رواية قررت اموت بحبك -8
اهلين وينك ما تردين؟؟العنود:كان في الشنطه وماسمعته وش بغيت
:ابد بس شفتك ماجيتي مع البنات قلت ادق اسأل اخاف فيك شي
العنود: مشكور راكان مافيني شي بس عشان كنت بمر على شوق قلت ما اثقل عليك
راكان: وش تثقلين لاتقولين هذا الكلام ازعل منك
العنود: تسلم بس بغيت شي؟؟
راكان: ايه والله بغيت اعترف لك بش بس دامك منتي في البيت خلاص وقت ثاني
العنود لارد لأنها كانت عيونها معلقه على خالد الي الى الان مو مبين على ملامحه انه معصب بس كان هااااااااادي
راكان: قلبي معي؟؟
العنود انصدمت من جرائة راكان وماقدرت تتكلم وخالد هنا ماقدر يكون هادي اكثر من كذا سحب الجوال من يد العنود وسكر الخط في وجه راكان و قفل الجوال من فوق
خالد بعصبيه خوفة العنود: امسكي
العنود ما تكلمت
خالد: قسم بالله لو اسمع انه داق على جوالك مره ثانيه لاذبحه ساامعه
العنود: سامعه
خالد: ويميناا بالله لو ادري بعد انك فتحتي جوالك اليوم مايحصل لك خير يله ادخلي داخل
العنود مشت لين وصلت للباب وما انفتح التفتت على خالدولقته ما شال عينه عنها تحاشت نظراته وقالت: الباب مقفل
جا عندها خالد وفتح لها الباب من غير ما يتكلم ولا كلمه دخلت وطلعت عند شوق في غرفتها
العنود: السلام عليكم
شوق: هلا والله وغلا وينك يابنت من ساعة مكلمتك
العنود: اف ساعه كلها ربع ساعه
شوقك: المهم تأخرتي
العنود:خلاص عاد لاتصيرين باايخه سوووري
شوق: خلاص المره هذي سماااااااااح بس ما ابيها تتكرر
العنود وهي تأشر على عيونها: من عيوني
شوق : تسلم عيونك
العنود: يله خلصي البنات يستنونا
شوق: اييييييييييييييييييييييييه خلاص خلصت من زمان
العنود: حلوو اجل يله
شوق: مشينا
نزلو العنود وشوق من الغرفه وقبل لايطلعون وقفهم صوت خالد: وين رايحين
شوق: بنمر السوبر ماركت وبعدين نروح لبيت العنود
خالد: انا اجل تعالو معي انا بشتري لي كم غرض من السوبر ماركت
شوق: السواق براا
خالد: وإذا خليه يروح صعبه
الايطلع من المجلس نواف: السلام عليكم
العنود وشوق وخالد : وعليكم السلام
نواف: الله بن تاخوي هوون وانا ما ادري
العنود: ليش انت تدري عن بنت اخوك؟؟
نواف: افااا ماهقيتها
العنود: بس عاادي بعديها لك عشااني احبك
نواف: فديتك والله وانا بعد احبك
خالد: خلص الفلم الهندي حقكم
نواف: ليه غيراان غيراان
خالد: لا ليش اغاار بس اخلص خلونا نطلع
نواف: بتروحون معنا
خالد : ايه يبون السوبر ماركت قلت الطريق واحد نروح سواا
نواف: سواا ولا لناا
خالد: بااايخه
نواف: ادري
شوق: العننود اجل كلمي السواق قوليله رووح
خالد هنا التفت على العنود بيشوف سمعت كلامه ولا عاندته وفتحت الجوال: جوالي طفى مافيه شحن الحين واحنا طالعين اقوله
نواف: اجل مشينا
قالو للسواق روح وفي السياره:الا ماقلتولي نروح أي سوبر ماركت
نواف:امممممممممممممم جيان
شوق: لالالا كارفوور انا والعنود نحبه
خالد: اجل نروح كارفور
نواف: ايوه على كيفهم تودينا
خالد: شوق تحبه والعنود تحبه وانا احبه
نواف: تكفى ماك على غفلة انا احبه اعلان هوو
خالد: والله كيفي انا احبه
الا يقطع عليهم صوت جوال شوووق: العنود تدرين مين جالس يدق علي؟؟
العنود:مين؟؟؟؟
شوق: دعاء
العنود: دعااااء دعاااء مين؟؟ بنت عمي
شوق: فيه غيرها؟؟
العنود: وش تبي ؟؟؟ ردي عليها
شوق: الوووووو
دعاء: اهلين كيفك شووق؟؟
شوق:الحمد لله انتي كيفك؟؟
دعاء: بخير دامك بخير
شوق: الله يسلمك
دعاء: الا شوق بغيت أسألك العنود بنت عمي معك
شوق وهي تلتفت على العنود: االعنود ايه معي بغيتيها
دعاء: ايه والله
شوق: هذي هي معك مع السلامه
اعطت العنود الجوال: الوووو
دعاء: اهين هلا والله ببنت عمي وينك يا بنت
العنود : موو جوده ليش؟؟
دعاء: ابد خفنا عليك
العنود: خفتوو علي!!!!!اناقايله لعماتي وبابا بطلع
دعاء: لا مو عماتك وابوك
العنود: اجل؟؟؟؟
دعاء: راكان
العنود هنا تغيرت ملامحها الله يعينها كيف بتعدي الموضوع:ليه؟؟
دعاء: لابس كنتي تكلمينه وقطع في وجه وخاف عليك
العنود: اهاا لا بس جوالي مافيه بطاريه فطفى
دعاء: اكيييييييييد
العنود: ايه اكيد اجل اكذب عليك
دعاء: لا حاشاك
العنود تغير الموضوع: بتجين بكره معنا صح
دعاء : اكيييييييييييييييييييييييييييد
العنود: زين اجل اشوفك بكره توصين شي
دعااء: سلامتك
العنود: الله يسلمك بااي
دعاء: بااي
سكرت الخط :شوااقه ثانكس
شوق: يسلمووو وكملت الاوش الطاري دااقه وش تبي فيك خايفه عليك ومدري ايش
العنود:مو مهم ماعليك منها
خالد كان مرتفع ظغطه من دعاء واخوها ووده يذبحهم ":وصلناا يله انزلوو
داخل السوبر ماركت
نواف: خلونا نخلص بسرعه ابوي يقول وين البنات تأخرتوو عشان كذا بنتقسم والي يخلص يرجع هنا ينتضر الباقين اوك
خالد: اوك
العنود وشوق: اوك
كانت تمشي في حالها وتختار ومو منتبههه لطريقها ابد وهي ماشيه جاولد صغير يركض يلعب مع اخته وبغى يصقع فيهاا وبعدت عنه بسرعه بس صقعت في الي اقوى منه جسم وعضلات ياحراام <<تكسرت البنت
طرآآآآآآآآخ
طرآآآآآآآآخ
طرآآآآآآآآخ
طرآآآآآآآآخ
اول ما صقعت فيه بغت تطيح على الارض بس كانت يده اقرب لها فمسكها كانت متلثمه وحاطه الغطى على وجهها ويوم صقعت فيه طاحت الطرحه يعني ما بان منها الا عيونها
:أأأأأأأأأأأأأأح ماتشووف انت فتح عيوونك
: اسف اختي
: أي آسف بعد ما كسرتني قلت آسف
: بس ان شاء الله ما تعورتي
: هلمره بعديها بس مره ثا...............
شوق اول مارفعت راسها وشافت الي صقعت فيه انصدمت وبغت تطلع عيونها من مكانها وماقدرت تكمل كلامها والمشكله هي الي غلطانه وتهاوش هي الي لفت عليه مو هوو
نواف اول ماشوق رفعت راسها وشاف عيونها ما يدري حس بأيش ومعرف حتى يعبر ويتكلم ما على السانه الا كلمة: آسف اختي آسف اختي
شوق ما تدري وش تسوي: حص ل خير حصل خير
الايقطع عليهم صوت العنود تنادي: شوق شووق
شوق حطت الغطى على وجهها والتفتت على العنود: هلا بغيتي شي
شوق راحت مع العنود ونواف معقوولة شوق شوق اخت خالد كيف ما عرفتها وطاحة البنت تهزيئ فيني وانا واقف في مكاني يحليلها
خلصوو الي يبونه وراحو على البيت وعشان يوصلون العنود وشوق الي بتنام عندهم
في غرفة العنود
بعد ما نامو البنات كلهم والبيت عشان بيمشون الفجر مابقى الا شوق والعنود شوق العنود الي تفكر بخالد وشوق الي تفكر بفارس كيف وليش سوا فيها كذاا؟؟ قطع عليها افكارها صوت الجوال حقها
شوق: العنود نمتي؟؟
العنود: لا بغيتي شي
شوق: تعالي براا شوي بكلمك
العنود: اوك
طلعو برااا: وش بغيتي
شوق: فيه رقم ذبحني يمكن من اسبووع دااايم يدق بس ما ارد عليه
العنود: ليش يمكن احد مهم
شوق: لا يدق دايماا وانا ما اكون فاضيه او نايمه يعني ما افضى
العنود: بنت ولا ولد هوو
شوق : اقولك مدري ماقد رديت قبل كذاا على هذا الرقم
العنود: هو الي يدق من شوي؟؟
شووق: ايه
الا يرن مره ثانيه الجوال العنود: يله ردي ردي شوق
ردت شوق بسرعه قبل لا يسكر:الووو
في الاول سكت بعدين: الوووو
شوق اول ما سمعت صوت رجال خافت وسكرت الخط
العنود: مين؟؟؟
شوق: مدري؟؟؟
العنود:طيب ليه سكرتي وانتي ما عرفتي مين؟؟؟
شوق: صوت رجال خفت
العنود: بااايخه كان كملتي عشان نعرف مين ؟؟
شوق: يمكن يدق بعد شوي
العنود: ان شاءالله
بعد فتره
العنود:اقول شووق شكره مرااح يدق
شوق: شكله
العنود: اجل نرووح ننام وبكره يحلها ربك
شوق: يله
الفجر
سنه: انوووود انوووود شوك شوك يله قووم حبيبي بسرئة(عنود شوق يله حبيبتي قومو بسرعه)
العنود: طيب طيب اطلعي براا الحين
شووق: لارد
سنه: روااان روواان يله ديماا ديما
روان: والله ان قمت عليك لا اعلمك منهي روان
سنه خافت تسويها روان: هنوب هنوب يله حبيبي ميس (هنوف ميس)
الهنوف: خلاص ما تسمعين قمنا قمنا
سنه : بعدين ماما هنان في هاو شانا( بعدين ماما حنان تهاوشني)
ميس: والله لا اعلمك وشولون تهاوشك لو ما طلعتي
طلعت سنه وبعد فتره قصيره دخلت العمه بدور: بناااااات بنااااااااات خلصوني تحركوو البيت كله قام الا انتوو قومو صلو والبسوو عااد انتوو متى تخلصون يومكم بسنه
العنود: ان شاء الله يا عمه
قاموا لبنات ولبسووو وطلعوو يركبون السياره
في البر
الجد : يا عيال يله انصبو الخياام
العيال: ان شاءالله
سلطان: اقول فهد ورى ما تجي تساعدنا
فهد:سوووري انا تعبااااااااااااان تعباااااااااااان منهك
نواف: تكفى يا المنهك انت
حطو الخيام على قسمين طبعااا قسم للرجال وقسم للحريم عشان ياخذون الحريم راحتهم
عند الرحريم
الجده: تراني ما حظرت عرووس من زمان وعيالكم عجزوو ما زوجتوهم هين البنات يجي نصيبهم بس العيال هاه يا ام فهد وفيصل
ام فهد: والله يا خالتي هذا ابو فهد يقول وده يزوج فهد
الجده : زين وش يحتري
ام فهد: ما نحتري شي بس مهم راي فهد بعد
الجده :وش بيقول كبر وهو ما اتزوج والشغل جاهز
ام فهد: كلميه ياخالتي يمكن يسمع منك
الجده : نشووف وانتي ام فيصل ؟؟
اف فيصل: والله يمه فيصل ذبحني انا وابوه انتظري شوي وانتظري شوي وش معجلكم توني صغير
الجده: هوو صغير يشتغل وصغير هوو كم عمره؟؟
ام فيصل: هوو وفهد كبر بعض 23
الجده: 23 وصغير الي كبره متزوج وعند عيال
ام فيصل: لا حراام عليك ياخالتي مو لهدرجه
الجده : ان اوريك فيهم وانتي يا ام عبد الله؟؟
ام عبدالله: انا لا تسأليني
الجده : ليش ؟؟
ام عبد الله : والله خالد ذبحني من يوم رجع من كنداا وانا ازن على راسه ما عنده الاان شاءالله يصير خير
الجده: وراه يا كافي
ام عبد الله : والله تعبت منه
الجده : الله يهديه بس خليه علي ان ما مسكته من اذنه هوو وصديقه حتى نواافووه ازن على راسه ومعيي
ام عبدالله: ايه زين تسوين فيهم
عند الرجال
ابو راكان: والله اني تعبت من ذي الشركه ياابو عبدالله
ابو عبداله ليش؟؟
أبو راكان: خلاص ودي اتقاعد
ابو عبدالله: توك شبااب
ابو راكان: أي شبااب اله يهديك
ابو عبدالله: ويهديك معي
ابو راكان: بس ما يمديني
ابو عبدالله: وش ما يمديك عليه؟؟
ابو راكان: التقاعد
ابو عبدالله: ليش؟؟
ابو راكان: تعرف راكان توه جامعه يعني ما اقدر اخليه يمسك شغلي مو مثل ماشاءالله ابو فيصل وابوو فهد اخواني وانت يا ابو عبدالله عندك خالد الله يخليهم لكم
البو عبدالله: الله يهديك انا ما ادري انت مستعجل على ايش
الجد:اقول يا رجال قومو خل نتمشى بلى شركه بلا هم حنا طالعين نستانس مو نفكر بالشغل
الرجال: ايه والله
هذاا كان الحال عند الرجال
البناااات
ريم: بناات بنااا ت الحقوو
روان: خير
ريم : تخيلوو تخيلوو
البنات :ايش؟؟
ريم: جدتي فاطمه جالسه تجهز حرب على الشباب
روان: الله خل نساعده فيها
ريم : تدروون ايش؟؟
جنى: ايش
ريم: تقوول من زمان ما حظرت عرووس زوجوو عيالكم
الهنوف: ايوه
ريم: وامي الحريم ما صدقوو خبر قامو يشكون لها الي تشكي من فيصل والي من فهد والي من خالد وحاله
ديما: طيب وبعدين
ريم : جدتي تقول بكلمهم
العنود: اهااا بس
ريم: مو مهم يعني
شوق: طيب وامي اكيد كانت اكثر وحده اشتكت من خالد صح
ريم: اف خالتي مراام ماصدقت على ان جدتي تفتح الموضوع الا بدت تحكي وش يسوي خالد
شوق: ايه امي اعرفها حتى منشوي يوم كنا في البيت قبل نطلع جتنا بطاقة دعوة زواج ولد صديقتها ولفت على خالد يا ولدي ليه تحرمني وبشوف يالك ومن هالكلام وخالد وش رده يصير خير يصير خير
ريم: قالته
العنود تسمع الكلام ولا تعليق وطبعاا هذاا كله ما يخفى على روان
الهنوف: ودي اطلع امش خلاص طفشت من الخيمه
ميس: نطلع سوااا
البنات: يله
عند الشبااااااااااب
نايف: يا عيال والله من زمان عن البنات والمقالب ودي اسوي مقلب محترم فيهم
خالد: ياخي حرام عليك ارحمهم شوي مساكين تونا وصلنا
سلطان: لا نايف اتركه النذاله تمشي دمه
نايف: تكفى ياالحنون يلي راحمهم
عبد الاله: صراح هانا مع نايف ودي اهبل فيهم
نواف: يله نوسع صدورنا وش ورانا بس هااه ما نسوي شي مو زين
نايف: عاادي شي زين
نواف: اذا كذاا انا معكم
سلطان: وانا بعد
راكان: مو حراام
ريان: حراام عشان العنود هاااه
راكان: اقول قم ضف وجهك مع البزران وش جابك عند الكبار
نايف: اوووووووووووووووووووه تطورات صرناا نحب يا راكااانووه وانا اقول حرام ليه عشان العنود هااه
راكان: اقول قل مقلبك وانت ساكت ومالك دخل لافيني ولا في العنود
خالد هنا ماقدر يتحمل شال نفسه وطلع من غير لا يحس فيه احد
انتهى البارت الحادي عشر
توقعااتكم......
1-هل خالد راح يتزوج؟؟
2-مين ممكن يكون الي يتصل على شووق؟؟
3-هل ممكن راكان يخل العنود تحبه؟؟
البارت الثاني عشر
12
كانو يمشون وسوالف وضحك يعني فلللللللة<<ياحظهم برووح البر
شووق: العنود العنود العنود
العنود: نعم وش فيك خوفتيني؟؟
شوق: هذ..اا...هذاا هوو يدق
العنود: مين؟؟
شوق: الرقم الغريب
العنود: وش تستنين حظرتك ردي
شووق: لا يمه خايفه
العنود: شووق لا تسوين لنا زي ذيك المره ولا هاتي انا ارد
خذت نفس عميق: الووو
:لارد
شووق: بتتكلم ولا اسكر
: لالالا بتكلم لا تسكرين
شوق: نعم مين معي؟؟
بتردد:اناا...انااا....انا فارس
شوق: فارس ولد عمي
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك