بارت جديد

رواية قناع حبيبي -20



رواية قناع حبيبي -20

رواية قناع حبيبي -20


عمر (وجع انشالله ) : زين قلبي ابي اشوفج .. متى تقدرين نتقابل

منى وهي مومصدقه : اي مكان انت تامر بس

عمر : خلاص اشوفج اليوم الساعه 8 يعني .. طالع ساعته بعد ساعتين في مطعم ...

منى : اوكي راح اكون هناك .. باي

منى وهي فرحانه مو مصدقه ان عمر يعطيها وجه شقد كانت تحاول معاه واخيراً تعبها جاب نتيجه

راحت تتجهز لبست اكشخ بدله واكثر وحده تظهر انوثتها لبست تنوره قصيره تندمج فيها عدة الوان من الازرق والاخضر والبني وبدي بني حفره عليه جاكيت جينز حطت لها مكياج ثقيل وحمرا يقدر الي بآخر الطريق يشوف لونها تعطرت بعطر قوي والساعه كانت 7 ونص

*

*

ياسر وزوجته كانو رايحين يزورون ام ياسر وهما بالسياره

ام عمر : انا للحين مو مصدقه ان بدور رفضت ولدي .. هي بتلقى احسن منه عمرها طاف ال24 ومحد تقدم لها

ياسر تضايق من كلامها شوي مهما كان هي بنت اخوه بس بعد معصب من رفضها لولده : والله ماعرف وبالاخير هي الخسرانه

*

*

زين مجهزه لحفل الاستقبال شرت لها فستان من فيينا من اختيار راسي لونه ذهبي مخطط بدرجه اخف من اللون الذهبي بعد قصير كان نااااعم

راحت مع ساره وبدور عشان يتشرون ومابقو يروحون بدونها تركها اما همس ظلت تجهز لمعرضها وقالت بتروح بكرى او يوم ثاني كانت متحمسه ومو هامها شي الا المعرض راسي اول شي ماوافق يخلي زين تروح بغاها تظل معاه بس بالنهايه بأصرار منهم وافق

علاقتهم من ذاك اليوم وهي متحسنه وخصوصاً ان راسي راح المستشفى وقالو له ان عمليته بسيطه جداً وقرر يسويها بعد حفل الاستقبال

قامو يتمشون بالمجمع من محل لمحل وهني عمر دخل المجمع كان مواعد منى في مطعم بالستي نفس المجمع الي فيه زين وساره وبدور

شافها قاعده على بالمطعم هو مفتوح على المجمع يعني الي يمشون يقدرون يشوفون جزء من المطعم اما الجزء الباقي يصير داخل منى قعدت بجرأه قدام الناس مو هامها من يشوفها وعشان يشوفها عمر بسهوله بس شافته ابتسمت ابتسامه عريضه عمر كشر وين ابتسامة هذي ووين ابتسامة بدور البريئه هذي حتى الحيا ماطقها سوى نفسه يبتسم وراح لها قعد على الكرسي

منى بفرحه : واااي مو مصدقه عمر يمي .. اصفقني خلني اتأكد اني مااحلم

عمر وهو يتصنع الابتسامه : الا انا صج حبيبتي .. يلا خلينا نطلب

ياهم الويتر وطلبو بعدها التفت عمر على منى : حبيبتي

منى وهي عايشه الجو : هلا حياتي

عمر وهو منقرف منها : شرايج بعد مانكمل نروح نقعد على البحر شوي وبعدها ارجعج هني عشان تاخذين سيارتج

منى وهي مو مصدقه الي يطلبه منها وافقت على طول (ماعندها كرامه)

وهما ياكلون وعمر بالزور متحمل ثقالة دمها ويعمل حاله يضحك الا بدور واختها وساره مارين كانو يمشون وهما يسولفون رايحين لصوب مطعم قريب من المطعم الي قاعد فيه عمر شافته تفاجأت التفتت بهدؤ تشوفه مع من قاعد والصدمه خلت الاكياس الي بيدها يطيحون على الارض وبدى فكها يرتجف

زين الي انتبهت لها : بدور شفيج !!

بدور خلاص تعودت على حركاته ولازم تسلم للأمر للواقع : خلونا نطلع من هني قبل لا ارتبك جريمة قتل

ساره التفتت على المكان الي تطالعه بدور شافت عمر مع وحده وشكله مستانس ويضحك

ساره : انا اراويج فيه ان ماذبحته وفكيت الناس من شره

بدور وهي تمسك ساره من كتفها : تعالي ساره هذا مايستاهل حتى التفت على اشكاله .. خليه الله ينتقم منه

زين وهي تحوط اختها بذراعها : بدور حبيبتي امشي .. انسي الي شفتيه وانسي شخص اسمه عمر

عمر ماانتبه للي كانت وراه كان مهتم بشي واحد يثبت برائته لبدور حبيبته وينتهي من هالعله الي هدمت حياته

عمر وهو يشوف منى شكلها مطوله بالأكل : منى نمشي

منى وهي متفشله : اي اوكي يلا

دفع الحساب وتوجه بسرعه للمكان الي يبي ينفذ خطته فيه

*

*

زين رجعت لبيتها بعد ماوصلت بدور وساره بيوتهم ووصت بدور تنساه ولا تفكر فيه للأبد كانت خايفه من هدؤ اختها الي تعذبت من عمر والي هو مو اي احد ولد عمها

دخلت البيت وعلى ملامحها حزن خفيف سمعت صوت بالمطبخ دخلت الا تشوف كلشي فوق بعض والعفسه قايمه خمس قدور على نفس الفرن مادري شلون صارت خخخخ الطاوله الي بالنص ماتبين من الاشيا المحطوطه فوقها من خضرا واكياس معكرونه تدور الي مسبب هالفوضه شافته ورا هالعفسه معقد حواجبه وحاط يده على راسه ومركز على ورقه بيده

راسي : اممم وبعدين نضيف ثلاث ملاعق ملح

زين نست الحزن الي فيها وابتسمت على شكله : راسي

راسي فجأه انتبه ان احد معاه رفع راسه : زيييين .. شتسوين هني .. بسرعه طلعي برى مايصير تدخلين هني

وقام يطلعها برى المطبخ زين وهي تضحك : هههههههه انزين خلني اساعدك

راسي : لا مافي تساعديني .. انتي روحي جهزي نفسج للسهره وغمز لها

زين وهي تحاول معاه : انزين بس باشوف اذا تحتاج شي

حط صبعه على شفايفها : زيون روحي فوق

زين سكتتها لمسته بلعت ريقها : اوكي

ابتسم وشال صبعه عن شفايفها : اي جذي حبيبتي الي تسمع الحجي .. يلا ربع ساعه وبيجهز الاكل

ركبت الدرج وراحت لجناحهم خذت اغراضها ودخلت الحمام وانتو بكرامه

*

*

راسي بالمطبخ متورط حده مو عارف يفرق بين الملح والفلفل طلع الي حاطه بالفرن الدجاجه صارت بخبر كان مابقى منها الا كم قطعه محروقه

استسلم واتصل بمطعم وشدد ان يكون فاخر وبنفس الوقت ماكان يبي زين تشك ان مو هو الي طابخه خخخخ

نادى الخدامه : روز تعالي نظفي المطبخ

الخدامه بس شافت حالة المطبخ حطت يدها على راسها

راسي فيه الضحكه شفق على الخدامه مسكينه ركب فوق بسرعه

زين كانت توها طالعه من الحمام ولافه المنشفه على جسمها فجأه شافت الباب ينفتح ودخل راسي من الخوف بغت المنشفه تطيح من على جسمها

زين وهي متوتره : راسي ليش مادقيت الباب

راسي بس شاف شكلها تخبل : احم .. ها شدراني عبالي مبدله من مساعه

زين وهي تمسك المنشه بقوه : انزين اطلع شوي بابدل

راسي بقلبه (تحلمين) قرب منها و زين دقات قلبها ترتفع مع كل خطوه يخطيها صار قريب منها ماتفصله عنها الا انفاسهم مسك خصله من شعرها ورجعها لورى اذونها قرب منها يشم شعرها غمض عيونه وقرب اكثر وحط شفايفه على رقبتها باسها بنعومه وقرب من اذنها : وحشتيني

زين خلاص راحت فيها قلبها صارت فيه عواصف وزلازل خخخ

مسك ذقنها ورفع وجهها يطالع عيونها الناعسه تاه فيها يحس بشعور مو طبيعي لما يكون معاها غرقت بعينه وصار الكلام مابين عيونهم قرب منها وزين غمضت عيونها بأستسلام لامس شفايفها بشفايفه مثل ماتلامس النحله ورقة وردة مخمليه

دقيقه .. دقيقتين ... ثلاث دقايق حست زين ان انفاسها تقطعت بدى يجرفها لمشاعر قويه ماتحب سيطرته عليها لهالدرجه تحس نفسها ضعيفه جات بتبتعد عنه وتمتم بالرفض

زين : العشى بيحترق

مالقت الا هالحجه

راسي فتح عيونه كأنه كان بعالم ثاني يطالعها بنظرات غريبه يتخبل عليها لين يشوف خدودها حمرا : الحين انتي تحاتين العشى وانا اتعذب هني

زين وهي متوتره خلاص مو قادره تمسك المنشفه اكثر : راسي والله بازعل عليك خلني ابدل عااااد

ضحك على شكلها كانت شوي وبتصيح وهي تترجا : خلاص بادخل اتحمم

زين ارتاحت شوي وبس سمعته يصكر الباب راحت لخزانتها تبدل

طلع راسه من الحمام : شفتج

زين شهقت ورجعت حطت المنشفة على جسمها : هييييي وفلعته بقميص كان بيدها .. غمض عيونك وادخل بسرعه

راسي وهو ميت ضحك رد دخل الحمام

زين ابتسمت واخيراً رجع لها حبيبها

بدلت لبست فستان احمر قصير في ورده سودا على فتحة الصدر الواسعه شعرها نشف شوي وطاحت خصله ناعمه

على عيونها رفعتها وبعدها رفعت شعرها كامل وطيحت خصله تكحلت وحطت روج احمر

Gucciمن floraوتعطرت بعطرها المفضل

نزلت تحت تشوف شمسوي راسي شافت المطبخ مقفول ضحكت : المقنع عنده مهمه سريه

ركبت فوق مره ثانيه خذت دفترها وطلعت بسرعه قبل لا يطلع من الحمام

فتحت دفترها وقامت تتصفحه شافت الي كتبته من عرفته مشاعرها متناقضه بسبب شخصية راسي المتقلبه تشوف يوم خاطره كلها حب واليوم الي بعده زعل وهواش

فتحت على صفحه جديده

رجل التناقضات

كم رجل يسكن شخصيتك ... كل يوم اكتشف فيك رجلاً جديداً

فيوماً تكون عاشق ويوم تكون حاقد ولا اعرف لعلاقتنا مدى

هل سنظل هكذا لا نعلم مايخبأه لنا اليوم التالي ؟

هل سأكون تحت رحمتك للأبد ؟ لا استغرب ما دام قلبي ملك (ن) لك ...

شافت راسي نازل من الدرج لابس قميص كحلي يده طويله بس مرفعها للنص مطلع قوة ذراعه وبنطلون بيج

زين وهي متخبله عاللون الكحلي عليه تطالع فيه اعجاب تركت الدفتر على الكرسي وقامت له بس شافها قام يصفر

زين ابتسمت بخجل راح لجهتها : اكيد حبيبتي يوعانه ثواني بس اشوف الاكل

فتح باب المطبخ وتأكد ان زين مو وراه كان شكله كأنه بيسوي عمليه هع

نادى الخدامه بصوت منخفض : وصل الاكل

Yes mr rasi I put it in the fridge وتهمس الخدامه وهي تقلد صاحب البيت

who told you to do that راسي : يالخبله ومستانسه بعد ورد خفض صوته :

راسي : خلاص ذلفي

الخدامه هزت راسها ومشت

راسي طلع الاكل من الثلاجه خذاه وحطه بالميكرويف بعد ماحطه بصحن مخصص للميكرويف

زين قاعده تنتظر قامت بتشوف شالسالفه تأخر الا راسي طالع وبيده صحنين

راسي : يلا تفضلي آنسه زين

فتح لها غرفة الطعام الصغيره ماكانت فيه اضواء الا الشموع وتذكرت ذيك الليله الي كانت تبي تراضيه وجرحها بس حاولت تنسى

الطاوله عليها شرشف ابيض وعليها شمعدان احمر فيه شمعتين راسي دنى لها الكرسي عشان تقعد ابتسمت له وقعدت كان للحين وراها الفتت عليه : مابتقعد

راسي : امبله بس ابي اعطيج شي قبل

طلع علبه من الرف الي بالطاوله الي ورا وقال لها تلتفت لبسها العقد كان عباره عن ياقوت احمر مدموج مع الالماس كان شكله خيالي زين طالعت نفسها بالمرايه : وااااو حده حلو .. مشكور حبيبي

راسي : بس مشكور ابي شي ثاني

زين : شنوو

راسي يأشر على خده

زين استحت : راسي يلا العشى بيبرد

راسي : ههههههه انزين انزين كل تحاتي العشى ادري مستعيله تبين تشوفين مهارات زوجج

راسي عايش الجو ان هو الي طابخ جاب السطله بالبدايه وبعدها الطبق الرئيسي وبعدها الحلويات وزين تمدح فيه بعد ماخلصو : راسي من وين متعلم تطبخ

راسي : هاا .. اي فتره اشتغلت بمطعم

زين تطالعه بشك

راسي يسوي نفسه فقير ومسكين : زين انتي ماتعرفين الحياه الي عشتها قبل لا اوصل للي انا فيه اضطريت اشتغل كل شي

الي قاله جزء من الحقيقه بس عن شغله بمطعم مو صحيح

زين سكتت ماتبي تثير اي مشكله حطت يدها على يده : تسلم يدك حبيبي

راسي فيه الضحكه بس ساكت : بالعافيه قلبي

*

*

على شاطىء بحر البلاج

منى وهي تصرخ : يالحقير ياللي ماتخاف ربك عطني التلفون بسرعه مسح الي صورته يالحقييير

عمر وهو يباعدها : لا لا .. مو بهالسهوله تبين الكلام الي دار بينا مايوصل لأبوج مع الفيديو انج معاي ابي تسجلين لي صوتج وتعترفين ان مابيني وينج شي

فتح الريكورد وضربها على كتفها : يلا تكلمي

منى وهي تبجي كلشي ولا ابوها ان عرف بيمحيها من الوجود قالت بصوت مرتجف : أ .. أعترف ان مابيني وبين عمر شي

ضربها مره ثانيه : قولي ان الصوت مو صوتي

منى وهي تغمض عينها من قبضته القويه على كتفها : وان الصوت مو صوت عمر

تركها : اي جذي انتي شاطره هذا بس احتياط باجر باجي اخذج وتروحين لبدور وتخبرينها الي قلتيه بالفيديو والله ولا مابتجوفين خير

منى بخوف : خلاص بسوي الي تبيه بس رجعني

عمر طالعها بأحتقار

رجعها المجمع عشان تاخذ سيارتها واول ماوقف نزلت بسرعه حط راسه على عجلة القياده : حسبي الله عليج

ظل خمس دقايق على هالوضع حرك سيارته ومشى وهو يتمنى بدور تتفهمه

*

*

بكرى هو الافتتاح لمعرض همس وبعدها بيومين حفل استقبال زين

همس مو قادره تنام من الحماس الي فيها

*

*

اثنين متلثمين والاسود يغطي جسمهم كانو يقتربون من المكان واحد منهم : خلاص لا تحاتين انا عند الباب بندخل الحين

اشر للي يمه يغطيه طل يبي يشوف في احد عند الباب كان حارس واقف عند الباب

همس لرفيجه : ماينفع من ذي الجهه امش نروح من صوب الدريشه ( النافذه)

:رفعني

حط له يده وركب عليها حاول يفك القفل الي بالدريشه بعد عدة محاولات نجح دخل جسمه من الفتحه الصغيره وطاح تحت

رفيجه ينتظر اذا في اي احد شاف اللوحات المصفوفه بأنتظام للعرض باجر بدى ياخذ كل ثنتين ويرميهم على رفيجه ويدخلهم بالسياره لين ماكمل وخذ كل اللوحات ركبو السياره ومشوو بسرعه

اتصل واحد منهم : الو .. لمياء خلصنا الموضوع

لمياء : كفو والله .. مكافئتكم بتلقونها باجر

قال وهو يضحك : يصير خير


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -