رواية اسم على مسمى -21
فهد: من قالك أبيك تطلعين..؟
جنان: أجل..؟
فهد: تعالي ألعبي في شعري..
جنان رفعت حاجب: بس ثواني..
كملت تعديلها حطت لها كريم وعطر.. وراحت له..
جلست على السرير..: حط راسك على رجلي..
فهد يستضرف: ما يصير وأنا على المخده..؟
جنان: إلا يصير..
فهد حط راسه على رجلها: أمزح معك.. كل شي تصدقينه..؟
جنان تلعب بشعره: مشكلتي أني بسرعه أصدقك..
فهد: تصدقيني بسرعه لأنك تحبيني..
جنان: لا تصير واثق كثير..
فهد وهو مغمض: أنا واثق 100% أنك للحين تحبيني.. مثل ما أنا واثق أني أحبك 100%..
جنان: أيش دراك..؟
فهد: ما يبيلها ذكاء..
جنان: ويمكن بس 50%..
فهد: اللي يحب من صجه عمره ما يكره.. صح لو لا..؟
جنان سااااكته..
فهد فتح عينه وضغط على يدها: جاوبيني..
جنان: صح.. بس أنا يمكن أحبك.. بس.. بس أنت خنتني الخيانه بالنسبه لي أعظم شي هذا واحد..وثاني شي خنتني مع منو.. مع بنت عمي.. نزلوا دموعها.. وصاروا يطيحون على وجه فهد.. يعني اللي من لحمي ودمي.. يعني كانت لي صدمة حياتي.. مافي حد يتحملها
فهد: طيب أنتي ليش ماتبين تسمعين السالفه..؟
جنان مسحت لدموع اللي على وجهه: يمكن ما تقول لي الحقيقه..
فهد مسك يدها ودمعت عينه: في مره فهد كذب عليك في أمر جدي..؟
جنان: لا..
فهد: طيب بكره بنروح بيت أهلك ونتفاهم هناك.. طيب..؟
جنان: ليش هناك مو هنا..؟
فهد: هناك أحسن..
جنان مسحت دمعه كانت بتنزل من فهد: لا ينزلوا دموعك عشاني.. حتى لو بكره ما صدقتك.. إذا أنت ضعفت أنا راح أضعف معك.. على الأقل في واحد منا متماسك..
فهد باس يدها وأبتسم.. وظل نايم على حضنها وماسك يدها طووال الليل..
أما عن جنان فكانت متسنده على السرير ..وأهي تلعب بشعره ناااامت..
أتووقع أن الباارت طويل.. ولا قصرت^_^
أتمنى يعجبكم..
أرائكم وتوقعاتكم..
أختكم..
جنة الفردوس
البارت الـــــــــــــــــــــــــــــرابــــــــــــــــ ع عشــــــــــــــــــــــــــــــــر..
في الصباح..
رن جوال فهد.. وكان مزعج.. كان بجنب جنان.. شافت منو.. وطلع طلال..
جنان وصوتها نوم: الوو..
طلال: بسكم نوم.. أنتوا ما تشبعون من بعض..
جنان: هههههه.. لا..
فهد أوتعى من صوتها
طلال: ياللي ما تستحي.. الحمد لله على السلامه..
جنان: الله يسلمك.. واحشني طلالوه..
طلال: طلالوه بعينك.. تعالي أنزلي لي أنا تحت..
جنان: أحلف.. ثواني وطايره لك..
طلال: في أنتظارك..
جنان: باي..
صكت السماعه
فهد: صباح الخير..
جنان: صباح النور..
فهد: هذا طلال..؟
جنان: أيه.. أهو تحت..
فهد: أحسن عشان نتفاهم هنا..
جنان: على أيش..؟
فهد: موضوعنا.. بس قبل لازم أروح الشغل أشوف أيش صاير.. وإذا تبين تروحين بيت أهلك روحي مع طلال..
جنان: طيب..
فهد قام وباسها على خدها: شكرا لأنك خليتيني البارح أنام بحضنك..
جنان أستحت: العفو..
فهد: يالله قومي عشان تنزلين إلى طليطل..
جنان: ههههه.. طيب..
بدلت جنان ونزلت له
طلال أول ما شافها وقف: هلا هلا.. تو ما نورت الصاله..
جنان: هههههههه.. ضمته بقوه.. وحشتني..
طلال: حتى أنتي.. مالي أحد أسولف معه بالبيت.. وأشتكي له من الجوري..
الجوري: وتشتكي بعد..؟
جنان بعدت عنه وجلست بجنبه: يشتكي لي من حبه لك يالخبله..
الجوري: على بالي..
طلال باس جنان في خدها: فديت اللي تخلصني من مواقف لا أحسد عليها..
جنان: هههههههههه..
الجوري: لااااا..
طلال: أدري غرتي من أختي ..قام وباسها.. عندي كم جوري..
الجوري أنقلب وجهها ألوااان..: ماقصدي..
جنان وطلال: ههههههههههه..
نزل فهد..
الجوري: وأخيرا أحد بعاوني عليكم..
طلال وقف: هلا بالنسيب.. هلا بأخي.. هلا بصهري.. هلا بولد خالتي.. هلا بولد عمي..
فهد: ههههههه.. أهلا بك يالنسيب ويا أخي وياصهري وياولد الخاله ويا ولد العم..
سلموا على بعض..
الكل: ههههههههه..
طلال قام وجلس بجنب فهد: إلا كاشخ بالثوب..؟
فهد: أنا طول عمري كشخه.. بس رايح الشغل..
طلال: اهاا.. أيش صار..؟
فهد: أحترق شوي من مخزن من المخازن ..تقريبا خسرنا 200000 ريال..
طلال: تتعوض أنشاءالله..
فهد: أنشاء الله..
جنان: فهد قوم أفطر..
فهد: شوي.. خذ جنان معك اليوم وديها بيتكم..
طلال: طيب..
فهد: وين أمي..؟
الجوري: في غرفتها..
فهد وقف: أجل بقوم أسلم عليها..
جنان: خذني معك..
راحوا إلى أم فهد..
أم فهد: ياهلا والله.. شلونك..؟
فهد باس راسها: ببركة دعائك بخير..
أم فهد: هلا ببنيتي..
جنان سلمت عليها: هلا خاله.. كيفك..؟
أم فهد: بخير بعد ماشفتكم..
جنان: الله يسلمك.. شكلنا خربنا عليك نومتك..؟
أم فهد: لا عادي بس مادري أيش فيني حاسه بخمول..
فهد: أوديك الطبيب يالغاليه..؟
أم فهد: لا ما أحتاج..
فهد: طيب أنا رايح أفطر.. جنان بتقومين معي..؟
جنان: ايه.. بعد أذن خالتي..
أم فهد: روحي يابنيتي مع زوجك..
جنان: تسلمين ياخاله..
قاموا فهد وجنان يفطرون..
فهد: الحمدلله..
جنان: ما أكلت شي..!
راح يغسل ورجع..
طلال: خليه براحته..
فهد باس جنان على خدها وهمس لها: أشوفك في بيتكم..
طلال: قولنا أيش قلت لها..؟
فهد: شي ما يخصك..
طلال: أفاااا ماهقيتها..
فهد: قوم ودي مرتي بيتكم..
طلال: جنووو قومي لبسي..
جنان: طيب..
قامت تلبس ولبست عباتها ونزلت..
جنان: نمشي..؟
فهد كان واقف عند الباب دار لها وكان شكلها شكل وحده عرووس.. طلع من البيت..
طلال وقف: يالله.. بااي حبوو..
الجوري: هههه باي..
ركبت جنان مع طلال..
طلال: نورتي سيارتي..
جنان: منوره بوجودك..
بعد فتره من السوالف..
طلال: كيف فهيدان معك..؟
جنان: لا تقول عنه فهيدان..
طلال: أمرك.. كيف فهود معك..؟
جنان: الحمدلله..
طلال: طيب.. يعاملك كويس..؟
جنان: الحمدلله..
طلال: مدري ليش قلبي يقولي العكس..
جنان سكتت..
طلال فسر الموضوع أن في خلاف بينها وبين فهد.. وقال بعد شوي بكلمه.. وصلت جنان بيتهم..
جنان: مابتنزل..؟
طلال: بنزل بس شوي وداخل البيت..
جنان أبتسمت: طيب..
دخلت جنان داخل وطلال على طول كلم فهد..
فهد: الو..
طلال: هلا فهد..
فهد: هلا فيك..
طلال: أنت وين..؟
فهد: بالطريق رايح لشركه..
طلال: ممكن اسألك سؤال.. بدون إحراج ..بس حبيت اتأكد..
فهد: طلال.. من متى وحنا بينا رسميات.. إسأل..
طلال: في مشكله بينك وبين جنان صح..؟
فهد سكت
طلال: صح..؟
فهد: ايه.. عشان سالفة رسائل مروه اللي كانت ترسلها.. وتاهمتني أني خاينها..
طلال: قلت لك قول لها من البدايه.. بس أنت ماطعتني..
فهد: هذا اللي صار..
طلال: طيب صار بينك وبينها شي..؟
فهد سكت..
طلال: إذا ما تبي تجاوب لاتجاوب..
فهد: ما أبي أجاوب..
طلال: براحتك.. بس حل الموضوع..
فهد: أكيد وأبيك معاي.. واليوم بعد..
طلال: أنتظرك على الغداء..
فهد: طيب..
طلال: مع السلامه..
فهد: الله يسلمك..
.
.
أم طلال: هلا ببنيتي.. وضمتها..
جنان: هلا يمه شلونك..؟
أم طلال: مشتاقه لك..
جنان: أنا أكثر يمه.. واحشتني كثير.. جلسوا على الكنب
أم طلال: فديتك ياعمري أنتي.. كل من فهد مانشوفك أبد..
جنان: اليوم تعويضه بجلس معك طول اليوم..
أم طلال: حيااش..
جنان: يمه.. وين أبوي..؟
أم طلال: في الشغل..
جنان: أهاا.. وأخواني ناصر وخالد..؟
أم طلال: فوق.. يلعبون.. وناصر عور راسي يبي يروح الحكير.. فقلت له ألعب مع أخوك بعدين راح أوديك..
جنان: ههههههههه..
دخل طلال: السلام..
: وعليكم السلام..
أم طلال: أنت مارحت الشغل اليوم..؟
طلال: الحين أختي جايه من السفر أقوم أنا أروح الشغل..
أم طلال: وتركت أبوك بروحه بالشغل..؟
طلال سكت وفيه الضحكه..
جنان: هههههههه.. قامت تنادي ناصر وخالد في الأنترفون..
ناصر: نعم..
جنان: نصور أنزل أنت وخالد.. أنا تحت..
ناصر: طيب..
نزلوا وسلموا عليها..
ناصر: وين هديتي..؟
أم طلال: ناااصر..
جنان: يمه خليه.. موجوده نسيتها راح أخلي فهد يجيبها معه.. هديتك وهدية امي وأبوي وطلال وخالد..
أم طلال: تراك بس 3 أيام جلستي هناك أمداك تشتري الهدايا..؟
جنان: أيه يمه..
طلال: بسرعه أيش هديتي..؟
جنان: مفاجائه.. وهديتك تراها مثل هدية ناصر..
طلال: لا يكون أشرطة سوني..
جنان: ههههههههههه.. أنا بقوم أكلم فهد..
طلال: قومي كلمي العاشق الولهاان..
جنان أبتسمت وقامت غرفتها.. دخلت غرفتها: وحشتني غرفتي مثل ما تركتها ماتغير منها شي.. أتصلت على فهد..
فهد: هلا حبيبتي..
جنان: هلا فهد.. شلونك..؟
فهد: وحشتيني أكيد..
جنان تغير الموضوع: فهد.. متى بتجي..؟
فهد: تقريبا بعد ساعه.. ليش..؟
جنان: أبيك تمر البيت تاخذ الهدايا وتجيبهم.. لأن ناصر سألني عنهم..
فهد: طيب..
جنان: أوكي أنا راح أصكها لا أعطلك..
فهد: طيب حبيبتي..
جنان: باااي..
فهد: باياات..
مروه حست بدوخه مره وحده..
بدر: أيش فيك..؟
مروه: مادري حسيت بدوخه مره وحده..
بدر: آخذك للمستشفى..؟
مروه: لا ما يحتاج..
بدر: أكيد..؟
مروه: أكيد.. بدر أنا شاكه في شي..
بدر: أيش..؟
مروه: أني حامل..
بدر بفرحه: تتكلمين من صجك..؟
مروه: مادري بس شاكه..
بدر: أجل قومي للمستشفى..
مروه: مايحتاج..
بدر: قومي بتأكد..
مروه: طيب..
في بيت أبوطلال..
أبوطلال كان داخل البيت شاف فهد جااي..
فهد سلم على عمه: هلا عمي..
أبوطلال..: هلا فهد شلونك..؟
فهد: الحمدلله بخير.. أنت شلونك..؟
أبوطلال: تمام.. إلا وين جنان..؟
فهد: داخل.. جات من الصبح..
أبوطلال: أجل خلينا ندخل..
فهد: يالله..
دخلوا داخل..
أبوطلال: هلا ببنيتي..
جنان سلمت عليه: هلا يبه شلونك..؟
أبوطلال: بخير..وأنتي..؟
جنان: بخير.. بس واحشني..
أبوطلال: أنتي اللي واحشتني أفتقدتك بالبيت..
جنان: تسلم يبه..
فهد سلم على أم طلال: شلونك خالتي..؟
أم طلال: الحمدلله بخير..
أبوطلال: يا أم طلال شوفي الخدم خليهم يحطون الغداء..
أم طلال: ثواني..
جنان: خذيني معك..
أم طلال: لا جلسي مع فهد وأبوك..
جنان: طيب..
جاء فهد وجلس بجنبها..: كيفك..؟
جنان: بخير.. وأنت..؟
فهد: تمام..
طلال: لا تساسر تكلم علني..
فهد: أووف منك.. يعني الواحد ماياخذ راحته مع مرته..؟
طلال: لا..
جنان: ههههههه..
طلال: فديت الضحكه وراعيتها..
جنان: ههههه
فهد: لاتتغزل في مرتي..
طلال: تراها أختي قبل لاتكون مرتك..
فهد: للأسف الشديد..
الكل: هههههههههه..
أم طلال: يالله الغدا جاهز..
أبوطلال: تفضلوا..
قاموا كلهم يتغدون.. وأكلوا..
فهد: سفره دايمه..
الكل: بوجودك..
أم طلال: حرام عليك ما أكلت شي..
فهد: أنا.. أنا بسمن من اللي أكلته.. وبعدين جنان ما تبيني سمين.. وكل تقول لي لا تسمن كثير.. وأنا ما أحب السمينين..
أبوطلال: جنان.. خليه ياكل براحته..
جنان جالسه بجنبه ضربته برجلها وقالت: بالعكس يبه أنا كل أقول له أسمن بس مو براضي.. مو صح يافهد..؟
فهد أبتسم: لا مو بصح..
طلال: ههههههههااي..
جنان: الحمدلله.. شبعت..
طلال: وين..؟
جنان طنشته وراحت تغسل..
فهد: شكلها رعلت..
طلال: أيه زعلت..
فهد وقف: أجل بقوم أروح لها..
طلال: هههههههه..
راح فهد لها وكانت تغسل مسكها من خصرها من وراها وقال:.. حبيبتي زعلتي..؟
بعدت يده وقالت..: لا مو زعلانه..
فهد: بس شكلك يقول زعلانه..
جنان: قلت لك مو زعلانه.. وحتى لو زعلانه أنت أيش بتعمل..
فهد أبتسم: أراضيك..
جنان بمسخره: لا حبيبي لاتراضي ولا شي..
فهد أبتسم وقال: من زمااان ماقلتي لي حبيبي.. مع أنك مو قايلتها من قلب.. بس عجبتني..
جنان تركته وراحت..
فهد: ههههه.. خجوله ودلوعه..
غسل فهد ورجع جلس بالصاله..
فهد: حبيبتي أنا بروح البيت بنام لي ساعه وبرجع..
جنان: طيب..
طلال همس له: لا حبيبي مافي نوم.. نسيت اللي أتفقنا عليه..؟
فهد: لا مانسيت.. بس شوف أختك زعلانه من الغدا ونفسها في خشمها..
طلال: مدام أنك خايف على مشاعرها خلينا نتكلم ونخلص الموضوع..
فهد: طيب قول لها..
طلال: طيب.. جنان..
جنان طالعت فيه
طلال: قومي بغيتك في موضوع أنتي وفهد..
جنان سكتت عنه..
طلال: جنان ماتسمعين..؟
جنان وقفت..: قوم..
قاموا وراحوا المجلس..
وجلسوا ساكتين..
طلال: حنى مو بجايين هنا عشان نسكت.. حلو هالمشكله اللي بينكم.. وإنشاء الله كل واحد بيطلع من هنا وأهو طيب الخاطر...
فهد: آسف قاطعتك بس أنا بكمل..
طلال أبتسم: تفضل..
فهد: جنان.. أنتي شكيتي فيني وفي حبي لك وأنا الله العالم أنه ما صار شي من اللي في بالك..
جنان طبعا على طول لدموع
كمل فهد.: في بداية الموضوع جاني أتصال من رقم غريب فرديت وكانت بنت وكانت تعرف أسمي قلت لها نعم.. قالت أنها تحبني ومادري أيش.. أنا هزأتها وصكيت الجوال وبعدين كانت تجيني رسائل حب وغرام من الرقم الغريب أكثر من مره في اليوم طيب.. وفي يوم من الأيام كنت مع طلال ووصلني مسج.. وكان من نفس الرقم فوريته الرقم كان يعرفه وكان ما يعرفه وقال لي في نفس اليوم أقول لك بس أنا ماطعته لأني كنت حمار...
طلال قاطعه: من زمان..
فهد رمى عليه المخده: أنطم.. وبعدين أنا بس اللي أسب نفسي..
طلال: هههه كمل كمل..
فهد: طيب.. تدرين ليش حمار..؟ لو أنا قايل لك كان ماصار اللي صار طيب.. المهم وصارت ترسل وتتصل بس كنت أطنشها.. ومرات تتصل وأنتي معي فأتبهدل.. بعد فتره أتصلت وهزأتها وقالت لي أنها مروه وأنها تحبني.. أنا مو بس أنصدمت يمكن كنت بنشل من الصدمه المهم درت بالشوارع هذاك اليوم كنت أفكر فيك وفيها .. فيك أني أولا أني مقدر أستغني عنك وثانيا مقدر أخونك وثالثا أني أحبك.. وأهي كنت أفكر فيها على أولا خساره تربية عمي فيها لأنها تجرأت وكلمت واحد أول شي مرتبط وثاني شي مايفكر فيها.. وثالثا أنانيتها كانت بتخرب حياة ولد وبنت عمها عشان سعادتها أهي ..كيف تفكر تبني سعادتها على تعاسة غيرها.. وساعات كنت أفكر فيها فتكسر خاطري فأقول مسكينه بس أنتي تجين على بالي فأبعدها من خيالي.. المهم في نفس اليوم أنا جيت لك يمكن قبل ثلاثه أوأربع أسابيع من زواجنا.. حتى أنتي كنتي تسأليني أيش فيك أيش صاير لك بس كنت أرد عليك أني مافيني شي خوفا على مشاعرك كلمني طلال وأنا كنت معك وتواعدت معاه بره وهذا أهو جالس وسأليه إذا مو مصدقه.. وقلت له وقال لي طنشها وطنشتها.. وبعدين جا ذاك اليوم المشؤوم بالنسبه لنا فرسلت الرساله وأنتي قرأتيها..
طلال: دقيقه فهد.. جنان ترى كلام فهد كله صحيح وأنا كنت أدري بالسالفه كلها بس ماحب أنه يضايقك عشان كذا ما قال لك.. سمعوا أبوي يناديني شوي وراجع..<<< أبوه ماناداه بس حب يخليهم بروحهم..
فهد: طيب..
طلع طلال قام فهد وجلس بجنبها وعطاها منديل..: بكمل لك.. وبعدين أنتي زعلتي وهاوشتيني وطنشتيني..
جنان: طيب أهي ليش جات تبارك لك يوم الزواج..
فهد: مادري.. بس أنا ما همني ليش جات وليش باركت.. أهم شي عندي رضاك..
جنان دارت له ونزلت راسها ونزلوا دموعها: فهد.. أنا آسفه..
فهد أبتسم: ومن قالك تتأسفين.. حبيبتي اللي فات مات وحنا عيال اليوم.. صح لو لا..؟
جنان تبكي..
فهد ضمها: خلاص حبيبتي أنتهت السالفه..زادت بكي وتمسكت فيه أكثر.. حبيبتي أنا نسيت السالفه..
هدت شوي جنان وبعدت عنه..
فهد أبتسم: تدري أنك وحشتيني..؟
جنان: وأنت بعد وحشتني..
فهد: وأخييييرا قلتي لي كلمه تبرد الخاطر..
جنان: خلاص أسحبها..
فهد: لا لا لا..
جنان: ههههههه..
فهد: فديت الضحكه وراعيتها.. كأنك عيشتيني بعذاب شوي..؟
جنان حطت يدها ورى رقبته: أيش أعمل إذا أحبك وأغار عليك..؟
فهد: ويلاااه قومي نروح بيتنا..
جنان بخجل وبدلع: لااااا اليوم أنت واعدني أنك بتخليني هنا طول اليوم..
فهد: طيب بصبر وأمري لالله.. تدرين أني أحبك لما تقولين لاااااا..
جنان: لااااااا.. فهد..
فهد: قلبه..
جنان: يسلم لي قلبك.. قوم خلنا نطلع لصاله.. نجلس معهم..
فهد: قومي..
جنان وقفت فهد مسك يدها وقال: أيدك ماتترك أيدي إلا للضروره القصوه..
جنان أبتسمت وأشرت على عينها: من عيوني..
طلعوا الصاله..
طلال: أفضل الصلاة والسلام عليك ياحبيبب الله يامحمد..
أبوطلال: أيش فيك..؟
فهد وجنان: هههههههههههه..
طلال: شفت معاريس..
أبوطلال: يا أم طلال خلاص بطلنا نعرسه..
أم طلال: الحين أكلم أختي تلغي كل شي..
طلال فتح عينه: لاااااا..
جنان: ههههههه لا لا لاتخوفون أخوي.. كل شي ولا زعل طلول..
طلال قام لها وباسها على الخدين: فديتك يا أختي..
فهد: أحم..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك