بداية الرواية

رواية غثيثة مزحة الايام -51

رواية غثيثة مزحة الايام - غرام

رواية غثيثة مزحة الايام -51

ماأكلمها ..بس تجي بيتنا كثير مع مرة اخوها
بنـدر سمع طاري مرة ابوها :انتـي تعرفين شي عن حياتها ؟ !
خجل :اممممم لا ..بس والله البنت طيبه وكيـوت .. ابغاها تجي عندي
بندر يقوم :أوكـي ..انا رآيح الحين وانا نآزل بقولها
نزل من الدرج .. ومـر عالسويت حقهآ .. طق عليها ثـوآني وصله صوتها : ميـن ؟
بنـدر :انا بنـدر !
دقآيق وفتحت له الباب وهي لافه سكآرف على نفسها .. فتحت له ولا تكلمـت وطالعتـه بنظراتها اللي كلها بـراءه .. وكأنها تنتـظره يتكلم 
بندر : اممممممم كيف الحال مرام ؟
مرام :بخير طآل عمرك !.. بغيت شي؟
بنـدر :أيه ..هو شيـيّـن مو شي واحد
ماردت تتنـظره يتكلم .. حركاتها العفـويه واحيانا على غباء .. ماكانت مزعجه ابد .. بالعكس تحـبب الشخص فيهـآ ..
بندر :اول شي شيلي طال عمرك هذي تراني ماأحبها ..
مرام :وش اقول؟!
بندر :انا وش اسمـيك ؟
مرام تتذكر: .. مـرام
بندر :خلااص اجل سميني بندر ..لين قلت لك طال عمرك قولي لي طال عمرك
ضحكت ضحكه خفيفه وصدت بـ وجهها عنه ماتبي تضحك قدامه لأنه كان يطالعها :إن شاء الله
بنـدر :والشي الثـاني .. خجل ودها ترقين لها تجلسون انتي وهي مع بعض تونسون بعض
مـرام طالعته بـ عنيها ذات الرسمـه الخليجيه .. ورمشت كم مره ..من جده هذا يتـكلم ..يبـيني اجلس مع اخته ؟
بندر لاحظ نظراتها .. :وش فيك ؟
مرام :عـادي؟ ..يعني عادي تبغـآني اجلس مع اختك
بندر : انا وش قلت لك تو ؟
مـرام تكـره طريقته فـ الاجابه بـ سؤال :اقصـد ان كيف تبغـآني اجلس مع خجل .. وانا ..
وسكـتت ماتقدر تكمـل .. وش تقول تتعـآطى؟ ومغتصبـه ؟ .. ولـ مين قدام اغلى رجال بحياتها اللي يوم بعد يوم يزيـد غلآه بـ قلبها ..
بندر :يعني لو انا خايف بتسوين شي لأختـي كان ماقلت لك روحي لها .."ببتسامه" انا معتبركم كلكم خـوآتي وأبيكم تجلسون لحالكم ..يالله غيري ملابسك وروحي لها ..
ماعبرت كلمـة "خـواتي" اللي جرحتها .. وراحت تغير ملابسها
◙◙◙◙◙
وٍأسمعكُ ڪِنكٌ|تصوّتْ ليّ،

لآتكتبينْ !

. .. .. . .لآتندهينْ!

. . .. . .. . . . لآترسمينْ الحَلمُ !

. . . .. . . .. . . . .وأطيآفُ الحنينْ!

-{ أنا وهمِ~
-{ أنا وهمِ~
-{ أنا وهمِ~
-{ أنا وهمِ~

مِ آِ تِ فِ هـِمِ يِ نْ = (

◙◙◙◙◙

كانوا جالسيـن عالرمل
محمد ونـاصر وطارق ومشاري ويزيد
نـآصر :خن نلعب دبابات
يـزيد :لا الحين البنات جالسين يسوقون ..وقسم بالله ان يصفقنا ابو فواز
ناصر :إيه والله مايخلينا ..
محمد :مين ابو فـواز .
ناصر :احد الاقآرب .. إنسـان اكره ماله يشوف حرمه ورجال في مكان واحد حتى لو بينهـم 3 أمتـآر
محمد : هههه ..طيب يمكن متزوجين؟!
مشـاري :صح حجـر لكم هههـآآي
طارق :شفه هناك رح أسـأله ..
محمـد : مب لازم .... وش تبون تسوون ؟!
مشاري : امممممممممممممم .. نطعس؟
طارق :ميب ششششينه والله
يزيد :انا معي سيارة نجـلا ..اخاف اخربها تلعني
ناصر يفكـر :تتوقعون كلمة طعـوس ..مأخوذه من تطعيس؟ .."ويقاله يشرح اكثر"..اقصد ..إن لو بنطعس بنصير طعوس؟
طارق:ماعليه ياعيـال امسحوها بـ وجه محمد .. فيوزاته ضاربه من قـلّ النوم
ناصر ومحمد :خيــر!!!
طارق:فيه تنـآسخ ارواح بين محمد وناصر
يزيد : انا من الحين اقولكم منيب رآآكب مع نويصير
ناصر :لاوالله .. وليه ان شاء الله ؟!
مشـآري : لأنك بآيع عمرك
طارق :صح و الله قـآل ولا تلقوا بأيديكم الى التهلكه
ناصر يلف على طارق :انت الحين وش قصتك؟ متعشي مع العريفي أمس؟
محمد :ههههههههههه .. ليه ؟
ناصر بـ نص عين لـ طارق :ضـآق االقبر ..وو الحين يقول آيه ..اذا ودك تصير مطوع قـل لاتستحي ..بالعكس كلنا بندعمك
مشاري:لا تتكلم بـ ضيغة الجمع .. لو بدعمه انا دعمتـه معنويـاً ..
محمد:ههههه قعيـطي انت الله يحرسك
طارق :تخيل محـيميد ..مشغل اغاني واحنا فالطريق ..إن متْ وانا اسمع اغاني منتب نافعني
نـآصر : انا قلت شي؟ ..وش زيني اول ماقلت لي كذا ..علطوول سكرت المسجل
طارق:إيه ماشا الله ..وش زيينك
رن جوال محمد
المتـصل>سلطـان
محمد :دقيـقه
وقام ..
مشاري :لا يكوووون بـ ترضع ..ترا مناب رايقين لك الحين بنطعس
ناصر :لا ويييين يـآبو يخرب برستيجي اصير طعس بعدين
طارق:يــــــآرب على هالغبي ..ناصر فيه خيمه هناك رح نم لك شوي وتعال
ضحك محمد عليهم .. ورآح يرد
محمد :هلاوالله وغـــلا
سلطان :هلا بك
محمد :ويييين الناس .. دقيت عليك مره مارديت
سلطان :إيه كنت بـ الحسـآ مع اهلي نعييد .. شآيف مكالمتك مالحقت اردها
محمد :الله يعيينك
سلطان :انت وش اخبـآرك؟!
محمـد : والله بخير ..وانت علومك بشرنا عنك انت وتركي وحسام وانس
سلطان :بخير الحمدالله مانشكي بـآس .. ناقصنا شوفتك ..
محمد :الحمـدالله
سلطان :الا متى نآوي تنور الخبر ؟!
محمد :ههههههه إن شاء الله ..خل تستـقر الاوضـآع ..
سلطان :تركي جنبي يبي يكلمك ..اقلق امي
محمد :هاته والله ومشـتاق له
تـركي:هـلا والله يـــآبو تركي
محمد :على كيف امك انت ابو تركي؟
تـركي:وش فيه اسمي..يهبـل .."يستهبل"..جناااااان روعه
محمد يكمـل :يسلـموو يالغلا
تـركي:مشكور عالمـرور هههههههههه
محمد:هههههههههههه لين الحين خبل
تركي:اللي يسمعك يقول صار لك سنيـن ماشفتـني تراك ماكملت الاسبـوع حتى
محمد :عشانك مب فيه احسهـآ دهوور
تركي:يآلبـآه بس .. ترا كذا اخق انا واجيك الريـاض
محمد :تجي الرياض وش تسوي؟
تركي:وش دخلك يـأخي بـلآ قلة حيـا ؟
محمد:انا اللي بـلا قلة حيا؟..لا جد بديت اشك بـ أخلاق وميولك
تـركي :هذا هـو القصد يـآ موزّتـي
محمد :الله ياخذك ..هههههه
تركي:ويـــــآك
◙◙◙◙◙

صار لها فتره جالسه مع البنات .. ولا ارتـأحت الا لـ نجلا
كمـلوا سوالف
- انتي تربـيه خاصه؟!
نجـلا اللي صوت المسجل بدآ يضـآيق اذنها :أيه .. وانتـي؟
مريـم :ماحصل لي ادخل الجامعه
نجـلآ :أهـآآ ..ياحظك اجل
مريم :لا والله .. أحسن من جلسة البيت
نجـلا:يختـي الجامعه قلـق ..يازين المدرسه هههه
مريم : ماجربت عشان اقولك .. بس والله اني اشتـآق لأيـام الدرآسه ..
نجلا :تبين نقوم عن الازعــآج
مريم :يالله
طلعـوا براا .. كان فيه من البنات رآكبين دباب ..
جلسـوا يتمشـون وصلوا عند خيمه كان فيها شغالات ..
سمعت نجلا صوت صيـآح .. عرفت ان هذي بنت سعود ..بس وش جابها
مريم اللي تخل الخيمـه ورا نجلا :يالله ليه جايبينها هنا ..صغيره عالبر احس
نجـلا :من جد
اخذت نجـلآ ديمه من الشغاله .. :يـاقلبي تنرحم
مريم :تقرب لك؟
نجـلا:بنت ولد عمي
مريم :وين امها؟! ..يعني كذا تخليها مع الشغاله وش هالاهمـآل ؟
نجـلا بـ نص إبتسامه :امها ميتـه
مريم وجعهـآ قلبها انبهـآ ضميرها على الكلمه :يوووو يـآقلبي عليها ..
نجـلا تضم البنت :من جد ارحمهـآ
مـريم تشيل ديمه ..عشان تسكت وتهزها ..وشكلها ارتاحت في حضن مريم .. ابتسمت نجـلا :تعرفين لـ الاطفـآل انتي
مريم :ههه مو مره ..
◙◙◙◙◙

كان جالس يكفـر ..مايدري كم مره عليه وهوو ماشي في كذبته
ولا كـم صآر له مقفل جواله وتحاشـآ أي مكالمه بهالخصوص .. حتى امه من هذاك اليوم ماشـآفها
- عبـــــدالله ..وش مجلسك هنا؟
طالع عبدالله بـ زوجته :جواهر احس ان الاحسـن اروح للمرام في فرنسا
جواهر :ولييه تروح لها .. عشان ننفضح أكثـر ؟!
عبدالله :لا مهب القصد .. بس .."وكمل يجاري تفكيرها".. شوفي لو رجعناها .. يمكن احد من هالاكبـاريه يتزوجها اختي مب ناقصها زين .. وان خذتيها معك للجمعات ام سعود يمكن احد يخطبها
جـوآهر :انا حاولت قبل كذا ولا قد انخطبت هذا اول شي ..ثاني شي شلون تبي هالاكـآبر ياخذون اختك وهي مغتصبه وتتعـآطى ..شـل الفكره من رآآسك
◙◙◙◙◙
بعد صـلآة العصر ..
وهو يلعب بالدبـآب كان متهوور ويسوق بأسرع شي
محمد :نــآصر هدّ أحنـا مب في سباق !!!
طارق مـر من عند محمد :مب سـآمع لا تتعب نفسك
كان نـآصر يسوق بالدباب ويفحط .. ويرقى فوق الرمل وتـلآل صغيره .. ويسوي غزآل ..
وفي لحظـه منه فقد السيطره على نفسه .. وانقلـب فييه الدبـآب
طآح على يده اللي طآح بـ كل ثقل جسمه عليها ..وحس بـ لسعه فيها..صًرخ صرخه مدويـــه
اول من حس فيه لأنه كان قريب محمد .. أتجهه له بسرعه وورآه طارق ..
وبعدهم مشـآري ويزيد ..
محمـد :ناصر ..
وخـر عنه الدبـآب .. وحاوله يقومه بس ناصر كان يتآلم ويتأوه ..مسكر عينه وشكل الالـم مب شويه
محمد :نـآصر ..تقدر تقوم ؟
ناصر هز راسه بـ لا .. ثمن ايه
يزيد ومشـآري شآلو الدباب بعييد ..اما طارق حآول يساعده يقوم ..بس صـرخ ناصر بأقوى شي عنده
محمد :خله خله ..تعال نشييـله نوديه المستشــفى
شآلوه وهو يصـآرخ عليهم لأنهم عوروه .. صاورا ماسكينه ..يعني شايليـنه الا شوي
محمـد :يــآخي تعرف تسكت ..ترا بنذبك هنا ويالله شف من بيـوديك
ناصر :وووجع انا اخوك يـآتبن ..
مشـآري :ههههههه مسـرع ..
ناصر :شلوني شوي شوي .. تـرآني ماأتحمل
طارق :نوووويصير ياكلب ..احمد ربك اننا مسـاعدينك تراها يدك ميب رجلك
قاطعه محمد :اسفهه انت لا ترد عليه .. خله يحكي لين يتعب
ركبـوا السياره ورآح به محمد وطارق لـ المستشفى
◙◙◙◙◙

- عاد غريبه عمي موافق
نواف بـ وجهه اللي يدل على واحد مسالم :مدري عنه .. بس اكيد خايف على منصبـه ولا شي
سعود :إيييه الله يوفق امك وابوك .. وعقبـال مانفرح بك
نواف :هه تونا عالعرس
سعود :وين توك ..يومني كبرك وانا متزوج
نواف :هههههه يومك كبـري ..ترا مابيني وبينك الا 4 سنين بس
سعـود :ولو اهم شي بينّـا عمر
رن جوال سعود وكـان شغل
طلع بيكلـم .. وكان يمشي ..اتجهه للخيمه اللي فيها ديمـه واول ماسكر جآ بيدخل بس سمع صوت
- ههههه مالت تدرين اول انها كانت بس تبغـآني
عرف ان هذي نجـلا .. من نعومة الصوت ومخارج الحروف ..مثل حرف الـ(د)
صوت ثـآني :لو كانت تبغـاك كان اول ماقلتي تعالي جتك ..بس شكل البنت حبـتني
نجـلا :خلااص اجل نزوجك ابوها ..تراه صغير يمكن 30 سنه بس ..
مريم استحت بس قالت :يعني عشان البنت بغتني خـلاص؟ يختي تفكيرك تفكير عجز
نجـلا :ههههه عادي وربي .. وبعدين عريس لـؤطه صغير وجنتـل شكله مره
مريم تعطي ديمه للشغاله :يــارب عـ العجوزه .. امشي بس نمشـي
صاحت ديمه اول ماشالتها الشغاله .. شالتها نجلا وسكتت ..وقال تستهـبل:حرام عليك البنت بس تبكي تبغـآ زوجة ابوها
مريم :ههههه طيب يمكن زوجة ابوها نجسسه ؟!
نجلا بس ابتسمت ..تذكر ساره عطت ديمه لـ الشغاله ..توهم بيطلعون دخل سعود مع الباب الثـاني وتنحنح
تغطت مريم بالسكآرف اللي معها ..
سعود شـال بنته ..وقال يكلم نجـلا بس انه يلعب بنته ولا طالع فيها ولا في مـريم : كذا يـانجلا تهون عليك بنتي تتركينها
التفت نجـلا : ههههه هي تحسبنـي خجل يمكن
سعود يلعب بنـته : طيب مثلي دور انك خجل .. لين ماترجع مابقى شي على رجعتها
نجلا :كيف؟ مو هي بتجلس كم شهر؟
سعود يشيل ديمه بـ يده الثانيه ويطالع نجـلا :لا .. انا مسـآفر بعد اسبوع او اكثر وهي بتجي لأنها متعلقه فيني وفي عمتها
نجـلا بـ عفويه : عـآدي طيب تجلس عندي .. ماله دآعي العتب
أبتسم سعود وطالع في ديمه .. شكله كان جذآب مره ببتسـامته اللي نجلا ماتدري وش سببهـا .. حست انها قالت شي غلط ..بس ماتتذكر انها قالت أي شي
سعود :لا والله بنتـي بثره بس تصيح .. وبتزعجك وانتي ورآك جامعه
نجـلا: لاوالله عـادي ..بالعكس انا احب الصغـار .. "وتفكر".. طيب خلها عندي لين تجي خجل ..
سعود :خجل ان جت بتجي قبل سفـرتي وانا منيب مطول يمكن اسبوعين ورآجع
نجلا استحت من كثر ماتزن عليه :أوكي .. بس اذا غيرت رآيك انا بالخدمه
أبـتسم :تسلمين والله ماتقصرين
طلعت نجـلا مع مريم
مريم : هذا ابوها؟؟؟؟
نجـلا :إيوآ
مريم :كيـووووت مره .. ماشاء الله ماكأنه ابو ابد
نجـلا :قلت لك تزوجييه
مريم : وين اتزوجه وانتي فيه .. احسه يستلطفك
نجـلا :بنت عمه وبحسـبة اخته
مريم بـ نبره وهي تطالعها :اخـــــته؟
نجـلا بضحكه ناعمه :انا مخطـوبه اصلاً
مريم :أمـا .. مبروك
نجـلا : ههههه مابعد صار شي رسمـي انا محيره له .. ولا بعد جا خطبني رسمي
مريـم :اهـا
وهم ماشيين شـآفوا محمد وطارق ويزيد ماسكين ناصر .. نجلا ارتـاعت تحسب ان فيه شي ..
نجـلا :وش فيهم هذولي؟
مريم :يمكن احد فيهم طاح من الدباب ... شوفي؟!
وآشـرت على دباب ناصر اللي كان طايح ..
نادت نجلا يزيد عشان تفهـم منه السالفه
◙◙◙◙◙

- من زمـان كنت نآويه اقولك تجين .. بس مقدر انزل
مرام مستغربه:ليه؟
خجل :انا بالعده
مـرام استغربت انها بالعده ومسـافره .. بس ليه تستغـرب هم ناس عادي عندهم كل شي إيــزي .. :الله يعـينك يارب ..
خجل :المهم سولفي لي عنك ..وش اخبارك
مرام :تمام
خجل: كيفك مع العلاج ان شـاء الله ماشيه؟!
مـرام : والله لين الحين ..بس تعديت المرحله الصعبه الحمدالله بصرآحه كانت اشين أيـام حياتي
◙◙◙◙◙
- وش صـار؟
نجـلا : ناصر ولد عمي .. طآيح من الدباب
مريم :أها تعور؟
نجلا :يقولون يده توجعه ..لا إن شاء الله مافييه شي
مريـم : يصير ولد عـم نواف مو ؟
نجـلا :إيه ..بس ترا مو ولد عمي علطول هو ..حتى نواف .. يعني ابوانا عيال عم
مريـم :يـ ذا البعد .."وقالت تستهبل"..اجل مب لازم تخافين عليه
نجـلا تتدلع بس بإستهبال ولايق عليها :هذا ختشــيبي (خطيبي لغير الناطقين بلغلة الكيوتات خخ)
مريم :أمـــانه؟؟! اللي طاح؟
نجلا تهـز راسه ..مريم :يعــــــذررررررك اجل خايفه عليه .. خشير العقـل
نجـلا :ههههههه فاهمه غلط انتي .. هو ولد عمي بعد.. قبل كل شي
◙◙◙◙◙

بـعدها بمده
- يــآرب ! ..وش تحسين به انتي وخخخري عن رجلي
النيرس ماعرفت تشتـغل من ناصر: ur hand is broken
نـآصر يطالع محمد وطـارق:سووا شي انتـوا..وقسم بالله بـتكسرها لي
محمد :ناصر حبـيبي ..يدك اصلا مكسـوره
ناصر يرقـع :انا قصدي بتكسرها زياده
طـارق :حالتك صعبه انت .. خلها تشوف شغلها بس
نـاصر شآل يد النيـرس :وخري انتي خلي لين تخف رجلي ثمن تعالي .. go out I don't wanna taetment right now
(اطلعي ماأبي دوآ الحين)
يتبع ,,,,
👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -