رواية الهوى غلاب وامر الله غالب -6


رواية الهوى غلاب وامر الله غالب -6

رواية الهوى غلاب وامر الله غالب -6

سالم : ايه بس العيال رايحين رادين ومايصير حد يشوفك .. لو سمحتي ادخلي

الهنوف : وانا وش دخلني فيهم

سالم عصب : وش يعني وش دخلك فيهم اقول ادخلي داخل احسن

الهنوف : وانت ليش تصارخ بوجهي

سالم : الحين بتدخلين ولاشلون

الهنوف : لاتحكم علي انا اسوي الي ابيه

سالم : هنوفوه لو سمحتي ادخلي لااسوي شي اندم عليه

الهنوف : وش بتسوي يعني

سالم حز بخاطره .. ااااه لو اني خاطبها او لي كلمه عليها .. كان شديتها من يدينها ودخلتها داخل .. ولااحد يشوفها واقفه هنا .. او حتى يلمح طرف اصبع منها

الهنوف مشت وتركته .. اوووف منه يفكرني طفله يبي يتحكم فيني .. مو يكفي هالي يكلمها يجلس يتأمر عليها ..هي اكيد تحبه ولاماكان سمعت كلامه ؟... اوووف انا ليش افكر فيه خلني ادخل لايجي تركي يذبحني



ريم جلست بالمستشفى كم يوم اغلب الوقت مسويه انها نايمه .. ماتكلم ماجد الا اذا كلمها كلمه ورد غطاها .. هو استغرب منها كثير حاول انه يتكلم معها بس للأسف مافيه فايده

ببيت ماجد

ريم : ماجد ممكن اتكلم معك شوي

ماجد وهو يلبس ملابسه : ياليت انا من اول وانا ابي اتكلم معك

ريم : ماجد ابيك تطلقني

ماجد رفع عينه : وششوووووو

ريم بجديه : الي سمعته

ماجد وكل علامات الصدمه بعينه : ريم انتي وش جالسه تقولين

ريم : ماجد تكفى لاتناقشني طلقني وبس انا ماقدرت اسعدك ماقدرت اخليك تحبني ماقدرت

ماجد سكت وجلس يطالعها يبي يقول شي بس مايدري وش هو يبي يعبر عن شي بس ماعرف كيف يعبر عنه .. انا كنت ابي اطلقك المفروض افرح انها جات منك بس وش فيني


اخذ بعضه وطلع وتركها


ماجد بالسياره وهو محتار خايف لا ريم مستحيل اتركك مستحيل راح افقدك ماقدر يسيطر على نفسه جات قدامه سياره اضوائها قويه على عيونه الي لاول مره تغرق بدموعها

ريم : الووو

المتصل : السلام عليكم

ريم : وعليكم السلام

المتصل : هذا جوال الاخ ماجد صالح محمد آل ... وصاحب الجوال صاير عليه حادث

ريم : وشوووو

المتصل : ياليت لو تبلغين حد يجي يكمل الاجرئات

ريم : طيب هو كيفه ووووووش اخباره

المتصل : بصراحه ماعندي اي خلفيه .. مع السلامه




ريم : الوووووو ساااالم

سالم وصوته كله نوم : هاه ريم وش مصحيك الحين

ريم : سالم قوووم الحق علي

سالم بجديه : وووووش فيك

ريم وهي تشاهق : ماجد ... صاار ... علييه ... حاادث

سالم : وش تقولين وش فيه مااجد

ريم : حادث ... حادث

سالم : ريم هدي عمرك الحين جاي




الساعه 2 بعد نص الليل

ببيت ابو محمد الكل نايم

جوال ابو محمد يدق

سالم : الووو عمي

ابو محمد : هلا سالم وش السالفه وش صاير

سالم : عمي ابيك تقوم وتسمعني

ابو محمد : سالم وش السالفه اتلفت اعصابي

سالم : عمي ماجد صار عليه حادثق وحالته شوي خطيره

ابو محمد : وشوووووووو

سالم : عمي تعال بسرعه مستشفى الـ ..........

ابو محمد : طيب الحين جااااي


ام محمد : وش السالفه

ابو محمد : ولا شي بس سالم تعب شوي ويبيني اشوفه

ام محمد : بسم الله عليه .. وش فيه

ابو محمد بقلبه هذا انا قايل لها سالم اجل لو بقول لها ماجد وش بتسوي

ام محمد : ابي اجي معك بشوف الولد وش فيه

ابو محمد : مايحتاج شوي انا وبجيبه معي .. ماسمعتي توه مكلمني يعني مافيه شي

ام محمد : طيب طمني عليه

ابو محمد : ان شاء الله مع السلامه

ام محمد وقلبها يعورها : الله معك



سالم مر ريم واخذها للمستشفى

سالم : هاه دكتور وش السالفه

الدكتور : للأسف الاصابه قووويه بالمخ

سالم : طيب دكتور هو كيف الحين

الدكتور : هو بغيبوبه الحين كلها مسأله وقت وان شاء الله يقوم

سالم : يعني متى يادكتور

الدكتور : العلم عند الله مانقدر نسوي شي لين يقوم

سالم : لاحول ولاقوة الابالله

الدكتور : خير ماقلت .. عن اذنكم


ريم : سالم ماجد وش راح يصير عليه

سالم : ماراح يصير الا الخير امشي خلنا نروح

ريم بصياح: لا مابي اخليييه

سالم : ريم ابوي قلقان انا قومته اول ماقمت

ريم تمسح دموعها : طيب روح قوله وخله يجي .. >وتكمل بصياح <.. قوله ان ماجد بالحيل تعبان

سالم : ريم وبعدين معك خلك قوويه

ريم رفعت عيونها وصارت دموعها تنساب بدون صوت : انا فقدت امي واختي بيوم واحد .. معاد فيني افقد احد .. مابي افقده ياسالم

سالم : ان شاء الله ماتفقدينه .. ريم هذا ابوي يتصل

ابو حمد : ساالم وش السالفه

سالم : يبه ماجد صار عليه حادث وهو بغيبوبه الحين

ابو حمد : وشووووو وريم وش صاير عليها

سالم : لايبه ريم ماكانت معه

ابو حمد : وينها الحين

سالم : هنا قريبه

ابو حمد :انا بتصل على ابو محمد وبنجيكم كلنا .. مع السلامه

سالم : لا يبه انا توني مكلم عمي قبل مانجي

ابو حمد : خلاص بكلم ابو خالد وبنجيكم مع السلامه

سالم : مع السلامه




ابو حمد وابو محمد وابو خالد .. اتصلوا على بعض وتجمعوا بالمستشفى بدون مايكلمون احد

الساعه 7 الصبح

ابو محمد : الووو

تركي : هلا يبه وينك

ابو محمد : تركي ابيك تكلم حمد وفيصل وسعد ولد عمتك وتجوني مستشفى الـ....

تركي : خير يبه وش فيك

ابو محمد : اخوك ماجد صاير عليه حادث وحالته صعبه وخطيره

تركي : وشوووووو

ابو محمد : تركي يبه لاتجيب سيره لامك انت عارفها

تركي : طيب طيب ماراح اقولها دقايق واجيكم




سعد وفيصل بمجلس الرجال الخارجي بببيتهم ابومحمد فاهم ان فيصل عنده دوره خارجيه ومسافر بسببها

سعد : هذا تركي داق علي مدري وش فيه



تركي : الووو سعد

سعد : هلا تركي

تركي : سعد ابيك تكلم العيال وتجون مستشفى الـ...

سعد : خير عسى ماشر

تركي : تعال وانت تفهم .. مع السلامه

سعد : مع السلامه


فيصل : وش السالفه

سعد ارتبك : والله مدري تركي وش فيه يبينا نروح المستشفى

فيصل : ليه وش فيه تركي

سعد : ياخي مافيه شي توه مكلمني بس يمكن حد تعبان .. قوم انت بالسلامه ومالك شغل بشي

فيصل : طيب بجي معك

سعد : وين تجي اكيد عمي هناك وبعدين انت ماخلصت علاجاك

فيصل : قلبي حاس ان فيه شي

سعد : ان شاء الله خير انا بروح اشوف السالفه واكلمك

فيصل : لاتتاخر علي

سعد : ان شاء الله




ببيت ابو محمد

ام محمد : وشوووووووووووووووووووو ولدي بالمستشفى وتووووكم تقوووولوووولي

ابو محمد : هدي عمرك ياام محمد وش تبينا نقولك

رامي : يمه يقولون حالته خطيييييره

ام محمد : يمممممه ولييييييدي

ابو محمد : قول لااله الا الله مافيه شي ياام محمد

ام محمد : رااامي قووول للخدامه تجيب عبااتي

ابو محمد : وين بتروحين الحين

ام محمد : وين بروووح عند وليدي .. ضناة عيني

ابو محمد : من بيوديك الحين

ام محمد : تركي يوديني .. انت توديني .. اكلم محمد يمرني .. ودووووني له

ابو محمد : طيب طيب يالله اطلعي بسسرعه




بالمستشفى

ام محمد تبكي وتشاهق : حسبي الله عليهم هالي مايخافون ربهم .. بسم الله عليك وانا امك

ريم تبكي معها : تكفيين ادعي له خالتي

ام محمد : ضناة عيني ياوليدي .. خذ من عمر امك ياوليدي وقووم

ريم تكمل صياح وبقلبها خله ياخذ من عمري بس يقوم لنا بالسلامه

ابو محمد : يااام محمد كذا مايصير .

ام محمد : اجل وش الي يصير .. ولدي جالس يموت قداااامي

ابو محمد : خلاص ياام محمد .. ماينفعه الا الدعا ادعوا له

ام محمد تناظره بقلبها .. رد علي وانا امك .. لاتروح انا مالي غيركم


امك ياوليدي انا امك ..

يالي سقيتك امك ودمك ..

يالي زرعتك في ظلوعي ..

بالشقا قلبي يضمك ..

شلتك بصدري ورعيتك ..

بالحزن ليل ونهار ..

كيف زرعي الي زرعته ..

احصده جمر ونار ..


الهنوف سمعت ان اخوها بالمستشفى بغت تروح فيها

الهنوف : الوووو يمه وينك

ام محمد وكلها صياح : انا عند اخوك بالمستشفى

الهنوف : يمه ماااجد وش فييه

ام محمد : مافيه شي حبيبتي لاتخافي

الهنوف : يمه ابي اجيكم

ام محمد : الحين اشوف ابوك او حد يجي ياخذك




ام محمد : ابو محمد هذي هنوف تبي تجي تطمن على اخوها

سالم من سمع الهنوف فز قلبه وصار يطالع عمه

ابو محمد : الحين من يجيبها مافيه احد قوليلها تنطر

ام محمد : البنت خايفه على اخوها مقدر اقولها لاتجين جالسه تبكي

سالم بقلبه .. ياحلوها وهي تبكي .. ( مانسى اول مره شافها كانت تبكي )

ابو محمد : سالم الله لايهينك وانا عمك خذ رامي وروح جيب الهنوف من البيت

سالم والفرح ملى قلبه .: ابشر عمي .. يالله رامي

ابو محمد ابتسم كانه حاس بالي بقلب سالم بس الوقت ماهو مناسب والاوضاع ماتسمح بالكلام



سالم : رامي دق على اختك

رامي : يووووه نسيت جوالي

سالم : طيب والحين كيف نقولها

رامي : انت وين جوالك

سالم : معي

رامي : طيب هات اكلمها

سالم : هاك

رامي : هلا هنووف

الهنوف بصياح : راامي وينك

رامي : البسي عباتك انا بمرك خمس دقايق واطلعي

الهنوف تكمل صياح : طيب مع مين جاي

رامي : مع سالم ولد عمي

الهنوف : لا خلاص مابي اروح

رامي : هنوف بطلي دلع ويالله اطلعي ترى وصلنا

سالم : وش فيها

رامي : مدري عنها شكلها استحت منك .. ماتبي تجي

سالم بقلبه .. وش فيها هذي مزاجها متقلب .. ماعرفت لها



بمجلس سعد الخارجي

سعد : فيصل اهدى شوووووي

فيصل : فكنيييي .. خلني اطلللللع

سعد : تركي امسكه معاي خلني اعطيه منوم

فيصل حالته حاله ... كل شوي يقوم يبكي مثل الاطفال ويصارخ .. ولما يحاول يطلع ويمسكه سعد يضربه

سعد يمسح على راس فيصل .. والعرق مغطيه .. : الله يكون بعونك والله اني حاس فيك




بالمستشفى

هنوف : الووو هلا ريومه

ريم والحزن مالي قلبها : هلا هنوف

الهنوف : وش اخبار ماجد اليوم

ريم بحزن: على حطة يدينك انا الحين بروح اشوفه تجين

هنوف : ايه اكيد مع من

ريم : من لي غيره سالم الله يخليه لي

هنوف : آمين ويخلي ماجد لك بعد

ريم : الله يسمع منك ... يالله جهزي نفسك انا الحين بمرك

هنوف : طيب مع السلامه

ريم :مع السلامه




سما : وش السالفه

مروان : مادري فجأه طآآح عليينا

سما : بسم الله .. سلمان ..سلمان

سلمان :...........

سما : اعطوني اكياس ملح

الممرضه : حاضر دكتوره

سلمان انخفظ ضغطه بعد ماابوه اصر عليه انه يتزوج ومالقى غير بنت عمه ..

سلمان فتح عيونه بعد سااعه من الملح وبتثاقل قال : مرووان

سما : حمدلله على سلامتك .. خوفتنا عليك

سلمان فتح عيونه كلها على بعض : سسسسسسسما

سما استغربت : وكيف عرفتني

سلمان : وين كنتي ... ويييينك فيه

سما فتحت عيونها كلها : هي انت وش فيك ..؟؟

سلمان : انتي الي وش فيك .. ليه خليتيني

سما : هي انتي متأكده جايبه له ملح ولا شي ثاني

سلمان : سما تكفين خلك معي

سما : انت مافيك شي .. لاتخاف .. وبعدين انا مشغوله نام الحين

سلمان : لا اخاف لو قمت مالقاك

سما : شكلي بتصرف معك بطريقتي

سما استغربت :وش فيه هالمجنوون

مروان : هاه دكتوره وش اخباره

سما : لاتخاف عليه مافيه شي

مروان : انتي مو دكتوره اسنان

سما ببتسامه : ايه بس الحين تدريب عام لازم يدربونا على الطوارئ

سلمان :مروووان

مروان : هلا

سلمان : مابي اطلع من هنا

مروان ببتسامه خبث: اببشر





بالمستشفى

ريم تناظر ماجد وعيونها ماوقفت بكي .. ماسكه يدينه وحالتها تقطع القلب .. لها يومين مانامت والقلق والارق مغطين عيونها ..

سالم : كيفه الحين

ريم : على حطة يدينك

سالم : ريومه قومي نامي لو ساعه

ابو حمد : ايه يايبه قوومي لك ساعه عنده كلها فتره ويقوم

ريم بحزن: المهم يقوم

سالم : يبه ريم بتموت علينا مانامت زين .. تكفى يبه قولها ترتاح

ابوحمد : ريم قومي حبيبتي كلنا معه ..

ريم تبكي : وينكم من اول يبه .. وينكم يوم يهاوش ويزاعل ويتأمر ويزعلني .. وينكم يوم غصبتوني عليه وغصبتوه علي .. لييين صارت حياتنا كلها هواش وخوف وقلق .. يبه انا طلبت منه الطلاق

سالم : وووووش قلتي

ابو حمد انصدم بس هو خلاااااص بعد زوجته تعود على كل شي ..كل الصدمات صارت عنده عادي : ريم ارتاحي وانا ابوك الحين ... ويوم يقوم زوجك بالسلامه لكل حادث حديث

ريم : راحتي بين يدينه .. راحتي بقومته يبه

سالم بانفعال : ريم انتي تحبينه

ريم وعيونها كلها دموووع :.................

سالم : لهالدرجه ...!!!!!

ريم : سالم روح انت جامعتك مابقى شي على امتحان الصيفي الي انت ماخذه

سالم : طيب بروح بس تكفين طمنيني عليك

ريم : ماراح اصير بخير لييين يقوم ماجد بالسلامه

سالم : ان شاء الله بيقوم

ابو حمد : ان شاء الله

ابوحمد : يالله ريم انا بروح الشركه

ريم : الله معك يبه

ابو حمد : هنوف انتي بتباتين عندنا اليوم

الهنوف ببتسامه : ابششر عمي




سالم : وش اخبارك اليوم

هنوف بقلبها صدق انك ماتسحتي : طيبه

سالم بقلبه ياربي وش هذي اموت واعرف وش فيها

هنوف : ريومه بيدخلونا الحين

ريم : الدكتور عطاني ورقه ادخل فيها باي وقت

هنوف : حلوو

سالم ياحلو صووتها .. انا لازم اعرف وش فيها ..لازم

سالم : يالله بنات وصلنا




مرة ثلاث اسابيع وفيصل قام بالسلامه مع شوي ضعف بالتغذيه بس سعد ماراح يخليه ليين يتطمن عليه

ابوخالد : وليه تبيها تسافر معك

تركي : فيه هناك اسره سعوديه مات الابو والام وماباقي غير بنت صغيره واخوها .. والسفاره رافضه تسفرهم بلحالهم .. وطبعا ماراح نقدر احنا نجيبهم احنا حدنا مانعرف نهتم باي طفل صغير

ابو خالد يفكر : ............

تركي : هاه عمي وش قلت

ابو خالد : والله ياولدي مااقدر اقول للخير لا بس بشرط

تركي بفرح : وش هو آمر

ابو خالد : تاخذون خالد معكم

تركي :خلاص ماعليك ناخذه معنا

ابو خالد : ومتى نويتوا تسافرون

تركي : اسبوع بالكثير

ابو خالد : ترحون وترجعون بالسلامه

تركي : الله يسلمك توصي شي عمي

ابو خالد : سلامتك




جهز تركي كل الاوراق وكلم فيصل وحمد وعفرآ وخالد وسعد عشان يجهزون حالهم

بالمطار

فيصل : حمد احس اني خايف

حمد ماسك يدينه : فيصل لاتخاف كلنا معك

فيصل : حمد انا ابيك انت معاي

حمد نزل راسه : انا السبب بالي انت فيه

فيصل : لاتقول كذا .. هالشي ربك كاتبه والحمدلله على كل حال

حمد : طيب ليه ماقلت لي من الاول

فيصل : كنت خايف .. كنت خايف انفضح او تروح جوانا مني

حمد : وللحين تبيها

فيصل : بالله هذا سؤال .. طبعا ايه

حمد بنظرات صدمه

فيصل : ههههههههههههههههه امزح معك اكيد مابيها حد الله بيني وبينها كل الي افكر فيه اني اخلص العالم من شرها هي واخوها

حمد : ايه هذا فيصل الي اعرفه الله يجعل هالضحكه دايم ياخوي

فيصل : الله يديم الخير بينا يارب

تركي : ينادون على رحلتنا يالله عيال

عفرآ : تركي انا خايفه

تركي : لاتخافين ادري اول مره تركبين طياره

عفرآ : ولو مو انت ماكان شفتها

تركي : هههههههههههه اركبي اركبي بس




دخلت ريم عند ماجد وجلست عنده..ماسكه يدينه وتركت سالم والهنوف بره لان الدكتور قال مايبي انفاس كثيره بالغرفه

سالم : هنوف

الهنوف : هلا

سالم : تغديتي

الهنوف : ايه الحمدلله

سالم : خساره كنت راح اعزمكم على مطعم

الهنوف انقهرت منه: مو مشكله مره ثانيه

سالم حب يمزح معها : وش مره ثانيه انا يالله اقنعت نفسي هالمره بعد تبوني افكر مره ثانيه

الهنوف انصدمت : اووف منك .. بخيييل

ريم : اوووف اذا سالم بخيل اجل من الكريم

هنوف : طالعي وش يقول

سالم : هاه ريم وشلون شفتيه

ريم نزلت راسها: بيصير طيب .. اكيد راح يقوم

هنوف : وانتي هذا حالك .. كل مادخلتي عنده بكيتي

ريم وهي تمسح باقي موعها :من قال بكيت

سالم ابتسم لها : يعني احنا مانشوف

ريم نزلت راسها : فقدته .. والله ياعالم فقدته

هنوف : هذي عمتي سما

سالم : هلا عمتي .. هاه وش اخباره

سما : لاتخافون حالته مستقره انا كل بعد فتره اطلع من قسمي واجي اشوفه ..

ريم : امانه عمتي لو صار له شي تبلغيني

سالم : دقي علي انا وماعليك

هنوف : لا دقي علي انا

سما : هي هي هي عطيتكم وجه .. فاضيه لكم انا ..لو صار شي لاقدر الله بدق على صالح اخوي ارتحتو

سالم : ههههههههههههههه ايه هذا مقبول

سما : ايه ومن يشهد .. صالح يحبك اكثر واحد من عيال اخوانه


يتبع ,,,,

👇👇👇
أحدث أقدم