بارت جديد

رواية قررت اموت بحبك -18



رواية قررت اموت بحبك -18

رواية قررت اموت بحبك -18

الام: كفوو يله الله معك
دخلت نجود للمجلس الي خالد كان فيه كان ضام يديه وحاط وجهه فيهم مو مصدق مايدري وش يسوي وليه صار له كذاا كان حزين حزين حزين وحالته يرثى لها حتى انه تمنىالموت في وقتها ولا انه يشوف نجود ويتزوجها
نجود: السلام عليكم
خالد مو معها : لا رد
نجود علت نبرتها اكثر: السلام عليكم
خالد: انتبه لها بس ما رفع راسه: وعليكم السلام
ظل الصمت للحظات وقررت نجود تقطعه: خالد فيك شي؟؟
خالد: لا
نجود: طيب ارفع راسك
خالد كان مراح يرفعه بس قال في نفسه حراام هي وش ذنبها كل من امي الله يهديها:وهذا انا رفعت راسي
نجود:كيفك؟؟
خالد: بخير انتي كيفك؟؟
نجود استانست انه عطاها وجه: انا بخير الحمدلله
خالد يبي ينهي الجلسه بأي طريقه يحس انه يخون العنود:عندك طلبات؟؟
نجود: لا بس بغيت....
قاطعها خالد: وش بغيتي؟؟
نجود: نقدم الملكه ودي نملك قبل الزواج
خالد: لا ليه ؟؟ انا احب الملكه في نفس يوم الزواج<<طبعاا يكذب يبي يأخر الموضووع بأي طريقه
نجود خافت من طريقه اسلوبه في الكلام: خلاص على راحتك بس لو ممكن نقدم الزواج
خالد بعصبيه: انتي وش مستعجله عليه؟؟؟
نجود خافت منه : لارد
خالد يكلم نفسه ياربي وش ذنبها كل شوي مطلع حرتي فيها: آســـــــف
نجود: لا عااادي ولا يهمك بس شكلك تعبان
خالد: ايه شوي يله عن اذنك اذا بغيتي شي ويمد لها كرته هذاا رقمي
نجود: اوك
خالد: فمان اللله
نجود: فمان الكريم

نرووح للعنود الي ياحراام نن يوم ما سمعت الخبر من روان امس وهي في حاله يرثى لها ما تاكل ولاشي بس تشرب مويه عشاان ما تمووت وبعد بلغصب من روان
العنود في نفسها آآآآآآآآآآه الحين اكيد معها اكيد مبسووطين اكيد حبها ولا ليه يخطبها :تبكي بصووت مسمووع
دخلت روان عليها: العنود حبيبتي خلاص وش فيك ؟؟ انا ماصدقت تنامين
العنود: آآآآآآآآآآآآآآآآآآآه آآآآآآآآآآآآآآآآآآآآه يارواان اكيد الحين خالد معها ومستانسه معاه وانا هنا ابكي مقهووره اكيد قالت له احبك واكيد هوو نساني ولا كيف يخطبها طيب له داامه ما يبيني يعلقني فيه وتبكي
روان: حبيبتي صدقيني ماصار شي من الي في بالك اصلااا انا توني كنت اكلم شووق وقالت لي ان خالد رااح يشووفها ورجع بسرعه يعني ما طول عندها معناها ما يحبها صدقيني لو يحبها كان طول عندها هوو يحبك<<<طبعاا روان جابتها من عدها انه طلع من عندهم بدري بس طلع صح عليها خخخخخخ
العنود وكنها ارتاحت شوي من الافكار الي في بالها وهدت شوي
في اليل

ام عبدالله بصراااخ تنادي:ابوعبدالله يا ابووعبدالله
ابوعبدالله: وش فيك تصارخين في ذاا اليل؟؟
ام عبدالله:خالد خالد ياابو عبدالله
ابو عبدالله:وش فيه؟؟
ام عبدالله: من يوم ماراح لبيت اختي يشوف نجود مارجع والحين الساعه 4 وهوو لا حس ولاخبر
ابوعبدالله: وتوك تتكلمين؟؟
ام عبدالله: وش عرفني ؟؟ اخسبه عند اصدقائه
ابو عبدالله: لا حول ولا قوة الا باللله اتصلي على طلال وعبدالله وياسر يجون يدورون عليه معي
ام عبد الله وهي تصيح: ان شاءالها
شووق: يمه اتصلت عليه وما رد

بعد فتره

ياسر : والله دورت في كل المستشفيات ومالقيته
طلال: وانا في كل اقسام الشرطه
عبدالله: وانا درت كل الشواارع وما لقيته
ام عبدلله وهي تصيح : وين راح ؟؟ وين رااح ولدي؟؟
انتهى البارت السابع عشر

توقعاتكم.....


البارت الثامن عشر

18
في غرفة العنود
العنود كانت منسدحه على السرير ومغمضه عيونها يعني الي يشووفها يتوقعها نايمه بس هي طبعاا مو نايمه

روان: العنود بس ترى قسم بالله جدتي وجدي وعمي يوسف بدوو يشكوون يقولون وش فيها كذاا لا تاكل ولا تشرب ولا صرنا نشوفها
العنود: لارد
روان: بعدين هم مستغربين ليه صايره انام عندك ما انام في بيتنا واقولهم اختبارنا الاسبوع الجاي مشت عليهم بس ترى مو دايم تسلم الجره
العنود: لارد
روان: العنود جد خلاص ردي علي ادري انك مو نايمه
العنود: لارد
روان تهز العنود: العنووووود العنود بلا استهبال ترى مالي خلق استهبالك
العنود بعد: لارد
روان بخووف وصرااخ: العنوووووووووووووووووووووووووووود العنوووووووووووووووووووووود
العنود : لارد
روان طلعت من الغرفه تركض بحكم ان الكل نايم وماحبت تخوفهم يعني يمكن تكون العنود نايمه او شي وراحت لغرفة عمها نواف
روان:عميييييييييييييييييي نواااااااااااااف قووم نوااااااااااف
نواف: همممممممممممممم وش تبين؟؟
روان: قووم الله يخليك العنود مدري وش فيها اكلمها ما ترد علي
نواف: يمكن نايمه
روان: اقولك اهزها اصارخ في اذنها ما ترد علي لو نايمه على الاقل بتقوول مثلك ههممم شي بتحس فيني
نواف خاف من كلام رواان وراح لغرفة العنود وشالها وعلى طوول على اقرب مستشفى
في المستشفى
الدكتووور: السلام عليكم
نواف وروان: وعليكم السلام
الدكتور: زوجها؟؟؟او اخوها ؟؟؟المهم تقربها
نواف: ايه عمها معك نوااف محمد الـ.......... وش فيها يادكتوور؟؟؟
الدكتور: تفضل معي المكتب
نواف: ان شاءالله
روان: طيب ممكن اشوفها دكتور
الدكتور: تفضلي
راح نواف مع الدكتور للمكتب.....
الدكتور: ونعم والله ياأخ نوااف العنود في حالت صدمه واتوقع ان الصدمه كانت قويه عليها شوي فما قدرت تتحملها فجالها انهيار عصبي وزياده على كذاا باين انها لا بتاكل ولا بتشرب وهذاا سبب لها فقر دم
نواف: ايه صحيح هي في الفتره الاخيره تعبت شوي
الدكتور: الي راح اطلبه منك الحين هوو رجااءاا ماتعضروونها لصدمات لانها ما تتحمل في الوقت الحالي وانا من شوي عطيتها مغذي وحاب انها تبقى في المستشفى لمدة يومين بس وبالشفى ان شاءالله
نواف: شكراا يادكتووور
الدكتور: العفووو
في بيت ابوعبدالله

ام عبدالله: يارب يارب تحفظ لي ولدي يارب
شووق: امين يمه لا تخوفيني الي فيني مكفيني
ام عبدالله: وش اسووي يا شووق من يوم ما طلعوا اخوانك وابووك مره ثانيه ما عاد رجعوو للبيت لا يكون صاير لخالد شي
شووق: استغفري يمه فال الله ولا فالك بسم الله عليه
ام عبدالله: استغفرالله استغفرالله
شووق : ايه صح يمه كلمتوو نواف
امم عبدالله ما تجمع: مين نوااف؟؟؟؟
شووق::يمه وش فيك نواف صديقه ولد جدي محمد الي راح معه كنداا
ام عبدالله: ايه دقينا على جواله وما رد
شووق: يمكن معه
ام عبدالله: الله يسمع منك دقي عليه
شووق: ان شاءالله
في المستشفى
روان: طيب والسواات وش نقول لجدتي وجدي
نواف: نقوول من الاختبارات مريضه خا يفه أي شي
روان: وابوها والله عمي مرااح تمشي عليه
نواف: لا يوسف مسافر هوو وسلمان اليوم انا موصلهم المطار في اليل الساعه 1
روان: الحمدلله طيب متى بيرجع؟؟
نواف: لا الصفق هالي رايحين عشانها مطوله
روان: الحمدلله يعني بيمديها تطلع وهوو مارجع
نواف: اتوقع انهم حاجزين رجعه يوم ملكه فيصل وميس
روان: زين
الا يدق جوال نواف رقم غريب بس قال ممكن يكون احد مهم ولا اخوانه فرد:الوووووووو
شووق بصوت مبحوح من البكى: السلام عليكم
نواف: وعليكم السلام
شووق: ادري ما عرفتني انا شووق اخت خالد وسووري للأزعااج داقه هذاا الوقت
نواف: اهلين لاعاادي فيك شي؟؟ بغيتي شي؟؟
شووق: لا خالد
نواف انقبض قلبه: وش فيه خالد؟؟
شووق بدت تبكي: من يوم ما راح يشوف نجوود في بيت خالتي وهوو مارجع للبيت للحيل هوو عندك
نواف: لا مو عندي بس بدور عليه في كل مكان وارجعه
شوق: لاتروح مستشفيات ولا مراكز شرطه كلها اخواني دوروه فيها ومالقووه روح الاماكن الي تروحون لها دايم طلبتك يا نواف ان لقيته تقولي
نواف: ان شاءالله ولا يهمك
شوق: مشكور مع السلامه
نواف: فمان الله
نواف: لاحول ولا قوه الا بالله
روان: وش السالفه؟؟
نواف: هذي شووق اخت خالد
روان: وش فيها؟؟؟
نواف: خالد مايدرون وينه من يوم ماراح يشوف عرووس الغفله نجوود ودقت على تحسبه عندي
روان: استغفرالله العظيم طيب وش بتسوي؟؟
نواف: برووح اشوفه وينه فيه؟؟
روان: والعنود؟؟
نواف: العنود خلاص صارت الحمدلله احسن واذا صحت دقي على
روان: ان شاءالله
نواف:روان تبين ارجعك البيت شكلك تعبانه انتي من يوم العنود في البيت وانتي معها
روان: افاا ياعمي هذي العنوود مو انا الي راوح واخليها في ضعفها
نواف: تسلم يد ربتك
روان: ههههههههههههههههههههههههههه
نواف: ليه تضحكين؟؟؟؟
روان: لا بس حسستني انك شايب عمرك 55 مو شاب عمره 25
نواف: والله انك فاضيه
روان: روح دور خالد بس
نواف: يله عن اذنك
روان:اذنك معك وطمني
نواف/:ان شاءالله

نواف دور ودور ودور بس مالقاه في أي مكان حتى انه تعب من كثر اللف والدوران والمشكله ان خالد مسكر جواله يعني ما في امل يلقاه وتوه بييأس خلاص وبيروح للمستشفى عند العنود الا تذكر كلام خالد له دايم اذا تضايق او زعل من احد وين يرووح غير نواف وجهته من المستشفى الى المكان الي يتوقع خالد يكون فيه <<<<ان شاءالله صح مو تروح با فايده خخخخخخخخ <<وش دخلك؟؟؟
في المستشفى
العنود بدت تتحرك ووفتحت عينها: وين اناا؟؟؟
روان: العنود صحيتي الحمدلله لى سلامتك
العنود: الله يسلمك وين انا؟؟؟
روان: في المستشفى كذاا كذاا يابايخه تخوفينا عليك؟؟
العنود: ليش وش صاار؟؟
روان: دختي ووديناك الستشفى ااناا وعمي نواف
العنود: وينه عمي نواف؟؟؟
رون: كان هنا بس راح خالد مسكين مدر............ وتذكرت انه المفروض ما تقول للعنود وسكتت
العنود: وش فيه خالد؟؟؟
روان: ابد سلامتك ولا شي؟؟؟
العنود: قلت وش فيه ليه سكتي؟؟
روان تكلم نفسها والله اني غبيه وش اقولها الحين:لا شي صدقيني
العنود بعصبيه: رواان قولي احسن لك ترى مالي خلق اصارخ ترى جد مكسره
روان خافت على العنود: خالد من وقت ما....................................الت لها الخ
العنود بخوف: ووين راح؟؟
روان: ما ندري للحين عمي نواف راح يدور عليه

في مكان بعيد عن الناس مكان هادئ ورومنسي مافي صوت ازعاج ابد بس تسمع صووت اموج كانت تحسسه انها تسمعه انها تخفف عنه من القهرالي كان في داخله كان يتخيل انه يحكي له همه ووهوو يسمعه ويواسيه

قطع عليه افكاره صووت:خـــــــــــــالد
خالد عرف الصوت : وش تبي؟؟ خلني هنا لحالي؟؟
نواف: خالد اذكر الله وتعال معي اهلك وامك المسكينه ميته علي ما تشوفك حرام عليك
خالد: ايش؟؟ وش قلت؟؟ حراام علي!!مو حرام عليها لما غصبتني وقالت لي تزوج نجود مو حرام عليها لما فرقتني عن العنود مو حرام عليها لما خلتني محرووم قلي كل هذاا مو حراام والحراام اني رحت وخليتهم ومارديت عليهم وهم يتصلون علي صاار حرااام والي قبل حلااال
نواف:خالد خلاص الله يخليك الاقيها من مين؟؟ ولا من مين؟؟؟
خالد: اذا لهذي الدرج هانا مضايقك تقدر تروح من قالك الحقني لشرقيه
نواف: خالد لاتفهم غلط انا..........
ويقطع عليه صووت جواله كانت روان تتصل: الوووووو
روان: السلام عليكم
نواف بخوف: العنود فيها شي؟؟؟؟
خالد انتبه للأسم العنود والتفت على نواف : وش فيها؟؟
نواف يأشر له بيده يعني اصبر: طيب الحمدلله
روان:ايه الحمدلله بس هي مزعجتني تقول خالد فيه شي؟؟
نواف: من قالها؟؟؟
روان: اناا من غير ما اقصد
نواف: يالقفك انتي ما تعرفين تسكتين
روان: المهم لقيت خالد؟؟؟ هوو بخير؟؟؟؟
نواف: ايه بخير واحنا ان شاءالله جايين الرياض
روان: ليه انتوو وين؟؟؟؟
نواف: في الشرقيه؟؟؟
روان: وش وداكم؟؟؟
نواف: سالفه طويله بعدين اقولك
روان: اوك ترجعون بلسلامه
نواف: الله يسلمك فمان الله
روان: فمان الكريم

نواف التفت على خالد : يله نرجع
خالد طنش كلامه وسأل: وشفيها العنوود؟؟؟؟؟؟؟؟
نواف: مافيها شي؟؟
خالد بعصبيه: نواف قلت وش فيها؟؟؟
نواف: وانا قلت مافيها شي؟؟؟ بس لو تبيني اقول قم معي نرجع الرياض
خالد عرف ان مافي امل غير انه يسمع الكلام ويرجع الرياض:اوك بس وشفيهاا؟؟
نواف: يله اقولك بلطريق
خالد: اوك


في المستشفى

العنود: وش قالك عمي وش فيه خالد؟؟؟
روان: مافيه شي بس يقول انه بالشرقيه
العننود: عند البحر
روان: ايش؟؟؟
العنود: اقول لقاه عند البحر صح
روان: مدري بس ليش تقولين كذاا؟؟
العنود : لان خالد يحب البحر مثلي انا اتمنى اكون عند البحر الحين
روان: والله ما ادري هوو عند البحر ولا في البر الي فهمته منه انه كان بالشرقيه
العنود سكتت وجلست تفكر اما رواان فتعبت من السهر ونامت لانها من امس مانامت من التعب
خالد ونواف
خالد يضرب على بابا السياره بعصبيه: بسببي بسببي صار لها كذاا
نواف: اذكر الله ياخالد حتى انت الي فيك مكفيك
خالد: لا اله الا الله ومن متى وهي بالمستشفى؟؟؟
نواف: امس في اليل
خالد: آآآآآآآآآآآآآآآآآآآآآآآآه
نواف: خالد خلنا نوقف عند اقرب محطه ونصلي الفجر ترى اذن اخاف يطلع النوور وما صلينا
خالد هز راسه بمعنى ايه
وقفوو عند مسجد وصلووو ورجعوو للرياض
نواف: اوديك بيتكم؟؟
خالد: لا ما ابي
نواف: اجل وين بترووح ؟؟
خالد: بنام عندك اذا ما تبيني ادبر لي مكان مرااح اضيع
نواف: خالد وبعدين كم مره اقولك لاتجلس تتكلم كذاا
خالد: انا ادري عنك تناظر فيني كني كالب منك ايش؟؟
نواف: مو قصه تنام او ماتنام بس اهلك
خالد: لاتخاف مرااح يقولون شي
نواف: براحتك بس اتصل على اهلك قلهم
خالد: لا
نواف: ليه لا
خالد:بس كذاا ما ابي بعدين انا ماني صغير
نواف: خالد لاتجلس تسوي كذاا ترى اهلك خايفين عليك
خالد: نواف لاتزعجني اتصل انت اذا تبي بس انا لا
اتصل نواف على اهل خالد وقالهم
خالد: وين رايح؟؟
نواف: البيت
خالد: والعنود؟؟
نواف: بروح لها بعد ما اصلي الظهر اتوقع تكون نايمه
خالد: خير ان شاءالله
نواف: ليش تسأل ؟؟وش قصدك لاتكوون بس؟؟
خالد: ايه الي فهمته ابي اشووفها
نواف: لا خالد لا
خالد: ليييييييييييييش؟؟
نواف: الله يخليك انا قلت لك ليش العنود دخلت كان انهيار عصبي والدكتوور مانع عنها الصدمات تقولم ترووح وتزيد عليها وبعدين لو جاا احد وشافك معها وش بيقولون؟؟
خالد: يقولون الي يقولون ما يهمني
نواف: خالد الله يخليك ابعد عنها خلاص انا سكت اول لاني ادري انك تحبها وهي تحبك وبتتزوجها اما الحين خلاص انت خطبت وبكره بتتزوج وبيصير عندك بيت وعيله وهي بعد نفس الشي
خالد بعصبيه: لا وتحلم انها تتزوج العنوود لي لي انا وبس وما ياخذها مني احد
نواف: خالد مو على كيفك البنت خلاص مو لك افهم
خالد:لي يعني لي


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -