بداية

رواية الهوى غلاب وامر الله غالب -5

رواية الهوى غلاب وامر الله غالب - غرام

رواية الهوى غلاب وامر الله غالب -5

الهنوف : باااسكن
مريم : ايه بااسكن وكلنا على حسابك
تركي : هاه عفرآ وين تبين
مرام : وش معنى عفرآ
تركي : لان عفرآ دايم ترضى بكل شي فهي لازم تطلب هالمره
عفرآ بابتسامه : ابي كون زون
الكل : لاااااا
تركي بضحكه : خلاص بوديكم باسكن لين تخلصون اودي عفرآ كون زون
الكل : مواااافقين
بالمزرعه
ام محمد : يمه نووره مافيه خيار بجزر هالعصير مايسووونه
الجده نوره : اقولك ماني ماكله لين تجبيه لي
ام محمد : يمه والله مايجيبونه
الجده نوره : اقوووولك ماراح اكل
ام محمد : طيب طيب يصير خير
ام محمد تتصل على ابو محمد
ام محمد : السلام عليكم
ابو محمد : هلا والله بام محمد
ام محمد : ابو محمد امي نوره تبي عصير خيار بجزر من وين اجيبه
ابو محمد : هههههههههههههههههههههههههههه خيار وجزر وش تحس فيه امي
ام محمد : الحين لاتضحك خلصني ماتبي تاكل
الجد حامد يسمع فيها نوره : وش فيها نوره
او محمد : تبي عصير يبه
الجد حامد : من هو القصير
ابو محمد : خيار وجزر يبه
الجد حامد : ووووين المطر
ابو محمد : ام محمد قفلي الحين ابوي مصمم يفهم السالفه غلط انا بكلم تركي يشتري اي شي وقوليلها هذا خيار وجزر
ام محمد : يعطيك العافيه يابو محمد
ابو محمد : وياك يالغاليه مع السلامه
ريم : سالم ابي اشم هوآ شوي
سالم : اووف ريم بنفسها تطلب تطلع هاه امري وين تبين تروحين
ريم بضحكه : وش رايك نروح الفيصليه
سالم : بس كذا من عيوووووني يالغاليه انتي بس آآآمري
ريم : مشكوووور يااحلى اخووو بالدنيا
سالم : بس تشربيني على حسابك
ريم : من عيوني ياخوي
سالم : اووف والله صدقت يابنت حالي ومحتالي لك
ريم : لا مافيه انا قلت بشربك يعني بشربك
سالم : طيب بس لاتضربيني

بالمزرعه
جالس لحاله يفكر وش راح يسوي بمشكله ولد عمته وش راح يسوي بالمصيبه الي طاحت ع العايله كلها وش راح يسوي بالمشكله الي وصفها له تركي بكل تفاصيلها
اكيد عرفتووه الدكتور سعد
جلس سعد يفكر كثييير وجات براسه فكره وقرر بعدها انه يكلم تركي فيها وحط راسه ونام
بالفيصليه
سمر : حبيبي ماجد اشتقت لك موووت
ماجد : سمر قولي وش تبين
سمر بدموع تماسيح : ماجد ماقمت تحبني .. خلاص ماعدت تحبني
ماجد : سمر لاتبكين تدرين اني مقدر اتحمل دموعك
سمر : وش اسوي انت تفكرني خنتك ماجد انا احبك وماعمري فكرت اخليك بس انت خليتني وتزوجت بنت عمك
ماجد : سمر مافيه داعي لهالكلام الحين الموضوع انتهى
سمر : يعني خلاص ماتبيني
ماجد : انا متزوج الحين وماينفع اخون زوجتي
سمر : انت ماراح تطلقها
ماجد : وليه اطلقها
سمر : لانك ماتحبها
ماجد : سمر لاتتكلمين بشي مالك دخل فيه
سمر رجعت تبكي : ماجد انا احبك وانت تلعب بمشاعري وين وعودك وين كلامك لي
ماجد : سمر تكفين لاتبكين خلاص
سمر تمسح دموعها : طيب انا ابيك معي بس خايفه زوجتك
ماجد تنهد : انا قررت اطلقها
سمر : لا وش تطلقها مابي اكون سبب في مشاكل بينكم
ماجد سكت وسرح بعيد .. وسمر حست انها بدأت تفقده وتفكر انها تستعيد ماجد لها
سالم وريم عند البوابه
سالم : هاه وين بتروحين
ريم : اي مكان
سالم : تعالي نجلس بهالجلسات هناك
ريم : يالله
سالم : اجلسي هنا لين اجيب لك شي تشربيه .. وش تبين
ريم حست بتعب والم ببطنها بس ماحبت تحرج سالم : ابي كوفي
سالم : واحلى كوفي لعيونك
ريم ابتسمت ولفت وجهها تتفرج ع الناس والعالم الاخر الي لها فتره ماشافته ولاتسلت فيه وهي تلف وجهها شافت واحد يشبه لحد كبير زوجها جالس ومعاه وحده وجالس يدلع فيها وهي تضحك بصوت عالي وتتمايل عليه
سالم : وهذا احلى قهوه لاحلى اخت بالدنيا
ريم : سالم انا تعباااانه بالحيل احس بالم ببطني ابي اقوووم
سالم : بسم الله عليك وش فييك
ريم : سالم رجعني البيت
سالم : اي بيت الناس كلها بالمزرعه يالله يالله مشينا
ريم بالم : لالا مابي ابي اروح بيتي ودني بيتي
سالم: طيب طيب بدق على زوجك
ريم : لااااااا ودني وانت سااااكت
سالم :" طيب طيب هدي عمرك يالله يالله مشينا

عند البنات
تركي : يالله بنات انزلوا كلكم وانتي عفرآ خلك عشان اوديك كون زون
عفرآ بسعاده : طيب
كل البنات راحوا لباسكن وحرك تركي السياره لكون زون
عفرآ : مشكور تركي
تركي : العفو بس ليه
عفرآ : على كل شي
تركي : كل شي يعني ايش
عفرآ : تركي وش فيك
تركي :هههههههههههههه انتي الي وش فيك مسويه انك حساسه وتتشكرين ترى انتي غاليه عندي وغلاتك من غلاه هنوف
عفرآ بحباط وصوتها واطي : هنوف
تركي : وش تقولي
عفرآ : لا ولاشي
تركي بقلبه ماتبين مثل هنوفه .. الله العالم بغلاتك
الترف خيل ٍ غدا مركاضها... صدري
وطيور شوقي غدا مقيالها .. عيونه
لبا جفونه ولبا .. طبعها الخدري
ولبا سوادٍ رقد .. في خدري جفونه
اثره بضحكة سنونه حافر ٍ قبري
ولا كنت اظني باموت بضحكة سنونه
شرهة متونه على شلالها الخمري
وان نثرته الهبوب .. مردّه متونه
جيت اجبر الكسر لكنه .. كسر جبري
مجنون والحظ ساقه يم مجنونه
يتفنن بلوعتي .. واتفنن بصبري
حتى غدت لوعتي من اجمل فنونه
لا رحم ابوالحظ ساق الهجر من بدري
وشيّد جسور الجفا من دوني ودونه
واقفيت لاني ضرير .. ولاني ببصري
اليا منعني الحيا ... ساقتني المونه
وجهمت اسوق الخطا في الدرب واهذري
تكفون ياللي خذوا خلّي تردونه
ابطى .. وخلّى سؤال ٍ يلهث بفكري
مادري يصون الغلا ؟ .. مادري هو يخونه؟
ويوم اني اسجّ بين ادري .. وما ادري
عقب البطا .. جاء يقول : الدار وشلونه
قلت انت : دارك هنا.. وأشٍّر على (صدري)
قال انت : دارك هنا .. وأشًّرْ على (عيونه )

نرجع ثاني للمسكينه الي الكل حزين عليها وخاصه جوريه
سالم : خلني معك طيب
ريم : لا ابي اجلس لحالي
سالم : ريم انتي تعبانه
ريم : لاتخاف علي انا طيبه ارجع انت للمزرعه واستمتع بوقتك
سالم : طيب تبين شي
ريم : سلامتك
وترك سالم ريم عند الباب وترك معها جروحها والامها وترك معها حيرتها وخوفها وصبر نافد منها
ريم دخلت ع البيت وهي كلها تعب والم ببطنها مايخليها وغير قهرها على جنينها الي فقدته الامل الوحيد الي كان يجمعها بالشخص الي حبته بدون سابق انذار وبدون اذن من قلبها والانسان الوحيد الي عطته كل شي وماعطاها
ريم دخلت البيت ورمت نفسها على الارض وصار تبكي وتتألم لين فقدت الوعي من قوة الالم
سالم : الووو هلا ماجد
ماجد : هلا والله سلوم كيف ريم
سالم : ريم بالبيت تركتها ورجعت المزرعه بس والله اني قلقان عليها
ماجد : اهاه احسن خلها هناك ترتاح انا برجع المزرعه ولين ارتاحت برجع اجيبها
سالم : اوك على راحتك باي
ماجد : باي
بالمزرعه
ام محمد : ماجد وين زوجتك
ماجد : بالبيت يمه
ام محمد : انت مخبوووووول كيف تخليها هناك وتجي البنت توها فاقده الجنين
ماجد : هي تبي تجلس لحالها يمه
ام محمد : حسبي الله عليك قووم جيبها
ماجد : وين اجيبها توني واصل يمه
ام محمد : اقووووولك قووووم
ماجد : خلاص يمه قاايم قااااايم

فيصل : آآآآآآآآآآآآآه صدااااااع صددداااااع ياتركي بموووت
تركي : وش فيك ياخوي قوم اوديك المستشفى قوووم
فيصل : مابي مابي اروح مكان
تركي : سعد الحق علي
سعد : وخر تركي
تركي : وش تعطيه اخاف يكون فيه شي
سعد : مافيه شي بعطيه هالمنوم وبيصير زين
تركي : سعد وش فيه قوولي
سعد : مافيه شي وخر انت
فيصل اخذ ابره المنوم الي جهزها سعد له من اول ماكتشف انه مدمن ونام وهو تعبان وحبات العرق على جبهته والخوف والوحشه ساكنه فيه هذا غير انه مازال مصر يتزوج جوانا
سعد : تركي تعال
تركي : لبيه
سعد : انا بقولك شي بس ابيك قوي كعادتك
تركي : سعد لاتلعب باعصابي قولي وش فيك
سعد : فيصل مدمن
تركي : وشووووووووو
سعد : ايه مدمن واثار الادمان ظاهره عليه
تركي : كيف وشلووون ومن متتتتى
سعد : هذا الي ابيك تعرفه منه ... فيصل تعبااان ولازم يتعالج .. ولازم نعرف من الي كان يعطيه ومن الي وصله لهالحاله
تركي : حمد اكيد يعرف كل الموضوع
سعد : حمد .. ؟ وينه حمد لي كم يوم ماشفته
تركي : ايه صح وانا بعد لي فتره ماشفته
سعد : دق عليه
تركي : لحظه بشوف
سعد : هاه رد عليك
تركي : جواله مقفل وييين راااح
سعد : وش مقفل وين راح هالثاني
تركي : والله ماصرت ادري

سالم : وش فيكم
تركي : حمد ماندري وينه
سالم : وش ماتدرون وينه وين راااح
تركي : حتى جواله مقفل لي كم يوم ماشفته
سالم : وين بيكون راح
ابو حمد : سالم وش فيك
سالم : مافيه شي يبه
ابو حمد : طيب تعال
سالم : لبيه يبه
ابو حمد : خالك توه مكلمني يقول جاب لحمد البعثه مثل ماكان يبي
سالم : وينه حمد يبه
ابو حمد : حمد بالبر كلمني وقالي بيروح يبي يجلس لحاله ومايبي حد معه ..
سالم : وش فيه
ابو حمد : والله مدري يابوك .. خله براحته لين يرجع
حمد بالبر جالس لحاله وحاس الدنيا مقفله قدامه .. مو عارف وش يسوي كيف يحمي صديق عمره ليه تغير هالصديق ليه ماصار يكلمه ولايعبره ولاحتى يسولف معه وان جا يتكلم يسكته صاير نايم اغلب الوقت عصبي مايكلم امه حتى

بالمزرعه
رامي : فروووس هاته هاته
فارس : اقول خلني اتفرج ماشفت شي
خالد : انت وياه ماتستحون
رامي : خلك انت بسارونه
خالد : رامي ترى ماسمح لك
فارس : شوووف شوووف
رامي : هات هات
محمد : طحت عليكم .. وش تسوون
رامي : وش تبي مانسوي شي
محمد : هات جوالك انت وياه
فارس : هاك جوالي
رامي : هاك جوالي
خالد : هاك جوالي
محمد : لا مابي جوالك انت انا ادري فيك مؤدب مثل اختك
رامي : امحق ههههههههههههههههههههههههههه
محمد يصفقه ذاك الكف : احترم نفسك فاهم
خالد يقرب من محمد : عندهم جهاز ثاني بجيب رامي
محمد : رااامي
رامي : نعم وش تبي
محمد : تعال
رامي : هاه وش تبي
محمد : طلع الي بجيبك
رامي بارتباك : هاه وش معي مامعي شي
محمد : طيب تعال ... وش هذا لايكون جوال امي نوره
رامي : هاته هذا حقي مالك دخل فيه
محمد : قول لابوي هالكلام
فارس : افااا كيف اكتشف الموضوع
رامي : مافيه غيره خلود
فارس : وش ناوي تسوي
رامي : انا راح اوريه

نرجع لماجد وريم
ماجد : هاه سالم .. متأكد انك جايب ريم البيت .. جالس ادق عليها لي ساعه .. طيب طيب الحين اشوفها
ماجد يدخل البيت لقى ريم طايحه ع الارض ووجهها اصفر وفاقده الوعي
ماجد : ريم ررررريم تكفيييين قووووومي
ريم : ...............
ماجد : رييييييم
ماجد شال ريم على المستشفى وهو خايف عليها ولاول مره يحس هالاحساس ..ووسط خوفه وقلقه وتعبه .. حس انه السبب بكل شي
دخل على ريم بعد ماطلع الدكتور وطمنه عليها .. وجهها شاحب وصوتها ماينسمع .. عيونها كلها دموع وكل سؤال بقلبها اقوى من الثاني .. ليه تزوجتني وانت ماتحبني ياماجد .. ليه ماتحس فيني لييييه
ياقسو قلبك عليه/[لايحن/ولايلين]!!!
[ليلة البارح]بكيتك/وأنت ما كنك [دريت].
^
مارحمت[ دموع عيني]/والمواجع/والأنين.
[آآه ياضيم الليالي]/لاذكرت [إني بكيت]!!!!
^
شفني بأسبابك أعاني/وكل مافيني حزين!!!!
كم تعبت/وكم سهرت/وكم ترجيت/وشكيت!!!
^
[ماهقيت]بيوم إنك:في حياتي[تستهين]!!!
لين شفتك[ماتبيني]/وخاب كل اللي[هقيت]!!!
^
كيف هانت:هالمحبه/والليالي/والسنين؟؟!!!
كيف بعد[العمـر]كله/من حياتك[أنتهيت]؟؟!!!
^
كيف تنسى[ذكرياتي]/في غرامك والحنين؟؟!!!
أسألك بالله قلي:كيف بسهوله [نسيت]؟؟!!!
^
أقسم برب العباد اللي/لوجهه ساجدين !!!
إنك [أشرف من سكني]/وإنك [ أغلى من هويت]!!!
^
[يالوجين]اليوم جرحي/في [حشى قلبي دفين]!!!
[يالوجين]العمر كله/كم [خذلني وإنحنـيت]!!!
^
آنا [مظلوم]بحيـاتي/[لاصديق ولا عـويـن]!!!!
[إنطعـنت]ألفين مره/ومن طعوني[أكتفـيت]!!
^
آنا [مهموم]بسنيني/كني فاقد لي[ظنـين]!!!
أبتـلانـي [الهم]بلوى/وآنا [بالهم] أبتليـت
^

ماجد جلس يطالع عيونها .. وش تبين تقولين ياريم
سالم : وشوووو بالمستشفى
ماجد : ايه بالمستشفى ريم تعبت علي والدكتور مو راضي يطلعها بنبات وبنرجع البيت بعد كم يوم
سالم : طيب انا بطمن ابوي هنا والباقين واحنا بكره راجعين بيوتنا
ماجد : طيب مشكووور ياسالم
سالم : افا عليك انا اخوووك
ماجد : مع السلامه
سالم : مع السلامه

بالمزرعه
تركي : يعني وش السواة
سعد : احنا نروح اسبانيا وناخذ معنا الهنوف اختك ونلعب على هالحقير ونفهمه انها موافقه تتزوجه ونفهمه ان الوضع بالعايله اوكيه ونكلم السفاره السعوديه ونثبت انه مروج مخدارات ويقبضون عليه
تركي : فكره بس الهنوف مااقدر اجازف فيها الهنوف طيبه وماراح تفهمنا
سعد : اجل من ناخذ
تركي : انا افكر بعفرآ بنت عمي سامي البنت ذكيه وممكن تطيح ابوه مو بس هو
سعد : ايه والله انك صادق بس كيف نقنع عمي انا بناخذها
تركي : خل الموضوع علي
سعد : خلاص جهز اوراقك انت وحمد وفيصل
تركي : وش له حمد
سعد : لان حمد دايم مع فيصل وانا مابي الرجال يشك بشي
تركي : طيب وفيصل للحين تعبان
سعد : لين تجهز الاوراق يكون زين انا بدأت بعلاجه الحين
تركي : مدري وش اقولك ياسعد
سعد : وش له تقول وتكثر انا وانت طول عمرنا لبعض ولانسيت
تركي يتنهد : لامانسيت
سعد : وانت للحين مانسيت نور
تركي : سعد تكفى مابي اتكلم بهالموضوع
سعد : مصيرك بتنساها .. يالله قوم ابي انام
تركي : وانت هذا حالك ..اكل ونوم
سعد : اقول قوم انت فاضي انا وراي اخوك الي يبي له رعايه .. بكره باخذه للبيت وبجلس بالمجلس الخارجي على طول .. وبيجلس معاي لين يقوم بالسلامه
تركي يطالع سعد بنظرات كلها شكر وامتنان وكانه يقوله مااطلع من جزاك ياسعد
وسعد لاحظه وحط يده على كتفه : احنا اخوان ياتركي انا ماسويت شي
تركي ابتسم له : دايم تفهمني .. يالله تصبح على خير
سعد : وانت من اهله

ماجد وريم بالمستشفى .. هو جالس على الكنب الجانبي وهي نايمه على السرير .. او مسويه نفسها نايمه لانها ماتبي تكلمه ولاتبي تشوفه .. يكفي انه تركها بالمستشفى بروحها .. وماواساها لما فقدت جنينها وراح عشان وحده ثانيه
ماجد : الووو
سمر : هلا ماجد
ماجد : هلا سمر
سمر : اشتقت لك
ماجد : سمر ريم تعبانه وانا خايف عليها
سمر بقهر : وخير وش فيها
ماجد : لقيتها طايحه بالبيت وفاقده الوعي
سمر : حبيبي صدقني هذا دلع بنات
ماجد : تهقين
سمر : ايه اهقى ونص تلقاها تبي تشوف غلاتها عنك
ماجد : ...............
سمر : مااشتقت لي
ماجد يتنهد : الا اشتقت لك
ريم سامعه كل هذا ومسويه انها نايمه .. وكل كلمه يقولها اقوى من الثانيه ... وكل جرح يتركه بقلبها اقسى من الي قبله
ماجد : سمر انا بحط راسي قبل ماتقوم ريم تعبان حدي
سمر انقهرت منه وحاولت تطول معه : افا يعني ماتبيني
ماجد والتعب هاد حيله : سمر انا تعبان الحين اكلمك بعدين .. مع السلامه
سمر : مع السلامه

الهنوف حست بملل .. وخاصه ان مريم بنت عمها المقربه رجعت تنام .. جلست تطالع يمين ويسار ... شافت عليا تكلم حد بالتلفون
الهنوف : خلني اشوف هذي من تكلم
عليا : ايه ايه
الهنوف بقلبها وش الي ايه
عليا : بس يبه انا مابي اجلس هنا .. ابي اجي عندك .. مالي جلسه عند هذووول ماابي اجلس عندهم
الهنوف : وووجع ومن قال اننا نبيك
عليا : طيب يبه سعد مابيخليني اجيك
الهنوف : حلال فيك
عليا : يبه انا بجيك يعني بجيك ماحد يقدر يمنعني
الهنوف : اخص يالقويه
عليا : انا بقفل الحين يبه وان شاء الله كلها كم شهر وتطلع الفيزا واجيك .. مع السلامه
عليا تطالع الهنوف بنص عين
عليا : انتي وش فيك تتصنتين ووووووجع
الهنوف : انا ماتصنت انتي ماكنتي تكلمين بالحمام ... انا جالسه بحالي
قامت عليا من عندها ..
الهنوف بقلبها .. ياربي كنت ناويه اصالحها .. كنت ابيها تحس انها مننا .. ليه تفكر بهالطريقه .. الله يهديها
يووووووه وربي ملل بطلع اتمشى بره شوي

بمجلس الرجال
ابومحمد : سالم روح جيب جوالي من بره وانا عمك
سالم : وينه عمي
ابو محمد : بره عند النافوره تلقاه
سالم : حاضر عمي
سالم : هنووف
الهنوف : .............
سالم : هنووف
الهنوف : سااالم ...؟
سالم : انتي وش جالسه تسوين هنا
الهنوف : مللل مو عارفه وش اسوي قلت اطلع امشي شوي
يتبع ,,,,
👇👇👇
تعليقات
    حجم الخط
    +
    16
    -
    تباعد السطور
    +
    2
    -