بداية الرواية

رواية بعلمك درس -7

رواية بعلمك درس - غرام

رواية بعلمك درس -7

.....وفضحتج عند الناس ....
ما اكون ام تركى ؟؟؟؟ وطلعت بره.............
اما ملاك مازالت مصدومه والدموع بعيونها تسيل الله كل هذا كره وحقد ............وانا اللى عمرى ما ضريتها
بشى؟؟؟
ام صالح وهى ادور اقرب كرسى عشان تقعد عليه.........حسبى الله ونعم الوكيل.....حسبى الله عليج من مره
ارفعت ظقطى الله لا يوفقها ؟؟؟؟؟
ولتفتت علا ملاك : ملوكه تعالى يمه تعالى
ملاك وهى تتجه لجدتها سمعتيها يمه ...وصوتها مخنوق من العبره اتقول انى ......الا جدتها امقاطعه كلا مها
انتىمن صجج............ابذمتج فيه كلمه من اللى قالتها صج هذى من الحره والقهر وانتى من صجج تزعلين من
كلامها ..............هذى سفيه يمه ومحد يتاثر بكلامها الا الخبل ....يالله يالله اهوه قومى اغسلى وجهج
او سويلى جاى من ايدينج الحلوه مسلسلنا ابيطلع الحين.........لا ويانبج ضميرج علا تركى بعد .....
(((((((((( فى بيت بوتركى ))))))))))))))
تركى : يمه الله يهداج اشحقه اتروحين لهم ......خلاص البنت ورفظت اطلابه هى خلاص ماله داعى
روحتج ....ابصراحه يمه انتى ....رحتى ادورين المشاكل ماكان له داعى والله احرجتينى واحرجتى نفسج
الله يهداج بس ........اتحطين الواحد ابمواقف ...مادرى شقول.....وقال اخر كلمه وهو يطلع من البيت
ام تركى وهى تلتفت علا بناتها :اتشوفون اشقاعد ايقول....................... هذا بدال ما يستانس انى هزاتهم
يزعل ......بس شقوا خبل مثل ابوه.....................اااااه يالقهر ...انا هذى ترفض اولدى .....بس ان ما شوهرت
فيها ما اكون ام تركى ........((وطبعا قول وفعل ))
تركى وهو يدق بتلفونه:الو سلام عليكم ؟؟
ام صالح:الله يسلمنا من شركم ....
تركى وهو يغمظ اعيونه من القهر ويعظ علا شفايفه :السموحه يا خالتى والله لاهو ابعلمى ولا ابعلم ابوى وانتى
تدرين ان امى متسرعه وهذى من كثر ما كان ودها ان ملاك اتكون عندنا من غلاها........وانا بالنيابه عنها اعتذر
منج ومن ملاك .....(طبعا اى حاول ايرقع الموقف ))
ام صالح: لا والله ياولدى ملاك لهى غاليه عند امك ولا شى بس امك تكره ملاك كره الموت .....وانت ياولدى مالك
ذنب.......ياولدى حنا ما نبى اعتذار ولا شى نبى نفتك من شر امك او بس .....
تركى :ان شالله ........بس انا مابى يكون ابخاطركم شى ودرى ومنحرج والله منكم ....بس الواحد شى سوى امى
بعد..............
امصالح:اى والله يولدى شتسوى بعد امك والله ايعينك ......وانت ياولدى ما جا منك الا كل شى
طيب ....
تركى :يالله اجل فمان الله واعتذريلى من ملاك..........
ام صالح :فمان الكريم ....يالوليدى..........
سكر تركى التلفون وهو يقول بينه وبين نفسه والله ما الومج يا ملاك يوم رديتينى ..!!!!!!!!
ام صالح : وهى تلتفت علا ملاك ....هذا تركى يتغدر من اللى سوته امه .......عز الله صدق اللى قال اللى هذا اوله
ينعاف تاليه .............
وراحت ام تركى تمشى وتسولف ......عن ملاك وان ولدها كان بيتدبس فيها ,,,,وانها بنت مو
متربيه.......ونها اهى اللى اقنعت ولدها انه ياخذ ملاك .....بس اهو اكتشف انها .....بنت هايته ....وانه شايف
عليها بلاوى ......واهو اللى رافضها ....مع انها ميته عليه بس اهو اللى رافض.......وكل ما تجى عند بيته اتقول
((عاد هاه ترى ما قلت الا لج يوخيتى تدرين عاد احنا عندنا بنات .......وتركى بعد هم بنت عمه .....وكان ناوى
يذبحها بس انا حلفت عليه .......بعد اولدى يضيع عمره عشان وحده مثل هذى .....وانا ماعندى
غيره)))
وقامت تمشى وتنشر .....لين وصل الخبر ملاك ....
ملاك الى صارت نفسيتها تحت الصفر ..........
ملاك: يمه هذى اش تبى منى انا ما ضريتها ولا ضريت احد ....حسبى الله ونعم الوكيل
ام صالح :بس تكفى هالدعوه الله كفيل فيها وترى الناس ناقده عليها يبنيتى والكل يعرفج ويعرف اخلاقج ماعليج
منها لو الناس مصدقتها ما كان قالولى واهم ناقدين علها .......ماعليج منها بس
طبعا فيه ناس اتصدق وفيه ناس مو مصدقه وفيه ناس امشككه ....وصارت حديث الناس
وطبعا ام تركى فى قمه سعادتها ان الخبر انتشر بهالسرعه .....طبعا الاخبار الشينه ابسرعه تنتشر ....
واللى فرحها اكثر ان اكثر من وحده كانت تبى اتخطب ملاك وهونت ...........من بعد ما انتشر الخبر
فى بيت ابوفيصل
وهم قاعدين يتفرجون علا التلفزيون ابو فيصل وبناته ........الا علا دخلت خالد الساعه 10بالليل ولتفتت فجر
خالد غريبه جاى امبجر اليوم من زمان ما شفناك........مارد عليها ......يبه امر داق على
بو فيصل :الواحد اي سلم بالاول وبعدين يسال!!!!!!!!!!!
انحرج خالد وباس راس ابوه ..........امر يبه
بو فيصل : اسبقنى علا غرفت المكتب ابيك اشوى
خالد حس ان فيه شى كايد .....
وبعد ما دخل ابو فيصل الغرفه:::
بو فيصل :خالد ............ترى انا خطبتلك وعالااسبوع الجاى ان شالله راح انروح نخطب رسمى.......ونملج
وانا حبيت اعطيك خبر ....عشان اتزهب عمرك .........
طبعا الاسلوب اللى اختاره ابو فيصل غلط واهو يدرى انه استفزه ونرفزه بس هذى لغايه فى نفسه
طبعا جالد قعد امبحلق ببوه واهو مو مصدق اللى قاعد يسمعه ......وقاعد ايقول بنفسه اكيد ابو يضحك
بس .....ابوه كان جد واصلا ما عنده سوالف المقالب ...والضحك ... وعلاقتهم الفتره الاخيره ما تساعد علا مقالب
او ضحك ......يعنى اللى قاعد ايقوله ابوه صحيح ......
خالد : يبه انت من صجك اتكلم ...؟؟؟؟؟؟؟؟؟؟
ابو فيصل:وهو فى قمت البرد..... ليش .....
خالد: شنو ليش .....يبه وين قاعدين احنا ....تخطبلى وانا حتى ما عندى خبر ولا حتى ادرى منى هذى ......
شالسالفه .......ترى حتى البنات ماينغصبون ......عشان تغصبنى .......لاء لاء يبه اكيد انت اتغشمر معاى
ابو فيصل: ابصراحه انا لما شفت اختيارك ......دريت ان انت ماعندك سالفه وانك جاهل ......فقلت انا الاى اختارلك
لانك بختيارك لبنت خالتك قتلت الثقه اللى عندى لك ......فقلت انا اللى اختارلك دامك ماتعرف تختار
خالد :وهويقوم من الكرسى ويقعد علا الثانى من هول الصدمه :يبه يعنى انت الحين تعاقبنى انى حبيت ريم وخترتها
فقلت ازوجه انا علا ذوقى .......اساسا انا مانى متزوج وشلت فكرت الزواج من راسى
ابو فيصل :وزواجك الى بلندن وغيره وغيره ...((طبعا اهنيه خالد انصدم او ماعرف شيقول ولا هو قادر ينكر لان
كل الكلام اللى قاله ابوه صحيح )).......................وانت عبالك انى ما درى عن سوالفك وخرابيطك
لاء يابابا انت غلطان .......انا عارف كل كبيره وكل اصغيره عنك وعن اخوانك .....انا كنت امخليك
قلت يمكن باجر ايعقل ...............يمكن اي حس ابخطاه .........بس لاحيات لمن تنادى .........
وعقب كل هذى جاى اتقولى انا مانى متزوج علا ذوقك......لاء بالتزوج عصبا عنك البنت اللى اخترتها لك
انا ...ادب ......اصل......اخلاق.......تربيه.........جمال..... .......ماتقل عن مرت فيصل ...لاء ويكن اتزيد
ناس الواحد يتشرف ابنسبهم ..........مو خريجين السجون والمدمنين اللى كنت بتناسبهم ...........لاء او بعد اتقولى
بختار علا ذوقى ...............
طبعا خالد مصدوم..................... ومو قادر يستوعب اللى قاعد يسمعه...........خالد اللى عمره ما انغصب علا
شى بحياته .........يينغصب لاء او علا زواج بعد..............حس انه مو قادر يقعد اكثر مع ابوه خلاص وصل حده
خالد :بعد يبه عندك شى ماقلته اقصد ما غصبتنى عليه ....اى مو انا بنتك اللى مالها راى ......اتغصبونها علا
الزواج.......يبه زواج انا مانى متزوج .......وايذا انت معجب فيها الهالدرجه ...تزوجها انت ......وطلع من الغرفه
ومن البيت ابكبره الا علا دخلت امه..........خلود وين رايح ........بس مارد عليها وطلع مثل البرق
ام فيصل : بسم الله اشفيه اخوكم طالع مايشوف اللى جدامه؟؟؟؟؟؟؟؟؟؟؟؟؟؟
فرح :مادرى يمه كان عند ابوى ساعه كامله بغرفت المكتب ومادر اشصار او طلع جذيه؟؟؟؟؟؟؟؟؟؟؟؟؟
ام فيصل:وهى تقعد انزين ماتدرون اشصار
فجر:لاء يمه ماندرى
يتبع ,,,,
👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -