بارت جديد

رواية قناع حبيبي -21


رواية قناع حبيبي -21

رواية قناع حبيبي -21

لمياء وهي فرحانه مسكت تلفونها واتصلت تبشرها

رهام كانت نايمه بتعب بالمستشفى ماجد كان معاها طول اليوم بعدين الدكتوره قالت له يروح يريح ويرجع بكرى سمعت تلفونها يرن قامت بتعب ومدت يدها خذته : الوو
لمياء وهي تضحك : المهم تمت
رهام وهي تضحك بسخريه : وبعدها ماشافت شي
لمياء: انتي صبري ان ماانتقمت لج منها
رهام : مشكوره حبيبتي والله متشوقه اشوف شكلها باجر وقلبها محترق
لمياء : ههههههههه لاتحاتين باصورها لج اذا تبين
رهام بتعب : اي صوريها خليني اتلذذ بشوفتها تتعذب
لمياء : ابشري انتي بس .. يلا ريحي نفسج ولاتحاتين شي
رهام : باي

زين وهي مسنده راسها على صدره : راسي
راسي وهو يمسح على خدها : حبيبتي
زين : ممكن اسألك سؤال بس ماتعصب
راسي عدل جلسته : سألي
زين بتردد : ممكن اعرف سبب الندبه الي بوجهك
راسي نفخ بهدوء : راح تعرفين قريب انشالله
زين : اوكي على راحتك حبيبي
راسي وهو يبتسم : اصلاً خلاص ماراح يكون لها وجود
زين هزت راسها ( للحين مصر تخبي علي راسي)
ماكان يبي يقولها شي ماضيه الاسود الي اهلها سبب كبير منه
راسي : يلا نروح ننام
زين يات بتقوم حط يدينه وحده تحت ريلها والثانيه على ظهرها وحملها بين يدينه صرخت : راسي نزلني
راسي يهز راسه بلا ومشى بها وهي متعلقه برقبته : عاااد نزلني والله ثقيله
راسي : مثل الريشه !!
صكر الاضواء وركب فوق وهو حاملها بين يدينه فتح باب الغرفه بكتفه ونزلها على السرير بهدؤ وهي تشوف عينه : راسي
راسي وهو يحط صبعه على شفايفها : اووش
اليوم اهم يوم بالنسبه لهمس قامت وهي متحمسه حدها بدلت لبست بدله طالعت شكلها بالمرايه واتصلت للمياء ماترد : مو مشكله اكيد مشغوله بالمعرض
نزلت تحت شافت امها مع ابوها يفطرون سلمت عليهم : يبه .. يمه لا تنسون تكونون هناك عالساعه 11 اوكي يلا اشوفكم هناك
سعاد : انشالله يمه .. تحملي بروحج الله يوفقج

ركبت سيارتها ولما وصلت للمكان الي بتنعرض فيه لوحاتها شافت سيارتين شرطه استغربت ليش الشرطه نزلت بسرعه وقالت لأول شرطي شافته قدامها : خير في شي
الشرطي : المفروض في معرض اليوم راح ينفتح بس اللوحات الي فيه كلها انسرقت والي بلغنا الحارس وهو يفتح البوابه اليوم
همس ماسمعت الي قاله بعد هالكلام حست تبي تسمك شي قبل لا تطيح تعب سنين كله يروح في يوم واحد مسكت بسياره جنبها مو مصدقه جاها شرطي : يا آنسه ممنوع الوقوف هني
همس بدت الدنيا تدور بها وكانت بتطيح مسكها الشرطي بسرعه : اتصلو بالأسعاف البنت اغمى عليها
جى الاسعاف ونقلوها المستشفى والشرطي راح معاها بعد ماعرف من هويتها ان هي صاحبة المعرض دور تلفونها عشان يتصل بأحد من اهلها بس همس نسته بالبيت من السرعه

طلعت الدكتوره : تعرضت لصدمه ... بنعطيها مغذي وتقدر تطلع بعد ساعتين
الشرطي : مشكوره دكتوره
طلع برى وراح لصوب الغرفه الي تنام فيها همس شافها من ورى النافذه لمحته ابتسم ودخل
همس بتعب : مشكور اخوي والله تعبتك معاي
الشرطي : لا شدعوه هذا من واجبنا
همس التفتت كان الجو متوتر ماتعرف شتقول
الشرطي : انتي صاحبة المعرض ؟
همس بحزن : اي
الشرطي : ولا يهمج الي سرق اللوحات راح ينصاد الشرطه فتشو المحل وانشالله بنحلل البصمات وبنلقاهم لاتحاتين
همس وهي بدون امل : انشالله
الشرطي : همس
همس رفعت راسها : نعم
الشرطي وهو يبتسم : لا ولا شي انا باروح اتصل عشان اييبون سيارتج جنب المستشفى
همس : مشكور
فارس ( الشرطي ) طلع بسرعه حس مو عارف يتكلم ويخربط وهالشي غريب عليه اتصل بواحد من قسم الشرطه ودله على مكان سيارة همس وقاله ايجيبها صوب المستشفى

ماحب يرجع للغرفه بغى يخليها تاخذ راحتها
همس كانت تفكر باللي صار لها صحيح تعاسة حظ من المتفرغ الي بيسرق لوحات وحده مبتدئه فكرت بينها وبين نفسها
دخلت الدكتوره وشالت عنها المغذي : انشالله تحسين نفسج احسن
همس وهي تبتتسم : الحمدلله
الدكتوره : يلا تحملي بنفسج ولا تخلين شي يأثر على صحتج
همس وهي تقوم : مشكوره

طلعت برى وشافت الشرطي للحين واقف : انت للحين هني
الشرطي بأحراج : امم بغيت اتطمن انج بخير
همس : انا بخير الحين مشكور
الشرطي : انزين ماتبيني اوصلج احسن
همس بحزم : خلاص مشكور والله ماله داعي انا اوكي الحين
الشرطي : اوكي بس بامشي وراج بالسياره لين ماتوصلين البيت وبجذي اتطمن انج بخير
همس بطفش : اوكي
ركبت سيارتها الي كانت موقفه بالموقف الي مقابل بوابة المستشفى ورجعت البيت وهو وراها ابتسم لما عرف وين يصير بيتها ورجع لشغله

دخلت البيت بتعب
امها وهي مستغربه كانو جاهزين وبيروحون المعرض : همس شفيييج !!
همس بتعب قعدت على اول كرسي شافته وحطت راسها بين يدينها وبدت تبجي
بدور بخوف وهي تشوف حالة اختها قربت منها وقعدت على ركبتها : همس شفيج
همس ضمت اختها بقوه : مافي معرض .. احلامي كلها تهدمت
فهد بعصبيه : همس شهالكلام .. فهمينا شصار !
همس والدموع على خدها : اللوحات كلها انسرقت ...
بدور : شلون يعني انسرقت من الي بيسرق لوحاتج وليييش
همس : موعارفه رحت الا اشوف الشرطه واقفين عند باب المعرض ويوم سألتهم قالو لي صارت سرقه البارحه
سعاد: حسبي الله عليهم ... يعني من الي له فايده يسوي جذي


رهام كانت فرحانه باللي صار ووصلها كل الي صار بهمس من جهات خاصه سندت راسها على المدخه وهي تحس بالتعب يزيد عليها كل يوم بس هالشي يزيدها كره وحقد انها تهدم حياته وحياتها



همس راحت لغرفتها وهي تحس خلاص حلمها الي من سنين تحلم به ماعاد له وجود طالعت اللوحه الي كانت توها تبدي فيها ونزلت دمعه من عينها كل شي بحياتها صار عكس الي تبيه كل شي حلمت فيه يجي شي ويخذلها بالبدايه ماجد والحين حلمها بأنها تكون رسامه مشهوره : الحمدلله على كل حال
زين جات بسرعه بعد ماعرفت الي صار بأختها : يمه شلون صار جذي ماعرفو من الي سرقهم
سعاد : والله ماندري الشرطه يحاولون يلقونهم
زين : راسي يعرف كم واحد من الضباط باخليه يشددون على الموضوع
ابوها : مانبي شي منه
زين حزنت ابوها للحين يكره راسي اصلاً الحق على راسي هو من تزوجو مازارهم
زين : انا باروح اجوفها
بدور مسكتها من كتفها : افضل تخلينها الحين لأن حدها متضايقه
زين قعدت شوي مع اهلها على امل تشوف همس ماتحب اختها يصيدها اي شي رجعت البيت بسرعه وخبرت راسي بالسالفه
راسي : ليش ماانتظرتني انا الي كنت ابي ارعى حفلها .. هي استعيلت وتعاملت مع ناس ماتعرفهم
زين نزلت راسها تتذكر ان همس رفضت اي مساعده من راسي بعد اللي سواه في اهلها : راسي انتي تعرف احد يقدر يساعدنا نلقى اللوحات
راسي وهو يفكر رفع تلفونه
طلال : هلا والله الريس
راسي : هلا بو وليد .. اخبارك ؟
طلال: الحمدلله ماشي الحال .. بغيت مساعدتك
طلال : آمر ..
راسي : نسيبتي كان المفترض اليوم تفتح معرض الرسم الخاص بها راحت اليوم عشان الحفل ولقت اللوحات مسروقه طبعاً الشرطه كانو هناك بس حبيت تشدد عليهم بالنسبه لهالموضوع
طلال ضابط شرطه : ابشر راسي انشالله كلها يومين ولاقينهم يعني لاقينهم وانا راح اشرف عالموضوع بنفسي
راسي وهو يبتسم : تسلم لي بوليد
طلال : ولووو هذا اقل من واجبنا ... يلا لاتحاتي انشالله كلشي بيكون بخير
صكر راسي من عنده : انشالله بيلقون الي سرقو اللوحات .. لاتحاتين حبيبتي اعرف طلال ماراح ينام الا محصلهم
زين : انشالله .. والله معوره قلبي هموس



همس وهي تفكر باللي صار فجأه تذكرت لمياء اكيد لها يد باللي صار
اتصلت لها بسرعه
: الوو
همس : ممكن اكلم لمياء ( لأن الصوت صوت رجال)
: الظاهر النمره غلط !!
همس : صج والله .. كيف غلط وانا حافظه الرقم اذا هي جنبك عطني اياها بسرعه
: يااخت هذا الرقم ملكي انا .. ماعرف وحده اسمها لمياء
همس حست مافي فايده تتكلم معاه : اوكي وصكرته في وجهه
الرجال : زين جذي !!
لمياء وهي تضحك : كفو حبيبي انت جذي تعجبني .. يلا جهز نفسك للخطه الثانيه
تأفف ورجع راسه لورى : يعني للحين ماخلصنا


اليوم هو حفل استقبال زين وراسي
زين خذت اغراضها وراحت تتجهز في بيت اهلها وبيطلعون مره وحده هي وخواتها همس كانت تعبانه نفسياً حدها وما طلعت حتى تاخذ لها شي للحفله ساره وبدور راحو شرو لها شي على ذوقهم وبالزور سحبوها معاهم
راسي راح لحاله مع انه ماكان يبي يروح ولا يحتك بهم ابداً بس عشان كلام الناس واصرار زين راح

وصلو القاعه وراحو البنات غرفة التبديل زين لابسه فستانها الذهبي بدور فستان اخضر طويل ويغطي الصدر دانتيل اسود
ساره لابسه بدله مكونه من قطعتين الفوقيه تغطي المنطقه كامل ماعدا بطنها كان على النمط الهندي شوي مع بنطلون وسيع من تحت كأنه تنوره لونه احمر غامق وعليه فصوص ذهبيه
اما همس لابسه فستان قصير فيروزي فيه لمعه خفيفه بالذهبي

دخلو القاعه وبدو الحضور يجون يباركون لزين
عند الرجاجيل راسي قاعد ويتمنى الوقت يخلص بسرعه مايبي يشوفهم اكثر يكفي النظرات الي قاعدين يطالعونه بها كل واحد يبي كأنه يبي يقتله
باركو له على مضض وقعد جنب راشد وعمر هذلين اكثر ناس قدر شوي يتأقلم معاهم
عمر وهو يبتسم : ها شخبار الزواج معاك
راسي توه بيتكلم الا نط راشد : اي اي يعني تنصحنا نعرس
راسي وهو يضحك : والله شاقولكم الزواج حلو >> احلف ياشيخ
عمر : اي ... >> يعني كمل هع
راسي مو عارف شيقول : اي ويعني حلو و اهم شي الي تاخذها مو تحبك بس عالاقل متقبلتك
عمر : ايي صح وتفهمك
راشد : وتعرف تطبخ
عمر: هههههههه وانت بس ماهمك الا بطنك

بو زين قاعد يطالع راسي بنظرات حقد ياسر شاف ولدينه معاه عصب بس ماحب يسوي مشاكل وتوعد فيهم بالبيت

*
*

عند النسوان زين الي ماشافت اهلها من رجعت من السفر كانت مشتاقه لهم حيل حق بنات خالها وخالاتها وعمامها وعيالهم وكلهم اشتاقتلهم يدتينها من الصوبين اشتاقت لهم اكثر شي شفات مره من رجعت من السفر وبس قعدو مع بعض سوالف اغلبها عن زين كلهم فرحانين الا همس الي للحين مصدومه حست بشي يتحرك وبعدها سمعت صوت تلفونها يرن شالته بملل : الوو
فارس : السلام عليكم .. معاج فارس
همس : عليكم السلام .. فارس من ؟
فارس وهو منحرج : جفتج امس عند المعرض و ..
همس : اهااا انت الشرطي مو جذي
فارس : اي نعم .. حبيت اوصلج اخبار حلوه لقينا لوحاتج كلهم
همس قامت وبصوت عالي من الفرحه : احلف


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -