بارت جديد

رواية الهوى غلاب وامر الله غالب -3


رواية الهوى غلاب وامر الله غالب -3

رواية الهوى غلاب وامر الله غالب -3

سما : ايه وانا اشهد ولاانتي وش رايك ريوم

ريم : ................

سما : ريم وش السالفه

ريم : هاه وش سالفته وش قلتي

سما : افا وين انتي وووينا حنا

ملاك : تفكر بالحبيب

ريم تبتسم ابتسامه مسطنعه

ملاك : يووووه شوووفي صلوح وش مسوي

ريم : هههههه تلقينه كان يلعب

سما : هههههههههههه صلوح وش هالغبار الي عليك

صالح : ماما عسليلي

ملاك : الله يهديك وش هذا ويين ابوك وهذا انا مخليتك عنده .. تعال خلني اغسلك ريم تكفين جيبي شنطته من هناك

ريم : طيب ابشري



ملاك وريم عند الفيلا تبع المزرعه يغيرون لصالح

سلمان دخل الجراش يبي يطلع السياره يوديها للبنات

سما جالسه على سيارته وماخذه رااحتها

سلمان قرب منها : لو سمحتي ممكن شوي

سما بصوت عالي : هيييي انت وش جابك هنا ماتشوف كلنا بنات

سلمان بصدمه : مااشوف غيرك وبعدين انتي جالسه على سيارتي

سما : وخير ياطير وش يعني ..وانتبهت سما وانحرجت ووجهها راااح الوان وشووو سياارتك

سلمان وحاط يده على خصره : ايه سيارتي

سما وعصبت حدها : انت ماتستحي على وجهك ماتحترم نفسك ياخي شووووووفني بنت وجالسه لحالي احترم اخواني احترمني احترم نفسك قبل كل هذااا

وراحت سما بسسسرعه وخلته بحيرته

سلمان يفكر يااربيه وش هالبنت وش هالشجاعه الي فيها وش هالطريقه والمعامله وووش هالاسلوب

ياربيه من تكون هذي وكيف تكلمني كذا وربي انها جريئه ومزيونه وحتى وهي معصبه عيونها تجنن

سما وهي رايحه للبنات يااااربييييه الحين انا وش سويت بالولد ومن يكون ياااربيه لو قال شي لاخواني وربي صالح لايذبحني وسامي يقطعني وعبد الرحمن يفرقني على خمس عمال بلديه جوعانين

انا خلني اروح للبنات ولاكني سويت شي



سالم وفيصل وحمد وصلوا المزرعه

سالم : هاه هذا احنا وصلنا

حمد : والله تعبان بمووووت

سالم : يالله انزل ونام على رااحتك بس هاه ترى الشياب ماراح يخلونكم

فيصل : سالم تركي داخل

سالم باستغراب : ايه اكيد بس ليه تسأل

فيصل :لا مافيه شي يالله عن اذنكم

سالم مستغرب : حمد وش فيه فيصل وش السالفه

حمد : والله مدري وش اقولك سلوووم

سالم : وش الي ماتدري وش تقول وش صاير تكلم

حمد : فيصل يحب وحده باسبانيا ويبي يتزوجها ويبي يخلي تركي يقنع ابوه فيها

سالم : وشووووووو

حمد : ايه والله

سالم : من هالبنت وكيف عرفها

حمد : بقولك كل شي بعدين .. بعدين

سالم : طيب طيب يالله امش امش

عند الرجال

فيصل : كيفكم شباب وش اخباركم

الكل : هلا فصووووول

فيصل : تركي ابيك بموضوع

تركي : خير فيصل وش السالفه

فيصل : ابيك بره

كل الشباب بعلامات التعجب وخاصه ماجد وعبد العزيز زوج رغد لانهم اكثر ناس يعرفون فيصل


عند البنات

الهنوف :والله وناااااااااااااااااسه مريووووووووم تكفين هدييي

مريم : هههههههههه ياخوووواافه

الهنوف : ايه وربي اخاف نصك بشي تككفييين هديي

مريم : لامانيب مهديه

اروى : مريم خلاص وقفي ابي اسووق

مريم : لاااا اننسسسي

اروى : مريووووم تكفين

مريم : طيب طيب الحين بوقف

تبادلت اروى ومريم السياراه وساقت بدالها

رامي يصحي محمد :محمدووووه قووم

محمد : هاااه كم الساعه

رامي : الساعه 10 الليل

محمد : انا قايلك 3

رامي : قوم ابوي يبيك

محمد : طيب طيب الحين اقوم

نرجع للبنات الي مايدرون وين الله حاطهم

اروى وهي تسووق الا وتدخل بحفره ومايقدرون يطلعون منها

الهنوف : يممممه ياويلي وش راح نسوي

اروى : هنوف بليز قصري صوتك وترتيني

مريم : هي اروووه لاتصارخين على حبيبتي ودقي على اخوك خله يجي يساعدنا

اروى : بنات تعالو كلنا نحاول نطلع السياره

الكل طيب

طبعا الي بالسياره

اروى .. الهنوف ..مريم ..ساره .. مرام ..سوزان

اروى : يالله بنات ادفعوا بكل قوووتكم

الكل يدفع السياره ولكنها ماتطلع

الهنوف : تكفين اروى اتصلي بسلمان يجي مع اي احد والله ماراح نقدر والمكان مظلم وانا خايفه

اروى : والله راح يذبحني قالي لايصير شي بالسياره

مريم : اقول اتصلي لااجي احوس خشتك الي يبيلها كوي بخار

اروى : بسم الله وش تقولين انتي

الهنوف : خل عنكم هالكلام بسرعه اروى كلمممميه

اروى : الووو سلمان الحقنا

سلمان : خير وش فيييه

اروى : طحنا بحفره ولاعارفين نطلع منها

سلمان : وشو وش تقول وربي منتب صاحي

الجد حامد : وينه ولد عمي مناحي

سلمان : ياجدي وين مناحي الحين

الجد حامد : ماسمعك يابوك

سلمان : انا بطلع جدي

سلمان : هاه اروووووه وش سويتوا

اروى : والله ماادري تعال الحقنا

سلمان : طيب طيب بس وينكم انتوا

اروى : عند شجار الخيار

سلمان : الله وش نزلكم للمزرعه بعدتوا كثيييير الله يهداك يااروى

اروى : وش اسوي والله البنات خذونا بعيد يالله لاتتأخر والله خايفين

سلمان : طيب طيب الحين بجي



عند تركي وفيصل

تركي : مجنوووون انت مستحيييل هالشي يصير مسسستحيل

فيصل : ليييه مستحيل وش راح اسوي انا

تركي : تدري وش يعني تزوج وحده من العايله لواحد ماتعرفه ولايعرفها عشان انت تتزوج اخته مجنوووون انت

فيصل : تركي تكفى انا مقدر ماتزوجها مقدر والله مقدر

تركي : انسى فيصل انسى ..هالموضوع انسااااااه

فيصل : تركي تكفى ماحد يقدر يسوي هالموضوع غيرك الولد ماطلب بنت بعينها ونقدر نقولهم والي موافقه تتزوجه

تركي : فيصل انت صاااحي مستحيل انت اخوووي مستحيل

فيصل : تركي تكفى حلها تكفى حلها وانا اخوك

تركي : فيصل ليه احس الموضوع مو بس موضوع حب

فيصل : .........

تركي : فيصل ماحد يفهمك كثري لو تسافر آخر الاوطان

فيصل يبكي وهو ساكت ولاهو عارف وش يقول لتركي لانه اكيد بيفهمه وبيعرف انه تورط وانه لو ماتزوج البنت وزوج جون لوحده من بنات العايله راح ينفضح ويمكن يطرده ابوه من البيت ويتبرى منه بعد < المدمن يفكر باكثر من هالاشياء ومايتوقع ان اهله اكيد بيساعدونه وبيوقفون معه يتخيل اشياء حسب الي يتحكم فيه كيف يوصلها

تركي يضم فيصل وهو حاس ان فيه شي .. تركي الي ماحد يعدي من تحت يده يفهم نظره الواحد من عيونه

تركي : فيصل ادخل نام لك شوي واذا تبي ارجع البيت ريح لين تنتهي هاليومين

فيصل : بنام هنا معك مابيك تخليني

تركي ساعتها تأكد ان فيه شي وكان يبي يسأله بس ماحب يضغط عليه

تركي : خلاص روح الحين وبعدين نكمل

فيصل : وانت مابتجي

تركي : لا بتمشى شوي

فيصل : طيب تصبح على خير

تركي : وانت من اهله

تركي يمشي ويمشي ويمشي

وش سالفه اخوي الصغير .. اخوي الي اعده عزوتي .. الي اخاف عليه اكثر واحد بعيلتي .. وش صاير معه

يقطع حبل افكاره صوت عند النافوره

تركي : عفرآ

عفرآ : تركي .. حمدلله على سلامتك

تركي : عفرآ الف ششكر لك

عفرآ : وش دعوه ماسويت الا الواجب

تركي : وش تسوين هنا

عفرآ : جالسه اقرء كتاب نفسي البنات داخل اصواتهم عاليه مااعرف اسوي شي معهم

تركي بتعب : الله يعينك

عفرآ : تركي فيك شي

تركي : ليه تقولين كذا ..؟

عفرآ : احس بعيونك شي مخبيه وودك لو تقوله

تركي سكت واستغرب معقول فيه حد يحس فيني .. معقول فيه حد يقدر يقراني يفهمني

عفرآ : تركي لاتعتبرها لقافه بس انا حبيت اساعك

تركي : عفرآ روحي دآخل ولاتطلعين مره ثانيه العيال رايحين رادين وماينفع حد يشوفك هنا

عفرآ استغربت ليه غير الموضوع : طيب عن اذنك

تركي : اذنك معك

وجلس تركي يفكر وزادت حيرته وش سالفتك يافيصل .. ليييه تبي تنفذ شرط منت مجبر عليه آآآه لازم اعرف وش السالفه




عند البنات

سلمان ومحمد راحوا لهم وطبعا انواع المحاضرات بسبب هالطلعه

محمد : هنوووفوووه تدرين او عرفت انك طالعه من غير اذني مره ثانيه

الهنوف : والله ماكان قصدي طلعنا مع البنات قالو قريب

محمد : وانتي ماتستحين

اروى : خلاص ماصار شي ترى مصختوها

محمد طالع اروى يازين عيونك تهببببل

محمد : هنوف من هذي

الهنوف : هذي اخت سلمان

محمد بقلبه ياحظك ياسلمان هالقمر عايش معك وانت تصيح فيه

سلمان : اروى اخر مره راح تاخذين سيارتي يالله اركبوا بنوصلكم وماعاد فيه طلعات مره ثانيه

اروى باحباط :طيب


عند الحريم

ملاك وسما وريم

ملاك : ريم وش فيك حبيبتي والله من تزوجتي وانتي متغيره مو مثل اول كلنا لاحظنا هالشي

ريم بحزن : لاابد مافيني شي ليش تقولين كذا

ملاك : انا ادري فيك لاتفكريني امس عرفتك تراني عاجبنتك وخابزتك يالله تكلمي وش السالفه

ريم باحباط :ماجد

ملاك : وش فيه

ريم : مايحبني مايهتم فيني من تزوجنا للحين ماجلس ولامره تغدى معي ولامره سولف معي

ملاك : معقوووووول

ريم : واكثر ملاك واكثر المشكله انه كل ماشافني قلب وجهه ماقلت له شي ماسويت له شي حتى عيد ميلادي مااهتم فيه

ملاك : ماعليك ريومه انا بشوف لك حل

ريم :تكفين لاتعلمين محمد ولاباي شي صار تكفين ملاك تكفين

ملاك : مجنوونه انتي مسسستحيل اقوله

ريم : اجل وش بتسوين

ملاك : تعالي اقولك


بالسياره مع سلمان ومحمد

اروى : الهنوف هذا اي واحد من اخوانك

الهنوف : هذا محمد

اروى : هذا زوج ملاك

الهنوف : ايه هو

اروى بقلبها يااااشيييينها الولد يهبل وهي ياشينها والله اني احلى منها عيونه تذبح ونظرته قوويه

الهنوف : اروى قولي لخوك لايقول لتركي وربي يذبحني

اروى : اخاف محمد يقوله

الهنوف : لاانا موصيته وهو عارف تركي زين

اروى : خلاص ولايهمك




تركي مازال يفكر والحيره اخذت قلبه لاهو قادر ينام ولاهو قادر يسولف لاحد

رجعت له حاله الصمت الحاله الي جاته بعد مافقد اعز انسانه على قلبه وهو خايف انه يفقد الشخص الثاني

الساعه 3 الفجر

محمد بالمطار ينتظر وصول الدكتور سعد ولد العمه

ربع ساعه انتظار .. سعد له فتره عن المملكه ياترى وش تغير فيك ياولد عمتي

سعد : محممممد

محمد :هلااا والله هلا والله بولد العمه هلاااااا

وبعد السلامه والسؤال عن الحال محمد يطالع سعد

محمد : والله ماتغير فيك شي انا قايل الحين بيرجع مطول شعره لظهره وحاط لنا ملمع شفايف

سعد : ههههههههههههههههههههه وش دعوه وين كنت انا الطب ياولد خالي مايخليك تعرف تحك راسك

محمد : وعسى ماتوفقت

سعد : افاااا الجرايد الامريكيه كاتبه عن تفوقي وجبت لكم صور منها

محمد : ماشاء الله تبارك الله بالمبارك بالمبارك

سعد : الله يبارك بعمرك وانت وش اخبارك

محمد : تعال خلنا ناخذ العفش من هناك وبعدين بالسياره اقولك كل اخباري

سعد : يالله مشينا


بالمزرعه

ريم : لااا وش تقولين انتي معقوووول

ملاك : ايه وش فيها صارخي .. ثوري اغضبي كل الناس تسوي كذا لاتصيرين بااارده

ريم : ملاك انا ادري ان ماجد عليه ضغط ليه ازيد اعور قلبه

ملاك : تبينه يتعدل معك سوي الي اقولك عليه

ريم : طيب وش دراك ان هالشي هو الصح

ملاك : لاني ياحلوه قبل اجيك اتكلم معك عرفت السالفه من زوجي وبصراحه احس ان سبب رفضه لك انك دايم ساكته لازم يكون لك موقف لو صغير

ريم : تهقين

ملاك : ايه اهقى ونص


صباح اليوم الثاني صارت الساعه 7

ام محمد : يمه نوره وش تبين تاكلين

الجده نوره : ابي عصير فراوله

ام محمد : يمه مافيه هنا هالعصير

الجده نوره : مالي دخل مانيب اكله يعني مانيب آكله

ام محمد : لاحووول ... هنووووووووف .. هنوووووفوووووه قوووومي

الهنوف : وش السالفه يمكه وش فيييك قايمه بدري

ام محمد : يمه كلمي محمد اخوك خله يجيب لجدتك عصير تبي عصير مو موجود هنا

الهنوف بتعب : خلها يمه تشرب من الموجود

ام محمد : هنوفووووه ووووجع اقولك قوووومي

الهنوف : طيب يمه طييييب .. وتتتصل على محمد


عند الرجال

ابو خالد : وش هالصوت لمن هالجوال

سالم : والله شكله جوال محمد

ابو خالد : طيب وراه مايرد عليه

سالم : نايم عمي

ابو محمد : طيب رد عليه وانا عمك

سالم : لاعمي اخاف تكون زوجته

ابو محمد : واذا زوجته حسبة اختك اقولك رد

سالم اخذ جوال محمد واول مافتح الجوال

الهنوف : محمد الحققق جدتي مسووويه هوووشه مع امي والخدم تبي عصير ماهو عندهم قوووم جيب لها بسسسرعه بيطير النوم من عيني

سالم انصدم وش هالموال : هلا انا مومحمد انا سالم محمد نايم

الهنوف بصدمه : ساااالم وين محمد

سالم : هههههه اقولك محمد نايم وش فيها امي نوره

الهنوف : امي نوره تبي عصير موموجود هنا ولاهي راضيه تاكل ولاتاخذ ابرة السكر < ابوك يالنصب متى صار كل هذا

سالم : ابشري من عيوني بس وش نوع العصير

طبعا هنا الهنوف طاح قلبها مع الذوق والنعومه والاسلوب وبكل فهاوه قالت : هاه

سالم مات عليها من الضحك وبضحكه قال : وش نوع العصير

الهنوف : لحظه وتقفل على السماعه .... يمممممه وش نوع العصير

ام محمد : عصير فراوله وبعدين وش فيك مقصره حسك ماخبري تستحين من محمد

الهنوف : جدتي تبي عصير فرواله

سالم : وانتي ماتبين شي

الهنوف بنفس الفهاوه : هاه

سالم : هههههههههههههههههه وش فيك

الهنوف : لا مافيني شي بس ابي ليز اصفر

سالم : ابشري يالله مع السلامه

الهنوف : مع السلامه

سالم بعد ماحط الجوال مكانه تنهد تنهيده قوويه وجا بيقوم

محمد : الله مير يسلمك .. العفو يالحبيب

سالم انصدم : انت صاحي

محمد : لامناحي

سالم : لاجد والله من متى صاحي وليه مارديت على جوالك

محمد : ماسمعته الا وانت ترد واحمد ربك طلعت هنفوووه مو ملاك كان صارت علوم

سالم : وش دراك انها هنوف

محمد وهو مغمض عيونه : من الزفه الي بالمقدمه

سالم : ههههههههههههههههههه زفه هاه

محمد : وانا صادق .. اقول قوم جيب عصير نوره لايجي حامد يخليك عصير انت ونظارتك

سالم : لالا خلاص الا النظاره بقوم بقوم

محمد : يالله اجل خلني اكمل نومي

سالم : باااي

عند الحريم

سعد : يمه والله ماكنت اقدر اصحيك رجعت امس متأخر والله متأخر بالحيل

ام سعد : ولو والله مقطع قلبي عليك ذبحني الشوق ياوليدي

سعد : يمه والله انا بعد مشتاق لك ومشتاق حق جلساتكم

ام سعد : واحنا بعد يايمه

البنات ملو من كثر الروتين وقرروا انهم يسبحون

بهالوقت ماجد يدق على ريم وهي ماترد واستغرب وجلس يدق عليها ليييين تعب

ماجد : محمد ابي اكلم رريم

محمد : هههههههههههه سبحان مقلب الاحوال

ماجد : ياخي اتكلم جد ثيابي مدري وين ودتها

محمد : الحين هالسبب الي مخليك تبي تتصل عليها

ماجد : ياخي اتصل بزوجتك قولها تخلي زوجتي تكلمني

محمد : ابشر ماطلبت شي

محمد : الوو هلا حبيبتي .. تصدقين اشتقت لك .. هههههههههههههه من جدك والله اسويها

ماجد : ياخي اخلص علينا ياحبك للهذره

محمد : ياخي انا حر زوجتي وكيفي

ماجد : الله يوفقك ياخي بس ابي اطلع العيال ينتظروني

محمد : ملوكه حبيبي .. ابيك تنادي ريم ماجد يبيها بالحوش .. اوكيه حبيبتي يالله باي

ماجد : الحين انا قلت لك ابيها

محمد : اجل وش تبيني اقولها خليها تدق عليه

ماجد : طيب انا بطلع اشوفها الحين وبطلع مع الشباب تبي شي

محمد : لا سلامتك



عند الباب

ماجد : وينك انتي لي ساعه ادق عليك

ريم : ادري ومارديت خير

ماجد استغرب : وليش مارديتي

ريم : كيفي .. ياخي انا اجلس الف مره ادق عليك وانت ماترد خلني مره وحده على راحتي

ماجد انصدم واستغرب معقول هالثلج يتكلم ..معقول الصخر ينهز

ريم : والحين وش تبي بروح مع البنات

ماجد : ..........

ريم : ماجد تبي تتكلم ولاشلون

ماجد : ريم وش فيك

ريم :ماجد وش كنت تبي

ماجد : وين ثيابي حطيتيهم ابي اروح للعيال

ريم : ماادري عنهم واذا حدك تبيهم خلي العيال يجيبونها لك

وراحت عنه ريم وتركته بحيرته وبخوفه وهي تجر قلبها وراها الي تعلق بدون ماتحس فيه بشخص مايحس فيها

ماجد واقف مصدووم معقوله هذي ريم معقول هذي الانسانه الساكته الي دايم تقول حاضر وطيب معقول اني سكت لها ومارديت عليها




ماجد مصوووم من حركه زوجته وقرر بنفسه قرار وصمم انه ينفذه < ياترى وش وراك ياماجد

جد نواف : اقووولكم ابيكم تجمعون لي المحصول اليوم

ابو نواف : حااضر يبه

جد نواف : مابي العمال يسوون شي هذوول الي صكوا رااسي ابيهم يقومون يشتغلون

ابو نواف : عيب يبه كيف نشغلهم هذول ضييوف

جد نواف : اقولك ابيهم هم يقومون وابي كل البنات يروحون معهم واذا خلصوا بعطيهم منه

ابو نواف : حاضر يبه

ابو نواف ينادي نواف وسلمان والباقين ويعطيهم خبر انهم ينزلون للمزرعه كلهم عشان يسوون المحصول بما فيهم البنات


عند الشباب

نواف : هاه فيصل ماتبي تجي

فيصل بتعب والم شديد : لالا مااقدر اعذروني

نواف : فيصل فيك شي

فيصل : مافيني شي خلاص خلوني بروووحي

سعد مستغرب فيصل عمره ماكان كذا دايم اجتماعي وحبوب ويحب الكل وماعمره زعل احد منه معقوله هالسنين الي غبتها غيرتهم خساره ياعيال خالي

محمد : فيصل وش فيك الرجال ماقال شي

فيصل : يووووه انا طالع تبون شي

حمد : فيصل وييين

فيصل ترك الكل بحيرته وخرج بسياره ابوه

سعد : تركي وش سالفه فيصل

تركي : والله مادري ياولد عمتي فيصل متورط ولاادري وش بلواه

سعد : تركي انا ولد عمتكم اذا تبي اي فزعه تراني حاضر

تركي : ماتقصر بس الموضوع اكبر من كذا

سعد : مافهمت

تركي : وانا ياسعد للحين موفاهم

سعد : طيب لما يجي خلني اتكلم معه بروحنا

تركي : ياليت والله

بالمزرعه

تركي وعفرا ملزومين يكتبون كل صندوق خضره يطلع من المزرعه ونوع الخضره او الفاكهه وكميتها .. طبعا كل هذا بتكليف من ابو نواف

تركي : عفرا بالله لاتتلخبطين فتحي عيونك

عفرا : لاتخاف كل شي تمام

تركي سكت وجلس يطالعها وهي تحاول تكتب جدول تدون فيه المطلوب منهم رفعت عيونها له واول ماانتبه لها لفت وجهه

عفرا : تركي

تركي : هاه وش تبين يالفالحه

عفرا : وش اكتب هنا

تركي : وتقولي كل شي تمام شكلك بتورطينا

عفرا : الواحد مايسألك بشي انت

تركي : هههههههههههههههههه اكتبي هنا نوع الفاكهه

عفرا : طيب يالله نبدأ

بهالوقت عليا تتابع المشهد وحست بنار تطلع منها

عليا بقلبها هييين ياعفروه ان ماخليتك تندمين .. عاد مالقيتي الا تركي




تركي بصوت عالي

ياشباب راح نفترق مجموعتين مجموعه تقطف المحصول ومجموعه تطلعه فوق

الكل : موافقين

تركي : محمد وسالم واروى وسلمان وسما والهنوف ومريم .. انتم تقطفون المحصول .. وعبد العزيز ( زوج رغد ) ورغد ريم وماجد ورامي وفارس وخالد وساره ومرام وسوزان وعليا وحمد يطلعونه

حمد : وليه الي يطلعون المحصول اكثر

تركي : لانه يحتاج وقت نختصر الموضوع بسسرعه


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -