رواية غثيثة مزحة الايام -24


رواية غثيثة مزحة الايام -24

رواية غثيثة مزحة الايام -24

 راكان :اقص يدي كانك ماتفكر فيها كـ أنثـى !
خالد ضحك من غير صوت .. : طيب؟
راكان : طيب الواحد اذا حس هالاحساس وش يسوي؟
خالد :ايش؟
راكان :يروح يخطب !... رح اخطبها
خالد :انتي تدري منهي بنته اول؟
راكان:لا..مين؟
خالد :آل "....... "
راكان بضحكه استهبال: هههآآي .. اجل خلك على احلامك بس..من يطولهم هذولي .. وبعدين وانا أخوك الواحد يخاف من هالناس الاكباريه .. مد رجولك على قد لحافك بيلاخوو ..
خالد :عشان عندهم فلوس يعني؟..طيب انا عندي فلوس..وماأعتبر فقيير.. ولا مب أد المأم
راكان :ياباب هذول ماتمشي معاهم شغلة عندك ماني فقير.. لازم يكون عندك دراااهم ماليه البنووك .. وبعدين المسأله مب قد المقام ولالا ..و لا هي مسألة فلوس .. هذول عايله مب حيّ الله تجي تخطب والسـلام !..وبعدين هذي تلقى ولد عمها يحتريها هذا اولاً ..ثانيا مثل ماقلت لك هالمجتمعات الواحد يخاف منهم يـآخي !
خالد يحط يده اللي فيها قلم على خده :بس جايزة لي يـاخي .. واصلاً البنت ماتحسها منهم احسها عاديه زيها زينا ..
راكان:انت مادخلت مجتعاتهم عشان تحكم !.. هذولي مايناسبوون الا من حيهم وحيانهم .. ليش يلووثون دمهم ويطلعون الورث بـرآ
خالد :يـاخي ليه تكسر مجاديفي ؟
راكان :انا ما كسرت شي..انا اصحيك عالواقع المـرّ هع!
خالد :ههههههه اهم شي مـرّ.."وبجديه"..بس انا بجرب حظـي ..وبفاتح اهلي بالموضوع
راكان:بكيفك !
وهي جالسه عالمرجيحه .. وتناظر الحوش ..دخلت سياره فـارهه بكل شموخ للقصر .. قام قلبها يضرب طبوول .. وقفت المرجيحه .. وعينها تنتظر بكل شوق .. تبي تكحل عينها بشوفته ..
نزل هو من سيارته .. وكان ماسك الجوال ويكلم ..
جا واحد من السواويق اخذ السياره ولبقها فالباكنق ..كانت تطالعه لين اختفـى عن عينها ..
رفعت راسها للسمـا .. :يـارب ..يارب ابي بندر من نصيييييبي يارب !!!
ليلنا { الدافي الحزين ~
صدقني :-

لو أبعثر لك {شعوري!


ما يطيح ألا [ حضوري ]


وارتباك / العاشقين !


آه يا طول المسافة بين .. / أحلامي وبيني ~ !


آه من .. هز احتمالي : (


غير إحساسي || وحنيني!


صدقني .. :


ما عرفت أحب غيرك !


ما عرفت أحب غيرك




نهـــــــآية الجزء ..|~



الجزء الرآبــــع عشـــر..!


- نوووووووووير جلعك الموت ..رجعتي من السسفر وأخيراً
الجوري ماتت ضحك على ردة فعل هيـا .. خبطتها ملاك مع راسها :وجع لاتدعين على اختي !!.. جعلك تموتييين انتي !!!
هيا تمسك راسها :عمـى يعميييك وجعه!
ملاك :يقطع آذآنيييك ياهيـا بنت الـ"..."
هيا :ويااك ان شاء الله

عليا :هههههه مجانين
نوره :من جــد
عليأ: انتـي كيفك نوير اخبارك
نوره تنهدت :آآآه ياعليا .. وربي كنت انتظر متى ارجع الرياض عشان اقولك وافضفض لك اللي في خاطري !!
عليا ارتاعت : وليييييه ؟ ..
نوره :أمشي ندخل جوآ اكلمك

ركضت هيا عند نوره ..وضمتها وضربتها مع ظهرها :هييه ترا ماسلمت عليك ياحلوه
نوره ضمتها بدورها:هههههه اوكي طيب لاتعصبين
ووخرت عنها .. :اشتقت لك مرررره .. الا ماقلتي لي .. وش احلى الرياض ولا باريس؟
عليـا:قسسسم بالله عليك سؤال مدري وش يبي
نوره تناظر عليا: الريـاض .. وربي الرياض احلى
ملاك :عاد كنتي مع حبيب القلب .. شلون الرياض احلى
نوره بضحكه تحاول تخفي اللي داخلها :الرياض وربي في عيني احلى بلد ..
ملاك :بلاك ماتعودتي عالزييين ياماما .. ولا احد يعاف فرنسا ويختار الرياض .. لا يكثر بس طول عمرك بنت فقـر
عليا:تراني اكره هالكلمه بنت فقـر!!..وربي ماعلينا قااصر ..يعني نلبس زين نطلع نروح ونجي !.. خـلاص !
ملاك:ايييه يكفي ان سيارة اخووي سطام جيب لاندكروزر يعني ماعلينا ..من الطبقه المتوسطه
الكل:هههههههه





طلع من السوق .. وصديقه ورآه يلحقه .. وقف عند بقاله وشرآ باكيت دخآن وولعه .. جلس عالرصيف وقام يدخن ..
طالعه صديقه بـ صدمه:نـاصر ..رجعت تدخن؟
ناصر يطلع الدخان من فمـه ..:إييييه وفي امك خير قلي بس اوقف
طارق يجلس جنب ناصر عالرصيف:وش فيك انت مب على بعضك.. من دخلنا السوق وانت ماااش!!
ناصر قامت يده ترجف من القهـر والغييض : تخيل ياطارق بنت الـ .... مدت يدها علي .. ولا قدرت ارد .. "بقهـر قوي"..وربي مقهووور!!!
طارق :وناوي تحرمها من الراتب بعد؟
ناصر :لآ .. ودي بـ شي اكبر ..,"وصرخ بقوه"..آآآآآه يالقهـر
وطلع زفيييرررر .. ورجع يدخن من جديد .. خبط رجوله بالأرض .. وهو يرصص اسنانه
طارق طالع فالارض..مايدري شلون يهدي ناصر ..:طيب انت وش سويت لها..مب معقوله كذا من الباب للطاقه مدت يدها عليك
ناصر: هـي الحمـار الواااطيه!..وربي لو هي بين يديني ان اذبحها واشرب من دمها وقليل في حقهـآ .."ورجع يصرخ حتى السواويق اللي في الشارع اللتفتوا" ..ألله يللللللعنها!!!
طارق : طيب هـد اعصاابك
ناصر:منيب مهدي وربي قاااااااهرتني .. مب مبررد حرتي فيها شي غير الذبـح !!
طارق : من جدك انت ؟..اعقـل نويصير وهد نفسسسك
ناصر : وش أسسـوي .. انت بس قللي وش اسوي بها ؟؟


وهم جالسين عند الحديقه في بيت ابو خـالد اخو ابو سطام
حطت يدها على فمها : دخل عليك سكرااااااااان ؟؟؟
نوره ترجع خصله ورا اذنها وتهز راسها :إييه !.. بس هالشي عادي يوم جا اليوم اللي سكرت فيه انا غصب عني
عليا :مجنوونه!!!..شلون غصب عنك
نوره نزلت دمعتها : هو غصبني يا عليـا .. وربي مالي حيله حاولت بس كانوا اكثر مني
عليا شوي وتصيح :نوره لازم تتطلقييين ..لازم
نوره :أدري
عليا: وشو ادري .. قولي للسطام اكييد بيساعدك
نوره : مـاأبي
عليا: نوره مجنونه انتي وش ماتبين .. نوره مستقبلك بيروح فيها
نوره : عليا فكري بعقلك شوي .. سطام اخوي وش يسوي وش يخلي..يطقع نفسع يعني؟.. يكفي ورآه اهلي اللي ماتخلص امروهم تبين اعله
عليا: بس ولو هو اصـلاً بيزعل عليك لو سكتي
نوره : هو اصـلاً حاس ان فيه شي .. بس انا ساكته
عليا : نوره تكفييييين عشان خاطري
نوره عصبت : عليووه وقسم بالله لوني داريه انك بتسوين كذا كان ماقلت لك !!

جـوا هيا والجوري يركضوووون
نوره :وش فيكم
جت ملاك اللي كانت تمشي عادي ولا تركض زيهم .. :الحمد الله والشكر .. ليش تركضون ترا اخواني ماياكلون !!
عليا: وش السالفه
هيـا تسوي نفسها بتموت من الخقه :آآآآآآه ياعليا فااتك نص ..لا ثلاث ارباع .. لا عمرك كللللللللله
نوره بضحكه :ليه ؟
الجوري تلم جاكيتها : صقعت في وجه سطام اخوك .. وكان فيه متعب ومشعل خالكم
نوره ضحكت:هههههههههههههههه ياحياتي اخوي
ملاك :اييه والله مسكييين انكسر خشمه ..
عليا:وش جابهم هالامه لبيتنا
هيا تجلس: اكيد انهم قااصدين يجون هنا عشان يشوفوني .. "ومسويه مقهوره"..وسوو اللي في راسهم الله يهديهم بس
ملاك وشعرها يطير من الهوآء :أرحمييييني يالجميلـه جداً.. انا اتوقع ان اخواني بيجوني في الليل معاهم مخادهم بيقولون ..ملوكه خفنا اليوم من شكل هيا نبي ننام عندك لاننا خايفين مره ولا قدرنا ننوم !!
عليا:هههههههههههه .. من جد
الجوري : لاجد وش جايب سطام ومشعل ومتعب
ملاك : يمكن بيسلموون على مالك لان توه جاي من السسفر
نوره :إيييييه صح .. اخوكم رجع الحمدالله على سلامته
هيا وعليا:الله يسلمك !!



- الحمدالله بخيير الله يسلمك
سطام وهو يقوم : اجل انا بطلع وباخذ خواتي
مشعل يقوم ورآ سطام :فمان الله
قـام ابو خالد :وين بتروح يابوي .. توك
سطام :والله ورآي دوام ولا ودي اني جالس اكثر .. وملاك وراها دراسه بكره
قام مالك :ومتعب بيجلس معي
متعب : ايييه بس يابو الشباب انت اللي بترجعني للبيت لان مامعي سياره
مالك :طيب .."يناظر سطام "..أرقد وآآمن اخوك .."ويطالع متعب بخبث"..في أيدي اميينه هع هع !!
متعب يقوم ويعض طرف ثوبه ويوقف جنب اخوه الكبير : هههه "ضحكة خوف"..نسيت ان ورآي دوره ولازم اقوم من بدري ..
مالك يسحبه:اقول امش بس قال دوره قال .. انت وجهك مب وجه دراسه


يوم طلعـوا سطام ومشعل وبعد مادق سطام على نوره وملاك لان نوره بتنوم عندهم

/

هيـا:يلعن شكلك ياسطاااام !
نوره تضرب هيا اللي لاصقه في قزاز الشباك وتقـز سطام وهو يسولف مع خالد اللي توه داخل .. :وجع لا تلعنين اخوي
عليا: عليك فيها فشلتنا
هيـا: مدري شلون صار اخوكم اعوذ بالله ..شوفي لين ناظرتي طول عرض رزه .. "تمسك مكان قلبها".. يـاتسبدييييييه بس!
نوره :ليه وش فينا؟

هيـا : معليششش!..انت بس ناااظري الفرق بين متعب وسطام ..فرق السما عن الارض ..عاد شلون انتوا يالجحلط!!.. يعني سطام جنتل وكأنه امير ولا شاعر .. اما متعب معصصقل وطوووووويل على غير سنع .. سطام ملامحه حلووه وحاده .. متعب احسه بيبي فيس .. مافيه وجه شبه بينكم ابد وبعدين انتوا سمر نوعا ما .. سطام حنطي على بيااض
نوره : من زيييينك عاد انتي واخوانك !..اجل إنّـأ جحلط يالخااايسه
عليا:هييييه عاد حدك تسبين هيا عادي انا واخواني لا



- انتي وش فيييك؟ من جيتي من المستشفى وانتي تهوجسين؟
هيله حاطه يدها على خدها .. طالعت اختها :جود! الوحده لما تكون دكتوره شلون تكون نظرة الناس لها
جود :وش هالسؤال؟
هيله:جاوبي وانتي ساكته
جود :...........
هيله :هييييييه!!!..اسألك انا
جود :جاوبت .."ببتسامه عريضه"..وانا ساكته هع
هيله:جوووود .. تكلمي
جود : والله شوفي انا عن نفسي ماأفكر اصير دكتوره .. عشان نظرة المجتمع ..لأن مافي رجال يرضى بـ زوجه دكتور فور تو ريزن!
هيله :الاول عشان الطب لازم اشتغل مع رجال .. الثاني أيش ؟
جود :الثـاني وااضح لان مافي أي رجال يتمنى يرتبط في بنت تكون احسن منه فـ أي شي ..الطب احسن تخصص ومهنه ممكن يدخله الشخص ..فالرجل الشرقي مايبي وحده تكون احسن منه في شي
هيله : ......... " تفكر"

جوود اللي ماتعرفونه عنها انها انسـانه فوق سنها على انها ام 16 سنه الا ان هيله تعتمد عليها في اشياء .. انسانه واقعيه لـ أبعد درجه ..وتؤمن ان الاحلام تبقى احلام ولا يمكن انها تتحــقق!


في طريق الرجعه للبيت

- خالو مشعل
مشعل اللي كان جالس قدام جنب سطام :هلا
نوره :وين بتسوي زواجك؟
مشعل :والله وانا خالك مدري ..بس الوكاد انه فالبيت
ملاك :هههههه اهم شي الوكاد .. من تماشي انت ذا الايام
نوره :امممممممم .. طيب انا نفسي اهديك شي
مشعل :وشو
نوره : أبي هديتي لك تكون .. الزواج والطقاقه علي انا
مشعل : لآ
نوره :مشعآآآآآآآآآآل!!.. مب على كيفك الرسول عليه الصلاة والسلام مايرد الهديه .. وانا خلاااص خططت وسويت مابقى الا ضيوف
مشعل لف عليها :على كيف امك انتي!! .. متى خططتي
نوره تكذب:يوم كنت مسافره دقيت على واحد من قصور الافراح واخذت حجز .. وحتى الطقاقه والعشـآء
مشعل :ياششششيخه !..هيييه انا حتى ملكه ماملكت عليها
نوره :معك 3 اساابيع!
سطام : نوره انتي غلطانه يوم تدقين .. طيب لو كنّـأ حاجزين
نوره : انا ادري انكم ماحجزتوا .. وانكم ناوين تسوونه مختصر بس إنّـآ ماعندنا الا خال واحد وبنفرررح به .. وقريب ان شاء الله بنفـررررح بسطام وهو ماخذ حكمت
سطام :حكمت عاد ؟ .. قولي اسم صاحي
ملاك : سطام بياخذ فيّ صقيقتي
نوره : لا ياشيخه .. مابقى الا هي ياخذ بزر .. لا ان شاء الله بخطب له وحده من صديقاتي خلي فيّ للمتعب احسن
ملاك تحط يدها على خصرها :لا ياعيوووني سطام لـ في وفي لـ سطام وهذا الكلام غير قابل للنقااش ابدا البتـه!
سطام :واللي يقولكم انه بيجلس عزوبي
مشعل :ههههههههههه ماأظن والله عقب الصقعه الاليييمه اللي اخذتها تو
سطام يحط يده على خشمه :ايييه والله هيا ذي لي الحين مطفووقه وقسم بالله حسيت اني فقدت خشمي
نوره : جايتنا تررركض مستحيه مسكييينه
ملاك :أي مستحييه انتي بعد .. تكفيين ذي تستحي
نوره تعطي ملاك كووع .. قال سطام :نوير انتي معنا ولا بتروحين للبيت رجلك ؟
نوره : لا معاكم .. قلت لـ احمد اني بنوم عندكم كم يوم
ملاك تصفق:وناااااااااااسه



كانت نجلا جالسه عالكنبه في الصاله اللي فوق وتقـرا مجله .. شافت اخوها يزيد يرقى الدرج ومعاه شنطة الاب توب : مازا تفعلين؟
نجلا ترفع عينها :أدور لي موديل حلو عشان زواج فراس وخجل
يزيد يجلس معها : ياحليلنا يالرجال ثوب وشماغ وبس
نجـلا ماردت وقلبت الصفحه وهي تناظر في الموديلات .. تبي شي يصلح لـ أخت المعرس

قام يزيد : ترااك قمـر وربي مب لازم تتدهرين بالكشخه
أبتسمت نجـلا وراح يزيد .. هذا هو عشان يسكت ضميره بس .. يبدي اهتمام قليل لو بس يمدحها ..
هي من يومها صغيره وهي محد يهتم فيها ..شي عادي وتعودت عليييه


وجـودي والعدم واحد..[صحيح]..أدري
أدري بعد غ ـيابي..مايفـرق أبد

حتـى انا تـرا مايهمنـي..آمري





- لا ياعيوووني .. انا تعباانه و بروح انوم يالله بس فمان الله
ورقت للغرفتها وسفهت اخوها .. مالك طالع اخته عليا : قسم بالله اختك ذي مااتحترم احد .. اجل اطلب كاس مويه بس ولا تجيبه لي
الجوري :ههههه من جدك انت تجيب لك كاس مويه وهي لعبت لعب مع ملاك ..انهد حيلها
مالك بـ قهر منها :بس وشو تراها موويه
عليا وهي ترقى ووتتثاوب : اقول مالك دامها بس كاس مويه انت رح جبه لنفسك لا تصير عجّـآز
الجوري تقوم : من جد يـاأخي ! .. قم جب للنفسك .. ولا ارجع للمتعب تراه ينتظرك فالمجلس ..تشآآو !!!!




راح مالك للمطبخ وهو مقهوور من اخته هيا اللي ماجابت له كاس مويه

رقت الجوري ودخلت غرفتها فتحت الاب توب على مايفتح قامت تغير ملابسها .. اول ماخلصت جلست وقتحت ايميلها .. شافت اختها اون لاين

هٍآِڪّ~[ ڪٍّـٍلًيٍ°أنإآلٍڪّ
هااي جواااان

ήσ pяoḿisєs
heey

هٍآِڪّ~[ ڪٍّـٍلًيٍ°أنإآلٍڪّ
كيفك ؟

ήσ pяoḿisєs
mo tmaam ='(

هٍآِڪّ~[ ڪٍّـٍلًيٍ°أنإآلٍڪّ
يؤ لييييه ؟ =$

ήσ pяoḿisєs
coz jtnee upgrading 0o ana mara confused

يتبع ,,,,

👇👇👇
أحدث أقدم