بارت جديد

رواية قلوب عميقة -26


رواية قلوب عميقة -26

رواية قلوب عميقة -26

خالد سكت واستحى على وجهه وساب الرموت لي امجد....

امجد:هاهاها اخدته غصبً عنك كاكاكاكا
خالد بقهر:اسكت بس
ابوخالد وهوا يتجاهلهم:ها يارندا كيفك اليوم حبيبتي؟
منى والي تدخل في النص:بس رندا حبيبتك مو وانا لاء؟
ابوخالد:معليه يابنتي ماانتبهتلك ليه قاعده في الطرف كدا؟
رندا وهيا تقوم وتحضن ابوها وتبوسه:حبيبي ابويه يحبني اكتر من بعض النااااس<<وتقول كدا وهيا تطالع في منى عشان تقهرها..
ابوخالد:كلكم معزتكم وحده
منى:هه فشلوها فشلوها
رندا:هيهيهي ما فشلوها مافشلوها<<<وتمد لسانها لمنى..
الكل:هههههههههههههههههههه ه
خالد:نفسي اعرف متى بتكبرو؟
امجد:في المشمش ان شاء الله
منى وهيا تطالع في رندا وخالد وامجد بنص عين:والله انا كبرت وعقلت الدور والباقي على بعض النااااااس
خالد وامجد ورندا:مين قصدك؟
منى وام خالد وابو خالد:هههههههههههههههههههه هههه
منى:الي على راسه بطحه يحسس عليها
ابوخالد الي يبغا يوقف هالحوار:خلاااص فضوها من سيره...ويلا قومو حطولنا الغدا جيعانين
ام خالد وهيا توقف:يلا بنات قومو ساعدوني....ويقومو منى ورندا ويروحو مع امهم ويحطو الغـدا...
وبعد العصــر...
رامــي:يا اهل البيت ياهوووو ياناااس ياربي هوا انا كل ما اجي هالبيت ما الاقي فيه احد
منى الي سمعت صوت احد يصرخ جات تشوف مين...راحت للصاله الي قدام الباب وشافت رامي وانصدمت ورجعت على ورا وقفلت الباب..قبل مايلحق يشوفها وهيا بدون طرحه ولاشي..وراحت لبسة طرحتها وظبطت نفسها وطلعت له..
منى:هلا رامي
رامي:اهلين كيفك؟
رندا:الحمدلله كيفك انتا؟
رامي:تمامو وي ايش دا بيتكم مافيه احد كل ما اجي لازم اصرخ وابح صوتي الين احد يجيني
منى:ههههههههههههه لابس عشان الكل مشغول في حاله وبابا كالعاده في هالوقت جالس في الصاله الي فوق يتفرج على الاخبار
رامي:اها طيب اذا ممكن تزهميلي هوا وتزهمي اهل البيت عشان اسلم عليهم قبل ما اسافر
منى بإستغراب:هوا انتا حتسافر اليوم؟
رامي:ايوه ان شاء الله
منى:اها والساعه كم رحلتك؟
رامي:الساعه وحده ويلا بليز ازهميلي هما عشان ورانا مشوار لمكه
منى:اوووووكي ثواني بس...وراحت منى وزهمت ابوها وخالد وامجد وام خالد عشان يسلمو على رامي وقالت لرندا بس رندا مارضيت تسلم عليه وقفلت الباب على نفسها في غرفتها وقعدت تبكي..
ام خالد:تروح وترجع بالسلامه ياولدي
رامي:تسلمي ياخاله
امجد:انا مايحتاج اسلم عليك لاني حجي معاك المطار
رامي:اوف كمان بتلحقني للمطار يعني مافي فكه من وجهك مره
امجد:انتا احمد ربك اني حجي واضرب مشوار للمطار عشان خاطر سواد عيونك المعفنه هادي
رامي:هيهيهي مره تضحك ياخي
ابو خالد:يالله يارامي حنتأخر
رامي كان يدور بعيونه على رندا فينها ماجات تسلم عليا معقوله ماتجي تسلم عليا قبل ما اسافر يلا شكلها نايمه ولا مشغوله ولاحاجه...
ابوخالد:راااامي
رامي والي فاق على صوت عمه:ها..هلا
ابوخالد:الي اخد عقلك يتهنابه امشي ياولدي ابوك مو في السياره
رامي:ايوه صح نسيت يالله عن اذنكم جميعا واشوفكم ياخالد وامجد في المطار بااي
الكل:الله معاك
رامي وهوا خارج من الباب كانت منى واقفه قريب منه قرب منها وقلها بهمس:سلمي على رندا باي
منى استغربت من كلامه بس سكتت....
طلعت منى لغرفة رندا..ودقت الباب...
طق طق...
رندا...........
منى:رنداااا فكي االباب
رندا وهيا تحاول تخلي صوتها عادي:نعم شو تبغي ابغاا انام
منى:فكي الباب وانا اقلك
رندا:ما ابا
منى:رندا بلا دلع فكي الباب في عندي لك مفاجئه حلووه
رندا:مفاجئة ايش؟
منى:فكي عشان اقلك
رندا وهيا تمسح دموعها وتوقف عشان تفك لمنى الباب:اهوه قايمه...وفتحت لها الباب...
منى شافت شكل رندا والي باين انها كانت بتبكي...
منى:رندا شوفيه وجهك هيك؟
رندا:مافيه شي بس كنت نايمه على وجهي ها شو المفاجئه؟
منى وهيا تدخل الغرفه وتقعد على السرير:مافي مفاجئه الا لمن تقوليلي ليه كنتي بتبكي؟؟
رندا:ماااكنت ببكي ماتفهمي
منى:ماتقدري تكدبي عليا انا اختك واعرفك اكتر من اي احد في الدنيا
رندا وهيا تجلس على السرير:اوووف ايش تبغي مني؟
منى وهيا تقرب من اختها وتمسك يدها:ممكن تقوليلي ايش الي مضايقك؟
رندا طالعت في اختها بإستغراب وقالت في نفسها معقوله مشاعري قد كدا باينه على وجهي وانا الي ما احب حد يعرف عني شي كيف عرفت اني متضايقه...
منى لاحظت شرود اختها فضغطت على يدها بقوه اكبر عشان تحسسها بوجودها وقالت لها:انا ادري اصلاً بلي مضايقك
رندا انصعقت بلي قالته منى ايش تدري معقوله تعرف اني احب رامي لالالا مستحيييل انا ماعمري بينت لها ولا بينت لغيرها..
منى كانت تطالع في كل ملامح رندا وتشوف تأثير كلامها عليها..ورندا كانت ساكته ماتتكلم...
منى:رندا
رندا......
منى:طيب ليه ماتصارحيني مو انا اختك؟
رندا:اصارحك بأيش؟
منى:صحيح اننا نضارب ونتريق دايماً بس كل دا طبعا مزح ولعب لكن مستحييل تقدري تخبي عني شي لاني اعرفك اكتر من نفسي والمفروض انك تعرفيني اكتر من نفسك
رندا.......هيا واثقه بأختها وعلاقتهم قويه ببعض برغم كل الي يصير بينهم بس ماتقدر تقولها هالشي بالذات ماااتقدر..
منى فجئه:تحبيه؟؟؟
رندا بصدمه:مين هوا؟
منى:بلا بياخه انتي فاهمتني
رندا:مين تقصدي؟
منى:رندا مو عليا يلا بسرعه قوليلي
رندا:ما ادري ماني فاهمتك
منى سكتت وقعدت تطالع في عيوون رندا بأصرار وتبغاها تتكلم...
رندا مستغربه اصرار منى انها تعرف ورخت راسها لانه نظرات منى حتكشفها حتى لو ما اتكلمت...
منى وهيا تسحب يدها من يد رندا وتبغا توقف:طيب براحتك...واتفاجئت بيد رندا ماسكه على يدها بقوه وماخلتها تروح..
منى ابتسمت ورجعت جلست:ها بتقوليلي يعني؟
رندا بتردد:اي..ايوه
منى وهيا مبسوطه:طيب يلا
رندا وهيا ترفع راسها وتطالع في اختها:ايش تبغيني اقلك يعني؟
منى:كل شي تبغي تقوليه
رندا وهيا ترجع ترخي راسها:اممم ايوه احبه واموت فيه كمان بس
منى وهيا مبتسمه:بس ايش؟
رندا والي شويه وتنزل دموعها رجعت ضهرها على السرير وانسدحت:هوا مايحبني
منى بإستغراب:وشو عرفك؟
رندا:باااين مرره
منى:كيف يعني؟
رندا:يعني لو يحبني يبان من عيونه يبان من كلامه من تصرفاته لكن احس من تصرفاته وكلامه انه يعتبرني مجرد اخت او بنت عم لا اكثر
منى وهيا تبتسم:طيب ايش رايك لو اقلك انه وصلك سلام مني لمن ماشافك جيتي سلمتي عليه
رندا وهيا ترفع عيونها بدهشه وترجع ترخيهم تاني بخيبه كأنها اتذكرت شي:مايهمني لاني ادري انه يهتم فيا بس مجرد اهتمام بسيط وبايخ مايجي شي قدام حبي واهتمامي ليه
منى...............سكتت وحست بعذاب اختها وقالت في نفسها مسكينه يا اختي مستحمله وساكته وتاكلي في نفسك...
رندا وهيا ترفع عيونها تاني لمنى:بس خلاص
منى بإستغراب:خلاص خلاص شو؟
رندا بأصرار:انا قررت شي ينهي كل هالعذاب
منى بخوف على اختها:شو هالقرار؟
رندا وهيا تطالع في سقف الغرفه:قررت اني انسى شي اسمه رامي وانسى حبه وانسى وجوده في حياتي اصلاً
منى:لاتتسرعي يارندا حرام عليكي تهدمي وتعذبي قلبك بي هالقرار يمكن هوا يحبك بس ماحب يبين لك
رندا:لو كان يحبني كان حبني من زمان لكن لا يامنى انا قدامه دايماً ولا مره فكر فيني او فكر في مشاعره تجاهي كل الي يهمه نفسه وبس انا قررت خلاص مدام حبي ماله معنى عنده ليه انا اتعب نفسي على الفاضي راح ادعس على قلبي وامشي وما راح اسمح لأي احد انه يذلني او يزعلني
منى:بس يارندا
رندا وهيا تقاطعها:لا بس ولا غيره انا قررت
منى:طيب اسمعيني انتي ولا مره بينتي له كيف تبيه يعرف؟
رندا:المفروض يحس ولو ماحس يعني مايستاهل هالحب لانه ماعنده قلب
منى:طيب اعطيه فرصه اخيره الادمي مسافر وماهو اربعه وعشرين ساعه معاكي عشان يعرف او يحس على قولتك
رندا:مدري والله
منى:لاتستعجلي ودحين سيبي هالموضوع واهتمي بدراستك وترى محا ينفعك شي غيرها
رندا وهيا تتنهد:ادري
منى وهيا تبوس رندا على خدها:ياربووو على الي تعرف تتنهد خلاص لاتزعلي ولاتشيلي في بالك وزي ماقلتي مو اي احد يستاهل انك تزعلي نفسك عشانه خليكي رندوده الحلوه الي اعرفها
رندا وهيا تبتسم لاختها:ان شاء الله
منى:يلا عن اذنك انا بروح اكلم رهف قالت تبغاني في موضوع
رندا وهيا تتوسع ابتسامتها اكتر:طيب لحظه انتي كمان ماقولتيلي؟
منى بإستغراب:اقلك ايِش؟
رندا وهيا تسوي نفسها تفكر:اممممم مين الشخص الي مسجل في جوالك بأسم عذابي؟؟؟
منى استغربت كلام رندا وقالت معقوله رندا شافت الرسايل اللي بيرسلها مازن...
رندا:ههههههههههههه وحده بوحده كشفتيني لازم اكشفك
منى:هههههههههههههههه لا ياحبيبتي لاتفهمي خطأ مافي شي من الي في بالك
رندا بإستغراب:كيف يعني؟
منى:يعني اممممممم كيف اقولك
رندا:مالي دخل زي ماقولتلك لازم تقوليلي
منى:اممم تعرفي رهف طبعاً
رندا:ايوه اكيد
منى:قد سمعتي بأخوها مازن؟؟
رندا:ايوه سمعتها كم مره تتكلم عنه
منى:طيب هادا الادمي يحبني من زمااااان من يوم عمري 15 سنه ودايماً مسكين يتذللي ويتوسلي عشان اعطيه وجه وانا مررررره ولا كأنه موجود في الحياه اصلاً
رندا:اووه وبعدين
منى:مره لمن كان عمري 16 سنه قلي بشكل غير مباشر انه يحبني وانا صرخت عليه وبهدلته وماخليت كلمه ماقولتله عليها
وبعد كدا لمن كبرنا مدري من فين جاب رقم جوال واتصل عليا ووقتها كان يوم ما ماتت نهال وانا حطيت كل حرتي فيه وقتها
رندا:ياحراااااااام وبعدين
منى:المهم اتوالت الاحداث بيننا وهوا للحين يحبني بس انا امممم
رندا وهيا ترفع حواجبها بشكل مستغرب:وانتي؟؟؟؟؟؟؟؟؟؟؟؟؟ ؟؟؟
منى:ما ادري صراحه
رندا بمكر: امممممم والله شكلك تحبيه
منى بشوية حيا تحاول تخبيه:مو على احبه بس هوا فرض وجوده في حياتي بالقوه يعني غصبً عني لازم افكر فيه
رندا:اهاااااا قولتيلي
منى انحرجت من اختها مره وقامت عشان تروح لغرفتها:طيب انا بروح غرفتي افتح النت تبي بشي
رندا:تتهربي يالدوبه اوريكي روحي روووووحي بس خلاص اصلاً عرفت
منى:ههههههههههههههههههههه ...وراحت منى لغرفتها لقت اربعه ميس كول من رهف...وقررتتتصل عليها وتكلمها......
منى بدلع:الووووووووووووو
رهف وهيا تسوي صوتها رجالي:احم احم
منى انفجعت وخافت لايكون مازن وكانت حتسك السماعه بس رهف قالت...
رهف:هههههههههههه يالدوبه خليج انا رهف
منى:اوووووف الله يقطع ابليسك خوفتيني وربي
رهف:ههههههههه شحالج؟
منى:بخير انتي كيفك؟
رهف:تمامووو
منى:ههههههههههه
رهف:وليه ماييتي اليوم المحاضره ماشفتج
منى:والله كنت مرررره نعسانه وقلت في عندي صحبتي حبيبة قلبي رهوووف بتعطيني دفترها وانا اخد الملخص منه
رهف:اهاااااااااا طيب طيب يالكسوله اوريج
منى:ههههههههههه حرام عليكي والله اني مو كسوله بس كنت تعبانه من حكاية المزرعه ولخبطة النوم الي كانت فيها
رهف:طيب مو مشكله بعطيج الدفتر لمن اشوفج بكره
منى:تسلميلي يا احلى رهوووووووووف بالدنيا
رهف:هههههههه الله يسلمج
منى:طيب وشو اخر التطورات انا من اول نفسي اعرف؟
رهف:اممممم التطورات تتعلق بماجد
منى:واللــــه وفين شفتيه وكيف عرفتي انه رجع وكيف وكيف؟
رهف:منـــــــــــــــــــ ـــــــــــــى شوي شوي علي بليييز
منى:هههههههههه طيب سوري يلا احكي
رهف:شــوفي............وحك تها رهف على الي صارلها من يوم ماطلعت من الملكه الين اعترافها لأخوها...
منى:وااااااااي ياربي من جد مصيبه كيف قدرتي تقولي لمازن كل هالكلام بركه منه انه ماذبحك ولا سوا فيكي حاجه
رهف بفخر:والله اخويا حبيبي غيرر عن ريايل الكره الارضيه دي كلهاااا ومافي حد شراته وهوا كان متفهم معايا لابعد حد ووكمان وعدني انه راح يعدل الامور لاحسن من شذي
منى بتفكير:اها
رهف والي حبت تفتح حكاية مازن بما انه الوقت مناسب:منى
منى والي حست انه رهف حتتكلم عن مازن:ها رهووف يلا عن اذنك بروح انااام
رهف والي عرفت انه منى عرفت انها حتتكلم عن مازن قالت:مافي محا تنامي اول ابا ارمسج عن سالفة مازن
منى..........
رهف:حرام عليج منى حني على الريال والله انه واايد متعذب انتي ماشفتيه لمن قلي يمكن تنصدمي من رمستيه ويمكن ما اتوقعتي بس لاني حبيت بصدق واعرف شعورج قلت شذي..ولمن قلي لازم اخليكم تنجمعو مع بعض واذا انا ماقدرت اتوج حبي بخليكم تتوجو حبكم وتنسعدوو
منى...........
رهف:والله يامنى وانتي تدرين اني اتجنبت هالموضوع اكثر من مره وحاولت ما افاتحج فيه بس خلاص والله حرام اخويه وااايد يحبج وانتي ماتقدري حبه قوليلي اذا انتي تفكري بانسان تاني او اذا انتي ماتشوفيه انسان مناسب لج انا بقوله يبتعد عن طريقج وانا بنفسي اروح وادور له على بنت الحلال الي ممكن تقبله من بعدج
منى انصدمت من كلام رهف معقوله تزوج مازن...مازن يكون لوحده..غيري لالالا مستحيل ايش بتقول هادي..ايش اقولها دحين يوووه ياربي.....
رهف والي عارفه انه منى انصدمت من كلامها:منى
منى بصوت واطي:شو
رهف:لو اتقدم لج اخويا بتوافقي؟
منى انصدمت ابد ما اتوقعت هالكلام من رهف:ايش؟
رهف:ارمسج صج انا لو خطبج مازن بترضي ولالا؟؟
منى:تدري انه هالسؤال مستحيل اجاوب عليه بي هالسهوله
رهف:ادري بس كمان ادري انج تحبيه
منى:شووووووووو؟؟؟
رهف:ماتقدري تخبي عليا يامنى والله اعرف
منى بأستسلام لانه ماتبا مازن يكون لوحده غيرها:اها
رهف بخبث:يعني رمستيه صح؟
منى:امممممممم ايه صح بس
رهف بفرح:وااااااااو بروح اقول لمازن بروح افرح قلب اخويه يااااااااااي
منى:بنت اعقلي واسمعيني
رهف والي تحاول تمسك نفسها من الفرحه:هاااا
منى:لازم تعرفي الوضع بنسبالي كيف
رهف:طيب ارمسي انا اسمعج
منى:انا ليه كنت اصد مازن دايماً لانه ماجاني بالطريقه الصح انا بنسبالي لو كان يحبني يجي ويخطبني من اهلي..بس انه يتصل عليا ويكلمني ويطلب مني اني اتكلم معاه دا شي مستحيل اقبل فيه وانتي تعرفيني اني ما احب الخطأ ولا يمكن اسويه
رهف:طيب لو قلتلك انه مازن دايماً يقولي نفسي اروح اخطبها واتزوجها بس كيف اتزوج وحده تكرررهني!!
منى تشهق:ايش مين قال؟؟
رهف:والله هوا يقول ليه كان يتصل عليج بس عسب يعرف اذا انتي ممكن تقبلي فيه لو اتقدم لج او اذا في حد في حياتج عسب يعرف وانتي ولا مره عطتيه الفرصه ومع صدج الدايم له حس انج تكرهيه فتنازل على فكرة انه يتقدم لج
منى سكتت من هول الصدمه ابداً مافكرت بالموضوع بي هالجهه دايما كانت تشوف مازن الانسان اللعاب الي يبغا يكلمها وبس ماعمرها فكرت انه يبغا يكلمها عن حاجه او انه يبغا يقلها شي مهم زي هادا وحست لأول مره بظلمها لمازن.....
المهم في الليل الساعه 1.00 في المطار...
امجد وهوا يحضن رامي:نشوفك على خير رموي
رامي:على خير ان شاء الله
امجد وهوا يهمس في اذن رامي:خلاص زي ما اتفقنا
رامي وهوا يبتسم:اكيد ان شاء الله
ابورامي:تروح وترجع بالسلامه ياولدي
رامي وهوا يحضن ابوه:اشوفك على خير يابويا
ابورامي:الله يوفقك يارب
رامي:اميين
خالد وهوا يسلم على رامي:يالله تروح وترجع بالسلامه يابو الشباب
رامي:تسلم ياخالد يالله ادعولي
خالد + امجد:الله يوفقك
رامي:باااااي
الكل:الله يحفظك.......وسافر رامي لأمريكا......
*&*الرابع والثلاثون*&*
اليوم الي بعده الساعه 12.00الظهر..
ناصر:مازن
مازن:هاااه
ناصر:ممكن تسيب هالكمبيوتر وتطالع فيا شويه
مازن وهيا يسيب الكمبيوتر ويطالع في ناصر:ها خير سبته ايش تبا؟
ناصر:امممم ابغا اكلمك بموضوع
مازن:وماحبك هالموضوع الا في العمل كان صبرت الين ما ارجع البيت وقولتلي هوا هناك
ناصر:ما اقدر في البيت في رهف ومحا تخلينا لوحدنا وانا ابغا اقلك الموضوع بدون ماتعرف رهف
مازن:طيب يالذكي في اختراع اسمه تلفون جوال اي شي العمل ماينفع نصور
ناصر:عمييييييي بليز كلها كلمتين
مازن:طيب قول بسرعه واختصر
ناصر:امممم ابي اخطب
مازن وكأنه ماسمع:ايش؟
ناصر:اخطبببب ارفع صوتي اكثر عشان يسمعونا الناس
مازن:بس ياناصر انتا لساتك صغير ومين الي بتقبل فيك وانتا طالب
ناصر:مازن نسيـــت اني اشتغل في شركة الوالد
مازن:حتى ولو برضو تعتبر صغيررر
ناصر:عمييييييييي لاتقولي صغير ماني صغير عمري 20 سنه وتقولي صغير
مازن:اوووووف طيب مدام رأيي مو عايبك ليه ياي ترمسني
ناصر وهوا يرخي راسه:لاني صراحه ما اقدر استغني عن رأيك ورأيك يهمني مره وحتى كمان انتا اول واحد اقوله على الموضوع
مازن حس انه ناصر يهمه الموضوع مره:طيب انتا منشن على احد ولا بس تبا تخطب والسلام؟
ناصر:الا
مازن:الا ايش؟
ناصر:امممم منشن
مازن:ههههههههههههه يا واد والله وطلعت خطير منشن وحركاات
ناصر:ماااازن لاتتريق
مازن:طيب بنت مين؟
ناصر:اخت امجد وخالد؟
مازن:مييين؟
ناصر:اخت امجد وخالد...صحبت رهف يعني..
مازن انصدم انصعق مافي اي كلمه في العالم ممكن توصف شعوره...مازن في نفسه..منـــــــــــى..منى حبي الوحيد..منى املي في الحياه .منى حبي العذري..منى حبي الاول والاخير...تروح تضعي مني منى تكون لغيري مستحييييييييييييييييييل مستحييييييييييل....
ناصر استغرب سكوت عمه واستغرب شكله المنصدم:عمي اشفيك خالد وامجد الي رحنا لهم المزرعه داك اليوم
مازن يرجع للواقع ويحس الدموع تتجمع في عينه..يحاول انه يتماسك ويسيطر على نفسه..قال...
مازن وهوا يرخي راسه:وفين شفتها هادي؟
ناصر وهوا يبتسم ويتذكر داك اليوم:يوم مارحنا لهم المزرعه وضعت عن رامي وباسم شفتها ملاااااااااك يامازن ملاااااااك ولا اقولك غزال ايش اقولك عنها تجنن يامازن وربي تجنن سحرتني من داك اليوم وقررت انها تكون ليا
مازن والي يحس انه كلام ناصر زي السكاكين تطعن في قلبه:طيب الله يوفقك بس ماتعتقد انها مخطوبه ولاشي
ناصر بتفكير:اممم ما اعتقد لاني سألت امجد بطريقه غير مباشره وعرفت انه ماعنده اخوات مخطوبين او متزوجين غير وحده وهادي كبيره والي شفتها انا صغيره
مازن حس نفسه شويه ويموت:طيب يلا ناصر نتفاهم بعدين انا ورايه شغل
ناصر:طيب ماقولتلي رأيك؟؟!!
مازن بحرقة قلب:قلتلك الله يوفقك ونتفاااهم بعدين
ناصر وهوا يوقف ويبوس راس مازن:الله لا يحرمني منك
مازن وهوا يبتسم غصبً عنه:ولامنك
ويروح ناصر..ويقعد مازن في دوااامه من الاحزااان..يرخي راسه على المكتب والدموع تخرج من عينه لا شعورياً خلاص يامازن..خلاص انحكم عليك بالموت..راحت قلبك وحياتك راحت منك الانسانه الي طول عمرك اتمنيتها لك آآآه بس آآآه انتي يامنى السبب انتي السبب طول عمري كنت اتمنى انج تحبيني او تقبلي في حبي عشان ايي واخطبج بس انتي وقفتي كل شي بيننا وهدمتيه كان لازم تعرف يامازن كان لازم اعرف انه من داك اليوم الي رفضت فيه حبي وانا اعطيتها الورده انه الي بيننا مستحيل يتم على سعاده او خير..آآآآآآآآآآآه يا مازن آآآآآه ياقلبي..آآه ياحبي الوحيد..مت قبل لا اتهنا فيك يوم..
وفي هالوقت رهف كانت جالسه بالبيت تستنى وصول مازن على النار عشان تقوله انه منى تحبه وراح تقبله لو اتقدم لها..وبعد ساعتين على الساعه 2.00الظهر رجع مازن للبيت وكل هموم الدنيا على راسه..دخل البيت وشاف رهف..من يوم ما شافها شاف في وجهها صورت منى شاف في عيونها اسم منى شاف كل شي فيها منى..ورخا راسه ومشي من قدامها بسرعه وراح لغرفتها وقفل الباب بقوووووه كبيره...خلت البيت كله يسمع صوت هالقفله..
رهف انفجعت..انصدمت..نظرات اخوها لها كانت كلها حزن وكره واحتقار ومشاعر واحاسيس ملخطبه ماقدرت تفهمها...وصوت قفلة الباب خلتها ترتجف من الخوف...خافت لايكون في اخوها شي ماعمره عاملها كدا وماعمره اتجاهلها كدا..وراحت تجري على غرفته ودقت الباب..
رهف:مازن مازن فك الباب لو سمحت
مازن:روووحي يا رهف روووووحي وبعدي عني انتي وربيعتج انتي ودنيتج رووووووووووحي رووووووووووووحي
رهف ما استوعبت الي قاله وحست انه الموضوع له علاقه بمنى واستغربت اكثر وقالت:مااااااازن اسمعني وفك الباب عندي لك خبرر وايد حلووو فك الباب مززون فك حبيبي
ابو مازن:رهف يابنتي ايش صار ومن فين جا هالصوت العالي؟؟
رهف وهيا ماتبا ابوها يعرف عشان لايخاف على ولده:ماصار شي يوبه روح ريح انتا ودحين نيي انا ومازن عسب نتغدا معاك انتا ويمه
ام مازن:طيب بس لاتتاخري
رهف:ان شاء الله...وراح ابومازن..
رهف بصوت واطي:مااازن افتح الباب الله يخليك لاتخلي اامايه ولا يوبه يحسو انه فيك شي..وتتفاجئ رهف بأنه مازن فتح الباب..ولمن شافت شكله استغربت مرره مازن كان شكله مرره حزين وكأنه عمره خمسين سنه مو 26 سنه..
رهف بخوف وقلق:مازن حبيبي شو فيك؟
مازن:مافيا شي ايش تبي؟
رهف وهيا تدخل الغرفه وتقفل الباب عشان امها ولا ابوها لايسمعو صوتهم:انا سويت شي غلط؟؟
مازن:......
رهف:الله يخليك قولي انا سويت شي غلط؟
مازن وهوا يجلس على كرسي المكتب:...لاء بس
رهف:بس شووو؟؟؟
مازن وهوا يتنهد:آآآآآه يارهف آآه الدنيا ظلمتني وماخلتني اتهنا يوم في حياتي
رهف وهيا تحط يدها على كتفه:طيب قولي ايش سوت فيك هالدنيا الظالمه وانا اوريك فيها؟؟
مازن وهوا يبتسم ابتسامة استهزاء:هه تصدقي انه نــاصــر ناصر ولد اخويه يبي يخطب حبيبتي تخيلي
رهف مافهمت الي قاله:شنو؟
مازن:آآآآآه بس آآآه ناصر يارهف ناصر بعد ماتعرفينه ناصر ولد اخوج ناصر يبي يتزوج منى
رهف بصدمه:منو قالك هالرمس الماصخ؟
مازن:اهو بنفس اهوو يارهف اهووو..ويحط راسه بين يده وتنزل دموعه من القهر..
رهف ماقدرت تستحمل تشوف اخوها بي هالحاله فقالت له:بس يامازن منى تباك انت ماتبا ناصر
مازن وهوا يتنهد:هييييييييه لا انا ولا ناصر ولا اللف واحد بالكون منو قالج انها تبيني كاني قدامها من سنين ودوم ترفضني وترفض حبي كيف تبينها تباني
رهف:انا كلمتها اليوم وقالت لي انها تحبك وبترضا فيك لو اتقدمت لها
مازن بفرح مخلوط بحزن:منى منى تباني انا منى تحبني انا لالالا ما اصدق
رهف ودموعها تنزل من عيونها على وضع اخوها:هيه تحبك انتا هي قالتلي
مازن بعدم تصديق:بس بس ماقد قالتلي
رهف وهيا تبتسم في وسط دموعها:اسميك ماتعرف منى منى من النوع الخجول ومستحيل تقولك انها تحبك
مازن والي فقد فرحته واتحولت لحزن اكثر من الاول:حتى ولوووو تبيني خلااااااااص فات الفوت ماصار ينفع الصوووت ناصر يبيها وانا مستحيل اخذ انسانه يبيها ولد اخوي مستحيل حتى لو اهي رفضته...وتنزل دموع مازن بكثره..
رهف حست نفسها بتموت ماتقدر تشوف دموع اخوها:مازن بس مازن خلااص انتا ريال لاتسوي في نفسك شذي
مازن:روحي يارهف رووحي وسيبيني انتي كلج منى انتي اصلج منى انا دوم اشوف فيج منى اشوف خيالها اشوف صورتها اشوف صوتها كلامها كل شي فيج يدل على منى رووووحي عني الله يخليج كفاااايه عذاااب كفايه


يتبع ,,,,,
👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -