رواية اسم على مسمى -6
في بيت ابو فهد
ام فهد: الرييم
الريم:نعم يمه
ام فهد: روحي صحي اخووك من النوم تاخر على صلاة العصر
الريم: انشاء الله يمه
ورااحت بتنبهه وتوها بطق الباب طلع لها
فهد: نعم بغيتي شي
الريم: لابس امي قالت لي انبهك عشاان تصلي
فهد: اهاا
نزل فهد:كيفك يممه
ام فهد: زينه
فهد: يممه انا برووح لابووي
ام فهد: برووح معك
فهد مايبي امه تشووف ابووه وهو بهالمنظر: مانعيين عنه الزيااره لين ما يصير احسن
ام فهد: اهاا.. يالله يمه روح لابوك
فهد: باس راسها: تامرين بشي يالغاليه
ام فهد: سلامتك
فهد: الله يسلمك
في بيت أبو طلال
ام طلال نزلت من فوق:مارحتي ياجنان
جنان اللي كانت جالسه بالصاله: لايمه انتظر فهد الحين كلمته وقالي أنه قريب
رن جوال جنان:هلا ..وصلت..الحين طالعه..بااي
جنان:يالله يمه أنا طاالعه
ام طلال:بالسلامه..وسلمي لي على فهد
جنان:يوصل..وطلعت من الفلا وكان فهد ينتظرها عند الباب أبتسم لها وابتسمت له وركبت السياره ومشا:كيفك
فهد: من شفتك صرت بخيير..
جنان: تسلم..
فهد: آسف أول مشوار لنا على المستشفى..
جنان: فههد لا تقول هالكلام بعدين هذا عمي كيف ماتبيني أروح له
كبرت بعين فهد اكثر لأنها ماعترضت مسك يدها: تسلمين لي
جنان سحبت يدها على طول
فهد: هههههههههههههههه..
جنان وهي مستحيه من فهد الجريء : تضحك علي
فهد: ههههههههه
سكتت جنان عنه ودارت نحو زجاجة السياره
فهد: جنوو زعلتي ..خلااص آسف
جنان مطنشتنه
فهد وقف على جنب: قلنا آسف ..مسك وجها ولفه له:آسف وسوي فيني الا تبين
جنان: عند كلمتك
فهد ضرب على صدره:افاا عليك
جنان: خلي طلبي لما نرجع من عند عمي
فهد: اووكي
جنان: ممكن تمشي
فهد ابتسم لها: ممكنين..ومشى
في بيت ابو فهد
ام فهد تكلم شووق
ام فهد: االله يبشررك بالخيير.. والله يقومك بالسلامه
شوق: تسلمين يممه بشري خوااتي كلهم
ام فهد: انشاء الله يا يمه
شوق: يالله يمه مع السلامه
ام فهد: انتبهي على نفسك مع السلامه
شوق: الله يسلمك
الجوري: يممه ايش فيه؟؟
ام فهد واهي فرحاانه: شووق حاامل
فاطمه: صجج
الريم: بصير خاله
الجوري: ههههههههههههه كلنا بنصيير خالات
لما قربوا يوصلون المستشفى
فهد: جنان
جنان: هلا
فهد: ما أبي الجوري تدري انا حنا زرنا ابووي لأني ما أبيهم يزورونه وهو بهالحاله
جنان بخوف:لهدرجه حالته خطيره
فهد هز راسه بالإيجااب
جنان:الله يقومه بالسلامه
فهد: آمييين..يالله حبيبتي نزلي
ونزلوا وهم ماسكين ايادي بعض حاولت جنان تفك يده بس ضغط أهو على يدها واستسلمت للأمر الواقع .. في المصعد كان زحمه كثير وجميعهم رجاال والكل يطالع في جمال جنان فهد هنا فااار دممه فكانت جنان قدامه مسكها من يدها ورجعها خلفه
جنان استغربت حركته بس طنشت..ونزلوا من المصعد وارتاااح فهد<<<هههههههههههههههه
فهد: تحملي شووي لان ابووي يعني..
جنان فهمت علييه: اوووكي اوكي فهمت علييك
دخلت جنان وكاان قلبها يددق يددق خاايفه على عمها وشافته عمها القووي اللي عمرها ما شافته ضعيف الحين اهو على السرير بين الحياة والمووت توجهت له وباسته على راسه ومسكت يده جا فهد وسلم على رااسه حست جنان بحرركه بيده
جنان: فهههد تحررك
فهد جا لجهة اللي قالت له عنها
فهد: يبببه..يببه
ابو فهد:............
فهد نزلوا دمووعه: يببه.. انا فهد يبه .. ابو فهد حنا ترانا ننتظرك قووم يببه
جنان مسكت يد فهد: خلاااص فهد لاتزعجه..
ابوفهد: آآه...آآآآآه
فهد علطول داار له
فهد: يببه سلامتك..ضغط على الجرس ونادى النيرس
النيرس قالت لهم يطلعوا برره عشاان تاخذ الأجرائاات قبل لا يطلعوا
ابو فهد بصووت يالله ينسمع: فهــ...د
رجع فهد الى ابووه وهو يحااول يمسح دمووعه وكانت جنان معهم وتسمعهم: سم يبه
ابوفهد: ديــ..ــر بالك علــ..ـى خواتك وأمــ..ك وعلى بنـــ..ــت عمك أنـ....ا مانا ضامــ...ـن عمــ..ـري يا أبو عبد الـــ.ـرحمن
فهد: يببه لاتقول هالكلام انشاء الله بتقووم لنا بالسلامه وبترجع لنا يبه ..احنا مانسوى من دونك
ابو فهد: خل الدمــــــ..ــــووع للحـــ..ـريم أنت رجـ.ـاال ولد رجاال ابيــ.ــك ترفع رااسي قــ....ـــداام النااس
مسح فهد دمووعه: خلاص يبه استرييح انت وحنا بنطلع بره وبنرجع لك
ابوفهد بصووت يالله ينسمع: يابنيتي تعبتي نفسك كان ماجيتي
جنان وهي تمسح دمووعها: لا يعمي تعبك رااحه..انشاء الله تقووم لنا ساالم
ابو فهد: الله يسلمك..
وطلعوا بره وكاان طلال توه جااي
طلال: السلام عليكم
فهد وجنان: وعليكم السلام والرحمه
طلال شااف اخته تبكي ولمح دمووع في عين فهد: كيف عمي
فهد: بين رحمة ربي
طلال بزعل على عممه: الله يقومه بالسلامه
شاافوا الدكاتره يترااكضوون الى غرفة ابو فهد وقف قلب فهد
طلال: ايش فييه
سكتوا الدكااتره ودخلوا..بعد فترره من شد لعصااب طلع الدكتوور
فهد اللي مو قادر يتكلم تلثم بشمااغه وجلس يبكي((لكن بدوون صوت)) وجنان جنبه تهديه
طلال: بششر يادكتوور
الدكتور: حاولنا ننقده بس ارادة ربي اكبر مني ومنك..المريض يطلبكم الحل
طلال: لاحوول اله ولاقوة الا بالله..انا لله وانا اليه راجعون
جنان بكت بصرااخ على عمها
فهد ما تغيير حالته جالس على الكرسي ومنزل رااسه وبس يبكي ويفكر في ابووه...يبه لييش رحت لييش تركتنا ليش يايبه تركتني في مساوليه انا اكبر منها
جا طلال اللي نزلت ادمووعه على عمه ومسك كتف فهد يصبرره فهد مابدى أي حرركه ولا تغغير اصلا
جنان: فههد لاتسوي كذا.. فههههد
فهد بصووت بااايح: طلال.. ابووي رااح.. تعرففون معناات ابووي رااح رااح ولاعااد يرجع...انا.. انا شلوون اقول لامي وخوااتي شلوون وانا قبل لااطلع من البيت قايل لهم بجيب لهم الاخباار السنعه..آآآه يايبه..سكت شووي
فهد:..شلوون أقوول لأمي أبوي مااات...تعرفون معنات هالكلمه...
طلال:فهد..هذا أمر الله ولايمدينا نغير شي..كلنا بنمشي على هذا الطريق..
فهد: ونعم بالله
طلال: قووم الحين روح بيتكم..وأنا بكلم أبووي..يالله.. وأنا بوصل جنان البيت..
كانت جنان بتعترض لأنها تبي تروح مع فهد بيت عمها..لكنها ماقدرت لأن صوتها مو راضي يطلع
فهد: لا لا .. جنان بتروح معي
طلال: براحتك ..أنتوا الحين روحوا..
فهد: مشينا..قامت جنان معه ونزلوا للسياره
في السياره ... أول شي ماتحرك لأنه ضلوا ساكتين بس يطلع صوت شهقاات جنان من البكي..رن جواال فهد وكاان المتصل البيت عطا جنان ترد
جنان:فهد أنا ما أقدر أقولهم
فهد:من قالك قولي لهم ..قولي لهم أي تصريفه لأني ما أقدر أكلمهم
ردت جنان بعد ماهدت وحطت على المايك طبعا أوامر فهد : الوو
فاطمه: الوو
جنان:هلا فاطمه
فاطمه: وين فهد .. وليش أنتي رديتي
جنان انقهرت من أسلوبها بعدين قالت ماني راده عليها لأني بوقت ما يسمح: فهد نازل السوبر ماركت ونسى جواله بالسيااره
فاطمه: إذا جا خليه يكلمني..وصكت السماعه في وجها
جنان عطت فهد جواله
فهد:آسف على حركات فاطمه وأسلوبها بتتحاسب عليه بعدين
جنان:خلينا من فاطمه وأسلوبها وخلينا نروح بيتكم قبل لايوصلهم الخبر من أحد غيرنا..يمكن يكوون أهون لما يسمعونا منك..
فهد شغل السياره ومشا..
كانت جنان بتمد يدها تمسك يده اللي جنبها بس ماجتها الجرأه...بعدين قالت وليش أستحي إذا ماوقفت معه الحين متى أوقف معه وتوها بتمد يدها استحت ورجعتها ..وفهد مو منتبه لها أبد.. وأخيرا مدت يدها وقالت إلا يصير يصير مسكت كف يده وضغطت على يده
فهد استغرب من حركتها ماتوقع منها لأنها تخجل بسرعه ..ضغط على يدها
وضلوا متشابكين الأصابع لين ماوصلوا..
بيت أبو فيصل
قام أبوفيصل من نومه وهو مفزوع من جواله إلايرن وطالع في جواله..أبوطلال
ابو فيصل: السلام عليكم
أبوطلال:وعليكم السلام..كيفك
أبو فيصل: الحمد لله
ابوطلال: بغيت أقول لك أخوك ابوفهد يطلبك الحل
ابو فيصل: لاحول ولاقوة الا بالله
فيصل كان مار من غرفة أبوه وسمع صوته طق الباب
فيصل فتح الباب: ممكن أدخل
أشر له أبوه يدخل ويجلس..
ابوفيصل:خلاص على موعدنا..مع السلامه
فيصل درى أنه أبوه درى من وجهه: عظم الله أجرك يايبه
ابو فيصل: أجرنا وأجرك..من قالك
فيصل: الحين طلال كلمني وقال لي..
ابو فيصل:قووم ياولدي بنروح نوقف معهم
في بيت أبوطلال لما دريت ام طلال على طول أخذت سواقها وراحت بيت أختها
فهد وجنان قبل لاينزلوا من السياره
جنان: فهد
فهد: نعم
جنان:شويشوي وأنت تقول لهم
فهد: أكييد..جايه تعلميني
سكتت جنان بعدين قالت:أنا ما أعلمك أنا أنبهك
فهد بعصبيه وبصراخ: الحين بتلقين علي حضرتك محاضرره..أنزلي وأنت ساكته
جنان انصعقت من كلامه ..لأنه حزين ..كلنا حزينين على عمي طالعت فيه بعدين فتحت الباب
ونزلت..
أهو جلس بالسياره وهو متندم على أسلوبه اللي طلع من دون قصد..نزل من السياره دخل بيتهم أول شي كانت جالسه جنان على كرسي وطاولات بالحديقه...
توجه فهد لها وبهدوء: ليش مادخلتي؟؟
جنان:أنتضرك..يالله ندخل..
فهد ماتكلم وأشر لها تمشي ومشا وراها ولاحاول يكلمها لأن اللي فيه مكفيه
دخلوا البيت
كانت ام فهد بأستقبالهم
ام فهد: هلا يممه كيفكم.. تفضلوا..
جنان: كيفك ياخاله
ام فهد: الحمد لله أنتي كيفك..أيش فيه وجهك أحمر
جنان :الحمد لله ..طالعت في فهد
فهد: يمه وين خواتي
ام فهد: فوق
فهد: ميري .. ميري
الخدامه ميري: يس
فهد: روحي نادي خواتي
ميري: اوكي..وراحت تناديهم
أشر فهد على جنان اللي كانت واقفه تجي وتجلس جنبه..جت وجلست لأن أمه موجوده وقدرت ضروفه
نزلوا الجوري والريم..
الجوري: هلا بجنوو كيفك يادبه
جنان بصوت فيه بحه: زينه
الجوري تفهم جنان من نبرتها :جنان ايش فيك ..ووجهك أحمر
جنان: هاااه مافيني شي
الجوري: تكذبين علي..أنا أفهمك
فهد: الجوري جلسي بغيتكم في موضوع
الريم: كيفك جنان
جنان ابتسمت لها :الحمد لله
نزلت فاطمه: كيفكم
الكل: تمام
جلسوا كلهم والأنظاار كلها على فهد..
فهد: كل إنسان لازم يوم من الاياام يرجع لربه إذا مو اليوم بكره أو بعد بكره...
ام فهد اللي نزلوا دموعها: لاتقول يافهد...أن أبوك
فهد بعد سكوت ونزلوا دموعه بس مسحهم بسرعه: اييه يمه أبوي..أبوي يطلبك الحل
جلسوا كلهم صرااخ وبكي الا وحده مابكت
وقامت وقفت بس ماقدرت تكمل وقفتها كثير وطاحت على الأرض
جنان: الجووووري وقامت لها ركض وجا فهد معاها ورفعوها على الكنبه..فهد مو عارف يتصرف..
جنان واهي تبكي وتضربها على خدها:الجورري الجووري حبيبتي قوومي...قووومي الجوري
فاطمه واهي تبكي:ودوها المستشفى
فهد يطالع فيهم مو قادر يتحرك
فاطمه:فهد قووم
فهد : ما أقدر أسوق إذا سقت بصير شي
جنان قامت ركض الى جوالها وكلمت طلال
جنان: طلال الجوري طاحت علينا وأبيك توديني المستشفى
طلال مفزوع:الجووري دقيقه وأنا عند الباب أنا قريب
جنان سكرت الجوال وراحت عند رااس الجوري حاولت تصحيها ماصحت..دق طلال على جنان وقال لها تطلعها بره
جنان:فهد طلال بره أحمل الجوري وركبها السياره
طلعوها برره بعد مالبسوها العبايه ركب فهد جنب طلال وجنان مع الجوري ورى
أوتعت الجوري لما قريب بوصلون المستشفى
الجوري تصرخ وتبكي: جنااان أبوووووووي ياجنااان .. راح أبوي..راح الغالي .. آآآه..آآه
طلال مو قادر يسمعها تبكي وتون
جنان:بس حبيبتي هذا أمر الله..خلاص..خلاص والله ماني بقادره أشوفك كذا..
الجوري: آآآه ياجناان راح الغاالي..ما أتصوور حيااتي من دونه..آآه
فهد:خلاص يالجوري..يكفي..يكفي..
وصلوا المستشفى وعطوها أبرة مهدأ لأنه معها أنهيار عصبي شديد..
فهد: طلال..أنا بروح مراسم الدفن دير بالك على الجوري وجنان
طلال: لاتوصي حريص
راح فهد داخل غرفة الجوري اللي كانت ناايمه وجنان جنبها جالسه تبكي توجه لجنان: أنا برووح مكان وبرجع إذا صار أي شي كلميني
جنان: أنشاء الله
فهد:شكرا حبيبتي تعبتك معااي
جنان لأن أهي ماتعطيه وجه: واجبي
فهد حس أنها زعلانه ورخى لها على الكرسي وباسها على خدها: آسف
جنان تبكي: وليش تتأسف..مايحتاج..وبعدته عنها
فهد: خلاص سمااح وآخر مرره
جنان: مو قلت بتروح مكان روح لا تتأخر
فهد يأس منها وقال أستاهل كل مني..طلع من الغرفه
جنان كان ودي أقبل أعتذاره بعدين قالت لا لايتعوود يصرخ علي..خليه يتأدب شوي..بس والله ماهاان علي أشوفه متضايق..بس خلاص إذا جا بسوي نفسي نسيت السالفه..
دخل طلال عليهم بعد فتره لأن الجوري متحجبه
طلال:إذا تعبتي برجعك البيت
جنان:لابجلس مع الجوري
طلال:هذا أنا جالس معها كلمت السواق وخليته يجي ياخذك البيت هذا اهو وصل.. امي الحين ردت من بيت عمي وقالت لي ترجعين البيت
جنان: والجوري
طلال:هذا أنا جالس معها وفهد شوي وبجي
جنان:اووكي أنابرووح
سلمت على راس الجوري وطلعت
ضل طلال والجوري لحالهم طلال يتأمل جمال الجوري آآه يابنت عمي يوم نويت أتقدم لك توفى عمي الله يرحمه ..بس أقرب وقت بجي وبتقدم لك ..وطلع من الغرفه..
صحت الجوري من النوم..أنا وين..وتذكرت كل شي صار وأهي تبكي
طلال سمع صوتها وطق الباب
طلال: ممكن أدخل
الجوري هدت شوي:تفضل
طلال: الحمد لله ع السلامه وعظم الله أجرك
الجوري بصوت بايح: أجرنا وأجرك
الجوري: وين فهد
طلال:راح مشوار وقال لي أوصلك
الجوري: أبي أرد البيت
طلال ابتسم لها:بخلص أجرائاتك وطلعك من هنا
وخلص الأجرائات وطلعوا من المستشفى
في السياره كانوا ساكتين بس الجوري تبكي حاول طلال يهديها بس زادت
ووصلوا البيت قبل لاتنزل
الجوري:شكرا
طلال:العفو ماسوينا شي
فتحت باب السياره وتوها بتنزل
طلال: الجوري
الجوري دارت له: آمر
طلال: أنتبهي على نفسك
جلست تطالع فيه وأهو يطالع فيها هزت راسها بالأيجاب ونزلت ...
راقبها طلال لين مادخلت البيت .. ومشا
كانت الليله أول أيام العزا وكان زحمه بيتهم
الجوري شافت البيت زحمه راحت من الباب الخلفي وركبت فووق وجلست تبكي على أبوها وأهي تبكي ناااامت..
كانت أصعب أيام تمر على أبطالنا أهي أيام العزا والبيت مايفضي من الناس ..الناس طالعين داخلين..في هذي الفتره لافهد كلم جنان ولاجنان كلمته وكانت كل يوم تروح بيت عمها بس تطلع قبل لايجي فهد..
خلينا نشوف كل شخصيه وحالته هالفتره..
جنان..متضايقه على عمها بس هذا أمر الله ولا تقدر تغيره ومن جهه ثانيه الجوري..الجوري متغيره كثير ولاتتكلم كثير ولاتاكل إلا بالغصب وكانت حالتها النفسيه زفففت وأهي متضايقه على بنت عمها ومن جهه فهد للحين ماكلمها ومرره منقهرره على تطنيشه بس مستحيييل أهي تتصل بتنتظره لين ما أهو يتصل..
فهد..يشوفها من وين والاوين يشوفها في أمه ولا خواته ولا زوجته..ومسؤوليه إلي أهو فيها الحين...يبي يترك شوي جنان عشان لما يرجع يتأسف ماترده لأن فهد مايذل نفسه كثير..
طلال..واقف مع فهد كأنه أخوه حتى فيصل ماتركهم..قرر أنا بعد شهر بيتقدم إلى الجوري اللي يسمع من أخته أنا أنقلب حالها يبي يطلعها من اللي اهي عايشه فيه
فيصل..حزنان على عمه كثيير .. وقرر أنه مايترك فهد أبدا وبيشتغل معه في شركة عمه أبوفهد
الجوري..بس تبكي وتفكر في اللحظات اللي قظتهم مع أبوها وتذكر كيف كان حنوووون عليهم ولايرفض لهم طلب .. تحاول أن ماتزعل أمها وأي شي تقوله لها على طول يتنفذ..واهي مو عاجبها حاال جنان وفهد وجنان كل سرحانه وتعرف اللي صار بينهم بس مو بتفصيل لأن جنان ماتغبي عليها شي..
شوق..من لما دريت عن أبوها وأهي بس تبكي وصار نومها قليل ووليد مو تاركها لحالها وجاي ينام معها في بيت أبوفهد بعد أصرار ام فهد عليه أنا مايترك شوق وأهي بهالحاله ووافق واهو مفتشل و ام فهد خلت جناح بس لهم عشان وليد ياخذ راحته ..
فاطمه.. مروه ماتركت فاطمه أبدا فاطمه حزنانه على أبوها ومره من المرات نزل ضغطها ونقلوها المستشفى وركبوا عليها مغدي بس الحين صارت زينه
مروه ..كاسره خاطرها فاطمه .. واهي وأمها ماتركوا بيت عمها يوميا يجون بيت عمها ..وكل ماتشوف جنان يجيها حاله أنها تبي تفغصها من رقبتها بس ماتقدر لأنها قدام الناس..
آخر يوم بالعزا كانوا كلهم جالسين بالصاله بعد ماراحوا الناس وخلاص بدوا يتقبلوا الأمر
أم فهد: الريم قومي نامي الساعه ١٢ خلاص بكره لازم تروحين المدرسه
الريم:أنشاء الله يمه
أم طلال: خليها ياوخيتي الأسبوع الجاي خليها تداوم بكره الأربعاء خليها تكمل هالأسبوع والأسبوع الجاي تداوم
أم فهد:شورك وهداية الله
من جهه ثانيه
جنان: إذا تعبانه قومي نامي
الجوري: لا ما أبي أنام
جنان جاتها فكره: أيش رايك تجين تامين معنا
الجوري: ليش ؟؟
جنان: تغيرين جو
الجوري: قولي لأمي إذا وافقت بروح معكم
قامت جنان إلى خالتها وستأذنت منها ووافقت
ام طلال: جنان يالله نمشي
جنان: بس الجوري بعد ماتخلص
ام طلال: والحل
جنان:أخلي طلال يرجعنا البيت
ام طلال: زين..يالله مع السلامه..
الكل: الله يسلمك
أتصلت جنان على طلال
طلال:هلا
جنان:هلا فيك..كيفك
طلال: تمام
جنان: عادي ترجعنا البيت
طلال: آسف حددي مشغول مايمديني لأني مع واحد من الشباب
جنان: والحين مين يرجعنا
طلال: أنا بتأخر يعني الساعه 2 بمركم
جنان: خلااص بشوف حد غيرك..بااي
طلال:باي
.
.
دخل فهد بيتهم: طريق ياحريم
ام فهد: تعاال ياولدي مافي حد غريب
دخل فهد الصاله وسلم على أمه
:أشلونك يمه
ام فهد: الحمد لله
جنان من دخل فهد واهي منزله راسها
أم فهد: روح سلم على بنت خالتك
فهد: أمرك يمه
كانوا في الصاله أم فهد وبناتها وأم فيصل وبنتها وجنان
توجه فهد إلى جنان ونظرات مروه كلها عليهم باس خدها: كيفك
جنان مفتشله طالعت فيه وقالت :الحمد لله
جلس فهد جنبها وحط يده ورى كتفها..وعند الموضوع طبيعي
مروه انقهررت حدها
فهد: كيفك يا خاله
ام فيصل منقهره من جنان: زينه..أنت كيفك
فهد: الحمد لله
وجلسوا أم فهد وأم فيصل يتكلمون سوا ومروه وفاطمه راحوا غرفة فاطمه بقوا بس الريم اللي نعست وركبت نامت والجوري..
جنان تهمس لفهد:شيل يدك
فهد يبي يعاندها: كيفي..
طالعت فيه يعني شيل يدك
فهد طنشها: الجوري شكلك تعبانه روحي نامي
الجوري: لا بروح أنام في بيت عمي..تبيه يوصلهم..بس مافي حد يوصلنا
فهد:أنا أوصلكم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك