رواية اسم على مسمى -28

رواية اسم على مسمى -28

نزعت عباتها ونامت على السرير.. رن جوالها بنغمة الجوري.. طنشت.. بس ماسكت الجوال فردت..
جنان: الوو..
الجوري: كيفك جنان..؟
جنان بمسخره: مبسوطه..
الجوري: أدري فهد زودها..
جنان: أخوك أهاني وضربني يالجوري.. يضربني وأنا مادري أيش السالفه..؟
الجوري: أمسحيها بوجهي وسامحيه..
جنان: مستحيل أسامحه مستحيل.. وقولي له يطلقني..

الجوري: جناان بلا جنوون.. كيف يطلقك أنتوا بينكم بيبي.. أيش ذنبه..

جنان: ذنبه أنه أبوه.. وبعد بكره أنا رايحه المحكمه أرفع عليه دعوة طلاق إذا ما وافق يطلقني..

الجوري: جناان لا تخربين حياتك وحياته وحياة البيبي ترى بتصرفك هذا راح تندمين بعدين..

جنان: مستحيل أندم..

الجوري: جنااان لا تسوينها..

جنان: ما راح أتراجع أبدا..

الجوري: فكري ياجنان فكري.. لا تفكرين بس في نفسك..

جنان سكتت

الجوري: فكري بالنتائج..جنان.. لا تشيلين بخاطرك..

جنان بكت: ما أقدر يالجوري ما أقدر..

الجوري: بس حبيبتي موتبكين..

جنان مسحت دمعتها: الجوري بقولك شي بس مو متأكده

الجوري: قولي..

جنان: أنا شفت فاطمه اليوم طالعه من جناحي أنا شاكه أنها أهي اللي عملتها بس أنا خايفه أظلمها..

الجوري: مادري.. بس أنا بتأكد من الموضوع..

جنان: أكون لك شاكره..

الجوري: يالله حبيبتي أرتاحي وبكره أجيب لك الأخبار..

جنان: شكرا مع السلامه

الجوري: الله يسلمك..

صكته الجوري وراحت غرفة فاطمه..

الجوري: فاطمه..

فاطمه: أدخلي..

الجوري: فاطمه ليش عملتي كذا..؟

فاطمه: أيش عملت..؟

الجوري: ليش حطيتي الحبوب في غرفة فهد..؟

فاطمه تبهدلت: أي حبوب..؟

الجوري: لا تستهبلين أنا شفتك طالعه من جناح فهد..

فاطمه: تستاهل..

الجوري: عيب عليك تخربين حياة أخوك وزوجة أخوك عشان أنانيتك..

فاطمه: لأني أكرها..

الجوري: الحين تقومين معي لفهد وتقولين له

فاطمه: مستحيل..

الجوري: بتقومين غصب عنك..

الجوري مسكت فاطمه: قدامي عند فهد..

راحوا جناح فهد.. طقت الجوري الباب..

فهد: منو..؟

الجوري: أنا..

فهد: مو فاضي لك..

الجوري فتحت الباب: مو بكيفك

فهد: نعم أيش تبون..؟

الجوري: أنا جايبة لك اللي عمل السالفه كلها..

فهد بمسخره: منو..؟

الجوري: تكلمي..

فاطمه بخوف: أنا..

فهد بصراخ: أييش..؟ أنتي يا فاطمه.. تمزحين صح

فاطمه هزت راسها بلا..

فهد صرخ: ليش..؟ تبين تخربين حياتي..؟

فاطمه: ما توقعت بتوصل لهذي الدرجه..

فهد: تدري أنك بايخه.. بصراخ أكثر..أطلعي بره بررره..

فاطمه خافت منه وطلعت..

فهد حط راسه بين أياديه: الحين أنا شسوي؟

الجوري: روح راضي مرتك.. مع أني أتوقع أنها مابترضا لأنها مصره تبي الطلاق..

فهد رفع راسه: طلاق..؟؟

الجوري: أيه طلاق جنان ما تفكر تسامحك وراح ترفع عليك دعوة طلاق إذا ماطلقتها بكره..

فهد: أهي اللي قالت لك..؟

الجوري: أيه..

فهد أخذ مفاتيحه

الجوري مسكت يده: وين؟

فهد: لها..

الجوري: أنتظر إلى بكره عشان تهدون وروح تفاهم معها..

فهد: تتوقعين..؟

الجوري أبتسمت: طبعا.. بس عاد أرسل لها مسج بداية مشوارك في المراضاه..

فهد: أنشاء الله..

الجوري: يالله أنا بخليك تنام..

فهد: شكرا

الجوري: العفو ولو..

وطلعت..

على طول فهد دق لجنان..

.

.

جنان شافت رقمه((حبي الوحيد)) يتصل بك..

جنان أيش يبي بعد..؟

طنشته..

جاها مسج..

__حبيبتي ردي علي.. أدري أنك جالسه__

طنشت..

دق مره ثانيه وثالثه ورابعه.. وأهي مطنشه..

رسل لها مسج..

__ حبيبتي إذا ما بتردين بجي لك __

وتصل..

ردت وأهي ساكته..

فهد: الوو.. حبيبتي ردي علي..

جنان: لو سمحت لا تقول حبيبتي..

فهد: أمبلى راح أقول حبيبتي وحياتي وقلبي ودنيتي..

جنان: فهد أختصر أبي أنام..

فهد: وأهون عليك تنامين وأنا لا..

جنان سكتت..

فهد: جنان.. أنا آسف..

جنان: جات متأخر..

فهد: حبيبتي صدقيني أني الحين بس أكتشفت الحقيقة..

جنان: تو الناس..

فهد: جنان.. أرجعي الفله صدقيني أني مفتقدك وأبيك جنبي..

جنان: مستحيل يا فهد.. والحين تبي شي أبي أنام..؟

فهد ماحب يضغط عليها: بتوحشيني الليله..

جنان نزلوا دموعها..

فهد: في حفظه يالغاليه..

صكت السماعه وجلست تبكي..

.

.

أما عن فهد ما نام هذيك الليله..

في اليوم الثاني..

أذن الظهر.. راح فهد يصلي في المسجد وكان عمه بعد يصلي هناك.. خلصوا صلاة

فهد: غفر الله لك..

أبوطلال: لنا ولك..

فهد: شلونك ياعمي..؟

أبوطلال: الحمدلله.. فهد تعال معي بالسياره أبي أتفاهم معك..

فهد: أنشاء الله..

راحوا سيارة أبوطلال..

أبوطلال: فهد ممكن أعرف أيش فيها بنتي..؟

فهد: تهاوشت معها..

أبوطلال: عن أيش..؟

فهد قال إلى عمه كل القصه..

أبوطلال: ضربتها يا فهد..؟

فهد نزل راسه: والله ياعمي متندم..

أبوطلال: أيش يفيد الندم..؟ فهد.. تذكر كلامي يوم خطبتك وزواجك من بنتي؟ قلت بتحطها في عيونك..

فهد: والله ياعمي أني متندم ومتندم كثر شعر راسي..

أبوطلال: يا فهد أنت ولدي مثل ما جنان بنتي.. وأنا لا أرضى لا عليك ولا عليها..

فهد: عمي طلبتك.. أقنعها ترجع الفله..

أبوطلال: روح معي وأقنعها بروحك..

فهد: خايف من ردة فعلها..

أبوطلال مشى بالسيارة: الحين نشوف ردة فعلها..

وصلوا بيت أبوطلال..

دخلوا أبوطلال وفهد: السلام عليكم..

كانت أم طلال موجوده: وعليكم السلام..

فهد باس راسها: شخبارك يالغاليه..

أم طلال: مو بخير.. بنتي يا فهد وحيدتي مادري أيش فيها..؟

فهد حس بتأنيب الضمير: الحين أهي وينها..؟

أم طلال: بدارها.. وبس شغلتها تبكي..

فهد: بعد أذنك معليش أركب لها..؟

أم طلال: طبعا البيت بيتك..

فهد: عن أذنكم..

ركب فهد فوق وتوجه لغرفتها.. طق الباب..

جنان: أدخلي يمه..

فهد فتح الباب..

شافها نايمه وعاطيه ظهرها الباب..

جنان: يمه إذا بتقولين لي أكلي مابي من الحي...شمت عطر فهد..

دارت شافته وأنصدمت ما توقعته يجي لها أبدا..

فهد: وليش ما تاكلين..؟

جنان دارت عنه وأهي سااكته..

جاء فهد وجلس بجنبها على السرير..

جنان: لوسمحت قوم..

فهد: واللي يقولك مو قايم..

جنان قامت: أنا اللي بقوم..

فهد مسكها من يدها ورجعها..

جنان شالت يده: لا تلمسني..

فهد: أجل خليك جالسه..

جنان: أخلص علي أيش تبي..؟

فهد: أبيك..

جنان: ههههههههه..هههههه..ههههههههه..ضحكتني..تبيني.. هههههههه.. ههههههههه تقول تبيني ههههههه..

فهد حسها مو بوعيها..

مسكها من كتوفها وهزها: جناااااااان..

جنان طالعت فيه وبكت..

فهد: حبيبتي خلاص لا تبكين.. مابي أشوف دموعك.. دموعك غاليه..

جنان وأهي تشاهق حطت راسها على صدره وتضربه بأقوى ماعندها على صدره: فهد ليش جاي..ليش جاي..؟

فهد ضمها له: أبي مرتي حبيبتي ترجع معي..

جنان بعدت عنه: مستحيل يافهد أرجع معك.. والحين الحين طلقني..

فهد نزلت دمعه: تبيني أطلق حياتي..؟ تبيني أطلق أم ولدي..؟ ما أقدر صدقيني ما أقدر..

جنان: بس قدرت تضرب حبيبتك وأم ولدك.. وقدرت تهينها..

فهد: صدقيني متندم كثر شعر راسي.. بس أبي شي واحد أهو رضاك علي..

جنان: ما يفيد الندم يافهد مايفيد..

فهد يأس منها باسها على جبينها وطلع..

جنان أنقلبت حالتها الأول كانت تبكي بس مو ذاك البكى والحين تبكي حتى بالصوت..

فهد نزل..

أم طلال: بشر يافهد..؟

فهد هز راسه بمعنى لا: تبي الطلاق..

أم طلال شهقت: طلااااق..؟ بنتي تراها جنت مو صاحيه..

فهد: وأمس قالت إلى الجور إذا ما طلقني بترفع علي دعوة طلاق..

أبوطلال: مين بوديها..؟ ماعليك منها..؟ وأنا بتفاهم معاها..

ركب أبوطلال فوق..

جنان صارخت: مابي أشوف حد..

أبوطلال فتح الباب: حتى أنا..؟

جنان جلست عدل: يبه.. وبكت.. يبه ما أبيه.. ما أبيه.. صرت أكرهه يايبه ما أبيه ما أبيه..

أبوطلال ضمها له: خلاص هدي.. مو زين لك عشان اللي في بطنك.. وبعدين ياحبيبتي مو من أول هوشه تطلبين الطلاق.. الطلاق يابنتي مولعبه.. إذا تهاوشتوا تطلبون الطلاق..مسح على شعرها لأنها كانت تستمع له بأنصات.. صح لو لا.. حبيبتي دااايم بداية الزواج لازم في مشاكل.. زي مثلا بضرب لك مثال.. طيب.. هذا في أثنين تزوجوا وتهاوشوا.. قام الزوج ضرب هذيك الزوجه لييين أغمي عليها.. ووداها المستشفى.. صحت قالت أنها تبي الطلاق عشان يحس بالذنب.. لكن الزوج قال مايبي يطلقها.. قالت إلا يطلقني ومن هالكلام.. قال مستحيل.. المهم توسطوا له جميع العايله عند زوجته بس أهي كانت رافضه لين جاء أبو البنت وقالها زوجك طلقك وتزوج بنت خالتك.. ومعيش بنت خالتها ملكه.. وعاشت طول حياتها متندمه ولا تزوجت غيره..

جنان: يا الله..

أبوطلال: شفتي شلون الحياة..

جنان: ياربي..

أبوطلال: ياحبيبتي الطلاق مو لعبه ولا أهو سهل..

جنان: عطوني فرصتي أراجع حساباتي..

أبوطلال باسها على جبينها: لك الفرصه..

تركها ونزل..

فهد: بشر ياعمي..؟

أبوطلال: تبي تراجع حساباتها..

فهد: خليها تراجع بس أهم شي الطلاق..لا..

أبوطلال: لا أنشاء الله خير..

فهد وقف: يالله أشوفكم على خير..

أم طلال: أستريح ياولدي..

فهد: تسلمين ياخاله.. بروح إلى طلال مازرته اليوم..

أبوطلال: أجل أوصلك لسيارتك..

فهد: أستريح ياعمي بخلي السواق يوديني..

أبوطلال: على راحتك..

فهد: مع السلامه

: الله يسلمك..

طلع فهد من الفله وأهو عنده أمل..

عند طلال..

طلال أيش فيهم ماحد زارني اليوم..

دخل فهد..: السلام عليكم..

طلال: هههههه وعليكم السلام..

فهد: أيش فيك تضحك..؟

طلال: الحين بس قلت ماحد زارني اليوم..

فهد سلم عليه: ههههه.. شفت شلون أحس لك..

طلال: يا أبو أحساس.. ليش ما حد جاء معك..؟

فهد: تبي من يجي الجوري وتعبانه وأمي ماقلت لها تبي من..؟

طلال: هههههه باقي جنان..

فهد بحزن: إيه..

طلال: أيش فيك..؟

فهد: ولا شي..

طلال: بتقول لي ولا شلون..

فهد: تهاوشت معاها..

طلال: وأنتوا ما تجوزون عن هالهوشات..

فهد: بس هالمره غير.. أختك أخذت أغراضها وراحت بيتكم..

طلال: أوف أوف.. شكل السالفه قويه..

فهد جلس على الكنبه: أختك راسها يابس ترجيت تأسفت مهي براضيه تسامحني..وطلبت الطلاق..

طلال: طلاق..؟ ليش..؟ أيش عملت لها..؟

فهد حط راسه بين أياديه: عطيتها كف..

طلال تفاجئ: ضربتها يا فهد..؟ ما توقعتها منك.. أنت يافهد.. ما أصدق..

فهد: مادري شلون ضربتها.. أو شلون مديت يدي عليها وأنا ما تأكدت من الموضوع..

طلال: ما توقعتك يافهد تعملها.. ماتوقعتك تمد يدك على أعز الناس عندي..جنان يالظالم جنان.. حتى لو أذنبت هذاك الذنب العظيم المفروض ما تضربها.. دار راسه الجهه الثانيه.. لو سمحت روح من هنا..

فهد أنصدم طالعه يمكن يمزح معه بس شاف طلال يكلمه بكل جديه..

فهد قام وطلع من الغرفه..

طلال تندم على الكلام اللي قاله بس هذي أخته الغاليه..

بعد مرور أسبوعين..

طلال طلع من المستشفى..

فهد وجنان ما زالوا على حالهم..

فهد وطلال لحد الآن ما يكلمون بعض..

مروه حامل وتصالحت مع أمها وأبوها وأخوها بس لحد الآن في حزازيات..

----------------

في بيت أبو فيصل..

كانوا كلهم جالسين في الصاله..

أبو فيصل: فيصل..

فيصل: هلا يبه..

أبو فيصل: مو ناوي تتزوج..؟

فيصل: يالله يبه على يدك..

أبو فيصل: صحيح..؟

فيصل: أيه..

أبو فيصل: والعروس موجوده..

أم فيصل: من..؟

أبو فيصل: فاطمه بنت أخوي..

أم فيصل: وليش مو بنت أم حمد جمال ودلال وفلوس..

أبو فيصل: لا أبي بنت أخوي إلى ولدي..

فيصل: خلاص يبه توكل على الله..

مروه حزت بخاطرها أنهم ما قالوا لها وأهي جالسه معهم.. كلمت بدر وخلته يجي لها..

---------------

في بيت أبوطلال..

طلال دخل غرفة أخته وأبتسم: السلام..

جنان: وعليكم السلام

جنان قامت سلمت على أخوها.. وضمته ونزلوا دموعها: وحشتني..

طلال: وأنتي بعد..يالظالمه أسبوعين ماجيتي لي

جنان: الظروف..

طلال بعدها عنه: جنان ليش تبكين..؟

جنان تمسح دموعها: ولا شي بس وحشتني..

جلسوا على السرير

طلال: لا تكذبين علي..

جنان: آآآه يا خوي..

طلال: حبيبتي.. إذا تبين ترجعين له رجعي..

جنان: ودي بس كرامتي ما تسمح..

طلال: تدرين تهاوشت مع فهد..

جنان: على..؟

طلال: قال لي سالفتكم وأنا طردته من المستشفى..

جنان: ليش تتهاوشون عشاني..؟

طلال: عشان يتأدب..

جنان: فهد مو طفل عشان يتأدب..

طلال: أيه أدري بس عشانك أنتي..

جنان: زدتوني هم فوق الهم اللي أنا فيه..

طلال: ماعلينا.. قام لك كرش..

جنان ضربته على كتفه: لاااااا.. فديته ولدي..

طلال حط يده على بطنها: فديته ولد أختي..

نطق الباب

طلال: تفضل..

الخدامه: مدام جنان بابا فهد تحت يمبا أنتي..

طلال: خليه يركب..

جنان طالعت فيه..: مابي

طلال حس بتأنيب الضمير أتجاه فهد: مو بكيفك.. أنا بروح داري..

جنان: خليك معي..

طلال: رجال وزوجته أنا أيش دخلني بالنص..

جنان: أخو زوجته..

طلال: ههههههه ضحكتيني..

وقام وطلع جنان نامت على السرير وعطت الباب ظهرها..

شوي وأنطق الباب..

جنان سكتت..

فهد فتح الباب.. ودخل..

فهد: كيفك..؟

جنان: الحمد لله..

فهد جلس على الكنبه..

جنان حسبته طلع من الغرفه لأنه سااكت..

دارت له..وشافته.. كان فهد مو فهد.. كانت لحيته قايمه ووجهه أصفر وتحت عينه هالات سوده.. أستوت في جلستها..: فهد أيش فيك..؟

فهد أبتسم بسخريه: تعملين نفسك مو عارفه..

جنان: ليش شكلك كذا..؟

فهد: لأني مبسوووط.. عايش حياة صراحه أحسد عليها..

جنان: أنت اللي جبتها لنفسك..

فهد: طيب الأنسان ما يخطئ..؟

جنان: بلى بس الأنسان المفروض يتأكد.. صح لو لا..؟

فهد: طيب والمطلوب..

جنان: أتركني في بيت هلي لين...

فهد: لين ما تتكرمين وترجعين لي..

جنان سكتت..

فهد: ما توقعتك كذا..

جنان: وأنا بعد ما توقعتك كذا..

فهد: سمعيني أنا جاي أقول لك هالكلمتين وماشي.. أنا فهد ولا بذل نفسي أكثر طيب.. وإذا بترجعين براحتك مو براجعه هم براحتك وبتشوفين أيش النتايج.. وقام وطلع..

جنان أيش قصده لا يكون بيتزوج علي.. لا لا لا فهد مايسويها..

البـــــــــــارت التاســــــــــع عشـــــــــــــــــــــــــــــر

فهد نزل وشاف طلال جالس على الكنبه اللي بالصاله.. طنشه ومشى..

طلال: مافي الحمدلله على السلامه..؟

فهد: الحمدلله على السلامه.. كان بيطلع بس طلال جاء ووقف في وجهه..

طلال: زعلان..؟

فهد أبتسم بسخريه: لا وليش أزعل..؟

طلال: شكلك يقول أنك زعلان..

فهد: لا مو زعلان.. ولو سمحت بعد.. عندي أرتباطات..

طلال: واللي يقول لك مو مبعد..

فهد: طلال بعد.. اللي فيني مكفيني أنا مو ناقصك..

طلال: طيب.. أنا آسف..

فهد: قبلت أعتذارك بس بعد عني..

طلال ضمه: صدقني آسف..

فهد ما يقدر يزعل من طلال وضمه.. ونزلوا دموعه..

طلال بعد عنه: فهدووه.. حنا مو أطفال نبكي..

فهد مسح دمعته: على قولتك..

طلال: خلك قوي أنا أعرفك دايم قوي..

فهد: على خير.. يالله طلول أنا بروح بيتنا..

طلال: لا بتتغذاء معي..

فهد: مره ثانيه..

طلال: والمره الثانيه بعد بتتغداء معي..

فهد: طلال صدقني مالي خلق..

طلال: خلاص على راحتك..

فهد: مع السلامه وسلم على خالتي وعمي..

طلال: بس..؟

فهد: أيه بس.. وطلع..

طلال: الله يعينك يافهد..

بعد مرور شهرين..

اليوم زواج الجوري وطلال..

عند الرجال..

طلال كان رزين وهادئ مو من عوايده..

فهد: أيش فيك يا أخي..؟

طلال: ولا شي..

فهد: أيش فيك هادئ..؟

طلال: أيش أعمل توصيات الوالد عطاني محاضره..

فهد: هههههههه عشان كذا..

طلال: تمسخر علي..

فهد: هههههههههههه

طلال: قم عني..

فهد: كل شي ولا معرسنا لا يزعل علينا..

رن جوال فهد.. نغمه من زمان ما سمعها نغمة.. جنان .. رفعها: الوو..

الريم: فهد تعالوا أدخلوا أنت مع طلال..

فهد تحبطت معنوياته: طيب.. دقايق..

فهد صكها: يالله بندخل القاعه..

طلال وقف: وأخيرا..

فهد: ههههههههه..

دخل طلال ومعاه أبوه وفهد..

أول ما دخلوا القاعه.. كانوا أمهات طلال وفهد.. وجنان.. وشوق وفاطمه والريم اللي كانوا متحجبين في أستقبالهم..

أم طلال سلمت على ولدها وطلال ضمها..

بعدين أم فهد سلمت عليه..

بعدين جنان ضمته: مبرووك ياعريس..

طلال: الله يبارك فيك.. أيش هالأناقه..؟

جنان: كيف ما أكون أنيقه وأنت أخوي^^

طلال: هههههه..

يتبع ,,,,

👇👇👇

تعديل المقال