانت مشتاقه لسيف مووت .. فحبت تكلمه .. فدقت عليه ..

سيف بصوت نايم : الوووووو ..

مشاعل : هلا حبيبي ..

سيف : مشاعل ..

مشاعل : اي .. جلستك من نومك ..

سيف : لا عادي ..

مشاعل : اسفه بس اشتقت لك ..

سيف : تشتاق لك العافيه ..

مشاعل : بتجي اليوم ..

سيف : وين ؟؟

يتبع ,,,,

👇👇👇

تعديل المقال