رواية اسم على مسمى -24

رواية اسم على مسمى -24

جنان: عليك..
فهد: أنا راسي يابس..؟
جنان هزت راسها بمعنى أيه..
فهد: الله يسامحك..
جنان: فهد خلصت.. قوم نروح لشوق..
فهد: يالله..
قاموا وراحوا ينتظرون إلى بعد صلاة العشاء..
طلعت الدكتوره أخيرا
وليد على طول طار لها: شلون شوق..؟
الدكتوره: طيبه.. وجابت لكم ولد مرره حلوو..

وليد فرح: بشرك الله بالخير.. وكيف صحت الولد..؟

الدكتوره: تمام الحمدلله..

وليد: أقدر أشوفها الحين..

د: طبعا بس 5 دقايق بعدين أدخل لها.. وعلى فكره ولدك راح يظل في الحضانه كم يوم..

وليد: طيب بس كم..

د: يمكن بس يومين

فهد: مبروك يا أبو خالد..

وليد: ههههههه الله يبارك فيك

جنان: مبروك وليد..

وليد: الله يبارك فيك..

جنان: أنا ببشر خالتي..

كلمتها..

الريم: الوو..

جنان: كيفك ريم..؟

الريم: تماام..

جنان: وين خالتي..؟

الريم: لحظه..

راحت تناديها..

أم فهد: الو..

جنان: هلا خاله..

أم فهد: هلا فيك..

جنان: خاله عندي لك بشاره..

أم فهد: أكيد حامل..

جنان: ههههههههههه.. لا..

أم فهد: أجل..

جنان: شوق ولدت وجابت خلود الصغير..

أم فهد: صج..؟ بشرك الله بالخير..

جنان: خاله أنتظر لبشاره..

أم فهد: لك لبشاره..

جنان: تسلمين ياخاله..

جنان عطت أم فهد التفاصيل وصكتها..

وليد: بدخل لها أنا بالأول..

فهد: طيب خذ راحتك..

دخل وليد على شوق..

أول ماشافته دارت وجهها عنه..

راح لها وجلس بجنبها على السرير وباس جبينها: الحمدلله على السلامه حبيبتي..

سكتت عنه..

وليد: أدري أنك زعلانه .. بس أنا كنت مو مع نفسي لما قلت الكلام وعملت اللي عملته.. والله أني آسف ولا كان قصدي..

شوق طالعت فيه وبعدين باعدت عينها: وليد أنا تعبانه ومالي خلق..

وليد: طيب أرتاحي.. بس بجلس معك مو قايم..

جلس يلعب بشعرها

شوق: ما يحتاج تتعب نفسك..

وليد: إذا ما أتعب عشان شوق حبيبتي أتعب عشان منو..؟..

شوق بمسخره: يالحنوون..

وليد: طالع عليك.. شفتي ولدنا..؟

شوق: ايه..

وليد: يشبه منو..؟

شوق: يشبهك كثير.. ماشفته..؟

وليد ستانس لأنها تكلمه: لا.. على طول جيت هنا.. أجل يشبهني..؟

شوق: كثير..

وليد: اجل خساره لو طالع عليك كان بيصير أحلى وأحلى..

شوق سكتت عنه تذكرت أنها المفروض ماتكلمه..

وليد: حبيبتي تدري أني كنت خايف عليك وعلى البيبي.. وتدرين لو لا سمح الله صار لكم شي بتنتهي حياتي لأن أنتوا الحين كل حياتي..

شوق ساكته بس نزلت دمعه..

وليد مسح دموعها: كل شي ولا دموعك الغاليه..

شوق بعدت يده: لو أنا غاليه مثل ماتقول كان ما عملت اللي عملته.. كان ما تغيرت معي كل هالتغيير.. أنا حبيتك.. وأنت بأيش جازيتني..؟ بجفاك..؟ لو بعدك عني..؟ لو لما طيحتني..؟ هذي جزاتي أني حبيتك وخليتك كل دنيتي وحياتي..

وليد: لا تقولين هالكلام تراني بعد أحبك وأموت فيك..

شوق: قبل..

وليد: قبل والحين وبكره ولين لحظت وفاتي.. صدقيني أني أحبك وأنتي دنيتي وحياتي..

زادت بكى.. فقام وليد عنها..

شوق: وليد..

خلاها وراح عنها..

شوق: وليد.. وليد..

طلع وليد من الغرفه وأهو مضايق مره..

فهد: كيفها..؟

وليد: الحمد لله.. شفت خالد..؟

فهد: أيه.. نسخه منك..

وليد أبتسم بضيق..

فهد حط يده على كتفه: هونها وتهون..

وليد هز راسه بمعنى طيب

وراح يشوف خالد..

دخلوا فهد وجنان غرفة شوق..

فهد: الحمد لله على السلامه شواقتي..

شوق مسحت دموعها وابتسمت: الله يسلمك..

فهد سلم عليها وباسها: وأخيرا صرت خال..

شوق: ههههه عقبال ما تصير أبو..

فهد: أنشاء الله..

سلمت جنان على شوق: الحمد لله على السلامه..

شوق: الله يسلمك.. عقبالك..

جنان: تسلمين.. أيش هالولد الجميل..؟

شوق: شفتيه..؟

جنان: أيه مشاء الله مره جميل..

شوق: من ذوقك حبيبتي.. وصحيح نسيت أقول لك..؟

جنان: شنو..؟

شوق: شكرا على الدم.. قالت لي النيرس..

جنان: لا تشكريني خلاص أنسي السالفه وأعتبريها ما صارت.. أنتي أختي..

شوق: تسلمين..

فهد يكلم جنان: خلاص تطمنتي عليها..؟

جنان: أيه..

فهد: أجل خلاص قومي نرجع البيت..

جنان: لا بعدني ماطمن عليها عدل..

شوق: ههههههههه..

فهد: تلعبين علي.. أمشي قدامي ماعندنا بنات يمشون كلمتهم على رجال..

جنان: يمه خفت..

شوق: هههههههههه..

فهد: أضحكي أضحكي يا أم خالد..

شوق: فديته خلود..

فهد: جنان أقوول أمشي قدامي..

جنان: طيب.. يالله شوق ما تشوفين شر

شوق: الشر ما يجيك.. تسلمين حبيبتي ما قصرتي

جنان: الله يسلمك..

قبل لا يطلعون..

شوق: فهد..؟

فهد: هلا..

شوق: وين وليد..؟

فهد: قال بشوف خالد والحين مادري وينه..

شوق: خلاص..

طلعوا فهد وجنان بعد ما ودعوا شوق.. راحوا السياره..

في السيارة..

رن جوال فهد..

فهد: الووو..

طلال: هلا بالخال الجديد..

فهد: ههههه.. هلا فيك..

طلال: شخبارك..؟

فهد: تماااام

طلال: شخبار شوق والبيبي..؟

فهد: يسألون عن خالهم الثاني..

طلال: أنا في الطريق لهم..

فهد: صحيح..؟

طلال: ايه..

فهد: كان أخذت أمي وخواتي معك..؟

طلال: أفا عليك هم معي..

فهد: على خير..

طلال: أنت وين..؟

فهد: رجعت من المستشفى ومعي جنان..

طلال: طيب أجل أنا بسكر الحين..

فهد: طيب مع السلامه..

طلال: بااي..

صكه فهد وأهو كان مندمج في السواقه..

جنان قطعت عليه أندماجه: تفكر في أيش..؟

فهد أبتسم: فيك طبعا..

جنان: فكر بصوت عالي..

فهد: لا ما يحتاج..

جنان: براحتك..

فهد: هههه تحطيم..

فهد مسك يدها: تدرين..؟

جنان: أيش..؟

فهد: أني أنا أحبك..

جنان: وأنا بعد..

فهد: يعني الحين تصدقيني..؟

جنان: طبعا..

فهد: يعني مو مثل هذاك اليوم ونتهاوش وقول لك أحبك ولا تصدقين.. هههههههههه..

جنان: ههههه.. لا أني مصدقتك بس الواحد لما يكون مقهور يقول كل شي..

فهد: هههههههه وأنتي كنتي مقهوره..

جنان: مو بس مقهوره كنت بذبحك..

فهد: يالمجرمه ههههههههه

جنان: أضحك أضحك..

فهد: أيش رايك نسافر..؟

جنان: أووكي بس مو الحين..

فهد: أجل متى..؟

جنان: مادري بس مو هالفتره..

فهد: براحتك..

بعد فتره

جنان: فهود..

فهد: عيون فهود..

جنان: تبي بيبي الحين..؟

فهد: طبعا..

جنان: صحيح..؟

فهد: صحيح.. لأني أحب الأطفال..ليش أنتي ما تبين..؟

جنان: أحيانا أقول أيه وأحيانا لا..

فهد: ليش..؟ بالعكس الأطفال شي جميل..

جنان: أحس ما يناسبني أحمل وأولد..

فهد: ليش أنشاء الله..؟ حبيبتي أنتي كل شي فيك حلو..

جنان: تسلم..

فهد: جنان.. تحسين بدوخه..؟

جنان: لا..

فهد: تبين عشى من أي مطعم..؟

جنان: عادي..

فهد: نفسي في دومينوز بيتزا..

جنان: طيب..

فهد: أذا ما تبين قولي لي..

جنان: أبي..

مروا على المطعم وتعشوا على الكورنيش ورجعوا البيت..

.

.

البـــــــــارت السادس عشـــــــــــــــــــــــــــــــر

في المستشفى..

أم فهد: ليش ماقلتي لي يابنتي..؟

شوق: أنا كنت أبي أحد معي.. فقلت الى وليد يتصل إلى فهد وجاء وجات معه جنان..

أم فهد: أهم شي قمتي بالسلامه..

شوق: يمه ما شفتي وليد وأنتي جايه..؟

أم فهد: ايه شفته لما رحت الحضانه وقال لي أنه راح يرجع البيت..

الجوري: تخوف الولاده..؟

شوق: أكييد..

الجوري: أجل خلاص ما بحمل..

طلال: تحسبين بكيفك..؟ لا حبيبتي.. من الشهر اللي نتزوج فيه أبيك حامل..

الجوري بخجل: مو أنت اللي بتحمل وتولد.. أنا.. يعني أنا اللي أقرر..

طلال: ههههههه تحلمين..

الجوري: يمه شوفي ولد أختك..

أم فهد: ههههههه.. طلال تأدب عن بنتي كل شي ولا الجوري.. خليها تحمل من الشهر الثاني من زواجكم..

طلال: هههههههههههه..

الجوري: يممه..

أم فهد: ههههههه..

الجوري: يصير خير من الحين لذاك الوقت..

الريم: الجوري أحملي عشان يخترب جسمك..

الجوري: أعوذ بالله..

طلال: أصلا الجوري لما تحمل وتولد ما راح يخترب جسمها.. و حتى لو أخترب الجوري دائما بعيوني ملكة جماال..

الجوري أبتسمت له..

الريم: القرد في عيون أمه غزال..

الجوري: قرد بعينك ياسباله..

الريم: هههههههه..

الجوري: صحيح أنك ما تستحين..

طلال: لو سمحتي كل شي ولا مرتي..

الريم: عشتو..

أم فهد: خلاص يالريم.. طلال إذا ماعليك أمر ترجعنا للبيت..

طلال: على أمرك..

شوق: يمه خليك معي شوي..

أم فهد: لا برجع البيت تعبانه شوي..

شوق: على راحتك..

ودعوا شوق وطلعوا..

في اليوم الرابع..

جا وليد المستشفى..

راح إلى ولده.. شافه .. كان جميل.. وخدوده حمران مشاء الله.. وكان شعره أسود وحرير..

طلع بعد ماتطمن على ولده.. وتردد يروح إلى شوق لو ما يروح..

بعدين قرر أنه يروح لها.. بس قبل راح أشترى ورد لشوق..

دخل غرفة شوق..

شوق كانت نايمه لأن كان الصباح..

حط الورد على الطاوله اللي بجنبها.. وجلس على الكرسي اللي جنبها يتأملها.. وكان مشتاااق لها..

خااف أنها تجلس من النوم.. فكتب لها في الكرت وطلع..

جلست شوق من صكت الباب..

شافت الورد اللي كان كبيييير..

أخذت الكرت وقرته..

"صباح الخير..

ما حبيت أزعجك أو أضايقك فخليتك نايمه..

صراحه أفتقدتك في كل مكان..

وحشتيني..

وليد.."

تركت الكرت على الطاوله اللي جنبها وجلست تفكر في وليد..

بعد مرور ساعتين تقريبا..

دخلوا عمها وعمتها..

أم وليد سلمت عليها: كيفك يابنتي..؟

شوق: الحمدلله..

أبو وليد: الحمد لله على سلامتك..

شوق: الله يسلمك عمي..

أم وليد: عسى ما تعبتي في الولاده..؟

شوق: أكيد تعب..

أبو وليد: الحمدلله أنك قمتي سالمه..

أم وليد: ايه والله..

أبو وليد: إلا وين وليد..؟

شوق: مادري..

أبو وليد طلع جواله.. وكلم وليد..

أبو وليد: هلا.. وينك..؟.. اييه.. تعال بس أجلس معنا حنا عند مرتك.. طيب.. أنتظرك.. مع السلامه..

أم وليد: وينه..؟

أبو وليد: هذا أهو جااي..

وجلسوا يسولفون..

بعد شوي دخل وليد..: السلام..

: وعليكم السلام..

وليد سلم على أبوه وأمه وعلى شوق اللي أبتسمت له..

وليد في نفسه أكيد تبتسم لأن أمي وأبوي هنا.. جلس على الكنبه مع أمه وأبوه وجلسوا كلهم يسولفون.. بعد فتره

أبو وليد: يالله يابنتي.. أشوفك على خير..

شوق: أجلسوا معي..

أم وليد: الجايات أكثر مع السلامه حبيبتي..

شوق: الله يسلمك..

وليد كان يبي يطلع: أوصلكم لين تحت..؟

أبو وليد: أجلس محلك بس..

وليد: ههههه أنشاء الله..

طلعوا..

وليد راح شغل التلفزيون وجلس يشاهد فلم..

شوق ملت من الفلم..: وليد..

وليد بدون لا يطالع فيها: نعم..

شوق: طفي هذا وتعال أبيك..

وليد أستانس بس ما بين: أيش تبين فيني..؟

شوق: أبيك بسالفه..

وليد قطع صوت التلفزيون.. وراح قرب له كرسي وجلس بجنب السرير وقال: نعم..

شوق قربت له على السرير: تعال..

وليد بيطير من الوناااسه رفع حاجبه: أنا مرتاح كذا..

شوق: بس أنا مو مرتاحه..

وليد قام وجلس بجنبها على السرير..

وبدون مقدمات من شوق حطت راسها على صدره وقالت: حتى أنت وحشتني..

وليد مو مصدق أنها رضت عنه.. حط يده على كتفها وباس راسها وقال: آسف..

شوق: لا تآسف هذا قضاء وقدر..

ماقدر إلا يضمها له أكثر..

أنفتح الباب

فهد: السلا... آسفين مادرينا..

طلع وسكر الباب..

شوق: هههههههههههه

وليد: أما أخوك عليه أوقات..

شوق: ههههههه.. قوم شوفه..

وليد: ههههه طيب..

طلع بره وكانوا واقفين..

وأم فهد تسأله: ليش صكيت الباب..؟

فهد: يمه مشغوله شوي..

وليد: السلام عليكم..

: وعليكم السلام..

فهد غمز له: أيش هالحركات..؟

وليد: أنت عليك أوقات مثل وجهك.. ياارب أصيدك مره..

فهد: هههههههههههه..

أم فهد وجنان مهم فاهمين شي..

وليد: تفضلوا..

دخلوا داخل الغرفه..

أم فهد سلمت على شوق وجنان بعد..

لما جاء دور فهد

شوق: هههههههه.. كيفك..؟

فهد: هههه.. الحمدلله..

قرب من أذنها..

فهد: مسكتك بالجرم المشبوه.. الحمد لله أني متزوج ولا خربتوا عقلي..

شوق: ههههههههه.. أحلف زين..؟ كيفك جنان..؟

جنان: تمااام وأنتي..؟

شوق: واحشتني..

فهد: شنو واحشتنك..؟

شوق تبي تقهره: أيه فديتها.. حبيبتي جنو..

فهد: لا خربت.. واحشتنك وفديتها وحبيبتي وجنو.. أيش باقي لي..؟

جنان تضحك عليه..

شوق: باقي ياعمري وحياتي..

فهد: ههههه لاااا..؟

شوق: أييه..

فهد: أيش رايك نتصل لك بحبيب..؟ وأشر على وليد..

شوق: ياليت..

فهد ضربها على راسها..

وليد: لو سمحت يدك..

فهد: حبيبي هذي أختي قبل لا تكون زوجتك يعني عادي أمد يدي..

وليد: لاااااا.. أنت جرب..

فهد: تحسبني خايف منك.. لا حبيبي أنا محترم أمي إلى الحين..

أم فهد: كيفك يمه..؟

شوق: الحمد لله

أم فهد: ما قالوا لك متى تطلعين..؟

شوق: لا يمه..

أم فهد: ليش..؟

وليد: أيه خالتي أنا بخليها هنا أسبوع..

شوق: أسبووع..؟ لا حبيبي..

وليد: لا حبيبتي بتجلسين هنا أسبووع قابل لزياده..

شوق: ولييييد..

وليد: خلاص أنصك الموضوع..

جنان: أصلا هذا أحسن وأريح لك

شوق كشرت: طيب على رايكم..

أم فهد أندمجت مع فهد ووليد بالسوالف..

شوق قربت لجنان..: جنان تعالي..

جنان جلست بجنبها: آمريني..

شوق: لما أطلع من المستشفى بخليك تتعلمين على خالد..

جنان: لااا.. وهمست لها.. حبيبتي من قال لك بجيب بيبي الحين..

شوق: أجل متى..؟

جنان: مو الحين..

شوق: أما فهد بخليك..

جنان: مو بكيفه بكيفي..

فهد: أيش الشي اللي تتهامسون فيه..؟

وليد: فينا طبعا..

شوق: يالواثق..

جنان: ههههههههه..

فهد: طيب.. يالله جنان نرجع الفله..

شوق: لا خلكم بلييز..

فهد: ما قدر لأن عندي شغل..

شوق كشرت: طيب..

فهد: يمه نمشي..؟

أم فهد: لا روح وبخلي السواق يجيني بعدين..

فهد: على راحتك.. سلم على شوق..

وقال لجنان: يالله حبيبتي..

جنان: طيب..

سلمت على شوق

جنان: أشوفك بكره بااي..

شوق: أنتظرك بااااي..

طلعوا من عند شوق

وركبوا السيارة..

فهد: أيش عندك الظهر..؟

جنان: ولا شي..

فهد: اليوم راح أطلع معك..

جنان: وين..؟

فهد: أي مكان تبينه..

جنان: هالمره خليها على ذوقك..

فهد: يمكن ما يعجبك ذوقي..

جنان: أكييد بيعجبني..

فهد: طيب..

جنان مسكت يده: أيدك كبيره..

فهد: أنا أيدي كبيره لو أنتي أيدك الصغيره..؟

جنان: هههههه.. تتمسخر علي..؟

فهد ببراءه: لا..

جنان تركت يده

فهد رجع مسك يدها: هههههههه.. بالعكس يدك أحلى يد بالدنيا كلها.. وباس يدها..

جنان: طيب بسألك سؤال..

تحبني..؟

فهد: كثيير.. بس ليش تسألين..

جنان: كذا بس.. جااي على بالي..

فهد: هههههه أهاا..

جنان: حبيبي ودني بيت أهلي.. وإذا خلصت الشغل مر علي وخذني من بيت أبوي..

فهد: أنشاء الله.. كم جنو عندي..؟

جنان: مادري..

فهد: مصيبه إذا ما تدرين..

جنان: وحده اللي هي أنا هههههههههه

يتبع ,,,,

👇👇👇

تعديل المقال