بارت جديد

رواية امانة برقبتك -34


رواية امانة برقبتك -34

رواية امانة برقبتك -34

روبي وهي تقوم من على الطاوله:والله ما آكل اناا شبعت شكلك ناوي تقتلني مو تأكلني

نواف:ههههه الوعد لين رجعت

روبي:نشوووف

نواف غسل وهو جاي بيطلع:تبين قلبي شي؟؟؟

روبي:الي ابيه سلامتك

نواف: الله يسلمك ،،انتبهي على نفسك لين ارجع زين

روبي وهي تبتسم له ابتسامه خقاقييه:ان شاءالله

نواف وهو يرد لها الابتسامه بغمازاته الذباحه ويطبع على جبينها قبله:مع السلامه

روبي:الله معك،، مع السلامه

بيت الجد

منيره:وين رايح؟؟ من الصبح؟؟؟

الجد:برد شي لمكانه

منيره:وشوو؟؟؟

الجد:مو شغلك،، مع السلامه

منيره الله يستر منك ان شاءالله خير:مع السلامه

في بيت سليمان>>ياحبي لكم من زمان عنكم خخ

سليمان:ام طلال

ام طلال:سم

سليمان:شكلي بمووت جوع وش بلاك خرفتي نسيتي موعد الفطور؟؟؟>>سبحان الله ناس بتموت من الاكل وناس بتموت من الجوع خخخ

ام طلال:الله يسامحك يا ابوطلال تتهمني بلخراف ههههههههه

سليمان:وراك ضحكتي شكله عجبك الموضوع؟؟؟

ام طلال:"لا والله بس أحترق الفطور وسويت ثاني

سليمان :ماقلتلك ذبحك الخراف

ام طلال:والله اني زعلانه عليك زوجت عيالي ايه نعم بس مو معناه اني عجوز

سليمان:ههههههه وماذبحك الا عرسهم مدري وش كان بيصير فيك لو مازوجتيهم

ام طلال:هههههههههههههه اهم شي طلوول فرحت فيه

سليمان: الله يوفقهم

ام طلال:آمين

عند روبي

:مراح اطلع

:بتطلعين وغصب بعد،،السالفه بشورك هي؟؟؟

روبي:مراح اطلع من غير شور نواف واضن ان طلعة المره من بيت زوجها بلا شوره مو من عاداتنا ولالا ياجدي؟؟؟

الجد:مايهمني وش الي قلتي بتطلعين بلطيب ولا اطلعك غصب؟؟؟؟

روبي:جدي انا مصدقه نواف وابيه وما اقدر استغني عنه

الجد:قلت بترجعين معي

روبي:انت الي جمعتنا غصب ومستحيل تفرقنا غصب

الجد:كني سامع هللام من نوافووه امس؟؟،، اشووف صرتي كربوون ماتفرقين عنه بشي؟؟

روبي:مو نوافووه زوجي طبيعي اصير مثله

الجد وهوو يمسكها مع يدها ويشد على قبضته:مشينا اقولك

طبعاا روبي ماقدرت تقاومه عشان خايفه على الي في بطنها وخصوصاا انا الدكتورة قالت انها ممكن تفقد الجنين لاقدر الله بأي شكل من الاشكال لانها ضعيفه ولازم تتقوى...

في المكتب

نواف بعصبيه:وشووووووووووووووو؟؟ خذهاا،، وشلوون؟؟؟

الهنوف:مدري يانواف بس شكله خذها غصب لانها من وصلت دخلت الغرفه وجلست تبكي ومقفله الباب عليها ورافضه تشوف أحد واحنا خايفين عليها وخصوصاا انها حامل

نواف بنفس عصبيته: وليش ما دقت علي وقالت لي اجيها؟؟؟

الهنوف:قلبك ابيض الجوال ماخذه منها ورافض انه يعطيها اياه عشان ما تكلمك ما تشوفها منهاره

نواف مرررررررررررره معصب بس وش يسوي لايقدر يضربه ولا يسوي له شي حتى السب مايقدر يسبه عشان يخفف على نفسه:استغفر الله العظيم المشكله انا ما اقدر اطلع واخلي الشغل ابد

الهنوف وهي حاسه بأخوها بس مافي يدها شي:يانوا ف هد نفسك،،ولاتجي الحين لانها لو درت انك جيت ولا قدرت تشوفها بتتعب زياده

نواف: ان شاءالله بس المهم قولي لها تفتح الباب وتهدي نفسها واناا بتصرف وقوليلها بعد اني مراح اسكت مهما يصير

الهوف:أن شاءالله

نواف:بالله حاولي فيها لان انا مره مشغوول واذا ما فتحت ردي لي خبر عشان أحاول أجي

الهنوف":اوك مع السلامه

نواف:مع السلامه

في بيت الجد

نوف:رووبي الله يوفقك أفتحي لا تسوين كذاا بنفسك اذا مو عشانك عشان الي فبطنك لاتسوين بنفسك كذاا

روبي:لااااااااااااااء اتروكووني لحالي مرااح افتح ليش؟؟؟ كذاا؟؟ ليه يسوي كذااا؟؟ انا كل مافرحت يووم عشره ابكي ومن السبب؟؟؟ جدي؟؟ الي مفروض يكون احن الناس علي بعد ابووي ليييييه؟؟ يسوي كذاا؟؟؟ والله صدق ابووي يوم خلاني بعيده عنه والله اني كنت مرتاحه>>>>وتبكي بأعلى صوتها

نوف:الله يرحمه رووبي الله يخليك اذكري الله

روبي:الله يرحمه،، لاله الا الله

نوف:رووبي والي يعافيك افتحي

روبي:لا ابيي نواااف خليه يرجعني لنواف حراام والله مظلووووم مظلوووووم

نوف:والله ندري بس انتي تعرفين جدي،، روبي افتحي نتفاهم وأكيد بنلقى حل

روبي:لاااااااااء اناا ما ابيه اناا اكرهه واكرهكم كلكم واكره نفسي لاني جيت عندم اتركيني مراااح افتح

نوف:لاحول ولا قوة الا بالله

الهنوف توها جايه:هاااه وش صاار؟؟؟

نوف:على حطه يدك ذبحتني والله مرررررره رافضه وماتبي غير نواف

الهنوف :بجرب انااا،، روببي>>>وهي تطق على الباب

روبي:قلت مراح افتح

الهنوف:رووبي افتحي حبيبتي انا توو كلمت نواف،، تبين تعرفين وش قال؟؟

روبي:ايه

الهنوف:"افتحي واناا اقولك

روبي:واذا تكذبين؟؟

الهنوف:لاتكلميني ليووم الدين والله انه مكلميني

رووبي بسرعه طمرت وفتحت الباب من شافت نوف والهنوف طاحت في حضنهم تبكي من شده القهر الي فيها لانهم أقرب الناس لها بعد رهف والعنود....

نوف:اذكري الله يا روبي

روبي : لا... اله الا... الله>>>تبكي

نوف:ان شاءالله بيهونها ربك

روبي بيأس:وش قال نواف؟؟؟

الهنوف:قال قوليها تفتح الباب وتهدي نفسها وهوو بيتصرف وقال بعد انه مراح يسكت

روبي بين دموعها:صدق

الهنوف:"والله صدق

روبي بنفس صوتها الي كله حزن وبكى:الهنوف الله يخليك عطيني جوالك بكلمه

ردت نوف بسرعه:روبي الحين ما ينفع والله جدي اقل شي يسويه لو درى انك كلمتيه ومن جوالاتنا بعد والله معد نطب البيت

روبي:ياربيييييييييي ييه والله اناا شكلي بنحاش

نوف:اقول اهدي الحين وغسلي وجهك وصلي لك ركعتين وربك يحلها ونفكر وش نسوي

روبي الي مرره تعبانه ومافيها تجادل أبد: ان شاءالله

صلت لها ركعتين وراحت تنام شوي لانها جد تعبانه وماتقدر تكمل لو جلست دقيقه زيادة...

تحـت

بعد الظهر عقب الدوام

الهنوف:نواف ولي يسلمك قصر حسك لا تسمعك وتصحى من النوم حنا ماصدقنا تنام

نوف:ايه والله الله يوقفقك نواف اهدى شوي

نواف:لااااااااااااااء ماني مقصر حسي ليين آخذها معي هذي زوجتي وموب من حقه حتى لو جدها يجي ياخذها من بيتي

:وشوووو؟؟؟ وتعلمني الحق بعد>>ياربيييييييييييييييه يا انك غثييييث بشكل >>تحمست هع

نواف:جدي يرحم والديك وش الي انت تسويه؟؟؟ بالله هذاا صح؟؟؟

الجد": صح وغصباا عليك ومو بكيفك وروبي وهذا بيتها ولازم ترجع له وانت لازم تطلقها لين يجيها ولد الحلال الي يستاهلها موب انت واشكالك

نواف بينجن مايدري وش يسوي سكت يخليه يكمل :...................................>>>طقه يرحم امك وابوك طقه >>تحمست بقوة خخخ

الجد يكمل وهو ينطل العنووان في وجهه:هذاا عنوان الخايسه رح لها وتزوجها ورب ولدك وخل بنت ولدي عندي طلقهااااااا تفهم طلقهاااا

نواف بقوه وكأن كلام جده ماهزه":طلاق ماني مطلق وزوجتي ماخذها ما خذها حتى لو بلمحاكم وانت تعرف ان معي الحق لان حتى روبي تبيني

الجد:تعصاني وتهدد طيب يانواف والله انك تحلم بشوفتها وهذاا وجهي ان شفتها وطلاق بتطلق غصباا عليك واناا اتحداك وبراااااااااااااااااااااا برااااا من غير مطرود>>هذاا الي عندك بس تطرد في خلق الله>>ودي اصفقه هع

نواف وهو منحني عشان ياخذ العنوان:اناا بطلع وباخذ معي عنوان الخايسه على قولتك بس والله اني ما اخليها وبرائتي منها ومن الي في بطنها وبتشوووف

الجد:براااااااااااااااااااا اقولك براااااااااااااااااااااااا

طلع نواف بعد ما تحدى جده بأثبات برائته من الي في بطن مايا ومنها،، اما الهنوف ونوف ضلوو في مكانهم يبكون من المنظر الي شافوو فيه اخوهم ،، ولا الجد محمد واقف بجبروته ولاهمه شي أبد ولا كأنه يشوف نواف حبيب قلبه يطلع منكسر وحتى لو مابين نواف....

أنتهى البارت الثامن والعشروون

توقعاتكم....

البارت التاسع والعشرون


29

وصل نواف للعمارة المذكوره في العنوان الي في يده وصل للباب وهوو معصصصب ماشوف طريقه من العصبيه زين ما صدم ودق الجرس بكل قوة وعنفوان لدرجة ان الجرس بغى يطيح في يده...

لين جاه الصوت الي طالما يكره سماعه>>سبحان مغير الاحوال:ميييييييييييييييييييييين؟؟؟

نواف بعصبيه وصراخ:افتحي

مايا فتحت الباب بعد ماجهزت ابتسامه واااااااااااااااو:هلا حبيبي

نواف:وجع حبك ثوور احول>>>>ويمسكها من يدها بقوه

مايا بدلع:اييييييييييي عورتني فكني حبيبي

نواف الي عصب زياده:انتي من ايش مخلووقه؟؟؟ ما تحسن؟؟؟ خربتي بيتي الله يخرب بيتك

مايا:بيتك ويااااي مو ويا غيري

نواف:تخسين اسمعي عااد اناا الحين جايك وابيك تسوين الي اقووله غصب مفهووووم

مايا:مو بكيفك اذا ماعجبني الموضوع ماراح اسويه

نواف:غصباا عليك وبعدين انتي يامفتريه انا متى جيت عندك ولا لمستك حتى عشان تقولين ان الي في بطنك ولدي

مايا بسخريه:ههههههههههههههه ضحكتني وانا مالي خلق اضحك،، عموماا ياحبيبي حتى لو مالمستني الي في بطني ولدك وغصباا عليك لان انا ابي كذاا

نواف:انا لو ما اخاف الله كان رفستك على بطلنك وعلمتك وشلون؟؟ الي في بطنك ولدي هذاا اذا كان في بطنك شي اصلااا

مايا:لاتخاف انا حامل صدق ولا كان ما غامرت وجيت للسعوديه عشان اخرب بيتك مثل ما تقول

نواف:طيب انتي وش تبين؟؟

مايا:ابيك

نواف:تخسين الا انتي وعلم يوصلك ويتعداك اذا مارحتي لجدي خلال يومين أعترفتي بكذبك ترى والله انتي الي بتخسرين لان في راسي شي وبسويه غصباا عليك لو مارحتي له

عند روبي

روبي بصراخ:وشووو؟؟ نواف كان هنااا؟؟ ليش ما قلتوو لي؟؟ ليش ماصحيتووني؟؟

الهنوف:روبي يرحم والديك هدي والله نواف طلع معصب ومثل المجنوون الله يعلم وش صار فيه؟؟

روبي:والله لكلمه عطيني جوالك ولا والله للحقه

الهنوف تلتفت لنوف يعني وش اسوي؟؟؟>>أشرت لها نوف يعني عطيها والي فيها فيها

الهنوف:بعطيك بس هدي ولاتصارخين عشان نواف الي فيه مكفيه لاتخلينه يخاف


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -