بارت جديد

رواية اسم على مسمى -22


رواية اسم على مسمى -22

رواية اسم على مسمى -22

طلال: فديتك يازوج أختي..

فهد:هههههه..

أبوطلال: وحنا مالنا بالطيب نصيب..

طلال راح وباس راسهم وجلس بجنبهم: أنتوا الخير والبركه..

أم طلال: صبغ صبغ..

طلال: تشكين يمه..؟

أم طلال: لا ما أشك..

فهد: أيش رايكم نروح جزيرة دغيثر..؟

طلال: ما عندي مانع..

جنان: ولا أنا..

فهد: وعمي وخالتي..

أبوطلال: لا أنتوا روحوا ستانسوا..

فهد: لا.. أجل مو برايح..

أبوطلال: ليش..؟

فهد: مو برايح إلا معكم..

طلال: يبه وافق..

جنان بدلع: ايه دااد..

الكل: هههههههه..

طلال: ما يليق..

فهد رمى عليه المخده: أصلا الدلع أنخلق لمرتي..

جنان عملت يدها بحركه حرره..

طلال: وأنت متعلم لي كل ترمي علي المخده..

فهد: تستاهل..ايه عمي طلبتك..

جنان: يس داد مي تو..

أبوطلال: هههههههه طيب..

طلال: يعيش أبوطلال..

أبوطلال: أحترم نفسك..

طلال: آسف يبه بس تحمست..

فهد: هههههههه..

طلال: أنت بس تضحك..؟

فهد: هههههههه..

طلال وقف: بقوم أكلم مرتي أحسن لي..

فهد: روح أحد ماسكك..

أم طلال: طلال..

طلال: آمريني..

أم طلال: قول إلى الجوري تقول لخالتك وبناتها يجون معنا..

أبوطلال: ايه ياولدي..

طلال: طيب..

جنان: يمه وين ناصر..؟

أم طلال: جالس على اللابتوب..

جنان: اهااا..

فهد همس لجنان: حبيبتي قومي نروح أي مكان تبينه..

جنان: ياحبيبي.. اليوم بجلس هنا.. الليله راح نطلع..

فهد: أنتي كل تحطميني..

أم طلال قاطعتهم: حبيبتي جنان.. قومي طلي على خالد..

جنان: أمرك..

قامت جنان إلى خالد في غرفته لقته نايم على الأرض بجنب الألعاب.. وكان شكله بريئ مره.. شالته جنان وحطته على السرير.. ورجعت الصاله..

جنان: يمه.. وين فهد..؟

أم طلال: طلع..

جنان: ما قال وين راح يروح..

أم طلال: لا بس حاولت معه يجلس ما رضا وقال أنه بيرجع الليله..

جنان: اهااا..

جنان في نفسها شكله تضايق لأني ما طلعت معه.. اوووف مني.. ولا عمري راح أعرف أتصرف معه.. قامت جنان دقت على جواله..

فهد: الوو..

جنان: هلا حبيبي..

فهد: هلا..

جنان: فهد..

فهد: نعم..؟

جنان: لا يكون زعلت..؟!

فهد: لا ما زعلت..

جنان: حبيبي.. أكيد ما زعلت..؟

فهد: أنتي قولي زعلت لو لا..؟

جنان: الظاهر أنك زعلت..

فهد سكت..

جنان: والله العظيم آسفه.. فهد حياتي أنت مو تزعل.. حبيبي قلت إلى أمي بجلس معها طول اليوم علشان كذا ما رحت معك..

فهد: خلاص أنتهت السالفه..

جنان: طيب أرجع..

فهد: لا مو براجع..

جنان: من شوي قلت أنتهت السالفه.. مدام أنتهت تعال أرجع..

فهد: لا..

جنان بدلع: فهههد..

فهد: نعم..

جنان: أرجع..

فهد سكت.. بعدين قال: أنا برجع البيت أنام تعرفيني ما قدر ما أنام العصر..

جنان: تعال نام مع طلال أو في غرفتي..

فهد: تخيلي شكلي جاي ونايم في بيتكم..

جنان: عاادي.

فهد: لا مو عادي..

جنان: حبيبي عشان خاطري..

فهد: طيب لكن أحسها ثقيله..

جنان: لا ثقيله ولا شي.. أنت وين..؟

فهد: في بيتكم أقصد في الكراج..

جنان: يالله أجل أدخل..

فهد: طيب بااي..

جنان: بااايات

طلعت له جنان في الحديقه.. شافته راحت له وضمته: حبيبي آسفه..

فهد: أنا من يوم ورايح على طول بزعل..

جنان بعدت عنه: لاااااا..

فهد: أييييه..

جنان: طيب.. لييش..؟

فهد: لأنك ضميتيني وقلتي لي حبيبي..

جنان: هههههه في يوم من الأيام بتقول لي بعدي عني طفشتيني..

فهد: مستحييل.. وعرفي إذا صار هذا الشي أني بموت..

جنان حطت يدها على فمه: لا تقول هالكلام بعيد الشر..

مسك يدها وباسها: الله يخليك لي..

جنان مسكت يده وقالت: ويخليك لي.. حبيبي ما راح تدخل داخل..؟

فهد: يالله أمشي..

دخلوا الصاله..

فهد إلى أم طلال: خالتي أهي اللي رجعتني..

أم طلال: هههههههه.. حياك البيت بيتك..

فهد: تسلمين..

جنان همست له: وين تبي تنام..؟

فهد رفع كتوفه..

جنان: أجل أمشي نركب..

فهد: طيب.. عن أذنك ياخاله..

أم طلال: أذنك معاك..

فهد ركب مع جنان غرفتها

فهد: أول مره أدخلها..

جنان: ههههه.. أشوه مرتبه..

فهد: هههههههههههه..

دخلوا الغرفه..

فهد: صحيح مرتبه..

جنان: أصلا على طول غرفتي مرتبه..

فهد: لااا..؟

جنان: ههههههه.. طيب أنا راح أخليك تنام..

فهد: وين وين..؟ لاحبيبتي بتعملين لي مثل ماعملتي لي البارح..

جنان: أنت تآمر..

جنان جلست على السرير..: يالله تعال..

فهد كان ينزع شماغه وثوبه.. وظل عليه التيشيرت والسروال الأبيض..

فهد أنسدح على رجل جنان..: أتعبك صح..؟

جنان: طبعا لاااا..

فهد أبتسم بمسخره: أيش أعمل فيك إذا عودتيني..

جنان: إذا ما عودتك على الدلال أعود منو.. ويالله أسكت ونام..

فهد: هههه.. طيب.. غمض باسته على خده: تمسى على خير..

فهد على طول فتح عينه وقال: مره ثانيه..

جنان بخجل ممزوج بدلع: ههههههههههه.. مستحيييل..

فهد جلس قبالها وعطاها خده: بسرعه..

جنان: لا ورجع نام..

فهد: شكلي اليوم ما راح أنام..

جنان: نام أحد ماسكك..

فهد: بسرعه تبوسيني لا اللي بعمله الليله يصير الحين..

جنان انصبغ وجهها بالأحمر وقالت بصوت هامس: لا..

فهد: ههههههههههههههه..

جنان: أنت بس تضحك..

فهد:ههههههههه.. أيه.. لا تخافين كل شي بوقته حلو.. يالله بوسيني..

جنان: طيب.. قرب خدك..

فهد قربه

جنان باسته..: يالله ناام..

فهد ذاب وجلس يطالع فيها بنضراات..

جنان حطت يدها على عيونه: لا طالعني كذا..

فهد باعد يدها ورجع نام على رجلها

جنان تعودت على جرئت أو حركات فهد بشكل عام..

ناام فهد ونزلت تحت..

طلال: وين فهيدان..؟

جنان: فهد.. نايم..

طلال: نايم..؟!

جنان: ايه.. وين أمي بروح أجلس معها..

طلال: في الصاله الثانيه مع أبوي..

جنان: طيب..

طلال كلم الجوري..

الجوري: لهادرجه ما تقدر تستغني عني..؟

طلال: لا.. أقدر أستغني عنك..

الجوري: مع السلامه..

طلال: ههههه.. تعالي تعالي..

الجوري: نعم..

طلال: حياتي أمزح معك..

الجوري: هذا مو مزح..

طلال: حبيبتي خليكي ريلاكس.. وبعدين للحين ما تعودتي على مزحي..

الجوري: ساعات مزحك يكون ثقيل..

طلال: طيب بتشوفين من اللي يمزح معك.. المهم.. الساعه ٨ بجي لك..

الجوري: طيب.. حبيبي..

طلال: نعم..

الجوري: لا تصير كذا..

طلال: كيف تبيني أصير..؟

الجوري: أحسك زعلان..

طلال: مو زعلان..

الجوري: أكيد..

طلال: أكيد..

وضلوا ساكتين..

قطعت السكوت

الجوري: حبيبي لا ظل ساكت.. أنا ما قدر ما أسمع سوالفك ومسخرتك.. حبيبي والله آسفه..

طلال: خلاص أنسي السالفه..

الجوري: تعال لي الفله..

طلال: مو بجاي..

الجوري: طلبتك لا تردني..

طلال مايقدر يردها: طيب..

الجوري: أنتظرك حبيبي مو تأخر..

طلال: أوكي..

الجوري: باي..

طلال: باي..

طلال سخن السياره .. وراح تكشخ..

جنان: وين..؟

طلال: تحسبين بس فهد يجي لك.. أنا بعد بروح لمرتي..

جنان: ههههههه.. سلم عليها..

طلال: ما كأنك ساكنه معها في نفس الفله..

جنان: مووت قهر..

طلال: حبيبتي كلها ثلاث شهور وأنا ما خذنها..

جنان: بتاخذها عني..؟

طلال: مثل ما أخذتي فهد مني راح أخذ الجوري منك

جنان: يعني وحده بوحده..

طلال: ههههه.. تقدري تقولي كذا.. أنا راح أروح بااي..

جنان: بااااي..

طلع طلال..

جنان رجعت الصاله وجلست تقرأ مجله لمدة ساعه وطبعا كانت تشرب الكبتشينو..

فهد نزل شافته جنان أبتسمت: صباح الخير حبيبي..

رد الأبتسامه: صباح النور.. جلس بجنبها..: وين عمي وخالتي..؟

جنان: نايمين..

وكملت تقرأ المجله.. بعد فتره صكت المجله: فهد..؟

فهد: عيونه..

جنان: تسلم.. حبيبي أيش الشي اللي تحبه..؟

فهد: أنتي..

جنان: ياعمري.. أتكلم من صجي..

فهد: وأنا بعد..

جنان: أنا قصدي إذا كان بتشتريلك شي أيش بتشتري..؟

فهد: مادري.. ما في بالي شي..

جنان: أهااا..

فهد لعب بشعرها: ليش تسألي..؟

جنان: بس كذا.. حبيبي الساعه 7:30 قوم نروح البيت نلبس عشان نروح المطعم..

فهد: طيب.. حتى أنا أبي أبدل الثوب ولبس بدله.. يالله قومي لبسي عباتك..

جنان: طيب..دقيقه حبيبي راح أروح ألبس عباتي..

فهد: طيب..

راحت جنان لبست عباتها ونزلت..: يالله..

فهد: مشينا..

ركبوا السياره.. وراحوا الفله..

فهد: السلام عليكم..

: وعليكم السلام..

فهد: كيفكم..؟

: تمام..

أم فهد: وينك يافهد من الصبح مختفي..؟

فهد: كنت في بيت عمي..

أم فهد: من الصبح للحين ما أصدق..

الكل كان منصدم من أسلوب أم فهد..

فهد: والله العظيم.. وبعدين يمه أنا عمري 25 سنه مو 6 سنين تقولين لي ما أصدقك..

أم فهد: شفيك تصارخ.. من اللي قال لك بعد تصارخ علي..؟

فهد: لا تخافين يمه ماحد قال لي.. وأنا ما أشاور أحد في اللي بقوله.. يالله جنان..

فاطمه كانت لاعبه براس أم فهد قبل لايجون..

الريم بعد ماركبوا: يمه ليش تعملين لهم كذا..؟ أنتي ما كنتي كذا..

أم فهد: مالك دخل..

الريم: يمه مهما صار هذول ولدك وبنت أختك.. وبعدين فهد مالك إلا أهو بالدنيا..

أم فهد شوي قامت تفكر في كلام الريم.. وفي كلامها اللي قالته..

.

.

في جناح فهد وجنان..

فهد: مادري شفيها أمي..؟

جنان: يمكن مضايقه من شي.. أو زعلانه من حد..

فهد: لا لا هذا مو أسلوب أمي أحس حد لاعب بعقلها..

جنان: ما أتوقع..حبيبي.. بقول لك شي بس مو تزعل..

فهد: اليوم يوم المفاجائات قولي..

جنان: حبيبي أكيد ما تزعل..طيب أوعدني..

فهد: قولي.. يمكن بتناقش معك.. بس ما بزعل..

جنان: يعني.. المفروض أنك ما تقول لخالتي وين نروح ومن وين نرجع.. صح لو لا..؟

فهد جلس على الكنبه وبهدوء: جنان.. من شوي بس قايل أن عمري 25 مو 5 سنين عشان أحد يعلمني أيش أقول أو أيش ما أقول..

جنان كانت خايفه من لهجته الهادئه: خلاص حبيبي..

فهد: طبعا خلاص ولا عاد تفتحي هالسيره مره ثانيه طيب..؟

جنان: طيب..

فهد كان تفكيره في أمه وفي تغيرها.. جات جنان وجلست بجنبه..حطت يدها خلف رقبته وعملت له تدليك.. فهد لاشعوريا غمض عينه مع التدليك..

جنان: فهد خلاص أنسى السالفه ولا تعكر مزاجك..

فهد: لأني مو متعود على أسلوبها مو بقادر أنسى..

سمعوا طق على الباب..

جنان: دقيقه حبيبي بروح أفتح الباب..

فهد: طيب..

جنان فتحت الباب وتفاجئت: هلا خالتي..

أم فهد: هلا ببنيتي..

جنان: تفضلي ياخاله..

أم فهد: وين فهد..؟

جنان: بالصاله..

دخلت أم فهد..

فهد شافها ووقف: حياك يمه..

أم فهد: الله يحييك..

جنان حست وجودها غلط: حبيبي أنا راح أدخل الغرفه إذا بغيتوا شي نادوني..

فهد: طيب..

أم فهد: لا خليك جالسه‎ ‎معنا..

جنان: لا خالتي...

أم فهد: خليك..

جنان: بس...

فهد: خلاص جلسي..

أم فهد: أنا ياولدي.. اللي صار ما كان قصدي فيه وأطلب السموحه منك..

فهد: يمه انا اللي أطلب السموحه.. أنا اللي رفعت صوتي عليك..

أم فهد: يحق لك ترفع صوتك لأني غلطت في حقك..

فهد باس راسها: السموحه الغاليه..

أم فهد: الله يحفضك ويخليك لنا..

فهد: تسلمين يمه.. ويخليك لنا..

أم فهد وقفت: يالله أنا بروح أنام..

فهد: لا لا لا مافي نوم..

أم فهد: ليش..؟

فهد: ما بتروحين معنا..؟

أم فهد: لا..

فهد: ليش..؟

أم فهد: أنا جلست من الساعه سبع ونعسانه الحين..

فهد: طلبتك يمه لاترديني روحي معنا..

أم فهد: طيب عشانك بس بروح..

فهد: الله يخليك..

أم فهد: جنان.. مافي شي بالطريق..؟

جنان على طول وجهها ألوان..

فهد جاته الضحكه وقال: لا يمه تو الناس خلينا نعيش حياتنا..

أم فهد: أي تو الناس..؟ أني أبي أشوف أحفادي قبل لا أموت..

فهد وجنان: عمرك طويل..

أم فهد: تشطروا بس وجيبوا لي حفيد..

فهد: ههههههه.. أنشاء الله..

أم فهد: أنا تزوجت بعد أسبوعين حملت بك..

فهد: يمه انا وجنان ماكملنا لسبوعين.. هههههههههه..

جنان ابتسمت خلاص مهي بقادره تمسك ضحكتها..

أم فهد: تطنز علي..

فهد: هههههه.. لا يمه..

أم فهد: براحتكم ياولاد.. الساعه كم بتروحون..؟

فهد: نص ساعه ونمشي..

أم فهد: أجل أنا بروح البس وقول لخواتك..

فهد: طيب..

راحت أم فهد..

جنان: يمديني آخذ لي شاور..؟

فهد: ايه روحي.. بس بسرعه..

جنان: أحسب لي 5 دقايق إذا ماطلعت دق علي الباب..

فهد: طيب..

راحت أخذت لها شاور بأسرع ماعندها..

فهد حب يعاندها راح طق الباب..: حبيبتي صار لك 10 دقايق..

جنان: أحلف..؟

فهد: في زوجه تقول لزوجها أحلف..؟

جنان: أنا..

خلصت شاور ولبست ملابسها وفتحت الباب..: ياكذاب صار لي بس 6 دقايق..

فهد: أنا كذاب.. طيب.. بتشوفين..

جنان: أيه كذاب..

فهد: طيب قلت لك بتشوفين أيش بيصير لك..

جنان: يعني أيش بتسوي..؟

فهد سكت عنها..

أهي دخلت تعمل شعرها..

فهد راح الثلاجه وأخذ غرشة مويه باااااااارده.. وراح لها غرفة النوم..

أهي ما طالعت فيه لأنها كانت مندمجه في شعرها.. ما حست ألا بمويه بااارد عليها خلاها تجمد مكانها..

فهد: ههههههههههه.. عشان تقولين كذاب..

جنان سكتت عنه وراحت غرفة الملابس وأهي ميته من البرد.. لأن بعد شتاء.. راحت بدلت ملابسها.. وطلعت.. جاتها برديه المسكينه.. جففت شعرها بالأستشوار.. وفهد كان يطالع فيها ويضحك.. وأهي كانت بتنفجر منه.. خلصت تجفيف شعرها.. فهد شافها ترجف قال في نفسه شكلي زودتها.. طلع بطانيه وراح لها من وراها وغطاها وقال: آسف..

جنان عطته ذيك النضره وبعدت عنه..

فهد: حياتي والله أمزح معك.. حبيبتي ردي علي..

جنان ساااكته.. ومنقهره منه مرره..

لبست عباتها ولبست فوقها جاكيت.. وطلعت من الجناح..

فهد تندم على حركته..

جنان نزلت تحت شافت الجوري وفاطمه لابسين وخالصين..

الجوري: كيفك..

جنان جلست بجنبها: تمام..

الجوري: أيش فيك ترجفين..؟

جنان: لأن من شوي أخذت لي شاور.. كيفك فاطمه..

فاطمه عملت نفسها ما تسمعها..

نزل فهد..: الجوري وين أمي والريم..؟

الريم: وراك..

فهد: وأمي..

الريم: دقيقه ونازله..

فهد جلس بجنب جنان وحط يده على كتفها: للحين بردانه..؟

جنان تبي تحسسه بالذنب: ايه..

فهد: قلت لك لما نرجع أخذي الشاور لكن أنتي ماتسمعين الكلام..

جنان طالعت فيه وهمست له: لا تكذب..

فهد: ههههههه.. الجوري.. صديقتك هذي كل تقول لي كذاب..

جنان: يالجوري كل يكذب علي.. تبيني أفضحك قدام خواتك..

فهد: هههههه.. لا..

الجوري: ههههه..

الريم: أفضحيه..

فهد: بدل لا توقفين معي..

الريم: لا تفضحيه..

: هههههههههه..

أم فهد: يالله قومو..

فهد: مشينا

ركبوا السياره.. ومشوا..

وقف فهد عند ستاربكس..: حبيبتي أيش تبين..؟

جنان رفعت حاجبها: ما أبي شي..

فهد: منتي براضيه توقفين رجفه ولاتبي.. قولي أيش تبي..

جنان: مابي..

فهد: من اللي يبي..؟

الجوري: أنا أبي كابتشينو..

فهد: وأنتوا ما تبون..؟

: لا..

فهد: وأمي..؟

: مابي..

فهد: طيب..

نزل فهد..

الجوري كانت ورى جنان همست لها: ليش ماتبين..؟

جنان: كذا بس..

الجوري: براحتك..

وصل فهد وركب السياره

فهد: الجوري تفضلي..

الجوري: شكرا..

فهد: العفو.. تفضلي..

جنان: قلت لك أني ما أبي..

كان ورى كلهم يسولفون فمهم وياهم..

فهد خزها بعيونه وقال: بساعدك عليه..

اخذته جنان

جنان شربت منه شوي.. ومدته له..

فهد: شربي أنتي..

جنان: أشرب معي..

فهد أخذه وشرب.. ورده لها.. وهمس لها: طعم روجك في الكاس..

جنان سكتت عنه.. وبعدين قالت: قلوس مو روج..

فهد: إلا هو..

فهد مسك يد جنان..: مو قلت لك بس في الضروره..

جنان: طيب..

الريم صرخت: أنتبه فهههههههههههد..

البارت الخامــــــــــــــــــس عشـــــــــــــــــر..

فهد مسك يد جنان..: مو قلت لك بس في الضروره..

جنان: طيب..

الريم صرخت: أنتبه فههد..

كانت شاحنه ماره جنبهم وكانت بتطلع عليهم.. بس في آخر لحظه بعد فهد عنها..

وقف فهد على جنب: حد صار فيه شي..؟

: لا..


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -