بداية

رواية اسم على مسمى -18

رواية اسم على مسمى - غرام

رواية اسم على مسمى -18

رسلت له
(( في غيبتك من لي حبيب أناجيـــه
في غيبتك من يمسح الدمع
" لاسال"
ماكل صاحب في غيابك بناديـــه
جرحي كبيروخافق الجرح
"قتـــــال" !))
وصله فهد المسج وكان بطير من الوناسه لأنها ردت بس لما قراها تلاشت أبتساامته
بعد ساعتين عزم أبو فيصل بس أخوه أبو طلال اللي قال له أبو فيصل عن كل شي..
وصل بدر بيت أبوفيصل وأهو موطايق نفسه..
الشيخ وبدر: السلام عليكم
أبو فيصل وأبو طلال وفيصل: وعليكم السلام..
جلسوا وبدوا العقد والنظرات بين فيصل وبدر قتاااله..
أبوفيصل: قم يافيصل خل أختك توقع..
فيصل: طيب..
قام فيصل ورااح إلى مروه غرفتها..
فيصل: وقعي..
مروه: على أيش..؟
فيصل: زواجك من بدر..
مروه: بليز فيصل مابي..
فيصل: وقعي لا أذبحك في مكانك..
وقعت مروه وأهي تبكي..
فيصل: جهزي أغراضك الليله بتروحين معه..
مروه ماناقشت: أمرك..
نزل فيصل وعطى الشيخ الدفتر..
الشيخ: ألف مبروك يابدر..
بدر: الله يبارك فيك ياشيخ..
قام الشيخ: أنا بستأذن لأني مشغول..
بدر: خذ راحتك..
طلع الشيخ
بدر: خلوها تنزل أنا بالسياره أنتظرها..
وطلع بدر..
أبو فيصل: الحمد لله.. هم ونزاح عن صدري..
فيصل: أيه والله.. أنا بقوم أناديها عشان تروح معه..
أبو فيصل: طيب..
أبو طلال: مبروك..
أبو فيصل: وهذا النسيب.. وين تقولي مبروك..
أبوطلال سكت أحترام لأخووه
راح فيصل لأخته
فيصل: جهزي أغراضك.. زوجك ينتظرك بالسياره..
مروه: أنت مو قلت لي الليله..
فيصل: أهو قال خليها تنزل لي..
مروه: طيب..
مروه كانت في ذي اللحظات من أسوى أيام عمرها .. صارت تحلم ببدر كل ماغفيت.. كان أهو يتهجم عليها ويضحك وأهي تصارخ وتبكي..
فيصل كان يطالع في أخته وأهو حزيين عليهاا مررره بس ما باليد حيله..
نزلت مروه وأهي حامله أغراضها..
شافت أمها جالسه بالصاله راحت لها: يمه.. نزلوا دموعها.. يمه سامحيني يمه.. يمه أرجوك تسامحيني.. يمه أنا والله ماكان في بالي بيصير كل هذا.. تقربت منها وباستها على راسها وأمها كانت بعد تبكي.. أمنتك الله يالغاليه..
رااحت مروه طلعت لبدر..
بدر مهو بقادر عليها نزل سحب الشنطه من عندها وحطها بالسيااره..
طبعا مروه من شاافته تذكرت تفاصيل ليلة البارح.. تذكرته يوم خلص منها رفسها وقال لها: خلاااص شبعت منك..
وأهي كاانت ميته من البكى..
وكمل قايل: ليله حلوه مثلك ياحلوه..
ركبت مروه السياره بجنبه مع أنها مهي بطايقته..
ركب بدر بجنبها.. وكاان السكوت سيد الموقف..
بعد شوي بدر سمع صوت بكى وقاال: أيش فيك تبكين بعد..؟
مروه: لو سمحت لا تكلمني .. مو أنت شبعت مني خلاااص لاتكلمني..
بدر: بالطقاق..
مروه: يطقك..
بدر: أمسكي لسانك أحسن لك..ترى أنا ماخذك غصبن علي..
وصلوا الشقه..
بدر: ياحلوه.. أنزلي..
سفهته ونزلت.. أخذ شنطتها وركب أهو معها الشقه
دخلت الصاله.. وتذكرت أحداث البارح..
جلست على الكنبه تبكي
بدر شافها وقال هذي كل تبكي.. كسرت خاطره
جلس بجنبها.. أهي قاامت..
مروه: لو سمحت لا تقرب مني..
بدر: لييش مو مرتي.. أنتي حلالي..
مروه: للأسف.. بس أنا ما أبيك..
بدر: بس توك مبارح كنتي مطيعه..
مروه: لا تذكرني..
بدر شاف آثار الضرب على وجهها: من عمل لك كذا..؟ وأشر على وجهها
مروه بأبتسامة إستهزاء: نصف منك ونصف من أهلي..
بدر كسرت خاطره شوي..
مروه: أختار بتنام في المجلس لو بغرفة النوم..
بدر بخبث: لييش.. مابتنامين معي..؟
مروه: لا طبعا..
بدر: طيب أنا رااح أنام بالغرفه..
مروه أخذت أغراضها ورااحت المجلس..
بدر أختار الغرفه عشان يبعدها عن الغرفه عشان لاتذكر
مروه نزعت عباتها وأخذت ملابسها تتروش.. طلعت من المجلس وراحت الحمام ومررت على بدر اللي ماشال عيونه من عليها..
طلعت من الحمام وأهي لابسه ملابسها.. كانت لابسه شورت قصير وبلوزتها كانت سير وبطنها شووي طالع ولافه الفوطه على شعرها..
بدر دااار راسه عليها بجد عجبه شكلها..
رااحت المطبخ لأنها ما أكلت شي من البارح
فتحت الثلاجه كان فيها بس بيض وفواكه..
طلعت لها فوااكه.. وسوت لها سلطت فواكه.. وحسبت بدر معها.. مع أنها مهي بطايقته بس تحس أنه خلاص صار زوجها ومسؤول منها ولا عندها حد غيره..
قبل لا تحطها له..: تبي سلطت فواكه..؟
بدر ستانس لأنها عبرته شوي: عادي..
جابت له مروه السلطه..
بدر: أنا ما أكل إلا على الطاوله..
مروه شالته وحطته على طاولة الطعام..وكانت بتروح المجلس
بدر: وين..؟
مروه: المجلس..
بدر: لا.. تعالي جلسي معي..
مروه: من قال لك أني بجلس معك..
بدر: أجلسي لا أقووم أنا أجلسك.. وتدري أنا أسويها
مروه جلست..
بدر حس بالأنتصاار..
بدر: يألموك جروحك..؟
مروه سااااااكته
بدر: طيب أنا ما عرف أجلس ساكت..
مروه هم سااكته
بدر: مروه تكلمي قولي شي لا تضلين ساكته.. أنا يمكن غلطت البارح معك.. بس أنا صححت غلطي..نزلت دموعها.. يعني تبيني أيش أسوي لك عشان ترضين... قامت وجلست على الكنبه قاام بدر وجلس بجنبها.. كانت بتقوم بس بدر مسكها..
(بدر حس بالندم لما شافها وشاف جروحها)
بدر: أنا آسف لأنك نظربتي بسببي.. آسف.. وصدقيني متندم على اللي سويته.. ولو يرجع الزمن على ورى كان ماسويت لك شي.. زاد بكيها.. بدر مسح دموعها.. وضمها له وقال.. أنا آآآسف.. باسها على خدها وبعد عنها مسكته مروه لأنه ماعندها ألا هو وقالت له: أنت أخذت شي غالي علي كثير.. وبعد غصب عني.. أنت لو ما عملت اللي عملته.. كان الحين حياتنا غير.. بس أنت واحد ماتحب الا نفسك ومصالحك..
بدر بصدق: تدرين بكلامك هذا تعذبيني أكثرر..
مروه تقربت منه لأنها تدري أنها مالها إلا هو من أهلها كلهم: تدري خلاااص أعتبرني من هاللحظه زوجتك..
بعد أسبوعين.. اليووم زوااج..
..فهد وجنان..
كانت جنان واقفه تنتظر بغرفة العروس اللي بالقاعه بفستانها الأبيض وحولها صاحباتها وأهلها ومبينه السعاده من بره مرره بس من الداخل كانت تعيسه مرره ..
كانت لابسه فستان كت وممسوك عند ظهرها وبطنها بعدين منفوش وطرحتها كانت طويله مع الذيل.. شعرها كان ويفي.. ومكياجها ناااعم.. وباقتها كانت فوشيه وأصفر وأبيض وظلها نفس الألوان..
الجوري تقربت منها: سرحانه في الحبيب..
أبتسمت جنان أبتسامة صفراء..
الجوري: كيف شعورك..؟
جنان: شوي وأموت من الخوف..
الجوري: لاتقولين كذا.. لأني بخاف مثلك..
جنان: هههههه..
الجوري: صحيح أمي قالت لي مابتدخلين القاعة..؟ لأنك طولتي..
جنان: الله يستر.. أوكي الحين بدخل..
الجوري: طيب.. الريم..
الريم: نعم..
الجوري: روحي إلى الطقاقه وقولين لها بتدخل العروس..
الريم: طيب.. راحت الريم وقالت..
جنان: عدل شكلي..؟
الجوري: قمر..
جنان: أنتين القمر.. تصدقين أول مره مانلبس مثل بعض..
الجوري: أيه والله.. حكم القوي..

الجوري كانت لابسه فستان نيلي.. كان كت وحاطه لها حزام من القماش أسود فيه كريستالات سود عند الخصر.. ومن تحت.. من قدام طبقات مموجه وفتحه على جنب ومن ورى ذيل وكان منفوش.. وفي يدها قفازات ..(دانتيل).. أسود.. وكانت لابسه طقم ألماس فضي..<< هديه من طلال في عيد ميلادها لما كانوا في فرنسا..
دخلت جنان على موسيقى كلاسيك.. وكانت أهي مرره مستحيه.. والناس من شافوها صلوا على النبي من جمالها..
وصلت أخيرا وجلست..
جاات أمها تسلم عليهاا.. وضمتها وجلسوا يبكون الكل تأثر منهم ولاحظوا العلاقة القويه بين الأم وبنتها..
بعدت عنها أمها وعدلت مكياج جنان ومكياجها.. ..
من جهه ثانيه كانت مروه وفاطمه جالسين
فاطمه: وييلي أنا ماني بقادره أتحملها..
مروه: طيب ليش..؟ الله يوفقها..
فاطمه طالعت فيها متفاجئه: حتى أنتي تقولين كذا.. غسلت مخك..
مروه: أي غسلت مخي الله يهداك.. بس أنا ليش أعذب نفسي بوحده أهي أصلا ماساوت لي شي..
فاطمه.: أخذت فهد...
قاطعتها: هذا رزقها.. وخلاص أصلا أنا نسيت فهد.. والحين أنا وحده متزوجه..
فاطمه: أنتي مو مروه اللي قدامي..
مروه: ألا مروه.. لكن مروه جديده..
فاطمه متفاجئه مرره مررره..
.

.
من جهه ثانيه..
كان فهد اللي يظهر بأنه فرحان وأهو زعلااااان ومو طايق نفسه.. ويجبر نفسه على الأبتسامه لمن يسلمون عليه..
وصل طلال
فهد: أنت وينك أختفيت..؟
طلال: هذا أنا آمرني يامعرسنا..
فهد: أبي مويه..
طلال: لحظه بس..
جااب له المويه..
طلال: هني وعافيه..
فهد: الله يعافيك..
طلال جلس بجنبه: كيف حال معرسنا..؟
فهد: يسأل عنك ويقول لك عقبالك..
طلال: أنا باااقي كثيير..
فهد: أصلا مابتشوف هالأشهر إلا مررت..
طلال: على قولتك.. خاايف..؟
فهد أيه والله: لا أيش يخوفني..
طلال غمز له: إذا ماتعرف شي أتصل علي أعلمك..
فهد: قم عن وجهي قم..
طلال: هههههههه..
فهد: أضحك أضحك يالسخيف.. أصلا مفروض أنا اللي أعلمك..
طلال: هههههههههههه..
فهد سرح شوي وكان يفكر في أبوه اللي كان يتمنى يشوفه معرس بجنب زوجته..
قطع عليه طلال: يالحبيب..
فهد: هلا..
طلال: أقول لك يالله بندخل القاعه..
فهد قام من على الكنبه: طيب..
وصلوا للقاعه.. أعلنوا في القاعه بأن المعرس رااح يدخل..
جنان هنا أختبصت من فوقها إلى تحتها..
الجوري: هدي.. أنا بروح أشوفهم برره طيب..
جنان: طيب مو تنسيني..
الجوري: أكييد..
طلعت بره شافت ..فهد وطلال وأبو طلال..
طبعا من بينت الجوري طلال ماشال عينه عنها..
سلمت الجوري على فهد وضمته ونزلوا دموعها: مبرووك يافهد..
فهد: الله يبارك فيك.. لاتبكين أنا كل يوم معك في نفس البيت..
الجوري: هههههه.. حتى ولوو..
بعدت عنه
فهد كان يساسرها: أيش هالجمال.. شوفي عيون طلال..
طالعت في طلال وشالت عينها: ههههههههههه..
سلمت على عمها وباست راسه: على البركه ياعمي..
أبوطلال: الله يبارك فيك يا بنتي ويحفظك وعقبال ما أفرح فيك مثل مافرحت لجنان بليلت عرسها..
الجوري بعدت عنه: تسلم ياعمي..
رااحت إلى العاشق الولهان طلال..
سلمت عليه وباسته بالخدين وأهي بتمووت من نظرااته..: كيفك..؟
طلال: مو بزين..
الجوري: ليش..؟
طلال: الحين كلهم تضمينهم وأنا لا..
الجوري بخجل: طبعا لا..
طلال: طيب بتشوفين أيش بسوي..
الجوري: أيش بتسوي..
طلال: بعدين أقولك.. بعدين أيش هالجمااال ياقلبي..؟
الجوري بخجل: عجبتك..؟
طلال: طبعا.. ولو مو حنى هنا كان علوووم..
الجوري: أجل الحمد لله..
طلال: هههههههه..
مسك طلال يدها ومشو ورى فهد وأبوه وأمه وخالته أم فهد..
دخلوا القاعه وطبعا بهيبتهم..
فهد كاان مايشوف جنان عدل لأنها بعييده عنه مرره..
طلال: ويش أشوف لي وحده..؟
الجوري: كاان أذبحك بلا أدنى شك..
وصلوا أخييييرا(ن)
فهد شاال الطرحه ووقف مفهي شوي.. باسها على راسها وقاال: مبروك ياقلبي..
سكتت جنان عنه وكانت منزله راسها.. فهد أنقهر منها..وقف بجنبها
أبوطلال ضم بنته وضمته: مبروك يابنتي..
جنان كانت متغبنه ومنقهره وكل شي عشان كذا بكت: الله يبارك فيك يايبه.. بعد عنها..: موتبكين..
أبوطلال سلم على فهد وقال: فهد حط جنان بعيونك أهي بأمانتك ياولدي..
فهد: أكيد يبه لاتوصي.. جنان بعيوني..
أبوطلال أبتسم: وأنتي ياجنان ديري بالك على فهد ترى أهو بعد أمانه برقبتك..
جنان: أنشاء الله..
بعدين أبو طلال طلع..
طلال: هلا بالعروسه..
ضمته جنان بقووووووه وأهي تبكي..
طلال ضمها تأثر مع أخته: مبروك حبيبتي..
جنان: الله يبارك فيك.. طلال.. خذني معك..
طلال: ههههه تبين فهد يذبحني..
جنان بعدت عنه وأبتسمت له..
رااح لفهد وضمه بقوه: مبروك..
فهد: الله يبارك فيك.. عقبالك..
طلال: أنشاء الله.. فهد هالله هالله بأختي دير بالك عليها.. ماوصيك يافهد..
فهد: لاتوصي حريص..
بعد عنه وأبتسم له..
الجوري إلى جنان: ليش تبكين..؟ فهود جنبك وتبكين ماهقيتها..
جنان: ههههه..
الجوري: أضحكي..
ماشافوا إلا طلال تلثم بلشماغ البيج ومسك أياديهم ثنتينهم ورقص معهم..
وهم بس يضحكون عليه.. كان طلال عاطي فهد ظهره..
فهد قال إلى طلال: الله لنا..
طلال: ههههه

مسكه طلال من يده وخلاه يمسك بالأيد الثانيه جنان.. وقرب أمه وخالته.. وجنان مسكت الريم وقالت إلى شوق تجي بس ماتقدر وسوو حلقه..وفاطمه كانت جالسه مع مروه اللي كانت تقنعها تقوم بس مارضت..
فهد كان يطالع في جنان اللي أبد ماطالعت فيه.. وأهو مرره كانت موصله معه من هالشي..
وقفوا رقص.. وطلع طلال بعد ماودعهم
الطقاقه: هذي الأغنيه أهداء خاص من المعرس إلى العروسه..
فهد فتح عينه وطالع في الجوري..
الجوري أبتسمت له..
الكل صفق وقال أووووه أووه
أنتشر صوت موسيقة البدايه
وعرفوها فهد وجنان على طوول.. كانت أغنية تامر حسني الله يبارك لي فيك..
جاات الجوري له وهمست له: أرقص معها..
فهد: أحلفي زين..؟
الجوري: والله..
فهد: مستحيل..
الجوري: ليش..؟
فهد: كذا..
الجوري: طيب عشاني..
فهد بعد تفكير: أووكي..
وقف فهد ووقف جنان معه مسكها من خصرها وقربها له.. جنان تفاجئت من حركته.. ورقص معها.. أهي كانت منزله راسها لأنها ماتقدر طالع فيه.. وأهو ماشاال عينه عنها..
جنان في نفسها تقول جالس يعدل على نفسه لكن يحلم أسامحه..
فهد في نفسه يمكن هذي الليله تكوون غير مايندرى..
خلصوا رقص والكل صفق لهم.. رجعوا جلسوا
جنان همست لفهد: لاتحاول تعدل على نفسك.. لأني صرت ما أصدقك..
فهد: ومن قالك صدقيني.. وأصلا هذي الحركه مو أنا اللي عاملها الجوري بكيفها عملتها.. طيب.. وأنا تراني ما أذل نفسي لأي أحد في هالدنيا.. أي أحد..
فهد نادى أمه..
فهد: يمه نبي نمشي..
أم فهد: طيب..
فهد: بسرعه يمه..
أم فهد: طيب..قوموا..
فهد قاام ووقفت جنان معه..
زفوهم إلى غرفة العروس عشان التصوير..
وقف عند الباب فهد وقال:5 دقايق ودخلوا المصوره..
أم فهد: طيب ياولدي..
دخل فهد الغرفه أهو وجنان وصك الباب
فهد: لوسمحتي تكلمي عدل معي.. وأنا مو بأصغر عيالك طيب..
جنان: أنا أصلا ماتكلمت معك عشان تقولي كذا..
فهد: اللهم طولك ياروح..
جنان: خلي المصوره تجي عشان نروح لأني تعبت من الفستان..
فهد فتح الباب وشاف الريم: قولي إلى المصوره تجي
الريم: طيب
وراحت الريم..
شوي نطق باب الغرفه.. توقعوا المصوره
قامت جنان فتحت الباب.. وكانت الصاعقه مروه واقفه قدامها
مروه: مبرووك..
جنان للحين منصعقه
مروه: وين فهد ببارك له.. دخلت مروه
فهد وقف لأن مفاجئته أكبر من جنان
مروه: مبروك فهد منك المال ومنها لعيال
فهد متلعثم: الله يبارك فيك.. تسلمين
مروه: هالله هالله ياجنان بفهد وأنت يافهد بعد..
فهد أبتسم: أكييد جنان بعيوني
مروه: أنا بس حبيت أسلم.. يالله مع السلامه
وطلعت..

جنان سكرت الباب: الحق... أستغفر الله العظيم.. شفت أنها ماتستحي جايه بكل برود تسلم..
فهد: أيش فيها يعني..؟
جنان: أبدا مافيها شي..
نطق الباب
جنان فتحت الباب وكانت المصوره
جنان: تفضلي..
المصوره: شكرا..
دخلت المصوره..
صورو الصور وكان فهد من داخل مستانس وجنان أبدا..
المصوره: طاالعي بعيونه..
جنان طااالعت بعيوونه وكاانت عيونه كلها حب وغراام لها.. شالت عينها..
المصوره قاالت لها تسوي له حرركه..
جنان: لا لا لا مستحيل أسويها..
المصوره: طيب..
فهد داار وضحك..
جنان: فهد أشوفك..
فهد: أيش سويت أنا..
جنان: ولا شي.. لوسمحتي كملي..
كملت المصوره..وخلصوا..
بعدين دخلوا الكل يودعونهم لأن الليله بنامون بفندق..
كلهم سلموا عليهم بااقي بس الجوري..
جنان: ماتبين تسلمين علي..؟
الجوري أبتسمت: ما أقدر.. ورااحت ضمتها
الجوري وجنان نزلوا دموعهم
الجوري: لا تروحين عني..
جنان: خلاااص بجلس معك..
الجوري: فهد بيذبحني لو سمع هالكلام..
جنان: هههه.. روحي معنا
الجوري: هههههه.. الله يوفقك يارب
جنان: يسلمو..
فهد: خلاااص وااجد عليكم من بعض..
الجوري بعدت عنها: ياحبيبي ليش تغار..؟
فهد: طبعا..
الجوري: يا أخي الليله كلها لك..
ضربتها جنان على كتفها
الجوري وفهد: ههههههههههههه.. فهد:يالله خلينا نمشي..
جنان: أووكي
لبسوها العبايه وطلعت مع فهد وتوجهو للفندق..
وصلوا الشقه.. وكانت مكونه من غرفة نوم وحمام وغرفة ملابس..
هذي اللحظه اللي كانت جنان ماتبي تعيشها مع فهد..
فهد طوى بشته وحطه على السرير وقال: بدلي ملابسك وشوي ورااجع..
جنان: طيب..
أنتهى البارت..
توقعاتكم وأرائكم..
أختكم..
جنة الفردوس..

البـــــــــــــــــارت الثالث عشـــــــــــــــــــر.. وصل..
طلع فهد..وبدلت بأسرع وقت ممكن ولبست فستان قصير لنص الفخد ولونه عنابي في كريستالات فضيه ومربوط على الرقبه ولبست أكسسوارات فضيه وفكت شعرها وخلت مكياجها.. علقت فستانها بالدولاب.. وشغلت التلفزيون وتسندت على السرير وجلست تتابع
دخل فهد الغرفه ونصدم لما شاف التلفزيون مشتغل.. شافها تتابع وعجبه شكلها بس مايقدر يعبر لها..
رااح غرفة التبديل بدل وطلع.. وجلس بجنبها على السرير.. وأهي ولا كأنها تشوفه..
فهد: أبي أنام ممكن تطفينه..
جنان نزلت على الصوت وقامت طفت الأضواء وقربت لها كرسي
وجلست عليه وكملت متابعه..
فهد طففش من حركاتها.. وقال خلها براحتها ونااام..
جنان دارت له وشافته ناايم.. راحت أخذت لها شاور وطلعت لبست فستانها النوم وراحت على الكنبه تغطت بشرشف ونااامت..
أما من جهه ثانيه
الجوري دق جوالها: هلا حبيبي
طلال: آآه من قلبي..
الجوري: سلامة قلبك..
طلال: أنتي وين..؟
الجوري: بالبيت..
طلال: أنا عند الباب..
الجوري: طيب دقيقتين وبفتح لك الباب .. ودخل على طول المجلس..
يتبع ,,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -