بارت جديد

رواية اسم على مسمى -20


رواية اسم على مسمى -20

رواية اسم على مسمى -20

فهد: ما أحب أزعج حد..

جنان في داخلها أنت زاعجني..

نزلوا من الطائره.. وكان الجو باااااارد

فهد: بنروح الفندق لأني تعبااان حدي.. طيب..؟

جنان أووف: طيب..

وصلوا الشقه.. كانت مكونه من غرفه ومطبخ صغير وصاله وحمام..

فهد على طوول أخذ له شاوور سريع وطلع من الحمام لابس روب الحمام.. ودخل غرفة النوم.. وصك الباب عليه..

جنان طلعت ملابسها ودخلت الحمام وأخذت لها شاور.. وطلعت من الحمام.. وجلست بالصااله بروحها.. تذكرت الجوري وقررت تكلمها بس جوالها بشنطتها في الغرفه..

دخلت الغرفه شويشوي وشاافت فهد ناايم بدون تيشيرت بس بنطلون.. عور قلبها.. رااحت وغطته وباسته على خده لأنها تدري أن فهد إذا كاان تعباااان ما يحس باللي حوله.. لكن فهد كاان جااالس وأنبسط مرره.. قاامت جنان أخذت جوالها وطلعت.. دقت على الجوري: الوو

جنان: هلا وغلا.. كيفك؟

الجوري: جنوو .. وحشتيني يادبه..

جنان: أنتي أكثر حبيبتي..

الجوري: وصلتو..؟

جنان: أيه.. وأبيك معي..

الجوري: فهود معك يكفيك..إلا صج وينه..؟

جنان: ناايم..

الجوري: أهاا.. روحي ناامي معه..؟

جنان ألفت: طاردني من الغرفه لأني إذا أنا معه ما يعرف يناام..

الجوري: أوووووه.. أووه..

جنان: ههههههههه..

الجوري: يسلم عليك طلول...

جنان: سلمي عليه كثير..وسلمي عليهم كلهم.. أنا ما أسمعك عدل.. بااي..

الجوري: بااي..

جنان حست بباب الغرفه ينفتح بس سوت نفسها ماسمعته..

جا فهد وجلس بجنبها وقاال: رااسي يعورني..

جنان ماطالع فيه لانه نازع التيشيرت فتخجل تطالع فيه: أجيب لك فيفادول..؟

فهد: ياليت..

قامت جنان وجابته له وجابت له مويه..

فهد شربها: شكرا..

جنان: العفوو.. جلست

أنسدح فهد على رجلها أهي تفاجئت من حرركته بس قالت مدام تعبان خليه..

فهد: ألعبي بشعري..

جنان ترددت بعدين مالعبت فيه..

فهد مسك يدها وحطها في شعره

لمست جنان جبينه وأهي تلعب بشعره وكاان حاار..

جنان: فهد جبينك حاار..

فهد سااكت عنها..

جنان: فهد أنت مسخن لأنك ناايم بالبرد بدون لابطانيه ولا تيشيرت.. فهد خلينا نروح المستشفى..

فهد: ما أبي..

جنان: لازم تروح وأنا بروح معك بعد..

فهد: قلت لك ما أبي..

جنان: مو بكيفك.. شالت راسه عن حضنها وحطته على مخده..

رااحت لبست عبايتها لأنها أسرع شي بدال لا تبدل وتصير سالفتها سالفه.. أخذت تيشيرت لفهد ورااحت له بالصاله: فهد أجلس..

جلس فهد شاف التيشيرت عندها أخذه ولبسه وقال: في جاكيتات بشنطتي جيبي لي أي واحد..

جنان: طيب.. جابته ولبسته.. يالله قوم..

فهد: طيب..

طلعوا من الشقه ولأقرب مستشفى..

جنان كانت خايفه عليه مرره..

دخلوا للدكتور

فحصه الدكتور وكانت جنان واقفه بجنبه.. ركب الدكتور له السيروم.. جاات جنان وجلست بجنبه على السرير أهو كان مغمض.. مسكت يده وضغطت عليها.. فهد كاان تعبااان فتح عينه وقال لها: لا تخافين علي..

جنان بكت..

فهد: قلت لك.. لا تخافين..

جنان مسحت دموعها وهزت راسها بمعنى طيب..

فهد: تراها كلها أرتفااع حراره خفيفه..

جنان: مو خفيفه ولا شي..

فهد أبتسم بتعب

جنان: طيب ناام..

فهد: ماعرف أنام في مستشفى..

جنان ضحكت: يااااااي..

فهد: هههههه.. آسف زهقتك من أول يوم في مستشفى..

جنان: لا تقول هالكلام.. ونام يالله..

فهد: أمررك.. غمض عينه ونااااام..

جنان في نفسها هذا اللي مايقدر ينام.. الله يقومك لي ساالم..

خلص السيروم ونادت جنان الدكتور

جنان: فهد فهد.. قوم خلص السيروم..

فهد: طيب..

ساعدته جنان في قومته..

وقام يتكلم مع الدكتور وجنان مو فاهمه ولاشي..

ماشافتهم إلا ثنينهم يطالعون فيها ويبتسموا.. سلم على الدكتور وطلعوا..

فهد: وين تبين تروحين..؟

جنان: الشقه..

فهد: ليش..؟ خلينا نتمشى..

جنان: لا..لأنك تعبااان..

فهد أبتسم لها..

أخذوا عشى وراحوا الشقه..

فهد نزع جاكيته..

جنان: لا خليه عليك..

فهد: حر..

جنان: حتى ولو خليه عليك..

فهد: أمرك.. حطي العشى لأني جوعااان..

جنان: طيب..

رااحت جنان نزعت عباتها وبدلت لبست فستان أحمر طويل من ..فيمي 9.. فوقه جاكيت فرو أبيض كاان عليها خيااااال.. رتبت شعرها ولمته ذيل حصان.. ورسمت عينها بالكحل.. طلعت من الغرفه وراحت المطبخ اللي كان مفتوح على الصاله..

فهد ويلي ما أقدر على الأحمر.. أكيد تبي تجلطني..

جنان: فهد تبي عصير أيش..؟

فهد: أبي كوكاكولا..

جنان: لا مافي.. عصير أيش تبي..؟

فهد: عااادي..

جنان: طيب..

حطت العشى على طاولة الطعام..

جنان: فهد قووم..

فهد: مايصير بالصاله..؟

جنان: يصير..

شالت البيتزا وحطته على طاولة الصاله.. وجابت العصير..

فهد قررب الطاوله منه عشان جنان تجلس بجنبه..

لكن جنان أذكى رااحت جابت كرسي وجلستعليه قباله..

فهد أنقهر حده..

جنان حطت لها قطعه في صحنها.. شافته ماحط له فحطت له..

فهد بتهزيئ: شايفتني ماعرف أحط لي..؟

جنان: جزاتي بعد أحط لك..

فهد: مره ثانيه لا تتليقفين.. أووكي..

جنان شالت القطعه اللي حطتها له وقامت..

فهد مسكها من زندها: وين..؟

جنان سحبت يدها: ألف مره قلت لك لا تلمسني.. ولا لك خص أنا وين بروح..

فهد مسكها مرره ثانيه وجلسها بجنبه على الكنبه..

جنان طالعت في عيونه اللي تعشقهم: أتركني..

فهد: مو بكيفك.. طيب..

جلسوا يطالعون في عيون بعض.. قرب فهد منها وباسها وتوه بيقرب لها أكثر.. أنتبهت جنان ووقفت ورااحت الغرفه ..وقفلت الباب وطاحت عند الباب متسنده.. تبكي..

أما فهد توقع أنها بتقوم عنه.. بس قاال يجرب معها.. يمكن ينفع معها..

نااامت جنان وأهي تبكي..

وناام فهد وأهو يفكر بحياته..


في اليوم الثاني..

جلست جنان من النووم.. وشاافت نفسها على الأرض.. تذكرت تفاصيل الباارح.. قاامت بدلت ملابسها ولبس بجامه شتويه.. لأنها بردانه..فتحت بااب الغرفه شاافت فهد نااايم على الكنبه والأكل مو ملموس.. يعني ماتعشى.. دخلت الحمام غسلت وتوضت وصلت..

فهد حس بحركه حوله فتح.. شافها وأهي تلم الأكل.. أووف أنا جوعان خلني آخذها ونطلع نفطر..

فهد: صباح الخير..

جنان ماطالعت فيه: صباح النور..

فهد يبي يسوي الموضوع ولا كأن صااار..: ألبسي عشان بنطلع ونروح نفطر..

جنان: ما أبي أفطر..

فهد: مو بكيفك..

جنان: أجل على كيف منو..؟

فهد: طبعا بكيفي..

جنان: نشوف من يطلع معك..

فهد: أيش تستفيدي إذا جلست هنا بروحك..؟

جنان: بكيفي..

فهد: ياصبر أيوب.. تبينا نرجع السعودية..؟

جنان: ياليت..

فهد لوول ماتبي قربي منها: أرجعك بس أيش نقول لهم..؟

جنان: أنك ماتحملت الجو ومرضت..

فهد: أنا طفل..

جنان أبتسمت بسخريه

فهد: ليش مانقول العكس.. أنك أنتي اللي ماتحملتي الجو..؟

جنان: لااااا.. نقول لهم أنك أطريت ترجع لأن عندك شغل وأنك بتعوضني..

فهد يبي يقهرها: فكره ..لأني أصلا مليت من هنا..

جنان: حتى أنا..

فهد قام أخذ له شاور وصلى و كلم وحجز لهم بالطائره لبكره..

فهد: للأسف مافيه إلا بكره..

جنان: أحسن عشان اليوم نروح نشتري الهدايا..

فهد: أنتي كل شي حاسبه له حساب إلا أنا صح لو لا..

جنان طالعت فيه وقالت: أنا أحسب حسااب للي يعزوني ولا يخونوني.. وأنت أعرف نفسك أحسب لك حساب لو لا..

فهد: لو أنا أتابعك كان أستخفيت.. روحي لبسي..

جنان راحت: طيب..

فهد تنهد: الله يصبرني عليك..

طلعوا من الفندق

جنان: أنت تعباان..؟

فهد: لا جوعاااان..

جنان: مثلي..

فهد: أنتي اللي قمتي عن العشى البارح..

جنان: وأنت اللي نمت عن العشى البارح..

فهد: ههههههه..

جنان: شكل هذا المطعم حلو..

فهد: رااح أوديك مطعم عمرك مادخلتي مثله..

جنان: حتى المطعم اللي رحناه في فرنسا..؟

فهد: مايجي نصه..

جنان: تحمست..

فهد: أفااا عليك..

وداها فهد المطعم وكاان فخم قليله عليه ورومااااانسي.. أول شي من بره كأن فله مضلله.. ولما دخلوا دااخل كان في واحد معهم وصلهم لكبينتهم بعد ما حياااهم طبعا.. وسألهم إذا يبون بوفيه لو من المنيو.. أختار فهد المنيو أحسن.. علشان ياخذون راحتهم أكثر..

جنان: حلوو المطعم..

فهد بغرور: بس مو أحلى مني..

جنان: يالمغرور..

فهد: تنكرين أن المطعم أحلى مني..؟

سكتت جنان ولا ردت..

فهد: ههههههه.. أقوول أختاري لك أكل..

جنان: طيب..

أختاارت جنان لها أكل..

نادى فهد الويتر..

وطلبوا لهم..

فهد: اليوم يومك أي شي تبينه بيصير..أبتسم بسخريه.. اليوم الأول والأخير لنا في أيطاليا..

جنان حزينه تبي تجلس هنا أكثر بس تحس أنه مو بطايقنها.. حتى أهو قال لها نرجع السعودية.. سرحت جنااان..

فهد شافها سرحانه وقال خليها تراجع حساباتها ولو تقول أنها ما تبي ترجع البلد مارااح نرجع..

وصل الويتر بالفطور.. وقطع أندماجهم..وحط الأكل

فهد بدأ بالأكل.. لأنه جوعاان ولا طالع فيها من جووعه..

جنان قاامت تطالع فيه وضحكت..

فهد رفع عينه: أيش فيك..؟

جنان: هههههه ولا شي..

فهد: شنو..؟

جنان: هههههه خلاص أنسى..

فهد: بكيفك.. كمل أكل

جنان: فهد..

فهد كان بقول عيونه بس قال: نعم..

جنان: بقول لك شي..

فهد: قولي..

جنان: أنت تبي ترجع الشرقية..؟

فهد طالع في صحنه: إذا أنتي تبينا نرجع بنرجع.. أنا ماجبر حد على شي.. وأنتي قلتي تبين ترجعين.. وأنا ماعندي مشكله..رفع عينه.. لأني مو بحاسس نفسي أني بشهر عسل..

جنان: أنا مو ذنبي إنك مو حاسس فيه..

فهد: لاااا.. أجل ذنب منو..؟

جنان: ذنبك أنت.. أنت حرمتني من كل شي .. يمكن أنت ما تقصر علي من ناحية لفلووس بس أنت حرمتني من أحلى ليله بحياتي.. أنت خليتني ما أثق فيك.. وأنت حرمت علي فرحت أي بنت بليلة زواجها...

قاطعها فهد: منوو اللي بليلة العرس جالس يفرفر بالمحطاات.. منو اللي البارح قاام عن الثاني أنا لو أنتي.. منو اللي كل ما أتقرب له يحاول يبعد الثاني..

وقفت جنان: خلينا نمشي..

فهد: شفتي أنك لما أجيب طاري شي واقعي تتهربين.. أجلسي بكمل أكلي..

جلست جنان تنتظره..

جنان جا على بالها هالسؤال: خفت درجت حرارتك..؟

فهد سااااكت عنها..

لمست جبينه: ما في حراره شكله السيروم فادك..

سكتت جنان عنه..

فهد وقف: خلينا نمشي..

جنان: طيب ..

طلعوا من المطعم..

كانوا يدورون في شوارع روما بدون هدف بعدين دخلها محل وقال لها تختار لأمها ولأمه تحف..

أختاارت وطلعوا ودخلوا محل أشتروا إلى الريم وللجوري وفاطمه ولها آيبود المطور لانه حقها أخترب..طبعا الجوري وأهي نفس اللون طلعوا من المحل

جنان: ماتبي تشتريلك شي..؟

فهد: بعدين.. دخلوا محل ثااني اشتروا للبقيه.. وناصر وطلال.. اشتروا لهم كل شخص لابتوب.. واشتروا هديه بعد الى ابو طلال..


جنان: خلاص تعبت..

فهد: حتى أنا..

جنان:نرجع الشقه..؟

فهد: طيب..

ورجعوا الشقه وجابوا الأغراض معهم..

رااحت جنان أنسدحت على السرير.. جا فهد وناام بجنبها وقال: لا تخافين ما راح أقرب لك.. بس أبي أناام على السرير.. وغمض عينه

داارت جنان له كان نازع التيشيرت.. تفشلت جنان وداارت عنه.. وأهي ناايمه خايفه تتقرب منه.. فقامت..

فهد اللي كان مغمض: وين..؟

جنان تلعثمت: بروح أشرب لي مويه..

راحت جنان الصاله.. وجلست على الكنب تفكر بحياتها.. رن جوالها وكانت أمها..

جنان: هلا يمه.. كيفك..؟

أم طلال: هلا وغلا.. هلا ببنيتي.. الحمدلله.. أنتي كيفك..؟

جنان: تمام يمه.. كيف أبوي وخواني..؟

أم طلال: كلهم مشتاقين لك وينتظرونك..

جنان: وأنا بعد أشتقت لهم..

أم طلال: شلون فهد..؟

جنان: طيب..

أم طلال: عطيني أياه أسلم عليه..

جنان: أهو تحت يتكلم مع الرسبشن..

أم طلال: خلاااص أجل سلمي لي عليه..

جنان: أكيد يمه..

أم طلال: ما أطول عليك.. محتاجه شي.. تبون شي..؟

جنان: تسلمين يمه..

أم طلال: مع السلامه..

جنان: الله يسلمك..

صكته جنان وتقول في نفسها لو أنا مو متزوجه وجالسه معك أحسن لي أستغفر الله... بقوم أصلي أحسن لي..

قامت توضت وصلت.. وأهي تصلي.. رن جوال فهد.. كان يرن يرن مايسكت.. خلصت صلاة وأهو مازال يررن.. أخذت جواله وحطته على الصامت وراحت إلى فهد..

جنان تنبهه: فهد.. فهد..

فهد: نعم..

جنان: فهد قوم جوالك مو براضي يسكت..

فهد جلس وأخذ الجوال: الوو.. الحمدلله.. أختصر.. أيش صاير.. أيييييش....؟.. أنا أجل اليوم في البلد.. أيه.. أتصل على فيصل خليه يتصرف.. أيه.. بسرعه كلمه.. مع السلامه..

جنان: خير أيش صاير..؟

فهد بضيق: مخزن من مخازن الشركه أحترق..

جنان مفزوعه: أيش صار..؟

فهد: مادري.. مادري.. بشوف لي حجز اليوم ونرجع بأي طريقه..

جنان: طيب

فهد دبر لهم حجز بالواسطه..: جنان بعد ساعتين طائرتنا.. بسرعه تلمين الأغراض..

جنان: طيب..

فهد جالس على السرير يفكر ويفكر بالسالفه..

جنان: فهد.. قوم بدل ملابسك عشان نطلع من هنا بأسرع وقت ممكن..

فهد: طيب.. طيب..

قام فهد وبدل ملابسه..

جنان خلصت ترتيب الشنط في نصف ساعه..

فهد: يالله نمشي..؟

جنان: يالله..

فهد: تأكدتي أنك مانسيتي شي..؟

جنان: كل شي حطيته..

فهد: يالله أجل..

نزل الأغراض وإلى المطاار..

في المطار كان جوال فهد مايسكت..

جنان: أيش صار..؟

فهد: أحترق شي خفيف ماصار شي..

جنان: الحمدلله

فهد: آسف بنرجع بس لازم أرجع أنا..

جنان: لا عاادي فهد شدعوه.. وأصلا كنا بنرجع بكره فما فرقت شي..

فهد: من قال.. أنا أصلا كنت ما برجع بكره.. بس مادري اليوم من وين طلعت لي هالشغله..

جنان أنقهرت كل يكذب عليها: يصير خير..

فهد: أيش فيك قالبه وجهك..؟

جنان تبتسم بمسخره: أبد.. ماصاير شي.. ماتشوفني أبتسم..

فهد: تكلمي معي عدل..

جنان: أنت بالأول تكلم معي عدل.. بعدين أنا أتكلم معك عدل..

فهد: طيب أنا أيش سويت..؟

جنان: ليش تكذب علي..؟

فهد: في أيش..؟

جنان: تقولي بكره بنرجع وأنت أصلا مو مفكر ترجع.. بس تلعب بأعصابي..

فهد: أنتي تسوين من الحبه قبه.. بس تبين تتهاوشين.. لو على كيفك بعد تهاوشتي مع نفسك..

جنان معصبه من كلامه: شايفني مجنونه أتهاوش مع نفسي.. رد علي..

فهد سااكت عنها لأنه دواها التطنيش..

جنان: ماتكلم..؟

فهد سااكت..

جنان: طبعا ماترد.. أيش بتقول يعني..

فهد صك على أسنانه: جنااااان.. تأدبي أحسن لك.. أنا تحسبيني ساكت عنك يعني رايق لك.. أبلعي لسانك أحسن لك..

جنان: لا تهزئ.. أنا مو بأصغر عيالك.. ولاتخاف أنا ما أخاف منك..

فهد ضغط على يدها: قسم بالله كلمه وحده.. وبتشوفين شي عمرك ما شفتيه..

شال يده وكمل: سمعتي..؟

جنان سكتت عنه لأنها خافت منه شوي لأن نظراته لها قتاله..

نادو على طائرتهم.. وركبوا الطائره.. ورجعت الطائره لديارنا الغاليه ..

وصلوا بيت أبو فهد بآخر الليل.. وكااانوا فاطمه والجوري والريم سهرانين.. لما شافوا فهد قاموا ركض يسلمون عليه.. وجلسوا بالصاله

الجوري بستغراب: ليش رجعتوا مو مفروض تجلسون شهر..؟

فهد: أيش أسوي في مرت أخوك إذا تبي ترجع..

الريم: لييش..؟

جنان فاتحه عينها: ما عليكم منه..

الجوري: صج ليش..؟!

فهد: كنت لازم أرجع لأن الشغل يحتاجوني..

الريم: خساااااره..

الجوري: أيه والله..

فهد: أكيد بعوض مرتي قريب ..

الريم: أكيد أن ماعوضتها ترى أنا اللي بزعل..

فهد: أنتي أيش دخلك..؟

الريم: شلون مالي دخل وبنت عمي خرب شهر عسلها..

فهد: هههههههه.. وقف.. أقول إذا جلست معك أكثر مادري أيش بيصير فيني..

الريم: كل خير أكيد..

فهد بأستغراب: وين جنان..؟

الريم: هههههه تو الناس.. أخذتها الجوري معها فوق..

فهد: تصدقين ما أنتبهت.. يالله أنا بروح أنام وراي قعده من الصباح.. تصبحوا على خير..

فاطمه والريم: وأنت من هله..

ركب فهد جناحهم.. أخذ له شاور وناام على السرير..

.

.

دخلوا غرفة الجوري.. وجلسوا على الكنب..

الجوري: بسرعه تقولين لي كل شي صار..

جنان: عن أيش..؟

الجوري: من أول ليله للحين..

جنان مشكلتها أنها ماتقدر تكذب على الجوري بس حاولت تكذب عليها: أيش أقولك يالجوري أخوك معاملني كملكه.. مايرد لي طلب.. بس كان مايبي يرجع.. بس أنا أجبرته..

الجوري غمزت لها: ولا في شي بالطريق..؟

جنان: لاتخافين مافيه شي.. أول مايصير شي باقولك أنتي وطلول..

الجوري: هههههههه..

الريم دخلت

الجوري: نعم..؟

الريم: فاطمه وفهد راحوا ينامون وأنا بجلس معاكم..

جنان: فهد نام..؟

الريم: أيه..

الجوري: قومي روحي له..

جنان: لو يبيني كاان ناداني.. صح لو لا..

الريم: سأل عنك قبل لا يركب..

الجوري: سمعتي قومي روحي له..

جنان: طيب.. يالله تصبحون على خير..

: وأنتي من أهله..

راحت جنان جناحهم اللي أول مره تدخله.. كان أول ما تدخلين ممر قصير بعدين الصالة والمطبخ مفتوح على الصاله.. وكان باب مفتوح والثاني مصكوك وكان باب الحمام عند الغرفه المصكوكه.. طلت من الباب المفتوح لقت غرفة النوم.. وراحت الغرفة الثانيه.. فتحت الباب.. وشغلت الأضواء وكانت غرفة أطفال.. كانت حلوه قليله عليها..

قالت جنان في نفسها يمكن محد بيسكن هالغرفه.. وظلت واقفه بس تطالع في الغرفه..

سمعت صوته من وراها يناديها: جنان..

جنان صكت الباب ولا دارت له لأن عينها مدمعه: نعم..

فهد: أيش فيك تكلميني وأنتي عاطيتني ظهرك..

رفعت أياديها وبسرعه مسحتهم بس ما فات فهد..

دارت..: نعم..

فهد: أحد ضايقك بشي..؟

جنان أبتسمت: لا بالعكس خواتك مره تمام معي.. وأنا أعتبرهم مثل خواتي..

فهد: طيب ليش تبكين..؟

جنان: لا ما أبكي.. بس.. ولا شي..ولا شي..

فهد: قولي..

جنان: لا بس أفتقدت أمي كثير.. نزلوا دموعها.. وحشتني..

فهد راح لها وضمها ومسح دموعها ..: مدام واحشتك لهاذي الدرجه بكره من الصبح نروح لها..

جنان: صحيح ولا تكذب علي كالعاده..؟

فهد: ههههههههه.. لا هالمره أبصم لك بالعشره.. وبكره بخليك معاها من الصبح لليل.. بعد أيش تبي..؟

جنان بعدت عنه..: سلامتك.. شكرا..

فهد أبتسم: العفو..

جنان: فهد أمي جابت أغراضي لو بس الأغراض اللي عندي بالسياره..؟

فهد: لا في أغراض لك داخل..

جنان: طيب..

راحت غرفة الملابس طلعت لها ثياب ودخلت الحمام اللي تبع الغرفه.. أخذت لها شاور وكان تفكيرها كله في فهد.. طلعت بعد ما تعبت من التفكير.. كانت لابسه بجامه بيضاء.. شورت يوصلها لنص الفخد.. وبلوزتها كانت مزلطه وفتحتها 7..

لما طلعت كان فهد مغمض.. راحت بجنب التسريحه.. أخذت لها فرشه ومشطت شعرها..

فهد دار لها لأنها كانت مزعجه وأهو يبي ينام.. شافها وأهو خلاااص فها فيها..

فهد: جنان..

جنان دارت له: أزعجتك صح..؟

فهد: شويه..


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -