بارت جديد

رواية قررت اموت بحبك -7

رواية قررت اموت بحبك -7


رواية قررت اموت بحبك -7


روان: العنود
العنود تسوي نفسها نايمه لانها عارفه روان وش تبي منها:همممممممممم
روان : قومي بكلمك
العنود: هممممم بعدين بعدين
روان: العنود عن الاستهبال قومي ادري انك ما نمتي
العنود : وهذا انا قمت وش بغيتي
روان: قومي خل نطلع برا عن البنات خليهم ينامون

طلعوو العنود وروان للصاله : العنوود
العنود: نعم
روان : ليش سويتي كذا؟؟
العنود: وش سويت؟؟
روان: العنود عن الاستهبال وش خلاك تروحين له وش اتفقنى مو قلتي بتنسينه
العنود: اول شي انا مارحت له شفته صدفه كنت رايحه اجيب الحلى وشفته
روان: ويوم شفتيه ليه مارجعتي؟؟
العنود: اصلا ما انتبهت انه موجود الا بعدين ويوم شفته جيت بروح مسك يدي وماقدرت اروح
روان: ياسلااام وليه ما ناديتيني نسيتي ا ن وراك رجال
العنود: قولي والله يازيني اصارخ عشان يجي احد انتي ماشفتي كيف كان شكلي يوم سمعت صوت
روان: اقولك شي
العنود: قولي
روان: اصلا يوم رحتي تجيبين الحلا لحقتك قلت اروح اشيل معها حرام
العنود: ايوه
روان: ويوم سمعت خالد يكلمك رجعت شوي وجلست اسمع
العنود: نعم نعم
روان: قلت حرام انتي تحبينه وهو يحبك يمكن تتراضون رحمتكم
العنود: ايوه ياسلاااام شايفتنا مساكين على باب الله رحمتكم
روان: خليني اكمل
العنود: بعد فيه تكمله
روان: اكيييييييييييييييييييييييييييييييييييييييد
العنود: كملي اسمعك
روان: ويوم شفتك تبكين والاخ زودها شوي قلت خل اطلع صوت عشان يعقل
العنود: ماشاء الله عليك ومسويه قويه تهاوشينه العنود تقلدها اطلع يا استاذ خالد ولا اشوفك تتعرض لها ومدري ايش
روان: ايه خليه يحس ان وراك رجال ومره وحده يعقل ويحسب الف حساب قبل يتهمك بشي
العنود: والله انك منتي هينه يانونو
رووان: افا عليك وراك نونو
العنود: طيب يا وراك نونو وش رايك نروح ننام لاني داااااااااااااااااايخه
روان: والله وانا بعد داااااااااااااااااااااايخه



اليوم الثاني الظهر



ميس: بنااااات يله قومو جده تقول زودتوها
ديما: روان لو سمحتي اطلعي وسكري الباب
ميس بطرااااااااااخ: دييييييييييييييييييييييييييييييييييييييييييييييماا ااااااااااااااااااااااااااا
ديما بعصبيه رمت المخده على ميس: برااااااااااااااااااااااااا
ميس: هههههههههههههههههههههههههههههه احسن شكلك يضحك يبيله صوووورة

ميس حولت على البنات وحده وحده وبلت فيهم ولين قاموو

ريم: بناات طفشااااااااااااااااااااانه
ربى : وانا بععععد
الهنوف: يعني وش نسوي لكم
روان : انتو ما شبعتووو امس كنا في حفله وش تبون بعد
جنى: صرااااااحه انا بعد طفشاااااااااااانه
ديما: وانا بعد
الهنوف: يعني
جنى : وزش رايكم نكلم شوق ونقولها نروح لهم البيت
العنود: شوق اليوم جاينهم عيال عمها
حنى : افففففففففففففف وش نسوي يعني
روان : بنات لقيتها
العنود:ايش
روان: نقول لسيد طلع السياره ونرح السووق نقضي للمدرسه وبعدين نتعشى ونرجع البيت
الهنوف: انتوو تقضون للمدرسه واحنا وش نسوي نجلس في البيت
جنى: لا تعالو معنا وقضووو للجامعه
الهنوف: والله ميب شينه
روان: اتفقنااا
البنات: اتفقناااااااا


في السياره

العنود: تدرووووووووووووون مين وحشني؟؟
رواان: مييييين؟؟
العنود: فنوونه وربي قاطعه ما اتصلت علي ولا شي مررررررررره وحشتني الدبى
روان: واناا اثير وحشتني
العنود: لا اثوور يا حبي لها الظهر مكلمتني هي الوحيد هالي ما قطعتني
جنى : وهيفاء
العنود : اما هيفااء وخروو عنها تدق نص المكالمه تهزيئ وبعدين تسولف بس تجنن
روان: اف تخيلوو بنات سوير الخبله مكلمتني وهي تضحك اقولها وش فيك
العنود: ايوه
روان : تقول بنت ىاختي مسكها الكهرب ورجولها من تحت سوداا
جنى : ههههههههههههههههههههههههههههههههههه وسوير المجنونه تضحك
العنود: ايه قالت لي ياحبي لها الخبله ههههههههههههههههههههههههههههه
ميس: والله انكم تحف انوو وصديقاتكم
العنود: ليه غيراااانه غيراانه تبين مثلهم ما يحصلك مثلهم لو تلفين العالم كله
ميس: يا واثق انت
العنود: يحقلنا انا وصديقاتي صح نونو صح جوجو
روان و جنى : اكيييييييييييييييييييييييييييييييييييييييييييييييي ييد
الهنوف: عااد بنتا تددروون مين يعجبني فيهم
روان:: مييييييييييييين؟؟
الهنوف: هدى تهبل ودمها خفيف
جنى: ايه هدى خروو عنها اتحدى احد يمر من جنبها وما تطلع فيه عيب او تطنز عليه
العنود: هههههههههههههههههههههههههههههههههههههههههههههههههه هههههههههههه
جنى : خيروش يضحكك
العنود: ههههههههههههه تذك ههههههههههه تذكرت ههههههههههههههههههههه كشك
روان: ههههههههههههههه ايه كشك يا حرااااااااااام ههههههههههههههههههههههههههههههه
ديما: مين كشك؟؟
جنى : هذي بنت جتنا المدرسه مسويه بووي ومافي شي مو حاطته في شعرها ويدها اساور وسلاسل وشباصات
المهم مرت من جنبنا عاد هدى ايه هين تمر من عندنا من غير ما تعلق علها هدى
ديما: ايوه
جنى: وقالت هدى بنات بنات شوفوو كشك واحنا دورينا متنا من الضحك
ديما: هههههه والله انها مجنونه
الهنوف: بس تعجبني خطييييييييييره كلامها في محله


في السوق


ريم: بنات انا وربى وجنى والعنود وروان خلصنا
ديما: طيب مين بقى؟؟
ريم: الهنوف و ميس
ديما: يا الله الحين وش يطلع الهنوف وميس من السوق بنموت جووع بسببهم
روان : عندي اقتراح
ديما: قولي
روان: نروح ونخليهم
ديما: لا والله نروح ونخليهم عشان ميس تذبحنا وحده وحده ولا بنروح المكان الي تموت عليه مطعم صيني يعني جد بنموت
روان: هههههه اختي وانا اعرفها تسويهاا
ديما: اجل اشوى انك عارفه

جو ميس والهنوف وراحوو على المطعم


في المطعم



ديما: اقوول ميووسه تدرين وش كانت اختك الحلوه نونو ناويه عليـ....
روان تقاطعها: الله يا توم وش ناويه عليه يعني بس قلت وش رايكم نادي ميس ونروح نتعشى بسرعه بس
ديما: اف يانصاابه بس ما اقدر اقول الا جع خوفي من ربي
روان والبنات:هههههههههههههههههههههههههه
العنود: بنات لقيتها
جنى: ايش؟؟
العنود: وش رايكم قبل ما تبدى المدارس والكرف والتعب وبما اننا اخر سنه والترم الثاثي وعلمي بعد وش رايكم نطلع
روان: قولي والله لايكون احنا فلبيت واحنا ما ندري
العنود: باايخه انتي خليتيني اكمل كلامي
روان: كملي
العنود: نعزم فنونه واثوور وسوسو وشواقه وباقي البنات ونطلع الملاهي مثلاا
جنى: اممممممممممممم والله فكره
العنود: وانتي نونو
روان: والله ونااااااسه نغير جوو ومن زمان عنهم بعد
العنود: اوك اجل خلينا نكلمهم ونقولهم
ميس: هيه انتو ماتستحون قدامنا تتكلمون ولافكرتو تقولون تعالو معنا
العنود: اول شي انتو ما يبيلكم عزيمه وثاني شي الهنوف مراح تجي اذا ما جا احد من صديقاتها وديما ما تحب الملاهي وانتي حياك الله لوبتجين
ميس: اكييييييييييد اصلا حتى لو ما عزمتي بجي
العنود: ياحبي لك بس
ميس: فدييييييييييييييييييييييتك انا
روان: ريم وربى ماله داعي تجون
ريم: نعم نعم وليش ان شاء االله
روان: لانه تترتب على جيتكم معنا مخاطر
ربى : ايوه الي هي
روان: وعد ونوف والبزران الباقين بيقولون بنجي واحنا بصراحه مالنا خلق بزران
ريم: ولاتكونين يا اختي العزيزه عادتني من البزران
روان: البيب بلاشاره يفهم
ربى: والله لو تموتون كلكم تروحون واحنا الثنتين لا مافيه
ريم : بعدين انتي تقارنينا بوعد ونوف احنا في الثانوي وهم بزران متوسط
روان: مو مشكلتي هم اذا شافوكم قلتو بنروح قالو بنروح
ربى : طيب وش حارق رزك خليهم يروحون
روان: معليه عليه النار
البنات:ههههههههههههههههههههههههههههههههه
ربى : بايخه ما تنكتين
روان : محد قالك اضحكي
ربى: خليهم يروحون عادي
روان: انتي ما تفهمين اذا شافوهم الي اصغر منهم قالو بنروح ويازينا جاين كلنا الملاهي
ربى : افففففففففففففففففففففففففففففففففف والله م على كيفك
العنود: ربى ريم خلاص بعدين نتفاهم تعشوو وفي البيت نتفاهم
ريم وربى: نشووف
تعشووو ورجعوو كل وحده فيهم بيتها وقرروا نهم بكره يتفاهمون


انتهى الباريت



البارت الحادي عشر


11

اليوم الثاني بعد الملاهي كانو متجمعين في بيت العائله

الجده : يا حي الله عيالي مابغيتو تجون ونتجمع من عقب السفره مررررررررره قطعتونا معد شفناكم
روان: اكيييييييييييييييييييييييييييييييييييييييد تقصديني انا كثر وحده وحشتك فيهم صح جده
جنى: اظن قالت قاطعين مو واحشيني الا اذا شايفه نفسك قاطعه شي ثاني
روان: باااااااااااااايخه وبعدين ماكلمتك كلمت جدتي القمر
الجد: اقول بدينا ترى مالي خلق هواشكم خلكم مثل العنود
العنود: احم احم فديتك والله ياجدي
ابو راكان : اقول اسكتو كلكم وراكم هواش اطلعو برا
روان: افاااا يا عمي الله لايجيب الزعل بينا
العنود وجنى: آآآآآآآآآآآآآآآآآآآآميييييييييييييييييييييييين
ديما:وربي اني زهقت وين ايام اول الطلعات والفله
ميس: ايه والله جدوو من زمان عن مزرعتنا وش رايك نطلع لها قبل المرارس
الجد:والله ميب شينه بس انا تمس كنت مفكر نطلع نخيم في البر مدام الجو زين
البنات:واااااااااااااااااااااااااااو حلو
العنود: ايه والله البر احلى من المزرعه خلوها بعدين
روان: ايه صح
ميس: من قالكم اصلا غيرت رائي بروح البر احد تجيه عزيمت بر ويقول لا
الجد ابو هاشم: هاه يا ابو راكان وش قلت؟؟
ابو راكان: سم يبه صار ما ورانا شي وفرصه نغير جوو
الجد: وانتم يا ابوعبد لاله وابو فيصل وفهد
الرجال: صار
الجد: اجل بكره الفجر نمشي
الرجال: تم
البناااات : واااااااااااااو وناااااااااااسه
روان : خليها وعليهاا
جنى: بااااااااااااااايخه
العنود: محد قالك اضحكي حفضنا السيناريو
روان: وش قصدك يعني
العنود: مو كنتي بتقولين كذا
روان: صح
ديما : وجنى بتقول مراح ارد عليك
جنى: صح
العنود: اجل احسن شي اسكتو وتعالو معي غرفتي ساعدوني نجهز الاغراض لبكره
روان: وش ورانا يله
جنى: بنات صح كم بنجلس في البر
الهنوف: مدري اسألي جدي
ديما: والله ودي اطول مو يوم ولا يومين ونرجع
جنى: جدي
الجد: نعم
جنى: كم بنجلس في البر
الجد: اقل شي اربع ايام ولو عجبنا الجو جلسنا اكثر
جنى: وااااو حلوو
العنود: اجل مشينا نجهز
البنات: يله


في غرفة العنود



العنود: روااااان ميييييييس حرام عليكم ذبحتوني بسكم هواااش
روان: والله ميس تقهر اقولها هنا توديه هناك
ميس: لا والله احلفي بس شغالة عندك تقولين ماتفهم
العنود: الله يخليكم اسكتوو او تدرون اطلعوو برااا
ميس : افا تطرديني اختى عاادي بس اناا تطرديني
العنود: بلاك ذبحتيني
ميس: ترى هيه انا اكبر منك
العنود: ما تلاحظين انك مكبرتها بزياده اكبر منك اكبر منك ترى كلها سنه
ميس: المهم اكبر
ديما: انتو هيه استحو على وجيهكم كل وحده اكبر من الثانيه وهواش
الهنوف: صراح هانا افزع مع العنود قسم بربي جابولي الصداع بهواشهم
العنود: شكلي انا بطلع برا وبترك لكم الغرفه
جنى: افاا غرفتك وتتركينها مايصلح
العنود: لا يصلح اصلا بطلع اقول لعمه حنان ابي السواق
ديمما: وش عندك ؟؟
العنود: بجيب من السوبر ماركت اغراض للبر
روان: ياسلام وانا ابروح وياك
العنود: وانتي من قالك اني بطلع بس بقوله جيب وهو يروح يجيب
جنى: وش رايكم نروح احنا احسن عشان نختار على كيفنا
العنود: امممممممممممممم اقول بنات وش رايكم تنامون عندي عشان بكره نركب سياره وحده
الهنوف :حلوو بس احنا ما جهزنا اغراضنا جدي الله يهديه ماقال لنا الا من ساعه
العنود: عاادي حلها عندي
ديما : وش لون
العنود: اكلم شوق واقولها تقول لأهلها انها بتنام عندنا ونقولها تجهز اغراضها وامر عليها اخذها ونروح السوبر ماركت ونجيب الاغراض
روان: طيب واحنا ؟؟
العنود: وانا طالعه اخذكم معي ونحط كل وحده في بيتها وجهزو اغراضكم على ما نرجع من السوبر ماركت ولين خلصنا مرينا عليكم حلوو
جنى: حلوو
العنود: اجل يله مشينا نقول لأمهاتكم



في الصاله تحت عند العائله

الهنوف:الزينه القمر الحلوه
ام فيصل (سمر):ايووووووه زينه وقمر وحلوه وراها إن وش عندك ادخل في الموضوع؟؟
الهنوف: ياحبي لك ياماما دايممااا فاهمتني
ام فيصل: اذا سمر ماتفهم هنوفه مين يفهمها؟؟
الهنوف: والله انك صادقه
سمر: وش بغيتي؟؟
الهنوف: مامي والله ودي انام انا وجنى وربى عند عنوودة ماما بليز ماتقولين لا
ام فيصل/:بكره بنمشي البر ماينفع وبعدين تعالي البيت جهزي اغراضك
الهنوف: احنا حلينا السالفه بس تنتي قولي تم وخلاص
ام فيصل: كيفكم عقلك في راسك تعرفين خلاصك تم
الهنوف: فديتك يا احلى ام
ام فيصل : ايه اكيد احلى ام خليتك تسوين الي تبين مااصير احلى ام
الهنوف: حرام ياماما والله احلى ام
ام فيصل: بس قولي لأبوك انا مالي دخل الحين
الهنوف: افاا عليك ابوي مضبطته من زمان بس هوو قالي روحي لامك اساليها اول
ام فيصل: والله انك منتي هينه
الهنوف: افا عليك انا الهنوف

في المدخل كانو يلبسون عباياتهم بعد ما استأذنو من اهلهم

الهنوف: انا جيت يله مشينا
العنود: توها ميس ما جت من عند ابوها
روان: اقول وش رايكم اروح ما اختي اساعدها اخاف ما قدرت على ابوي
ريم: لا ميس قدها وقدوود شوفيها جايه مبسووطه شكله وافقت
ميس: هااااااااااي يله مشينا
ريم: بعدي بأختي القويه
ميس: مشكووره يا قلبي ياريموو
جنى: اقول بنات يله مشنا لا نتأخر على راكان
العنود بستغراب: راكان؟؟؟؟؟؟؟؟؟؟؟؟؟؟؟
جنى: ايه راكان رحت اقول لعمه حنان عن السواق قال راكان انا فاضي بوديكم
العنود: اوك خلاص روحوو انتوو معه وانا اروح مع السواق
روان: بلحالك
العنود:لا مو بلحالي وبعدين انا بمر على شوق وشوق بيتها قريب يعني مراح اكون بلحالي
الهنوف: اقول بس عاادي امشي معنا احسن
العنود: لالالالا مابي اطلعوو الحين لا تتأخرون على الولد وبلحقكم
طلعوو البنات ماعداا روان: ممكن افهم ليه ماتبين تروحين معنا
العنود: كذااا ما ابي مالي خلق نظراته وبعدين بمر بيت شوق لو شاف خالد او خالد شافه
روان : عاادي لو راكان شافه راكان هادي
العنود: راكان هادي لكن لما يشوف خالد يقلب 180 درجه تبن يفضحني عند البنات لا تكفين
روان: اجل اجي معك
العنود: لاحبيبتي لاتخافين زي ماقلت البيت قريب مراح اكون بلحالي
روان: اوك على راحتك بس...........
العنود قاطعتها: بس ايش؟؟؟
روان: لو شفتي خالد؟؟
العنود: عاادي مرح ااعطيه وجه خلاص مصخت السالفه وبعدين الي اعرفه من شوق ان خالد في الشركه هذا الوقت
روان: اجل زين بس زي ماصيتك لا تعطينه وجه مهما صاار اوك
العنود:اوك تسلميلي بس اطلعي لايذبحونك ميس والهنوف
روان: ههه معك حق يسوونها باااي
العنود: باااي

راحوو البنات وراح العنود مع السواق على بيت شووق
العنود: الوووووو
شوق: هلا
العنود: انا عند الباب
شووق: العنود بالله انزلي باقيلي كم غرض مراح اطول استنيني جواا احسن
العنود: اوك خلي احد يفتحلي الباب باااي
شووق: اوك باااي



نزلت العنود من السياره ووقفت عند الباب هذاا الي كانت خااافه منه وماتبي تشووفه خالد يفح لها الباب
العنود اول ما شافته كانت تدعي ربها انه مايعرفها او ماينتبه لها انها هي بس احياناا تجري الرياح بما لاتشتهي السفن


خالد: وش دعوه دااخله على يهوود حتى ماقلتي السلام عليكم
العنود لارد
خالد: عمووما نمشيها لك كيفك؟؟
العنود لما الحين مو مستوعبه هذا انهبل يكلمني في بيتهم كذا لوسمعنا احد وماردت عليه
خالد:مابغيتي تتنازلين وتزورينا في البيت
العنود خلاص معد قدرت تسكت اكثر و بخوف بس تخفيه قالت : انا ماجيت زياره انا جايه اخذ شوق واطلع
خالد: ادري انك مو جايه عشاني بس انا قمت افتح الباب عشانك
العنود: لو سمحت ممكن تبعد عن الباب عشان ادخل
خالد: بس كذا ويبعد عن الباب ويكمل تفضلي
العنود بثقه وماعطته وجه: زاد فضلك ودخلت وتوها بتمش لداخل يوقفها صووته
خالد: على فكره الباب مقفل
العنود : يعني؟؟؟؟
خالد: قلتيلي يعني يعني مراح تدخلين لين نتفاهم
العنود: اظن يا استاذ خالد هذا مو الوقت المناسب اننا نتفاهم فيه وبعدين مافي شي نتفاهم عليه واظن قلتلك قبل كذا الي عندي
خالد: وانا ماقلت لك الي عندي
العنود: انا ما ابي اسمع شي كيفي غصب يعني
خالد: ايه غصب
العنود جت بتتكلم بس وقفها صوت جوالها ويوم شافة الرقم انصدمت كيف بترد قداامه وشلووون وش بتسوي وظل الجوال يرن وصحاها من الي هي فيه صوت خالد: ردي ليش ماتردين
العنود بخوف: لاماله داااعي بعدين
خالدحس ان العنود خايفه بس ليش : لا ردي انا اقول ردي
العنود: مااااااااااااااااابي كيفي حتى جوالي بتتحكم فيه
خالد: اوك هاتي انا ارد
العنود: نعم نعم خير انت
خالد: هاتي الجوال
العنود: يا اخي صديقتي وشتبي انت؟؟
خالد: دامها صديقتك ردي عليها وقوليلها بكلمك بعدين ليه تخلينها
العنود حست انها خلاص ما تقدر تسوي شي ولازم ترد : بس توعدني ما تتكلم ابد مهما صار
خالد بطنازه: ليه تغرين علي من صديقتك
العنود بدت تعصب من خالد: خالد انا ماني اصغر عيالك تتطنز علي وبعدين قلت اوعدي وخلاص
خالد: بوعدك بس بشرط تفتحين السبيكر
العنود: اوك بس قول وعد
خالد:وعد
العنود اخذت نفس تخفف من الي في نفسها وردت: الوووو


يتبع ,,,,,

👇👇👇
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -