بارت جديد

رواية اسم على مسمى -7


رواية اسم على مسمى -7

رواية اسم على مسمى -7

جنان: لا لا بنستنا طلال

فهد: أنا قلت بوصلكم..الجوري قومي لبسي عباتك

قامت الجوري تلبس عباتها

جنان بهمس: مايحتاج توصلنا

فهد: أنا قلت أنا بوصلكم يعني أنا بوصلكم

جنان: أنت ليش بس تعاندني

فهد: لأن أنتي تعاندين بعد

جنان سكتت

فهد قال في أذنها: تدري أنك وحشتيني..ودار عنها

جنان: متأكد

فهد: ههههههه ضحكتيني حلوه دي متأكد

جنان: أنت بس تبي تعصبني..

فهد: أنا الحين أيش قلت

نزلت الجوري: مشينا..؟

فهد قام: مشينا

مسك يد جنان وحاوولت تسحبها بعدين سحبتها قام فهد مسك يدها مره ثانيه بقوه

ام فهد: بتمشون؟؟

فهد:ايه يممه

الجوري حبت تسوي مقلب في جنان وفهد عشان يتصالحون لأن باين قايمه الحرب العالميه بينهم فحبت تتركهم لحالهم: أقوول جنان آسفه حبيبتي ما أقدر أروح معك

جنان: لييييش؟؟

الجوري: بكره الصباح عندي موعد في المستشفى الحين ذكرته آسفه حبيبتي

جنان المسكينه صدقت: الموعد أهم حبيبتي عادي الجايات أكثر..يالله أجل مع السلامه

الجوري: بااي

.

.


في السياره تقدم فهد عن جنان وركب السياره

جت جنان وركبت السياره وتحرك فهد ولما ركبت السياره رن جوالها

جنان:هلا يبه

فهد تذكر أبو على طول

جنان: لايبه..مايحتاج فهد بوصلني..انشاء الله يوصل..مع السلامه..

جنان:يسلم عليك أبوي

فهد: الله يسلمه

جنان راقبت الطريق أنه مو طريق بيتهم بغت تسأل فهد وين بنروح بس سكتت..وأخيرا وصلوا البحر ووقف في مكان تقريبا مافي أحد وقال لها: أنزلي

نزلت جنان بدون ماتتكلم وتسندت على السياره قدام وجا فهد ووقب جنبها

وضلوا ساكتين يمكن عشر دقايق

جنان: جايبني هنا عشان تسكت

فهد: أخذتي وقتك

جنان: أييه

فهد: أقدر أعرف ليش زعلانه

جنان: فهد أنت تسوي نفسك ماتعرف

فهد: على صرخه صرختها وأنا في وقت ما أدري أيش أقوول وأنا اعتذرت بس أنتي راسك يابس

ضحكت جنان على راسك يابس

فهد: أضحكي..خلي الدنيا تضحك لنا ماتدري متى نمووت

حطت جنان يدها على فمه : أششش بعيد الشر عنك..لاتقول هالكلام..ترى إذا صار لك شي أنا بعدك على طوول أمووت.. أنت ماتدري قد أيش أفتقدتك لما ماكنت تكلمني..كل يوم أقول اليوم بتكلمني..كان نفسي أوقف معك في الفتره اللي طافت بس ماجاتني فرصه..أنا صرت ما أقدر أستغني عنك..وسكتت ونزلوا دموعها..مسك فهد وجها ومسح دموعها: آسف حبيبتي على صار وأوعدك بأذن الله أنه مايتكرر وأن هذول ماينزلون وأنا السبب..

ابتسمت جنان له وقالت:فهد..

فهد: عيونه..

جنان : تسلم عيونك..رجعني البيت تأخر الوقت كثيير

فهد: مع إني مانا موافق لأني ما شبعت منك بس برجعك من طيب أصلي...

جنان: أهااا..أمشي قدامي..

فهد: ههههههههههههه

ورجعها البيت وأول يوم من وفاة عمها تناام مرتااحه


بعد مرور شهر

طلال: يبه..بعد اذنك نويت أتزوج ..بعد أذنك

ابو طلال: هذي الساعه المبااركه ياولدي.. تبي على ذوقك ولا أخلي أمك تنقي لك..

طلال: لايبه أنا في بالي وحده

ابو طلال: بنت من؟؟

طلال: الجوري بنت عمي

ابو طلال بفرحه: والنعم.... وأنا بكلم ولد عمك أخليه يشاورها ويعطينه الرد

طلال مادريت يايبه أني قايل إلى فهد من أسبوع: على بركة الله


أنتهى البارت

البــــــــــــــــــــــــــــــارت الســــــــــــــــــادس..

طلعوا نسب الثانويه جنان..98%

الجوري 95%<<بسبب ضروفها


بعد 3 أيام في بيت أبوطلال

جنان: اليووم ماعندك شي .. تعالي لي

الجوري: طفشاانه وتعباانه

جنان تبي تغير من حالة الجوري شوي لأن من توفى أبوها انقلب حالها صارت ماتطلع كثير مع جنان ولا تاكل عدل ولاتضحك إلا نادر

جنان: اووكي..عندي فكره أيش رايك نسافر

الجوري عجبتها الفكره بعدين قالت: بقول إلى أبوي إذا...<انتبهت أنها قالت أبوي

حبت جنان تغير الموضوع: أنا بقوول إلى فهد وطلال وأبوي وأمي..وأنت قولي إلى أمك لأن خلاص بدت الأجازه وأنا أبي أسافر..

الجوري: اوكي..وين تبين تروحين؟

جنان: أنتي وين تبين نروح؟

الجوري: اممم..أيش رايك بفرنسا

جنان: فرنسا..فرنسا ماعندي مانع..اوكي أني بروح أتفق معاهم وقبل لا أنسى راح اخلي فهد يجيبك لي..بااي

الجوري بأستسلام: اووكي ..باااي


في سيارة فهد كان فهد يكلم أبوطلال

أبو طلال: خلينا نتقابل ياوليدي

فهد: أجيك ياعمي أي مكان أنت تامر

ابو طلال: خلاص أنا أجيك

فهد: لا لا ياعمي أنت تجي لي..أنا ما أرضى

ابو طلال: تسلم أيد ربتك

فهد: الله يخليك ياعمي..أنا راح أجيك الحين الشركه

ابو طلال: في إنتظارك ياولدي مع السلامه

فهد: مع السلامه ياعمي

في نفس الوقت كلمت جنان

فهد: هلا حياتي

جنان للحين تستحي منه: هلا فيك..كيفك؟؟

فهد: مو بزين

جنان: لييييش؟؟

فهد: لأني من زمان ماشفتك...

جنان: تراها بس يومين لا تدلع كثير..خلاص تعال بكره تغدى أو تعشى معنا أيش رايك..

فهد: ياحياتي.. خلاص بكره أنا بمرك ونروح نتغدى

جنان: أووكي .. فهد ممكن تجيب الجوري لي بيتنا

فهد: انشاء الله..بس مو الحين يمكن بعد ساعه لأن أنا رايح شركتكم أبوك يبيني في موضوع

جنان تدري عشان طلال: خيير أنشاء الله..فهد آخر طلب

فهد: أنتي مو تطلبين تآمرين تفضلي

جنان ابتسمت لتعامل فهد معها: حبيبي .. ترى قررت مع الجوري قرااار

فهد: اللي هو...؟

جنان: نبي نروح فرنسا

فهد فكر شوي: أنا ماعندي مانع بس وفاة أبوي الله يرحمه غيرت من حالة الجوري كيف تروحون وحالة الجوري كذا

جنان: أنا أبي أغير من حالة الجووري شوي..فعادي لو حتى أسبوعين ونرجع..

فهد: خلااص شوفي ميين بيروح وبعد كم عددكم وقولي لي

جنان: فهد أنت بتروح

فهد: أكيييد أختي وخطيبتي بيروحون وأنا أجلس هنا ..أيش يجلسني؟؟

جنان: ههههههههههههههه .. شكرا حبيبي على موافقتك

فهد: حبيبتي ما بينا شكر

جنان: تسلم لي

فهد : ويخليك لي..بس أنا وصلت شركة أبوك وبركب له الحين..

جنان: لاتقول إلى أبوي عن فرنسا لأن أنا بقول له

فهد: أووكيه .. بااي..

جنان: بااااي..


في بيت أبو فيصل

مروه: أووف ملل

فيصل: قومي بطلع معك

مروه: يعني وين بتوديني

فيصل: أي مكان تبيه

مروه: متأكد

فيصل: أكيد

مروه: لكن بخلي فاطمه بنت عمي تروح معي لأن اهي بعد طفشاانه لأن فهد كل طاير مع زوجته القررف ولايطلعها

فيصل: تأدبي عن ولد عمك وزوجته ولاتقولين هالكلام عنهم..ساااااااامعه

مروه: سامعه

فيصل: قولي إلى بنت عمك تجهز

مروه: أنشاء الله

وراحت تكلم فاطمه ووافقت أمها وراحت معها


في شركة أبو طلال

أبو طلال: هااه أيش رايك ياولدي

فهد: والله ياعمي أني مابلقى إلى الجوري أحسن من أخوي طلال بس لازم أشااور البنت والله يتمم على خير

أبو طلال: أنا مابرضى تاخذ ولدي قبل لا تشاورونها وأول شي موافقتها وترى طلال مستعجل فنبي الرد هالأيام

فهد: يصير خير ياعمي

.

.

وهو طالع من الشركه شاف طلال

فهد: هلا ولد العم

طلال: كيفك رجل أختي

فهد: ههههه ... زيين

طلال: ليش جااي الشركه

فهد: جااي عشانك بس صج صج شكلي بهون

طلال: أنا ما همني رايك أهم شي راي أختك

فهد: سمعت أنك مستعجل..هههههههههه

طلال: تدري الغلط مو منك مني واقف معك...ومشى عنه

فهد: طلال..طلال..هههههههه

تركه وراح


في بيت أم بدر

أم بدر: بدددر .. يا بددر

بدر: اوووووف أيش تبين بعد

أم بدر: في 6000 في الدرج أنت ماخذهم

بدر: أيييه أخذتهم

أم بدر: ولييش ماخذهم؟؟

بدر: كيفيي وبمزاجي عندك مانع

أم بدر: تكلم عدل

بدر: الحين أنت بتعلميني كيف أكلمك

جاات بتعطيه كف بس مسك يدها ورماها: تخسي إلا أنتي تظربيني.. كسر بيدك..وطلع من البيت

أم بدر: الله لايوفقك..الله لايوفقك

طبعا هدى توها الحين متعرفه على وااحد جديد ولاتدري بالسالفه


في بيت ام فهد

دخل فهد وشاف أمه وباسها على راسه وجلس بجنبها: كيفك يا الغاليه

أم فهد: الحمد لله..انت كيفك وكيف بنت خالتك

فهد: زييينه الحمد لله..وتسلم عليك

ام فهد: الله يسلمك

فهد: يمه بغيت أكلمك بموضوع

ام فهد: قوول ياوليدي

فهد:طلال ولد عمي تقدم إلى الجوري..

ام فهد بفرحه: صججج والله

فهد ابتسم إلى أمه: ايييه يمه صج

أم فهد: الله يوفقهم يااارب

فهد: زين أهي وين

أم فهد: فووق

فهد: بقووم أركب لها لأنها بتروح بيت عمي

ركب فهد فووق

طق فهد باب غرفتها:ممكن أدخل

الجوري: تفضل

فهد: كيفك..؟

الجوري بعدم مبالاه: زيننه

فهد: خلصتي لبس عشان تروحين بيت عمي

الجوري: أيييه باقي بس ألبس عباتي

فهد: أووكي أنتظرك في السياره..

.

.

جات الجوري وركبت السياره: السلام

فهد: وعليكم السلام

الجوري: طول على التكييف حرر

فهد: أمرك ياعروسه

الجوري: عروسه !!

فهد: أييه عروسه..وبجديه.. الجوري كل بنت في يوم من الأيام راح تترك بيتهم وتتزوج .. وطلال ولد عمي متقدم لك ..يبيك على سنة الله ورسوله..وطلال رجال ولا كل لرجال..ومأدب وخلوق..وأسمعيني يالجوري لو أنا مو واثق من طلال لو 1% ثقي أني ما بعطيكي له..فكري وأبي ردك هاليومين

الجوري بهدوء عكس اللي بقلبها اللي كان متردد: أنشاء الله

وضلوا يسولفون سوالف عااديه وبعدين وصلوا

فهد: تفضلي وسلميلي على جنان

الجوري: أنشاء الله..مع السلامه

فهد: بااي

ودخلت الجوري بيت خالتها ودخلت الصاله وكانت جنان تنتظرها..

جنان: هلا وغلا..

الجوري: هلا فيك..

جنان:كيفك ياعروس

الجوري: من متى وأنتي تدرين ولا قلتي لي

جنان: من قبل ملكتي

الجوري: صج صج ماتستحين

جنان: هههههههههه .. ايش كنتي تبيني أقولك

الجوري: على الأقل لمحي شي بس ماقول خلف الله عليك

جنان: هههههههههههههه..وبتوافقين ولا لا

الجوري: أنا تو من شوي فهد قاللي تبيني أعطيكم الرد الحين

طلال نزل من الدرج وسمع كلامهم وقاال: عاادي ..وأنا ولد عمك مو بغريب صح ولاغلطان.. بس أنا بعطيك وقتك عشان تفكرين وتوزنين أمورك..

الجوري من سمعت صوته على طوول نزلت راسها ونقلب وجها أحمر وأصفر وجميع الألوان

طلال يدري أنها مفتشله منه بس حب يعاندها: يعني أنا أبدي بالسلام ..كيفك الجوري؟؟

جنان تضحك عليهم

الجوري: الحمد لله زينه..جنان خلينا نركب فوق

جنان رأفت بحالها: ههههههه مشينا

وهم راكبين

طلال: أنتبهي لا تطيحين

جنان: ههههههههههههههه

الجوري كانت منقهره منهم دارت له وبعصبيه قالت: مالك خص فيني ..ودارت إلى جنان.. وأنتي بتسكتين ولا أروح بيتنا

طلال حس أنه مصخها: خلاص آسفين وأنا الحين بطلع مع السلامه

جنان تكلم الجوري: والله آسفه خلاااص ما أعيدها

الجوري: خلي نفسك مكاني شوفي أيش يصير لك.. يالله كملي درجكم وأنتي ساكته لا أكسرك..

جنان: إذا ماتبيني أمي وأبوي وفهد يبوني

الجوري: على طاري فهد يسلم عليك

جنان: ويييه فديته

الجوري تتمسخر على جنان:ويييه فديته..

دخلوا غرفة جنان وجلسوا على السرير

جنان: لييش تستهزأين بي...أنشاء الله تصيرين مكاني وتجلسين تتفدين في أخووي

الجوري: صج صج ماتستحين...المهم قلتي إلى عمي عن سفرتنا

جنان: لا إذا وصل من صلاة العشاء بقول له..وأنت أكيد بتوقفين معااي عشان يقتنع بسررعه

الجوري: اووكي

جنان بجديه: ايش رايك عشان موضوع طلال

الجوري بحيره: مادري..مادري

جنان: ترااه من زمان يبيك

طالعت الجوري فيها بعدين قالت: أنا خاايفه أوافق

جنان: لييييش؟؟

الجوري:أنا رافضه الزواج من اصله مو أخوك

جنان: طيب ليش فهميني؟؟

الجوري نزلوا دموعها : خااايفه الشخص اللي أخذه يطلع ما يعاملني عدل أو ما أقدر أنا نفسي أسعده.. أنا ماصرت زي الأول كذا نفسيتي تغيرت..تقدري أنت تعيشين من غير أبو..أنا عايشه هذا الأحساس.. تعرفي معناة يتيمه أنا يتيممه.. مافي احد حاس لي ..

جت جنان وضمتها وبكت معها: خلاااص يالجوري كاافي أحنا معك ياحبيبتي.. ومستحييل أنا أتركك.. وإذا أنتي ماسعدتي أخوي ما أظن أن أحد راح يسعده كثرك..والله لو ما أعزك وأحبك كااان ما وافقت لما قال لي يبيك فهمتي حبيبتي..وصدقيني طلال طييوب كثيير وما بيلقى أحسن منك..

الجوري تمسح دموعها: بفكر وبرد لك خبر

جنان: أنشاء الله

دق جواال جنان وكان فهد

جنان: هلا حبيبي

فهد: والله أني أحبك

جنان انقلب وجها أحممر

جنان: وأنا بعد

الجوري: نحن هنا

جنان: هههههه

فهد: شخبارهاا

جنان: تماام

فهد: جنان حاولي فيها عشان طلال ولاتتركينها وحاولي تقنعينها

جنان: خير أنشاء الله

فهد: حبيبتي قولي إلى الجوري الساعه 10 بمر عليها

جنان: أنشاء الله

فهد: ههههههه صايره كلماتك بالقطاره لأن الجوري معك

جنان: ههههه..كاشفني

فهد: أوكي جنو لاتنسين بكره غداك معي

جنان: أووكي

فهد: يالله حبي باااي

جنان: بااي

.

.

أبوطلال: وين جنان

أم طلال: مع الجوري فوق

أبوطلال: الجوري هنا

أم طلال: أييه جاات بعد صلاة المغرب

أبو طلال: بقوم أركب أسلم عليها


في بيت وليد وشوق

شوق: وين بتروح؟

وليد: يعني وين بروح المسجد

شوق: أنت ليش تكلمني كذا؟

وليد: أوووف..تراك طفشتيني من أسألتك اللي ماتخلص

شوق: أنا أسائلتي ماتخلص

وليد: بتسولفين كثيير.. ترى وراي صلاه

شوق ماسكه دموعها لا تبكي: لا روح.. روح كان تسمع محاضره عن تعامل الزوجين مع بعضهم

وليد بصراخ: أنا تحسبيني ما أعرف كيف يتعاملون..أنتي بس تبين تعورين راسي بحنتك الزايده

شوق طالعت فيه هذا مو وليد اللي أعرفه ليش يعاملني كذا ..لا السبب مو طبيعي أنا ما أذكر سويت له شي: أنا شسويت لك؟؟

وليد: ولا شي بس مزاجي أعاملك مثل ما أبي

شوق: تحسبني لعبه بيدك..طلقني ياوليد طلقننني..

وليد جلس يطالع فيها فتره بعدين طللع..

جلست شوق تبكي وتبكي وينك يايبا ..خذني معاك يايبا .. لاتتركني بروحي..

.

.

وليد أنا شفيني أعاملها كذا أهي شسوت لي أنا مضايق من الشغل أقووم أحط حرتي في هالمسكينه .. صج صج أنا مجنون كنت راح عملت مشكله من غير سبب..أووف خلني أروح أصلي وبرجع لها


في بيت أبوطلال

أبو طلال طق بااب الغرفه

جنان: تفضل

أبو طلال: سلام على بناتي..

جنان والجوري: هلا يبه..عمي

أبو طلال: كيفكم..

الجوري: الحمد لله..أنت كيفك

أبو طلال: زين يابنيتي

جنان: يبببه طلبنااك

الجوري: أييه عمي

أبو طلال: آمرو

جنان: نبي نسافر

أبو طلال قضب حواجبه: وين..؟

الجوري: فرنسا

أبو طلال: مع من؟؟

جنان: بيتنا وبيت عمي أبو فهد

أبو طلال: خلاص اجل..نروح بس على شرط

جنان بطير من الفرحه: قول يبه

أبو طلال: بعد رد الجوري.. إذا كانت موافقه نسوي لهم ملكه ونروح ..أما أذا كانت مو موافقه فبنسافر بعد ..لأن أنا أبي ملكه بعدين تسافرون إذا كانت موافقه طبعاا.. إذا ماكانت موافقه تسافرون على طول

جنان: اهااا

الجوري في نفسها ليش ياعمي كذا لييييش..


في بيت شوق

شوق قررت من الليله بتروح بيت أهلها وهي بغرفتهم

جا وليد وعنده باقة ورد <<< يراضيها

ووقف وراها هي تخرعت

وليد: بسم الله عليك ياقلبي

شوق: بسم الله .. لااا قلبك ولا شي .. ولو سمحت وخر عني

وليد: والله آسف

شوق: آسف لاتعتذر لأني ما أحتاج أعتذارك

وبعدت عنه وقامت تلم أغراضها في شنطه ووليد متفاجى: وين بتروحين؟؟

شوق: مالك خص فيني

وليد جا ومسكها من زندها لأنه عصب: تكلمي عدل معي وقولي وين بتروحين؟

شوق: مالك خص..

صرخ عليها: تكلممي..

خافت شوق منه لأن أول مره يصرخ عليها فقالت بهدووء: بيت أهلي..

وليد: ولييش؟؟

شوق: إذا عدلت أسلوبك معي بعدين برجع لك

وليد: واللي يقولك مافي روحه

شوق أنفجرت وقامت تبكي: أنت شفيك متغير علي أنا شسويت لك ولا لأني ماعندي أبو جالس تتكلم معي كذا..ترى أنا عندي أهل وو...<<جلست على الكنبه وغطت بيدها وجها تبكي

خلاص وليد انقهر من نفسه وحس بالذنب وجلس جنبها وحط يده على كتفها وضمها له : خلااااص حبيبتي..والله آسف وما أعيدها..حبيبتي أنا أعتذر لك..ورفع راسها ومسح دموعها وقال..لاتنسين حبيبتي أني أنا أبوك وأمك وأخوك وأختك وزوجك وكل شي وأنتي بالنسبه لي كل شي..ياشوق دموعك عذابي كل دمعه تنزل من عينك تموتني وتقطع قلبي..

شوق هدت شوي وبعدين قالت: أنت ليش اليوم معصب علي ..

وليد: انا مضايق .. وسكت شوي وقال..اليوم في الشركه خسرنا مليون والسبب أنا .. فتضايقت كثير

شوق: وأبوك أيش قال؟

وليد: قال الفلوس تروح وتجي ولا تضايق نفسك ومن هالكلام.. بس أنا حاسس بالذنب الكبيير ياشوق

شوق: لاتشيل هم .. كل شي بيتعوض أنشاء الله..عسى أن تكرهو شيئا وهو خير لكم..

وليد: ونعم بالله.. وبعدين طالع فيها وأبتسم وقال: أنشاء الله رضيتي علي

شوق تبي تقهره: ومن قاال أني رضيت عليك

وليد: أفااا.. زين وإذا قلت عشان هذا<<وحط يده على بطنها

شوق: بس أهو زعلان مثل أمه

وليد: كيف أراضيهم؟؟

شوق: اممم.. تطلعهم لأن من زمان ماطلعوا معك..

وليد: أذا على كذا قومي لبسي عباتك

شوق قامت تلبس عباتها: دقيقه بس

وليد يقول في نفسه يا طيب قلبك يا شوق الله يخليك لي



في اليوم الثاني

في بيت أبوطلال

جنان: يمه أنا طالعه مع فهد تبين شي

أم طلال: سلامتك..

جنان: مع السلامه


يتبع ,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -