رواية شفت الحبيبه كويتيه -7


رواية شفت الحبيبه كويتيه -7

رواية شفت الحبيبه كويتيه -7

الي امها وصتها عليه راحت تلبس وتكشخ حنين وهي تلبس عبايتها دق تلفونها وعلى طول فصخت العبايه وردت على التلفون
حنين : هلا
ياسر: هلاوالله فيج اخبارج
حنين : تمام وانت
ياسر : دامني دايم اسمع صوتج انا تمام التمام
حنين : دوم يارب
ياسر: يدوم عزج ياقلبي
حنين بسحى : ياسر
ياسر : عيونه
حنين : انا راح اطلع بعد شوي
ياسر: وين
حنين ت: بيت عمي
ياسر : ليش
حنين : بنت عمي توها راده من السفر ورايحه اسلم عليها
ياسر: اها
حنين : انا بسكر الحين ولا رديت كلمتك اوكي
ياسر: اوكي قلبي انطرج
حنين : باي
ياسر: باياات
لبست حنين وتجهزت هي وامها بس مالقت من يوديهم
حنين: ياربي وينهم كل ماابيهم القاهم طالعين يحول خلني ادق على سعود
حنين : الو
سعود : هلا
حنين : وينك سعود
سعود : طالع مشوار00
حنين : زين ابيك توديني انا وامي بيت عمي
سعود : انا بعيد
حنين : لاعاد الله يخليك ودني
سعود : قلتلج انا بعيد عن البيت تصرفي
حنين : طيب باي
سعود : باي
بعد ماسكرت حنين من سعود دقت على غزل عشان تعتذر منها

بيت ابو عبدالرحمن 000

كان الكل يسلم على الجوهره ويتحمدون لها على السلامه
الجوهره : شلونج يمه شخبارج
ام عبدالرحمن : الحمدالله تمام وانتي
الجوهره : تمام وانتي غزول شخبارج
غزل : يوه ياكثر اخباري شتبين فيهم
الجوهره : ياملغج والله ترفعين الضغط ماتضحكين
غزل تضحك: اهم شي اضحك دادي (ابوها)هههااااي
الجوهره :شخبارك عبدالرحمن
عبدالرحمن :الحين توج تذكريني تسلمين على هالبزر وانا شكبري ومعطيتني سكب
الجوهره تضحك: اسفه والله مانتبهت هههههههااي
عبدالرحمن : الحمدالله بخير
الجوهر ه: وين تركي وعلي
غزل : تركي مع كومار محد ناده المسكين وعلي فوق يبدل وينزل
الجوهره : لها الدرجه ماشتاقولي
تركي : الاوالله مشتاقلج يالدبا
الجوهره وهي تقوم وتسلم عليه : هلاوالله اخبارك
تركي : اخ اخباري كلها عند كومار
الكل ضحك على خفة دم تركي هههههههههههههههاي
الجوهره : تصدق ياتركي مشتاقه لنكتك وسوالفك
تركي : ياحليلج اجل فيه احد ذاكرني غير كومار
الجوهره :ههههههههاي فديتك والله انك عسل
تركي :ادري اني عسل من زمان قديييييمه
الجوهره تضحك: ياشين الواثق
دق تلفون غزل وردت
حنين : قوه
غزل : الله يقويج
حنين : غزل حياتي مالقيت احد يجيبني انا وامي وسلمي على الجوهره وقوليلها يوم ثاني نجيها ان شاءالله
غزل : لاعاد شدعواا اسمعي انا بشوف السايق اذا موجود دزيته لج اوكي
حنين : اوكي
غزل : باي
حنين : باي
سكرت غزل من حنين وراحت عشان تشوف السايق بس ناداها عبدالرحمن
عبدالرحمن : غزل
غزل : هلا
عبدالرحمن : كنتي تكلمين حنين
غزل : يالقفي
عبدالرحمن : جب عاد كنتي تكلمينها ولالا
غزل : ايه وبروح اشوف السايق عشان يجيبها
عبدالرحمن مستانس : والله
غزل : ليش مستانس ياحظي
عبدالرحمن : لان حجي رايح للجاخور ( الاستراحه )
غزل : لاعاد ياربيه شمذلفه بعد
عبدالرحمن : حلو خلاص انا كم عندي حنون اروح اجيبها فديتها
غزل تضحك : على بالك بتركب معك البنت ثقيله مو زيك خفيفه هههاااي
عبدالرحمن : كلميها وقولي السايق بالطريق وانا رايح الحين
طلع عبدالرحمن بسرعه بدون مايسمع رد غزل
دقت غزل وهي متردده على حنين وقالتلها تتجهز
بعد ماطلع عبدالرحمن دخل علي وسلم على الجوهره وجلسوا سوالف وضحك

ام فيصل وحنين طلعوا عشان يركبون مع السايق
ام فيصل وهي تفتح باب السياره : منو عبدالرحمن
نزل عبدالرحمن يسلم على ام فيصل : هلاوالله كيفج اخبارج ياعمه
حنين كانت ورا امها ماقدرت تتحرك ولاتفتح الباب وتدخل!!!
ام فيصل : الحمدالله بخير وانت
عبدالرحمن : تمام والحمدالله
عبدالرحمن وهو يناظر حنين ومو مصدق : حنين شخبارج؟؟
حنين بسحى : تمام
عبدالرحمن : عسى دوم يارب
فتح عبدالرحمن الباب لام فيصل وركبها قدام وحنين كانت واقفه جاها عبدالرحمن وفتح لها الباب وقالها : تفضلي
حنين حدها مفتشله : مشكور
عبدالرحمن كان مستانس ومبسوط وكان وده مايوصلون البيت مايبي يبتعد عن حنين دقيقه وحده
نزلت حنين ومعها القهوه والحلى والفطاير كانت ثقيله عليها جاء عبدالرحمن وخذا منها القهوه والحلى وهي معها الفطاير دخل عبدالرحمن وحنين وام فيصل ولقوا الكل مجتمع
ام فيصل وحنين : السلام عليكم
الكل وعليكم السلام
ابو عبدالرحمن توه داخل لصاله وشاف عبدالرحمن واقف وجنبه حنين
كان مستانس وكان يشوف ابتسامت عبدالرحمن والي شاقه وجهه من الفرحه
ابو عبدالرحمن : شخبارج ام فيصل
ام فيصل : بخير الله يسلمك
راحت حنين على طول وسلمت على عمها : كيفك عمي اخبارك
ابوعبدالرحمن : الحمدالله بخير انتي شخبارج
حنين :تمام
ام فيصل : هلاوالله بالجوهره الحمدالله على السلامه
الجوهره : الله يسلمج شخبارج ياعمه
ام فيصل :الحمدالله تمام
حنين على طول راحت لجوهره وضمتها ولانتبهت لعبدالرحمن الي للحين واقف : الحمدالله على السلامه حياتي والله مشتاقه لج
الجوهره : شوي شوي علي تراي حامل
حنين متفاجاه : شنو الف الف مبروك ياي كم لج
الجوهره : 3 شهور
غزل : من لقى احبابه نسى اصحابه هاه ياحنين
حنين تضحك: تعالي انتي غير انتي حياتي وصديقتي غير عن هالدبا ههاااي
غزل : ايه اشوى بعد احسبج نسيتيني
الجوهره :ياشين الغيره ياختي حنا كبار انتي مادري شتبين ويانا
حنين : لاعاد اناا غزل اعتبره كبري
غزل : هههههههااي يالبيه ياحنوون
غزل شافت عبدالرحمن الي للحين ماسك الأغرض ولا فكهم ومبتسم
غزل بصوت واطي :عبدالرحمن انت مستانس لان الجوهره عندنا ولا حنين
عبدالرحمن يضحك: اكيد عشان حنين
غزل : طيب نزل الأغراض وتوكل البنت مفتشله
حنين قرصت غزل عشان تسكت وشافها عبدالرحمن
غزل :اي وجع شفيج
عبدالرحمن يضحك تستاهلين : ههههههااي يله ياشباب مشينا وطلعواوخلو البنات بروحهم
الجوهره : حنون هاه ماودج تعرسين ولالا
حنين : لامو الحين توني صغيره بعدين لما اخلص الجامعه افكر
غزل : ياليل شكلج راعيه طويله ياختي اعرسي ترى في بنات تحتج مو تقطعين نصيبهم
حنين تضحك: ههههههههااي ياحبج لهالسوالف خلاص بعرس عشان تعرسين وراي
الجوهره : ايه ماعندها احد يقولها عيب صاير لسانه شطوله
غزل : كيفي اخر العنقود سكر معقود هههههههههااي
حنين : ايه صج الجوهره كم راح تجلسين بالكويت
الجوهره : والله مدري بس يمكن لي العطله
حنين : حلو طيب بكره عازمتج
الجوهره : ان شاءالله
غزل : وانا ولا انا كخه الحين
حنين : شفيج اليوم ياختي انتي اولنا وانتي القائده حقتنا بعد
غزل تضحك: اشوى بعد هههههههااي
الجوهره وهي تذوق الحلى : الله ياحلاته انتي مصلحته حنون
حنين : ايه
غزل : ماشفتي يالجوهره حنون طباخه وعليها طبخ ونفس بالأكل والله ماذقت مثله
الجوهره : بصراحه الحلى روعه مااقدر امسك عمري ابي اشطب عليه
حنين : تسلمين
غزل : خليني اذوق اممممم ياي ياحلاته
الجوهره : يله يالحلوه اطبخي مثل حنون
غزل : ان شاءالله لاجا زوج المستقبل طبخت هههههههااي
حنين والجوهره : هههههههههااي
بعد العشاء دق سعود على حنين علشان يروحون البيت
ام فيصل : يله يابنات مع السلامه
الجوهره :توالناس ماشبعنا منكم
حنين : وش توالناس الساعه 1
غزل :يوه طيب لاتقطعينا
حنين : اوكي بعدين انا بكره عازمتكم مو تنسون
الجوهره :اوكي حياتي
حنين : باي
غزل والجوهره : باي
بعد مارحت حنين جلسو غزل والجوهره مع بعض
الجوهره: مشاءالله عليها مزيونه حنون
غزل : ايه البنت اخلاق وزين الا مادريتي اخر الاخبار
الجوهره : خير ان شاءالله
غزل : اسمعي عبدالرحمن يبي يخطبها
الجوهره :: تصدقين اول ماشفتها قلت تليق لعبودي
غزل : ايه ماشفتي ميت فيها وقال لابوي بس ابوي قاله يصبر
الجوهره : ليش عاد حرام تروح البنت من ايده
غزل : مدري عن ابوي شفيه
الجوهره : انا راح اكلم ابوي واشوفه بس قوليلي شخبارج مع الدراسه
غزل وهي تروح لغرفتها : كلش تمام يله انا بنام حدي تعبانه
الجوهره :وانتي من اهله
راحت غزل غرفتها وانسدحت على السرير وتلحفت وتوها بتنام الا ويدق تلفونها
غزل تشهق مو مصدقه شيبي خلني اشوفه
غزل : الو
سعود : السلام عليكم
غزل : وعليكم السلام
سعود: شخبارج
غزل : تمام وانت
سعود: تمام والحمدالله
غزل : ليش داق
سعود: اسف اذا ازعجتج بس انا ابي اكلمج بموضوع
غزل :تفضل
سعود : غزل انا من اول ماشفتج وانتي صرتي كل حياتي وكل تفكيري وابي اتزوجج
غزل متفاجئه :شنو
سعود: انا احبج بس ياغزل ماقدرت اصبر واسكت غصب عني اعترفلج ورقمج ماقدرت انساه اصابعي دقت عليج على طول غصب عني ما اقدر امسك نفسي لما اشوفج عشان جذي ابي اسمع رايج قبل كل شي
غزل كان كلام سعود على قلبها زي العسل حلو مره كانها محتاجه انها تسمعه كان سعود وغزل نفس التفكير ونفس كل شي كان كل واحد يكمل الثاني غزل بكت كانت دموعها تنزل لاشعورياً
سعود: الو
غزل بصوت مخنوق: سعود صادق بكلامك ولالا
سعود: والله ياغزل ماكذبت عليج بحرف واحد انا احبج احبج
غزل كل ماكان سعود يقول احبج كل ماكانت دقات قلبها سريعه وادموعها اسرع :سعود
سعود: هلا
غزل : موافقه لان قلبي حبك وماعرفت كيف اصارحك وخليتها على الأيام والأيام جمعتنا
سعود مبسوط: الله لايفرقنا ياغزل ودوم يجمعنا
غزل : امين
سعود: غزل
غزل: هلا
سعود: صدقيني عمرج ماراح تندمين انج حبيتيني لاني ماارضى احد يأذيج ويحرجج اذبح عمري قبل لااسويها
غزل :كانت تمسح دموعها ماتدري دموع فرح او حزن بس الي تحسه انها دموع فرح لانها كانت مستانسه على كل كلمه كان يقولها سعود لها كان كلامه يدغدغ قلبها ومشاعرها الصادقه
غزل : انا احبك ياسعود ولاراح اجرح مشاعرك او العب فيها صدقني انا تغيرت من يوم عرفتك
سعود : غزل
غزل :هلا
سعود: انسي الماضي وخلينا نعيش الحاضر
غزل ببتسامه : ان شاءالله
جلسوا سعود وغزل سوالف بعدها سكرت غزل من سعود وجلست تبكي مستانسه احبك احبك احبك احبك ياسعود
********
ياحبيبي لو تكون ابعد حبيب
المهم اكون من قلبك قريب
حبك اللى قبل احبك
حببني كل شي فيك
قال اني حبيب حبك اللى من شتاتى لمنى
من عرفتك ما شعرت انى غريب
السؤال الى اموت ولا يموت
كيف اكون الخل وانت اغلى حبيب ..؟
*********
سعود كان مبسوط ومستانس اكثر لما عرف مشاعر غزل اه ياغزل انا احبج احبج احبج ياغزل احبج واموت فيج يااحلى من شافت عيني
*********
يفداك عمري يابعد عمر مغليك *** وتفداك روحي والعيون وسهرها
ابيع كل الناس يازبن واشريك *** والناس لأجلك مستعد اخسرها
امر وحنا ياهوى البال نرضيك *** يابسمة ايام العمر ياقمرها

بيت ابو فيصل000

يا من ملكت قلبي ووجداني
يا من شغلت عقلي وتفكيري
يا من روحى تداعب روحك
ويا من تحس بمشاعري بنبضي بانفاسي
يا من بقربك صارت حياتي
وإبتعادك عني ... مماتي
حبك أسرنى ملكنى
أصبحت شريكي في احلامي وفي خيالي
ويجري حبك في دمى وعروقي
حبك يمسح دمعتى يضمد جراحي
جعلنى فراشة اطير احلق بين احلامي
لا أملّ من التفكير بك
واتنفس عشقك واعيش لك دون غيرك
ويبقى قلبي ***** ينطق بحبك
كانت حنين جالسه على الكنبه الي بغرفتها وكانت ماسكه تلفونها وتفكر
ادق ولا مادق
خلني ادق واشوف اخباره والله مشتاقه اسمع صوته واسولف معه وكل يوم يزيد الشوق والحب يكبر بقلبي لياسر الله لايفرقنا ياياسر ويجمعنا ان شاءاللله خلني ادق واشوف اخباره
دقت حنين على ياسر بس ياسر سكر في وجهها وحنين انصدمت ليش ياسر سكر بوجهي شوي دق تلفونها وكان ياسر ردت حنين من غير نفس ـ الو
ياسر : هلاوالله اخبارج
حنين :طيبه
ياسر : حنين شفيج
حنين : مافيني شي
ياسر: الا فيج يله عاد قولي شفيج
حنين معصبه : ليش تسكر التلفون بوجهي ؟؟
ياسر يبتسم : حنون سكرته لاني مابيه يصرف عليج
حنين : شنو ليش شالفرق بيني وبينك
ياسر : لابس انا مابي اكلف عليج
حنين معصبه: ياسر انا ماابيك تسوي هالحركه مره ثانيه انا وانت حلالنا واحد مابينا فرق
ياسر بهدؤ: عارف ياحنين بس انا احرجج مع اهلج وابي انا الي يصرف علي مو انتي
حنين : ياسر انا ماتهمني الفلوس اهم شي اعيش احلى لحظات عمري معك لوكلفتني حياتي
ياسر: احبج ويلوموني لاحبيتج ياحنون والله اذا كان هذا الشي يضايقج خلاص ماراح اعيدها
حنين بسحى : تسلم يالغالي
ياسر: يسلمج ربي طيب شفتي بنت عمج
حنين :ايه ياحليلها حامل ياي والله مشتاقه اشوف ياهل تصدق محد من بيتنا ولابيت عمي عندهم ياهل صغيرون 00
ياسر: ان شاءالله تشوفين عيالج وعيال اخوانج وعيال عيال عمج يارب
حنين : امين ياااارب
حنين :الا صدق شخبار الشغل وياك؟؟
ياسر: لاتذكريني فيه والله تعب الله يعين بس
حنين: الله يعينك
ياسر: حنين شخبار الجامعه وياج
حنين : لااشوا تعدل مستواي
ياسر :حنين مابي علاقتنا تاثر على دراستج 00
حنين :لاعادي انا منظمه وقتي وقت لهلي وقت لدراسه وقت للكمبيوتر وقت لك
ياسر : يعني انا اخر همج
حنين تضحك: لاموعن بس طلعت زلة لسان هههههههههااي
ياسر : عارف فديتج والله
حنين : زين ياسر تصبح على خير 00
ياسر : تصبح على خير بس؟؟
حنين تضحك : هههههاي شتبيني اقول؟؟
ياسريضحك: يعني كلمه حلوه مني مناك خليج رومنسيه شوي 00
حنين : هههههههههاي ياي منك اقول تصبح على خير بس
ياسر : والله ياي منج انتي عنييده الله يعيني عليج بس ههههههههههههههههههاي 00
حنين : قدها؟؟
ياسر : لاوالله مو قدهاااا 00هههههههههههاي
تصبحين على خير حياتي
حنين :وانت من اهله
ياسر : زين كملي ههههههههههههههاي
حنين : ههههههههههاي لو تمووووت
ياسر : يالله شسوي بعد باي
حنين: بااايات
بعد ماسكرت حنين من ياسر جلست تفكر بمستقبلها هي وياسر وحبهم الي كل ماله يكبر ويكبر ويوصل حد العشق والهيام
أحبك أيه ياحلـمٍ بغيتـه واخسـر انفاسـي
أبي قـربٍ ينسينـي عنـا الدنيـا ومافيهـا


أحبك كلمة عجزت تعبر ع مدى احساسـي
حروفٍ ميته خرسى ونبضي بـس يحييهـا


أهيم بعالمك اسرح تدور افكار فـي راسـي
وكل افكاري احبك ولاادري كيـف أبديّهـا


أحبك وشهي أحبك ؟ قليلـه يابعـد ناسـي
أحبك عاجزه تحمل شعـورٍ ساكـن ٍ فيهـا


أحبك وشهي أحبك ؟ وحبك مالـه اقياسـي
لو أكتب ( قصة أحبك ) حروفي كيف توفيها


(حبيبي بختصرها لك أبيك الماي ولباسـي )
وأنا كلي فدى روحك فدى خطـوة تخطيهـا


(ولو تتغير الدنيا فحبـك ثابـتٍ راسـي )
حروف اسمك بتكويني ومن يقوى ويمحيهـا


شعوري يوووه ياكبره وعجزي قيد أنفاسـي
(أحبك أكبر وأجمل ولابه شـي يوازيهـا )


بيت ابو عبدالرحمن 00

كانت ام عبدالرحمن وابوعبدالرحمن والجوهره وعبدالرحمن مجتمعين
الجوهره: صدق عبدالرحمن الي سمعته
عبدالرحمن : شسمعتي
الجوهره : انك بتخطب حنون
عبدالرحمن : ايه ان اشاءالله ليش
الجوهره : لابس وشفيكم ماتخطبونها قبل لاطير البنت ترى الف واحد يتمناها
عبدالرحمن : والله كلمي ابوي كلمته واقالي بعدين شسوي
الجوهره : ليش يبه طول الموضوع وهو قصير
ابوعبدالرحمن : كم مره نفتح هالموضوع يعني
ام عبدالرحمن : الولد قده رجال مالها داعي نطولها خلنا نكلمهم
عبدالرحمن : هاه يبه ماعندك اي عذر
الجوهره : هههههااي حلوه عذر مدرسه حنا هههههههههااي
ابوعبدالرحمن : خلاص هانت مابقى شي ونخطبها لك عما قريب
عبدالرحمن مستانس : صدق يبه اشوا يالبى قلبج يالجوهره ليتج جايه من زمان
الجوهره تضحك: ههههههههااي افاعليك كم عندي عبودي انا
عبدالرحمن : شعرضي وشطولي وتقولين عبودي
الجوهره : يووه نسيتوني حنون عازمتني انا وغزل للعشاء برا خلني اروح اتجهز واقوم غزل
قامت الجوهره وقومت غزل ودقوا على حنين عشان يمورونها ويروحون للمجمع
غزل : حنون يله تجهزي حنا بالطريق
حنين : يله انا جاهزه اشوى انكم مانسيتوني
غزل : اما عاد ننساج والطلعه على حسابج و راح ناكل ونشرب ونستانس بلا ش هههههاااي
حنين تضحك: يله بس اخاف اكدعلى عميان هههههههاااي بس لاجل عين تكرم مدينه
غزل : وانا صفر على الشمال اجل
حنين : خلاص خلي السوالف بالمجمع باي
غزل تضحك: باااي هههااي
راحت حنين والبنات للمجمع
حنين : الجوهره شرايج ندخل نشوف هالمحل فيه شغلات حلوه
الجوهره : يله مشينا والله ودي اشتري اغرض منه
غزل : يله شفيكم واقفين
بعد ماشرو وخلصوا طلعوا البنات حنين شافت شخص تعرفه تفاجأت بس صدت بسرعه عشان ماينتبه لها
شافها ياسر وعرفها على طول بس ماقدر انه يتركها وقعد يلحقها 00
غزل : بنات شوفوا الي ورانا ياحلاته مزيون
حنين معصبه : خلاص غزل لاتشوفينه
غزل : وانتي شعليج خليني اشوف الزين ياي والله مزيون
حنين : طيب لايسمعج الحين ثم ينشب
غزل : بصراحه احسه يغازلني انا احلى وحده فيكم
الجوهره : بس عاد سباق هو من يلاحق
حنين تضحك: مدري عنها ههههااي
غزل :ياشين الغيره ماتليق عليكم
شوي دق تلفون حنين اول ماشافت الرقم عصبت زياده وصارت تسكر بوجهه
جلس ياسر يدق وهي تسكر اخر شي دزلها مسج وكاتب فيه (فديت الي يستحون)
حنين قرت المسج وضربت فيوزاتها
حنين خايفه : يله بنات خلنا نروح نتعشى طولنا مو
الجوهره : صادقه انا تعبت من المشي


يتبع ,,,,
👇👇👇
أحدث أقدم