بارت جديد

رواية قلوب عميقة -27


رواية قلوب عميقة -27

رواية قلوب عميقة -27

رهف خرجت من الغرفه تبكي...وراحت لغرفتها..رهف في غرفتها شافت جوالها يدق بأسم نصوور...حست رهف بقهر العالم كله حرااام بعد ماقدرت اجمع بين قلب مازن ومنى يجي احد ويخرب الوضع لالا حراام والله حرااام..وفجئه ينقطع صوت رن الجوال..وتشهق رهف..وتقول في نفسها ناصر ناصر هوا مربط الموضوع لازم اكلمه واعرف شو حكايته...واتصلت رهف عليه..
رهف:الووو نصور
ناصر:هلا ولله .. مرحبا مليون ولا يسدن وان زادن لا باس
رهف:ناصر تعالي البيت دحي
ناصر:ليه خير عسى ماشر صار شي؟؟
رهف:تعاااال دحيــن وبدون كلام...وقفلت الخط بوجهه...
طق طق..
ام مازن:رهف يابنتي شو في شو صار؟
رهف وهيا تمسح دموعها وتقوم تفك لأمها الباب:هلا يمه
ام مازن:شو يابنتي مو قلتي لأبوج انج لاحقته عسب نتغدا رباعه وينج ليه مايتي ولا يا اخوج؟؟
رهف الي مو عارفه ايش تقول:ها لا بس مازن يقول اتغدا مع ربيعه وانا مالي نفس صراحه السموحه الغاليه
ام مازن بقلق:زيغتوني صراحه احسب صار مبينكم شي
رهف وهيا تبوس راس امها:لا ماشي شي صاير يالغاليه بس انتي هدي ولا توترين اعصابج شذي
ام مازن:ان شاء الله يالله عن اذنج بروح اتغدا ابوج يترياني
رهف والي حنت على امها وماحبت انها تحس انه فيه شي:خلاص بيي معاج
ام مازن وهيا تبتسم:طيب يالله
وبعد ما اتغدت رهف هيا وامها وابوها جا ناصر..
ناصر:سلااااااام يا اهل البيت
رهف والي كانت جالسه بالصاله مع ابوها:ناصر تعال انا هنيه بالصاله
ناصر:سلام عليكم
رهف:وعليكم السلام
ابو مازن:هلا بولدي هلا
ناصر وهوا يسلم على راس جده:هلا كيفك ياجدو؟
ابو مازن:بخير ياولدي انت كيفك وكيف ابوك وليه ماجا معاك؟
ناصر:اوف اوف كل دا
ابو مازن:ايش كل دا؟
ناصر:كل دي اسأله
رهف:استحي على وجهك وانتا تكلم جدك
ناصر:طيب طيب اسفين اولاً انا بخير والوالد كمان..وماجا معايه لانه مشغوله
ابو مازن:طيب طيب اكلتني الله يهديك احد يكلم جده كدا
ناصر وهوا يبوس راس جده:السمووحه ياالغالي
ابومازن وهوا يقوم يوقف:حصل خير ويالله عن اذنكم انا بروح ارتاح لي شويه
ناصر:اذنك معك
وراح ابو مازن يرتاح في غرفته وبقيت رهف مع ناصر لوحدها..
ناصر وهوا يلتفت لرهف:خير رهف خوفتيني صار شي
رهف وهيا تجره من يده:تعال معايا؟
ناصر:على فين؟
رهف وهيا تدخله غرفتها وتقفل الباب وتجلس على السرير:تعال ايلس عدالي
ناصر وهوا يجلس:هاااا ايش صاار ليه كل دا؟
رهف:قولي انتا تبي تخطب منى صحبتي؟
ناصر:ايوه ايش عرفك؟
رهف:وين شفتها؟
ناصر:يوم كنا بالمزرعه عندهم
رهف:وين شفتها بالظبط ومتى؟؟
ناصر:يووه ليه هوا تحقيق؟
رهف بعصبيه:ارمسني عدل ياناصر الله يخليك
ناصر:طيب شفتها اول مارحنا المزرعه..كنا انا وباسم ورامي ماشيين وبعدين ضعت عنهم وشفتها كانت واقفه تدور شي..وسحرتني بجمالها وقررت اخطبها لانها ناسبتني ويكفي انها صحبتك يعني اكيد انه اخلاقها طيبه
رهف:اوصفلي شكلها
ناصر:ليه؟
رهف:انت بس اوصفلي وخلاص؟
ناصر:والله انا ماشفتها كثير كلها ثانيه بس ثبتت ببالي هالثانيه كانت طوويله شوي وحلوووووووه وشعرهااا وااايد طووووويل وووبيضه وعيونها تعق الطير من السما ووووو ما اذكر والله اكثر من كدا دا الي لمحته
رهف والي ارتخت ملامحها وحست بالراحه قالت:طيب وكيف عرفت انها ربيعتي؟؟؟
ناصر:ههههههههههه الذكاء
رهف:كيف يعني فهمني؟؟
ناصر:لاحظت انها تشبه امجد وخالد اخوان صحبتج يعني هيا صحبتج كاكا شفتي الذكاء
رهف والي نفسها تضحك على الموقف السخيف:لا والله شفت الغبااااااااء ههههههههههههههههههههههههه هههههههههههااااي
ناصر:وي اي غباء يالذكيه انتي؟
رهف:يعني انتا ماشفت ربيعتي شفت اخت رربيعتي
ناصر بقلة صبر:طيب مافرقت المهم هالبنت الي اباها وبس
رهف:ههههههههههههه طيب روح فهم مازن هالسالفه
ناصر بإستغراب:ليه وايش دخل مازن بالموضوع؟
رهف:لانه ماااززن سلمك الله كان ناوي يخطب ربيعتي ويوم عرف انك تبيها حزن وزعل وقلب الدنيا على راسنا رووح فهمه الله يخليك
ناصر بإستغراب:بالله مازن يبا يخطب وااااااااااااو حدث الموسم
رهف:الاول روح فهمه السالفه عقب يخطب ولا اذا مافهمته لا خطوبه ولاغيره
ناصر وهوا يروح:ان شاء الله...وراح ناصر لغرفة مازن ودق الباب...
مازن:مييين؟
ناصر:اانا
مازن وهوا يفتح الباب:مين انتا؟
ناصر وهوا يبتسم:تترااااا انا ناصر
مازن والي اعتفست ملامحه:نصور خير ايش تبا؟
ناصر اتقطع قلبه على شكل عمه والي كان باين عليه الحزن والهم قال:ممكن اكلمك شويه؟؟
مازن بضيق:ما ابا ارمس احد معليه عن اذنك تعبان...وجا يسك الباب الا ناصر يحط يده على الباب ومايخليه..
ناصر بأصرار:قلت ابغا اكلمك
مازن بعصبيه:وانا قلت ما ابا اتكلم مع احد ماتفهم
ناصر بأصرار:ايوه ما افهم لو سمحت خلي عنك البياخه وخليني ادخل اكلمك
مازن بعصبيه وبدا يرفع صوته:نااااااصر قلتلك بعد عني ما ابا اشوف احد ما ابا ارمس احد ماتفهم ياخي
ناصر بأصرار اكبر:ايوه ما افهم ايش تبغا تسوي تبغا تضربني تعال اضربني
مازن انقهر من استفزاز ناصر ومسكه من ثوبه وسنده على الجدار بقووه..
مازن والي يبغا يندر كل حرته في ناصر:قلتلك سيبني في حالي ماتفهم
ناصر برغم انه اتعور ابتسم وقال:ايوه ما افهم
وجات رهف وشافت المنظر مازن ماسك في ناصر ويبغا يضربه وناصر يبتسم ولا كأنه صاير شي..
رهف:مازن لالا الله يخليك شنو تسوي حرام عليك سيبه في حاله..
مازن والي حاول يهدي نفسه ساب ناصر وقله بقهر:مره تانيه لمن اقول كلمه تسمعها فاهم ولالا؟..ودخل غرفته وقفل الباب بكل قوته..وعلى هالصوت والصراخ جات ام مازن...
ام مازن:شو صار؟
ناصر وهوا يعدل نفسه وثوبه:ماصار شي
ام مازن:هلا ناصر شحالك ياولدي؟
ناصر وهوا يبوس راس جدته:بخير يا يمه انتي شحالج؟
ام مازن:بخير...وتجي الخدامه حقتهم..
ماري:مدام هادا ماما لطيفه في تلفون يبا انتا
ام مازن:طيب ياولدي بروح اكلم التلفون واييكم عقب ما اخلص
ناصر:خدي راحتج..وراحت ام مازن وبقيت رهف مع ناصر..
رهف:شو صار ليه سوا شذي مازن؟
ناصر:انا ادري عنه اسأليه انا كنت ابغا اتكلم معاه وهوا مو راضي قام ندر حرته فيا
رهف:طيب خلاص انتا سيبه دحين الين مايهدى عقب تعال ارمسه
ناصر وهوا يرفع صوته عشان يسمعه مازن:ماااااني متحرك من هالبيت الا لمن اكلمه مو على كيفه هوا...ويتفاجئو رهف وناصر بباب مازن ينفتح ويخرج منه مااازن وينط على ناصر ويطيحه بالارض ويضربه...
رهف بصراخ:مااااازن لاااا الله يخليك
مازن وهوا فوق ناصر:ياالكلب لمن تقدر عمك تعال كلمني
ناصر:انتا اسمعنى اول
مازن:ماابغا اسمعك
رهف وهيا تمسك يدين مازن:مازن ورفقة بو خليفه سيبه
مازن وهوا يهدي نفسه شويه:ما ابغا اشوفك في هالبيت مره تانيه تسمع ولالا
ناصر بأصرار اكبر واكبر برغم انه اتبهدل:عادي اسمع بس مارح انفذ
مازن وهوا يبغا يضربه كمان..تمسكه رهف وتقوله..
رهف:ماااازن خلاص الله يخليك خلاص
مازن يقوم يوقف ويقول:شوف ياناصر مدام انا على وجه الارض مابتاخدها مني انتا فاهمني
ناصر بفرح لانه مازن فتح الموضوع:اصلاً ما ابغاها
مازن انصدم وانهدشت ملامحه بعدين رجعت زي اول واخس:مييييين تحسب نفسك يالخايس عشان ماتبغاها وربي تسواك وتسوى عشره زيك
رهف بصوت عالي عشان يسمعها مازن:خلاص يامازن اسمعني ناصر يبغا رندا اخت منى مايبغا منى هوا وصفلي شكل الي يبغاها وطلعت رندا وربي ورب المصحف انه يبغا رندا مو منـــــــــــى
مازن انصدم اندهش حس كأنه صاعقه نزلت عليه وقال في نفسه دحين سويت كل دا في ناصر المسكين ويطلع يبغا اخت منى مو منى يعني حتى لو يبغا منى مايحق لي اني اضربه كدا ماله ذنب وبعدين انا مو اسلوبي اني اضرب احد او اكون شراني بس وربي ما اقدر اذا الموضوع يخص منى ما اقدر اتحكم في نفسي..بس هوا ماكان يعرف اني اباها مايعرف انها حبي اكييد مايعرف شي ولا منى اصلها ماتعرف ولا كل هالعالم يعرف انا قد ايش احب منى آآآه ياربي وقعت نفسي وبهدلت الولد بدون سبب..وكل دا من تسرعي البايخ...
ناصر حس انه مازن متلوم في الي سواه قام وقف ومسك كتف مازن وقاله:انسى الي صار وانا بكره بروح معاك اخطبها لك ايش تبغا اكتر من كدا
مازن ابتسم ابتسامه سعاده يخطبها اخيرا يخطبها المنى اخيرا بتكون له لوحدها اخيرا منايا بتكون ليا اخييييييرا...وحضن ناصر واتأسف منه وناصر طبعا قل الاعتذار لانه قلبه ابيض ومايشيل على احد وخصوصاً عمه وحبيب قلبه مازن الي اقرب له من نفسه..
ناصر وهوا يمسح شوية دم طلع من فمه:بس بشرط؟
رهف تعطيه منديل:شرط شو؟
ناصر وهوا يبتسم:بعد شهر من خطبة مازن تخطبولي اختها
مازن:ههههههههه فالك طيب ماطالبت ياولد عبدالرزاق
ناصر:تسلملي يا احلى عم بالدنياااااااا
وفي بيت ابو خالد..
كان امجد جالس في غررفته يكلم واحد...
امجد:ارجووك الحاله طارئه وماتستحمل
......:كم المده الي بتغيبها؟
امجد:شهر او اكثر مدري والله
......:خلاص طيب انا حدبر لك الموضوع بس حاول مايكون الموضوع اكثر من شهر
امجد:ان شاء الله ومشكوور ماتقصر
......:العفووو ولاتنسى تجيني على المكتب عشان نظبط الامور اكتر من كدا
امجد:ان شاء الله
......:يالله مع السلامه
امجد:مع السلامه...وقفل امجد من هالمكالمه وهوا يحس انه نص الحمل الي كان شايله راح..الباقي انه يخبر اهله..ويخبر لمـــى وساعتها يكون ارتاااااااح...
امجد رراح وقف عند المكتب وشاف كاسيت ماشاف ايش هوا على طول اخده وحطه بالاستريو..وراح انسدح على سريره وحط يدينه ورا راسه وقعد يفكر ويسمع اغنيته المفضله الي طلعت له بالصدفه..اغنية سؤال لمحمد المازم..
الزمان يفرض سؤال كل اجابته محال..السعاده شي واضح ولا من وحي الخيال..
الزمان يفرض سؤال كل اجابته محال..السعاده شي واضح ولا من وحي الخيال..
في بدايات الامور تبني احلامك قصور..ولما تتعمق تضيع وتبقى على نفسك تدور...((امجد لمن سمع هالمقطع قال:هيييييييييييه بجد تضيع وتبقى على نفسك تدووووور))
الزمان يفرض سؤال كل اجابته محال..السعاده شي واضح ولا من وحي الخيال..
كلنا محدً سلم..من تعاسه او الم..بس منهو الي فينا من وسط قلبه ابتسم...
الزمان يفرض سؤال كل اجابته محال..السعاده شي واضح ولا من وحي الخيال..
انااا مو قصدي التشاؤم ولا بجراحي اساهم..انا من قلبي احاول القا بس انسان فاااااهم..
انااا مو قصدي التشاؤم ولا بجراحي اساهم..انا من قلبي احاول القا بس انسان فاااااهم..
امجد في نفسه...آآآه يا امجد وقعت وقعه الله لا يوقع فيها انسان..بعد مابينت احلامك ووقفت على رجلك جاتك موجه وهدمت الي بينته وبعد ماوقفت على رجلك تاني جات موجه اكبر واعظم وهدمت حياتك كلهااا..آآآآآآآآه ياقلبي آآه..وفجئه سمع صوت الجوال يدق بأسم..احلى نظره..<<<امجد مسمي لمى بي هالاسم لانه نظراتها تعجبه مررره..
امجد بصوت باين عليه التعب:هلا لمووو
لمى:امجـــد
امجد:عيونه خير ايش بك؟
لمى:امجد فيك شي قولي ليه صوتك كدا متغير؟؟؟
امجد والي خاف انه لمى تحس ولاتعرف:لا لا مافيني شي
لمى بخوووف كبير:طيب ايش به صوتك كدا متغير؟
امجد وهوا يحاول يعدل صوته:احم احم ايش فيه صوتي مافيه شي والله
لمى:امجد الله يخليك قولي تعبان فيك شي يعورك
امجد:لا يالمى مافيا شي غير مجرد ارهاق بس
لمى.......
امجد وهوا يحاول يغير الموضوع:طيب انتي كيفك وشو اخبارك؟
لمى:بخير دامك بخير
امجد:دووووم مو يوووووم
لمى:ههههههههههه ودا اللي تقول انك ماتحب ولاتطيق النت والله شكلك مدمن نت مو بس تحبه
امجد:هههههههههههههههههه يعيني ايام وايااام
لمى:كيفك انتا دحين؟
امجد:تمامووو بشوفتك ههههههه
لمى:ههههههههه
لمى........
امجد......
لمى:امجد
امجد:هلا
لمى:حاسه في شي تبا تقولي هوا بس متردد
امجد بإرتباك:ها..لا مين قال؟
لمى:والله حرام عليك لو فيك شي قولي بليييز
امجد شاف انه الوقت مناسب عشان يقولها:لمى
لمى بخوف:امر
امجد بجديه:اسمعيني يالمى وافهمي كلامي مظبوط الله يخليكي
لمى بخوف اكبر واكبر:امجد لا تكلمني كدا والله انك تخوفني اتكلم عادي ارجووك
امجد بحزن:لمى انا حسافر
لمى بشهقه:لييييييه؟وفين تبا تروح؟
امجد وهوا يحاول يحول الكلام للمزح:ههههههه بشويش طيب اممم انا حسافر لامريكا
لمى:وليه يعني امريكا وايش بتسوي فيها؟؟
امجد الي مو عارفه ايش يقولها:لمى ارجوكي لاتكتري اسأله انا حسافر بس لمدة شهر او اقل بس عشان اغير جو لاتكبري الموضوع
لمى:شهرررررر ولا اسأل امجد ممكن تفهمني ايش الموضوع والله مو فاهمه شي
امجد:قلتلك يالمى حسافر لامريكا لاني اتفقت مع رامي اول لمن تفتكري لمن اتسابقنا اني لو فزت عليه اروح امريكا على حسابه وخلاص قررت اسافر بعد اسبوع
لمى............
امجد:لمى بليز لاتزعلي بس والله مافي شي بس تغيير جو لا اكثر ماتبيني اغير جو وانبسط يعني
لمى:اللي يغيرو جو ياخد اسبوع اسبوعين مو شهررررر
امجد.........
لمى بقلة حيله:طيب والجامعه؟؟
امجد:اممم انا اتصرفت
لمى:كيف يعني اتصرفت؟
امجد:ياربييييي يالمى حرام عليكي تحقيق هوا ولا ايش بلييز لاتحسسيني بالذنب كلها شهر وبعدين احسن لك بترتاحي من وجهي شهررر المفروض تنبسطي يالدوبه<<<امجد قال هالكلام بمزح ولمى اخذته بحساسيه وزعلت..
لمى:اهااااااااا ارتاح من وجهك وانبسط اوكي اوكي مشكووووووور وماقصرت والله يا امجد باااي...وقفلت الخط بوجهه..
امجد وهوا يطالع في الجوال:ايش بها هادي ليه زعلت؟
لمى في الجهه التانيه رمت نفسها على سريرها وقعدت تبكي...خايفه على امجد وقلبها يعورها تحس فيه شي بس مو راضي يقولها..تحس انه طعنها وتحس انه مايقدر حبها..تحس وتحس...وقعدت تحوس بين دموعها ودموعها تحوس فيها...
اليوم الي بعده في الصبح..
ام خالد:حياكم الله اتفضلووو بعد المغرب
ام مازن:مشكوره ياوخيتي..وخلاص ان شاء الله بعد المغرب احنا عندكم
ام خالد:الله يحيكم
ام مازن:يلا نشوفج على خير مع السلامه
ام خالد:على خير ان شاء الله..الله معاكي
رهف والي بتموت من الفضول:ها يمه بشري؟
ام مازن والفرحه مو سايعتها:هيه انشاء الله اليوم بنروح لهم
رهف بفرح:يااااااااي واخيررراً منى بتصير لمازن وتعيش معايا في هالبيت وااااو وااااو
ام مازن:يابنتي اعقلي
رهف:مب قادره مب قادره بموت من الفرح
ام مازن:بسم الله عليج حبيبتي لاتفاولين على نفسج
رهف وهيا تتذكر حاجه وتقوم تنط من محلها:مززززززون مزووووووووون
مازن وهوا يفتح باب غرفته وماهو داري عن الي سووه امه ورهف بدون علمه:خيررر شو صار؟؟؟
رهف:اليووووووووووووم
مازن:ايش اليوم؟؟؟
رهف بفرح:اليووووووم بنرووووح نخطب لك
مازن اعتفست ملامحه وقال بعصبيه:ايــش؟؟؟
رهف بإستغراب:هيه بنروح نخطب لك شنو فيك؟
مازن بصعبيه:منو سمح لكم تتصرفو على كيفكم انتي ماتدري اني مابخذ غير منى بأي حق تروحو تخطبو لي وانا مابا غير منى
رهف:ههههههههههههههههههههه ههههااااي
مازن بإستغراب:ليه تضحكي؟
رهف:اونه يعني بنروح نخطب لك غير منى يالذكي
مازن:ايش عدلي رمستج مب فاهم؟
رهف:بنروووووووووح نخطب لك منـــــى
مازن انصدم وماصدق نفسه...منى بيخطبولي..منى بي هالسرعه امس كنت ابكي لانها ضاعت مني واليوم بتكون لي..معقووله معقوووله الايام تلعب فيا كدا..
رهف بصوت عالي:مااااااااااااااازن
مازن بفجعه:اوووف زيغتيني بالدبه
رهف:دبه اوكي مب رايحه اخطب لك وروح اخطب حق روحك شنو بعد دا يزاتي اني معبله على عمري وقاعد اخطط لك وفرحانه عشانك
مازن:لالالا الله يخليج امزح معاج انا
رهف......
مازن:بليز رهوف شنو تزعلي من اخوج حبيبج
رهف بغرور:منت حبيبي
مازن:غصب عنج حبيبج اصلاً
رهف:ههههههههههههههه ياربي على الواثق
مازن بفرح:طيب متى بنروح؟
رهف:اليوم بعد المغرب
مازن:والله عيل سيبيني بروح اعدل في نفسي
رهف:هههههههه اوكي برايك
وبعد المغــــــرب......في بيت ابو خالد....
رهف:وين منى ياخاله؟
ام خالد:فوق بغرفتها ماتدري انكم جيين عندنا اليوم روحي اطلعيلها
رهف وهيا تقوم تبا تروح لغرفة منى لانها متعوده على بيت ابو خالد وتعرف الطريق فيه:طيب عن اذنكم بروح لها
ام خالد:اذنك معاكي حبيبتي..وطلعت رهف من الصالون..وراحت للصاله عشان تطلع لغرفة منى بالدور الثاني وهيا رايحه لمحت واحد واقف عندنا الباب شكله ينتظر احد...طالعت في ملامحه لقت انه مـــــاجد...
رهف وهيا تشهق:ماجد
ماجد كان راخي راسه ويطالع في الارض بسرحان وحس انه في احد واقف قدامه يطالع فيه رفع نظره وانصدم من الي شافه...
ماجد:رهف
رهف ماقدرت تستحمل الموقف وطلعت تجري على فووق...
ماجد وقف محله مبهت هادي المره التانيه الي يشوف فيها رهف بدون اي شي يسترها..كانت رهف متشيكه اخر شياكه بما انها جيه تخطب لأخوها..وكانت لابسه تنوره سودا جلد قصيره شويه..وبلوزه حمرا رهيبــه..ورافعه شعرها على فوق ببكله سودا فيها شوية ورود حمرا صغيره ومنزله شوية خصلات منه وعامله حركات حلوه فيه..ولابسه صندل احمر..وشنطه سودا صغيره تناسب ملابسها..وحاطه عطر مرره ريحته فايحه وتجنن وتخلي اي واحد يشمه يحس بالروعه والجمال..فشكلها كان بغاية الجمال والرقه والنعومه..وكان ماجد حيتجنن لمن شافها بي هالشكل..ومسك قلبه عشان لايصير فيه شي...وفي لحظات او دقايق او ساعات اتخلبط الزمن عند ماجد وصار مايعرف هوا فين هوا على الارض ولا في السما..هوا حي ولا ميت هوا يشوف ولا انعمى..انسحر...اتجنن خلاص ماهو قادر يستوعب الي صار..شاف رهف نظر عينه بعد عذاااب وغياااب سنتين شافها للمره التانيه..جمعتهم الصدفه والاقدار للمره التااانيه..وفي نفس البيت..آآآه يالدنيا وآآه يالاقدار تفرقي في ايام وتجمعي في يوم..وبعد ثانيه حس بيد على كتفه..
خالد وهوا يبتسم:سوري اتأخرت عليك
ماجد واللي لسه مافاق:ها ايش
خالد:ههههههههه ايش بك يا واد ايش صار فيك؟
ماجد واللي حس على نفسه:ها لاولاشي
خالد:طيب المهم معليه محا اقدر اروح معاك اليوم عندنا ضيوف
ماجد:مين هالضيوف مو قبل شويه كلمتني قلتلي تعال؟
خالد وهوا مبتسم:مازن وابوه وقرايبه
ماجد انحرج مره لمن قال اسم مازن وقرر يروح لبيته لانه مايبغا يشوف مازن بعد اللي صار بينه وبين اخته وبعد ما اكتشف انه اللي يحبها هيا اخته وما يبغا يحس انه يخون صاحبه..
خالد:ماجد يالله تعال امشي معايا سلم على الرجال
ماجد:لاء ما ابا
خالد:لييه؟
ماجد:بس كدا
خالد:بلا بياخه تعال سلم على مازن كم مره سألني عليك الرجال
ماجد بدهشه:بالله سألك عني!!
خالد:ايه والله ويالله امشي معايا بدون فلسفه..وجر خالد ماجد معاه للمجلس ودخل وسلم على الرجال...
وفي مجلس الحريم بعد ماطلعت رهف كلمت ام مازن ام خالد وقالتلها على الموضوع وام خالد فرحت ورحبت بالموضوع لانه مازن واهله ناس طيبين ومعروفين بأخلاقهم واصلهم..وقالتلها انها تستشير ابو خالد ومنى وترد لهم خبر..
وفي غرفة منى...منى اتفاجئت بدخول رهف عليها وهيا تبكي...
منى:بسم الله الرحمن الرحيم من فين طلعتي انتي
رهف بفرح مدموج بعد تصديق:منى شفته يامنى وربي شفته بخير مافيه شي يامنى ماااااااافيه شي
منى بإستغراب وعدم إستيعاب:شو تتكلمي عن مين انتي؟
رهف:ماااجد شفته عندكم تحت
منى:باللـــه
رهف:ايوه الحمدلله طلع بخير ياربي الحمدلله ماصار فيه شي
منى وهيا تقعد جمب رهف:على العموم هلا وغلا نورتي البيت من زمان ماجيتينا
رهف وهيا تمسح دموعها وتبتسم:ههههههههههههه ايه صح نسيت اسلم عليج
منى وهيا تسلم على رهف:هههههههه لاعادي كيفك؟
رهف:بخيرر الحمدلله انتي شحالج؟
منى: تمام الا ايش الي جايبك بيتنا فجئه ما اتصلتي عليا ولاخبرتيني ولاشي غريبه مو بالعاده
رهف:وي يعني ماتبيني ايي؟
منى:لا والله مو القصد بس يعني استغربت مو عادتك
رهف:هههههههههههههه لا اليوم مو لازم اقولج اليوم سبشــل
منى:هههههههه شو الاسبشل في اليوم؟
رهف:اليوم خطبنا لأخويه مازن
منى انصدمت وانصعقت كل ملامحها واختفت الابتسامه الي كانت على وجهها وقالت:ايش؟
رهف:ايه والله
منى وهيا تحاول تخلي نفسها عادي:ومين خطبتو له؟؟
رهف وهيا تبا تلعب في اعصاب منى:اممم خطبنا له بنت يارتنا الي حكيتج عنها مره غاده تذكريها؟؟
منى:اها ايه اتذكرتها بالمبارك والله
رهف:الله يبارك في عمرج
منى........
رهف:اممم ليه ماتقومي تغيري ملابسج وتنزلي تسلمي على امي تراها تحت
منى:والله
رهف:ايه والله
منى:طيب عن اذنج انتي انزلي اسبقيني وانا اللحقك
رهف وهيا تحاول تكتم ضحكتها على شكل منى الي انقلب 180 درجه:طيب يلا بسرعه لاتتأخري...ونزلت رهف..وقعدت منى تغير ملابسها وتبكي..تنزل دموعها لاشعورياً وهيا تمسحها..تقول لنفسها..يالهبله افرحي له..ليه تبكي يامنى لاتبكي لاتبكي اتمني له السعاده افرحي له يامنى افرحي له..وقعدت تبكي من قلبها وماهي قادره توقف بكاها..وفجئه سمعت خطوات احد يمشي قريب من الغرفه..مسحت دموعها بسرعه ووقفت قدام المرايا تحط شوية كحل وروج...وتحاول تعدل من شكلها عشان لا احد ينتبه انها كانت تبكي..
رندا وهيا تفك الباب:بنت ليا ساعه ادق الباب ليه ماتفتحي؟
منى:ها ما انتبهت
رندا:طيب يلا انزلي تحت سلمي على الناس من اول ماما تزهمك
منى:طيب يلا...ونزلو منى ورندا وسلمت منى على ام مازن ..وقعدت جمب رهف..رهف لاحظت من عيون منى انها كانت بتبكي واتندمت على الحركه اللي سوتها بس قالت في نفسها خلاص مافي وقت لتراجع خليها تسمع الموضوع من اهلها احسن واحلى..وسكتت وحاولت تناقش منى في مواضيع تانيه عشان تشغلها...وام مازن اكلت منى بنظراتها..كانت منى زايده حلاتها اليوم..كانت لابسه تنوره سودا شانيل وبلوزه بيضه من جهه فيها كم طويل ومن الجهه التانيه مافيها كم ومطرزه من الوسط بخرز اسود على شكل ورده صغيره ناعمه وحلوه وتركت شعرها مفرود اللي يوصل لنص ظهرها وحطت شوية كحل مبين كبر عيونها وروج مبين لون بشرتها الفاتحه وعطر هادئ ونااعم يبين ذوقها الهادئ والناعم في كل شي...وبأختصاار كان شكلها بسيط وحلو وناااعــم كالعاده..
وفي مجلس الرجال كان فيه ابو مازن وعبد الرزاق((ابو باسم))وباسم وناصر وخالد وامجد وماجد......
ماجد قعد جمب مازن الي انبسط مرره لمن شافه ولا كأنه عرف شي ولا يدري عن حاجه ولا كأن الحكايه اللي عرفها اثرت فيه اصلاً..
مازن:هلااا مجود هلا وغلا كيفك ياخي وفينك اختفيت؟
ماجد:هلا فيك..بخير الحمدلله..وانا ما اختفيت والله انتا الي ماتسأل عني
مازن:افا بس والله اني دايما اتصل عليك واسأل بس انتا ماترد
ماجد:والله كنت مشغوله الفتره الاخيره بالجامعه لاني خلاص رجعت اداوم تاني
مازن:اهااا
ماجد:وايش عندك اليوم متكشخ وحركات
مازن:دحين تعرف
وفجئه قال ابو مازن:والله يا ابو خالد احنا جيين نخطب بنتك لولدنا مازن
ابو خالد:هادي الساعه المباركه والله
ابو مازن:وهادا مازن قدامك ولدك وتعرفه يشتغل موظف ببنك وراتبه طيب ورجال وان شاء الله ربي يقدره ويتحمل المسؤليه
مازن:وانا حاضر ياعمي بلي تطلبوه وانا عندي ارض حبنيها ان شاء الله واسوييلي فله عليها وأي شي تبو تعرفوه عني انا حاضر وجاهز
ابوخالد:والنعم فيك يا ابو عبدالرزاق ـ((ملاحظه:الرجال يقولو لأبو مازن ابو عبد الرزاق لانه عبد الرزاق هوا الاكبر لكن انا اقول ابو مازن وام مازن للتوضيح لا اكثر))ـ وبمازن بس انتو تدرو اني لازم اشاور الاهل تدري هادا زواج مو لعب حياه ومصير
ابو مازن:الاصول اصول وخدو راحتكم
خالد واللي كان جمب مازن مسك يده وقاله بصوت واطي:والنعم فيك يامازن انتا رجال


يتبع ,,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -