بارت جديد

رواية اسم على مسمى -27


رواية اسم على مسمى -27

رواية اسم على مسمى -27


طلال بتهزيئ: أنتي ما تهتمين بصحتك أبدا..

الجوري كشرت: من قالك أني ما أهتم..؟

طلال: مو أنا قايل لك لا تجين لأنك تعبانه..

الجوري شالت يدها: طيب الحين أطلع..

دارت بالكرسي..

طلال: ياحبيبتي أنا مو قصدي أني ما أبيك بالعكس.. أنا من شفتك أرتحت أكثر.. بس أنا خايف عليك أنتي..

الجوري: وفر كلامك..

طلال تعب منها فقال بأمر: تعالي..

الجوري مطنشه..

طلال: أقول لك تعالي..

الجوري خافت شوي فدارت له..: نعم..

طلال: قربي..

تقربت عند سريره

طلال وقال: تقدرين تقومين..؟

هزت راسها.. بأيه..

قرب لها بجنبه على السرير وقال: تعالي جنبي..

الجوري: مابي..

طلال: أقول لك تعالي..

راحت الجوري وقامت وجلست جنبه تسندت معه لأن السرير كان مرفع..

طلال حط يده ورى كتفها: زعلانه..؟

الجوري: أنت كسرت بخاطري الحين الحين تضمني..

طلال أبتسم: من عيوني.. ضمها له بيد وحده لأنه أيده الثانيه فيها السيروم..: آسف حبيبتي ما كان قصدي أجرحك وكان قصدي أبي راحتك..

الجوري بعدت عنه أبتسمت: خلاص سامحتك..

طلال: طاح الحطب..؟

الجوري: إيه..

طلال بجديه: حبيبتي.. الحرق كبير..؟

الجوري: ما شفته.. بس جنان شافته.. والحين بعد العمليه هم ما شفته.. كنت خايفه أشوفه..

طلال: أنا بشوفه..

الجوري خجلت شوي وبان على وجهها.: أخاف حد يدخل..

طلال: سوري نسيت..

الجوري: وأنت متى بتطلع..؟

طلال: مادري..

الجوري: أهااا..

أنطق الباب..

الجوري كانت بتقوم..

طلال مسكها: وين..؟ خليك مكانك بس لفي شيلتك كويس..

الجوري لفت شيلتها: طلال والله أستحي..

طلال ما زال ماسكنها من خصرها: تفضل..

: السلام عليكم..

طلال: وعليكم السلام.. هلا سالم..

سالم صاحب طلال اللي من شاف طلال تفشل..سلم عليه وحط باقة الورد الكبييييره جنبه: هلا فيك.. شخبارك..؟

طلال: بخير..

سالم: ما تشوفين شر يا أم فهد..

الجوري بتموت من الفشيله: الشر ما يجيك..

طلال: أستريح..

جلس سالم غمز له: أشوفك صرت أوكي..

طلال: هههههه أفا عليك..

سالم بجديه: كيف صحتك..؟

طلال: بخير..

سالم: أفتقدتك البارح يارجال..

طلال: حكم القوي..

سالم جلس مع طلال حوالي ربع ساعه سوالف ومسخره.. والجوري ملت..

سالم وقف: يالله أنا أستأذن..

طلال: وين..؟ أجلس معي..

سالم: خلاص بمشي..

طلال: وين بتروح..؟

سالم: عندي شغله مع الوالد..

طلال: مدام كذا أجل ماقدر أمنعك.. بس تجيني مره ثانيه..

سالم: أكيد طلول ولو.. يالله مع السلامه وآسف أزعجتك..

طلال: الله يسلمك.. هههههه عاادي..

طلع سالم..

الجوري: وأخيييرا..

طلال: ليش..؟

الجوري: لأن كنت متفشله مره ومو عارفه أجلس..

طلال: هههههههه عادي غير أبو سالم..

الجوري حطت يدها على خصرها: لاااااا

طلال: هههههههه..

أنفتح الباب وكان فهد..

طلال: في أختراع أنك تطق الباب قبل لا تدخل..

فهد: عااادي غير غرفتك..

جنان سلمت عليه وعلى الجوري..

جنان: شخباركم..؟

: بخير..

الجوري: جنان بطلع اليوم..

جنان: صحيح.. الحمدلله على السلامه مقدما..

الجوري: الله يسلمك

طلال: جنان شخبارك بعد البارح..؟

جنان: بخير..

فهد: لا تكذبين.. قبل لا نطلع من البيت داخت.. والحين أخذنا لها تحاليل..

طلال: أنشاء الله خير..

: أنشاء الله..

جلسوا ساعتين بعدين قال فهد: نتيجة التحاليل قومي ناخذها..

جنان: مافيني شي بس عشان خاطرك بقوم معك..

فهد مسكها من يدها: أدعوا لنا..

: ههههه بالتوفيق

دخلت جنان على الدكتوره وفهد كان ينتظر بره..

جنان: طلعت نتائج التحليل..؟

د: أيوه.. الحمدلله دنتي حامل..

جنان ما أستوعبت: حامل..؟

د: أيوه..

جنان بفرحه: صحيح..؟ شكرا يادكتوره بقوم أبشر فهد..

د: أنتظري..

جنان: نعم..

د: راح أكتب لك فيتامينات وحديد.. لأن عندك هبوط بالدم..

جنان: طيب..

كتبت الدكتوره لها.. أخذتهم وطلعت..

فهد أول ما شافها: بشري..؟

جنان أبتسمت: الهيمجلوبين ناازل..

فهد: من قلة أكلك.. ما تاكلين شي لكن بتشوفين أنا اللي بأكلك على مزاجي وكيفي..

جنان: طيب..

فهد: قدامي على السياره..

جنان: هههه أنشاء الله..

نزلوا لسياره..

__بين كرسي فهد وجنان حاجه يحطونها عشان يسندون أياديهم لما يرفعونها يمديك تجلس__..

رفعتها جنان وجلست..

فهد كان يشغل السياره: أيش فيك..؟

جنان: بجلس جنبك..

فهد: أجلسي..

توه بيحرك السياره.. مسكت جنان يده..

فهد: دقيقه حبيبتي بس أطلع السياره من الموقف..

جنان ولا كأنها تسمعه..

فهد: جنان بطلع السياره..

جنان: لا طلعها..

مسكت يده وحطته على بطنها..

فهد ما فهم: جنان أيش فيك بطلع السياره..

جنان شالت يده ورجعت مكانها: طلع السياره..

فهد: ليش قمتي..؟

جنان أنقهرت منه: مزااج..

فهد: الحين أنا صرت مزااج بالنسبه لك..؟ طيب..

مشى بالسياره.. وأهو سااكت..

جنان حست بتأنيب الضمير: فهد..

ساكت عنها

جنان: فهد لا تسكت..

فهد: مزاجي ما يسمح لي أكلمك

جنان مسكت زنده: فهد..

شال يدها: مزاجي مو رايق أنك تمسكين زندي..

جنان: طيب آسفه..

فهد: مزاجي مو قابل أعتذارك..

وصل البيت..

فهد: أنزلي..

جنان: مزاجي مو راضي أنزل وحبيبي زعلان..

فهد: أنزلي أحسن لك..

جنان: مو ناازله..

فهد بصراخ: أنززلي..

جنان بصراخ مثله: مو ناااااازله..

فهد حرك السياره وأهو يدور في الشوارع مو عارف وين يروح..

وثنينهم كانوا ساااكتين..

أخيرا وقف عند مطعم عشان يتغدون..: أنزلي..

نزل أهو وأهي ما نزلت..

تقدم ودخل المطعم

جنان أنقهرت منه ونزلت..

شافته واقف عند الباب..

فهد: أخيرا شرفتي..

سكتت جنان عنه..

دخلوا كبينه..

وظلوا سااكتيين..

طلبوا لهم أكل وكان كلامهم كل مع الويتر..راح الويتر..

جنان: فهد..

فهد طالع فيها..

جنان: بظل ساكت..؟

فهد: مزاجي ما يسمح أني أتكلم..

جنان: فههد..

فهد: مزاجي...

جنان: أووف فهد تراني مليت مزاجي ما يسمح ومزاجي مو رايق..

فهد: مزاااج..

جنان قامت من الطاوله.. وطلعت برى المطعم..

فهد لحقها..: جناان..

جنان كلمت سواق بيتهم : الوو.. راجو تعال لي مط...

فهد سحب الجوال من عندها: خلاص راجو.. مع السلامه..

جنان: ليش..؟

فهد مسكها من يدها وحاول يرجعها المطعم

جنان: مو داخله.. مابي أجلس معك..

فهد: جنان بلا فضايح..

جنان: قلت لك مو داخله..

فهد: مو بكيفك..

دخلها معه المطعم والكبينه..

فهد: جنان حنا مو أطفال..

جنان نزلوا دموعها بس مسحتهم: قول لنفسك..

فهد مسك يدها: طيب.. أنتي اللي بديتي..

جنان: جزاتي كنت ببشرك بشي.. بس أنت الله يهداك..

فهد رفع حاجبه: شنو..؟

جنان: غيرت رأيي ما راح أقول لك..

فهد: أفااا.. أهون عليك..

جنان: يعني أنا أهون عليك..

فهد: لا..

جاء الويتر وحط الأكل وراح..

فهد: مو مبدي الأكل ألا لما تقولين لي..

جنان أبتسمت: أنا حامل..

فهد مو مستوعب كرر معاها: أنتي حامل..؟.. أستوعب أخيرا.. جنان لا تلعبين بعصابي..

جنان: والله..

فهد أنشق حلقه من الأبتسامه قام وجلس جنبها وحط يده على بطنها وقال: أحلفي..

جنان: والله

فهد:مبرووك حبيبتي..

جنان أبتسمت: الله يبارك فيك..

فهد: مو مصدق..

جنان حطت يدها على يده: لا حبيبي صدق..

فهد: بصير أبو..

جنان: تخيل..

فهد: ههههه.. الحين بتاكلين الأكل كله..

جنان شهقت: لاااا..

فهد: لا تخافين بساعدك..

جنان: هههههههه..

أكلوا وخلصوا.. وقاموا..

فهد: شويشوي..

جنان: فهد عادي..

فهد: أشيل عنك الشنطه..؟

جنان: تخيل..

فهد:هاتيها..

جنان: هههه حبيبي عادي..

ركبوا السياره..

أتصلت جنان إلى أمها..: هلا يمه..

: هلا جنان شخبارك..؟

: بخير.. يمه وينك..؟

: في بيتكم

: أجل أنا جايه مع السلامه

: مع السلامه..

جنان: حبيبي وين بتروح..؟

فهد: البيت..

جنان: طيب..

وصلوا الفله ودخلوا سوا..

: السلام عليكم..

: وعليكم السلام..

جنان سلمت على أمها وخالتها

فهد ماقدر أنه يسكت طالع في جنان: يمه خالتي عندي لكم بشاره..

أم فهد: قول ياولدي..

أم طلال: قول..

فهد: أقول..؟

جنان أبتسمت: قول

فهد أبتسم: حبيبتي حامل..

أم فهد وأم طلال بفرحه باركوا لهم..

أم طلال قامت لبنتها وضمتها: مبرووووك يابنتي.. والله وكبرتي يابنتي وبتصيرين أم..

جنان: الله يبارك فيك يايمه.. ههههه شفتي شلون وأنتي بتصيرين جده..

أم طلال: كبرتيني..

الكل: هههههههههه

أم فهد سلمت عليها وباركت لها..

فهد: بس أهي تباركون لها تراني أغااار..

:ههههههه

سلموا عليه وباركوا له.. وخبروا العائله كلها وكلهم باركوا لهم..




طلعت الجوري من المستشفى بالليل..☺☺

الجوري دخلت البيت..: وأخيرا..

فهد: ههههه.. تراك أربع أيام ما أخذتي وأنتي بالمستشفى..

الجوري: حتى ولو.. وحشني بيتنا..

جات أمها وسلمت عليها..

ام فهد: وحشتيني..

الجوري: وأنتي بعد يا يمه.. إلا وين شوق..؟

أم فهد: فوق في دارها..

الجوري: بقوم لها..

أم فهد: شويشوي..

الجوري: أنشاء الله..

ركبت الجوري إلى شوق.. طقت الباب..

شوق: تفضل..

الجوري: كيفك يا أم خالد..؟

شوق: بخير..

الجوري سلمت عليها: عادي أخذ خلودي..؟

شوق: طبعا..

الجوري: بس أخاف أحمله..

شوق: ههههههههه.. حملته شوق وعطتها أياه..

الجوري: ياعمري.. يجنن..

شوق: لأني أمه..

الجوري: قصدك لأني خالته..

شوق: يالغرور..

الجوري: هههههه طبعا..

أنطق الباب..

شوق: تفضل..

جنان: تبوني ولا ماتبوني..؟

شوق: حياك حبيبتي..

الجوري عطت خالد شوق وقامت ضمت جنان: مبروووك

جنان: الله يبارك فيك.. وأنتي الحمدلله على السلامة..

الجوري: الله يسلمك..

جنان: وحشتيني..

الجوري: أنتي أكثر..

جنان سلمت على شوق..

الجوري: أنا زعلانه منك..

جنان: ليش..؟

الجوري: مو أنتي قايله إذا حملتي بتقولين لي أو إلا طلال أول شي..

جنان: آسفه.. باستها.. حقك علي..

الجوري: لسى مارضيت..

شوق: جنان ما عليك منها..

جنان: مشكلتي أني ماقدر أزعلها ولا على زعلها..

الجوري: ولا أنا..

جنان: أشك..

الجوري: أفاااا..

جنان: هذي كأنها كلمة فهد..

الجوري: مافي إلا فهد يقولها..

جنان: فهد أسبشل وكلماته بعد أسبشل..

الجوري: ياااااي

جنان: نسيت أقول لك خالتي تقول روحي أستريحي في غرفتك..

الجوري: أنشاء الله..

قامت الجوري وراحت غرفتها..

نطق الباب..ونفتح..

فهد: السلام..

: وعليكم السلام..

فهد: جنان قومي أبيك بسالفه..

جنان: ضروي..؟

فهد بحده: أيش رايك يعني..؟

جنان قامت لأنه أسلوبه كان جدي: طيب..

طلعت

فهد مسكها من زندها..

جنان: فهد شويشوي..

فهد طالع فيها بنظرات قاتله: أمشي لا الحين أذبحك..

جنان: فهد أيش فيك..؟

فهد: بلا فضايح خلينا ندخل جناحنا..

دخلوا جناحهم..


جنان: ممكن تفهمني أيش فيك..؟

فهد طلع حبوب من جيبه: أيش هذا..؟

جنان: أيش دراني..؟

فهد بصراخ: وتكذبين علي..

جنان: فهد لا تصارخ و تكلم معي عدل..أيش هذا..؟

فهد: يالبريئه..

جنان: فهد تكلم..

فهد: يالبريئه هذول حبوب منع حمل ومستخدمين..

جنان: حق منو..؟

فهد جرها من شعرها

جنان: آآه فهد تركني..

فهد: تستخدمين موانع.. موانع يالظالمه.. ربي فضحك صحيح أرادت ربك فوق كل شي..

جنان تبكي: هذول مو حقي..

فهد: تكذبين على منو..؟ كانوا تحت مخدتك..

جنان: صدقني أنهم مو لي..

فهد ضربها كف وقال: لا تكذبين علي..

جنان ما أستوعبت عطاها كف.. عشان شي مو لها..

جلست تبكي..: صدقني أنها مو لي..

فهد: مستحيل أصدقك.. وترى فاطمه صادقه لما قالت عنك عقربه..

جنان: الله يسامحك..

فهد: ولا يسامحك

طلع فهد من الجناح وأهو منقهر حده..


كانت وحده تراقب كل شي وأهي مبسوطه.. طبعا عرفتوها.. فاطمه..



في الجناح كانت تبكي.. ولا وقف بكاها..

أتصلت على أبوها..

أبوطلال: هلا بحبيبتي..

جنان: يبه تعال خذني من هنا..

أبوطلال: جنان تبكين..؟ أيش فيك..؟

جنان: يبه تعال لي ما أبي أجلس هنا زياده..

أبوطلال: تجهزي أنا جايك..

جنان لمت أغراضها المهمه..

ونزلت تنتظر أبوها بالصاله..

أم فهد شافتها: جنان أيش فيك..؟

جنان: ولا شي..

أم فهد: ودموعك..؟

جنان: ولا شي..

أم فهد ضمتها: حبيبتي قولي لي أيش فيك..؟

جنان تبكي بصوت: خااالتي.. فهد ظلمني ياخالتي ظلمني..

أم فهد: في أيش..؟

جنان مسحت دموعها لأن جوالها رن..: هلا يبه.. هذا أنا طالعه..

أم فهد: وين يابنتي..؟

جنان: بيت هلي.. باست راسها.. مع السلامه ياخاله..

أم فهد: لا تروحين يابنتي..

جنان: ماقدر.. أمنتك الله يالغاليه..

وأهي طالعه كان فهد داخل..

فهد شافها: وين..؟

جنان: مالك دخل فيني..

وحاولت تطلع..

فهد حط يده: بتتكلمين ولا شلون..؟

جنان باعدت يده: يعني إذا ماقلت لك يارجال..وشددت على الكلمه..بتعطيني كف ثاني.. مالك دخل..

وطلعت..

فهد: بستين داهيه..

أم فهد شافته.: فهد..

فهد: هلا يمه..

أم فهد: أيش فيها مرتك..؟

فهد: اليوم زعلت بكره ترضا بروحها..

أم فهد: أيش هالكلام..؟ أنا كذا ربيتك..؟ البنت تبكي وتقول فهد ظالمني وراحت بيت أهلها.. قول يا فهد أيش عملت لها..؟

فهد ركب الدرج: أنا مو ظالم حد..

أم فهد: أسمعني يافهد هذي بنت أختي.. إذا صار لها شي بتشوف شي عمرك ما شفته..

فهد وهو رايح غرفته..

الجوري شافته: أيش فيك..؟

فهد: ما فيني شي..

الجوري: لا تخش علي..

دخل جناحه وترك الباب مفتوح..

دخلت وراه

الجوري: وين جنان؟

فهد: راحت بيت أهلها..

الجوري: ليش..؟

فهد ما قدر يتحمل وقال لها كل شي..

الجوري: ما أصدق.. مستحيل جنان تعمل كذا.. وأنت كيف تضربها..؟

فهد: من القهر.. لأن أهي أستخدمتهم أحتمال الحين يكون ضرر على الجنين..

الجوري: تقوم تضربها.. إذا أنت يا فهد تضرب زوجتك أجل غيرك أيش بيعمل..؟

فهد: تحمد ربها أني ماذبحتها.. أجل تكذب علي هالكذابه..

الجوري: فهد ما أسمح لك تقول عنها كذا..

فهد: أهي أكبر كذابه على وجه الكره الأرضيه..

الجوري: فههد.. أنا جلست مع جنان من ولادتنا إلى الحين عمرها ماكذبت علي..

فهد: أنتي غير وأنا غير..

الجوري: تدري أنت شخص مو براضي تستوعب وأنا ما راح أتعب نفسي بشخص ما يستوعب.. أنا راح أكلم المسكينه بشوف شصار لها..

فهد: صكي الباب وراك..

راحت الجوري عنه..


فهد جلس يفكر في جنان ويكلم نفسه.. ليش عملت كذا.. يمكن مو لها أوووف صحيح أني غبي إذا مو لها يعني لمنو.. مليت من التفكير..أقوم أنام أحسن لي..دخل غرفته.. تذكرها.. ريحتها في الغرفه تطارده.. أغراضها لمساتها في الغرفه.. كل شي يذكره فيها.. طلع من الغرفه وراح نام بالصاله..




أما عن جنان حاول أبوها فيها عشان تقول له شي بس مارضت ولما وصلت الفله هم أمها حاولت فيها بس ما رضت تتكلم.. ركبت دارها..


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -