بداية الرواية

رواية امانة برقبتك -33

رواية امانة برقبتك - غرام

رواية امانة برقبتك -33

روبي:غريبه؟؟؟رد بسرعه؟؟ يمكن فيهم شي
نواف:الووووووو
الجده:هلاا نواف
نواف:سمي ياجده وش فيك؟؟؟
الجده:نواف خذ مرتك ورح بيتكم لا تجي لين يهداا جدك ترى هوو رايح للقاعه عشان ياخذها منك
نواف:ياخذها ليش؟؟؟
الجده:فيه مره جتنا اليووم وتقول انها حامل والي في بطنها ولدك
نواف:مره؟؟؟ مين؟؟؟
الجده:مدري وموب وقته اشرح لك الحق على مرتك
نواف يهديها:لا تخافين مرتي معي وفي عيوني بعد
الجده:اجل رح لبيتك الله يستر عليكم
نواف:ان شاءالله،، مع السلامه
الجده: مع السلامه
نواف وهوو يلتفت لروبي:يله نمشي بسرعه
روبي:ليش؟ وش فيها جده منيره؟؟؟
نواف:اقولك في السياره مشينا
روبي:يله
في بيتهم
روبي:الي ابي افهمه كيف حامل؟؟ ومن تطلع؟؟؟
نواف: وهذاا الي محيرني؟؟؟
روبي:خل نروح له عشان نفهم
نواف:انتي لا ولا تحاولين عشان ياخذك واناا ماصدقت ترجعين
روبي:بس لين متى بنظل هربانين ؟؟ وبعدين مصيره بيعرف مكان بيتنا
نواف:ومن قال اننا بنهرب؟؟ انا بكره من الصبح وانا مسنتر عنده عشان افهم
روبي: ان شاءالله
من صباح اليوم الثاني صحى نواف وفطر وروق وعااش حياته ووسع صدره مع ام العيال>>على طول خليتها ام العيال هع
>>بعدين قال:اناا ماشي
روبي"بخوف :ياربييييييييييه خلني اروح معك
نواف:وبعدين تبين تنكدين علي اليووم يكفي اني رايح وعارف اني بسمع لي كلميتين مراح تعجبني
روبي:نواف اناا خايفه عليك
نواف وهو يبتسم لها يطمنها:لا تخافين ياروح نواف انتي في رقبتي واناا الي مفروض اخاف عليك وخصوصاا انك حامل
روبي تبادله ابتسامته وتحط يدها على بطنها:لاتخاف اناا والبيبي تمااام
نواف:دووم ياعيووني>>>وهو يطبع قبله على جبينها مع السلامه
روبي:مع السلامه
في بيت الجد
وصل المزيون لبيت جده وهوو جداا هادي وعارف انه بيسمع له كلميتين بتطين عيشته بس الله يعينه ولازم المواجه ولا ماينفع يعيش...
نواف:السلام عليكم
الجد بعصبيه بداها":ماعليك ولا سلام ياسويد الوجه،، ولا هذي سواه تسويها؟؟؟
نواف هادي:ليش ؟؟ وش سويت؟؟؟
الجد:وين روبي؟؟؟ وين بنت ولدي؟؟؟ جبها
نواف بنفس الهدووء"بس يشد على زوجتي:قصدك زوجتي رووبي
الجد بنفس عصبيته:تخسي وتعقب وهي محرمه عليك عقب الي سويته وجبها ولا ترى بتندم
نواف:طيب ممكن اعرف وش اناا مسوي؟؟؟
الجد بعصبيه:الاجنبيه الي متسعوده الي انت تحبها وتبيها مدري وش اسمها مويه مدري ماااء..................
نواف بصدمه يقاطعه:مايا؟؟؟؟

الجد:ايه سويدة الوجه مثلك بلا زواج يانواف والله ماهقيتها،،عمك يوم سواها على الاقل متزوج ولا انت ياسويد الوجه لاعلى سنة الله ولا رسووله وتتركها بدال ماتعدل غلطتك وتتزوجها
نواف الي فلتت اعصابه:وش؟؟ اتزوجها ووش؟؟ ولدي؟؟؟ اناا ما عندي عيال الا من رووبي زووجتي وابيها ولا غيره ماعندي واصلاا هذي الي جتك وصدقتها خلها ترمي بلاها على غيري وتدور ابوو الي في بطنها ولا انااا منيب ابووه
الجد:اانت بلسانك قبل أزوجك روبي قلت لي انك تحبها وتبيها
نواف:صح واناا ما انكر هذا الشي بس هذاا مايعطيك الحق انك تخلي الي في بطنها ولدي
الجد بعصبيه اكثروصرامه:وتعلمني الحق ياولد،،طلقهاا،، طلق بنت ولدي،،طللق روووبي يانواف
نواف ولي اول مره يوقف في وجه جده اول كان يسكت مع ان معه الحق بس توصل للطلاق وانه يتهمه بشي هوو ماسواه هذاا الي مايرضاه:جدي اناا آسف اني بقول هذاا الكلام بس انت الي اجبرتني انت وقفت لي حياتي بدل المره الف ولاعمري وقفت في وجهك ولا صرخت،، كل شي سحبته مني بقسوه وبدون رحمه مع العلم انك تحبني وواثق فيني بس اناا ما اشوف في الي تسويه أي محبه ولا أي ثقه واذا قلت لي تربيه عمرها التربيه ما تجي بلي انت تسويه،،بس هلمره اسمحلي اناا بوقف في وجهك وطلاق ماني مطلق
الجد: وتقولها بكل وقاحه بتطلق
نواف :انسى اني اطلق وربي انت الي فرضتها علي في اول حياتنا والله العالم كيف كناا والحين كيف صرنا اناا بس ابي اشكرك على شي علمتني اياه وعسى ان تكرهوو شيئاا وهوو خيراا لكم وعسى ان تحبوو شيئاا وهوو شراا لكم،،وهذاا الي صار معي انا كنت كاره كل شي من تزوجت روبي بس يوم عرفتها وعرفت معدنها حبيتها صح انها جننتني وهبلتبي كثير وطلعت الشيب من راسي قبل وقته بس انا بدون روبي ولاشي رووبي روحي ومحد يقدر يعيش بلا روحه،، وانت صحيح الي جمعتنا غصب بس مستحيل تفرقنا غصب
الجد بعصبيه>>متى كان هادي ؟؟ هع:تهددني؟؟؟
نواف:لا ما اهدد بس طلاق عمري مابطلقها وخصوصاا وهي حامل بعد،، مع السلامه
الجد بزجر:بلي مايحفظك،، استغفرالله انا وش اقوول؟؟ هذاا نواف>>>وانت خليت فيها نواف الله يهديك
الجد بسرعه تذكر:ياسلااااااامه سلااااااااااامه
سلامه:سم ياعمي
الجد:................
<<<بعدين نعرف وش قال له؟؟
عند روبي
روبي:اففففففففففففف كنه تأخر الله يجيبك يانواف والمشكله جواله مغلق >>>تشك تشك>>صوت مفاتيح خخخ
روبي طمرت اكييييييييد جاا>>قولي ق من عنده مفاتيح غيره؟؟ هع>>مايخالف عاذرتك ياقلبي ماتجمعين هع
نواف وهو باين عليه ضيقه الخلق:السلام عليكم
روبي":وعليكم السلام الله يهديك خوفتني عليك ليش؟؟؟ مغلق جهازك؟؟
نواف مرره متضايق:ماقلتلك اني بسكره لين رحت هناك؟؟؟>>>رمى بنفسه على الكنبه بقوه
روبي غمضت عينها:بسم الله عليك،،الا قلت بس خفت
نواف:لا تخافين هذاا انا قدامك مثل الحصان
روبي:الحمدلله،، طيب وش صار؟؟
نواف":من دخلت قالي لاعليك ولا سلام وبعدين...........الخ
روبي بصدمه:مايا؟؟؟؟؟
نواف:ايه هي حسبي الله عليها والمشكله اني عمري ماحاولت اتقرب لها ولابشي حتى لاجت بتبوسني قلت لها عقب الزواج
روبي:.......
نواف:والله اني مدري وش اسووي جدي ماخذ الموضوع جد ويبيني جد اطلقك مو مزح مثل المره الي راحت
روبي:..........
نواف:الا ماشفتك علقتي على الموضوع؟؟؟
روبي:............
نواف بداا يشك:روبي لايكون بس..........................
روبي:قصدك صدقت؟؟؟
نواف:ايه،، ترى والله تكذب
روبي تطالع فيه وهي مو مصدقه:...................................
نواف الي خلاص شوي وبينجن حتى هي صدقت:اقولك تكذب وبعدين سبحان الله وش هلحمل الي طلع لي من يوم وليله
روبي وهي رافعه حاجبها:اناا حملت في يوم وليله
نواف:داري،، بس انا من زمان ماشفتها وانت كنتي معي يوم كنا في بريطانيا
روبي: يمكن تقابلها وانا ما ادري؟؟

نواف وده يمسك مايا ويمصع رقبتها ذا العقرب خصوصاا انه الحين بيفقد روبي بعد ومايبقى احد حوله :يابنت الحلال انا وانا متزوجك وماكنت طايقك في عيشة الله ماقربت لها تبيني اقرب لهل العقرب عقب ماحبيتك؟؟ مجنوونه انتي؟؟؟؟
روبي الي خلاص معد تقدر تكمل الدور الي هي تمثله على نواف فقعت ضحك:هههههههههههههههه هههههههههههههه
نواف الي مستغرب لا اكيد استخفت وقعدت:وش الي يضحك؟؟
روبي:ههههههه انت هههههههههههههه لهدرههههههههه جه قاهرتك قلت عنها عقرب
نواف:ووي اذبحها بعد
روبي:هههههههههههههههههههههههههههههه
نواف:لايكون مقلب الي من شوي؟؟
روبي:صباح الخير بابا نواف عقب ماشربته كله جاي تسأل
نواف بأبتسامه:والله ما اخليك,,وقته هووو؟؟؟
روبي:وش اسوي؟؟ شفتك ضايق خلقك قلت اغير مودك ماأحب اشوفك وانت متضايق
نواف وهو يطبع قبله على خدها:ياعيووني انتي
روبي:تسلم عيونك
نواف:يعني جد شكيتي؟؟؟ ولا...........................
روبي تحط يدها على يده وهي تقاطعه:اشك بلعالم كله ولا اشك فيك،، انا غلطت مره وعمري ما اثنيها انشاءالله
نواف مايدري وش يقول كل الكلام مايوفيها في هذي الحظه لو احد غيرها كان سوت النون ومايعلمون بس روبي غير ومافي كلمه غير:أحبك،،انا احبك كثيييييييييييييييييييير ياروبي
فوق هذا الحب احبك وبعد أكثر كثير
يلي تدري انه قربك إنا احتاجه كثير
يمكن أكثر من غلى روحي لروحي
وأنت من نساني بدنيا جروحي
نساني نفسي و خلاني أحبه
هو صحيح اني قدرت اوصلك
لكن ماني عارف وين بوصل بلمحبه
فوق هذا الحب احبك و بعد أكثر كثير
يلي تدري انه قربك إنا احتاجه كثير
لقيت بك عمري الي ضاع
ولقيت انا فيك الامان
لو بيدي يا حبيبي
كان اعرفك من زمان
لحظت الي تلتقى بي
يبتسم حظي و نصيني
مثل انا ماوقل اني احبك
وانت قول انك حبيبي
بيت الجد
سلامه:تم عمي
الجد:كفووو ياسلامه،، متاكد ماحس عليك؟؟
سلامه:لاعمي متأكد
الجد:اجل هذي مكافأتك>>>مد له فلوس
سلامه:شكراا عمي الله يطول لنا بعمرك ويخليك لنا>>>يدعون له هلي يشتغلون عنده وماياكلها الا المساكين عياله وعيال عياله هع>>يازينك ساكته خخخ

اليوم الثاني

روبي:نوافي،، نواااااف يله حبيبي قووم
نواف:هههههم طيب طيب
روبي:نوافي يله حبيبي والله بتتأخر على الدوام
نواف:مراح اتأخر بس خمس دقايق
روبي تمثل:آآآآآآآه نواف آآآآآآآآآآآآآآآه قووم بطني يعورني
نواف الي طمر كنه شي قارصه ويمسك بطنها:بسم الله عليك,,بسم الله عليك,,وش تحسين فيه؟؟ أوديك الدكتورة؟؟
روبي:هههههههههههههههههه،،أحس اني أحبك
نواف عرف انها تستهبل مثل العاده بس مابين عشان يكمل خطته:تحبيني؟؟؟
روبي: ايه أحبك
نواف وهو يقرب لها وكنه بيبوسها على خدها بس جتها عضه ياعمري روبي :آآآآآه
نواف يتطنز:وش فيك حبيبتي بطنك يعورك؟؟ههههههه
روبي وهي تقوم تشوف وجهها في المرايه:أح تعور ياشرير
نواف:الله واعلم من الشرير
روبي:بايخه ويله قوم للحمام عشان الدوام
نواف وهو يشوف الساعه:يوووووووه شكلي بتأخر اليوم خصوصاا ان الشيخ اخوك فالها في ماليزيا وحنا لنا الله
روبي:صدق انك غيار احنا رايحين جزر الباهاما وفالينها قبلهم
نواف:ولوو الواحد يقدر يطلع ويخلي الملاك في البيت بلحاله؟؟؟
روبي ما تبي تعطيه وجه عشان مايطولها معها:يله نوافي عشان ماتتأخر
نواف وهو ياخذ الفوطه من يدها:شكرااا>>>دخل الحمام
على الفطور
روبي":واااو يانواف حرام عليك كلت كثير
نواف":ماكلتي ولا شي،، يله خذي هذي بس من يدي
روبي:كل شوي تقول هلكلمه من بديناا أكل
نواف:يله حبيبتي عشاني وعشان البيبي بس هذي
روبي"نواف والله بصير دباا وانت السبب
نواف:اهم شي اناا راضي عاادي صيري دباا
روبي:انا مو راضيه ياخي الفستان بلقوه دخل فيني في زواج طلال
نواف:خلاص الحين معد فيه فساتين يله حبي بس هذي
روبي وهي تاكلها:خلاص ترى والله آخر وحده
نواف وهو ياخذ وحده زياده ويبي يدخلها فمها:وهذي بعد
يتبع ,,,,,
👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -