رواية بعلمك درس -16

رواية بعلمك درس -16

رواية بعلمك درس -16

خالد:والله حتى انتو اشتقنا لكم

فارس:ملاك اشلونج وهو يمد ايده عشان يصافحها
ملاك:الحمد لله انت اشلونك
فارس تمام
وطلعو من المطار وراحوا علا طول لبيتهم
اول ما دشوالصاله فرح وامها وفجر راحو لخالد وسلموعليه وامه كانها سنه ما شافته مع انه علا طوال يسافر
بس طبعا هالمره غير........وملاك واقفه ولا كانها موجوده .....محد عبلاها ....
فارس :ملاك عادى ترى هذا دلوع العيله وهو يضحك
ملاك: ضحكت لاء عادى
فجر :وهى اتلم ملاك ملاك اشلونج حمدالله علا السلامه
ملاك:لله يسلمج
ولتفتو علا ملاك راحت ملاك تبى اتسلم علا خالتها الا ام فيصل تبعدها وتمد لها ايدها عشان اتصافحها
انحرجت ملاك من الموقف
ام فيصل:اعذرينى حبيبتى انا مصخنه وما ابى اعديج(وهى صار لها ساعه حاضنه ولدها ....يعنى ما خافت عليه
وخافت علا ملاك.........)
ملاك:لاء عادى
فجر :وهى اتمد ايدها عشان اتصافح ملاك ..........وانا بعد مريضه
ملاك: ......... ....
ملاك عن اذنكم بروح غرفتى.......وقبل لا تطلع الا الصوت اللى وراها ......حمدالله علا السلامه

ولتفتت ملاك ولا
ابو فيصل اللى تعدى خالد وحظن ملاك .......حمدالله علا السلامه توما نورالبيت واشلونج يبه
وشلون ارحله ان شالله استانستوا
ملاك:الحمد لله عمى حدنا استانسنا وخالد ما قصر
التفتت ام فيصل علاخالد تبى تشوف ردت فعله كان عادى
خالد:اشدعوه يبه نسيتنى ما تبى تسلم على
ابو فيصل وهو يسلم علا خالد اعذرنى يا ابوك هالملاك اشغلتنى
خالد:حس بضيق 0(الظاهر غار من ملاك)
ابو فيصل: يالله بدلو وتعالو تغدو معانا ننتظركم
ام فيصل :عاد ملاك كانت تبى تصعد المسكينه الظاهر تعبانه من السفر وما تبى غدى تبى اتنام؟؟؟
ملاك: (هذى غصب تبى اتنومنى )
ابو فيصل:ماراح نمد ايدنا علا الغداء الا وملاك موجوده
ام فيصل حست ان ودها تذبح ملاك من القهر
ملاك: ان شالله عمى ابدل وانزل لاطول
خالد: انقهر من الموقف يبه انا اغذرونى تعبان وبنام
ابوفيصل:علا راحتك يبه تبى تنام نام ...اما ملاك ترى بناخذها منك علا الغدى بس
خالد :وهو موطى صوته وما سمعه الا ملاك .........لو تبى علاطول يكون احسن
التفتت ملاك علا خالد وهو ما عبرها وصعد وهى اصعدت علا وهم فى جناحهم ......
خالد: تغدى وعلاطول ابيج تردين وهذى اخر مره اشوفج اتغدين مع اهلى واذا ناداج ابوىمره ثانيه اعتذرى انتى فاهمه
ملاك:ان شالله
وتركها خالد وراح لغرفته
اما ملاك واخذت لها شور علا السريع وطلت الظهر ونزلت وكانت لابسه تنوره سوداء وقميص بنفسجى ساده
البنات لاما شافوها اضحكو وحست ملاك ان فيها شى غلط وبدت اتحس ان لبسها موشى
وكان الحديث علا الغداء لابو فيصل وملاك والكل مستمع اما ام فيصل فكانت حاقده علا ملا ك وملاك حاسه بهالشى
من النظرات اللى كانت تنظر لها ام فيصل
ابو فيصل ترى يوم الخميس راح يكون عندنا حفل استقبال كبير لملاك وخالد ماشى يا ام فيصل
ام فيصل :ان شالله
وقام ابو فيصل من السفره وقامت ملاك وراه علا طول
ام فيصل: بعد ما راح ابو فيصل .........والله ماله داعى مافيه شى يسوىهالاستقبال الكيير علا قولته ....
ملاك:عن اذنكم وصعدت فوق لقت خالد قاعد علا التلفزيون بالصاله............
ملاك:خالد لو سمحه ابى اروح لبيت اهلى
خالد:اى اهل انتى عندج اهل
ملاك:وعيونها كلها ادموع..........
خالد:تقصدين جدت .....اى مو مشكله باجر مو اليوم
ملاك:.............................
خالد:اش فيج انطرمتى
ملاك: علا راحتك اللى تبيه بيصير....ودشت غرفتها ورمت نفسها علا السرير ونامت وما حست ابعمرها الا وجدتها اتصحيها

ملاك:يمه وهى تحضنها ححححححححيييل يمه يابعد عمرى انتى اللى جايه انا كنت بجيج
ام صالح :ما قدرت اصبر قلت بجى اشوفج .....
ولا ميرى سلام ملاك اشلونج
ملاك:هلا مير ى والله اشتقت لكم ححيل يمه
ام صالح وانا بعد والله ما صدقت رديتوا....ملاك ليش نايمه اهنيه
ملاك :ارتبكت وبين عليها لاء يمه انا جيت ابى اتفرج علا الغرفه وما حسيت بنفسى الا وانا نايمه
المهم يمه انتى اشلونج واشلون خالتى وشلون الشارع كله والله ولهانه عليكم
الكل بخير ورفيجتج ساره كل يوم والثانى اتمرنى وتسلم على ولا تتصل
ملاك: ياحلوها ساره صج وفيه
ام صالح :عسى الله يوفقها ...انتى شخبارج وشلون خالد
ملاك:يمه خن اغسل وجهى واسويلنا جاى واجى اكمل سوالف معاج
ام صالح :لاء يمه انا بمشى
ملاك :لاء يمه خليج معاى اشوى
ام صالح: معليه يمه وقت ثانى انتى انا الحين معزومه عند ام حمود ولاحقين علا القعده
ملاك:يمه انا ان شالله بزوركم باجر
ميرى :ملاك انتى شنو يبى انا ايسوى غدى
ملاك:ابى مجبوس مشتهيه مجبوسج
ميرى: ان شالله انا اى سوى كل شى انتى يبى
ملاك:يابعد قلبى يا ميرى
وطلعت ميرى وام صالح وهى مومرتاحه حاسه ان ملاك فيها شى ونومتها بالغرفه الثانيه فيها انا؟؟؟؟
فى اليوم الثانى اطلعت ملاك تبى اتروح بيت جدتها ولا تلقى ام فيصل قاعده بالصاله
ام
فيصل |:علا وين ان شالله
تخرعت ملاك هلا خالتى .......بروح بيت امى
ام فيصل :خالد عنده خبر ولا ما خذه الرى من راسج
ملاك وهى منغثه من اسلوبها لاء طبعا ماخذه الاذن
ام فيصل :خلاص اجل روحى
ملاك :انغثت اكثر من ام فيصل شنو هالمعامله سبحان الله ولدها طالع عليها نفس الاسلوب
الخايس..............اااااااه لو انه طلع علا ابون اللى ما يطلع منه الا كل شى طيب.......
وطلعت ملاك وراحت البيت جدتها
ملاك:قوى ميرى وين امى
ميرى : هلا ملاك ماما داخل ينطر انتى
دشت ملاك ولا تلقى جدتها مزهبه القهوه ولجاى والحلو اللى تحبه ملاك والمعجنات
ملاك:وهى تحظن جدتها يااااه يمه شنو مشتاقه لبيتنا ولج وتلتفت ولج ياميرى
جدتها انا وميرى من الفجر قاعدين ما خلت شى ما سوته لج
ميرى :ملاك مثل انا بتى
ملاك:مشكور حبيبتى ماتقصرين
وقعدت ملاك مع جدتها سوالف وضحك ووناسه وتغدت وصعدت غرفتها .............واول ما دشت غرفتها غصتها ا
لعبره وكان ودها تبجى حست بالحنين لبيتها وغرفتها اللى كلها دببه وكتبها................ااااااااه لو اقدر ارد مثل اول

انا الحين بمصيبه مانى قادره اتخلص منها ..........وراحت لفراشها ونامت
علا العصر جوها صديقلتها ساره وليلى .....
ليلى :ملاك تتصدقين تغيرتى علا الزواج
ملاك:شنو تغير فينى
ليلى :شكلج كبرتى
ملاك:(اكيد بكبر اللى شفته اشيب)........يمكن لانى صرت احط مكياج
ساره :ملاك الا شخبار شهر العسل وحبيب القلب ؟؟؟؟؟سولفيلنا
ملاك:الحمد لله زين
ساره شنو زين يعنى ؟؟
ملاك:يعنى شقول لكم .....زين وبس
ليلى:سولفيلنا شقال عن شكلج اكيد استخف لليله العرس عليج
ملاك:(اى استخف بس باسلوب ثانى )اى مدح شكلى يقول حلو
ساره حست ان ملاك فيها شى.............ليلى ترى احرجتى البنت هذى ملاك يبيلها الف سنه عشان تتجراء وتسولف
ملاك:حست ان ساره انقذتها من الاحراج لانها كانت راح تنهار لو ضغطو عليها اشوى
وبعد ما اقعدو وستانسوا

يتبع ,,,,
👇👇👇
أحدث أقدم