بداية

رواية قناع حبيبي -19

رواية قناع حبيبي - غرام

رواية قناع حبيبي -19

زين : راسي طالعني ارجوك
التفت عليها ومن ضعفه كان بيطيح من طوله على الارض بس مسكته وقعدت معاه على الكنبه حط راسه على صدرها : ليش مهتمه لي ليش انتي طيبه جذي .. انا مااستاهلج ارجوج لا تعذبيني زود
زين وهي تبجي : لا تقول جذي انا .. انا احبك ومابي شي بهالدنيا غير سعادتك .. انا حبيتك من اول ماشفتك ويوم خطبتني ماصدقت ان قلوبنا متقاربه من بعضها لهالدرجه .. انت زوجي وحبيبي راسي
ضمته بقوه وحست بشي على قميصها ... كانت دموعه .. دموع هالريال الي عمرها ماظنت يقدر يبجي او عنده احساس بس مع كل هذا حبته
راسي : لا تتركيني .. انا تعبان زين
زين وهي مو عارفه شتسوي عشان تخفف عليه غير انها تضمه : ماراح اخليك راسي انا معاك لآخر نفس
نام الليل بحضنها وهو يحس براحه بعد ماظن بيخسرها زين لما شافته نام ارتاحت شوي غمضت عيونها وهو بحظنها على الكنبه
*
*
اليوم الي بعده قامت قبله وهو للحين بحظنها حست بألم خفيف برقبتها بغت تقوم بس خافت توقظه قعدت تتأمل شكله ملامحه الي رققها النوم والراحه الي تبين من ابتسامه وهو نايم حست انها مالكه الدنيا بشوفته مرتاح .. الله لا يغير علينا يا راسي
باست جبهته بهدوء فتح عيونه وهو يحس بشفايفها قام وهو يبتسم : صباح الخير
زين وهي تبتسم بحب : صباح النور
راسي : تصدقين ماحسيت بنفسي وين نمت بس الي اعرفه اني كنت مرتاح ... المتج حبيبتي
زين : لا اهم شي انت مرتاح
راسي ابتسم لها : يلا قومي نفطر
زين : انا باسوي الفطور
راسي : لا باوديج مكان حلو بيعجبج
زين باستسلام : اوكي
راحو بدلو زين لبست تنوره ورديه فاتحه وتيشيرت رماديه مطلعتها انيقه لآخر درجه حطت لها كحل وروج فاتح
راسي لبس برمودا رماديه وتي شيرت بيضا
راسي هو ماد يده : يلا جاهزه
زين وهي تمسك يده : يلا
وهما يمشون طلع نظارته بيلبسها زين سحبتها من يده : لا راسي .. من يوم ورايح ماراح تتخبى وراها
راسي ابتسم لها ورجع النظاره مكانها
زين فرحت على هذا التطور راحو لمطعم يطل على البحر في النوفوتيل خذو لهم طاوله يم الدريشه الي تطل على البحر وهم ينتظرون الاكل
زين بحماس : راسي متى بتاخذني برحلة البحر الي وعدتني بها
راسي : شرايج نروح باجر
زين وكأنها تذكرت شي : شرايك نروح عقب حفل الاستقبال ماتجهزت و الاسبوع الياي يصير
راسي وهو يشرب الكوفي : خلاص حبيبتي نخلي بعده
زين ابتسمت وقعدت تطالع البحر
حست بيده على يدها : زين
التفتت عليه : انا قررت اسوي عمليه
*
*
عالمغرب ياسر وولده راحو لبيت فهد عشان يخطبون بدور
دخلو المجلس
فهد : حياكم الله ... تفضلو
ياسر : الله يحيك ويبجيك ياخوي
فهد وهو يبتسم : شخبارك عمر ؟ وشخبار الدراسه
عمر وهو يبتسم : والله كل شي تمام عمي وانشالله راح احصل اتوظف خلاص في اقل من شهر
ياسر : زين ياولدي الله يوفقك
ياسر : مثل ماانت عارف ياخوي ولدي خلاص مابقى شي ويشتغل والحين بس ناقصه بنت الحلال وجايينك اليوم عشان نخطب بدور لولدي عمر
فهد وهو فرحان : هذي الساعه المباركه ياخوي وانا وين بالقى احسن من ولد اخوي لبنتي
ياسر : الله يخليك ... بما انك موافق شرايك نحدد يوم الملكه
ياسر مايعطي اهميه لراي البنت وهذا الي ادى الي طلاق بنته فاطمه وانه انسان مو متفاهم عكس فهد الي قال : بس لازم اشاور البنت ... واخذ رايها
عمر وهو فرحان واثق ان بدور موافقه
ياسر وهو مو مقتنع : خذ راحتك
وقام وقف : عيل ننتظر منكم رد بعد يومين
فهد : انشالله
راح فوق ونادى زوجته
سعاد : خير شيبي ياسر
فهد: حاي يخطب بدور لعمر
سعاد بفرح : هذي الساعه المباركه خلني اخبر بدور
فهد : اي شوفي رايها ماظن بترفض ولد عمها
دخلت غرفة بدور كانت سرحانه قدام التلفزيون
قعدت جنبها : بدور
بدور قامت وتربعت على السرير : سمي يمه
امها : يمه عمج ياسر جى عندنا اليوم مع ولده عمر
بدور من سمعت اسمه حست بقلبها ينبض بسرعه
امها : جاي يخطبج لولده
بدور بانهيار : انا مابي اتزوج
*
*
زين وهي للحين تحاول تتناقش مع راسي : راسي لا تسوي شي انت مو مقتنع به
راسي : انا عمري مااقتنعت بشي مثل هالمره .. باجر راح اروح المستشفى
زين : على راحتك بس اهم شي ماتسوي شي مو مقتنع به
راسي وهو يحط يده على يدها : خايفه علي
زين وعيونها مدمعه : اذا ماخاف عليك اخاف على من
راسي : لا تخافين بأذن الله كل شي بيكون بخير ..
*
*
اليوم الي بعده صحت همس وهي بقمة نشاطها متحمسه لليوم لانها بتاخذ لوحاتها للمعرض عشان يجهزونه لها بعد اسبوعين الافتتاح
يات سياره كبيره شوي ونقلت كل لوحاتها بعد ماتأكدت من المكان الي بياخذون اللوحات له استانست ورجعت للبيت واتصلت بلمياء
لمياء وصوتها كله نوم : الووو
همس بخجل : مسامحه شكلي وقظتج
لمياء حلفي انتي بس : لا عادي
همس : بس حبيت اقولج ياو من شوي وخذو اللوحات
لمياء وهي تتصنع الفرح : اووو صج مبروك .. عقبال افتتاح المعرض
همس : انشالله .. ومتى نقدر نحدد موعد عشان ديكو المعرض وجذي
لمياء بعجله : مادري .. باتصل لج اول ماحدد يوم اوكي .. يلا باي
صكرته بسرعه وهمس انزعجت من اسلوبها بس بررته انها كانت قايمه من النوم
*

*
فهد وسعاد تمو طول الليل يناقشون سبب رفض بدور القاطع لعمر كأن ضاربتها كهربا قامت تصرخ انها ماتبيه وهالشي خلا امها تستغرب
بدور : لو تنطبق السما على الارض ماتزوجته
سعاد : اي ليش عاد .. اكيد في سبب
بدور : بس ... انا مابي اتزوج
سعاد : بدور انتي رافضه الزواج بشكل عام ولا رافضه عمر
بدور بصراخ : الاثنين .. يمه الله يخليج لا تيبون طاري الزواج
سعاد وهي تهز راسها : كيفج انا باخبر ابوج
يوم خبرته استغرب سبب رفضها بس بالنهايه هذا زواج واذا صار بالغصب نهايته المشاكل والطلاق
*

*
رهام كانت بغرفتها تمشط شعرها فجأه حست بألم مو طبيعي على دخلة ماجد مااتنبهت له وصرخت بألم
ماجد خاف وراح لها بسرعه
: رهام شفيج
رهام وهي تحاول تخفي الالم : مافيني شي بس الم في خفيف
ماجد وهو يعرف انها تتألم بسبب المرض : رهام قومي اخذج للمستشفى
رهام بألم : ماا .. بي
ماجد مسك كتفها : قومي حبيبتي انتي تعبانه ولازم تشوفج الدكتوره
رهام وهي تنفض يده : انا مافيني شي انا بخير ... لاتلمسني وتسوي نفسك حنون ان ماهدت حياتك ماكون رهام
ماجد وهو يحاول يهديها : استهدي بالله يا رهام .. حرام عليج الي تسوينه بنفسج ومسكها يبي يهديها
ظلت تقاوم بضعف لين تهاوت بين يدينه بتعب : انا تعبانه ماجد
ماجد : اسم الله عليج حبيبتي .. قومي نروح المستشفى
خذاها للمستشفى
رهام كانت تلبس ملابسها والدكتوره طلعت تكلم ماجد
ماجد : ها بشري يا دكتوره
الدكتوره : والله ماخبي عليك المرض صار خطير على صحتها ولازم تنام عندنا بالمستشفى
ماجد منصدم
ورهام دخلت على هالكلمات : اي يا ماجد انا باموت وباخليك .. باخليك تتهنى بهمس بروحك .. انا باموت وتحول صوتها لبجي وانهارت بس لحق عليها ماجد قبل لا تطيح : تعوذي من ابليس .. الله يخليج مو زين لصحتج الي تسوينه
رهام : صحتي .. انت متى اهتميت لي عشان تعرف عن صحتي
الدكتوره : لا تاخذ على كلامها الحين هي منهاره
ماجد يحس بضيق وحزن مو طبيعي وهو ماسكها سدحها على السرير : ارتاحي ارجوج
رهام والدموع تنزل بغزاره من عينها : اطلع برى مابي اشوفك .. احس مرضي يزيد لمااشوفك
مسكته الدكتوره وهي عاطفه عليه : ارجوك خلها احنا بنومها عندنا اليوم ولا تاخذ عليها ترى المرض الي فيها هو السبب
*

*
عمر من عرف برفض بدور له وهو منهار : ليش يا بدور وين وعدج ان بنكون مع بعض ليش غيرتي رايج
: لازم اتاكد منج بنفسي
اتصل على جوالها
بدور ماطلعت من غرفتها من البارحه متضايقه حيل كانت منسدحه على سريرها ودافنه وجهها بالمخده فجأه تشوف جوالها يرن
شافت المتصل وتضايقت اكثر وعطته مشغول
عمر مثل ماتوقع في شي مضايقها بيجن يبي يعرف شفيها
راح لأخته
فاطمه كانت نازله بتطلع لحق عليها بسرعه : فااااطمه وقفي شوي ابي منج خدمه
فاطمه : خير شبغيت
عمر : ابيج تتصلين ببدور وتشوفين شفيها
فاطمه : الله يستر شمسوي
عمر وهو معصب من التوتر الي فيه : الله يخليج ابي افهم ليش رفضتني
فاطمه وهي تطلع تلفونها من شنطتها : اوكي اوكي اكاني باتصل لها
بدور شافت فاطمه تتصل : يالله والله مالي خلق
ردت : الو
فاطمه : هلا بدورووو .. وينج ماتبينين ولا شي
بدوريعني ماتدرين : والله موجوده
عمر ماقدر يتحمل سحب التلفون من يد اخته : بدور .. الله يخليج سمعيني لا تصكرين انا ضايقتج بشي الله يخليج علميني
بدوروهي تبجي : مسوي نفسك ماتدري يالخاين .. خلاص انا سمعت اعترافك الحلو وخليت لك حبيبة قلبك تتهنى فيها انشالله
عمر نزل التلفون وبقهر وهو يرص على اسنانه : منى
الحين راسي بيسوي العمليه ولا لا ؟ اذا سواها تتوقعون بتظل علاقته مع زين مثل ماهي ولا يمكن يتغير عليها ؟
ماجد ورهام وهمس شنو مصير كل واحد منهم ؟
لمياء ومنى اعداء ثنتين من بطلاتنا بتطلع عدوه ثالثه ؟ وتتوقعون لمن ؟
بدور وعمر لي متى بتظل علاقتهم معقده ؟ تتوقعون بيرتاحون وبيقدرون يتزوجون ؟
الجزء 15
عمر من عرف ان بدور متضايقه منه والسالفه فيها تخريب بينهم عرف انها منى قرر يتصرف بسرعه اتصل لصديقه الي كان يكلمها اصلاً هو حتى رقم تلفونها مو حافظه
حمد صديقه : هلا والله عموور
عمر : هلا فيك .. حمد وينك ابي اشوفك ضروري
تواعدو وقال له عن السالفه كلها
حمد : تبيني اراويك فيها
عمر: لا هذي خلها علي انا الي باربيها
حمد هز كتفه بمعناة كيفك
خذ رقمها من حمد وودعه وهو بالسياره اتصل على الرقم الي عطاه حمد
منى بدلع : الوو
عمر وهو يعبس بوجهه (الله يقطع هالصوت) : هلا منى .. شخبارج
منى : بخير .. من معاي
عمر : افا ماعرفتي صوتي .. انا عمر
منى وهي مومصدقه تركت المجله الي بيدها : عمررر .. ماني مصدقه عمر متصل لي بنفسه .. واخيراً حنيت علينا ههههه
يتبع  ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -