رواية عسكر القلب جيش حبك -37


رواية عسكر القلب جيش حبك -37

رواية عسكر القلب جيش حبك -37

سلطان:حمد لله ..سمحيلي عاد مابركتلجام خليفة:فديتك...مسموح...
سلطان:شحالج ربج الا بخير
ام خليفة:بخير وسهالة..
سلطان:عيل سمحيلي ..تامرين بشئ
ام خليفة:بتروح
سلطان: نعم ..
ام خليفة:قصر دوم
سلطان:يوم ثاني ان شاء الله ..تامرين بشئ
ام خليفة:سلامت راسك..
سلطان:فداعت الله
امم خليفة:الله يحفظك رد السلام على هلك
سلطان:يبلغ ...
:
ميرة كانت قدام دريشة طالع سلطان..ودمع في عيونها..ليش روح جان قعد...
""هذا حالي ....يا بوميد ......."""
خافي الوجدان يخفق باسم خلي روحي الولها من فراقه حزينه .... حب صادق حب قلبي مب تسلي ظامي لحبه و يرويني حنينه..كم تمنيته و ليته لو حصلي من تلاقت في الهوى عيني و عينه ...الجوارح كلها بشوفه تهلي تبري جروحي و أعواقي الدفينه ...غالي من دون أي صد و تغلي و الغلا يزداد من طيبه و زينه ..هو حياة الروح هو شمسي و ظلي هو مناة اروح هو مطلب ظنينه…. صورته ما بين ترحالي و حلي و هاج بحر الشوق يسأل عنه وينه
:::
::
::
بيت بو محمد ))

شوي وحد يبطل الباب عليها......وتنقز ..: بسم الله ..
سلامي:شو سوين
فطامي:روعتيني سبالة
سلامي:تقرب منها شبلاج صحين
فطامي :تمسح دموعها لا ما بلايه شئ
سلامي:شو هالورة الي ماسكتنها
فطامي:لا ماشئ
سلامي:اجوف
فطامي:تمد ايدها .....
تمت سلامي تقرى .ونصدمة الله حلو انتي كتبتيها..لا بس هذا مب خطج ..قصيدت منو ..
فطامي:بطي
سلامي:من وين
فطامي:حصلتها في دبدوب
سلامي:هههه
فطامي:ليش تضحكين
سلامي:صدقين خطه حلو اول مرة في حياتي اشوف ريال خطة حلو كل الي عندنا خطوطهم مالهن قبال
فطامي:عطيني الورقة صديق ما عندج سالفة ..وشلها وتحطيها في الكبت ..وسكرت كبت وطالعت صوب سلامي ..كانت سلامة طالعها غير
فطامي:شبلاج
سلامي:يارب يكون من نصيبج ..
فطامي:بتسم وحست دنا مظلمة من بعد سالفة عبد الله ..
سلامي:احس انج بظوين راسة ماعرف كيف ...
فطامي:لاتخليني..اتعلق فيه زود ماني متعلقة ..
سلامي:ـــــــــــ
فطامي:خلينا نحدر يرقبونا تحت
سلامي:اوه صح ميمي محتشره تباتج اتين ..
فطامي:ههههه فديتها يلة ننزل ..
سلامي:يلة بس مسحي ويحج
فطامي:سير صوب المنظرة وتمسح دموعها من ويها..هاه جيه زينه ..
سلامي:اجوف..هيه ..
:
:
:
حدرن تحت :السلام عليكم
الكل:وعليكم السلام والرحمة
يدوه:تعالي انتي تعالي
فطامي:انا
يدوه:هيه ..انتي بلاج انتي من يومين وانتي اجوفج حصلانة... جان كارهة دار برد
فطامي:هيه والله يدوه مشتاقه للوثبة خلونا سير ..
ام محمد:ما بدانا بعدنا ماكملنا عشر تيام ..
فطامي:لا بسير وثبة ردونا ابا الوثبة ..
يدوه:جانج بتردين شرات قبل ..برد
فطامي:وحسن بعد بس ردوني..
يدوه:ان شاء الله بكلم اليوم سعيد بخليه ..يردنا ...
فطامي:فديتج يدوووووووه والله وتحبها على راسها
يدوه:تفدتج الجنة
فطامي:يدوه صدقين هوى داري غير ..
يدوه:هههههههه معلوم غير ..
""
""
""
(( في الشوامخ))

خليفة وسلطان كانوا في المزرعة ..خليفة يرمس البيادير ويتنشدهم عن المزرعة وكان سلطان يمشي وطالع المزرعه ..وقف جدام حوض ماي عندهم في المزرعة خليفة وتم يطالعة وقعد حذالي الحوض ..بعد ماخلص خليفة من الرمسة ..يا صوب سلطان ..
خليفة:شرايك
سلطان:حلوه صدق لو سوتلكم كمن صدقة هنيه وبتوا فيها اخيرلكم
خليفة:هيه صدقت اسمك..بتشاور
سلطان:بتي وبتعزم نسايبك ..بتقدي
خليفة:يوم بنفضى
سلطان:هاه متى العرس
خليفة:سنه اليايه ان شاء الله بعد التخرج
سلطان:هيه والله بتخرج مهندس خليفة
خليفة:شفت عاد ..
سلطان: وين بسوه قاعه والا خيام
خليفة:والله اخير لنا قاعة
سلطان:انا قلت جيه ..سوه ليومين الاربعاء الريايل والخميس حق الحرمات
خليفة:صدقك افك يابوك ..
سلطان:شفت عاد ايبلك امور ترتوووووووووب
خليفة:ع قبالك
سلطان:ان شاء الله ..نش سلطان وحط ايده في الحوض ويشل بيده ماي ويرش على خليفة
خليقة:سود الله ويه يالسبال
سلطان:كككككككككككككك
خليفة:كفت سلطان وحط راسه في الحوض
سلطان:غربلاتك بتضبحني
خليفة:ككككككككككك عيل يوم ماتروملي ليش تسبب
سلطان:تراني عاثر ..والا شباك يالعود
خليفة:كككككككك
سلطان:خسك الله ..بمرض ..
خليفة:لالا فحر ما بيك شئ ..
سلطان:فقتك..وساروا صوب السيايرهم ويمسك علبة الكلينكس ويمسح راسه وويه ..
خليفة:شغل مكيف السيارة عسب سلطان يبرد
سلطان:بند المكيف ناوي علي امرض
خليفة:كككككككككككك دواك ..
سلطان:نذل...
خليفة:مايعرف نذل الا نذل
سلطان:في ذمتك ههههههههههههه
خليفة:ههههههههههه وبند المكيف ..
سلطان:شغل بو حمد ..
خليفة:بت نار شووووووووووووووووق
"
"
بت نار الشوق تعلبي ساهرن والناس هي عيه
بان بي ما لو بغى غبي بينت العيون مابيه
افضحتني واكشفت نبي والله يعلم مصديه
من سبايب ضايق لي محبي حط في قلب ماريه
:
سلطان:اوووووووووووووووووووووووووووووووووووووف ..لا حوووووووول
خليفة:الله لاشلك بوحمد ........
سلطان:يبس .... حط في قلب ماريه

"
"
: بيت بو حمد) ::
عليا:وهي ترتب شطتها ليش ليش ...مابا ارد عيبني الجو هنية
روضة:خلاص بعد شو بسوي
خلود:تدرون ليش قالو بنسير ؟؟؟
روضة:ليش...؟؟؟؟؟؟؟؟؟
خلود:ترى قوم خالي قالو ان الشهر الي بي خلاص بنعرس
روضة:طحت العلبة الي ماسكتنها
عليا:لتفت صوبها
روضة:والعبرة خنقتها..وعيونها متلن دموع
خلود:بلاج
روضه:ـــــــــــــــــــــــ
عليا:سيري خلود يبي قلاص ماي
خلود:حست ان الجو متكهرب فالظهرت ..وتم تفكر ...ختيه بلاها شئ من يومين ...
متغيرة
:
:
عليا...:نزلت وخذت العلبة ..
روضه ..قفت بعليا وتمت صيح ..بدون صوت
عليا:رويض...خلاص فديتج ...
روضة:ليش جيه ليش...........
عيا:فديتج لا صحين....
روضة:بــــــــــــــــــس
عليا:وتحضنها خلااااااااااااص لاصحين ..كله ولا صايحج..عن حد يجوفج..
روضة:ـــــــــ
:
:

يا حبيب الجرح أتعبني عناك في أيدينك قلب لكنه جريح
بنشدك قد صرت نجم في سماك أو مشيت بدرب ما هو لي صحيح
أحبس دموعي حبيبي من غلاك أنت دمعه خايف أبكيك و تطيح
يأبني يمك حنيني ما نساك قام ينشد عن شوق بي يصيح
من عذاب البرد جيت أبغى دفاك وأزرق بصادق حنينك لي شحيح

:
:
(( أبوظبي))

وصل سلطان وخليفة صوب شقة في الخالدية ...نزلوا وساروا صوب شقتهم........
سلطان:اسميني يوعاااااااااااااااااان
خليفة:تصل بكفتريا الي تحتنا وطرشهم
سلطان:شو تبا
خليفة:ع هواك
:
:
:
سار صوب التلفزيون وشغلة
خليفة:حط بلي ستيشن بنلعب
سلطان:كورة
خليفة:يلة ..
سلطان ركب اللعبة ...يلة منو بلي يقيم
خليفة:زامط
سلطان:سير سير..عدنه بقيمك
خليفة:بنشوف ..
سلطان:هههههههههه بسير دبا وبنشوف قيضها
خليفة:صابتك
سلطان:ههههههههههههههههههههه
خليفة:شو بتختار..
سلطان:برازيل
خليفة:ربعي الالمان
سلطان":خلاص يلة...
:
:
:
تموااااا ويلعبوووووووووووووووووون لين اذان العصر...
خليفة:قوم قوم
سلطان:ويحطي ستارت ..
خليفة:بنصلي وبرد
:
:
ساروا وصلوااااا وردوا يلعبووووووون لين المغيرب..
سلطان:كككككككككككككككككككككككككككك غلبتك
خليفة:عادي عادي
سلطان:قلتلك ..انك مابتقيم..عدونه بروح دبا ونشوف قيضها طايح بو شباب امثال ..
خليفة:نش...لوعت بكبدي...بسير نتمشا على الكرنيش..
سلطان:يلة ..بتصل بشباب ..,بنسير سنما ...جاكي شان منزل فلم عنيــــــــــــف
خليفة:خلاص ..بناخذ سبحة وبنسير..
سلطان:عيل بنزل ايب كنادير من الدوبي (مغسلة)
خليفة:خلاص..
:
:
:
ظهروا الشباب وتحوطوا وغيروا جو...
:
:
:
((في صلالة – بيت بو محمد))
الكل كان متيمع ..بو عبد الله وبو سلطان وبو محمد ..
وفطامي طول الوقت مغتصة ..لانهم كانوا فارشين برع وعبد الله من الصبح ماشل عينه عنها ..
محمد:بوحميد عد علينا
عبد الله :فالك طيب ..
محمد:فالك مايخيب
عبد الله :


°• ســـــرى فــــــكـــــري •°

سرى فكري وخلق الله نيامــــــا
سرج قلبي مشاعر وجد قلبــــــه
جدى من هو سرج فكري وشاما
وخطواتي سرت في ليل دربـــــه
كثير الشوق للمغرم هيامــــــــــا
متاهات وضياع وهم غربــــــــــــه
طريقه صعب وعر وما يرامـــــــــا
ويبشر بالوهم من هو يمربــــــــه
جموح خيول و رماح وسهامـــــــا
رموش كأنها طعنات حربـــــــــــه
ضحايا نظرته ياما و يامــــــــــــــا
ويحلم ترى من يحلم بقربــــــــــه
عيونه من نظرها ما يلامــــــــــــا
إذا منه نسى قوته وشربــــــــــه

الكل:سلمت
عبد الله: من قال سالم
فطامي:سمحولي بس في خاطري شئ وبقولة
بو عبد الله:قولي بنتي
فطامي:
°• صحيـــــح •°
صحيح إن البشر تخطـــــي
و لكن الخطى غلطـــــــــــة

و مثلك ياخذ و يعطـــــــــي
و يرسم فالهوى خطـــــــــة

و حسنه بسيئه تغطـــــــي
خطاك المنكشف غطـــــــه

قبل موج البحر يسطـــــــي
عليك و يسلبك شطــــــــه

أنا لك واضح شرطـــــــــــي
حذر وسط الغزر ورطــــــــه

إذا تبغي الغلا.... تبطـــــــــــي
و إذا تبغي الندم..... حطـــــــه

بحر فالقاف لك خطـــــــــي
و كل يفهمه خطــــــــــــــه

و لا تقرب وسط.... شطـــــــي
تعالج بالغلط غلطــــــــــــه

سوااااااااالم
عبد الله:حس ان الكلام موجه عشانه ...حس حد قبض روحة
بو عبد الله:ماشاء الله شاعرة
يدوه:يه من دهر تحفظ القصيد وتعدة وتكتب ...وانت بو جسيم عد
محمد:يقول ..
قلبــــــنا واحــــــــد •°
إذا ماقلت لك مشتاق نطق الاحساس واتكلم
وحل الشوق في قلبي حبيبي من توادعنـــــــــا
تنور دنيتي بقربك وفي غيبتك هي تظلـــــــــــم
وعيّا الوقت والاقدار اشوف انها تباعدنـــــــــــــــا
حبيبي لوبعيد اليوم بحبك ماعرفت انـــــــــــــدم
وعيني ماتشوفك بس يكفي الحب يجمعنـــــــا
:
:

::::رفع عينه محمد وطالع سلامي.....:::
:
:
ترى احلى حب حبك انت يكبر كل يجـــــــــــدم
أأكد لك ماعاد الحب محال اي شي يفرقنــــــــا
احس فيك وتحس فيني وإذا ضقت انت انا اتألم
كأن قلبنا واحد وهو ينبض من محبتنـــــــــــــــــا
ولو منك انا زعلان ارضى يوم تتبســـــــــــــــــم
تشل الضيق من قلبي ولا مره تزاعلنـــــــــــــــا
سكنت الروح ياروحي واثر الشوق مايرحــــــــم
عذابي لا بدا الفراق بعد وصلك يسامرنــــــــــــا
خيالك مايفارقني بعيني كل ماتحلـــــــــــــــــم
تصحي عيني طيوفك وجنح الليل ثالثنــــــــــــا
سووووووووووووووواااااااااااااااااااااااالم...
الكل:سلمت بو جسيم
محمد:من قال سالم ..
نش عبد الله ..,نسحب وحس كن الدنيا ظلمت من حوله
بو محمد:هاه وين بو حميد
عبد الله :بسير شوي احس عمري تعبان
بو سلطان:افاااااا قصر الدوب..
عبد الله:تامرون بشئ
الكل:سلامت راسك
:
:
:
ظهر عبد الله وحس الدنيا ضايقة عليه ليش ..جيه يا فطامي..سوين بيه جيه ..عبد الله يمكن ماكانت تقصدني..لالالا كيف ماكانت تقصديني ....ذكر كلمتها((( إذا تبغي الغلا.... تبطـــــــــــي
و إذا تبغي الندم..... حطـــــــه ))) ابطي,,,,,,,,,,, اااااااااااااااااااااااااااااااااااااااااااااااااا اه
:
:
سلامي:سباله
فطامي:سبلاج
سلامي:مافي داعي كنتي تقولين جيه
فطامي:الي ايده في النار مب شرات الي ايده في ثلج
سلامي:بس مب داعي جرحتي الريال ..ويه ختفس
فطامي:الي في خاطري قلته من صوبي ..ماعندي كلام غير
سلامي:وين الادب..بنت سعيد طار
فطامي:سلامي بس ..
سلامي:خلاص مافي فايده ..براحتج..

:
:
:
(بيت بو حمد)

بو حمد كان يرمس اخوه عن العرس وانه في الشهر الي بي بيعرسون ..
مصبح:منو الي بعرس عمي
بو حمد:خلود وروضة
مصبح:ـــــــــــ
:
:
مصبح:عمي
بو حمد:عونك
مصبح ويتقدم صوب عمة ويتقرفص جدامة ويرفع راسة صوب عمة ..الي كان فوق الكرسي
مصبح: عمي طلبتك لاتردني...ويحط ايدة على ركبة عمه
بو حمد: ماعاش الي يردك ..
مصبح:بغيت روضة ..
بو حمد.............................
:
:
:
(( في ابوظبي))
سلطان:اووووووووووووب ساعة جم الحين
خليفة :ثمان إلا
سلطان:هيه زين اقوول نسيت اودي الاوراق حق ربيع ابوية
خليفة:ياسلام عليك..خطف علية يلة
:
دشوا عند الشعبية وتموا لفون وسلطان يتلفت
:
خليفة:بلاك
سلطان: ..اوووووووووووه صدق نسيت بيته
خليفة:نفعت ...يالسلام عيل بفوتنا الفلم وانته الا دورعلى البيت
سلطان:صبر شوي ..وفتح الجامة ..السلام عليكم
شيبة:وعليكم السلام والرحمة
سلطان:طويل العمر بغيت تخبرك وين بيت بن خديم ..
شيبه:هذا شماليك
سلطان:مشكور
:
:
نزل سلطان وتم يصيح محد ظهرة جان تظهر له خدامة ..
الخدامة:هاه شو ايريد
سلطان:وين بابا
خدامة وهي معصب:محد بابا انت شو اريد بابا؟؟؟؟
سلطان:يي يي بعد ضربيني بنعالج
خليفة:كككككككككككككككككككككككككككك
سلطان:ضحكت بلا ضروووس الهرم
سلطان:دوج يوم اي باب عطي هذا الورقة
خدامة:ازين
سلطان:ايه خبريه ان هذا من عند بو سلطان
خدامة:ازين
سلطان:من عند منو؟؟؟؟
خدامة:بو سلتان
سلطان:من سلطان صبحنا سلتان
خليفة:كككككككك
سلطان:سير سير بالله عليج..
خليفة:سير بالله عليك بفوتنا الفلم
سلطان:يلة انزين ...
:
:
:
((صلاله))

مرهف الحــــــس حبــــه متعبني **خذ فــــؤادي وخـــلاني ســـليبي
في غــرامه اصــــيح ومره اغني **ولو خلج لي شراتي مســتصيبي
الغلا له جـــــرى والــــحب مــني **وانا من هالشجا اصــــبح نصيبي
*
*
عبد الله ..كان قاعد على الشبريه ..آاااااااااااااااااااااااااه ويفكر بالقصيده وهو قاعد شئ قطع حبل افكارة


يتبع ,,,,

👇👇👇
أحدث أقدم