بداية الرواية

رواية اسم على مسمى -23

رواية اسم على مسمى - غرام

رواية اسم على مسمى -23

نزل فهد من السياره وراح تهاوش مع راعي الشاحنه.. بس وقفوا ناس وباعدوهم عن بعض
رجع فهد السياره..
أم فهد: ليش ياولدي رحت تهاوشت معه..؟
فهد بصراخ: يمه خلاص راسي بينفجر.. لا حد يكلمني..
جنان: فهد حبيبي شويشوي..
فهد بصراخ: هالحيوان بس لو أنا ماسكه كان موته على يدي.. بس تدخلوا الناس..
أم فهد: خلاص حصل خير..
فهد: خلني أشوفه مره ثانيه راح يشوف أيش بيصير له..
جنان مسكت زنده: خلاص حبيبي أنتهت السالفه..
فهد: تركيني جنان خلاص..
جنان شالت يدها عنه
وضلوا ساكتين
الجوري تبي تغير الموضوع: جنان أيش عندك بكره الليل..
جنان: ما عندي شي..ليش..؟
الجوري: أبيك تروحين معي السوق.. إذا وافق فهد طبعا..
جنان طالعت في فهد..
فهد فهم عليهم: روحي معها.
الجوري: فديتك أخوي لو أنك قريب مني كان بستك على الخدين.. بس جنان وأنا واحد.. جنان بوسيه عني..
جنان طالعت في فهد اللي مو عاطنهم وجه..
جنان دارت إلى الجوري وهمست: أحسه شوي وبيذبحنا..
الجوري: أنتي بوسيه وبيرضا..
جنان: أن طيرني بتشوفين..
الجوري: طيب..
جنان تقربت من فهد وباسته على خده..: شكرا..
هز راسه لها بمعنى عفوا..
جنان رجعت إلى الجوري وقالت لها: أشوه ماطيرني..
الجوري: ههههه..
جنان: أضحكي.. أضحكي..
فهد: الجوري وين طلال..؟
الجوري: المفروض جاي مع عمي وخالتي وأخوانه..
فهد كلم طلال
طلال: هلا..
فهد: هلا فيك.. وينكم..؟
طلال: أحنا الحين دخلنا المواقف..
فهد: أنا دخلت المواقف.. أي مطعم..؟
طلال: إسأل الصبايه..؟
فهد: أي مطعم تبون..؟
الريم: شكله اللي قدامنا حلوو..
جنان: وأنا بعد أقوول..
الجوري: وأنا مثلكم..
فاطمه: وأنا بعد..
فهد: خلاص السنبوك..
طلال: طيب..
فهد: باي
طلال: باي..
فهد: يالله أنزلوا..
نزلوا كلهم..
جنان على طول مسكت يد فهد..
فهد بعد مسك يدها..

دخلوا المطعم.. وركبوا بالمصعد فوق واختاروا لهم أكبر طاوله وجلسوا فيها.. وصلوا بيت أبوطلال وجلسوا كلهم سوى..
طلال: يالحبيب أيش فيك..؟
فهد أبتسم: مافيني شي..
طلال: مو علي..
فهد زادت أبتسامته وقال: مافيني شي..
أبوطلال: حتى أنا ملاحظ عليك..
فهد: سالفه ماتستاهل..
أبوطلال: جنان أيش فيه فهد..؟
جنان: سئله..
أبوطلال: فهد قول لي وأنا عمك..
فهد قال السالفه..
أبوطلال: معكر مزاجك عشان هذي السالفه.. الحمدلله ماصار لكم شي..
طلال: تراها سالفه ماتستاهل..
فهد: على قولتكم.. بس أهلي كانوا معي..
طلال: حصل خير..
جنان حطت يدها على رجله.. فهد حط يده على يدها..
طلبوا لهم العشاء..
طلال: متى أتزوج..؟
: ههههههههههه..
طلال: أيه أضحكوا.. وأنت أضحك أضحك..
فهد: هههههههه.. وليش ماتبيني أضحك..؟
طلال: أنت متزوج.. الأول كنت تقول معي متى أتزوج.. والحين خليتني أقولها بروحي..
فهد: متى أتزوج..؟
طلال: تطنز علي..
فهد: لا..
طلال: أنت بترجع معك مرتك بس أنا ياحضي بعد شهرين وتسعه وعشرين يوم وترجع معي مرتي..
: هههههههههههههه..
الجوري همست له: طلال خلاااص..
طلال أبتسم: أنشاء الله..
جنان فتحت باب السياره ونزلت..
راحت جناحهم..
فهد كان ميت من الضحك عليها وعلى حركاتها اللي يعشقها..
نزل من السياره ودخل الصاله..
كانوا خواته كلهم جالسين بالصاله..
فهد: أخواتي الغاليات..
: نعم..
فهد: ماعندكم أونو..
الريم: برسم الخدمه..
فهد: روحي جيبيها.. وروحي إلى جنان قولي لها تعالي لعبي معنا..
الريم وأهي راكبه الدرج..: طيب..
أخذت الأونو.. وراحت إلى جنان في جناحها طقت الباب..
فتحته جنان: هلا ريم تفضلي..
الريم: لا لا.. بس فهد يقول لك تعالي لعبي معنا أونو..
جنان: مابي ألعب وقولي له جنان بتنام لأنها تعبانه..
الريم: طيب..
نزلت وقالت إلى فهد..
فهد: أهي قالت لك كذا..؟
الريم: ايه..
فهد: أجل تعالي لعبي معي..
الريم: طيب..
وجلسوا يلعبون ساعه..
فهد: خلاص غلبتك.. وأنتي ولا مره غلبتيني..
الريم: الجايات أكثر..
فهد أخذ نظارته ومفاتيحه: أنا بقوم أنام.. باس خدها.. تصبحين على خير..
الريم: وأنت من هله..

ركب فهد جناحهم وماشافها بالصاله وقال في نفسه لا يكون نامت من صجها.. دخل غرفة النوم.. شافها نايمه على السرير.. راح غرفة التبديل بدل ملابسه.. وراح جهته على السرير.. أهي كانت عاطتنه ظهرها
فهد مسكها من كتفتها وحاول ينبها: جنان حبيبتي..
على طول أوتعت ودارت له: نعم..
فهد: حبيبتي كيف تنامين من دوني.. والليله ليلتنا..
........................^_^
في اليوم الثاني..
فهد أوتعى لأن وراه دوام.. شافها نايمه قريب منه أبتسم لما شاف قلبه وحياته وروحه قريبه منه.. باسها على جبينها ولا أوتعت.. حب يعاندها.. فجلس يلعب بشعرها.. أهي تحركت.. زاد في اللعب بشعرها..: حبيبتي.. جلسي..
جنان جلست: صباح الخير..
فهد: صباح النور..
جنان: ليش جلست الساعه كم..؟
فهد: الساعه 6:30 وجالس لأن وراي شغل..
جنان: بتروح الشغل..؟
فهد: ايه..
جنان نامت على صدره وقالت: خليك معي..
فهد اللي يبي يجلس معها: ما أفدر حبيبتي لأن وراي شغل كثير اليوم..
جنان: خلاص أجل براحتك..
فهد: والله لو يمديني كان جلست معك..
جنان: عادي حبيبي روح شوف شغلك..
فهد: طيب.. باسها على خدها وقام..
جنان: بقوم بفطر معك..
فهد: حياك.. بس أنتي البارح نمتي متأخر إذا ماتبين تقومين لا تقومين..
جنان: فداء ليك راح أقوم..
فهد: فديتك ياعمري..
جنان قامت: تسلم لي..
أخذ له كل واحد شاور وخلصوا.. وفهد كان يلبس ثوبه..
جات جنان وساعدته في تسكير الأزره: حبيبي خلص بسرعه لأن قلت لهم تحت يحطون الفطور..
فهد مسكها من خصرها: تدرين أحتمال بكره أسافر..
جنان: بتسافر..! ليش..؟
فهد: عندي شغله لازم أعملها..
جنان: كم بتجلس هناك..؟
فهد: أحتمال أسبوعين..
جنان: لا حبيبي لاتروح وتتركني..
فهد: أنا لو بروح أول شي كل دقيقه متصل لك وبكلمك msn‏ يعني ياقلبي 24 ساعه مكلمك..
جنان: حتى ولو..
فهد: قلت لك أحتمال مو أكيد.. أحتمال أنا وأحتمال فيصل وأحتمال ثنينا وأحتمال مانروح أصلا..
جنان: أهااا.. أنشاء الله ماتروح أصلا..
فهد: هههههههههههه.. أيش رايك إذا طلعت لي السفره تروحين معي..
جنان: كيف طارت من بالي الفكره.. طبعا بروح معك..
فهد: أنتي بتروحين ولا تدرين أصلا وين بروح..؟
جنان: مو مهم أهم شي أكون معك..
فهد فديتها مرتي أبتسم: ياحياتي.. بنروح الرياض..
جنان: أنا أحب الرياااض كثييير..وبعدين قلت لك مو مهم البلد أوالمنطقه إللي بنروحها أهم شي أكون معك..
فهد: طيب.. يالله حبيبتي خلينا ننزل نفطر..
جنان: أوكي..
ونزلوا يفطروا.. وفطروا وودعها وراح الشغل..
ركبت فوق وأهي نعسااانه بس قالت بتنتظر فهد لين ما يجي وبتنام معه.. لأنها ما تقدر تنام وفهد بعد مانام.. فراحت رتبت سريرهم.. لأنه الحاجه الوحيده المعتفسه عندها خخخ..
تسندت على السرير وشغلت التلفزيون وجلست تشاهد إلى الساعه 10 وبعدين ملت.. راحت غسلت شعرها وستشورته وحطت لها مكياج ناااعم ونزلت تحت تجلس مع خالتها..
جلست مع خالتها وسولفت معها بعدين ركبت جناحها.. وراحت لجوالها كان فيه مسج.. فتحته..
((حبيبتي نسيت أشكرك على ليلة أمس كانت ليله من أحلى ليالي عمري فشكرا ياقلبي حبيبك فهد))
أتصلت له
فهد: هلا حبيبتي..
جنان: هلا فيك..
فهد: كيفك..؟
جنان: الحمدلله وأنت..؟
فهد: وحشتينييي..
جنان: وأنت بعد وحشتني..
فهد: آآه ياقلبي..
جنان: سلامة قلبك ياقلبي.. فهد..
فهد: عيونه..
جنان: متى بجي تراني مليت..
فهد: شوي بعد.. حبيبتي كان مانمتي..؟
جنان: أنتظرك..
فهد: أنا يبيلي تقريبا ساعه وأجي..
جنان: طيب حبيبي أنتظرك..
فهد: يالله خليني أخلص الأوراق اللي بيدي عشان أجي لك..
جنان: أووكي بااي..
فهد: باي..
في بيت وليد وشوق..
شوق جا على بالها تكلم وليد.. ووليد راح الشغل.. كلمته..
وليد: الوو
شوق: هلا حبيبي..
وليد: هلا..
شوق: كيفك..؟
وليد: شوق أخلصي علي أيش تبين لأني مشغول ومو فاضي لك..
شوق: خلاص خلاص.. مع السلامه..
وليد: مع السلامه..
في الفتره الأخيره كان وليد مايعطي شوق وجه وكان دائما يصارخ عليها..
شوق جلست تبكي من أسلوبه معها.. وقالت لازم اليوم بتكلمه وتشوف له صرفه..
في بيت أبوفهد..
كانت جنان نازله على الدرج..
فاطمه: إلا نزلتي أيش تبين..؟ مو كفايه غافتنا في البيت وتنزلين بعد.. تراهم مايتكلمون لك عشان خاطر فهد.. ترى ولا أحد يحبك في هالبيت..
جنان: أهم شي يحبني فهد..
فاطمه: حتى فهد يمكن يحبك مجامل...
فهد جاء وسمع كلامها: فااااطمه..
فاطمه موتها من فهد: نعم..
فهد: أيش هالكلام إلا تقولينه..؟
فاطمه: أهي اللي بدت مو أنا..
جنان: أنا..؟
فاطمه: أيه أنتي.. تعملين نفسك بريئه ومسالمه بس ماحد يعرفك كثري.. ياعقربه أنتي مثل الحيه تتقلبين على ظهرك وبطنك..
جنان لا شعوريا عطتها كف على وجهها: أنا يمكن جالسه في بيتكم بس مستحيل أنهان وأظل ساكته.. ولزمي حدودك معي أحسن لك.. وإذا مو مرحب فيني في هذا البيت بيت أبوي مرحب لي..
فاطمه: أنتي ماتستحين.. ليش تضربيني.. ومن سمح لك أصلا تضربيني.. وصحيح لو تروحين بيت أبوك أحسن لك..
أم فهد جات على هالكلمه: يافاطمه جنان الداخله وحنا الطالعين..
فاطمه: تخسي..
فهد: خلصتي أخت فاطمه وأنتي ياجنان خلصتوا مناقشه.. أحترموني على الأقل.. ما باقي إلا تمسكون شعور بعض وتذبحون بعض.. إذا ما أحترمتوني أحترموا أمي اللي واقفه قبالكم..
فاطمه قاطعته: لو أنا طاقه مرتك كان شفت أيش سويت فيني بس أهي حلو بارد..
فهد: أنتي اللي غلطتي عليها وأنا سمعت السالفه من البدايه.. ولو مرتي غلطت عليك كان أنا اللي أضربها مو أنتي..
تبهدلت فاطمه شوي..
جنان طبعا دموعها على طول ينزلوا..
أم فهد: فاطمه أعتذري لجنان وفهد..
فاطمه سااكته..
أم فهد بصرخه: أعتذري..
فاطمه: آسفه يمه إلا هذا الشي.. أطلبي أي شي غيره بعمله لك إلا أتأسف من هذي.. وعشان فهد أنا آسفه..
فهد: كثرتي على نفسك لا أنا ولا مرتي نبي أسفك.. قومي جنان نركب فوق..
قامت جنان مع فهد.. وركبوا فوق..
جلست جنان على الكنبه..‎: هذي ليش ما تحبني..؟
فهد جلس بجنبها..: خلاص حبيبتي ماصار شي..
جنان: دوم تهيني وأنا ساكته.. لي متى وأنا ساكته عنها.. خلاص يجيك يوم وتنفجر أنا تعبت منها ومن إهاناتها اللي ماتخلص.. لو أنا عملت لها شي كان قلت من حقها.. إلا ماعملت لها شي.. وتعمل فيني كذا..
فهد: ماعليك منها..
جنان: كيف ماعلي منها..؟
فهد: طنشيها..
جنان: أنت لو واحد يعملك كذا بطنشه..؟
فهد: على حسب الشخص اللي قدامي..
جنان: طيب أنا أيش أعمل لها..؟
فهد: قلت لك طنشيها..
جنان سكتت
فهد: أنا صراحه تعبت منك ومن فاطمه كل يوم تتهاوشون..
جنان عصبت: طيب مو بيدي أهي اللي تبدي..
فهد: جنان خلاص لا تصارخين..
جنان: أجل أنا كل يوم أتهاوش معها..؟
فهد سكت..
جنان: ليش ساكت قول أنا كل يوم أتهاوش معها..؟ من اللي يهاوش الثاني..؟.. أنت شاهد على كل هوشاتنا قول لي في مره هاوشتها..
فهد: صحيح أنتي ما رحتي لها وتهاوشتي معها.. بس أنتي مثلا اليوم ليش ضربتيها..؟..
جنان فتحت عينها: قالت لي أني عقربه وحيه أتقلب على ظهري وبطني.. غير الكلام اللي قالته قبل..
فهد: المفروض ما تضربينها .. أجل أنا ليش كنت واقف..؟
جنان سكتت بعدين قالت: خلاص قفل على الموضوع
قالت وأهي معصبه: أنت ليش متغير..؟ أيش عملت لك..؟
وليد: أنا لو أنتي..؟
شوق: أنا..؟
وليد: أيه أنتي.. أنتي من حملتي تدورين راحتك وراحة اللي في بطنك.. وأنا على الهامش..
شوق: حرام عليك اللي تقوله..
وليد مسكها من كتوفها وبعصبيه: وأنتي مو حرام عليك اللي تعملينه فيني..؟ أنا تعبت منك.. رماها على الأرض..
شوق كانت طايحه على الأرض تبكي وتتألم وتتأوه..
وليد أنتبه على نفسه أنه رماها راح بيساعدها: شو...
شوق قاطعته وأهي تبكي: لا تقرب مني..
وليد: شوق ما يصير يمكن يصير لك أو للجنين شي..
شوق: من متى وحنا هميناك..
حاول يساعدها..
شوق صرخت وأهي تبكي: قلت لك لا تلمسني..
وليد: أجل شلون..؟
شوق حاولت تقوم وتتسند على الجدار..
وليد: قولي لي أيش تبين..؟
شافها متجها إلى جوالها
وليد عطاها جواله..
شوق: جوالي..
وليد جاب لها جوالها..
شوق أتصلت وأهي تتألم وجلست على الأرض من التعب..
فهد وصوته كله نوم: هلا شوق..
شوق زاد بكيها: فهد ألحق علي..
فهد أخترع: شصاير..؟
شوق: تعال يافهد أنا تعباانه..
فهد من سمع الكلمه: دقيقه وجاي لك.. سكرها..
قام فهد بسرعه..
جنان: أيش صاير..؟
فهد: مادري.. شوق أتصلت وتقول انها تعبانه..
جنان: تبيني أروح معك..؟
فهد: ياليت.. لأنها كانت تتألم.. بسرعه..
قامت جنان غسلت بسرعه ولبست عباتها..
فهد قبل لا يطلعون: مو تقولين إلى أمي..
جنان: طيب..
نزلوا بسرعه..
شافتهم الجوري..
الجوري: على وين في هالشمس..؟
فهد: الحين مشغولين بعدين نقول لك السالفه..
وطلعوا بسرعه.. وتوجهو إلى بيت شوق بأقصى سرعه..
وصلوا.. طقوا الجرس..
فتحت الخدامه لهم الباب
فهد: وين مدام شوق..؟
الخدامه: فوق مع مستر وليد..
فهد بس سمع فوق ركب ركض..
فهد فتح باب الغرفه.. وشافها تتألم على الأرض.. وكان وليد بجنبها..
فهد: شوق..؟
شوق من شافته بكت أكثر: فهد.. ألحق علي..
فهد راح لها وساعدها وقال إلى جنان اللي كانت جنبه: هاتي لي عبايتها..
راحت غرفة الملابس وطلعتها ولبستها أياها..
فهد: وليد ساعدني..؟
شوق: لااا..
فهد: ليش..
شوق: فهد بليز..
فهد: طيب براحتك..
حملها فهد بروحه ووصلوا السياره: جنان ركبي معها..
ركبت جنان معها..
ووليد كان يلحقهم بالسياره..
شوق كانت طول الطريق تبكي وجنان تحاول تهديها
ووصلوا المستشفى..
وليد راح نادى الممرضين اللي يدفون السرير..
جاو وحملوا شوق ودخلوها قسم الطوارئ بأسرع ما يمكن..
جلسوا ينتظرون في الممر..
وليد كان حاس بالندم على تصرفاته وكان خايف عليها مررره ..نزلوا دموعه..
فهد كان جنبه: هدي يارجال أنشاء الله خير..
وليد: أنشاء الله بس إذا صار لها شي مراح أسامح نفسي..
فهد: أنشاء الله مايصير إلا الخير.. طيب أهي كيف صار لها كذا..؟
وليد سكت عنه..
فهد: وليد لازم نعرف..
وليد: تهاوشنا.. وأنا مانتبهت على نفسي إلا يوم طاحت..
فهد: طقيتها..؟
وليد: لا.. دزيتها وأهي طاحت..
فهد بهدوء: إذا صار إلى شوق أي شي فأنت المسؤول..
وليد: ترى توصيات عمي الله يرحمه للحين ترن بأذني..
فهد: الله يرحمه..
وظلوا ساكتين.. ينتظروا..
طلعت الدكتوره قاموا لها بسرعه..: بشري..
الدكتوره: وين زوجها..؟
وليد بخوف أنه صار لها شي: أنا..
الدكتوره: زوجتك في حالة ولاده فبنعمل لها ولاده قيصريه..
وليد: ولاده..؟ بس باقي على التاسع شهر..
الدكتوره: عادي بس مرتك بتحتاج دم.. تبون ننقل لها من المستشفى لو بتتبرعون أنتوا..؟
وليد: أنا فصيلت دمي مومثلها..
فهد: أنا بعد فصيلت دمي مو مثل فصيلت دمها..
جنان: أنا بعطيها.. فصيلت دمي مثلها..
فهد: تقدرين..؟
جنان: طبعا.. فهد شوق أختي..
فهد أبتسم لها وقال لدكتوره: خلاص جنان بتعطي شوق..
الدكتوره: تعالي معي..
فهد: بروح معكم..
الدكتوره: طيب..
راحوا لغرفة سحب الدم.. جلستها على الكرسي.. وراحت تجهز الأبره..
فهد: تخافين..؟
جنان: مو أخاف ما أحب الأبر..
فهد وقف وراها ومسك يدها: ماراح أنسى لك المعروف..
جنان: فهد قلت لك هذي أختي..
جات الدكتوره: جاهزه..؟
جنان: ايه..
فهد: سمي بالله..
جنان: بسم الله..
سحبت الدكتوره منها الدم الكفايه: أحتمال تحسين بدوران أو أغماء بسبب نقص الدم..
جنان: عادي..
خلصوا راحوا ينتظرون
وليد: شكرا جنان..
جنان: العفو ماعملت إلا واجبي..
فهد جلس بجنبها: جنان تبين أجيبلك شي تاكلينه..؟
جنان: لا مالي نفس..
فهد: أنا المفروض ما اسألك على طول آخذك للكفتيريا.. قومي معي..
جنان: صحيح فهد مالي نفس..
فهد: مو بكيفك قومي معي..
قامت جنان معه..
فهد: وليد تبي شي من الكفتيريا..؟
وليد ماله خلق: لا..
بالطريق وأهم بالكفتيريا.. وقفت جنان مره وحده..
فهد مسكها: أيش فيك..؟
جنان غمضت عينها: حسيت بدوخه..
فهد: تعالي نجلس هنا..
جنان: أمشي نروح الكافتيريا نجلس فيها..
فهد: طيب..
جلسها فهد على أحد الكراسي في الكفتيريا..طلب لها أكل وعصير..
جنان: فهد قوم روح شوف شوق..
فهد: لو صار أي شي راح يكلمنا وليد..
جنان: بس قوم تطمن عليها..
فهد طلع جواله وكلم وليد..
فهد: شفتي مافي جديد..
جنان: بس أهم شي نطمن عليها..
فهد: أقول لأمي..؟
جنان: لا خليها تقوم بالسلامه بعدين قول لها..
فهد: طيب.. يالله أكلي عشان أرجعك البيت..
جنان: لا حبيبي بجلس معك..
فهد: ليش تجلسين..؟ روحي البيت ورتاحي..
جنان: مابي أصلا بجلس هناك وبحاتيها..
فهد: راسك يابس مادري على منو..؟
يتبع ,,,,
👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -